مشاهدة النسخة كاملة : هل لديك الشجاعة والقدرة على التصريح بأسوأ طبع فيك ؟
مجد الاقصى
12-12-2008, 09:14 PM
هل لديك الشجاعة والقدرة على التصريح بأسوأ طبع فيك ؟
اذا كان الحديث عن اطباعنا الحلوة وصفاتنا الخيالية فحدث ولا حرج في اسهابنا في الحديث عن
أنفسنا ....
بعضنا بطرق مباشرة جدا مثل ...
انا طيب ... انا حبيب ... انا كريم .... انا عمري ما جرحت انسان ... انا موضوعي .... انا اراعي مشاعر الاخرين .... انا حلو ... انا باقي لي طبع واحد واصبح كامل الاوصاف ... انا اكثر صفة حلوه فيا اني كلي على بعضي حلو .... الخ
وطرق غير مباشرة مثل ...
يقولوا الناس اني حلو .... يقول اصحابي اني شخصية محبوبة كثيرا .... انا مش عارف ايه هو سر انجذاب الناس لي ... اصحابي ما يجتمعون الا اذا كنت انا بينهم .... قد ما يجرحوني الناس بس
لا ادري لماذا لا اقدر اجرحهم ...الخ
واذا كان مديح النفس مبغوض الى حد كبير لماذا يتعدى الحدود فبالمقابل يمكن ان يكون مقبولا
ومغضوض البصر عنه في بعض الحالات بل ربما يكون محببا اذا لم يتجاوز الحد ..
ولكن ....!!!
من منا يستطيع ان يعترف بصفاته واطباعه ليعرف اطباعه وصفاته الـ ( مش حلوة )
مين الي عنده الشجاعة يعترف بصراحة باكثر طبع مش حلو فيه .... واللي يتمنى بنفسه يتخلص
منه ؟؟
و الان كل عضو يقــــول الي عنده وياريت يكون بصراحــــــــه
اتمنى المشاركه والفاعليه
احنـــا قلنـــــا للصريحييييييييييييين يعني بلاش كلام مدح
شو رايكم بالموضوع
اتمنى انه يعجبكم
مجد الاقصي
دايما موضيعك روعه وفيها نشاط وحركة
الانسان الشجاع هو اللي بيحكي عن اطباعه السيئة
لكن بيقوم بتغيرها في وقت ما
بعد ما يخطط ويضع استراتيجية للتغير طبعا
بالنسبة لأطباعي
سعات ما بفهم الانسان اللي قدامي صح وممكن اتنكد
وانكد عليه
ممممم
اه دلوعه كتيير
وهادا طبع انا المفروض اني اخففه
بس بتلاقيني
ولا بلاش
خلي الطابق مستور
ممكن اي انسان يخليني استفز منه بسرعة
اي كلمة ما تعجبني بزعل منها بسرعة
ما بحب النقد
او بمعني اخر
مش اي حدا بينقدني
ناس معينة بتلاقيني بتجاوب معها
ممممممممم
شوفي مجد
هادا اللي في راسي حاليا اذا فيه غيروا
راح ادخل الموضوع
واكمل
يتبع
يا عثل
Trust
12-12-2008, 09:59 PM
الشي يلي مو حلو فيني انو دايما بفكر بعقلي او بالاحرى بحب عقد الامور ما بتعامل ببساطة
يعني اي شي بصير معي لازم فكر في وممكن يكون الشي بسيط بس انا بعقدو
وكمان عندي افكار غريبة وبسبب هيك افكار خسرت ناس بعزهم .
وكمان انا بثق بالناس على طول وهالشي صرت حسو مو منيح
بعتقد هيدول الاشيا هي يلي مو حلوة تقريبا بشخصيتي
والله أعلم اذا في شي تاني وانا مو شايفتو .
