اليوم 25/5/2009

[ير*]

السلام عليكم
تحياتي للجميع وانشالله الكل بخير
اليوم انا كنت بالبنك
وشفت اشياء بحياتي ما شفتها والله
وتأثرت فيها كتير
بس للاسف الكل بيحكي الي انه شي عادي
فكتبت هاي الكلمات


اليوم رأيتك أيها الشاب
وكم تمنيت أنلا أراك يوما هكذا
رأيتك وقد سقطت دمعتي لأجلك
فقد كنت مثلا أرتجيه فالدنيا

اليوم رأيتك وكأنك لم تذق الطعام شهرا
رأيتك جائعا محروما ضائعا

فيا لأسفي علي هذا الزمان الذى غدا فيه الشباب هكذا

فأسألكم بالله هل أنتم جياع
ألم تنم وانت لديك قوت شهر وليس يوم
لماذا فعلت ذلك
لماذا حدث ذلك اليوم
أيها الشاب أنت أمل المستقبل
كيف تفعل ذلك وأنت القائد غدا

لماذا أيها الشاب الفلسطيني

تحياتي

[دموع السماء]

يسلمووووووووووو دياتك يارا

بس اكييييييد مافى حد جوعان لانه الواحد لو اكل خبزة الحمد الله ع كل شىء

موفقة

[أ. عبدالله حرب]

بس ياريت يا يارا ما تعممي اوك أنا مو بحاجة 100 دولار تعتهم والحمد الله ما طلع إسمي وما بدي إياها لأنو ......



تحياتي إلك والإحترام واجب

[لانا]

هدو يا جماعة وافهمو الموضوع كويس
ممكن كلامك صج بس مو بنطبق ع الكل يعنى ممكن الى شفتيه من هالناس غير ناس تانية
وانا بحكى بجد فى ناس بسمع انها محتاجة وبشوف انها مش بهالحاجة الى بتتدعيها
الحمدلله ع كل حال لو اتسكرت من باب ربنك بيفرجها من باب تانى
اسمى ما طلع الحمدلله وكمان لانو فى ناس اولى تاخدهم وكمان القرض لاخر يوم ما كنت مقتنعة اسجل لانو بجد فى ناس بتستاهل اولى منى
مشكورة اخت يارا وهاد رأيك وشعورك ولازم نحترمو

[القيصر]

أول شي ما بخفي علي احد الوضع الصعب وليس صعب فقط وانما صعب جدا الذي يمر به كل المجتمع الغزاوي وخاصه فئة الشباب لانو الشب بحلم انو يصير ويعمل ويفكر بس للاسف بنصدم في واقع ما بخليه يعمل هيك .. وبتخرج وبصف مع طوابير البطاله

ثاني شي كل طالب بحاجه لهل الفلوس وخاصه أنو طالب جامعي يعني اغلبنا ما الو دخل ثابت
صحيح انو الاب الله يخليه للجميع متكفل في المصروف الجامعي بس بردوزا الطالب لازموا مصروف ثابت
لانو مواصلات وكتب ومصاريف جامعيه

وتأكدي أنو لو الشب مش محتاج هل الفلوس كان ما راح ..
بس هيك واقعنا .. والحمد الله علي كل شي
وانا باكد انو الكل بحاجه لهل الفلوس ومحدش يقولي أنو مش بحاجه
يعني لو طلعلك كان ما رحت قبضتها .. بترضي تتبرع فيها لطالب غيرك

انا بالنسبه الي رحت اليوم تقريبا الساعه 11 لقيتها زحمه .. فرحت مشوار وراجعت علي الساعه 2 واشوي والحمد الله كان فاضي البنك

هيك نصيبنا في الدنيا ما في عنا موارد طبيعيه نركن عليها وحصار ومعابر مغلقه والله يستر من الايام الجاي

وأن شاء الله ربنا بغير الحال للاحسن وتفتح المعابر وينفك الحاصر

سعيتها بتعطي فئة الشباب فرضه حقيقه للعمل ولتكوين الذات وبناء المستقبل

واخيرا بقول الله يكون في عون جميع الطلاب
لاني أنا طالب وعارف ايش هو المصروف الجامعي
ومهما كان معك كلووووووووووو طايرررررررررررررررررررررررررر

[دموع السماء]

هو صح مزبوط كلامك القيصر مية بالمية والله يعين الناس كمان ع مصايبها بس بردوا مافى واحد بيموت من الجوع يمكن انتوا فهمتوا وجهة نظرى غلط مشان هيك حبيت اوضحها

والله يعين الطالب وزى ماحكيت الواحد طالب وعارف شو يعنى طالب وعارف مصايب الناس والله يعينهم وان شاء الله تتحسن الاوضاع

موفقين

[ير*]

بس ياريت يا يارا ما تعممي اوك أنا مو بحاجة 100 دولار تعتهم والحمد الله ما طلع إسمي وما بدي إياها لأنو ......

