لشباب المنتدى ..هل انت ملتحي ؟

[دمعة تائبة]

السلام عليكم ورحمة الله وبركاته
في كتير من شباب اليوم بتلاقيه ما شاء الله عنه لحيته شبرين ونص
وطبعا شو بيكون انطباعك الأولى عنه انو هاد شاب ما شاء الله عنه متدين وملتزم اخر التزام .(طيب هو الالتزام لحية وبس :blink:
بتيجي بدك تقرب منه للتعرف عليه متلا او لتحكى معه بتلاقيه والعياذ بالله بشتم هادا وبيسب هداك والله1والأمر من هيك برن جواله متلا حاطللك نانسي عجرم ولا كاظم الساهر
ياترى طب ليش مربي لحيته ؟هل من مبدأ السنة والدين ولا من مبدأ الموضه .(شباب طايشين فعلا )
ولا واحد تاني بتلاقيه راشش علبة الجل على حاله ولابسلك بلوزة على قد الجسم (بدي يعني )
ويا سلام على البنطلون ما شالله عنه شوية ويتفسخ منه :-o
بتيجي تساله يهديك يرضيك شو هاد يلي عامله بحالك بيحكيلك هاد العصر بيتطلب هيك
قال شو احنا بعصر التقدم :( .أي لا والله احنا بعصر التخلف والمرمطة :65:
وغيره وغيره كتير .. واحد تاني عاملي بشعره نيجرو ولا غيره حاططلي سلسال برقبته قال بدو يقلد هدااك المغني ...:60:
ياترى ليش شباب اليوم ولا شباب الموضة (حسب رأيهم ) بيعملوا هيك ؟؟:confused::confused:
بيفكروا بهالطريقة بيجذبوا انتباه البنات ولا انو لازم الواحد يبين فيهم انو قد حاله (جهل وتخلف والله ):10:
بدكو تحكولي كلامك غلط ببغلط..في شباب صح بيلبسوا هيك وبيعملو البدع بحالهم لكن جواتهم طيبين وبيحترموكي أكتر من واحد تاني مربي لحيته وملتزم ..
وقتها انا برد عليكو : الحلو دينيا ومظهريا لازم يكون حلو من برا ومن جوا ..يعني لازم يكون المظهر الخارجي ينم عن مظهرة الداخلى .,.. لانو احنا ما النا بمظهره الداخلي ..احنا يا الامة دايما بيكون عنا انطباع مبدأي
مممم ..وبعد كل هالحكي .. جاوبوا على هالأسئلة ( اللي بدو طبعا ):
هل انت ملتحى ؟؟ واذا كان اه فشو بتعنيلك ؟
هل ربيتها سنة عن النبي صلى الله عليه وسلم ؟ولا انو بينم عن انتماءك لحزب أو للموضه ؟
بانتظار أرائكمــ:)

ملحوظة :
الملتزم والمحترم محترم وين ما كان .....واللحية من وجهة نظري مش معناتها التزام وتدين
رغم انو في بنات بيصيروا يحكوا لما وحدة تخطب وتكون هيا متدينة .شو اللي خاطبتيه ملتحى ولا لأ:10:
من وجهة نظري مش معناها انو ملتحي انو متدين

[الامبراطور 22]

هل انت ملتحى ؟؟


لا وباحلقها شبه يومى طبعا بدون فخر


اما حكاية انه يمشى مع الموضه

عن نفسى فى موضه مقبولة بتكون

قميص نازل جديد شكله حلو ومحترم هادا تقدم كويس


بنطلون نازل جديد ومحترم مش محزق كتير برضو موضة وكويسة

نوع جل جديد ومغزى للشعر كويس ولكن الواحد يحط جل كويس يعنى مش يحط العلبة كاملة ويمشط شعره كويس مش عيب ولا حرام وماشى مع الموضه



انا اللحية مرة كنت بدى اربيها ولكن شفت حالى باعملها زى الشباب الكل يعنى ما باخليها تكبر


روحت حلقتها لانه شفتها هيك باضحك على حالى لانها ما كانت على السنه هيك


وفى حياتى ما اطلعت على المظهر


المظهر ما بهمنى اللى بيشوفنى بيحكى مشلط


لكن المهم عندى الداخل

يعنى باروح على المسجد اللى اكتر من سنه وبالبس كت وشورت تحت الركبة


مع انى مداوم على الصلاوات الخمس فى المسجد وخاصة صلاة الفجر


من الاخر ما بيهمنى المظهر

[smart_mody]

