مشاهدة النسخة كاملة : اقتراحات لتطوير قسم الفيزياء في الجامعة .. هام لكل فيزيائي و فيزيائية ..
محمود إسماعيل
03-07-2009, 10:53 PM
السلام عليكم ورحمة الله وبركاته
إخواني الطلاب , أخواتي الطالبات ...
سأطرح هذا الموضوع و هو اقتراحات لتطوير قسم الفيزياء بالجامعة ..
و السبب في ذلك وجود عدد من الطلاب و الطالبات في هذا المنتدى ..
و أيضاً يتبادر بين الطلبة أشياء متعلقة بهذا الموضوع بين بعضهم البعض .. لكن هذا الكلام لا يفيد ..
فأحببت أن أضع هذا الموضوع حتى يتسني لكل طالب أن يضع اقتراحات لتطوير قسم الفيزياء بالجامعة ..
فمهماا كان القسم جيداً لكن لا مانع من التطوير و التحسين دوماً ..
و ها نحن قد شارفنا فصل على نهايته .. و في انتظار الفصول المقبلة ..
لذلك أطلب من كل و طالبة من عندي أي اقتراح يراه مناسباً يقوم بطرحه , أو أي مشكلة يراهاا في هذا القسم
فالغرض من طرح المشكلات تفاديهاا ...
انتظر مشاركاتكم في هذا الموضوع .. و سوف يتم طرح آرائكم إلى الجهات المختصة بإذن الله ..
تحياتي لكم جميعاا ..
mahmoud
فكرة كتيرة حلوة محمود
وان شاء الله رح نفكر ونقدم الك اقتراحات لانه القصة بدها شوية تفكير
مع انه يا خسارة مش رح اشوف هالتطورات في القسم لانه احتمال كبير اغيب عنكو السنة الجاي
بس ان شاء الله بيصير قسم الفيزيا احسن قسم في المنتدى طالما المشرف نشيط مثلك
وان شاء الله بيكون في تفاعل من طلاب وطالبات الفيزيا
دمت بود مشرفنا المميز
ودام ابداعك وتألقك
محمود إسماعيل
03-07-2009, 11:10 PM
طيف
انا ما كان قصدي قسم الفيزياء بالمنتدى و إن كان عندك اقتراحات للمنتدى تفضلي ..
أنا قصدي القسم كقسم يعني بالجامعة (مواد , تسجيل و غيره .... ) , و إن شاء الله الدكاترة هيشوفوا الموضوع هاداا ..
هاي قصدي ..
ههههههههههه
معلش افهمت غلط
اذا على قسم الفيزيا كتير في شغلات ناقصة
يعني الاقتراحات جاهزة
مثلا
مواعيد محاضرات التخصص يا ريت ما يكونو ورا بعض على طول لانه ما حد بيعذر من الدكاترة الفصل ال فاتت اتطردنا عشان تاخير 5 دقايق مع انه في محاضرة تخصص قبل التانية وطبعا ما حد بيعذر
وكمان يا ريت امتحانات التخصص ما تكون في نص الجدول مثل ما صار في الدناميكا يعني يا دوب الحقنا نراجع القوانين
واكييييييييد في كتير شغلات تانية ان شاء الله بنفكر وبنحكيلك
محمد2050
04-07-2009, 06:39 AM
انا عندي اقتراح مهم
انه تكون مواد الفيزيا اللي مع طلاب غير فيزيا بشعبه خاصة فيها
يعني مثلا احنا طلاب الحاسوب يكون النا شعبة فيزيا خاصة فينا
لانه اول عن اخر الفيزيا مش رح تفيدنا
وما شاء الله كل الطلاب بحملوها واللي بنجح يا دوب 60
وهاد مش عدل لانه احنا ما بندرس فيزيا ..
كمان شغله تانيه مهمة
بصراحه قسم الفيزيا يفتقر دكاترة بتفهم
تحيتي ..
لحن الفيزياء
04-07-2009, 07:26 AM
مشكور يافنان على جهودك
انا بصراحة مؤيدة لرأي محمد بجد باقي الاقسام بينظلموا كتير لازم يكون الهم مراعاة خاصة عالاقل يتكون الهم شعبة لوحدهم
وخصوصا الحاسوب
يسلموا ايديك فنان
أشكرك أخي محمود علي هذه الفكره ،
فمهما كان القسم جيداً فلا مانع من التطوير والتحسين دوماً
وأنا كخريج فيزياء من جامعه الأقصي في جعبتي بعض الملاحظات والاقتراحات لتطوير قسم الفيزياء وهي :-
1_ بالنسبه لمواعيد محاضرات التخصص يفضل أن تكون المواعيده مبكره (في الصباح ) لان نسبه التركيز لدي الطلاب تكون عاليه في الصباح ،
وأيضاً لا بد من وجود فتره استراحه ولو 15 دقيقه بين محاضرات التخصص .
2_ بالنسبه لامتحانات التخصص النهائيه من الأفضل ان تكون مواعيد الامتحانات خارج نطاق الجدول ( قبل الجدول او بعد الجدول ) وذلك تجنباً لمشكله ضيق الوقت لأن فتره الامتحان في الجدول مدتها ساعتين وفي الحقيقه امتحانات تخصص الفيزياء تحتاج الي تفكير ولوقت اكثر من ساعتين ، فأغلب امتحانات مواد التخصص تحتاج الي 3 ساعات من الوقت .
وايضاً يفضل ان تكون مواعيد الامتحانات في الفترة الصباحيه فعلي مدار السنوات التي درستها بالجامعه امتحنت الكثير من مواد التخصص في ساعات الظهر .
كما واقترح أن أن تكون درجه الامتحان النهائي من 50 في بعض مواد التخصص الصعبه وان توزع ال50 درجه الاخري علي اعمال السنه والامتحانات النصفيه .
3_ هنالك بعض المواد في تخصص الفيزياء(مثل ميكانيكا الكم _الميكانيكا التحليليه _ الفيزياء النوويه _ الديناميكا الحراريه .....) تحتاج الي وقت اخر واضافي خارج نطاق المحاضرة وذلك لحل الأسئله ومناقشة اسئله الماده العلميه لذا انا اقترح ان تكون بعض المواد لها ساعه اضافيه علي الأقل كل اسبوع وتكون هذه الساعه مدرجه بالجدول أو بالاتفاق مع الطلاب فعلي سبيل المثال ماده ميكانيكا الكم يا دوب وقت المحاضره يكفي لشرح الماده العلميه وأنا حكيت مع الدكتور زياد بخصوص هذه النقطه وقال لي سأجعل ماده الكوانتم 4 ساعات في العام القادم .
4_ التنوع في توزيع مواد التخصص علي دكاتره القسم بحيث يكون لكل دكتور بالقسم أثر في تعليم الطالب وذلك حتي يكتسب الطالب فلسفه واسلوب جميع دكاتره القسم .
5_ مساق الديناميكا الحراريه بحاجه الي مختبر لتدعيم الجانب النظري فنحن درسنا كيفيه انتقال الحراره وعمل دورات ومحركات السيارات و..... بشكل نظري ولكن هنا الجانب العملي له دور كبير في ايضاح المعلومه ، وعندما درست الماده مع الدكتور محمود صبيح قبل عامين قال لنا الدكتور باننا سنذهب الي ورشه سيارات قريبه من الجامعه حتي نطلع علي المحركات والدورات وكيفيه عملها ولكن ضيق وقت الفصل حال دون ذلك .