استاذ عبدالله
انا ما بحكي علي الكل حكيه معناه واضح
وصدقني لو طلعتلك 100 دولار ما رح تقول لأ

الشب بحلم انو يصير ويعمل ويفكر بس للاسف بنصدم في واقع ما بخليه يعمل هيك .. وبتخرج وبصف مع طوابير البطاله
شوف قيصر
هلقيت الشاب الله يعينه والله وبعرف منيح انه ممكن تحرج من واللدك انه تاخد مصروفك
بس انا ما حكيت هيك
انا حكيت ليش الصبح لمن فاتوا علي البنك عملوا هيك
ليش دافعوا
وزعقوا لبعض والتنفيذية اجت وشوية كانت طوشة كبيرة
انت متل ماحكيت انا بدي 100 دولار وانت وهو
بس بالرحة بالذوق بالادب
مو بتدافع
بالفضايح اللي كانت
انا من الاخر كلامي ليش هيك احنا كنا
ليش متعكس صورة طالب وطالبة جامعيين محترمين الهم فنهم ورقيهم
انا هاد قصدي من الحكي بتمني ما حد يفهمني غلط
وانشالله الاوضاع بتصير احسن
بالمناسبة كان في شاب اول مافتح باب البنك كان بيصور الطلاب وهم بفوتوا
ياريت ينزل لتشوفي معني كلامي
تحياتي

[بياض الثلج]

اكيد مش عيب ولا غلط لانه لو وضعنا احسن من هيك كان مكن تحكي هالكلام عليهم بس للاسف شباب وجامعة ودراسة ومصاريف وما في شغل بكفي المواصلات بتهد الحيل يعني من اقل وادنى حقوق الهم انهم ياخدوا هالمبلغ
ان شاء الله هالوضع بتحسن وما بحتاجوا لحد

مع احترامي لوجهة نظرك يارا وان شاء الله اكون كتبت ردي في نطاق موضوعك ..

[ير*]

اكيد مش عيب ولا غلط لانه لو وضعنا احسن من هيك كان مكن تحكي هالكلام عليهم بس للاسف شباب وجامعة ودراسة ومصاريف وما في شغل بكفي المواصلات بتهد الحيل يعني من اقل وادنى حقوق الهم انهم ياخدوا هالمبلغ


شوفي اختي
الشيئ اللي بصير بلدنا صعب والله
حياتنا صعبة
هلقيت انت بتحس الملل والضيق
الكل بحاربنا
والمواصلات وغلاء المعيشة
انا فاهمة هاد الشي منيح
ما أنا منكم
بس هاد كله ما بيعني انه احنا نتخلي عن اخلاقياتنا
وشجاعتنا علي الحق وأدبنا
ياريت تكون وجهة نظري وضحت
تحياتي

[فتى المستحيل]

نص إبداعي رائع يا يارا***

لكن هل فكرت في أسباب يمكن أن تبرر موقفهم ذاك هناك مثل على ما أظن يقول إلتمس العذر لأخيك ثم إن الذي أثارك لا بد أنه هو الفوضى التي سادت المكان في الصباح لكنني أحب أن أنبهك أن بعض الشباب الفلسطيني بخاف ما بيستحيش فهؤلاء من الممكن أن يتجاوزوا أدوارهم ليحصلوا على ما يريدونه بأسرع ما يمكن وبما أن الموجودون هم فئة الشباب ذات الدماء الحارة فإن الكثير منهم لا بد رفضوا ذلك مما أدى إلى إندلاع تلك المشاجرات وأنا أعتقد أنه لولا وجود الشرطة لكانت الفوضى قد ظلت سائدة كما حدث عند الطالبات أنا لم أحضر هذه المشاجرة لكنني استطعت أن أتخيل ما حدث عندما حدثني عنها بعض الذين كانوا متواجدين في المكان ولقد هالني ما حدثوني به من أنهم قد وصلوا قبل أ، يفتح البنك أبوابه ولم يخرجوا قبل الساعة 11 حينما وصلت


وكما أسلفت يجب أن نلتمس لأخينا عذراً

أبدعت الإنفعالات تكشف الاشعراء كما تكشف المواقف الرجال

لك تحياتي يارا






ملاحظة:

يمكنك أن تقرأي نص "شكوى تنتظر الوصول"الذي كتبته في قسم فشة الخلق صار معي موقف زي هيك و...