وطبعا شو بيكون انطباعك الأولى عنه انو هاد شاب ما شاء الله عنه متدين وملتزم اخر التزام .(طيب هو الالتزام لحية وبس
عادي زيو زي غيرو
اصلا تعون اللحى كتير منهم دشر ودشر عالاخر

ياترى ليش شباب اليوم ولا شباب الموضة (حسب رأيهم ) بيعملوا هيك ؟

انتي لافت نظرك شكل لبس الشباب ؟؟؟؟؟؟؟؟
على الاقل بتضل العورة مو مبينة مهما لبسنا

شوفي حال البنات وبعدين احكو عن الشباب

عالعموم انا مرة بدقن ومرة لا حسن حالة الزهق الي انا فيها ولبسي راكز
ليش طريقة كتابة الموضوع شبه طريقة كتابة المدير للموضيع؟؟؟

مشكورة دمعة

[محمود إسماعيل]

هل انت ملتحى ؟؟ واذا كان اه فشو بتعنيلك ؟

بانتظار أرائكمــ:)

بالنسبة لي
أنا غير ملتحي بمعني بحلق ذقني بفترات متقاربة و ما بتركها لتكبر ..
طبعاً أهم الشئ الانسان من داخله مو شرط يكون الشخص ملتحي ليكون كويس و العكس كذلك ..


تحياتي ..

[محمد2050]

هل انت ملتحى ؟؟
لع :d

واحد تاني بتلاقيه راشش علبة الجل على حاله ولابسلك بلوزة على قد الجسم (بدي يعني )
ويا سلام على البنطلون ما شالله عنه شوية ويتفسخ منه
ههههه على سيرة البنطلون
مبارح صار موقف جلطني بصراحة
في المسجد كان في شب جاي يعتكف
وكان بصلي معنا
بس المشكلة انه بنطلونه ساحل كتير
ولما يركع ويسجد بسحل بزيادة
وكمان البلوزة بدي وقصيرة
وطبعا حاطط جل
نرجع للبنطلون هههه
المهم لما قعد الشب
صار الداخلي كلو مبين وهو مش مستحي على حاله
انا كنت متوقع باي لحظة يسحل البنطلون كله
بس ربنا ستر ههههه

ياترى ليش شباب اليوم ولا شباب الموضة (حسب رأيهم ) بيعملوا هيك ؟؟
بيفكروا بهالطريقة بيجذبوا انتباه البنات ولا انو لازم الواحد يبين فيهم انو قد حاله
اقلك شغلة اكيد بتعرفيها
في بنات بطلعو لابسين ومتمكيجين ومتعطرين ومزبطين حالهم علشان يعجبو الشباب
وفي شباب بحبو يشوفو هيك مناظر ويطقسو عليهم
ونفس الحاجة عند البنات
في بنات بحبو يشوفو شباب بجل وبدي وبنطلون ساحل
وبنبسطو وبكيفو عليهم
وللاسف في كتير هيك اشكال (شباب وبنات)

ليش طريقة كتابة الموضوع شبه طريقة كتابة المدير للموضيع؟؟؟
هههه نعم يمة !
لا شبهه ولا ..

[لانا]

يا شيخة روووووووووووووووحى الله يسعدك ياااارب بدى افش خلقى اشوى بهالشباب

طبعا قبل شباب المنتدى ملتزمين :)
يعنى يمكن بلحية ههه

راجعة ارد بس موعد النيلة تقطع مش حكتب ع الفاضى يعنى بس تيجى برد هاد رد مبدئ هههه
بس موضوع مهم كتير ورائع كتير والاروع انو منك يا دمعةيسلمووووووووايديكى

[القلب البريء]

اقلك شغلة

اللحية عاملة بالزبط زي النقاب

صحيح ممكن توحي بالتدين والالتزام لكن مش كل ملتحي بيكون متدين ولا محترم وعنده اخلاق

حلوة اللحية اه بس والله ما هو حلو تكون نازلة كتير بتكبّر ههه
ولو متجوز مرته تتشوك يعني هههه ولا يا عيني لو اكل شي زي لبن ولا طبيخ ونزل عليها يعووو

