من اين جاء هذا المربع (لغز رياضي رائع)

[ابو سمرة]

بسم الله الرحمن الرحيم

مساء الخير لالكم جميعا

اللغز التالي شيق جدا وجميل وفكرته هي


كان هناك مثلث قسم إلى أربع مناطق كل منطقة ملونة بلون ما


تم تحريك هذه المناطق الأربع بطرقة ما فظهر فجأة ودون سابق إنذار مربع لا ينتمي إلى أي من المجموعات الأربع



فمن أين جاء هذا المربع وهل يمكن أن يكون هذا الأمر حقيقي أم أنه مجرد خدع بصرية


شاركنا وضع رأيك


ملاحظة :

صورة المثلث قبل وبعد التحريك في في الاسفل


يلا بدي اشوف الاذكياء وكمان انسخ الصورة وكبرها عندك


[فقط الأعضاء المسجلين والمفعلين يمكنهم رؤية الوصلات]



تحياتي
ابوسمرة

[محمد2050]

شو المشكله القصة ؟؟

طبيعي جدا

مش فاهم سؤالك !

[دالين]

محمد كيف يعني مساحة الاشكال الملونة نفس المساحة بالصورة الاولى والتانية
ولما حركناها طلع في مربع فاضي؟؟؟؟

يمكن ناقص جزء صغير من كل مربع ملون كون المربع الفاضي

[بيسان]

أنا رسمت المربع على ورقة وقسمته بس طلع عادي انه ما في مربع زيادة

ورجونا شاطرتكم يا رياضيات وحلوه

لغز حلو بس وين اللغز بالموضوع

[محمد2050]

محمد كيف يعني مساحة الاشكال الملونة نفس المساحة بالصورة الاولى والتانية
ولما حركناها طلع في مربع فاضي؟؟؟؟


اها

المساحة مش رح تختلف نهائيا
بس الشكل التاني مش نفس الاول
اكبر منه شوية
علشان هيك في مربع فارغ

ركزوا على الضلع الكبير (الوتر)
رح تلاقوه انه مختلف بالرسمتين

اعتقد هيك السبب ..:)

[دالين]

طيب مهو كيف الوتر طلع اكبر
مع انو الشكلين الي كونو ا (( الاخضر والاحمر ))
نفس المساحة بالحالتين

[محمد2050]

انا قلت الشكل اكبر مش الوتر

بعدين اعتقد انه الوتر مش (عدل)

يعني في اختلاف بزاوية المثلث الاخضر عن زاوية المثلث الاحمر

كمان الشكل الى حد ما (مش مثلث)

مش عارف فهمتو قصدي ولا لا !!

[محمد2050]

هيني كبرت الصورة ودققت

كبروها ودققوا

رح تلاقو انه الاخضر زاويته اكبر بشوية من الاحمر

يعني بالشكل الاول الوتر داخل لجوة
وبالشكل التاني الوتر طالع لبرة

ان شاء الله تكون وضحت الصورة ..

[دالين]

مهو هاد الي بحكيه الوتر بميل اكتر بالحالى التانية فبينقص من مساحة كل شكل شوية بكونو المربع الفاضي

[محمد2050]

مساحة كل شكل ثابته ما بتتغير..

بس القصة انه الوتر نفسه فيه زياده
مش قادر اوضحلكم اكتر من هيك

بس ييجي صاحب الموضوع ويقول صح ولا لا بوضحها هو اكتر ..
وان ما فهمتو بعمللكم صورة للتوضيح بس هلأ مش فاضي ..

[دالين]

مخولتني بس يمكن افهمت الوتر بيميل بكبر مساحة الشكل العام وبضل الاشكال الصغيرة زي ما هي فبزيد مربع
صح يا استاز

[البريئة]

اول شي المثلث الأحمر بدل الأخضر والأخضر بدل الأحمر
حيث أن مساحة المثلث الأحمر أكبر من مساحة المثلث الأخضر ولمن اتبدلو الشكلين صار في وسع مكان الأحمر وبهيك بين المربع الزائد
ما بعرف يمكن الحل صح ويمكن خطأ
يسلمو سامر
ياريت ترد علينا يا صح أوخطأ

[محمد2050]

شكلك رح تجلطيني

شوفي هي عملت رسمة للتوضيح

فعليا الرسم اللي بالاسود هو المثلث

لكن بالسؤال هنا الرسمة هي الضلع اللي بالاحمر
رح تلاقي واحد طلع لبرة وواحد داخل لجوة
وهنا بتنكشف مساحة المربع الصغير

[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

انا زودت الانحراف علشان ابين الفكرة
لكن بالسؤال الانحراف اقل من هيك

يارب تكون وصلت الصورة ..

