موقف صار معي بيبن حالة هالشعب لوين وصلت

[كفورية بحدود]

[فقط الأعضاء المسجلين والمفعلين يمكنهم رؤية الوصلات]

10/11/2008 يوم الاثنين

اليوم طبعا الكل بيعرف شو صار بالجامعة عند البنات

طبعا ماراح اخوض بالتفاصيل لانها مابتهمني
انا بيهمني اقولكم شو صار معي

طبعا قبل مااطلع من الدار امي بتوصيني ابعدي عن الشر وغنيلو وماتحتكي ولا بأي فصيل خلينا بحالنا

المهم توكلت ع الله وطلعت الصبح

وتجمعنا بنات الكيميا بمكان معين ولا ع بالنا ولا في خاطرنا
المهم
شفنا بنات الكتلة وبنات الشبيبة بيحتكو ببعض وبيلقحوا كلام لبعض

طبعا مش موضوعنا برضو
الموضوع
احنا بنات الكيميا مالنا علاقة رسمية بأي فصيل يعني علينا بس نقعد نضحك وننبسط وندرس وناخد محاضرات ونروح

وصلنا للمهم
قاعدين احنا بنحكي
اجتلنا بنت من الكتلة وقالتلي وسعي لوسمحتي
عادي تبسمت في وجهها وقلتلها اهلا وسهلا تفضلي ................اطلعت فيا وحلقتلي :D برضو عادي مابدي اعمل قصة :D

المهم طبعا بدها تعلق بوسترات البنت (وانا ماراح اقول شو بالبوسترات لانو مش موضوعنا)
هلق بنت الكتلة اجت عنا وصارت ترمي علينا كلام مفكرانا من بنات الشبيبة واحنا ماسكين حالنا من الضحك طبعا لانو كلنا عارفين انو مالنا علاقة بأي تنظيم فلسطين1

قلنا مش مشكلة الواحد بهيك وضع صار يشك بحالو :p

شوية صغيرة الا قعدو بجنب منا تقريبا كل بنات الشبيبة وقعدو يطلعو علينا ويلقحو كلام مفكرينا بنات الكتلة ...........ويتمسخرو ...............واحنا يدوب مسكنا حالنا عن الضحك انو يعني كل واحد بيفكر تبع التاني

المهم وبنات الشبيبة بيلقحو علينا كلام اجت بنت معروفة انها من الكتلة زقتني بتقولي بصوت واطي
(لانو حوالينا الشبيبة) _انا قلت عليا السلام اكيد جاية تهددني او تقولي اعمل شي لبنات الشبيبة_ الا هيا طلعت بتاخد معايا محاضرات في مادة تربية وبدها مني الملخص

انا قلتها اكيد بس اشوفك بالمحاضرة

وبنات الشبيبة شافوني هيك وصارو يرمو كلام ............ وفكروني بجد تابعة لتنظيم معين :D :)

مالكم بالسيرة طول ............ احنا نسمع الكلام ونضحك لانو كل جهة مفكرانا لحساب الجهة التانية .......................المهم بالجولة التانية من تعليق البوسترات اجت بنت الكتلة مرة تانية (بس وحدة تانية) بتقول للي جنبها (بس نظام الكلام الك ياجارة واسمعي ياكنة) : بتعرفي يافلانة ازا البوسترات بيصير فيها اشي ماتشوفي خير :) ............................. انا عاد مش ماسكة حالي اكلت تلطيش من الجهتين
شوية صغيرة اجت بنت من الشبيبة ورايا بتكلم بصاحبتي وبتقولي (برضو نفس نظام الكلام الك ياجارة واسمعي ياكنة) بكرة المهرجان بدو يقلب الدنيا .................................المهم كلام تلقيح مابدي احكيه كلو لانو مش موضوعنا


المهم احنا حملنا حالنا وقلنا بدنا نلحق المحاضرة وطول واحنا طالعين بنضحك وميتين ضحك
انو كيف احنا مالنا علاقة ولا بتنظيم وكل وحدة بتيجي بتلقح علينا كلام على اساس انا من الطرف التاني :D:)


مغزى الكلام شغلتين :
1.احنا بنطلع من دار اهلنا عشان نتعلم مش عشان اسب فلانة والعن بنت فلان
2.انو صار بشعبنا الانتما لحزب شي متل شرب المية .........ياعمي احنا حرين احنا رايتنا الوحيدة هادي فلسطين1



بترجاكم ماحد يسب على الحركات السياسية
انا مع احترامي للجميع حبيت احكي هالموقف :D لحتى ابين الكم لوين وصلت حالتنا

اما بالنسبة للتاريخ طبعا بتسالو انتو ليه انا حطيت تاريخ وشو علاقتو بالموضوع

انا حطيت التاريخ لحتى ماحد يجيني كمان شهر يرد ويقلي الوضع بالجامعة عادي متى هالكلام صار


ميرسيييييييييي شكرا1

[لعيونـــ AL.GM ـــي وبـس]

ههههههههه

والله حال بيخزي


حسبي الله ونعم الوكيل ع اللي كان السبب

[وردة فلسطين]

ههههههههه هادي القصص كمان مش حنخلص منها

وشغلة انو كل جهة تفكرك مع الجهة التانية

يعني لو انتي مش لابسة حطة فتح ادن انتي مع حماس ولو انتي مش لابسة حطة حماس اكيد انتي فتحاوية ههههه

