البنت مالها غير || بيتها || ,, || جوزها || ,, || وولادها || .. ([ معقول ]) ؟؟

[القيصر]

البنت مالها غير || بيتها || ,, || جوزها || ,, || وولادها || .. ([ معقول ]) ؟؟
السلام عليكم ..

حابب احكي عن شغلة كتير في ناس لهلأ بفكروا فيها ..
الا وهي :

انو البنت مش ضروري تكمل تعليم .. مهو بالنهاية رح تتجوز وجوزها رح يصرف عليها .. والتعليم ما رح يفيدها بشي ..

طيب ليش ؟؟
هو التعليم يعني بس مشان الوحدة تشتغل وتجيب مصاري ؟؟

مهو بالنهاية التعليم بفيدها هيي .. انها تكون فاهمة منيح المجتمع اللي حواليها .. ولما تتجوز ما تكون هبلة وتفهم على جوزها .. وتعرف تربي ولادها وتحل اي مشاكل توقع فيها الاسرة ..

طيب هلأ ..كمان في شغلة تانية ..

انتوا يعني ضامنين انو حياة هالبنت لما تكبر تكون مية المية وما يكون فيها نكد ؟؟
مش يمكن اللي رح تتجوزو ما يطلع منيح ويطلقها ؟؟

عالاقل يعني لو ما بدكم اياها تشتغل يكون معها شهادة تنفعها وقت الزنقات ..

ولا كلامي غلط انا ؟؟ ..

انا بدي اعرف رأيكم بهادا الموضوع ..

واللي بيحكي انو البنت المفروض ما تكمل تعليم يقول ليش وشو وجهة نظروا..

واللي بيحكي انو البنت لازم تكمل تعليم برضو يحكي وجهة نظروا بلكي بقنع الطرف التاني ..

فغط ..

يللا سلام ..

بدي تفاعل حيوفيزكيميائي

[أنين الروح]

بالبداية يسلموا كثيير يا القيصر على مواضيعك الفعالة والكثير جميلة للتفاعل والنقاش فيها
أكيد الأغلب بأيد جلوس الفتاة بالبيت لانه مالها الا جوزها وبيتا ووولادها وتنظيف بيتها شو ناقصها هي غير انه توكل وتشرب وتنام وتنظف البيت وتحكي للولاد هوس وبس وتربي هيك نظرة الأغلب الفاقد للوعي ونظرته للمراة بشكل عام
لكن يا تلك الفئة هل حقا المراة فقط للبيت وما شابهه الا يوجب عليها تعليم ابنائها وتدريسهم وتثقيفهم من سيقوم بكل هذا الزوج حقا لا بكل بساطة لا لانه الزوج راح يشتغل برا مشان يجيب كل مابوسعه ليريح زوجته اذن كيف راح تقوم الام بدور المعلمة ودور المربية ودور العاملة وهي غير متعلمة غير مؤهلة لكل تلك الامور نعم لا بد من تعليها وتأيد تلك القضية ـ نعم لا بد من ذلك فمن ينص على غير هذا فهو مريض بمرض الكوبسة اي فقدان الذات العالية تحياتي الك يا القيصر نورت يا اخي الكريم بموضوعك الرائع بالفعل اتمنى من الجميع التفاعل فيه حقا.

[القيصر]

بالبداية يسلموا كثيير يا القيصر على مواضيعك الفعالة والكثير جميلة للتفاعل والنقاش فيها
أكيد الأغلب بأيد جلوس الفتاة بالبيت لانه مالها الا جوزها وبيتا ووولادها وتنظيف بيتها شو ناقصها هي غير انه توكل وتشرب وتنام وتنظف البيت وتحكي للولاد هوس وبس وتربي هيك نظرة الأغلب الفاقد للوعي ونظرته للمراة بشكل عام
لكن يا تلك الفئة هل حقا المراة فقط للبيت وما شابهه الا يوجب عليها تعليم ابنائها وتدريسهم وتثقيفهم من سيقوم بكل هذا الزوج حقا لا بكل بساطة لا لانه الزوج راح يشتغل برا مشان يجيب كل مابوسعه ليريح زوجته اذن كيف راح تقوم الام بدور المعلمة ودور المربية ودور العاملة وهي غير متعلمة غير مؤهلة لكل تلك الامور نعم لا بد من تعليها وتأيد تلك القضية ـ نعم لا بد من ذلك فمن ينص على غير هذا فهو مريض بمرض الكوبسة اي فقدان الذات العالية تحياتي الك يا القيصر نورت يا اخي الكريم بموضوعك الرائع بالفعل اتمنى من الجميع التفاعل فيه حقا.