احلى شي تكون ع قد الدقن زي سامي يوسف مثلا

يعني المهم تعطي رجولة اكتر شوي

بالنسبة لموضة الشباب بهالايام انسي كله قرف يعني الواحد بيلبس ويتأنتك ويلبس مودرن اه بس يكون بطريقة محترمة وحلوة ومناسبة
مش جل زي القرود الله وكيل بيعملو شعورهم زي القنفد بالزبط زي الواحد المسكاه كهربا نيلة تغتهم ههههه
ولا البلاطين الرجلهم ديقة زي البوانيت ويكونو لابسين بوط طنجرة قد راسهم ههههه ما احلى شكلهم زي فطوطة
مشكورة دمعة عالموضوع

[القيصر]

الحمد الله ملتحي
طبعا مش كل ملتحي بكون بداخله شخص مسلم وملتزم
في كتير من الشباب بعملوها موضه

[ابو سمرة]

مشكورة كتير دمعة تائبة على الموضوع
يعني انا مش ملتحي ولكني كل مرة بغير بدقني يعني مرة بسيبها زي ما هيه بدون خنجرة وهاي هيه السنه
ومرة باخنجرها ومرة باعملها خيط ومرة باعملها سكسوكه وغالبا حالقها
يعني على عهوى الفضاوة
والله انا بابلبس بلايز بدي وبناطيل عادية وبالبس كمان قماش وقمصان وبدل
اللبس والدقن مش دليل او مقياس لمدى دينك واخلاقك
روحت قبل كام يوم على الجامع بالبرمودا والكت لانو الجو كان شوب كتير
وانا ما بعمل حساب لحدا في اللبس الا طبعا لله طول ما انا ساتر عورتي ما بيقدر حدا يحكي عليه
والله في شباب بيلبسو بلاطين ما بيعرف كيف بيلبسوهن وفي شباب مشيهم يا سواد الليل العتمه امر من الرقصات اله خاطر يرقص وهو بيمشي

احلى شي تكون ع قد الدقن زي سامي يوسف مثلا

يعني المهم تعطي رجولة اكتر شوي

هههههههههههههههه
شايفين انكو انتو البنات ما بيهمكو انها اتدل على الدين ولا لا بس بدكو الشكل والرجوله
ودقن سامي يوسف ليست السنه
انما السنه اعفاء اللحى وجز الشوارب
يعني تخنجر الدقن مش سنه انما اتركها كيفما كانت

[القلب البريء]

هههههههههههههههه
شايفين انكو انتو البنات ما بيهمكو انها اتدل على الدين ولا لا بس بدكو الشكل والرجوله
ودقن سامي يوسف ليست السنه
انما السنه اعفاء اللحى وجز الشوارب
يعني تخنجر الدقن مش سنه انما اتركها كيفما كانت

ههههه

ولا بعرف مخنجرة ولا غيرها

مش قصدي هيك

قصدي انها تكون على طول الدقن يعني مش نازلة كتير او سكسوكة وخيطان وشوارع هه

بعدين مش انه ما بدنا عالسنة

ما بردو انه تعمل لحية وتعطي مظهر للرجولة هاي جزء من السنة لانه مش حلو يبقى زيه زي المرة

[دمعة تائبة]

انتي لافت نظرك شكل لبس الشباب ؟؟؟؟؟؟؟؟
اه وكتير كمان .. وزي ما البنات بيحبوا يخلوا الشباب يلفتوا نظرهم كمان الشباب هيك

ليش طريقة كتابة الموضوع شبه طريقة كتابة المدير للموضيع؟
لا زيه ولا ما يحزنون هاد موضوعي وكتابتي ..
صار الداخلي كلو مبين وهو مش مستحي على حاله
هاد لسا ولا شي من اللي شفته ..

بس موضوع مهم كتير ورائع كتير والاروع انو منك يا دمعةيسلمووووووووايديكى
منورة بوجودك :) بالانتظار

اللحية عاملة بالزبط زي النقاب

صحيح ممكن توحي بالتدين والالتزام لكن مش كل ملتحي بيكون متدين ولا محترم وعنده اخلاق

هاد مقصدي اللي ملتحى مو معناته انو متدين

اللبس والدقن مش دليل او مقياس لمدى دينك واخلاقك
أكيد بس برضو يكون اللبس محترم شوية
منورين جميعا
انو الأغلب مش ملتحي أو كلو هه بس ما كان المغزي غير انو احكى انو اللحية مو معاتها اللتزام وانو يا شباب خلو لبسكو محترم شوية :)

