مشاهدة النسخة كاملة : هل دخول المرأة للمنتديات من غير معرفة ولي أمرها معصية أم حرية شخصية ؟
The Lion Heart
16-05-2009, 07:35 PM
بسم الله الرحمن الرحيم
السلام عليكم ورحمة الله وبركاته
إخواني وأخواتي فى الله
عندي لكم موضوووووووووووووع للنقاش
ومناقشاتكم القيمة
وهو عن المرأة التي تدخل المنتديات من غير إذن ولي أمرها وتشارك في المنتديات بكل حرية من غير ما تعرف ولي أمرها بذالك وأخص الزوجات لأن إثمهن عظيم كما أرجو التطرق إلى الردود الرومنسية وتأثيرها على العضو سواء نساء أو رجال
ومن هنا أدعو إخواننا الأعضاء إلى الإنتباه إلى هذه الملاحظة الخطيرة لأن القلب يميل
إلى الكلام الجميل والنساء رقيقات ويتأثرن بالكلام العذب الذي يأخذ بلب القلوب
أرجو من الجميع مناقشة الموضوع بكل حرية وجدية لأهميته
موضحين السلبيات والإيجابيات التي يحتويها هذا الموضوع
كما أرجو توضيح هل دخول المرأة للمنتديات من غير معرفة ولي أمرها معصية أم حرية شخصية
و دمتم جميعــا بألف خير
وردة فلسطين
16-05-2009, 07:55 PM
اول مرة اعرف انو دخول المنتدى بدو موافقة ولي الامر
يمكن ؟؟!!
انا ابوي بيعرف اني بفوت المنتدى ومرات بيفوت باسمي يتفرج على عمايل بنتو هههه
يسلموو عطرحك للموضوع
جنون أنثى
16-05-2009, 08:10 PM
بعتقد مابده موافقة
انا عني كل البيت من صغيره لكبيره بيعرف اني بفوت منتديات وبشارك
طالما مابشارك باسمي
وشخصية مختلفة تماما عن الوقع
شو المانع؟؟؟؟
مشكور ع الموضوع
أنين الروح
16-05-2009, 08:11 PM
صحيح هو الوالد لابد له من معرفة كل شي عن ماتقوم به ابنته وهاي من حقه وواجب عليه
بس قصة انه يعطيها موافقة على انها تدخل منتديات فهاي يمكن اصبحت قديمة شوية لانه
هم هس صاروا يدخلوا المنتديات وبعرفوا شو فيها وشو بتحتويه مشان هيك بشوف قصة
اعطاء الموافقة شيء اصيح مختلف نوع ما. هاي بالنسبة للبنت بالنسبة للزوجة فهاي شي مختلف
على العموم يعطيك العافية على الموضوع . لانه المنتدى اله سلبياته الكثيرة واله ايجابياته وكلنا بنعرف شو هم
لانه كل انسان اله عقليته اللي من خلالها بحدد الصواب من الخطا. وان شاء الله ربنا مايجيب خطأ تحياتي.