6_ واخيراً اقترح بان يكون في بدايه كل فصل جديد اجتماع لطلاب قسم الفيزياء مع القسم واجتماع اخر لطالبات قسم الفيزياء مع القسم وذلك تقييماً للفصل وتقديم الاقتراحات التي تعمل علي تطوير القسم والرقي بمستوي التعليم .
بارك الله في قسم الفيزياء وفي دكاترة ومحاضري القسم وفي طلاب وطالبات قسم الفيزياء والي الأمام ان شاء الله ،،،
تحياتي للجميع ،،،،،،،،
الطبيعة
04-07-2009, 09:54 AM
تسلم فنان
رأيى من رأى ساهر
فى جميع النقاط التى وضحها
بتمنى أن يتطور قسم الفيزيا
وللأسف ما راح نشوف تلك التحسينات
لأنى خريجة
أبو الهيثم
04-07-2009, 10:33 AM
أهلا بالجميع...
لا بأس بما تفعلون... الرأي عندي أن تجمعوا هذه النقاط التي تضعونها خلال فترة ما ... ثم تطلبون لقاء مع رئيس القسم أو مع القسم بشكل عام وتطرحون هذه الامور للنقاش مع المدرسين... بس اوع حدا يقول : بدنا دكاترة بتفهم!!! بنزعل منكم بعدين...
مع النقاش ستجدون أن بعض المطالب يمكن تطبيقها والبعض يصعب ... لكن نتناقش ونبدي آراءنا لنصل إلى حل سواء بيننا وبينكم...
nour al3ilm
04-07-2009, 10:48 AM
جد فكره رائعه.......وهاد المفروض يصيير
وأنا مع الأخ ساهر بكل اللي حكاه
وأكيد ما رح نقول بدنا دكاتره بتفهم هههه.....خصوصا وانتتو قاعدين يعني هههه
اتمنى تتحقق الاقتراحات خاصه انو يعملو اجتماع تقييم للفصل واسباب تدني المستويات عند بعض الطلبه وهيك
كل التحيه فنان
لحن الفيزياء
04-07-2009, 11:41 AM
وانا مع كل كلمة قالها ساهر بالاضافة الى ضروري فصل مادة الكونتم عن الكهرو وكل وحدة في فصل لحال
لانهم بجد دمار شامل على المعدل وعلى نفسية الطالب احنا والحمد لله خلصنا بس رحمة ورأفة باللي بعدينا
والله يوفق الجميع يااارب
تحياتي
فكرة حلوة كتير ... مشكور محمود على افكارك
بس اتمنى ان تكون هناك ادان صاغية لهاي الاقتراحات
ما تكون مجرد اقتراحات بعيدة عن التطبيق
لو كنت راح اضيف لان ساهر تقريبا جمع كل الي النقاط
بس حابب اضيف شوية شغلات
* موضوع المختبرات والتعارض
حيت ان المختبرات بتنزل في غزة ومواد التخصص في خانيونس
في معضم الاحيان يكون هناك تعارض كامل بين المادة ومختبرها
هي مشكلة بنواجها تحتاج الى حل
*مادة الالكترونيات هاي مادة تخصص ما بتنزل الي صيفي !!!
والغريب في الامر بتنزل عند البنات كل سنة فصل اول
* مادة الجولوجيا نزلت فصل اول هاي السنة عند الشباب والبنات وكانت تتعارض
مع فيزياء الموجية والضؤ الغريب في الامر نزلت فصل تاني عند البنات مرة تانية ولم تنزل
عند الشباب ؟؟؟؟؟؟؟؟
*لمادا لا تكون مواد التخصص اجباري او حتى الخطة كلها كذاللك كباقي الجامعات
الاسلامية والازهر كل فصل بكون الجدول جاهز مواد التخصص حتى التربية من الفصل الاول حتى التخرج
لذللك الطالب لا يعاني من مشكلة تعارض او اي شي تاني والطالب ادا غير في الجدول يكون الزنب عليه
* لمادا لا يكون هناك ارشاد اكاديمي للطالب ولا سيما في السنة الاولى والتانية بعض التصرفات قد يفعلها الطالب
لا يدرك نتيجتها ا لا متاخر بسبب غياب الارشاد والوعي
* بعض الاحيان يكون هناك تعارض بين مادتيت تخصص فيزياء قد تكون المادة سنة تانية مع سنة تالتة
هاي مشكلة تحتاج الى حل ولو كان الامر متل ما حكيت سلفا لما حدت دللك على الاطلاق
صحيح تحقيق كل هاي الامور مرة واحدة امر صعب ولكن هناك اشياء سهلة التحقيق
تحتاج الى دراسة وتنفيذ من القسم
يجب ان يكونو مع الطالب دائما بالذات قسم الفيزياء لقلة طلابه مفروض ما يكون فيه مشاكل يعني
تحيااااااااااااااااتي
اضافة * موضوع المختبرات والتعارض يعاني منه الشباب اكتر من البنات
لان البنات معضم الاحيان بتكون للمادة شعبتين غزة وخانيونس
فيكون لهن حرية الاختيار المناسب ولكن نحن ؟؟؟
عباس89
04-07-2009, 01:45 PM
هو لا يوجد حل إلا بعمل اجتماع مع رئيس القسم و نرشح مندوبين عن طلاب كل مستوى حتى يتكلموا مع رئيس القسم , لكن يجب على المندوبين إنهم بسمعوا من الطلاب إقتراحاتهم حتى يوصلوها جيداً إلى رئيس القسم .....أما يكون إجتماع عام مع كل طلاب القسم حتصير الشغلة سلطة!!!
ماسة غزة
04-07-2009, 01:58 PM
فنان يا محمود والله
فكرة حلوة كتير
بصراحو رأي من رأي ساهر
بالاضافة انه ما يكون تعارض بين مواد التخصص عامة <<<:confused:
منذوب ؟؟ اعتقد اجتماع كل فصل افضل كل الطلاب بتشارك وكل طالب يدلو بدلوه يعرض كل شي تعرضله بنفسه ويناقش بنفسه
افضل ما بتصير سلطة ولا حاجة كلهم طلاب الفيزياء اكم طالب اصلا بعدين بكون نقاش بناء وتكتر الافكار وجهة نظري هيك احسن ا تمنى يصير هالشي وما يكون مجرد كلام اتمنى ان يكون فيه تطبيق ولو لجزء من هالاقتراحات
موفقين جميعا ....
محمود إسماعيل
04-07-2009, 06:28 PM
شكراً كتير على التفاعل
سأبدأ بالتعليق
مواعيد محاضرات التخصص يا ريت ما يكونو ورا بعض على طول
هاي كتير مهمة
يحسن مثلاُ الفصل الأول من السنة التالتة كان موجود احصائية ثم رياضية ثم تحيليلة ورا بعض
ما كنا ندرك خطورة هالموقف
بعد فترة من الزمن أصبح بعض الطلاب يحضروا أول محاضرة و يطنشوا
أو محاضرتين ..
جد العقل ما بيستوعب ورا بعض ..
وكمان يا ريت امتحانات التخصص ما تكون في نص الجدول
بالنسبة للأمتحانات من وجهة نظري أنها تكون قبل امتحانات المتطلب يعني خارج الجدول ..