[فلسطيني]

اولا انا مش ملتحي بس في الغالب ما بحلقها على الصفر

اللحية واللبس مش دليل على ان الشب محترم او لا
في الغالب كل شب بيكون لابس لبس مش محترم بيكون هو مش محترم من داخله
لكن مش كل واحد مربي لحيته ولابس لبس محترم بيكون محترم من من داخله
الشخص بتعرفه انه محترم من لبسه ومن نظرات عينيه ومن طريقة كلامه حتى من طريقة مشيه او جلوسه
وطريقة تعامله مع الناس , يعني اللبس واللحية مش معيار للحكم على الشباب
وخاصة اللحية لانه في هالزمن اصبحت اللحية غالبا تُربى من اجل غايات اخرى مش سنّة , طبعا الا من رحم ربي
حتى ان كتير من اللي بيحلق لحيته بتلاقيه ما بيحلقها بقصد مخالفة للسنة او علشان البنات مثلا
في منهم عشان خايف على راتبه او خايف ليفكروه من تبعون جلجلت

اما بالنسبة للبس الشباب اعتقد انه السبب فيه غالبا ما يكون بعض اصناف البنات
لانه في كتير من الشباب بيلبس بناطيل مسحلة وبلايز قصيره وبيعمل شعره عرف ديك او ديل فرخة
وبيحط جردل جلي او كريم حتى بتلاقي البعض ممكن يستعمل المكياج علشان يظبط وجهه
هادا كله علشان خاطر بعض البنات الله يستر عليهم اللي بيدوروا على الشكل هادا
اصلا لبس بعض البنات وطريقة مشيتهم ونظراتهم والبويا اللى على وجوههم هي سبب انحراف كتير من الشباب

انا ما ببرر فعل هؤلاء الشباب لانه ربنا خلقلهم عقول يفكروا فيها ويعرفوا الخير من الشر
لكن للأسف كتير من الشباب بتغلبهم الشهوة وبينجروا ورا الموضة والشغلات هادي

[القلب البريء]

والبويا اللى على وجوههم

ههههههههههههههه

حلوة هاي بوية

خلص نسمي العطر كاز هههههههه

كلامك صحيح 100%

[دمعة تائبة]

يعطيك العافية فلسطيني
كلام في محله :)

[لانا]

ممممم
نيجى نعلق ع الموضوع
اولا موضوعك بمحلو فى كتير شباب مش ملتحين بس اخلاقهم عالية وماشاء الله عليهم وفى ملتحين بس منظر لاغراض كتير الانتماء لجهة معينة او طلب من حبيبتو لانها احلى عليه ههه اوعادة انو ما يحلقها ممكن تكون هيك.

بس اليوم مين بالله من الشباب مربى لحيتو ع السنة وماشى ع السنة هما بدورو ع حاجات وحاجات الى بتتمشى معاهم بس وبتلفت نظر البنات الهم.

طبعا شباب منتدانا مافى منهم:)

هلاء انتو بتحكى عن عورة المرأة بتبين واحنا ما بتبن او انكومحافظين هلاء يا شباب لما تروحو ع البحر مين فيكم بلبس شوت تحت الركبة وبراعى انو يغطى عورتو نادرا لما تلاقى شب رايح وبسبح ولابس شورت فوق الركبة رتاح تحكى هو للسباحة او ليش بتتطلعى بحكى لانو مغرى هههههه راح تحكى ما بسبح راح احكيلك ليش ايح يبقى ع البحر؟
انتو بس بتمسكو علينا احنا (هو صح فى بنات بدهم قتل )الى بننشر الفساد وغيرو وغير ما انتو فى منكم قلة ماشاء الله عليها
ولا اللبس شو هالبناطيل الى بس لو جرى بالشارع بتسحل ههه
وشغلات كتير خلى الواحد ساكت احسنلو
هاى وجهة نظرى لما كان الموضوع علينا حكيتو متل ما بدكو وجمعتو ع الكل وظلينا ساكتين وشغلات ما عملنا وبرضو ضلينا لانو انتو راح تحكو انو ما بنعمل هيك شى
يلا اشربو
ههه
يسلموووو ايديكى دمعة

[محمد2050]

هلاء يا شباب لما تروحو ع البحر مين فيكم بلبس شوت تحت الركبة وبراعى انو يغطى عورتو نادرا لما تلاقى شب رايح وبسبح ولابس شورت فوق الركبة