The Lion Heart
16-05-2009, 08:33 PM
اول مرة اعرف انو دخول المنتدى بدو موافقة ولي الامر يمكن ؟؟!! انا ابوي بيعرف اني بفوت المنتدى ومرات بيفوت باسمي يتفرج على عمايل بنتو هههه يسلموو عطرحك للموضوعبس لازم يا أختي انو الوالد يعرف كل شي عن بنتو بالذاتاما الإبن ( الشاب ) ما بركز عليه اكتر من البنت .. لأنو واعي أكتر من البنتو موفقه ان شاء اللهدمتي بألف خير بعتقد مابده موافقة انا عني كل البيت من صغيره لكبيره بيعرف اني بفوت منتديات وبشارك طالما مابشارك باسمي وشخصية مختلفة تماما عن الوقع شو المانع؟؟؟؟ مشكور ع الموضوعاهااااجبتيها من الأخر انتي ^^في بنات للأسف بشاركو بأسماء مستعارة ( و رومانسيه ) ( يعني بتعمل شخصيه مزيفه )صحيح كلامك يا أختي ..منورة الموضوعدمتي بألف خير صحيح هو الوالد لابد له من معرفة كل شي عن ماتقوم به ابنته وهاي من حقه وواجب عليه بس قصة انه يعطيها موافقة على انها تدخل منتديات فهاي يمكن اصبحت قديمة شوية لانه هم هس صاروا يدخلوا المنتديات وبعرفوا شو فيها وشو بتحتويه مشان هيك بشوف قصة اعطاء الموافقة شيء اصيح مختلف نوع ما. هاي بالنسبة للبنت بالنسبة للزوجة فهاي شي مختلف على العموم يعطيك العافية على الموضوع . لانه المنتدى اله سلبياته الكثيرة واله ايجابياته وكلنا بنعرف شو هم لانه كل انسان اله عقليته اللي من خلالها بحدد الصواب من الخطا. وان شاء الله ربنا مايجيب خطأ تحياتي.هوا بالأصح يا أختي يراقبها و يعرف شو بتعمل ( مش موافقه يعني تدخل او ممنوع ) بس في اباء شديدين شويهما بخلو بناتهم يشاركو بالمنتديات ..و كلامك سليم و صحيح يا أختيمنوورة الموضوعدمتي بألف خير
شوف البنت اللي بتصون حالها بتصون جوا او برا النت واذا ما كانت الرقابة من جوا مستحيل حدا يقدر يمنعها من الغلط
المفروض الخوف من الله يكون اقوي واكتر
الانو اللي بدها تفلت بتفلت لو كل اهلها بدهم يراقبوها
هاي وجهة نظري
كل الاحترام
القلب البريء
16-05-2009, 08:43 PM
بالنسبالي اهلي ماما وخواتي يعني عادي بيعرفو بس بابا ما بيعرف ما بقله لما بدي سجل بمنتدى مش محتاجه يعني مش من شان شي بس انه عادي يعني لاني ما بعمل شي غلط بحط مواضيع وبرد ع غيرها بفيد وبستفيد وبرفه عن نفسي شوي يعني مرات بيفوت علي وانا عالنت سواء عالمنتدى او غيره بيقولي شو بتعملي وبجاوبه بيطلع شوي بصير يضحك ويروح ههههه وعادي يعني لو عرف مش حيقول شي ولا حيمنعني بس في حال انه يكون ع حساب وقتي لدراستي والبيت اكيد حيزعل مني وما يحب هالشي مني بس بردو بنفس الوقت مش حيمنعني من المنتدى او يعاملني بقسوه
كلمه اخيره مش ضروري يعني كل وحده اهلها بعرفو تكون ما بتعمل شي غلط والوحش وحش داخل وخارج النت وبعلم الاهل وبدون علمهم
يسلمو قلب الاسد عالموضوع الحلو
[فقط الأعضاء المسجلين والمفعلين يمكنهم رؤية الوصلات]
ما فكرت فيها قبل هيك
بس الي بدها تشترك والبابا مش موافق بتشترك
يعني لازم الواحدة تعمل حساب لضميرها افضل من للبابا
لانو لما الضمير يصحى ما بظل شي
وكمان بالنسبة للشخصية المزيفة ممكن يكون الاسم هو مزيف والشخصية هي هي
اما الي بتقمص شخصية ثانية هدا عند مشكله بحاله
تسلم ع الطرح المميز
بس انا عندي سؤال محيرني ........ هو صح البنت تشترك بالمنتديات من وجهة نظر الشباب ولا لا
