مشاهدة النسخة كاملة : أول يوم تدريب عملي
القيصر
10-03-2009, 12:18 PM
السلام عليكم ورحمة الله وبركااته
طبعا اغلبيت أعضاء المنتدي عليهم تدريب عملي واكيد راحوا علي المدرسه
خصصت هادا الموضوع مشان تحكي عن الي بنفسك وفي الي شفتوا في المدرسه وشو رايك ووووووو غيروا
يعني بجد التسيب موجود في المدرسة الي بشرد من فوق السور وغيروا مع انهم اصغار يعني طلاب ابتدائيه
بتفوت الصف بتلاقي الهوايل
طبعا مع سوء حالتنا الاقتصادية هادا السبب بنمشيه
أنو اغلب الطلاب لابسين لسه اترنق النوم يعني جاي علي المدرسه يكمل نومته والي جاي بشبشب وغيروا أكتير
نجي لمستوي الطلاب وهادا حدث ولا حرج
دخلت علي صف ما بعرفوا الالف من كوز الدره الا ما ندر
وبجد هدول مو اطفال ولا طلاب مدارس هدول خرجى سجون
بدخل المدرسة بموس وبطلع من الصف مازع اربعه زميلاه
ويا ويل امك اذا كنت فى الصف نجمك خفيف اكلت هوا يا منيح
بتصير ملطه لشمحطيه
والمدارس بطلت مدارس هالايام...والتعليم خرب..
بس هو يعني الاشي هاد اسبابو كتيرة..ومابنقدر نحط الحق على طرف واحد...
يعني ممكن مرات الاهل...مش مربين اولادهم ..وبوقفو معهم عند الغلط....
ومخليينهم يعملو الي بدهم اياه...
يعني مثلا ...
بكون الاب والام دايمن بنفخو بابنهم...وانت يابني مفيش زيك...وانت يابني اعلى من الناس كلها.وانت احسن واحد...
وماحدا بيقدر يحكي معك كلمة...
فاالولد طبعن بكون منفوخ عالاخر...فبصير يقل ادبو او بالاحرى يتسافل عالمدرسين عندو...على اساس ضامن ورا اب يدافع عنو...
فلما يجو يحكو للأب شوف ابنك ايش بعمل...بيصير يدافع عنو...ولا بعترض على انو الاستاز زعق فيه وهيك يعني..
وفي كمان ممكن يكون من المدرسين نفسهم...
يعني الحين بطلو المدرسين زي الاول...بيجي بطقلك هالكلمتين وبروح..ومرات كمان بيجي بقعد ولما تخلص الحصة بطلع...
يعني الاسباب كتيرة والحجات كتيرة..
كل واحد يفوت هان ويحكي شو رأيو في الموضوع
واتحفوني بردودكم
واخيرا بحكي هل الشعار
شباب اليوم ابداع المستقبل ( برعاية حليب نيدو)
ابتسامة
10-03-2009, 12:22 PM
بدك تالصراحة انا التدريب العملي اللي لسا يوم السبت الجاي
انشا الله بس اروح والاحظ حاجة حفعل الموضوع واحكيها
يسلمو اديك
أنين الروح
10-03-2009, 12:42 PM
شباب اليوم ابداع المستقبل ( برعاية حليب نيدو)
هههههه حلو هاي الشعار راح اتخذه من هون وطالع ، ماشي راح احكيلك كل شي بصير معي يوم السبت ان شاء الله
وبالتفصيل الممل تحياتي الك ياالقيصر.
محمود إسماعيل
10-03-2009, 03:09 PM
الله يعين مدرسي الأيام هاي
بس ابتدائية مش مشكلة عادي بنظري
أنا لسه يوم الاتنين بنشوووووووووووووف شو بصير
تحياتي
smart_mody
10-03-2009, 03:39 PM
ههههههههه الله يعينكوا
انا الحمد لله كلية علوم ما الي بالتربية العملي مرتاح
يسلمو قيصر
**HaMaDa**
10-03-2009, 05:07 PM
ههههههههه
الله يعين اللي اخدو العملي ...... واللي لسة هياخدوه . .
