تفرغ الروح المدفونة

[أنين الروح]

السلام عليكم ورحمة الله وبركاته

بالبداية حمداً لله على سلامتكم جميعاً وأرجوا من الله الرحمة والمغفرة ، ودتت لو يقوم كل شخص بفضفضة ما لديه من آثار مجمعة من تلك الحرب التي طالت الجميع ان لم يكن البعض بل الجميع ، فمن لديه قصص او ما تعرف بالأحاديث التي رأوها وصادفوها بل وحدثت معهم في تلك الحرب فليضعها هنا لكي نرى مدى عنف وعنجهية الاحتلال الصهيوني . تحياتي للجميع

[يارا]

السلام عليكم ورحمة الله وبركاته

الله يسلمك يا انون كلنا بالهوا سوا


رحمة الله علي شهدائنا الله يصبر اهاليهم يارب ويكون بعونهم

والله يشفي جرحاااااااااااااانااااااااااااا

بتعرفي كل هالحرب اللي صارت غيرتني وعلمتني كتير موقف الشرطة اللي كانو مستشهدين ومقطعين عالارض صورتهم دايما في بالي بقدرش انام مش قادرة استمر

محبطة الياس ماليني عمري ما كنت بدرجة هالاحباط وهالخوف

مرعووووبة من اللي شفته بتمني انام ساعة ووحدة بدون ما اهلوس او اصررخ

للدرجة انو انا الوحيدة اللي طلعوني اهلي من البيت بس مشان ما اسمع الصووت بس اسمع صوت طيارة حتي لو كنت رايحة في النوم بتلاقيني بصررخ مصـــــــــــــدومة من اللي صار

ياريت ارجع لطبيعتي وارجع نفس ما كنت ياريت اتمرد علي احساس الخوف اللي ماليني ولسه الله يستر من اللي جاي * شو ذنبهم هالاطفال شو ذنبهم حسبي الله ونعم الوكيل حسبي الله ونعم الوكيل
عشنا في رعب وخوووف انتظار الموت كل لحظة



ناس كانو معنا واليوم صاروا تحت التراب نا س كتير استشهدوا بعرفهم فقدتهم يالللللللللللللللللللللللللله غير اللي اتصاابو ا

حتي الامتحانات مش عارفة كيف رح اقدم ولا ادرس مش قادرة اركز في اشي ولا عارفة اعمل اشي

يالله يالله ترحم شهدائنا ارحمهم يارب اشفي جرحاانا صبرنا يارب صبرناااا مالنا غيرك

[barakat]

يسلموا أنين على الموضوع

انا ما عندي قصة لكن استغربت من شغلة حصلت
اليهود ما بفرقوا بين مسلم ومسيحي اليهود عدوهم كل من هو مسلم في خارج فلسطين وكل من هو فلسطيني يعيش على أرض فلسطين لانهم قصفوا بيت لرجل مسيحي عنا في المنطقة وجعلوه كالرماد وهذا الشي حدث في 9 محرم ويوم 10 محرم كان يوم صيام عندنا استشهد أحد أبناء هذا الرجل المسيحي وبالمناسبة هذا الشاب قد أسلم بفضل الله من مدة وكان صائماً في هذا اليوم

رحم الله شهداءنا وأسكنهم فسيح جناته

وبالنسبة للأخت يارا بوجهلها رسالة ..

يجب أن تصبري على كل هذا لاننا نعيش في أرض رباط .. وان شاء الله كل هذا في ميزان حسناتك
وبدي اذكرك في الاية 214 في سورة البقرة
"أم حسبتم أن تدخلوا الجنة ولما يأتكم مثل الذين خلوا من قبلكم مستهم البأساء والضراء وزلزلوا حتى يقول الرسول والذين آمنوا معه متى نصر الله ألا إن نصر الله قريب"
صدق الله العظيم

وحتى تعلمي أن كل هذا لا شيء بالنسبة لما حدث للأمم السابقة إقرأئي قصة أصحاب الأخدود ..

حسبنا الله ونعم الوكيل

[smart_mody]

اانا كمان ما عندي قصة

بعاد عن الاحداث احنا

كانت اولها خوف بعدين تعودت

ويا يارا خليها عالله وان شا الله بتهون وبتنسي اللي صار


يسلمو انين

بدنا الي عالحدود يحولنا الي صار معهم

[أنين الروح]

ياراااااااااا بدك تحكيلي عنك كان ايام عصيبة مش عليك علي مشانك والله هههههههههه الله يفرجها عليكي يارب

بركات كل شي عند الله ليس بقليل الحمد لله على كل حال .