صح البنت تشترك بالمنتديات من وجهة نظر الشباب ولا لا
اذا كانت البنت محترمة شو اللي بيمنع
وليش مسموح للشاب مش مسموح للبنت
هاي النظرة تغيرت والنت مش عيب ولا حرام طريقة استخدامه هيي اللي بتحدد
من الاخر البنت المحترمة بتكون محترمة برا او جوا النت والنت مش مقياس انو فلانة محترمة اولا
لكن الشاطرة اللي بتعرف تصون حالها
The Lion Heart
16-05-2009, 09:42 PM
مشكورين اخواني على مروركم العطر و المميز
أخت رغد بالنسبه لسؤالك انو هو صح البنت تشترك بالمنتديات من وجهة نظر الشباب ولا لا ؟؟
بالنسبه اللي كـ شاب ,, لا أعارض مشاركه أخواتنا بالمنتديات ,, اما إذا كان يؤثر على الدراسه
أو متطلبات الحياه الأخرى فأنا أعارض النت كله و ليس المنتديات سواء على الشاب أو الفتاه
منورررين بوجودكم
دالين
16-05-2009, 10:51 PM
عادي يعني اهلي عارفيني شو بعمل
كتير مرات بناديهم يتفرجو على موضوع وبيقراوو ردودي
غير اني بخلي خواتيالكبار يسجلوو بنفس المنتدى ازا عجبني
وبالنهاية بتضل شغلة ثقة وانك تزرع الاخلاق بابنك وتسيبو يمشي عليها
غزالة
16-05-2009, 11:19 PM
عادي... بتزكر زمان اول النت أبوي كان إنو مش عاجبو اسجل بمنتديات
مع العلم ما كنت ارد كتير هههه بس ما برعف ليش
بعدين لحالي نسجمت وما عارض ..بالعكس بيعرفوا انو عن طريق المنتديات اللي صحبات
وبكلمهم تلفون وصداقة غير شكل عن طريق المنتديات!
الحمد لله :)
محمد2050
19-05-2009, 03:58 AM
موضوع رااائع وهام جدا جدا
اولا انا ما بعارض دخول البنات للمنتديات
لكن المشكله بتكون لما البنت تشارك باسم يجذب انتباه الشباب
وبعدين طريقة كلامها ومواضيعها وردودها
بتخلي عن الشباب تخيل لفتاه تانية
وكل واحد بصير بده يصيد ايميلها او يكلمها عالخاص
وطبعا هاد اكبر غلط
او ممكن انه البنت يعجبها كلام شب معين
لانه مواضيعه اشعار رومانسية مثلا وبرد عليها بطريقة حلوة
فبصير بينهم مشاعر كاذبة ..
وانا شخصيا مر عليا قصص زي هيك
وبالاخر التنين انصدمو ببعض هههه
هاد موضوع حلو وقريب من هاد الموضوع
[فقط الأعضاء المسجلين والمفعلين يمكنهم رؤية الوصلات]
بحيّك اخ محمد عالموضوع المميز ..
أ. عبدالله حرب
19-05-2009, 11:46 AM
أنا بإعتقادي إنو ما فيها شي لمن البنت تفوت بالمنتدى يعني البنت لمن بتفوت المنتدى راح بتكون واعية وفاهمة شو
راح تعمل
يعني مو معقول راح تعمل شي غلط
يعني المنتدى للمشارك والموضيع
والتثقيف
يعني مو معقول إنو لكم بدها تفوت المنتدى تفوت مشان تحب يعني مو بس على المنتدى حتى الماسنجر يعني المنتدى أهون من الماسنجر الماسنجر ما في حد بعرف شو ممكن يكون عليه أنا المنتدى كل شي مبين واضح وطبعا الأب لازم يكون حريص \على بنتو حتى وإن كانت كبير ةلأنو بتبقى بنت أما الشب إسمو شب و
وتحياتي إلك على الموضوع
*همس المشاعر*
19-05-2009, 12:06 PM
موضوعك حلو كتير ومميز
بس احكي شغلة يعني هلاء النت موجود بليبت وانا لما بقعد عليه بيكونوا اهلي موجودين
يعني الا ما حدا يطلع او يدخل وانا موجودة عليه فحيشوفوا شو بعمل وهدا شي طبيعي
وانا اهلي بلوقت الحاضر مش مقيمة عند اهلي لكن ايام ما كنت عندهم كنت افوت النت عادي
لانه واجب كل اب وإم يعرفوا اولادهم على شو بيقعدوا و معاهم حق
فكيف الواحد بده يبفوت نت واهله مش شايفينه
تسلم ع الطرح