وبتمنى أنو يكون الزمن 3 ساعات أو 2.30 مش ساعتين
ومش أكتر من 3 طبعاا ..
تسلمي طيف على اقتراحاتك ..
انه تكون مواد الفيزيا اللي مع طلاب غير فيزيا بشعبه خاصة فيها
يعني مثلا احنا طلاب الحاسوب يكون النا شعبة فيزيا خاصة فينا
هاي استحالة ههه
هم بدهم يرسبوا مين ههههه
منور محمد
1_ بالنسبه لمواعيد محاضرات التخصص يفضل أن تكون المواعيده مبكره (في الصباح ) لان نسبه التركيز لدي الطلاب تكون عاليه في الصباح ،
وأيضاً لا بد من وجود فتره استراحه ولو 15 دقيقه بين محاضرات التخصص .
هاي مهمة كتير
ومنشان يتحقق هيك ما يكون محاضرات التخصص في يوم واحد
كما واقترح أن أن تكون درجه الامتحان النهائي من 50 في بعض مواد التخصص الصعبه وان توزع ال50 درجه الاخري علي اعمال السنه والامتحانات النصفيه .
بصراحة أكتر سنة تعبت فيها سنة تالتة
يعني الحالة النفسية بتتعب كتير مش عندي عند كل الطلاب
و للأسف في مواد قدمتها من 100
بمجرد ما بمسك الورقة بفكر أسلم
لانو الأمتحان كتير عليه 40 درجة
ومنشان هيك بتمنى يكون امتحانين نصفي مش امتحان وحيد أو ولا امتحان نصفي ..
والنهائي يكون من 50 حلو ..
4_ التنوع في توزيع مواد التخصص علي دكاتره القسم بحيث يكون لكل دكتور بالقسم أثر في تعليم الطالب وذلك حتي يكتسب الطالب فلسفه واسلوب جميع دكاتره القسم .
حلوة هاي
مش مواد تخصص مقتصرة على دكتور فلان هههههههه
6_ واخيراً اقترح بان يكون في بدايه كل فصل جديد اجتماع لطلاب قسم الفيزياء مع القسم واجتماع اخر لطالبات قسم الفيزياء مع القسم وذلك تقييماً للفصل وتقديم الاقتراحات التي تعمل علي تطوير القسم والرقي بمستوي التعليم .
والله يا ريت
نتمنى ذلك ..
بارك الله في قسم الفيزياء وفي دكاترة ومحاضري القسم وفي طلاب وطالبات قسم الفيزياء والي الأمام ان شاء الله ،،،
تحياتي للجميع ،،،،،،،،
كل التحية لك ساهر
لا بأس بما تفعلون... الرأي عندي أن تجمعوا هذه النقاط التي تضعونها خلال فترة ما ... ثم تطلبون لقاء مع رئيس القسم أو مع القسم بشكل عام وتطرحون هذه الامور للنقاش مع المدرسين...
شكراً لك دكتور الفاضل على الأهتمام
أحببت أن أعمل هذا الموضوع لأستجمع من الطلاب اقتراحاتهم ..
مع النقاش ستجدون أن بعض المطالب يمكن تطبيقها والبعض يصعب ... لكن نتناقش ونبدي آراءنا لنصل إلى حل سواء بيننا وبينكم...
بالتأكيد هناك مطالب تتحقق و مطالب لا تتحقق
و الأهم هو تحقيق حل سواء
تحياتي لك د. مازن
اتمنى تتحقق الاقتراحات خاصه انو يعملو اجتماع تقييم للفصل واسباب تدني المستويات عند بعض الطلبه وهيك
والله هاي مهمة كتير
تدنت المستويات بشكل فظيع و غير متخيل
يعني بتمنى من المحاضرين يشوفوا معدلات الطلاب خلال السنة كيف كانت و كيف صارت ..
ألحان الحرية
04-07-2009, 06:45 PM
السلام عليكم ورحمة الله وبركاته
اذا أحد من الدكاترة أو المشرفين بالجامعة بيشوف هذا الموضوع
بدي أسأله سؤال وياريت الي عندو اجابة يجاوبي
أنا لسا أول سنة بالجامعة
وما سألت بنت معها مادة فيزياء الا وبتقولي لاتاخديها هالوقت خديها بآخر سنة الك بالجامعة
لأنكـ راح تاخدي فيها علامة مش راح تعجبكـ
وأغلب البنات الي اخدوا المادة بيجيبوا يا60/ يا70/ يا رسوب الا من رحم ربي
مع العلمـ انو أنا جبت علامة 95 في الفيزياء في توجيهي يعني ما عندي مشكلة
شو السبب الي يخلي دكاترة هالتخصص ما يعطوا علامات منيحة ؟
وبعدين احنا تخصصنا مش فيزياء لحتي يعقدوا الأمور هيكـ
ان شاء الله ألقى جواب
يعطيك العافية أخي الفنان على جهودكـ
تحيتي
محمود إسماعيل
04-07-2009, 07:02 PM
* موضوع المختبرات والتعارض
حيت ان المختبرات بتنزل في غزة ومواد التخصص في خانيونس
في معضم الاحيان يكون هناك تعارض كامل بين المادة ومختبرها
هي مشكلة بنواجها تحتاج الى حل
صحيح هالشئ بصير
ما بعرف يمكن السبب مواعيد المحاضرين ما بيناسبهم
يعني الطلاب المقبلون على سنة رابعة لحد هاي اللحظة ما أنهوا المختبرات ,ما في غيري خلصتهم ب أول سنيتين ههههه
مادة الالكترونيات هاي مادة تخصص ما بتنزل الي صيفي !!!
والغريب في الامر بتنزل عند البنات كل سنة فصل اول
ما بعرف ليه المادة هيك
سبحان الله
هاي المادة نزلت سنة 2006 بغزة و بخانيونس فصل أول للطلاب
بعد هيك نزلت بال 2007 بس بغزة
وطلاب الجنوب ما سجلوا الالكترونيات , و لا حتى طلاب الشمال سجلوا الموجية اللي كانت نازلة بخان يونس ..
بعد هيك صارت المادة تنزل فصل صيفي
لدرجة انو في طلاب من دفعتي (مقبلين على سنة رابعة ) ما سجلوا الكترونيات 1 لأنها ما بتنزل الا فصل صيفي ..
مع العلم أنو الفصل الأول من هاي السنة كتبت ورقة الى القسم بغزة و كان على الأقل 20 طالب بدهم ينزلوا المساق من طلاب الفيزياء و الحاسوب و ما نفذوا هالشئ ..
ما بعرف ليه ؟؟ّ!!
مادة الجولوجيا نزلت فصل اول هاي السنة عند الشباب والبنات وكانت تتعارض
مع فيزياء الموجية والضؤ الغريب في الامر نزلت فصل تاني عند البنات مرة تانية ولم تنزل
عند الشباب ؟؟؟؟؟؟؟؟ههههههه
لانهم شباب مو بنات
الحمد لله خلصت منها
أخدت بفصل واحد موجية و الكترونيات و مختبرها و معادلات و جيولوجيا
كان فصل متعب ههههههههه
بس لانو المشكلة ما في جدولة محددة للجدول يتم السير بهاا ..
وما في تناسق بين قسم الفيزياء و بين الأقسام الأخرى مثل الجيولوجيا و الكيمياا و الرياضيات
اللي محسوبين مواد من تخصص الفيزياء ..