يسلموو علي مرورك الرائعه
وكلماتك النابعه من عقل مثقف وواعي
ويسلمووو مره أخري

[المستحيلة]

لا طبعا لازم تكمل تعليمها حتى تنفعها شهادتها يمكن تكون بيوم من الايام لحالها بس هيا لو مابدها ماحد يغصبها وطبعا بالاخر مالها الا بيتها واولادها
زوجها مش ضروري هههههههههه
والبنت زي الولد مهيش كمالة عدد منصورة بالمعجزات
يابنات يا بنات الطف الكائنات ههههههههههههههه
يسلموو ياقيصر

[الامل]

يسلمو كتير يا قيصر ع الموضوع الجدي والمثير
طبعا ايام سيدي وستي هاد الكلام كان انو البنت مش لازم تتعلم والي كان عقولهم متخلفة طبعا
اما انا من وحهة نظري انو البنت مالها الا شهادتها وتعليمها
لانو حتي لو ما بدها تتوظف بيكون نفع الها مستقبلا من غدر الزمان
يسلمو قيصر

[البريئة]

يسلمو ع الموضوع
انا بحكي انو البنت لازم اتكمل تعليمها لانو بمجتمعنا في أشياء كتير بتحصل لا عالبال ولا عالخاطر متل انو زوجها يطلقها ومتل انو زوجها يموت من قصف الاحتلال ومتل انو زوجها مو ملاقي شغل وأشياء كتير
وأهم شي انو الوحدة بتعلم أولادها بدل ما يطلعو عالة ع المجتمع الي هما عيشين فيه
هاي وجهت نظري
يسلمو القيصر ع الموضوع كمان مرة

[بنت الجامعه]

البنت لازم تتعلم مش علشان تشتغل او تجيب دخل للأسرة

علي الأقل تعرف درس وتعلم أولادها وتربيهم تربية صالحة وواعية

وأنا دايما بحكي انه الراجل موشرط يكمل تعليمه لكن البنت لازم لحتي تعلم اولاده ؛ والراجل مش يفضي وقته

لحتي يعلم أولاده .. أما علي مستوي المهني الراجل بلاقيله شغل في أي مجال .. أما البنت ما بنصحها تشتغل نهائيا

بس تتعلم بيكفي .

تحياتي للإلك ولمواضيعك المميزة

[نبض الروح]

انا مع انو البنت ضرورى تتعلم لانو احنا فى عصر التقدم ولازم على الاقل البنت تكون متعلمة مو ضرورى تتوظف
هلاء مو هى مربية الاجيال كيف بدها تربيهم صح وتعلمهم وهى اصلا مش متعلمة
واحنا فى زمنا الواحد مابيعرف شو بيصير بمستقبلو لانو بتسمعو كتير انو الوحدة تزوجت بعد فترة زوجها استشهد وكمان ممكن تتطلق مو بيتحسر الواحد لمن تكون مش قادرة تعمل اشى وعاجزة اما اذا كانت معها شهادتهم ربنا بيعينها وبيتكون شهادة كسبيل الها ممكن تتوظف وماتحتاج انها تنذل لاى حد اكيد انتو فهمتو كلامى واللى باقصدو
يسلمو قيصر

[انثى بلآقلب]

يسلمو القيصر على الطرح الروعه وانا بحكى انو لآزم للبنت انها تتعلم مشان اللى جاى ماحدن بعرفه ..
تحياتى .

[الوتر الحزين]

اكيد انا مع ان البنت لازم تكمل تعليمها لان تعليمها هو اللي بضمن مستقبلها لما تكون متعلمة بتقدر تتفاهم مع زوجها وبتقدر تربي ولادها وتعلمهم وتربيهم تربية صالحة خصوصا انن في عصر تطور وتكنولوجيا وتعليم فمثلا طولت البنت لما تزوجت بدها تضل قاعدة في البيت جاهلة ما بتفهم اكيد لا فالتعليم مهم كتير للبنت سواء قبل اوبعد الزواج ولاخر عمرها راح ينفعها

يسلمو قيصر ع الموضوع الحلو والواقعي بنفس الوقت