فتاة الأمل
19-05-2009, 01:21 PM
اول مرة اعرف انو دخول المنتدى بدو موافقة ولي الامر
ما بظن بدهاا موافقه ...لا اعارض دخول المرأه الى المنتدى
يسلموووو
فتاة الأمل
رمز الصبر
19-05-2009, 03:13 PM
السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
اخواني استغربت الردود الكثيرة لتأييد دخول المرأة المنتديات دون اذن من ولي امرها فذلك يدعوا للاختلاط الذي ينتج الكثير من الفساد وانتم جميعا تعلمون ذلك , وايضا المرأة ضعيفة امام الكلام المؤثر فربما ولي امرها يعلم بذلك ويعلم بمصلحتها وفي هذا الامر ليس هناك شئ اسمه حرية شخصية نرجوا الانتباه من اولياء الامور هدانا الله واياكم لدرب الحسنات وابعدنا عن السيئات
كما أرجو توضيح هل دخول المرأة للمنتديات من غير معرفة ولي أمرها معصية أم حرية شخصية
أكيد السؤال مش موجه النا لأنه كوني حأقرر انه شيء معصية من عدمها
يدخل في الافتاء وهذا شيء مرفوض ع مستوانا كطلبة
بالنسبة للموضوع عموما فعلا في بنات يترققوا في الردود ويتعمدوا أسلوب معين في الصور ونفس الكلام للأولاد بجعل الطرف التاني يميل له بشكل ما
الأسلوب هادا خطأ بدون شك
ولو تسمحلي ألف بالموضوع من زاوية أخرى أنا أب أو أم بالبيت وعارف أخلاق أبنائي وعارف مين منهم واجب متابعته والانتباه لجلساته ع النت لازم ما أهمل متابعته
تحيتي ع الموضوع المميز جدا...
The Lion Heart
19-05-2009, 05:25 PM
مشكورات اخواني و اخواتي
على ردرودكم المميزة
دمتم بألف خير
yousra-kandouli
19-05-2009, 05:36 PM
السلام عليكم ورحمة الله وبركاته
أوْيد دخول المراةالمنتديات
واعتبرهاحرية شخصيه
لكن ضمن حدود الحريه
وله ايجبيات في العلمم والمعرفه
شكرا على هدا الموضوع الرائع
zanzouneh
19-05-2009, 05:57 PM
سلام عليكم طبعا لازم البنت تشارك فى المنتديات حتى تكسب معلومات وتتثقف اكيد فى المنتدى الجيد اما من جهة الاهل لازم يعرفواما ضرورى لان لازم يكون فى ثقةبينهم والا ما كان لازم يدخلوا الانترنيت على البيت من الاصل وشكرا
دمعة تائبة
19-05-2009, 09:29 PM
كل انسان حسب اخلاقه ما بعتقد انو حرية شخصية
يعني باختصار لازم يكون الأهل عنهم علم وتكون رقابة على البنت بصورة مش ملفتة لحتى يزرعوا في بنتهم الثقة
بالعكس تماما بأيد دخول البنت والمشاركة لنفيد ونستفيد ويكون هدفنا الأول مش انو ندخل لنتعرف على بعض وناخد ايميلات وما بعرف شو من هالشغلات
وأكيد البنت المحترمة ما حد بيقدر يحكي معها كلمةةةة
ونتذكر ها الأية ( وما يلفظ من قول الا لديه رقيب عتيد ) بغض النظر ان كان الأهل متابعين بنتهم او لأ أول شي مخافة ربنا
يسلمو على الطرح الممييز
The Lion Heart
19-05-2009, 09:37 PM
مشكورين اخواني على الردود الطيبه
دمتم بكل الخير
sawa7sawa7
20-05-2009, 12:17 AM
معظم الردود مصطنعة
وفيه كلام كتير صعب ينحكى
[فقط الأعضاء المسجلين والمفعلين يمكنهم رؤية الوصلات]
*همس المشاعر*
20-05-2009, 11:31 AM
يلا منيح انك فتحتوا استفتاء وتصويت هيك احسن
يسلموا
أنا من رايى مو لازم ضرورى تقول للوالد بس المهم انها تلتزم الاخلاق الدينية فى اى موضوع تطرحه
وبعدين لأ سف انو بنات اليوم مخذات حرية كاملة فى جميع الاشياء
انا بشوف انه لو البنت كانت رودودها ومواضيعها في غاية الاحترام .