انا خلصت عملي 1 و 2 . . . ولو بدي احكيلك عن المصايب اللي كنت اشوفها . . . والله ما هاخلص وانا احكي . .
قصص . . . مصايب . . . كوارث . . .
رغم اني كنت بمدارس الوكالة . . . يعني احسن شوي من مدارس الحكومة . . . الا اني كنت اسمع واشوف مصاااااااايب . . .
الحمد لله . . . فترة وعدت . . بكرة اخر يوم عندي بالعملي 2 وافك منووووووو
خودلك هالقصة ع السريع . . .
هادا يا سيدي باحد الايام اللي داومتها بالمدرسة . .
كان عند الطلاب بتوعي رياضة . . وطلعتهم ع الساحة . . . ورحت اشرب شاي . .
شافني الناظر قالي شو رايك تروح تسد الفراغ بدل الابله ريما . . . بالصف الخامس فوق لانو عندها مشوار وبدها تطلع . .
قلتلو اوك ما في مشكلة . . بس الطلاب اللي بالساحة شو اسيبهم .؟ ؟ ؟ قالي سيبك منهم روح واتوكل ع الله وغطي الحصة . .
ورحت ع الصف الخامس .......... لقيتو مش صف ........ فيكو تقولو . . .( زريبة بقر الله يعزكو ) ههههههههه
اجيت لقيت كل الصف بيتصهون وبيضحك . . والابله هية وقلتها . . (( خسارة فيها اسمها ... ريما هههههه ))
المهم . . . مش هنة المصيبة ........ المصيبة انو بعد ما هديت الصف وراااق . . . اجاني طالب محترم واموور . . قالي يا استاز بدي احكيلك كلمتين . . . قلتلو هات لشوف . .
قالي . . . هاني حط العلكة ع كرسي الابله . . . والهدف تحقق . . . .
بالفعل . . ضربت عيني لقيت ايييييييييييييييه ههههههههههههههههه والباقي عندكو
كملو عني .......... والله طلاب سفلة . . . وترباية اسفل . . .
الله يعييييييييييين الجمييييييييييع
ويسلمو يا القيصر . . .
**الأميرة السمــراء**
10-03-2009, 05:21 PM
هههههههههههههههههههههههه والله الله يعين الابلة الى بدرس فى مدرسة ولاد الله يعينها لانو البنات شوى احترام بس لولاد
sun_corona88
10-03-2009, 06:51 PM
مشكور كتير على الموضوع
والله انا رحت اول يوم على التدريب يوم السبت
وهنااااااااااااااك كانت الكارثة
بحياتي ما تصورت انو في بنات اعدادي بقلة الادب والاحترام اللي شفتها
والمصيبه انو المدرسه حكومه
ولو بدي اضل احكي عن التسيب اللي شفتو باول يوم مش مكفي
الله يا رب يصبرني واكمل هالتدريب قبل ما انجلط من شوفت هالبنات قصدي ما يسمو بنات
مثال واحد على الادب الزايد
مشكلة ككل المشاكل القعده بالبنك الاول والاخير ومشكلة النظر
المعلمة بتطلع تحكي برة مع ولي امر طالبه
والصف طبعا ما صفى صف
بنقوم نسكت ما يسمى بالبنات الا وحده في شده الاحترام بتقوم وبتسخر بوجهناوبتقولنا قومو كولوني
وهذا بس مشان قلنالها اقعدي بمكانك
وما خفي كان اعظم والله يعيدي عالتدريب على خير
طير المحبة
10-03-2009, 07:14 PM
هههههههههههههههههقصتكم بتحزن لسا مو هلا بدري علي هههههههه لسا بيبي هههههه