لمادا لا تكون مواد التخصص اجباري او حتى الخطة كلها كذاللك كباقي الجامعات
الاسلامية والازهر كل فصل بكون الجدول جاهز مواد التخصص حتى التربية من الفصل الاول حتى التخرج
لذللك الطالب لا يعاني من مشكلة تعارض او اي شي تاني والطالب ادا غير في الجدول يكون الزنب عليه
هاي هى أكبر غلطة
يعني لو كان في جدول يتم طرحه للقسم و يعلقه على الحائط بجوار القسم
و تكون الشغلةة مرجعة للطالب
إذا حب يمشي فيه كان بهاا
ما حب يمشي فيه ذنبه على جنبه ...
خاصة انو كل طالب بيسجل بمزاجه
وما بعرف شو يسجل
وما بعرف متى هاي المادة بتنزل و بأي فصل
فالطالب بحاجة لتوجيه ..
ما بعرف سمعت خبر جديد من دكتور بيقول أنو مواد التخصص هيصير فيها تغيرات حسب الخطة الجديدة
يعني في مواد كانت تنزل فصل أول هتصير تنزل فصل ثاني و العكس ..
هل هالتغيرات هتكون سارية عالكل
ولا هتنزل مواد التخصص كل فصل هههههه
* لمادا لا يكون هناك ارشاد اكاديمي للطالب ولا سيما في السنة الاولى والتانية بعض التصرفات قد يفعلها الطالب
لا يدرك نتيجتها ا لا متاخر بسبب غياب الارشاد والوعي
يعني مثلاً صارت مشكلة بخصوص الطلاب
أول ما سجلوا الطلاب مفترض على الأقل يكون معهم فيزياء 1 و تفاضل 1 و مختبر فيزياء 1
لكن القبول و التسجيل بيسجل حسب العدد
ما بيهتم طالب فيزياء أو لاا
يعني صار مثلاً 7 طلاب على الأقل ما نزلت لهم تفاضل 1 بأول فصل و هالشئ تسبب لهم بتعارضات
وفي هاي الحالة ما بنلوم الطالب لانو بيكون طازة و مش عارف حاجة
فتمنى أنو القصة هاي ما تتكرر للطلبة الجدد ..
اضافة * موضوع المختبرات والتعارض يعاني منه الشباب اكتر من البنات
لان البنات معضم الاحيان بتكون للمادة شعبتين غزة وخانيونس
هههههههه
أكتر من مرة تتكرر بينزلو موعد واحد للمختبر وما بيلاقوا طلاب فيها لانو بيتعارض مع مواد تخصص تانية ..
فبيضطر القسم لإغلاق الشعبة ..
يجب ان يكونو مع الطالب دائما بالذات قسم الفيزياء لقلة طلابه مفروض ما يكون فيه مشاكل يعني
بالتأكيد موسى
تحياتي لك
هو لا يوجد حل إلا بعمل اجتماع مع رئيس القسم و نرشح مندوبين عن طلاب كل مستوى حتى يتكلموا مع رئيس القسم ,إن شاء الله يا محمد ما بصير إلا كل خير
تحياتي لك
فنان يا محمود والله
فكرة حلوة كتير
بصراحو رأي من رأي ساهر
بالاضافة انه ما يكون تعارض بين مواد التخصص عامة <<<:confused:
تسلمي ماسة على مرورك
مع انكو بنات ههههههه
أي تعارض !!
و إن شاء الله يكون هناك تحسين و تعديل
و ياريت يكون التركيز على الحالة النفسية للطالب
في دكاترة بصراحة بتهتم بالحالة النفسية , وفي بتخليه يكره نفسه ..
تحياتي لكم جميعااااااااااااااااااااااااااااا
تسلموو جميعا علي مشاركتكم وتفاعلكم وان شاء الله من تطور الي تطور
وأتمني أن يتم مناقشه الاقتراحات مع قسم الفيزياء وتحقيقها
كل التحيه لكم جميعاً وتحيه خاصه للدكتور أبو الهيثم
أبو الهيثم
05-07-2009, 02:10 AM
ما أقول لك يا محمود إلا كما قال عزيز مصر: " يوسف أعرض عن هذا واستغفري لذنبك إنك كنت من الخاطئين" ... خوفت الشباب أيها الفنان ... شوية سأزيدك نقطة لتصبح فتانا لا فنانا ...انتبه...هه!!!
ما هكذا الامر ... نحن لا نرسب أحدا ... ولا نتسلى بالطلاب ونحدد من نرسبهم ومن ننجحهم ... هناك لغو سائد بينكم... تقولون الدكتور رسبني ...الدكتور حطلي 60 ... الدكتور نجحني ... هذه الاخيرة ممكن ... أما السابقتان فلا وألف لا ... أنت من ترسب أو أنت من تحصل على 60 ... إن كل ما نفعله نحن أن نقدر العمل والمجهود ... نقدر علامة الورقة ... نجحت خير يا زين ...لم تنجح ارجعوا وراءكم فالتمسوا نورا... ستجد أنك كنت مقصرا ...
بالنسبة لمادة الفيزياء ... هذه مادة ابتدائية ...فيزياء 1 ...يعني اول عتبة ... يعني أبسط شيء ... إنها الفيزياء التي تدرسونها في توجيهي ... ربما نحن نكثر من الأسئلة وربما كانت أحيانا صعبة أو بها أفكار غير تقليدية... لكن هل هذا في جميع الاسئلة ؟؟؟ أنا نفي ذلك جازما بالنفي ... ارجعوا إلى اي امتحان وقولوا لي كم من الاسئلة التي تختلف عن اسئلة الكتاب بشكل كبير !!! بإجراء مسح على الامتحانات ستجدون أنكم أنتم الظالمون ... لكنكم ستنتكسون على رؤوسكم وتقولون بل هي صعبة ... والطالب شكاء بطبعه ... لأن علاقتكم مع المدرس علاقة شح ...كما بين البائع والمشتري فالأول يحاول أن يزيد في الثمن والثاني يحاول أن يبخسه ...حتى لو قال ببلاش لقال : اشتريت ببلاش إلا ربع ...
الإخوة الأعزاء ...
سأبثكم كلاما يجب ألا يقال هنا ... لكني أريد أن تعلموا كم نحن نتعاطف معكم ... ربما يضحك بعضكم وينغض رأسه ويهزه استهزاء... نعم نحن ارحم بكم منكم بأنفسكم... اسمع معي ... على سبيل المثال نعطي امتحانا اول ... ونعطي الامتحان الثاني ... فنأخذ الافضل منهما ... أو نجعل الافضل من 25 والاقل من 15 ...كل هذا حصل ... وربما نجمع الاثنين ونزيد خمسة ... وهذا حصل أيضا...
طيب اخذنا النهائي ... جمعنا العلامات ... من حصل على 30 من 60 نجحناه ... ومن جمع 45 في المادة نجحناه... ماذا تريدون بعد ؟؟؟ هل يريد أحدكم أن يحصل على علامة 17 من مائة فنضيف له خمسين درجة لينجح؟؟؟؟؟ ما هكذا تورد الإبل...
