موضوع للنقاش خاص بطلبة قسم الفيزياء ..

[محمود إسماعيل]

السلام عليكم ورحمة الله وبركاته


إخواني الطلاب و أخواتي الطالبات ..

سأتحدث عن موضوع و في انتظار نقاشكم في هذ الموضوع ..

معروف أن الفيزياء تنقسم إلى قسمين :

فيزياء و أساليب تدريسها و فيزياء (علوم )

هناك من الطلبة قاموا بتسجيل فيزياء (علوم ) و لكن تم تجميع الطلبة تحت مسمى الفيزياء و أساليب تدريسهاا ...

و هناا الموضوع :



هل ستفكر بعد انتهاءك من الفيزياء و الأساليب أن تفكر أن تكمل لتصبح فيزياء علوم أم لاا ؟؟

هل جامعتنا ستسمح بتدريس المواد المتبقي على الطالب دراستها (مواد العلوم ) ربما 4 أو 5 مواد فقط ؟؟

على فرض أن جامعتنا ستسمح بذلك هل تفكر أن تكمل بهاا أم تبحث عن جامعة أخرى ؟؟










هذا الموضوع كنا بنتناقش فيه احنا الطلاب فحبيت أطرحه :)


في انتظار نقاشاتكم و اقتراحاتكم :dance9bh:







تحياتي لكم

mahmoud

[الطبيعة]

هل ستفكر بعد انتهاءك من الفيزياء و الأساليب أن تفكر أن تكمل لتصبح فيزياء علوم أم لاا ؟؟

رائع أن تكون خريج علوم ,ولكن إذا بفكر أتقدم للتوظيف فى المدارس فلا داعى بأن أكمل كى أصبح من كلية العلوم, وأيضا بإمكانى أن أدرس الماجستير فى الجامعة الإسلامية مباشرة دون أن يكون معى شهلدة فيزياء علوم
(الواحد ناقصه جنون يروح يكمل) أكيد ما صدقت أتخرج هههههه


هل جامعتنا ستسمح بتدريس المواد المتبقي على الطالب دراستها (مواد العلوم ) ربما 4 أو 5 مواد فقط ؟؟
لا أعتقد ذلك, ولأأن القسم وأيضا الجامعة لن تفتح شعبة مثلا لطلاب إلا إذا كان هناك عدد كافى ,على الأقل 6 أو 7 طلاب
وكذلك إذا أرادت أن تفتح شعبة لطالبات (حسب قول الدكاترة)

وعلى ذلك لن تسمح إلا بعد سنوات لأنه لا أحد يفكر بذلك بتقدر تحكى كل 10 طلاب أو أكثر واحد ممكن يكمل
أكيد مش ناقصهم تعقيد هههههه


على فرض أن جامعتنا ستسمح بذلك هل تفكر أن تكمل بهاا أم تبحث عن جامعة أخرى ؟؟

ربما نعم , وذلك لأننى أصبحت أعرفهم جيد دكاترة القسم, وبصراحة بفتخر بقسمى وكل من فيه من المحاضرين دون استثناء
وربما فى جامعة أخرى,حتى نكتسب طرق تفكير دكاترة جدد , غالبا الجامعة الأخرى هى التى أنوى إكمال دراساتى العليا فيها

ولكن على الأرجح يكون فى جامعتنا هههه

[nour al3ilm]

هل ستفكر بعد انتهاءك من الفيزياء و الأساليب أن تفكر أن تكمل لتصبح فيزياء علوم أم لاا ؟؟

لأ ....... لانو ممكن ناخد الماجستير(هاد اذا بدنا) بدون ما نحتاج نكمل

هل جامعتنا ستسمح بتدريس المواد المتبقي على الطالب دراستها (مواد العلوم ) ربما 4 أو 5 مواد فقط ؟؟
هيك حكو اذا توافر عدد مناسب


على فرض أن جامعتنا ستسمح بذلك هل تفكر أن تكمل بهاا أم تبحث عن جامعة أخرى ؟؟

في جامعه تانيه طبعا.......