على العموم انا بدي اتفرج ع قصصكم بتعلم ولا حكاية ابو حمادة هاي رهيبة ههههههههههههه
جنون أنثى
11-03-2009, 01:47 PM
هههههههههههههه
والله على قصتك حمادة بدنا ناخد بالنا
أنا لسه بكرة عندي اول يوم
وربنا يستر
وردة فلسطين
11-03-2009, 02:22 PM
هههههههههههههههههههه انا مش حاسة حالي اني حروح على مدارس وادرب طلاب
وادا صار هيك يارب يطلعلي صف اول ابتدائي اهون من غيرو هههههه
المستحيلة
11-03-2009, 02:34 PM
ههههههههههههههههههههههههههههههههه
انا خلصت تدريب واحد وعدي خلصت تدريب 2 بس احلى شي مرة دخلت صف اتعرف على البنات لاني كنت احتيااط قلت بتسلا مدرسة ثانوية طبعا صف اولى ثانوي وحدة بتقلي انطي وريني جوالك انطي انتي مخطوبة ولابتحبي طبعا انا مامسكت حالي هههههههههههههه
المهم وصلت لمرحلة التعرف عليهم
وصلت عند اشطر بنات في الصف قامت الاولى تقلي انا هيفاء وهبي وحدة بتقلي انا نانسي عجرم قلتلهم وين روبي عنكم بعدين عينكم ماتشوف الا النور ضحكككككككك وصواتتتتتتتت انسووووووووو طبعا انا عصبية وقعو معي الفك المفترس وقفت الصف كلوو وجبت النظرة حتى تتعرف على هيفاء وهبي ونانسي ههههههههههههههه واكلوو بهدلة مرتبةةةةةة
بعرف حلوة القصة هههههههههههههه
smart_mody
11-03-2009, 06:01 PM
ههههههههههههههههههههههههههههههههههه حد حكالكم تدرسوا بكلية التربية
كفورية بحدود
11-03-2009, 06:48 PM
انا الفصل هادا مسجلةتدريب عملي
وصارلي يومين اروح على المدرسة ياللي درست فيها (اثانوي) لحتى زبط وضعي
اليوم في معلمة وقفت معاها بتقولي مدرسة جديدة
ابتسمتلها وقلتلها : انا متدربة كيميا من جامعة الاقصى
الا هي بتقوللي : من اي جامعة؟!!!!!!(باقوللها من الاقصى شكلها مااعتبرتهاجامعة)
المهم
بعد شوي اجتلي طالبة
بتقولي انتي (معلمتي يعني) انتي جديدة هون؟!!!! (لا قديمة بس كنت متخبية)
يعني بجد من اول يومين نهفات غريبة صارت
ههههههههههههههههههههههههههههههههههه حد حكالكم تدرسوا بكلية التربية
التدريس عالم بحد ذاته
احسن من مية جهاز كمبيوت تقعد قدامو
هادا رايي وابظن اغيرو
smart_mody
11-03-2009, 06:52 PM
التدريس عالم بحد ذاته
احسن من مية جهاز كمبيوت تقعد قدامو
هادا رايي وابظن اغيرو
هههههههههههههههه انا علوم بس رح اتجه للتدريس ان شا الله
بس ليه مو عاجبها الافندية جامعتنا
سوري عالشات :(
سكون الليل
11-03-2009, 07:06 PM
اليوم رحت اول يوم علي المدرسة
ورحت علي صفين سابع
روحت راسي بدو يتفجر
قلة ادب علي قلة احترام
وغير الصوت العالي
وبيطلعو بينزلو عادي
ولا كانه حد مو جود عندهم بالصف
الله يساعدني عليه
بس الحمد لله
كانو هدول هيك الحصتين
لسه البلاوي علي الطريق جاية
عاشر وثامن
وتدريس تكنو
ومعمل حاسوب كمان عندهم
سكون الليل
11-03-2009, 07:08 PM
لسه يما اشوف
ويما اسمع