يسلمو مجد عالموضوع
انا ما بحكم على نفسي بخلي الناس تحكم عليه من اصدقاء واخوان وغير ذلك
بعدين مو بالكلام المهم الافعال يعني ممكن واحد يقول انا كذا وكذا بس كلو كلام
ولمن تبين افعاله بينحكم عليه ان كان صادق ولا لاء
انا هيك وجهة نظري
يسلموووووو مجد الاقصى
تحياتي الك
وكمان انا بثق بالناس على طول وهالشي صرت حسو مو منيح
فعلا الشي هادا مو منيح ولازم تعرفي في مين تثقي بلاش تنصدمي من الناس لانو هيك الدنيا هالايام
ومو كل واحد يضحك بوجهك بكون بحبك
تحياتي
Trust
12-12-2008, 11:06 PM
وكمان انا بثق بالناس على طول وهالشي صرت حسو مو منيح
فعلا الشي هادا مو منيح ولازم تعرفي في مين تثقي بلاش تنصدمي من الناس لانو هيك الدنيا هالايام
ومو كل واحد يضحك بوجهك بكون بحبك
يسلمو عالنصيحة وتؤخذ في عين الاعتبار .
لعيونـــ AL.GM ـــي وبـس
13-12-2008, 11:55 AM
يمكن عصبيتي
وما بحب حدا يفرض علي شئ
وشكرا لك ع الموضوع الجامد
السلام عليكم
تحياتي للجميع الاعضاء
الانسان مو ملاك ابدا
واكيد اله عيوب وطباع سيئة وبنفس الوقت اله صفات حلوة
بالنسبة الي اسوأ طبع عنيدة جدا وعصبية وبلحظة بنهار وببكي
ما بعرف ليش
وياريت اغير هالصفات واصير انسانة اقوي مع انه الظروف ما بتسمح هالقيت لساتنا ما وعينا من صدمة الرحيل والمشاكل الكتيرة والجامعة
ما بعرف الدنيا ماشية غلط ولا احنا مين الصح وليش هيك
بتمني من الله يتغير الوضع
تحياتي
عاشقة العيون الساحرة
13-12-2008, 01:37 PM
يسلمو عل ى الموضوع
بالنسبه الي اكتر شي بكرهوا فيا عاطفتي وحساستي الزياااااااااااااااااادة لاني دايما بحكم الامور من خلاال قلبي وهدا اللي دايما مخسرني يعني لو اتخلص منهم بقدر اعيش صححححححححححححححححح
عنيدة
جدا
لدرجة ممكن أأذي نفسي ... مش عارفة من جايبة كل هالعنادة
وغير هيك
حساسة
جداً
يعني لو كلمة .. نظرة بتأثر فيا
محمد2050
13-12-2008, 05:27 PM
بصراحة انا اكتر طبع بكرهه بحالي انه قلبي طيب وبسامح بسرعة
يعني لو واحد أذاني ورجع اعتذر بسامحه
بس بنفس الوقت انا حقود جدا بس مش عالكل
ع ناس معينة ، يعني لما احط واحد براسي بخليه يكره حياته
وبشكل عام لما اكون رايق بكون فش احلى مني
اما لما اكون معصب لو واحد قلي السلام عليكم بعمل معه طوشة ههههه
وشغله تانية لما واحد بده يعاند فيا بعاند اكتر منه ، ونادرا لما اقتنع براي غير رأيي :)
وردة فلسطين
13-12-2008, 05:29 PM
انا فش عندي طبائع سيئة كلها حلوة ههههه
زهرة النرجس
13-12-2008, 06:29 PM
هاي أول الي بالمنتدى الروعة بصراحة كتير عجبني وخصوصا الاعضاء ما في الز منهم
ما في حد ما عنده طبع بيكره وانا اكتر طبع بكرهه انو انا كتير خجولة في التعامل مع الناس خصوصا الي ما بعرفهم واول مرة اتعرف عليهم بكون خايفة كتير اتفاعل معهم يعني مش جريئة، بس اكيد مع الي بعرفهم غير .
smart_mody
13-12-2008, 06:36 PM
انا اسوأ طبع عندي اني مفجوع كتير ;)
يسلمو كتير عالموضوع
الامل
13-12-2008, 07:10 PM
انا بطبيعتي كتير هادية بس لما اعصب ما باعرف الي قدامي
هاد اكتر شي يمكن فبا مش حلو
مجد الاقصى
13-12-2008, 08:34 PM
اشكركم جميعا لمروركم الطيب
وصراحتكم في الموضوع ....
واتمنالكم التوفيق في حياتكم العلمية والعملية .