انا بسبح ببنطلون طويل وبلوزة
يعني زي ما بكون لابس وانا ماشي بالشارع
حتى اهلي متعقدين مني هههه

[دمعة تائبة]

فى كتير شباب مش ملتحين بس اخلاقهم عالية وماشاء الله عليهم وفى ملتحين بس منظر لاغراض كتير الانتماء لجهة معينة او طلب من حبيبتو لانها احلى عليه ههه اوعادة انو ما يحلقها ممكن تكون هيك.
هاد كان مغزى حديثي وزي ما في بنات مش منيحين في شباب من نفس النوع

[@@احمد@@]

بسم الله الرحمن الرحيم

بصراحة طرحكـ عجبنى كثير
وآحييكـِ على هاد الاختيار
فى البداية
لا شكـ ان معظم شباب اليوم يبحثون عن الموضة ولكن مو يعنى اقلد الممثل هاد او هذاكـ
لذلك اجب على اسءلتكت بكل صراحة

هل انت ملتحى ؟؟ واذا كان اه فشو بتعنيلك ؟
نعم\ ولكن كل آ سبوعين على الاقل اخففها
لانوا بصراحة اللحية تعطى الثقة بالنفس للشخص نفسوا
غير هيك قد تجعل لهوا آحترام بين آفراد المجتمع
ولكن آكد لكِ انهوا ليس شرطا ان يكون الشخص ملتحى حتى يحترم من قبل آفراد المجتمع

هل ربيتها سنة عن النبي صلى الله عليه وسلم ؟ولا انو بينم عن انتماءك لحزب أو للموضه ؟
بصراحة اول شى ربيتها سنة عن النبى عليه آفضل الصلوات
ثانى شئ لآثبات شخصيتى


نأتى للصلاة
اهم شئ عندى الصلاة لانوا الى ما بصلى اعبره ( جاهل جاهل ) وانا آسف على هاد التعبير بغظ النظر على انى مايل حبتين للشعر الى انا بصراحة بحبوا كثير
نأتى للملابس ؟
أول شى انا ما بحب الى بيلبس المحزق من الاخر هع
ولكن احترم لبسوا بكل تأكيد
لبسى طبعا اغلبوا البناطيل الى بفصلهم على زوقى
وأيضا القمصان اذا فى قمصان تعجبنى أشتريها حتى ولو اعجبى اكثر من قميص



بالآخر
دمعة تائبة
بتشكر كثير على أختياركـ السو سو نايس
عيد سعيد
0
آحمد

[الامبراطور 22]

انا مش عارف ليش ماخدين سمعة سيئة عن الجل


يا جماعة الخير الشب لما يطلع بالشارع لا كويس وعلى الموضة لكن موضة مقبولة


ما فيها عيب لانه

ان الله يحب الجمال


اما البنت ما بينفع تطلع وتبين حالها يعنى تحط مكياج


لانه انا شايف اغلب البنات بيقانه الجل والعطر بالمكياج

[**HaMaDa**]

مش ملتحي . .

بخليها خفيفة . .

وبخنجرها . . .

وبلبس ضيق . .

وبلبس بودي . . .

وبحط جل . . .

وكوتشة سفينة . .

وبعمل قنفد . . زي ما بتحكو . . .

بس عندي دين . . وحريص على ديني . . . احسن من ابو دقن شبرين . . .

رفعت الاقلام وجفت الصحف . . .

[شوق الصحارى]

مش ملتحي . .

بخليها خفيفة . .

وبخنجرها . . .

وبلبس ضيق . .

وبلبس بودي . . .

وبحط جل . . .

وكوتشة سفينة . .

وبعمل قنفد . . زي ما بتحكو . . .

بس عندي دين . . وحريص على ديني . . . احسن من ابو دقن شبرين . . .

رفعت الاقلام وجفت الصحف . . .


