انت كرسي ولا شو

[القيصر]

انت كرسي ولا شو
انا مش كرسي

أيون انا مش كرسي

كرسي

كرسي إيش عن إيش بحكي هادا ؟

لا اله الا الله

انتو مش فاهمين بس

الدكتور حكالي اعمل هيك كل ما احس انى كرسي احكي انا مش كرسي

تمام .... ايش موضوع الكرسي هادا

تعالوا نشوف واحد زهقان وتعبان وقرفان حياته
( يبقى انت أكيد أكيد فى غزة )

و ماشى فى الشارع و لقى استراحه

اكيد الاستراحة فيها

كراسي ..هيييييييييييييييه

ايش حيعمل وهوا تعبان ومش قادر يوقف

أكيد حيعدي ويقعد عالكرسي

طب اوك مهوا هادا الطبيعي

كرسي + أنا تعبان = اقعد ارتاح شوية

حلوة المعادلة

طيب ارتحت يا سيدي !

اها الحمد لله وين كنا ووين صرنا يا زلمة

بس أكيد بعد ما ترتحلك شوي تقوم وتكمل مشاويرك

وحتسيب الكرسي..

مش حتاخده معاك

وبعدين الكرسي خلصت مهمته أصلا

بتكمل طريقك وولا بتطلع عالكرسي اللي ريحك

واحد يقولك ماله هادا يبني انتا بتحكي عن كرسي

مااااااشى مااااااشى معك حق


الكرسي هادا ممكن يكون صديق وقف جمبك وقت ضيقك وتعبك ...سمع همومك و مشاكلك و عاشها معك و حاول يوصل لحلول إلها

الكرسي هادا ممكن يكون اى شخص احساسك فيه انه مجرد حاجة انت شايلها وقت ما بتحتاجه

لكن وقت ما يحتاجك فكرك بلاقيك !!

يعنى انت بدك مصلحتك و بس و هو شايل الهموم و بس .. و وقت ما يحتاجك علشان تشاركه !!

تخيلوا ممكن ايش يكون ؟

انت بتفكر فى حالك زيادة عن اللزوم

او فاضى زيادة عن اللزوم

أصله خايف عليك تفكر انك تعبان فتتعب زيادة يا عيني عالأخوة

اه اصل الكرسي هادا وظيفته يشيل وبس

صح مش هادي وظيفته!!

بس حتى الكرسي اوقات بحتاج يتصلح

لالالالالالالالالالالا.............. يتصلح مين

وقت ما يحتاج يتصلح بنرميه و نجيب واحد تاني احسن

فكرك فيه حد فينا بيتعامل مع الناس اللى حواليه بالشكل هادا.... انهم كنب او كراسى ؟

كل وظيفتهم انهم يشيلوه وقت تعبه و بس ؟؟

عمرنا فكرنا انّا بنعمل هيك مع أهالينا

الاب الام الاخوات أو اى شخص مهم فى حياتنا

و لو كان هيك فكرك ايش اللي بيدفعنا نتعامل مع بعض الناس على إنهم هيك مجرد إشي بنحتاجه لوقت معين و غير كده مالوش لزوم ؟

عمرك حسيت انك مستغل ؟

طيب ايش مفروض نعمل علشان الاحساس هادا يختفي ؟

هووف شكلي نعست

[رغد]

زي عمرك حسيت انك كبري

كان الي صاحبة زمان تحسسني هالاحساس بطريقة رهيبة

بس انا لا كرسي ولا كبري

لهيك تركتها والناس الي بتفكر تعمل هيك حرام يكونو ناس

البعد عنهم ارحم

[دموع السماء]

فكرك فيه حد فينا بيتعامل مع الناس اللى حواليه بالشكل هادا.... انهم كنب او كراسى ؟
اها والله يا قيصر فى ناس زى هيك وبس تخلص مصالحها بتكتبهم تقول خربانين ولا انتهت مدة صلاحيتهم


كل وظيفتهم انهم يشيلوه وقت تعبه و بس ؟؟

اها صدقت وخصوصا بهالزمن
عمرنا فكرنا انّا بنعمل هيك مع أهالينا

الاب الام الاخوات أو اى شخص مهم فى حياتنا

طبعا اكيد لا لانهم تعبوا مشانا ومومعقول نعمل هيك فيهم
و لو كان هيك فكرك ايش اللي بيدفعنا نتعامل مع بعض الناس على إنهم هيك مجرد إشي بنحتاجه لوقت معين و غير كده مالوش لزوم ؟
ههههههههههههه ولاشى بيدفعنا بس خلص فى ناس بتحب السيطرة وبس بتحس حالها مالكة الكون
عمرك حسيت انك مستغل ؟
لا الحمد الله
طيب ايش مفروض نعمل علشان الاحساس هادا يختفي ؟
مفروض نعامل الناس زى بعض وكلنا ولادتسعة شهور مافى واحد ع راسه ريشة ولازم نحترم بعض لنقدر نكمل

[*همس المشاعر*]

هيا إجت ع الكرسي يا حمود قيصر

الدنيا كلها ملخبطة وماشية بلعكسي

الانسان صار ينسى انسان صاحبه او اخوه بعد ما يخلص من مصلحته

[عليا]

حزنتني على الكرسي
اول مرة احس انه انانية بالتعامل معه

ما بعرف كيف الواحد يعرف الي بستغله
كل الي مروا علي بهالطريقة ما كنت اعرفهم الا بعد ما يخلصو الي بدهم اياه مني
وانا بحكي يلا اعمل خير وارميه بالبحر
يعني شو اعمل بتكون الحكاية خلصت

[القلب البريء]

والله انا هدا اللي غايظني خصوصا هاليومين الكل بيستغل وبيستنفع بس مصالح يا صالح وعند ما تحتاجهم بح بنقطعو بتنقطع اخبارهم ما بيفتكرونا الا لغرض

قال وانا الكنت فاكرة بحبوني اتاريتهم كانوا يستغلوني بس لما خلصت مصالحهم نسيوني

[الطبيعة]

يا الله شو هالحياة كل شى صار فيها مصالح
ما عاد فى لا صديق ولا حبيب كل واحد ورا مصلحتو ماشى
ويا عينى فى ناس ما بنشوفها ولا بنسمع صوتها إلا لما بدها شغلة منا
والله كرهت حاجة اسمها ناس وأصحاب من اللى شوفتو
الله يعينا وبس

[الامل]

يسلمو القيصر
الواحد الا ما يمر عليه ناس من هاي النوعية تبعين المصالح
ربنا يبعدنا عنهم ويبعدهم عنا

[يارا]

حياة مقرفة وبجد كلها مصالح

صرنا محطات عابرة في حياة البعض محطة وبعدوا عليها

لا اله الا الله

[شموخ الاحساس]

بقول الكراسي وين رايحة ..

بصراحة كلامك كلو واقعي وفي محله..

بشكرك حبيبي قيصر ..

وشكرا كمان للدكتور تبعك ..


تحياتي

[فتى المستحيل]

مصالح مصالح ما فيكي يا دنا صالح
هذه هي الحياة ..متقلبة ..غدارة .. لا أمان لها
لكننا لا بد أن نسمو بأنفسنا عن تلك الدنايا التي تعصف بها وإلا لما وجد الخير
تحياتي قيصر

[زنبقة]

مشكورين كتيييييييييير وطرح جديد للموضوع جديد وغريب وحلو ..........وبجد كتير بنواجه كراسي بحياتنا وكتيييييييييييييير بنكون كراسي للناس
وهيك الدنيا احيانا بنحتاج لكراسي واحيانا الناس بيحتاجونا نكون كراسي