لسه هاد ولا شي
الي شفته اليوم ولا شي
ادعولي امانة
القيصر
14-03-2009, 10:17 AM
يسلمووو علي مروركم
وان شاء الله الواحد يقدر يتغلب علي المشاكل الي بتواجهوا في مجال التدريس
أستاذ الكلمة
14-03-2009, 11:15 AM
الحمدلله مريح راسي
لا مدارس ولا كلام فاضي
الله رازقني
بفضائية وموظفين
ومدير فضائية سكرة كلهم بينحطوا على الجرح يطيب غير وحدة ياااااااااااااااااااشو عندها غلاسة
ولكن الحمدلله مبسوط على الأخر
M_H_F
14-03-2009, 12:19 PM
موضوعك حلو
بالنسبة إلي أنا خلصت تدريب العملي كله (1+2+المتصلة) الفصل هادا
كنت بأدرب بمدرسة أبو ذر الغفاري الثانوية للبنين وهادي المدرسة قبل سنتين كنت بأدرس فيها ورجعت إلها مدرس
فعلا شعور رائع
بس إيش عاد سقت فيها إني مدرس وقلبتها مجزرو بالمدرسة على الطلاب يلي بتنمردوا
أنين الروح
14-03-2009, 08:29 PM
بسم الله الرحمن الرحيم
وأخيراً صرت مس ، اليوم أول يوم رسمي إلي بالتدريب العملي 1، روحت على المدرسة دخلت اتوجهت لغرفة الناظرة عرفتلها عن نفسي ، طلعت صاحبة عمتي ههههه ووالدي بعرفها رحبت في وحكتلي تفضلي جلست على الكرسي عندها
وحكت معي شوي بعدين حكتلي سجلي اسمك وروحي للمدرسة فلانة ، سجلت اسمي واخدت الجدول طلعت المدرسة لسه مش جاية عليها دورة تكنولوجية تدريبية ، المهم الاستاذ حكالي اطلعي على صف خامس /2 روحت على خامس اول حصة دخلت سكتتهم هديوا شوي وعرفتهم عن نفسي وشو ولشو انا هون بعدين اتعرفت عليهم مشان اسكتهم اكثر هههههههه لانه الطلاب بحبوا المس تتعرف عليهم ههههههه.
بعد هيك مسكت الكتاب معني مابعرف شو الموضوع بس سالتهم لوين واصلين لقيت درس سهل اللي وصلينه هو مكونات الحاسوب حكيت ربنا بحبني وشرحتلهم ، وكانوا هادين بس في كانت بنت اسمها صابرين مجنونة رسمي بشرح وهي بتقف وبتسرح وتمرح بالصف بالأول غظتني بس مسكت حالي ووقفتها على اللوح شوي تتأدب وبعدين رجعتها تاني وقعدت محترمة بعدها بس برده جننتني. رن الجرس، نزلت تحت الحصة الثانية قاعدة ماعندي شي لقيت السكرتيرة كبيرة بالعمر حكتلها نا فاضية هس حكتلي نقليني الأسماء لقيتهابتكتب حرف حرف مش عارف كيف كاينة مخلصة شوي من الكشف ههههههه حكتلها عندي اقتراح انا اكتب وانتي تنقليني حكتلي ماشي وقعدت طول الوقت وانا اكتب وزبطلها الكشف وامبسطت مني وكل شوي تدعيلي الله يرضى عليكي .
اجت مدرسة التكنولوجيا سبت السكرتيرة وطلعت مع المدرسة وروحت صف سابع بحياتي بحياتي ماشوفت أقرف من هيك مرحلة بجد سعااااااااااااااااااااااااااااادين بمعنى الكلمة ، يعني المدرسة بتشرح وهم بطلعوا في وبضحكوا معي وبسالوا فيني ، بعدها راحة فرصة قعدت مع المدرسة وشوفت شو علي وشو لازم اعمل بعدها كان علي بعدها صف خاامس كان عليه امتحان راقبت ههههه حلوة المراقبة اتاريها اجرام .