سمارت كان الله بالعون ، وعلى سيرة الانفاق الله اكبر شو قصفوها لما حكوا يابس وياريتهم قصفوها كلها لا كل الدبات والضربات اللي صابت الانفاق ما هي بربع تلك الانفاق اي هم الناس كانوا يبنوا انفاق بعقل خليها على الله يا سمارت
والله ضربهم للأنفاق هاي علمتنا كيف بترقص شاكيرا على الوحدة ونص وفوقيها هزتين وبس .
تخيلوا اصبحت الان اشتاق لاهتزاز المنزل كان بنحكي انه ادا البيت ما انقصف من قصف الجمعية اللي ورانا راح ينقصف من الانفاق من كثر ما هزت بيتنا كان يروح يمين شمال وبعدين يرجع وسط واحنا كذلك والله ما هو بمبالغة ولكن هي تلك الحقيقة . وراح اروي لكم مدى قذارة بعض الناس باخراج الاشاعات المغرضة والمخيفة لدى الاخرين .
هاي اخر يوم بالقصف يعين اخر ايام الحرب العصيبة على قطاع غزة وبالاخص رفح المصونة البلد المنسية دوما صار كالتالي: كنا بامان الله اكيد بالبيت واذ بعض الناس ينادون علينا يا ابو فلان مالك لساتك ببيتك اطلع انزل تحت انت واخوتك ووعيالكم والدي حكالهم ليش شو في حكوله الجمعية اللي وراك بدهم يقصفوها ومعك بس خمس دقائق ولكن والدي رفض ان يخرج من البيت وباصرار فقومنا بتجهيز انفسنا وتهيأتها وجلسنا بالمكان البعيد عن الركن الملازم للجمعية المهم مر الوقت ولم تقصف الجمعية وكل طائرة تاتي وتقصف نسمع صوت الصاروخ ونقول ها خلص قصفو الجمعية اتشاهدوا يلا وكلنا متجمعين وجالسين وخلص اللي بقرى بالقران واللي بصلي ركعتين لله وامي بتحوط بالدار والى ان جاء وقت صلاة الفجر ولم تقصف حكينا خلص الحمد لله مافي شي ذهب والدي للمسجد لصلاة الفجر واعمامي واخوتي واذ مسكوا بصاحب الاشاعة بسالوه مين حكالك حكالهم اخوي حكالي راحوا لاخوه مين حكالك حكالهم ليش مش انا هاي اخوي اللي حكالكم حكالي وبالاخير قام والدي وبعض الجيران بفعل اللازم بهؤلاء الرجال
وحدثت معنا ايضا شبيه بتلك القصة ولكن كانت انه واحد بمزح مع صاحبه وحكاله هيك بس بعد شوووووووووووو بعد ما الناس سابت بيوتهم بالي فيها وكان يوم ما يعلم بيه الا الله عز وجل ، لكن بالنهاية الحمد لله انتصرنا ولله الحمد وكله بفضل المقاومين الأكارم.
أقسم بالله انه كنا نشوف الصارووخ وهو بنزل وبقصف بالنفق وتخرج منه نيران كالبركان كنا ببادية الامر نصاب بالهول ولكن يوم بعد يوم تعودنا واصبحنا نقول يا الله مالهم اليوم ساكتين ليه مش قاصفين تخيلوا هيك شي .؟؟؟؟؟؟
تحياتي للجميع هي بعض رواياتي الي رويتها في كبشة بس الواحد بزهق من كثر ما بحكي عن القصص لسه اللي عاشوا بمكان الحدث العصيب قصصهم مروعة وعانهم الله عز وجل تحياتي .

[طير المحبة]

والله الحمد لله على كل حال حبيبتي يارا الا بذكر الله تطمئن القلوب

بعدين احنا والحمد لله قصفت ارضنا بصاروخين اف 16 والاراضي الي جنبنا الحمد لله انه لساتنا النا عمر

الصاروخ الي بأرضنا طلع المياه من الارض

فكرة نعمله بير ولا شو رأيكم هههههه الواحد من الحالة النفسية الي هو بيها بضحك

حسبي الله ونعم الوكيل

[بنت الجامعه]

والله ضربهم للأنفاق هاي علمتنا كيف بترقص شاكيرا على الوحدة ونص وفوقيها هزتين وبس .
تخيلوا اصبحت الان اشتاق لاهتزاز المنزل كان بنحكي انه ادا البيت ما انقصف من قصف الجمعية اللي ورانا راح ينقصف من الانفاق من كثر ما هزت بيتنا كان يروح يمين شمال وبعدين يرجع وسط واحنا كذلك والله ما هو بمبالغة ولكن هي تلك الحقيقة . وراح اروي لكم مدى قذارة بعض الناس باخراج الاشاعات المغرضة والمخيفة لدى الاخرين

كلامك مية مية .. حتي احنا ساكنين بنص رفح بنسمع هالدبات والأرض بتهتز

حسبي الله ونعم الوكيل

يسلمووووا انين

[أنين الروح]

لؤلؤة تحياتي الك
بنت الجامعة تحياتي الك اكيد جربتيهم وانتي بنص البلد فما بالك احنا اللي على الحدود مقابلها تحياتي الك .

[**HaMaDa**]

هزي ياااااا نوااااااااااعم

احنا اللي بسمونا بعااااااد ع الحدوووود ..... ما سلمنااااااااا من الهز والرقص
ع العموم مش هاكتر حكي .... لانو شو ما وصفنى وخرفنا عن هديك الايام مش حنقدر نوصف حجم المأساة اللي كنا عايشينها . . .
لهيك بسيبكم مع هالموضوع


[فقط الأعضاء المسجلين والمفعلين يمكنهم رؤية الوصلات]


ويسلمو ايديك انين الروووووووووح ع الفكرة المميزة

[أنين الروح]

هزي يا نواعم هاي اغنية قديمة ههههههههههههه
اكيد كلامك صحيح مهما وصفنا ما راح نوصل الحدث تحياتي .