مشاهدة النسخة كاملة : **لماذا تلجأ الفتيات إلى الـــــشات**
دمعه فلسطين
09-01-2008, 11:57 AM
**لماذا تلجأ الفتيات إلى الـــــشات** :confused:
مع تزايد العدد الكبير من الفتيات التي ينخرطن في دوامه المحادثات عن طريق الانترنت (الشات) خصوصا الفتاه التي تكون في سن المراهقة . فان ذلك يطرح بعض التسأولات عن اسباب هذا التوجه ..
-هل هو من باب الفضفضة عن الهموم و المشكلات و كسب تعاطف الجنس الآخر .؟- ام من باب الشعور أن تكوني محبوبة من الآخرين .؟
- ام هو وراء البحث عن كلمات الغزل و الحب .؟
- وقد يكون للتسلية و المتعة و تفريغ الإنفعالات العاطفية . ؟
وقد يكون لسبب غير الذي ذكرته ..
فما هو رايك انت.؟؟:confused:
الرومانسية
09-01-2008, 02:31 PM
انا عن نفسى بحب اعبر الشات مشان انكش راس من الزهق
وانا بعتبرو شى عادى
يسلمووووووو حبى على الموضوع
دمعه فلسطين
09-01-2008, 02:50 PM
*** انا عن نفسى بحب اعبر الشات مشان انكش راس من الزهق
وانا بعتبرو شى عادى ***
هادا من وجهة نظرك بس اغلب الناس ما بتعتبره شي عادي ،، وأحيانا بتطور الي شي اكبر من عادي ،،
مشكور رومانسية علي المرور
تح ـياتي الك
عطر الروح
09-01-2008, 04:30 PM
أنامن ناحيتي لما بلاقى حالى فاضية لا شغلة ولا عملة بدخل الشات للتسلية والترفيه مش اكتر
بس من وجهة نظري في صبايا كتير وشباب كمان بيدخله الشات نتيجة لكبت عاطفي أو مشاعر دخلية ما بيقدروا يظهروها على أرض الواقع وخصوصا انه مجتمعنا محافظ نوعا ما ......................
بالمقابل ناس كتير بتدخله نتيجة لنقص حنان وود من المحيطين فبيدخلوه أو بتدخله لعلهم يلاقى كلمة حب من هان أو وكلمة حنان من هناك
هاد وجهة نظري
(((((( بس مش عارف يا دمعة ليش خصصتي البنات ؟؟؟؟؟؟؟؟؟ والشباب وين راحوا ؟؟؟؟؟؟))))))))))
تحايتي للجميع
كفورية بحدود
10-01-2008, 08:33 AM
يمكن كلامي يكون عقد بس انا عن نفسي مادخلت الشات الا اربع مرات اول ماعرفت حاجة اسمها شات وبعدها لليوم مابفوتوا لو كان الزهق دابحني
وهادا لاني سمعت قصة عن الشات لليوم بتبكي الحجر
وبعتقدا نو الزهقان في الو منتديات يفش خلقو فيها
وتاني شي من دخلتي للشات بهالاربع مرات لقيت انو الشباب اللي بيفوت الشات هو شباب محروم !!!!
والبنات بتقع فريسة هالحرمان هادا ...هادا اذا ماكانت هي اساسا مكبوتة هههههههههه
وتالت شي اساسا لو حد مكبوت وزهقان يمسك ورقة ويكلم هالورقة ولما يخلص يمزعها او يحرقها
واللله بتزبط
واللي بيحكوا عادي يجربوا يقعدوا من غيرو يوم
واتا اتحدى
هادي وجهة نظر بحتفظ فيها لو شو ماصار
دمعه فلسطين
10-01-2008, 01:55 PM
مشكورة كتير همسااااات ،، كفورية ،،
علي المرور ،،
تح ـياتي
sawa7sawa7
10-01-2008, 10:02 PM
الشات كلام فاضي
و موضه قديمه
يعني من سنتين او تلات سنين كان كل اللي بيقعدعلى النت من اجل الشات او الايميل
لكن الان الوضع تغير كثيرا لأن الجميع اكتشف انه بيضيع وقته بدون اي فائدة
معظم تاركين الشات توجهوا للمنتديات و المواقع التفاعلية
دمعه فلسطين
10-01-2008, 11:34 PM
صحيح كلامك سواح بس بتضل وجهة نظر ،،،
مشكور علي المرور
تح ـياتي
amier alaqsa
12-01-2008, 09:17 PM
بيلجأن من الزهق الله يعينهن
أنا عن نفسي ما بدخل الشات لانه كلام فاضي وما بثق اصلا باللي بيدخلو الشات سواء بنت او شاب وكل اللي بيصير
تعارف ومش عارفة شو كله كلام فاضي وكله كلام كذب ،الشباب بيضحكوا عالبنات والبنات بيضحكوا عالشباب واللي
مش لاقي شغلة يعملها بيروح عالشات مشان يفرغ عن حاله من كبت وغيره
زهرة الثلج
12-01-2008, 10:40 PM
ازا رح اجكيلك ما دخلت شات كزابة
بس انا ما عمري دروت علي شات
بيكون غالبا اخوي فاتح شات وسابوا بقعد اشوف شو بيحكوا
بس ما عمري اختلطت بحد
بس من الي شفتوا كتير بنات بيحبن شباب اتعرفن عليهم ع شات
هن بيحبوهم وهما بيضحكوا عليهم
مشكورة
الزعيم
12-01-2008, 11:05 PM
راي انو البنات بكونو في البيت ومن كتر الشغل اذا كانو بيشتغلو اصلا بيلجؤ اما الى سينما او ميولدي او الشات هذا راي
تحياتي
smart_mody
13-01-2008, 12:54 AM
وتاني شي من دخلتي للشات بهالاربع مرات لقيت انو الشباب اللي بيفوت الشات هو شباب محروم !!!!
ههههههههههه محروم من شو
الشباب او البنات من رأيي اللي بدخلو الشات اما فاسدين او بستهبلو او بحثا عن الحب
ومن الاخر الشات مضيعة للوقت وتفاهة الا اذا كان لمناقشة موضوع معين بين الزوار وليس حكي عشوائي
مشكورين
دمعه فلسطين
13-01-2008, 12:12 PM
أمير ،، صفاء ،،
زهرة ،، الزعيم ،،
سمارت .....
مشكورين علي المرور الطيب
تح ـياتي للجميع