هم كلهم تلات مواد كم 2 وكهرو 2 وناسيه التالته وبتصير علوم.....يعني فصل واحد(وشد شعر)

يعطيك العافيه...

[ابتسامة]

هل ستفكر بعد انتهاءك من الفيزياء و الأساليب أن تفكر أن تكمل لتصبح فيزياء علوم أم لاا ؟؟طبعا لا
هل جامعتنا ستسمح بتدريس المواد المتبقي على الطالب دراستها (مواد العلوم ) ربما 4 أو 5 مواد فقط ؟؟ اذا توفر عدد كافي من الطلبة والطالبات اكيد رح تسمح والدكاترة حكولنا هيك
على فرض أن جامعتنا ستسمح بذلك هل تفكر أن تكمل بهاا أم تبحث عن جامعة أخرى

اذا فكرت اكمل طبعا في جامعتنا يعني انا درست بكالويوس فيها اجت على اكم من مادة بعدين احنا بنعرف الدكاترة وصرنا بنعرف تدريسهم ليه ندور على جامعة تانية

[عباس89]

أنا عندما أتخرج من الجامعة حقول سلام عليكم بلا رجعة إلها ..

[ماسة غزة]

هل ستفكر بعد انتهاءك من الفيزياء و الأساليب أن تفكر أن تكمل لتصبح فيزياء علوم أم لاا ؟؟

لا لا لا .... أكيد لأ
هل جامعتنا ستسمح بتدريس المواد المتبقي على الطالب دراستها (مواد العلوم ) ربما 4 أو 5 مواد فقط ؟؟

اذا توفر عدد كافي أكيد ما بتقصر

على فرض أن جامعتنا ستسمح بذلك هل تفكر أن تكمل بهاا أم تبحث عن جامعة أخرى ؟؟

ما هو أنا اكيد ما راح أكمل <<< بس لو كنت ع فرض اني ح كمل اكيد ما بغير الجامعه لانو الدكاتره تعودنا عليهم وعرفنا طباعهم

[مصطفى]

والله يا عم محمود انا من الاول بدي اسجل فيزياء علوم بس الي صار انو ما كان في عدد كافي فحولوني فيزياء واساليب تدريسها اياميها كان بس طالبين وقالولي ما راح نفتح قسم مشان تنين هههههه المهم انا انشاء الله اول ما اخلص اذا فتحت الجامعة فيزياء علوم من غير ما افكر راح اسجل بس انشاء الله يفتحو بجامعتنا اما اذا ما فتحوا التخصص فبالتاكيد راح اكمل علوم بجامعة تانيه انشاء الله وكلو وراء التساهيل وانشاء اللله ربنا يسهل ...
تحياتي محمود

[محمود إسماعيل]

أيضا بإمكانى أن أدرس الماجستير فى الجامعة الإسلامية مباشرة دون أن يكون معى شهلدة فيزياء علوم
هل ستفكر بعد انتهاءك من الفيزياء و الأساليب أن تفكر أن تكمل لتصبح فيزياء علوم أم لاا ؟؟

لأ ....... لانو ممكن ناخد الماجستير(هاد اذا بدنا) بدون ما نحتاج نكمل
معقول هذا الكلام
يعني أكيد من وين المصدر
أناا اللي على حد علمي البسيط إنو الطالب إذا بدو يكمل ماجستير عليه إنو تكون معه شهادة علوم فيزياء ..
و إذا بدو يكمل بجامعة مغايرة عن جامعته بدو يعامل كأنه طالب من نفس الجامعة اللي بدو يكمل فيهاا
و إذا في مواد تخصص أقل من 70 مش هتنحسبله ..
و متطلبات الجامعة ضروري ياخدهاا .. و لسه بدو ينعمله تعديل مساقات ..
هاي اللي بعرفه
يعني ورطة كبيرة

معقول إنتو متأكدين و لا من عقلكوا بتحكوا ؟؟؟






غالبا الجامعة الأخرى هى التى أنوى إكمال دراساتى العليا فيها

ولكن على الأرجح يكون فى جامعتنا هههه تعبير رائع

يعني قصدك من سابع المستحيلات تكملي ماجستير ههههههه

ربناا يوفقك و يسعدك بحياتك ..