[محمد2050]

اول شي المثلث الأحمر بدل الأخضر والأخضر بدل الأحمر
حيث أن مساحة المثلث الأحمر أكبر من مساحة المثلث الأخضر ولمن اتبدلو الشكلين صار في وسع مكان الأحمر وبهيك بين المربع الزائد
ما بعرف يمكن الحل صح ويمكن خطأ
لالا نهائيا مش صحيح

لانه كل شكل تبدل مكانه بس ما تغير حجمه ..

[دالين]

شكلك رح تجلطيني

بالله شو ؟؟
اقرا كلامي مرة تانية اخر رد وشوفو زي ما شرحت بالزبط
بس انت ما بتعرف تشرح كويس
ما تطلع مدرس ابدا

[محمد2050]

بالله شو ؟؟
اقرا كلامي مرة تانية اخر رد وشوفو زي ما شرحت بالزبط
بس انت ما بتعرف تشرح كويس
ما تطلع مدرس ابدا

انا لما اكون فاهم حاجه بعرف اوصلها
بس عالنت وبمجرد كلام مكتوب صعب اوضح الفكرة

عموما خلص تزعليش كلامي غلط وانت صح
بس خلصيني ..

[محمد2050]

دالين خدي تسلي بهدول

[فقط الأعضاء المسجلين والمفعلين يمكنهم رؤية الوصلات]

[فقط الأعضاء المسجلين والمفعلين يمكنهم رؤية الوصلات]

اوصفي الورقتين وصف دقيق
يلا اتسلي فيهم
بعرف تعون الاحياء بحبو الحجات هاي ..

صحيح ما بدي الجواب
بس هيك علشان الهيك شوية هههه

[دالين]

طيب بتتمسخر
مقبولة منك
هي مش مقبولة بس عشان انت المدير

[البريئة]

مين حكالك انو مساحة المثلثات ما تغيرت
عد مربعات كل مثلث وشو
وراح تلقيهم خاصة الأحمر والأخضر الي منهم زايد والي منهم ناقص مسحاتهم
ويايريت الي حط الموضوع يحكي عن ردودنا يا صح يا خطأ

[دالين]

البريئة لا تجادلي
هلا بيعطيكي كم صورة تلعبي فيهم
بس حللك غلط هههههههههه

[محمد2050]

طيب بتتمسخر
مقبولة منك
هي مش مقبولة بس عشان انت المدير
هههه يا سلاااام

مين حكالك انو مساحة المثلثات ما تغيرت
عد مربعات كل مثلث وشو
وراح تلقيهم خاصة الأحمر والأخضر الي منهم زايد والي منهم ناقص مسحاتهم
ويايريت الي حط الموضوع يحكي عن ردودنا يا صح يا خطأ
قلتلكم حلي غلط خلص ما تضلكم تردوا ع كلامي

بس ييجي سامر بقول شو الحل هو صاحب الموضوع

يارب ترحمني ...

[فتاة طموحة]

انا عرفت الحل وان شاء الله يكون صح
هلقيت مساحة المربع اللي فوق هي نفسها مساحة المربع اللي تحت بس وين الشكلة
اامشكلة تكمل في انو اول اشي مساحة المتلت هي 1/2*القاعدة*الارتفاع وفي المتلت اللي فوق في مربع من المربعات مشترك بين الشكل الاخضر والشكل الاصفر في الارتفاع ولما نحسب ارتفاع المتلت المربعين حينحسبوا مربع واحد وكمان في خمس مربعات مشتركة بين الاخضر والاصفر في القاعدة فيصبح مجموع المربعات المشتركة في الشكل الاول 6مربعات اما في الشكل التاني فيوجد مربعين مشتركين في القاعدة وتلات مربعات في الارتفاع وبالتالي يكون مجموع المربعات المشتركة هو 5 والمربع السادس هو المربع الفاضي وبهذه الحالة يبقى طول القاعدة في الشكل الاول يساوي طول القاعدة في الشكل التاني والارتفاع في الشكل الاول نفسه في الشكل التاني وبالتالي تبقى المساحة كما هي
ايش رايكو هلقيت هي بنات الرياضيات حلوه بس يا ريت ترد علي يا سامر وتقولي جوابي صح ولا غلط مع اني متاكدة انو صح

[محمد2050]

طموحة ..
ما بعتقد كلامك صح
لانه اصلا الشكل مش مثلث 100%
يعني ما بنفع تطبقي عليه مساحة المثلث ..