ومافي بينها وبين شباب المنتدى غير علاقة الاخوة والرد ع مواضيعهم.
اكيد بيكون عملها صحيح مافي اي غلط..
بس المهم الالتزام بالادب والاخلاق وقواعد الدين..
بس لو كانت متزوجة اكيد لازم تاخد راي زوجها.
واذا مو متزوجة راي والدها مو مشكلة مادامها ما بتعمل اشي غلط..
بس الافضل رايي.
ياريت تتقبلوا مروري ورايي..
يسلمو ع هالطرح..
لورين
20-05-2009, 08:07 PM
السلام عليكم ورحمة الله وبركاته
بصراحة الموضوع شيق ومهم مع اني اول مرة افكر انو البنت ممكن تستاذن ابوها لتفوت منتدى
انا في رايي انو البنت ممكن تفوت المنتديات بس بادب واحترام اكيد ومش كل المنتديات
على العموم انا مش مشتركة غير في منتدى الجامعة وبس
اما بالنسبة لموضوع تاثير النت على الدراسة فهذا موضوع مرفوض بكافة اشكاله ومضمونه
شـكــ وبارك الله فيك ـــرا لك ... لك مني أجمل تحية .
موفقين بإذن الله ... لك مني أجمل تحية .
الحبيبة
22-05-2009, 11:05 AM
السلام عليكم ورحمة الله وبركاته
انا بأيد اشتراك المرأة بالمنتديات ما دامت تستفيد فى دينها ودونياها
ايضا بيكون موجود معلومات اكتير تحب تعرفها ومو بتعرفها غير بعد المشاركات
و اكيد ولى الامر لا يكره لابنته المعرفة ما دامت فى حدود احترام والشرع
شـكــ وبارك الله فيك ـــرا لك ... علـــــــــــــــــــــ الموضوع ــــــــــــــــــــــــــــــــــــــــــــــــــ ـــــــــــى
بنت النور
22-05-2009, 08:50 PM
ماكنت بعرف انو لازم نستأذن من البابا قبل ما نفوت النت
بعدين شو يعني لما نفوت المنتدى ولا هيا محللة للشباب والبنات حرام
هادا كلوا كلام فاضي وهيا البنت شو بتعمل بالمنتدى
بس بنتسلى وبنقرا مواضيع
بس الكل حاطط حطة البنات هما شو عاملين الكوو
مع انو كل البلاوي من تحت راس الشباب هههههههههههههه
art maha
23-05-2009, 04:09 PM
أكيد لازم يعرف ولي الامر سواء أب أو زوج
حتى لو كنت واثقة من نفسك بس الاحسن انه يعرف
بالنسبة لي بحكيلو حتى اذا ما سألني
ومشكووور اخي على الموضوع
smart_mody
23-05-2009, 04:24 PM
برأيي لازم تاخد اذن ...
وتدخل باسم محترم
وترد باحترام
وما تتدلع
وبس
ومشكور خيو عالموضوع
الامل
23-05-2009, 08:43 PM
ان والله مش عارفة ما بافتيش بحرام او حلا ل
بس البنت لازم وين ما كانت تحافظ ع حالها
واكيد معرفة اهلها من مصلحتها
ابراهيم
24-05-2009, 11:19 PM
برأي الموضوع ببساطة دارج تحت موضوع الخيانة رغم شدة الاحترام على الجميع ....