ستقولون افصل الفيزياء عن الكيمياء عن الاحياء ... ما شاء الله ... إذن سوف نفتح عشرطعشر شعبة فيزياء 1 ... وعشرين طعش شعبة تفاضل 1 وهي أدهى وأمر ... وعلى ذلك فسوف يتعين على الجامعة أن تبني عشرين طابقا اخر وتستعين بكل مدرسي الجامعات كي يغطوا المساقات المطروحة... هذا ليس منطقيا يا جماعة ... من دخل العلوم وجب عليه أن يحصل على الحد الادني من الفيزياء والرياضيات والاحياء والكيمياء والحاسوب والجيولوجيا... نعم ... وفيزياء 1 هي الحد الادني للعلوم ... وليس بعد ذلك كلام...
ارجو أن يكون هذا الامر واضحا لكم أيها الزملاء الاعزاء ...
أبو الهيثم
05-07-2009, 02:18 AM
ما سألت بنت معها مادة فيزياء الا وبتقولي لاتاخديها هالوقت خديها بآخر سنة الك بالجامعة لأنكـ راح تاخدي فيها علامة مش راح تعجبكـ
[ وأغلب البنات الي اخدوا المادة بيجيبوا يا60/ يا70/ يا رسوب الا من رحم ربي مع العلمـ انو أنا جبت علامة 95 في الفيزياء في توجيهي يعني ما عندي مشكلة شو السبب الي يخلي دكاترة هالتخصص ما يعطوا علامات منيحة ؟وبعدين احنا تخصصنا مش فيزياء لحتي يعقدوا الأمور هيكـ ان شاء الله ألقى جواب
أفلح إن صدق... لئن كنت كما تقولين فإنه لا مشكلة بالفعل ... فإن من حصلت على 95 في فيزياء توجيهي جديرة أن تحصل على مثلها وزيادة في فيزياء 1 ... أنا بذلك زعيم...
أختي الكريمة ... خذي عني ... أنا الذي أحدثك أعطيت طالبات ثلاث تخرجن الان واشتغلن أيضا في السنة الماضية ... أعطيت كلا منهن في الفصل الذي سجلت فيه فيزياء 1 علامة مائة ... مائة من مائة ... والبارحة ... أقصد الفصل الماضي حصل بعض الطالبات عندي على 98 في مادة هي من (ازنخ) مواد التخصص ... وفي هذا الفصل حصلت طالبة على 93 في الديناميكا الحرارية وطالب على نفس العلامة في فيزياء 1 ... إذن فيم تتهموننا بقلة العلامات ؟؟؟ هلا كتبتم كتابات صحيحة وحللتم حلا كاملا ... ثم نظرتم إن كنا نعطي علامات أو نبخس؟؟؟ للحق فإننا نلهث وراءكم نبحث عن الصواب حتى نعطي علامة ... اذكر انني قبل ايام وكنت أصحح في امتحان فيزياء 1 للطلاب نظرت في ورقة المسودة التي جعلها الطالب كشكول ... ورأيت فيها حلا صحيحا إلى حد ما ...فاعتمدته ...ورأيت عن آخرين حلولا مشطوبة ...نعم ...مشطوبة ...فقرأتها وأعطيت عليها علامة ... وحل قوم الاسئلة كلها يعني رغم ان هناك سؤالا اختياريا ... فصححتها جميعا واعتمدت الافضل...
ماذا بقي لكم بعد ذلك؟؟؟ هلا اجتهدتم ... ارونا من انفسكم خيرا ... نعطكم خيرا مما أخذ منكم من وقت وجهد ... لن نبخسكم حقكم ولن نتركم اعمالكم إن شاء الله... كونوا مطمئنين ...
لكن انتبهوا ... من أخر المادة إلى آخر فصل ... ولم يحالفه الحظ لا ننظر إليه ...نسينا وكذلك اليوم ينسى... لا ننظر إليه برأفة ولا رحمة... لكن من ابلى بلاء حسنا بعد أن اخذها ولم يوفق فيها ربما نظرنا إليه راحمين فجعلناه يجتاز المادة ... مرة أخرى ... من اخرها للنهاية فليشمر عن ساعديه وليجتهد اجتهادا كبيرا لانه لا يضعنا ابدا في الخانة الخاسرة ... تأكدوا من هذا... وليكن معلوما لديكم...
اهلا بكم جميعا
smart_mody
05-07-2009, 02:30 AM
من حصل على 30 من 60 نجحناه ... ومن جمع 45 في المادة نجحناه... ماذا تريدون بعد ؟؟؟
هاي بتصير بس مو دايما يا استاذ
يعني على هوا نسبة الرسوب .. لو كانت قليلة ما بتنجحو
ستقولون افصل الفيزياء عن الكيمياء عن الاحياء ... ما شاء الله ... إذن سوف نفتح عشرطعشر شعبة فيزياء 1 ... وعشرين طعش شعبة تفاضل 1 وهي أدهى وأمر ...
ممكن يا استاذ فصل الشعب
بجامعة الازهر في تخصص فيزياء كمبيوتر , فيزياء رياضيات
يعني ليش ما يتم تدريس طلاب الحاسوب الجزء الي ممكن يفيدهم من الفيزياء والرياضيات وليس المنهج كامل
وكمان الاستاذ الي هيدرس فيزياء لطلاب الحاسوب يكون من قسم الحاسوب
مثلا عنا مساق تحليل عددي بناخدها مع طلاب الرياضيات وموجود فيها اكواد لخوارزميات والاستاذ بحكي ملغية !!
طيب ليش ما يجيبو استاذ من قسمنا يدرسنا اياها بالطريقة الي تفيدنا مو نقعد نبصم وبس
تحياتي الك استاذ وللجميع
محمد2050
05-07-2009, 03:21 AM
بس اوع حدا يقول : بدنا دكاترة بتفهم!!! بنزعل منكم بعدين...
انا لما قلتلها ما كان قصدي انه الدكاتره ما بفهموا
بس الكلمة بدها شدة
يعني بقصد انه الدكاترة ما بعرفوا يوصلو المعلومة للطلاب
هاي استحالة ههه
هم بدهم يرسبوا مين ههههه
ههههه سبب مقنع ..
ستقولون افصل الفيزياء عن الكيمياء عن الاحياء ... ما شاء الله ... إذن سوف نفتح عشرطعشر شعبة فيزياء 1 ... وعشرين طعش شعبة تفاضل 1 وهي أدهى وأمر ...
مش شرط هيك ...
ممكن تكون شعبه لتخصص الفيزياء
وشعبه لباقي التخصصات
لانه احيانا كتير بصير انه الدكتور بكون متأخر بالشرح
وبصير يعطي تعويض ومحاضرات زياده علشان يخلص كمان شبترين
بنقله يا دكتور بكفي لهنا
بحكيلنا لا ، هاد الشبتر مهم ، لانه بفيدكم بمادة كذا
بنقله هاي الماده مش معنا
بقلنا هاي مع طلاب الفيزياء
من دخل العلوم وجب عليه أن يحصل على الحد الادني من الفيزياء والرياضيات والاحياء والكيمياء والحاسوب والجيولوجيا..
اساسا قسم الحاسوب غلط يكون مع كلية العلوم
المفروض مع كلية IT
بس عاد جامعتنا ما شاء الله عليها ..
تحيتي للجميع
ألحان الحرية
05-07-2009, 07:59 AM
أفلح إن صدق... لئن كنت كما تقولين فإنه لا مشكلة بالفعل ... فإن من حصلت على 95 في فيزياء توجيهي جديرة أن تحصل على مثلها وزيادة في فيزياء 1 ... أنا بذلك زعيم...