والله ردك بمحلوو ياابو حميد وفعلا في شباب عندهم دين اكتر من اللي دقنهم شبرين

وزي مابحكو عنا عن البنات المنقبات ياما تحت البراقع فواجع بس للشباب اللي بدقن وتصرفاتهم غير مابعرف شو بيحكو

تحيااااااااتي الكم

[فلسطيني]

هلاء انتو بتحكى عن عورة المرأة بتبين واحنا ما بتبن او انكومحافظين هلاء يا شباب لما تروحو ع البحر مين فيكم بلبس شوت تحت الركبة وبراعى انو يغطى عورتو نادرا لما تلاقى شب رايح وبسبح ولابس شورت فوق الركبة رتاح تحكى هو للسباحة او ليش بتتطلعى بحكى لانو مغرى هههههه راح تحكى ما بسبح راح احكيلك ليش ايح يبقى ع البحر؟
انتو بس بتمسكو علينا احنا (هو صح فى بنات بدهم قتل )الى بننشر الفساد وغيرو وغير ما انتو فى منكم قلة ماشاء الله عليها
ولا اللبس شو هالبناطيل الى بس لو جرى بالشارع بتسحل ههه
وشغلات كتير خلى الواحد ساكت احسنلو
هاى وجهة نظرى لما كان الموضوع علينا حكيتو متل ما بدكو وجمعتو ع الكل وظلينا ساكتين وشغلات ما عملنا وبرضو ضلينا لانو انتو راح تحكو انو ما بنعمل هيك شى
يلا اشربو
ههه

يسلموووو ايديكى دمعة



{وَقُل لِّلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ إِلَّا لِبُعُولَتِهِنَّ أَوْ آبَائِهِنَّ أَوْ آبَاء بُعُولَتِهِنَّ أَوْ أَبْنَائِهِنَّ أَوْ أَبْنَاء بُعُولَتِهِنَّ أَوْ إِخْوَانِهِنَّ أَوْ بَنِي إِخْوَانِهِنَّ أَوْ بَنِي أَخَوَاتِهِنَّ أَوْ نِسَائِهِنَّ أَوْ مَا مَلَكَتْ أَيْمَانُهُنَّ أَوِ التَّابِعِينَ غَيْرِ أُوْلِي الْإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُوا عَلَى عَوْرَاتِ النِّسَاء وَلَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُوا إِلَى اللَّهِ جَمِيعاً أَيُّهَا الْمُؤْمِنُونَ لَعَلَّكُمْ تُفْلِحُونَ }النور31

من الطبيعي ان الشب لما بده يسبح يلبس شرت بس المشكلة في نوع الشرت فوق الركبة واللا تحت الركبة
جمهور العلماء ذهبوا الى ان عورة الرجل من السرة الى الركبة
وهناك من قال ان الفخد ليس عورة
فالافضل ان يستر الرجل عورته من السرة الى الركبة

معظم الشباب بيلبسوا شرت للركبة او لتحت الركبة هادا اللي بشوفه عنا في خان يونس اما في مناطق تانية ما بعرف
المشكلة لا تتعلق بالرجل , واللي بتقوليه انتي هو حالات قليلة
المشكلة في الظاهرة وليس في الحالات الشاذة
فالمرأة في زمنا هادا صارت فتنة حتى ان وجهها اصبح فتنة حتى لو لبست حجاب وما ظهر منها غير عينيها
بتلاقي شباب راح يتغزلو في عينيها وخصوصا اذا كانوا مكحلات وهذا مرض عند بعض الشباب
بتلاقيه ممكن ينظر بشهوة لوحده اكبر من امه
حتى لو كانت المرأة لابسة زي تبعون طالبان وكانت حاطة شوية كاز (على راي القلب البريء ) بتكون فتنة
حتى انه مجرد ضرب المرأة برجلها الارض (الكعب) فتنة

هاى وجهة نظرى لما كان الموضوع علينا حكيتو متل ما بدكو وجمعتو ع الكل وظلينا ساكتين وشغلات ما عملنا وبرضو ضلينا لانو انتو راح تحكو انو ما بنعمل هيك شى



يلا اشربو
ههه



يا عمي مين قالك انه احنا حطينا الحق عليكو الحق في الاساس على الاسرة اللي بتربي البنت والشب
والدور الاكبر بيكون على الام بالتحديد لانها هي اللي بتربي ولو كل الاسر ربت ولادها تربية سليمة ما كان في مشكلة