خلو كل العالم تضحك علينا واولهم اليهود وكل جهة بتحط الحق عالجهة التانية ومش عارفين انهم هما الي خربو البلد

[dody]

ههههههههههههههههههههههههه
متخلفين

[amier alaqsa]

حسبي الله ونعم الوكيل علي اولاد وبنات الحرام
بعين الله الله يحاسب الي كان السبب

[محمد2050]

اقلك حاجة

عااااااادي واقل من عادي

طول ما احنا هيك عمرننا ما رح ننتصر

ديري بالك هاد الموضوع الوحيد الي ما انحدف اليوم

علشان هيك اذا صار اي اي نكشة ولو صغيره سكري الموضوع :)

[**الأميرة السمــراء**]

الله يهدى الجميع يارب

[يارا]

كفورية

الله يهدي الجميع ويهدي اللي كان السبب
الاخ صار يكره اخوه عشان التنظيمات

حسبي الله ونعم الوكيل

[القيصر]

بعين الله وربنا يفرج الحال
وحمدالله علي سلامتك كفورية
بس هو هادا الاسبوع مشاكل من أولو والمشكلة بعد الاسبوع هادا راح اندوم عادي ولا كأنو صار شي

[دموع السماء]

ههههههههههههههههههههههههههههههههههههه


الله يهدينا ويبعد عنا الشر ونتعلم يارب

تحياتى

[همس القلوب2008]

اي والله الواحد كره اليوم اللي اجت فيه التنظيمات واللي انولدنا فيه والله هاي ماهي عيشة

كل يوم والتاني مشكلة اشتباكات والله ازهقنا ازهقنا

ايش بدنا نقول والله ما بيدينا الا ندعي الله يهدي الجميع ويوحدهم وينهو الخلاف هاد

لا حول ولا قوة الا بالله

[أنين الروح]

ما بحكي غير اصلح الله حالنا
وفرجها علينا يا رب غير هيك ما بحكي
والله يستر اللي جاي لسه اللي جاي اعظم تحياتي الك كفورية نورتي

[سكون الليل]

الله يهدي الجميع

حسبي الله ونعم الوكيل

[البريئة]

بعين الله
الله يصلح الحال يا رب

[جنون أنثى]

الله يهدي الجميع ويهدي البال

[فتى المستحيل]

هههههههههه

"الأكثر تهميشاً في مجتمعنا هو المستقل " أحمد مطر بتصرف

التنظيمات تعتبر " إن لم تكن معي فأنت مع عدوي"
كيف يمكن لفلسطين أن تتحرر ونحن نعاني من هذه القطيعة بين الأاخوة التي تجعلنا أمام نظر العالم جماعات همجية وهي صفة كان المحطات تصف بذلك العدو الصهيوني وهيو أكتر واحد مستفيد من هذا الإنقسام واللى دايماً بيبرز وسط أي مشكلة عشان يمص الدم ليس الفلسطيني فحسب وانما الدم أياً كان نوعه .

[رهين الماضي]

ههههههههههههههههههههه

والله وضعك كرب

بس اسمعي لو هالموقف صار بين شباب فى بعض بيتخلصو

بس البنات شاطرين بهالقصص ونقل الكلام

وازا حكمتنا بنت اكلنا هوا هههههههه ما تزعلى بمزح

باى :)

[فيفاي]

هههههههههههههههههههههههههههههههههههه
ياحرام كنتي ملطشة بين الجهتين (بمزح )

[smart_mody]

الله يصلح هالحال


بس هدول مش بنات نعومة البنات ما بتمسح انهم يعمللو هيك بس للاسف !!!


يسلمو كفورية

[ابو قصي]

بعين الله وربنا يهدي ويصلح الجميع يا رب
اااااااااااامين

[*همس المشاعر*]

تسلمي على الطرح المهم والي فعلا بنعانيس منه

ربنا يصلح حالنا وحال الملسلمين اجمعين

[الامبراطور 22]

الله يصلحهم

طبعا فى اذا ضلينا هيك فى الاحلام بننتصر فى احلام المشمش حتى

[كفورية بحدود]

مشكورين كلكم ع المرور طبعا ومنورين

ههههههههههههههههههههه

والله وضعك كرب

بس اسمعي لو هالموقف صار بين شباب فى بعض بيتخلصو

بس البنات شاطرين بهالقصص ونقل الكلام

وازا حكمتنا بنت اكلنا هوا هههههههه ما تزعلى بمزح

هههههههههههههه
طيب ياابن قسم الاحياء
بس بجد كان موقف غريب ومضحك بنفس الوقت ههههههههههههههههههههههه
انا متاكدة انو عند الولاد كان برضو ضليتكم تضحكو
لانو بجد موقف مضحك

هههههههههههههههههههههههههههههههههههه
ياحرام كنتي ملطشة بين الجهتين (بمزح )
لا والله بجد كنت ملطشة للجهتين هههههههههههههههههههه
منورة ياعسولة

الله يصلح هالحال


بس هدول مش بنات نعومة البنات ما بتمسح انهم يعمللو هيك بس للاسف !!!


يسلمو كفورية
هو انا مو كتير فهمت الكلام
بس على فهمي هههههههههههه بقولك اصلا ماكنا قادرين نعمل شي
يعني لو كلمت ورديت على بنت الكتلة كان انحسبت لحساب الشبيبة وبالعكس مع الشبيبة كمان وانا اصلا مابدي وجعة هالراس
اصلا انا انبسطت وانا اضحك هههههههههههه