أختي الكريمة ... خذي عني ... أنا الذي أحدثك أعطيت طالبات ثلاث تخرجن الان واشتغلن أيضا في السنة الماضية ... أعطيت كلا منهن في الفصل الذي سجلت فيه فيزياء 1 علامة مائة ... مائة من مائة ... والبارحة ... أقصد الفصل الماضي حصل بعض الطالبات عندي على 98 في مادة هي من (ازنخ) مواد التخصص ... وفي هذا الفصل حصلت طالبة على 93 في الديناميكا الحرارية وطالب على نفس العلامة في فيزياء 1 ... إذن فيم تتهموننا بقلة العلامات ؟؟؟ هلا كتبتم كتابات صحيحة وحللتم حلا كاملا ... ثم نظرتم إن كنا نعطي علامات أو نبخس؟؟؟ للحق فإننا نلهث وراءكم نبحث عن الصواب حتى نعطي علامة ... اذكر انني قبل ايام وكنت أصحح في امتحان فيزياء 1 للطلاب نظرت في ورقة المسودة التي جعلها الطالب كشكول ... ورأيت فيها حلا صحيحا إلى حد ما ...فاعتمدته ...ورأيت عن آخرين حلولا مشطوبة ...نعم ...مشطوبة ...فقرأتها وأعطيت عليها علامة ... وحل قوم الاسئلة كلها يعني رغم ان هناك سؤالا اختياريا ... فصححتها جميعا واعتمدت الافضل...
ماذا بقي لكم بعد ذلك؟؟؟ هلا اجتهدتم ... ارونا من انفسكم خيرا ... نعطكم خيرا مما أخذ منكم من وقت وجهد ... لن نبخسكم حقكم ولن نتركم اعمالكم إن شاء الله... كونوا مطمئنين ...
لكن انتبهوا ... من أخر المادة إلى آخر فصل ... ولم يحالفه الحظ لا ننظر إليه ...نسينا وكذلك اليوم ينسى... لا ننظر إليه برأفة ولا رحمة... لكن من ابلى بلاء حسنا بعد أن اخذها ولم يوفق فيها ربما نظرنا إليه راحمين فجعلناه يجتاز المادة ... مرة أخرى ... من اخرها للنهاية فليشمر عن ساعديه وليجتهد اجتهادا كبيرا لانه لا يضعنا ابدا في الخانة الخاسرة ... تأكدوا من هذا... وليكن معلوما لديكم...
اهلا بكم جميعا
السلامـ عليكمـ ورحمة الله وبركاته
أستاذي الفاضل أنا واثقة انكـ انتا تمنح مثل هذه الدرجات المرتفعة
لكن الأمر لايحصل مع غيركـ من المشرفين
أتصور انكـ ماتعطي المادة بغزة يمكن بخانيونس ،وأنا بدرس بغزة
اذا بتعطي المادة بغزة لن أتردد بأن أسجل المساق معكـ
ـــــــــــــــــــــــــــــــــــــــــــــ ـــــ ـــــــــــــــــــــــــــــــــــــــــــــ ـــــ
أنا لاأطلب نجاح في المادة (60/70) فقط بدي علامة مرتفعة
وأأكد لكـ دكتورنا الفاضل مايمنح من درجات حسب مابشوف تكون متدنية ومتدنية جدا
وأنا بحكي عن الي يعطوا المساق (فيزياء 1 ) في غزة
nour al3ilm
05-07-2009, 08:53 AM
أفلح إن صدق... لئن كنت كما تقولين فإنه لا مشكلة بالفعل ... فإن من حصلت على 95 في فيزياء توجيهي جديرة أن تحصل على مثلها وزيادة في فيزياء 1 ... أنا بذلك زعيم...
مانو شرط هيك دكتور ......في اخدوها 99 بالتوجيهي و100 وبجامعتنا اخدو85 و86وفي أقل .......علما بأن المنهج لا يختلف تقريبا عن منهج توجيهي الجديد .
ليس الحق كله على الطالب......
ليش تنجحوا الطلاب!!!!!!!!!
ما بدنا تنجيح
شوفو العيب وين.......بجوز في الامتحانات..الوقت ..طريقة عرض الاسئله ..اسلوب الاسئله ...منقشه ما في....حل اسئله ما عنا...وخلافه
او ديق وقت الفصل وكم هائل بدنا نخلصو دون التطلع الى مدى الاستيعاب للماده
نعم .......جزء من الذنب علينا....ولكن..................
بصير خير ان شاء الله
تحيتي
كمان بدي احكي شغلة بالنسبة لمختبرات التخصص
يا ريت يكون في تنظيم اكتر من هيك خصوصا ايام امتحا ن العملي
يعني ما بيكون في تنظيم نهائيا ..مفروض يكون في مراعاة للطلاب احيانا في طلاب بيكون عليهم محاضرات مهمة لكن ما بيقدرو يفوتو لانه الوضع بيكون سلطة بكل معنى الكلمة
خاصة مختبرات غزة ما يا ريت يراعوا وضع البنات الي مش من غزة الفصل الي فات في مختبر الموجية ضلينا واقفين اكتر من 3 ساعات وكل بنات غزة قدموا الامتحان قبلنا واحنا يا بنات خانيونس اذن المغرب واحنا في الطريق وتوقيت شتوي ما شاء الله لانه طبعا ما في تنظيم ولا في مراعاة
مفروض يكون في اكتر من يوم للعملي حتى الطالب يختار الموعد ال يناسبه او على الاقل يفتحوا اكتر من قاعة للامتحان يعني مش منطق نستنى في غزة 4 او 5 ساعات مشان امتتحان مدته ساعة الا ربع وبتكون في الاخر الاجهزة خربانة
والاستاذ زهقان حاله وخلصوا خلصوا وطبعا الوضع يرثى له امتحان بعد وقفة 3 ساعات
كمان بصراحة 5 دقايق قلال على التجربة يا دوب نلحق نطلع في الجهاز وطبعا الجهاز الي بيكون خربان ومش راضي يشتغل ولما تحكي لحد بيحكيلك انا مليش دعوة
المسالة محتاجة كتير تنظيم
اه اخر شغلة بتمنى تكون الاسئلة الي في ورقة الامتحان على التجارب الي موضوعة قدامنا مثل ما صار في امتحان مختبر فيزيا 2 السؤال كان عغلى تجربة تانية غير الي موضوعة واحنا رحنا فيها 5 علامات ببلاش ولما تحكي للدكتور بيحكيلك اشتغل الوقت عدو خلص
يعني اخترع يا ربي (ملاحظة طبعا الاستاذ مش نفسه استاذ المادة يعني ضياع رسمي)
معلش برمت كتير بس من القهر
تحياتي
(ملاحظة طبعا الاستاذ مش نفسه استاذ المادة يعني ضياع رسمي)
معلش خطأ مطبعي
هو الاستاذ بيدرس المادة بس قصدي مش نفس الاستاذ الي بنكون مسجلين معاه
يعني بحسها مسالة انتقام
مصطفى
05-07-2009, 01:38 PM
السلام عليكم
يعني انا شايف انو الموضوع في الاخر تحول لقصة العلامات يعني انا ما بعرف كيف الاصل انو احنا نتكلم على كميه العلم اللي استفدنا
مش على على الدرجة اللي يحصل عليها الطالب انا برأيي انو اللي بيدرس كويس بيحصل على درجة منيحة في الغالب وبصراحة اكتر دكتور في القسم براعي في قصة الدرجات هو الدكتور مازن الا انو في بعض الدكاترة يمكن ما بيراعو بالتصحيح المهم انا بتمنى انو قسم الفيزياء يصير من افضل الاقسام في الجامعة وراح يصير انشاء الله بس حبيت احكي انو ياريت انو يتم فتح شعب تخصص فيزياء في خانيونس وغزة لانو شعبه واحدة للشباب صراحة بتعمل مشاكل كتير يعني مش ذنبنا انو احنا قلال والبنات كتار المفروض انو يصير عدل في مثل هيك اشياء وبتمنى للجميع التوفيق وانشاء الله بصير قسم الفيزياء من افضل الاقسام
تحياااااااااااااااااااااااااااااااااااتي ..
