هل البنت التي لا تجيد الطبخ تصلح للزواج

[دموع السماء]

السلام عليكم ورحمة الله وبركاته

البنت اللي ماتعرف تطبخ.. هل تصلح تكون زوجة!!!

تعال يا شاب يامقبل على الزواج.. هل راح تقبل شريكة حياتك بهذا الشكل!!!!

تخيل نفسك وانت راجع من الشغل ساعة 2 واكيد تعبان ومرهق.. وفجأة تكتشف انه مافيه غداء..

والسبب أن زوجتك العزيزة الغالية ماتعرف تطبخ!!!

وين المدرسة ومنهج التدبير المنزلي من هذاا!!!

لاتعليق

انا اتسآل وين دور الام في تعليم بناتها الطبخ؟!!

فيه منهن أحسن حالا ويعرفن يسوون البطاطس والبض بأنواعه ( مقلي ، مسلوق ، وعيون ) وأحيانا يسوون شاي ولو انه مرات كثيرة يكون بدون سكر أو عسل كله سكر..

أنا هنا أتكلم عن جزء من البنات ولو انه صار عددهن يزيد

في السنوات الأخيرة.. هناك أسباب لهذي المشكلة وأهما:

1- وجود الخادمة
2- الأنشغال بالدراسة

يمكن يرد علي واحد ويقول الزواج مش طبخ.. حلووو بس هل تقدر تعيش بدون طبخ؟

راح تقولي :

فيه حاجه أسمها مطعم؟ حلو بس هل راح اتعيش طول حياتك كل يوم اذا جعت تروح المطعم .

والصباح تروح المطعم والظهر تروح المطعم والعشاء تروح المطعم.. هل راح تستحمل هذا؟؟؟

في الآخير أتسآل سؤال برىء.. اذا هذي البنت ماعرفت تطبخ فكيف راح تربي عيالك!!!!!

ويش رايكم في هالكلام !!!!!!!!!

[barakat]

للأسف مع وجود هالمشكلة وبتيجي البنت بتحكيلك بديش اسكن مع اهلك

بالنسبة الي عادي بنمشي حالنا اول فترة بدون ما ناكل اكل زي الناس لكن بعد هيك انا بعلمها لاني بعرف اعمل بعض الاكلات وخصوصاً الاكلات اللي بحبها هههههههههههههه

يسلموا دموع لطرحك هالموضوع

[eyoon]

اظاهر دخلت هون بالغلط هههههه


يالله هيني بتعلم

يسلمووو ع الطرح

[القلب البريء]

ههههههههههههههههههه

يا عمري الطبخ مهارة ما بتعرف اليوم بكره بتعرف يعني بس اولها اول كم شهر بعد هيك بتلاقيها ما اشطرها

هاي صحباتي اكتر من وحده اتجوزت ما بتعرف تعمل ابسط شي وهيهم ما احلاحم كل شي بيعملو وعايشين الحمد لله

بس صحيح هيا البنت لازم تعرف ا لطبخ عشان تكون ست بيت على اصول لانه هاي شغله مهمه

بالنسبالي الحمد لله خلصت من الجامعه وهلأ قاعده بتعلم شوي شوي بصير اشطر من ماما ههههههه

بس مش معقول وحده تتجوز عل 27 مثلا وتكون ما بتعرف تطبخ الواحد بده ياخدها كبيره يركن عليها

تسلمي دموع ع الموضوع الحلو

[دموع السماء]

يسلمووووووووووووووو جميعا ع المرور

بتمنى من الكل يشارك

[عيون بريئة]

البنت اللي ماتعرف تطبخ.. هل تصلح تكون زوجة!!!

ليه لأ يعني ؟

فعلا كلام القلب البرئ صحيح ,ويوم عن يوم أكيد حتكون طباخة ماهرة

وهذا كمان عن طريق مساندة زوجها لالها , وتشجيعها ,مو يقعد يحبط فيها


وإذا بيعرف شئ في الطبخ مو غلط يساعدها ويعلمها في نفس الوقت.


يسلموا دموع على الموضوع .

[دموع السماء]

هلا منورين ياجماعة ههههههههههههههههههههههه

موفقين

[صفاء]

بس اغلب البنات اللي بيتزوجوا ما بيكونوا بيعرفوا يطبخوا

ولما الشاب بيخطب ما بيسأل اذا البنت بتعرف تطبخ او لا

والطبخ مش هالشغلة الصعبة واكيد بعد ما بتتزوج البنت لحالها بتصير تتعلم لانها رح تضطر للطبخ

يسلموا دموع عالموضوع

[دموع السماء]

هههههههههههههههههه

هيك رايك صفصف ههههههههههههههههه

منورين ياجماعة الخير

[دمعة تائبة]