مشكوووووووووة الطبيعة على إبداء رأيك ..



لأ ....... لانو ممكن ناخد الماجستير(هاد اذا بدنا) بدون ما نحتاج نكملإن شاء الله ربنا يوفقك إذا كملتي أو لاا

بطبيعة مجتمعنا الغالبة البنت لحد االبكالوريس و خلاص ..

يعطيكي العافية نور العلم ..


اذا فكرت اكمل طبعا في جامعتنا يعني انا درست بكالويوس فيها اجت على اكم من مادة بعدين احنا بنعرف الدكاترة وصرنا بنعرف تدريسهم ليه ندور على جامعة تانيةتسلمي على الرد الحلو

ربناا يوفقك و يسعدك بحياتك ابتسامة ..



أنا عندما أتخرج من الجامعة حقول سلام عليكم بلا رجعة إلها .. إن شاء الله يا رب تتخرج بمعدل حلو

ربنا يوفقك محمد





ما هو أنا اكيد ما راح أكملتسلمي ماسة غزة على مرورك

وربنا يسعدك بحياتك العملية و الحياتية ..




راح اكمل علوم بجامعة تانيه انشاء الله وكلو وراء التساهيل وانشاء اللله ربنا يسهل ...كله ورا التساهيل طبعاً

إن شاء الله موفق مصطفى ..



شكراً لكم جميعاااااااااااااااااا

[الطبيعة]

أيضا بإمكانى أن أدرس الماجستير فى الجامعة الإسلامية مباشرة دون أن يكون معى شهلدة فيزياء علوم

متأكدة يا فنان لأن أختى درست بجامعتنا فيزياء فرعى كيمياء (يعنى قبل وجود فيزياء وأساليب تدريسها ) وحاليا سجلت بالإسلامية حتى تكمل ماجستير وما طلبو منها تكون خريجة علوم , وغير ذلك إنها ليست فيزياء فقط


يعني قصدك من سابع المستحيلات تكملي ماجستير ههههههه

لا لا لا
إن شاء الله راح أكمل ,,,وكمان حسبت قديش بدها تكلفنى بس رسوم للمواد والرسالة
هههههه بدها 3 آلاف دينار بدون مواصلات,,, بس أشتغل محوشهم قولوا يا رب

موفقين جميعا

[nour al3ilm]

أيضا بإمكانى أن أدرس الماجستير فى الجامعة الإسلامية مباشرة دون أن يكون معى شهلدة فيزياء علوم

اها لأنو احنا فيزياء وأساليب تدريسها .....فينفع ناخد ماجستير بالفيزياء أو بالتربيه اللي بدناياه

بس لو تربيه فيزياء كان اختلف الوضع

بالتوفيق ..

[طيف]

اااااااخ
ناس بتفكر في الماجستير وناس بنفكر كيف بدها تعدي الفصل الجاي على خير

بعد ما شفت جامعة الاقصى ...وقسم الفيزيا في جامعة الاقصى
تدمرت كل طموحاتي
وحتى لو فكرت في الماجستير وهادي الشغلات يستحيييييييييل افكر اني افوت هادي الجامعة تاني

أكرهها واحب كرهي لها

تحياتي

[ابو سمرة]

يا فنان لما بدك تكمل ماجستير لحالهم بيعطوك هاي المواد وبعدين ما بيلزم العلوم بهاي البلد
بعدين لازم يكون عند الواحد طموح واذا انتا/ي تدمر طموحك بسبب المرحلة الجامعية فانت انسان فاقد للامل ييئس بسرعه اي هو انتو لسا شفتو حاجه
انا عندي طموح اني اكمل وما رح يتدمر هاد الطموح مهما صار لاني شكلي حاخد الماجستير بالجامعه ههههههه يعني ربنا يعينا
لا بس انا عندي طموح وما رح اتخلى عن طموحي مهما صار
تحياتي الك فنان ومبادرة جميله
ابو سمرة