محمود إسماعيل
05-07-2009, 11:15 PM
خوفت الشباب أيها الفنان ... شوية سأزيدك نقطة لتصبح فتانا لا فنانا ...انتبه...هه!!!
ههههه
ما هكذا الامر ... نحن لا نرسب أحدا ... ولا نتسلى بالطلاب ونحدد من نرسبهم ومن ننجحهم ...
أعلم ذلك
أنت لا تفعلهاا
هناك قصور من الطالب معك ..
ستقولون افصل الفيزياء عن الكيمياء عن الاحياء ... ما شاء الله ...
بدك الصراحة يا دكتور
يفترض مواد تفاضل 2 و معادلات تفاضلية يقوم بتدرسيها دكتور من قسم الفيزياء لتخصص الفيزياء
لأن هذه المواد هناك أشياء كثيرة موجودة بالكتاب متعلقة بالفيزياء يتم تجاهلهاا او بعبارة أخرى ملغي !!
وحينما نسألهم عن عدم تدريس الأشياء المتعلقة بالفيزياء يرد مدرسو قسم الرياضيات يقولون نحن ندرس رياضيات مش فيزياء !!
ماذا بقي لكم بعد ذلك؟؟؟ هلا اجتهدتم ... ارونا من انفسكم خيرا ... نعطكم خيرا مما أخذ منكم من وقت وجهد ... لن نبخسكم حقكم ولن نتركم اعمالكم إن شاء الله... كونوا مطمئنين ...
أعلم انك لا تقصر دكتوري الفاضل
كل التحية لك
ممكن يا استاذ فصل الشعب
بجامعة الازهر في تخصص فيزياء كمبيوتر , فيزياء رياضيات
يعني ليش ما يتم تدريس طلاب الحاسوب الجزء الي ممكن يفيدهم من الفيزياء والرياضيات وليس المنهج كامل
وكمان الاستاذ الي هيدرس فيزياء لطلاب الحاسوب يكون من قسم الحاسوب
مثلا عنا مساق تحليل عددي بناخدها مع طلاب الرياضيات وموجود فيها اكواد لخوارزميات والاستاذ بحكي ملغية !!
سمارت مودي
الدكتور ما دخله بهيك
هاي الشغلة يفترض طرحهاا للمعنيين من إدارة الجامعة
ربناا يوفقك
انا لما قلتلها ما كان قصدي انه الدكاتره ما بفهموا
بس الكلمة بدها شدة
يعني بقصد انه الدكاترة ما بعرفوا يوصلو المعلومة للطلاب
محمد مش الكل طبعاً
يعني مش مفترض تجمع الكل
بالعكس في كتير دكاترة كتير كويسين و ممتازين ..
تحياتي الك
أنا لاأطلب نجاح في المادة (60/70) فقط بدي علامة مرتفعة
وأأكد لكـ دكتورنا الفاضل مايمنح من درجات حسب مابشوف تكون متدنية ومتدنية جدا
وأنا بحكي عن الي يعطوا المساق (فيزياء 1 ) في غزة
أختي الكريمة
أنتي اعملي اللي عليكي
بعتقد انك ماخدة الموضوع بحساسية شوية
يعني اللي قدرت أفهمه انك طالبة ممتازة , و زي ما لاحظت بموضوع كل شخص يضع درجته أنو معدلك بالجامعة امتياز وبدك يكون مركزك الأول ..
وهاي الشغلة مؤرقة تفكيرك
ادرسي و اجتهدي و توكلي ع الله و ربناا يوفقك إن شاء الله ...
شوفو العيب وين.......بجوز في الامتحانات..الوقت ..طريقة عرض الاسئله ..اسلوب الاسئله ...منقشه ما في....حل اسئله ما عنا...وخلافه
او ديق وقت الفصل وكم هائل بدنا نخلصو دون التطلع الى مدى الاستيعاب للماده
نعم .......جزء من الذنب علينا....ولكن..................
بصير خير ان شاء الله
تحيتي
كلام منطقي نور العلم
و إن شاء الله خير
ربنا يوفقك
كمان بدي احكي شغلة بالنسبة لمختبرات التخصص
يا ريت يكون في تنظيم اكتر من هيك خصوصا ايام امتحا ن العملي
يعني ما بيكون في تنظيم نهائيا
بس يكون اسمهاا مختبرات أصلاً
أنا أنهيت كل المختبرات و الحمد لله
بس المختبر الوحيد اللي حسيت فعلاً اسمه مختبر و اشتغلت فيه هو مختبر فيزياء متقدم 1
يعني الدكتور كان يتبع طريقة حلوة في المعمل
كان عددنا 12
فكان يشرح 4 تجارب نظري في محاضرة
و الأسبوع اللي بعده ينزل 4 أجهزة
كل 3 طلاب بجهاز
يعني طريقة مرتبة و حلوة
ما مثل المختبرات التانية 15 واحد أو اكتر على جهاز وحيد !!
و أنا بالطبع خارج المختبر ههههههه
اعملو اللي تعملوه
مش منطق كل العدد على جهاز واحد ..
يعني انا شايف انو الموضوع في الاخر تحول لقصة العلامات يعني انا ما بعرف كيف الاصل انو احنا نتكلم على كميه العلم اللي استفدنا
كلامك حكم يا مصطفي
للعلم في مواد لو أرسب فيها أو أجيب درجة مو منيحة ما بزعل من الدكتور بتاتاً لو ترك هذا الدكتور أثر فيني و أعطاني علم كافي ..
وفي مواد لو جبت فيهاا 100 مع دكتور و انا اكون ما بحبه ما بفكر أمدحه بتاتاً ..
ياريت انو يتم فتح شعب تخصص فيزياء في خانيونس وغزة لانو شعبه واحدة للشباب صراحة بتعمل مشاكل كتير يعني مش ذنبنا انو احنا قلال والبنات كتار
مصطفى انت كل موادك بتنزل بالخان
يعني ما في مشكلة
يعني قصدك الكترونيات 1 نازلة كمان مرة صيفي بغزة
ما تاخدها صيفي و لا تاخدهاا بغزة ههه
إن شاء الله ما يصير إلا كل خير
أنا حبيت أطرح الموضوع بس لمناقشة القضايا اللي بيعانو منها الطلبة بالقسم
و بتمنى أن هاي المشكلات تلقى حلاً
أرجو ذلك
كل التحية إلى إخواني الطلاب و أخواتي الطالبات على مشاركاتهم و آرائهم
و تحية خاصة إلى الدكتور مازن على وقفاته و تعليقاته في هذا الموضوع ..