بعدها راحة بعدها روحت على سادس كمان كان امتحان حلووووووووووو واجراااااااااااام بس وهص وهس بسحب ورقتك ، بس بالفرصة البنات اجوا قعدوا معي ويا مس ويا مس وماشاء الله الصف فيه بس 4 او 5 عائلات بالزبط هههههههه، وانا مروحة الكل بده يسلم علي قال يعني ههههه حسسوني ، بعدين حملت حالي من بين البنات وتسحبت وهربت وليييييييه ناقصني والله بس هي التدريب العملي لاول يوم الي هههههههه حلو بس الحمد لله ماصار معي مقالب بناتي محترمات هه وانا قد حالي بعجبكم / بتمنى الله يوفقني واستمر بنهجي هاي تحياتي الكم
جنون أنثى
14-03-2009, 10:06 PM
مسا الفل على عيونكم
انا طبعا بلشت أول يوم كان يوم الخميس رحت طبعا على غرفة المديرة اول شي وعرفتها على حالي ونفس الشي حكتلي عن المعلمة اللي رح أكون معها وشفت الأبلة واتعرفت عليها ولازمتها طول الوقت طبعا بس حكولي انه البنت يلي معي من نفس التخصص ناقلة التدريب ليوم السبت لأن يوم الخميس بيكون تدريب لطالبات الاسلامية وبتكون المدرسة سلطة المهم كلمت المشرف ومشي الحال
هلأ اول مافتت الصف طبعا صف تاني ابتدائي الطلاب مؤدبين وامامير ونظام الصف رووعة يعني حاطين البنوك مربع ناقص ضلع مو ترتيب ورا بعض وبهيك عينك بتكون عالكل وبتقدر تتحكم بالكل وهالشي حلو كتير
وبلشنا معهم وعرفتهم على حالي بس طبعا إلا مايطلعلك واحد عبقري من بينهم وطبعا عندي واحد بالصف بس شو قلق هاد الطالب اسمه ممدوح هاد عامل حاله زعيم عليهم بالصف مين بده قلم بيطلب منه مين بده يطلع بيشاوره قبل المعلمة غلبني بأولها بكون بشرح او بقرأ بالدرس مابلاقيه غير طالعلي من تحت البنك طيب شو بتكون تعمل تحت بقلي بتبع ومنتبه ياأبلة
غير هاد الطالب عندي واحد تاني أمور هو وكمان بنت شاطرين اي بس مشاغبييييييييييين بشكل رهييييييييب
وهما قصار كتيييير يعني لما بيوقفوا بالبنك مابيبينوا وهما واقفين
بس على كل حال شيفاهم حلوين
المهم اليوم كان في بيعطوا ابر لطلاب صف سادس وهدول ماسمعوا بهالشي وهات اللي يسكتهم ويقنعهم انه مافي الهم ابر
كل شوية وهما معيطين وياابلة بدهم يعطونا ابر ؟؟ ياأبلة احكيلهم مابدنا
هاد كل شي لهلأ تقريبا
الله يوفق الجميع يارب
جنون أنثى
14-03-2009, 10:11 PM
اي انسيت أحكيلكم ملاحظة هاي لاحظتها عند كل الطلاب
وهيا شغلة البري
كل شوية وواحد قايم وبيروح يبري قلمه
ولبيل مايعملوا تجمع عند السلة بتاعت الزبالة ( الله يعزكم) ويقعدو يتخرفووا ويفتحوا حواديت
هلأ في طالب بقله ياانتي خلص اقعد مكفي بري قام قلي لا أنا مابخلص بري غير لما القلم يصغر عالاخر واجيب واحد غيره
ههههههههههههههههه مابعرفه شو سر البري عندهم
فتاة الأمل
14-03-2009, 11:37 PM
هههههههه
اله يعينا يارب
تحياتى
فتاة الأمل
القيصر
18-03-2009, 06:44 PM
يسلمووو علي مروركم
وبجد احكيلكم علي شغله صارت معي ثاني يوم لتدريب العملي
أنو اثنين عملوها علي حالهم
ههههههه
علي الضمان انجلطت من قبل ما اصير استاذ