[ابو سمرة]

مساء الخير اعتذر عن غيابي لان المنتدى ما كان يفتح عندي اله فتره وكنت احاول ادخل ادخل بس للاسف ما كان يفتح
اجابة الاخ hit man هي اجابة صحيحه مئة بالمئة وان اللغز هو خداع بصر لا اكثر ولا اقل
لاحظ الرسمة الاولى ان الوتر منبعج للداخل والرسمة الثانية ان الوتر منبعج للخارج وقد زادت مساحة المثلث
شكرا لالكم جميعا على المرور
واعتذر مرة اخرى عن غيابي عن الموضوع




تحياتي
ابو سمرة

[ابو سمرة]

لا لا المدير العام استاذ غصب عن الكل ولا كيف شايفه دالين بكفي انو حل الغز على طول
وبعدين انتي احياء يعني طالبة كلية علوم يعني المفروض على طول تحليه وبعدين انا كاتب بالموضوع كلمة خداع بصري يعني المفروض انكو على طول تعرفو وشرح المدير العام شرح وافي ومشكور كتير على الرسمات التوضيحية
وانا سيبتكم وخليتكم تعملو مشاكل مع اللغز يالله بسيطه غلطه مني
شكرا لالكم جميعا على المرور

[دالين]

لا لا المدير العام استاذ غصب عن الكل ولا كيف شايفه دالين بكفي انو حل الغز على طول
طب انا ساكتة هو انا قولت شي ... طيب يتهنى بعقلوو


وبعدين انتي احياء يعني طالبة كلية علوم يعني المفروض على طول تحليه وبعدين انا كاتب بالموضوع كلمة خداع بصر

يووووه مالك بتزل فيا مالكل جاوب غلط وقفت عليا يعني بدي الاقيها منك ولا من دكاترة الجامعة
مخلصنا بئا ياسامر

[محمد2050]

الحمدلله طلع حلي صح .

لا لا المدير العام استاذ غصب عن الكل ولا كيف شايفه دالين بكفي انو حل الغز على طول
ههههه ع فكرة انا مابحب كلمة "استاذ"
كمان ما في داعي الها ، لانه احنا طلاب زي بعض
احكيلي محمد وخلص
وان شاء الله قريبا رح اتعرف عليك شخصيا لانك من شباب الفيزيا واغلبهم بعرفهم

منورنا بمواضيعك الحلوة ..

[جمال و الحمد لله]

بسم الله الرحمن الرحيم
مساحة المثلث الكبير إذا حسبت لا تساوي مجموع المساحات و يمكن رؤية هذا بالضلع المائل فهو غير مستقيم!
موفق بإذن الله ... لك مني أجمل تحية .

[ساموو]

الموضوع حلو وشيق للغاية .... ونفسي اعرف الحل انااااااااااااااااااااااا
وعلى فكرة المقاييس وحدة وما تغير بيها شي
تحياتي**

[دمعة تائبة]

مش مقتنعة بالاجابة
الشكل تماما نفسه .؟ مابعتقد انو خدعة !!
قرأت الردوك كلها وعرفت انو في انبعاج بس مش واضح بالمرة رغم تكبيري للصورة
يعطيك العافية

[ابو سمرة]

يااااااااااااااااااااه الموضوع قديم كتير
بس حلو انو في اعضاء بيراجعو المواضيع
دمعة تائبة انتي لو دققتي بالصورة رح تلاحظيها

[محمد2050]

دمعه فوتي هنا
[فقط الأعضاء المسجلين والمفعلين يمكنهم رؤية الوصلات]

[دمعة تائبة]

اهاا فاهماها
بس باصلورة الاصلية مش واضحة
شكرا محمد كتيييير