[طيف]

بعدين لازم يكون عند الواحد طموح واذا انتا/ي تدمر طموحك بسبب المرحلة الجامعية فانت انسان فاقد للامل ييئس بسرعه اي هو انتو لسا شفتو حاجه
هههه
هو انا كنت داخلة فيزيا لانه كان في بالي ادرس فيزيا بمعنى الكلمة
مش فيزيا قراءة وامتحانات فقط
قصة الماجستير هادي لم اتخلى عنها
لكن جامعة الاقصى دمرت لي طموحات اخرى (يعني مش بس الماجستير والدكتوراة هي طموحات عليا )
الفيزيا لها جمالها وسحرها الخاص عمرنا ما رح نشوفه في هالجامعة وهالبلد

[مصطفى]

هههههه بصراحة يا ابو سمرة الاخت طيف معها حق الي بدو يشوف الفيزياء معقدة يدخل جامعتنا لانو بصراحة ما في هالكفائات الا القليل والكل بيعرف مين هم وبعدين غالبية المواد الكبيرة ما بدي احكي الصعبة مثل الكم و الكهرو و غيرو الكل بشوفن مواد رعب مو مواد فيزياء ههه من وين الواحد بدو يحس بجمال الفيزياء بجامعتنا يا راجل تغيير الوجوه رحمة ..........

[ساهر]

هل ستفكر بعد انتهاءك من الفيزياء و الأساليب أن تفكر أن تكمل لتصبح فيزياء علوم أم لاا ؟؟

انا ناوي اكمل ماجستير في الفيزياء ان شاء الله واذا احتاج الامر لدراسة بعض المواد لأصبح فيزياء علوم سأدرسها حتي استطيع دراسة الماجستير في الفيزياء ،،

لانو حسب ما سمعت سابقا >> لازم الواحد يكون تخصصة فيزياء علوم مشان يقدر يكمل ماجستير (في الفيزياء) اما الواحد بيقدر يكمل ماجستير (في التربيه ) علي شهاده الفيزياء واساليب تدريسها ،، ويستطيع الطالب الحاصل علي شهاده الفيزياء واساليب تدريسها أن يكمل ماجستير في الفيزياء اذا درس مواد العلوم المتبقيه ( 4 _ 5 مواد ) ،،،،،،

هل جامعتنا ستسمح بتدريس المواد المتبقي على الطالب دراستها (مواد العلوم ) ربما 4 أو 5 مواد فقط ؟؟ في الحقيقه انا لم اسمع بانو في طالب او طالبه تخرجت من جامعتنا فيزياء علوم ،، وباعتقادي اذا كان هناك عدد متوفر من الطلاب لدراسه بعض المواد (مواد العلوم ) فستعمل الجامعه علي تدريسهم ،، وللعلم المواد المتبقية هي ( فيزياء الكم 2 ، فيزياء كهرومغناطيسيه 2 ، فيزياء الحالة الصلبة 2 ، ميكانيكا تحليلية 2 ، فيزياء نووية 2 ، )

على فرض أن جامعتنا ستسمح بذلك هل تفكر أن تكمل بهاا أم تبحث عن جامعة أخرى ؟؟ربما في جامعتنا وربما في جامعة أخري ،، شئ جميل ان يكتسب الطالب فلسفة واسلوب دكاترة فيزياء بجامعة أخري ،، بس علي الارجح ربما تكون بجامعة أخري ، وليس السبب في الدكاترة بجامعتنا بالعكس يوجد بجامعتنا كادر تعليمي ممتاز جدا ،،

وأيضا بإمكانى أن أدرس الماجستير فى الجامعة الإسلامية مباشرة دون أن يكون معى شهلدة فيزياء علوم
متأكدة يا فنان لأن أختى درست بجامعتنا فيزياء فرعى كيمياء (يعنى قبل وجود فيزياء وأساليب تدريسها ) وحاليا سجلت بالإسلامية حتى تكمل ماجستير وما طلبو منها تكون خريجة علوم , وغير ذلك إنها ليست فيزياء فقط