الأكيد انو الحياة الزواج مش طبخ بس وبنفس الوقت ما بنستغني عنو
من وجهة نظري لازم تكون البنت بتعرف تطبخ كم شغلةة على الأقل لانو أكيد مش حلوةة تكون بالعية متلا يعني مع اه زوجها ولسا بدها تتعلم !!
يا حلاااااااوة !! هه
أنا عن نفسي إمي موظفة ولهيك اكيد بساعدها وبعرف اعمل اأشياءكتيرة والحمد لله
حلو الواحد يكون متعلم الطخ والله لانو هيك هيك حتتعملمي
والله الزوج بينبسط منك الحماة كمان ههه
يسلمو على الطرح

[بيسان]

والله انا رأيي انه مش من الضروريات قصة الطبخ بعدين مش معقول في بنت لطخة بتعرفش تعمل ولا اشي الا ما تلاقيها بتعرف تعمل معكرونة -بيتزا- فطير بلحمة ههههههه هدول طبخات بنات هالايام يعني بيأدوا الغرض ولا شو هم بس بدهم ياكلو وخلاص

مشكورة عالطرح رأيي انه بتتعلم مع الوقت لانه متل ما حكو انه الطبخ مهارة

[الامبراطور 22]

يا جماعة الخير


لما تنقلو موضوع يعنى راعوا انه احنا بغزة مش بالخليج


في السنوات الأخيرة.. هناك أسباب لهذي المشكلة وأهما:

1- وجود الخادمة
2- الأنشغال بالدراسة


مش عارف اى خادمة

[**HaMaDa**]

مش عارف اى خادمة

عادي امبراطور . . . احنا عنا سيرلانكية
;)

ايد الزوج مع الزوجة . . . بنعمل احلا طبخة . . .

[الامبراطور 22]

بالنسبة اللى ما بتفرق بالمرة


تعرف تطبخ ولا ما تعرف تطبخ



لانى باطبخ احسن منها هههههه

[دموع السماء]

اها يسلموووووووووو جميعا ع المرور

وبعدين يا امبراطور عادى فى اليوم فى خادمات بالبيوت انا بعرف ناس اجوا من برة وكان معهم خادمة والله بيجبوا الى معاه مصارى وبعدين الانشغال بالدراسة ليش مش اليوم انتشرت الجامعات غير قبل ولا بردوا هاى ماسمعت فيها

ع العموم منورين كل واحد حر برايه
اذا مافى خادمة فى انشغال بالدراسة

[*همس المشاعر*]

في السنوات الأخيرة.. هناك أسباب لهذي المشكلة وأهما:

1- وجود الخادمة
2- الأنشغال بالدراسة



معاكي حق انا من يوم ما انولدت عمري ماشفت إمي واقفة بلمطبخ

لانه كان عنا خادمة بس كانت شاطرة كتير واكلها كتير كتير طيب يعني بتعمل اكل مرتب

وانا عمري ما دخلت المطبخ وعملت اكلة

بس من يوم ما نزلت عشان ادرس اضطريت اتعلم الاكل والطبخ

لانه ما بدي اضلني اطلب من اي حدا يعملي واتقل ع حدا

بس الدور الكبير للام وللبيت هو اللي بيعلم

انا هلاء اشطر من إمي

وعادي ما فيها شي لو البنت اتزوجت وما بتعرف تعمل شي

يمكن الله يعطيها واحد يجبلها خاادمة

او تتعلم زي حالاتي

[دموع السماء]

يسلمووووووووو ع مروركم

منورين

[غزالة]

مش شرط!
الموديل هلقيت وحدة فاشلة بالطبخ! (أو الأغلب هيك)

بس أنا وحدة من الناس .... اوك بعتبر حالي (ركزوا على بعتبر!) بعرف أطبخ او بهبل شوي طبخ!
تجارب يعني كل شغلي
مع ذلك بديش أتعلم وبدي واحد اصلن حريف طبخ! عشان هو يطبخ
:D

والبنت بعد الزواج ولما تلاقي حالها لحالها بتضطر تتعلم ومرة ع مرة بتزبط
ويسلمو

[جنون أنثى]

برأي انه مهم ومو مهم هالشي

يعني المفروض انها تكون بتعرف تطبخ بس كمان ازا ماكانت بتعرف تطبخ مو معنى هالشي انه مابتنفع للزواج

فيها تتعلم وتجرب ومارح تخرب الدنيا لو انشعطت الطبخة مرة وانحرقت مرتين

[دموع السماء]

اها

مشكورين جميعا ع المرور

[القلب البريء]

ابشري يا بنت العم :D

جالك كلامي
مش قلتلك

واديني الحمد لله اول امبارح طبخت فاصوليا واليوم ولاول مرة بحياتي اعمل مقلوبة والحمد لله طلعت تمام التمام وما ضل منها ولا فتفوتة:61::icon30:

عشان تعرفي بس :dance9bh::dance9bh:

اضربيلك زغروتة يا بت :-P

:Miho::D

[دالين]

احم احم

هلأ الحاجة ام الاختراع وبما انو في حدا بيطبخ بدالي لشو اطبخ انا لما الواحد يلاقي حالو مضطر بيطبخ

بعدين يرجع من الشغل بعملو اومليت او بنقلي بطاطا

مالها البطاطا زاكية هههههههههههه

لا وكمان بعرف اعمل معكرونة
ومرات بعمل طبيخ لوبيا (( يعني هو بيطلع حاجة بتشبة اللوبيا بس بيتاكل ))

شو يا دموع شايفة حالك عشان بتعرفي تعملي حلويات وعم تقلبي علينا المواجع
هههه

[شموخ الاحساس]

مرحبا !!

يمكن في مقولة بتقول انو المرأة الي بدها تصل لقلب جوزها عن طريق بطنه !!

ما بعرف بس انا م بؤمن بهاي المقولة , ومو شرط انو تكون شيف من شان اتجوزها ..

بس من الضروري ايضا أنو تعرف شي طبخات الي تمشي البيت ...


شكرا الك ع الطرح المميز والأنيق ..

[دموع السماء]

هلا منورين جميعا

[ألحان الحرية]

فيه منهن أحسن حالا ويعرفن يسوون البطاطس والبيض بأنواعه ( مقلي ، مسلوق ، وعيون ) وأحيانا يسوون شاي ولو انه مرات كثيرة يكون بدون سكر أو عسل كله سكر..

أنا من هاي النوعية بس بعمل الشاي منيح ههههه


هل البنت التي لا تجيد الطبخ تصلح للزواج</strong>

من رأي تصلح للزواج بتتعلم بعدين

مع انه المفروض تكون البنت متعلمة بيت أهلها

يسلمووو دموع السماء على طرح الموضوع ...

[smart_mody]

وشو دور الزلمة بالبيت خليه يطبخ شو وراه طالما زلام اليوم اشطر بكل شي ههه


يسلمو دموع

[رغد]

يا ستي بعد الزواج بتعلمو سوا ههههههههههه

انا ما بطبخ غير بالازمات يعني ماما مش البيت

بس بطبخ اكل مرتب تعالو شوفوه
اكثر اكلة بزبطها جاج بالسلفانة لانها سهلة هههههههههه

وناوية اشرط عالي حيتهبب وياخدني يسكني مقابل الشيخ او معتوق هههههههههههه

[دموع السماء]

نورتوا ياجماعة الخير

[نسمة وفاا]

لكـ يا جماعه الحياة اكيد مو طبخ وبس بس والله صعب تعيش بلا طبخ واكل لا وبمهارة ..
يعني طبخ الماما لا هيك الرجال بده ...
يا صباايـــاا قلب الرجال بمعدته صدقونــــــــي ...
الطبخ ثم الطبخ ثم الطبخ لا ومتل طبخ الماما هاداا عند لرجال ...
صدقوني اخواتي اتزوجوو وبيحبوو نسوانهم موت بس ما يعرفن الطبخ ... ومو مرتاحين لانه الطبخ اهم شي تقريبااا ..
عموما موفئين وربي يطول عماركوو ..
صدقوني الموضه ولستايل بهالايااام الشباب يتعلمو الطبخ خصوصاا شباب السلطه هههههههه ..
من القعده يا جمااعه ...
الله يعين
تقبلوو تعليقي ودمتم بسرور وبود واحتراام

[دموع السماء]

هلا منورين جميعا الموضوع

[rema]

مرسي دموع الموضوع والله حساس كتير بنسبه الي انا بحب الطبخ كتير لكن بعرفش اطبخ
ممكن السبب الدراسه الموسم الوحيد الي بتعلم فيه طبخه او تنتين هو رمضان
واذا على الزواج واليبت والعيال مافيش غير بعد 4سنوات على قولت امي يعني لمن بخلص جامعة انشالله
يسلمو
rema

[عاشقة القرأن]

مش فارقة عادى بتصلح بس أكيد لازم تكون عارفة شغلات أساسية زى الشاى وتسخين الخبز

والمقالى مش زى بعض الناس يانوسة أفندى ولاتكون بتعرف جهة المطبخ بالبيت يمكن بتفكر المطبخ بالدور التانى ههههههه ولاعارفة الملح من السكر ولاالسلكة من السكينة



أما بالنسبة للمسؤولية هى بتكون بالتدريج مش من أولها يعنى بتتعود عليها

[messi]

يسلمو ع موضوعك رائع

والواحد منا ما انولد متعلم

بيتعلم لو شو ما كان

والطبيخ اشي مو بخوف ولا صعب

وازا بحبها لمرتو راح ياكل منها شو ما عملت

وفي مثل شو بيحكي

( شو ما عملت العمشى جوزها بتعشى ) لا تزعلو صبايا

[دموع السماء]

هلا يا جماعة الخير

اسعدني مروركم كثيرا

نورتوا

[3zf_elrsaas]

بتتعلم

مو مشكلة تكون ما بتعرف المشكلة انها تكون ما بتعرف تتعلم

يسلمووو على الموضوع

[فتى المستحيل]

تخيل نفسك وانت راجع من الشغل ساعة 2 واكيد تعبان ومرهق.. وفجأة تكتشف انه مافيه غداء..