دمتم في أمان الله ..
تحياتي
محمود
ما مثل المختبرات التانية 15 واحد أو اكتر على جهاز وحيد !!
و أنا بالطبع خارج المختبر ههههههه
اعملو اللي تعملوه
مش منطق كل العدد على جهاز واحد ..
فعلا اشرت لنقطة مهمة كتير محمود
قصة انه يكون هالعددد الكبير على جهاز واحد خاصة في مختبرات التخصص يعني في مختبر الضوء كان الدكتور يجمع كل الشعبة على جهاز واحد وطبعا الربع شايف والباقي في ملكوت اخر
غالبا انا كنت اخد كرسي واقعد لحالي منعزلة عنهم لانه في جميع الحالات ما بفهم بهاد الطريقة وفي الاخر ما بيكون في عنا وقت نعمل التجربة لحالنا
حلاوة الفيزيا في الجزء العملي وخسارة يضيع علينا
يعني مثل ما محمو دحكى لحتى الان ما حسيت اني اخدت مختبر بجد واشتغلت لحالي على الجهاز
انه نشتغل لحالنا حلو كتير بيثبت المعلومات وبيحببنا اكتر في الفيزيا
بس بصراحة بحكي انا وحدة من الطالبات ما بفهم نهائيا بالطريقة الي بيستخدموها معنا
وبس ايام المراجعة بفهم شوية شغلات من البنات
نطمح فعلا ان يتم النظر في هذه الاقتراحات قسم الفيزيا بحاجة لكثير من التعديلات
nour al3ilm
06-07-2009, 03:20 PM
حل مشكلة المختبرات باعتقادي
انهم يخلونا احنا تخصص الفيزيا لحالنا بشعبه والباقييين لحالهم بشعبه تانيه...من ناحيه بصيير اكثر دقه انو نحن فيزيا
وبنحس بانو عنجد في علاقه بين العملي والنظري
انا بس اخذ مختبر .....ما بقعد عتجربتي قد ما بندهوني البنات من التخصصات التانيه .....
ياريت كلامنا يكون منو فايده
مصطفى
07-07-2009, 10:21 PM
ياريت كلامنا يكون منو فايده
هههههههههههه ياريت كلامنا يكون منه فايدة كلمه عجبتني كتييييييير لانو بصراحة ياما حكينا هاد الحكي وياما انتقدنا بعض الدكاترة بقسمنا وبغيره ولكن يا ريت منه فايدة انا بعتقد انو لو نضل نحكي من هان لمليون ينه انو الوضع يتحسن راح يكون على الفاضي بس انشاء الله يكون كلامنا منو فايدة انشاء الله يصير قسنا من احسن الاقسام والله احب ما علينا انشاء الله !!!!!!!!!!! ... تحيااااااااااااااااتي..
حل مشكلة المختبرات باعتقادي
انهم يخلونا احنا تخصص الفيزيا لحالنا بشعبه والباقييين لحالهم بشعبه تانيه...من ناحيه بصيير اكثر دقه انو نحن فيزيا
وبنحس بانو عنجد في علاقه بين العملي والنظري
انا بس اخذ مختبر .....ما بقعد عتجربتي قد ما بندهوني البنات من التخصصات التانيه .....
ياريت كلامنا يكون منو فايده
معك حق
ويفترض ايضاً أن يتم فتح أكثر من شعبه للشباب بمواد المختبرات
القسم كان يفتح اكتر من شعبه للطالبات ولكن شعبه واحده للطلاب بالرغم من انو عدد الطلاب لا يقل عن 20 طالب
وال20 طالب بيكونوا شغالين علي جهاز واحد وأغلب الطلاب لايتعاملو مع الاجهزة بشكل عملي ؟ وفعلاً هذا ما حدث في مختبر الضوء .
ان شاء الله بيتحسن القسم للأفضل
كل التحيه
محمود إسماعيل
08-07-2009, 02:04 PM
حل مشكلة المختبرات باعتقادي
انهم يخلونا احنا تخصص الفيزيا لحالنا بشعبه والباقييين لحالهم بشعبه تانيه...من ناحيه بصيير اكثر دقه انو نحن فيزيا
وبنحس بانو عنجد في علاقه بين العملي والنظري
قصة فصل الشعب مش حل
يعني يفصلو تخصص العلوم عن الفيزياء ..
يعني هالوقت كل طلبة الفيزياء بيميلوا للمختبرات ,العلوم ما بيميلوا !!
بالطبع الاتنين عندهم قدرات ..
بس جد مشكلة العدد الكبير هى مشكلة بحد ذاتهاا ..
ولو أتيناا لقصة العدد الكبير شو السبب فيهاا ؟؟
لا بد من معرفة سبب العدد الكبير في الطلبة على جهاز وحيد !!
وحلهاا ..
في اعتقادي أغلب المشكلات تكمن عدم وجود مدرسين كافيين في قسم الفيزياء ..
بمعنى أعضاء الهيئة التدريسية 9 إلى 10
وهم مسؤولون عن طلاب سنة أولى -ثانية -ثالثة - رابعة ...
وليس كل عضو من أعضاء التدريسية متفرغ للتدريس
فمثلاً الدكتور على و الدكتور رضوان و الأستاذة رفعت
قلماا نراهم في إعطاء مواد للطلاب ..
لسبب أشغالهم في أشياء أخرى ..
وبالتالي حينماا يعطى جدول للمدرس بعتقد الجدول بيكون مضغوط و بشكل كبير ..
يعني بهاي الحالة ما بكون في امكانية لفتح شعب جديدة أو تحقيق لمصالح الطلاب ..
لأنه بهاي الحالة هيكون الضغط على المدرس
و أي ضغط على المدرس هيقلل من أداء المدرس على عمله بالطريقة المثلى ..
نطمح فعلا ان يتم النظر في هذه الاقتراحات قسم الفيزيا بحاجة لكثير من التعديلات
ياريت كلامنا يكون منو فايده
بس انشاء الله يكون كلامنا منو فايدة انشاء الله يصير قسنا من احسن الاقسام والله احب ما علينا انشاء الله !!!!!!!!!!! ...
ان شاء الله بيتحسن القسم للأفضل
تبقى هذه حدود أمنيات و نرجو التطبيق
مع إني مش متفائل يصير شئ جديد , على رأي معظم الطلاب اللي أعطيتهم الرابط و ما حبوا يشاركوا ..
لكن يبقى الأمل !!
أناا بتمنى أشوف صورة قسمي بشكل مشرق و فعال دومااً
وما حبيت أضع الموضوع الإ إني غيور على هالقسم ..
تحياتي لكم جميعااااااا
فيزيائي مبهدل
20-07-2009, 01:11 AM
الاقتراحات حلوة كتير وانشالله يعمل بها
تحياتي الكم جميعا
مرحبا
حبيت اطرح هالشي بالنسبة للقسم
انو الطالب الجديد بكون ناقز وخايف وبده يخلص التسجيل وكل الاجراءات
فاغلب طلبة التوجيهي الي بدهم يسجلو فيزيا
بستنو القسم يبعت لشؤن الطلاب المعدلات الي مطلوبة للاعفاء
عشان يفعلو الاعفاء
وهاي الحكاية شفتها كثير هاليومين عند الي بدهم يسجلو فيزيا
هي مش حكاية بس للطالب الجديد بظل ناقز وخايف
وشكر كثير للاهتمام