ادا علي هيك بيكونوا ريحونا من دراسة مواد العلوم ،

مشكورة الطبيعة وموفقة ان شاء الله



تسلم يا فنان عالموضوع
:( :) :(

[الطبيعة]

أكرهها واحب كرهي لها

أختى طيف بنصحك إنو يكون عندك انتماء للقسم
بدون انتماءك للقسم ما راح تحسى أبدا بنجاحك (مجربة)
تقبلى تعليقى

بتمنالكم جميعا التوفيق
وكل واحد يصل للمستوى اللى بيتمناه

[محمود إسماعيل]

أيضا بإمكانى أن أدرس الماجستير فى الجامعة الإسلامية مباشرة دون أن يكون معى شهلدة فيزياء علوم

متأكدة يا فنان لأن أختى درست بجامعتنا فيزياء فرعى كيمياء (يعنى قبل وجود فيزياء وأساليب تدريسها ) وحاليا سجلت بالإسلامية حتى تكمل ماجستير وما طلبو منها تكون خريجة علوم , وغير ذلك إنها ليست فيزياء فقط


طيب حلو كتير

أناا كل علمي إن يشترط يكون الشخص مخلص فيزياء علوم

سألت الأستاذ منير بالأمس برضوا حكى الفيزياء و أساليب تدريسها بيقدروا يكملوا مباشرة من دون فيزياء علوم ..

تسلمي الطبيعة على الخبر الحلو ..


يعني قصدك من سابع المستحيلات تكملي ماجستير ههههههه

لا لا لا
إن شاء الله راح أكمل ,,

أنا لما قلت العبارة لأنه جد قسمنا لما يصل المرحلة إنو ليعطي ماجستير على الأقل بده 5 سنين ..

إن شاء الله يارب يوفقك و تكملي لو حابة هالشئ ..


وكمان حسبت قديش بدها تكلفنى بس رسوم للمواد والرسالة
هههههه بدها 3 آلاف دينار بدون مواصلات,

معقول بس 3 آلاف دينار , يعني بس مهر عروسة هههههه

أناا كل فكر ي 5 آلاف

إن شاء الله يا رب عال 22 سنة بدي أكمل مباشرة

على رأي أمي تعلم من إخوانك بعد ما تزوجوا و خلفوا بدهم يكملوا ..

خلص و كمل مباشرة ..



بس أشتغل محوشهم قولوا يا رب

إن شاء الله يا رب يوفقك و يسعدك

أنا ناوي أكمل و أشتغل بنفس الوقت بإذن الله ..



وحتى لو فكرت في الماجستير وهادي الشغلات يستحيييييييييل افكر اني افوت هادي الجامعة تاني

أكرهها واحب كرهي لها



طيف مالك إنتي ؟؟

شو فيكي ؟؟

شو عملك القسم و ليه بتحكي هيك ؟؟

ربنا يوفقك إن شاء الله و ينور طريقك و يهديكي ..



لا بس انا عندي طموح وما رح اتخلى عن طموحي مهما صار
تحياتي الك فنان ومبادرة جميله

الإنسان من دون طموح ما بعيش

منور سامر

وربناا يوفقك ..




ادا علي هيك بيكونوا ريحونا من دراسة مواد العلوم ،

مشكورة الطبيعة وموفقة ان شاء الله



تسلم يا فنان عالموضوع



ما بدي العلوم إذا القصة من دونهاا بتمشي

ربناا يوفقك ساهر

و إن شاء الله لأعلى المستويات ...



دمت بخير

[nour al3ilm]

أكرهها واحب كرهي لها

هههه مالك يابنتي ...كمان هنا التشاؤم
خلاص أنا من وراكي بدي أحول علوم


بطلت عن كل الحرب النفسيه اللي عاملينها....بخاف ييجيني يوم أصير متل طيف (بدي أهرب قبل ما اتدمر)

وانتي ياطيف خليكي فيزيا وأنه لجهاد .....نصر أو استشهاد هههه

بالتوفيق