والسبب أن زوجتك العزيزة الغالية ماتعرف تطبخ!!!
طبعاً لو صار هالشي الله يعينها ساعتها عاللى حتشوفه ههههههههه







في السنوات الأخيرة.. هناك أسباب لهذي المشكلة وأهما:

1- وجود الخادمة
2- الأنشغال بالدراسة


بعتقد إنو فغزة لا يوجد أو نادراً ما بتلاقي خدم لكن العامل التني ممكن يكون سبب في عدم إجادة الطبخ ومع ذلك يبقى الدور الحقيقي للأم في تعليم الطبخ

لآخير أتسآل سؤال برىء.. اذا هذي البنت ماعرفت تطبخ فكيف راح تربي عيالك!!!!!


سؤال مهم جداً لكن صراحة ما عمري سمعت عن بحث ولا كتاب ولا حتى تقرير بعنوان دور الطبيخ في التربية
ويش رايكم في هالكلام !!!!!!!!!

بعتقد كلام صحيح ولذلك يجب ألا يقضي الخطيب والمخطوبة فترة الخطوبة في الرومانسية وانما يجب أن يعرفا على النظام المعيشي لبعضهما ويطورانه حتى تصبح حياتهما بعد الزواج أكثر هدوء وأقل عنفاً وضجيجاً وكذلك لا ننسى دور الأم في تعليم الطبخ وهو ما ذكرناه سابقاً لأن الفتاة التي لا تطبخ متعبة جداً وهذه المسئولية مسئولية الأسرة بشكل عام طبعاً هالشي لازم يكون موجود عنا كلنا

تسلمي دموع على هالموضوع الرائع

[juba]

اكيد لا انها راح تكتسب خبرات من حماتها

او بتتعلم الطبيخ فترة الخطوبة

وكلو لازم يغلط في اول حياته

[دموع السماء]

هلا ياجماعة الخير

اسعدني مروركم جميعا

[haitham]

كلو بهون الا الاكل
هههههههه

[يمنى]

ما اظن انه الطبخ هو المقيــــــــــــاس


اكيد هي رح تتعلم المهم اخلاقها وتعاملها


يسلمووو ع الطرح

[دموع السماء]

هلا ياجماعة الخير

اسعدني مروركم

[طائر النورس]

يسلمو الموضوع كتير حلو

[طائر النورس]

اكتر شى بحبه فى الدنيا الطبخ
افضل هواية عندى
بحب ابتكر طبخات اجديدة والحمد لله دايما موفئة

[دموع السماء]

هلا نورتوا الموضوع والمنطقة كمان

[JOKER]

عادي ما فيها مشكلة حتي لو ما بتعرف ططبخ ما حد نولد منا متعلم ورغم هيك اتعلمنا
والزوجة زي اي بنت كانت مدللة عند اهلها ولكن لما تروح عند بيت زوجها لحالها حتتعلم لانو حيكون البيت المملكة تبعتها وبعكس صورة عنها لو هيا نضيفة ولا لاء فبتهتم من نفسها من غير ما حد يقلها واولها حتلاقي صعوبة بعدين عاااااااااااادي بسير الموضوع واشطر من الابلة نظيرة :)

[سيدرا ش]

هوا الطبيخ مش مقياس اساسي للزواج ولا شرط لايجب غض النظر عنه

يعني لما تكون البنت مثالية والشب يلاقي فيها كل المواصفات اللي بده اياها والله من الفرحة ليصير يطبخ

وبعدين هية ما راح تتحمل الوضع بدون طبيخ وراح تتعلم وتصير اشطر طباخة " مش قضية يعني"

[دموع السماء]

ههههههههههههههه

فعلا كلامك مزبوط منورين جميعا

[ام صهيب2]

ممممممممممممم
مش ضروري بتتعلم لما تتزوج ولازم يصبر عليها زوجها

[قلب مبدع]

فعلا انا من المؤيدين معكم شوية شوية بتتعلم ...........على فكرة انا عدوي الطبخ ههههههه بس راح اتعلمو لاني بعرف بعض الحاجات مش كل شي ........ما تفكروني ما بعرف خالص هههههههههه بعرف بس مش كل شي

[دموع السماء]

بارك الله فيكم جميعا

نورتوا