خجل البنت ميزة أم عيب؟؟؟

[جنون أنثى]

السلام عليكم ورحمه الله وبركاته
بدايه اود ان اناقش معكم موضوع يهم البنوتات وهو (خجل البنت)
هل هذا الخجل هو عيب يعيقها عن ممارسه حياتها بشكل طبيعي والاختلاط بالافراد المحيطين بها ام انه ميزه يجب ان تتحلى بها كل الفتيات
وان كان الاثنان معا (ميزه وعيب) فالى اي حد يكون ميزه وكيف تنقلب الدفه ليصبح عيب يؤثر عليها
قد يكون الخجل ميزه تضفي على البنت جمالا وجاذبيه (باعتراف الكثيرين) خصوصا في هذا الزمن الذي اصبح مفتوحا اكثر من اللازم حتى فقدت الكثيرات حياؤها فاصبحت البنت الخجوله قد تكون عمله نادره
ولكنها بالفعل موجوده ولكن الى اي حد هذا الخجل يؤثر عليها
فمثلا هي تخجل من التعامل مع الناس بالجنسين
فمثلا اذا اتت احدى زميلات او صديقات الوالده تخجل البنت من الدخول للسلام عليهم
وتخجل من الحديث الى مدرساتها داخل المدرسه او خارجها
وتخجل ان تذهب لتتعرف على احدى الزميلات الجدد
و...و...و

اتمنى التحدث بكل صراحه وبكل حريه وتوضيح هل هناك فرق بين الخجل والحياء

تحيااتي لكم

[صبا]

مرسي كتير على هالموضوع الحلو
اكيد خجل البنت هوة اجمل ما فيها
بس لازم يكون خجل طبيعي مو زايد عن حده
انا بعرف بنت بتخجل كتير كتير لدرجة انها حتى لو حكت مع بنت بيحمرو خدودها عطول
وهدا الخجل انا بعتبره عيب
لكن الخجل الطبيعي اكيد ميزة حلوة كتير

و من رايي لازم البنت تكون خجولة بس بالدرجة الوسط
ويسلمو مرة تانية عيون فلسطين على هالموضوع

[nour al3ilm]

اختي الكريمه يجب الا تخلطي بين الخجل والحياء

الحياء مطلوب وهو جمال البنت بل هو البنت ننفسها فالبنت اللي من غير حيا مش بنت

اما الخجل فانا اعتبر الخجوله هبله ولا تاخذيني بهالكلمه لانه الخجل بضيع البنت وبضيع شخصيتها
ويمكن ياثر ع تعليمها

[جنون أنثى]

هاي اراء ووجهات نظر خاصة
مشكورين على مروركم

[M_H_F]

يسلمواااااااااااااااا على هالموضوع الرائع والمهم والحساس

فعلا أنا بالنسبة إلي البنت أهم شي يكون الخجل لأنوا أحلى صفة بالبنت
والدين بينص على هالشي هادا
قال : { إن لكل دين خلقاً، وإن خلق الإسلام الحياء }
قال : { الحياء من الإيمان، والإيمان في الجنة }
قال عليه الصلاة السلام: { الحياء والإيمان قرنا جميعاً، فإن رفع أحدهما رفع الآخر }.


على العموم مشكورة كتير

[hanan]

مش عارفة شو احكي بصراحة

اذا خجلها في اشياء تستاهل الخجل فيها ممكن بس على كل شىء خجل لا طبعا

يعني هو ميزة في موضعه وعيب لما يوضع بغير موضعه

ويسلموو عالطرح عيون

تحياتي لإلك.........

[smart_mody]

والله برأيي احلى شي بالبنت خجلها وبس


يسلمووووو

[nour al3ilm]

ياعمي انتوا ملخبطين بين الحيا والخجل الدين دين حياء

لكن في نفس الوقت ما دعا للخجل

في فرق بين خجل وحيا

[ميمو]

عيون
تسلمي علي هالموضوع الرائع
اللي راح يحركنا

بالنسبة ليا
انا بشوف

ان الخجل له انواع
عندما ذكرتي مثال
ان الفتاه تخجل الخروج الي اصديقات والدتها
هذا خجل سلبي ويجب علي الفتاه ان تقوم بدور اجتماعي فعال
وعلي الاسرة
ان تحفذها
فلاتقول لها والدتها اذهبي الي الغرفه ولا تخرجين منهاا

ثانيا
هناك ما يسمي بالحياء
وهو اروع شيء في الفتاه

(حياؤك ايمانك )

حياء الفتاه الذي وهبها الله لها
اجمل شيء

وفي الحقيقة يشعر الرجال بهذه النعمه احيانا اكثر من الاهل ومنا
فالاهل احيانا ونحن نفسرها خجلا
وهو خجل اصلا
ولكن مفهومه الروحاني هو الحياء