الامر بيتعلق بالمرأة لانها فتنة في جميع الاحوال حتى ان الرسول قال
(ما تركت بعدي فتنة أضر على الرجال من النساء )
المرأة هي فتنة على الرجل وليس العكس الا في حالات نادرة لان المرأة هي مصدر الجمال في الحياة
وطبيعة البشر كل شيئ جميل مفضل ومحبوب ويبعث السرور في النفس
لذلك بمجرد ان يرى الرجل مرأة ليست محرمة عليه تتحرك شهوته فإما يكبتها او يتركها حتى توصله الى ما هو اكبر من مجرد النظر
والقرآن والاحاديث النبوية ركزت على المرأة في هذه الامور وتحدثت على ان المرأة هي مصدر الفتنة للرجل وليس العكس
اضافة الى ان المرأة اكثر حياءا من الرجل لذلك فهي تمسك نفسها اكثر من الرجل الذي غالبا ما تغلبه شهوته

[القلب البريء]

وكانت حاطة شوية كاز (على راي القلب البريء )

ههههههههههههههههههه

طيب هلأ انتو ليش معصبين

مختصر الكلام لا اللحية ولا اللبس بيدل على الالتزام او عكسه

بس لازم الواحد ينتبه ع مظهره الخارجي لانه الناس الها بالظاهر ما الها بالباطن بتشوف اللي باين ما بتعرفك انت مين ولا كيف علاقتك بربك

والاحلى كل واحد يبقى نفسه و بس ما يقلد الغير تقليد اعمى ولا يجري ورا الموضة من غير تفكير يعني ممكن يلبس عالموضوة بس اللبس اللي بيلبقله وبيناسب شخصيته وعمره ومكانته

ودمتم سالمين
ع رأيي هههههه

[دمعة تائبة]

ولكن آكد لكِ انهوا ليس شرطا ان يكون الشخص ملتحى حتى يحترم من قبل آفراد المجتمع
هاد كان مغزى حديثي
الى ما بصلى اعبره ( جاهل جاهل )
وبنظر الاسلام كافر
أول شى انا ما بحب الى بيلبس المحزق من الاخر
وهاد المطلوب لنكون صح في لبسنا ولحتى يكون يليق بكيانا
انا مش عارف ليش ماخدين سمعة سيئة عن الجل
لو كاان بطرقة لائقة اكيد عادي وا حكيت شي عنه اذا كان بشكل مرتب :)
نا شايف اغلب البنات بيقانه الجل والعطر بالمكياج
لا طبعا ..العطر زنا للبنت
بس عندي دين . . وحريص على ديني . . . احسن من ابو دقن شبرين . . .

بس بعتقد لازم يكون المظهر الخارجي ينم عن الداخلى للشخص :)

[ابتهال]

ولسه ياما نشوف عجايب فى اشكال الناس بيعملوها بحالهم

[دمعة تائبة]

وزي مابحكو عنا عن البنات المنقبات ياما تحت البراقع فواجع بس للشباب اللي بدقن وتصرفاتهم غير مابعرف شو بيحكو
أكيد صح بس برضو احنا النا اللي بالظاهر يعني لما ربنا حكى البسو النقاب متلا احنا وقتها بنعرف انو اللي لابساه محترمة ومتدينة .. واللي أساءوا للنقاب أساءوا لنفسهم مش للنقاب وكذلك اللحية

[دمعة تائبة]

جزيت خيرا أخ فلسطيني على الاضافات وكذلك القلب البرئ لتواصلها
منورين بمروكمــ جميعا
ومختصر حديثي هو : انو مش كل واحد ملتحى متدين لكن بنفس الوقت الانطباع يسبق التطبع يعني مش قصدي انو يا جماعة الخير التحوا وديروا بالكو بس لازم يكون اللبس اللي لابسينه لائق بذاتكم وبكيانكمـ

[الامبراطور 22]

ومختصر حديثي هو : انو مش كل واحد ملتحى متدين لكن بنفس الوقت الانطباع يسبق التطبع يعني مش قصدي انو يا جماعة الخير التحوا وديروا بالكو بس لازم يكون اللبس اللي لابسينه لائق بذاتكم وبكيانكمـ



طيب افهم منك انه اللى بيحط جل وبيلبس محزق وبيصلى كل الصلاوات

بيكون شو ؟؟؟؟

[دمعة تائبة]