وهو زينه الفتاه


وشكرا لحسن الاصغاء
ههههههههههههههههه^^

[وردة فلسطين]

الخجل احلى على البنات

بس يكون بحدود ويكون بوقتو اما غير هيك ببقى دمو تقيل ههه

يسلمووووووووووووووو

[smart_mody]

تعالي سلمي على ابن عمك يا جعرانة

خجلاااااااااااااااااااااااااااااااانه

[هبة عزمي]

مشكورة أختي على طرح هذه النقطة لأن هناك الكثير من الأفراد الذين يخلطون معنى الخجل بالحياء فأناأرى ان الخجل سببه ضعف في الشخصية و عدم القدرة على إثبات الذات أما الحياء فهو شعبة من شعب الإيمان و مطلوبة لكلا الجنسين على السواء و خاصة في زمننا هذا و هذه وجهة نظري بالطبع

[الامبراطور 22]

اصلا البنت يعنى خجل

ولازم الخجل للبنت

[عاشقة العيون الساحرة]

يسلمو على الموضوع

بس الخجل مو كويس للبنت اطلاااااااااااااااااااااااااااااااااااااااااق ا لانه عنجد بخرب عليها حياتها وخاصه التعليميه وانا نفسي بعاني كتير من الخجل ونفسي اتخلص منوووو بجد

[جنون أنثى]

نورتوا باراءكم

مشكورين

[ملاك الكون]

مرحبا
طبعا الخجل ميزه مو عيب
بس يعني الخجل بالامور الي بتستاهل الواحد يكون فيها خجول مو بكل الامور
وشكرا لطرحك للموضوع^_^

[القلب البريء]

في فيرق اكيد بين الخجل والحياء

الحياء حاجة كويسة وزي ما قال الرسول " صلى الله عليه وسلم " : " الحياء شعبة من شعب الايمان "
اما الخجل فهو الخوف وقلة الثقة بالنفس وهو مش مطلوب لانه بيضيع شغلات كتير

والحالتين بتنطبق عالجنسين مش بس البنت
والبنت ما بتكون بنت لو ما كان عندها حياء

شكرا كتير عالموضوع الحلو

[لانا]

يعنى فى إلو ايجابياتو وسلبياتو هيك وهيك
ما بنقدر نجزم انو الخجل مطلوب بكل الحالات او مش مطلوب برضوبكل الحالات
بس الانثى لازم يكون الها رونق خاص فيها يمزيها غن غيرها
يسلموووو جنون ع الطرح الرااائع دومتى فى حفظ الرحماااااااااان

[نيلوفر]

اولا شكرا كتير جنون انثى ع الموضوع
تانيا في فرق بين الحياء والخجل
الحياء مطلوب ولازم يكون في الجنسين
بس الخجل نقص بالشخصية
وبالنسبة للنقاش لازم تشارك فيه البنت وتحكي رايها تتجرأ بس ما تتمادى في الجرأة لأن الجراة الكتير مش لازمة
هدا رأيي تحياتي للجميع

[فلسطيني]

من المعروف ان اللي بيزيد عن حده بينقلب ضده
والمطلوب من البنت هو الحياء وليس الخجل
لان الحياء شعبة من الايمان
الحياء صفة محمودة اما الخجل فليس محمودا
وحياء البنت ليس عيبا بل عفة ورفعة عن فعل الامر المستقبح

تسلمي اختي على الموضوع القيّم

[الفيزيائي]

بصراحة كما يقول علماء النفس ان الخجل هو مرض نفسي ومعناه عدم قدرة الشخص علي مواجهة المواقف وليسة اي مواقف ولكن المواقف التي تغلب عليها النزعة الاجتاعية
اما الحياء فمعناها هو ترفع الشخص عن كل شي يخل بالاخلاق الحميدة والعادات الحسنة
او ترفعه عن كل شئ يخل بالنظام المجتمعي ويبعده عن حالة الاستقرار

[شوق الصحارى]

تحياااتي على هالنقاش الرائع
وفعلا زي ماحكت نور وحكى الفيزيائي انو في فرق بين الخجل والحياء
الخجل ممكن يخلي الواحد حتى مايحكي مع جنسو يعني بنت مع بنت او شب مع شب هادا الخجل حتى الخجل موجود في الشباب والبنات وفي كتيييييير بضيعهم خجلهم بحيااااتهم
اما الحياء فهي صفه طبيعية موجوده بالفتيات واكيد برضو مش بكل البنات في بنات استحوا الشباب يعملو عمايلهم
تحيااااتي الك وهاي هي وجهة نظري وبالاخر كل واحد والو وجهة نظر