طيب افهم منك انه اللى بيحط جل وبيلبس محزق وبيصلى كل الصلاوات

بيكون شو ؟؟؟؟
بنظري انسان ما شاء الله عنه طالما انو متدين بس انا بصراحة زي ما بيحكوا القالب غالب يعني أكيد بنظري تمام ومنيح طول ما انو اخلاقه عالية وبيحترم الاخرين والاهم من هيك بيصلي الصلوات بس بصراحة القصد كان انو الانسان منا لازم يكون شوية مرتب بلبسه يعني انتا متلا لو شفت واحد لابس محزق ما بيعجبك (عفوا على هالكلمة ) قصدي بتاخد عنو انطباع انو مو منيح مع انو داخلو منيح وأحلى من واحد تاني ملتحى ..
وهيك الأغلب منتشر بناتنا ..عندك متلا بنت لو كان خطيبها من هالنوع بتصير تحكي ماخدة واحد صاايع مع انو بيكون قمة في الأدب والخلق فلازم ما ناخد انطباع عن كل شخص بلبسه يعني (الله لا ينظر الى مظاهركم ولكن لقلوبكم )
وعن نفسي بصدق ما بيهمني لا لبس ولا جل بيهمني الخلق والدين بالدرجة الأولى

منور بمرورك امبراطور وشكرا على المرور من جديد وبحييك على وساعة الصدر يلي عندك :)

[فلسطيني]

مختصر الكلام لا اللحية ولا اللبس بيدل على الالتزام او عكسه

بس لازم الواحد ينتبه ع مظهره الخارجي لانه الناس الها بالظاهر ما الها بالباطن بتشوف اللي باين ما بتعرفك انت مين ولا كيف علاقتك بربك

والاحلى كل واحد يبقى نفسه و بس ما يقلد الغير تقليد اعمى ولا يجري ورا الموضة من غير تفكير يعني ممكن يلبس عالموضوة بس اللبس اللي بيلبقله وبيناسب شخصيته وعمره ومكانته

ومختصر حديثي هو : انو مش كل واحد ملتحى متدين لكن بنفس الوقت الانطباع يسبق التطبع يعني مش قصدي انو يا جماعة الخير التحوا وديروا بالكو بس لازم يكون اللبس اللي لابسينه لائق بذاتكم وبكيانكمـ

هالردين لخصوا الموضوع كله


طيب افهم منك انه اللى بيحط جل وبيلبس محزق وبيصلى كل الصلاوات

بيكون شو ؟؟؟؟
احسن الف مرة من اللي عامل حاله شيخ ولحيته شبرين لكن من داخله مش محترم
لكن مش معنى هيك ان هادا هو الصح
برأيي لازم نوازن بين الامرين يعني ما يكون الشخص مهمل بحالة وبمظهره وبنفس الوقت ما يبالغ في لبسه
ان الله جميل يحب الجمال والمظهر الجميل كويس ما حدا بيعترض عليه لكن بشرط ان لا يتعارض مع الدين

المشكلة ان الناس في هالزمن بتحكم على المظهر
ومش معنى هيك انه الواحد يمشي على هوى الناس لا بالعكس لو الواحد لاحق الناس بيتعب
لكن الواحد لما يلبس لبس محتشم لازم يكون لبسه ابتغاء مرضات الله مش خوفا من كلام الناس
والمفترض ان الشخص يهتم بالعلاقة بينه وبين ربه لانها اهم من علاقته بالناس

[دمعة تائبة]

رأيي لازم نوازن بين الامرين يعني ما يكون الشخص مهمل بحالة وبمظهره وبنفس الوقت ما يبالغ في لبسه
ان الله جميل يحب الجمال والمظهر الجميل كويس ما حدا بيعترض عليه لكن بشرط ان لا يتعارض مع الدين
منور بمروركم اخ فلسطيني كلام في محله بجد :)

[mar7]

لا انا مش ملتحية خالص هههههههههههههههههههه


والله عمرو ما كان المظهر بيحكم ع جوهر الشخص


بس طالما الانسان مرتب من برا فبكون من داخلو انسان مرتب


وبالنسبة اللى بخاف من الشباب اللى الهم دقن ^_^


سلامات ,,

[دمعة تائبة]

وبالنسبة اللى بخاف من الشباب اللى الهم دقن ^_^
ليه ان شالله ؟
ع العموم شكرا على المرور

[mar7]

ليه ان شالله ؟
ع العموم شكرا على المرور


زى ما تقولى وجهات نظر

وأكيد انتى بتخافى من اشى ز ما كل الناس بتخاف .. :)

سلامات يا حجة

[دمعة تائبة]

وأكيد انتى بتخافى من اشى ز ما كل الناس بتخاف
بس مش من لحية يعني لانو ما فيها شي
ع العموم رايك يا حجة :)