وين يا مزة ... يسعدووو الحلو [الأرشيف]

القيصر

23-09-2009, 12:48 AM

اس اس عليكم

موضوعي اليوم حيكون طويل شوي بس لازم تشوفوه وللاخر وبدي الكل يعطيني رايه ..

طبعا الدنيا عيد واغلب اعضاء المنتدي طلعو مشاوير وطشوا سواء بنات أو شباب
هلا اكيد ما في بنت ما بتتعاكس يعني ما في اكتر من الشباب الفاضية واللي ما وراها حاجة

وبتعاكس البنات الماشية

ومع انو هلا طلعت موضة جديدة وهية انو البنات بيعاكسوا الشباب
وعلي فكرة هاي صارت قدامي
بس هلا بدي الكل يحكي بجد وتاخدوا الموضوع بجدية ..
انت كشب
1 ) شو بيكون هدفك او غرضك من المعاكسة ولما تعاكس البنت اللي ماشية هيك بيتحقق غرضك ؟؟؟

2) لو كنت ماشي انت واختك او خطيبتك وواحد عاكسها شو بتعمل ؟؟؟

3) شو اللي بيدفعك انك تعاكس البنت ؟؟؟

نيجي هلا للبنات ...

1) لما بتتعرضي للمعاكسات شو بيكون موقفك بتكملي طريقك وبتتركيه يحكي اللي بده ياه

ولا بتغلطي عليه وبتلموا الشارع عليكم

2) وشو موقفك من الشب اللي بيعاكس ؟؟؟

والسؤال المهم
هلقيت انت كشب شو بتعمل لمن بنت بتعاكسك
مع تحياتي انا قيصر ويس

smart_mody

23-09-2009, 12:54 AM

غزالة

23-09-2009, 12:56 AM

ههههههه
بتعرف إنو من حوالي ممممم يمكن 3 سنين! تقريبا حدش عاكسني بشكل مباشر غير مرة!!!!
شكلي بكون بعين حمرا!خخخخخخخخخخخخ
المهم
أنا بعملش اشي بضل ماشية وبسب بيني وبين حالي!
والشب يلي بيعاكس بتوقع بيكون عندو شي ناقص! أو بيقلد حد وبدو يحس حالو زلمة ،بس ببلادنا وغزة خص نص المعاكسة صارت من القهر! يعني كل يلي احنا فيه من ضغوطات كأنو بيفرغوها بالمعاكسة! والقادم-إن ضل الوضع وضع!- أسخم!

وشكرن قيصر
وجاوب على أسئلتك
صحيح أخوي قلي إنو الشرطة لملمت كتير شباب وبنات بيعاكسو! مزبوط الحكي؟!

smart_mody

23-09-2009, 12:57 AM

بياض الثلج

23-09-2009, 12:59 AM

موضوعك حلو كتير القيصر كان مفروض من زمان ينطرح هان

انا حجاوب اسئلة البنات كوني بنت وبتعرض لهيك مواقف

][/COLOR]لما بتتعرضي للمعاكسات شو بيكون موقفك بتكملي طريقك وبتتركيه يحكي اللي بده ياه

ولا بتغلطي عليه وبتلموا الشارع عليكم

طبعا بتركو يحكي شو ما بدو لاني بعتبره كلب وبنبح ولو هو بستحي ما بحط حاله بهيك موقف لانه في بنات بتعمل عمايل مش كويسة بالشباب وبالفعل بكونو بستاهلوها واكتر كمان

وشو موقفك من الشب اللي بيعاكس ؟؟؟

الشاب اللي بعاكس اي بنت بعتبره بدون شرف ولا اخلاق لانه لما بعمل هيك ما بخاف الله في خواته وممكن يجي يوم من الايام واخته يصير فيها نفس الموقف ،،

ربنا يهدي الجميع شباب وبنات ..

القيصر

23-09-2009, 01:09 AM

1 ) شو بيكون هدفك او غرضك من المعاكسة ولما تعاكس البنت اللي ماشية هيك بيتحقق غرضك ؟؟؟
مبعاكسش حد :(

2) لو كنت ماشي انت واختك او خطيبتك وواحد عاكسها شو بتعمل ؟؟؟
بعصب وما بعمل شي
ازا بدي اتطاوش ما رح اخلص

3) شو اللي بيدفعك انك تعاكس البنت ؟؟؟
زي ما حكيت بالسؤال الاول .
لكن لو يعني فكرت اعاكس:
1- نظراتها
3-حركاتها
2-رقم ملغي مو لغيتو انت زمان خخخخخ

منور قيصر

هههههههههههه
والله ذكرتني فيما مضي
ههههههههههههههههه
وأنا رجعتوا رقم 3 من جديد
ههههههههههههههههه

يسلموو علي مرورك
بس الواحد احيانا بستفذ من شغلات وبكون الو خاطر يطخ الي قداموا

ههههههه
بتعرف إنو من حوالي ممممم يمكن 3 سنين! تقريبا حدش عاكسني بشكل مباشر غير مرة!!!!
شكلي بكون بعين حمرا!خخخخخخخخخخخخ
المهم
أنا بعملش اشي بضل ماشية وبسب بيني وبين حالي!
والشب يلي بيعاكس بتوقع بيكون عندو شي ناقص! أو بيقلد حد وبدو يحس حالو زلمة ،بس ببلادنا وغزة خص نص المعاكسة صارت من القهر! يعني كل يلي احنا فيه من ضغوطات كأنو بيفرغوها بالمعاكسة! والقادم-إن ضل الوضع وضع!- أسخم!

وشكرن قيصر
وجاوب على أسئلتك
صحيح أخوي قلي إنو الشرطة لملمت كتير شباب وبنات بيعاكسو! مزبوط الحكي؟!

لو الشرطة بدها ادق علي كل شي أكيد راح اتلم 99% من شباب غزة
لانو روحوا شوفوا الشباب في الجندي وهلم جر
وأكيد قصة المعاكسة أما بتكون نقص عند الشب
أو استفزاز من البنت يعني من حركاتها ولبسها الزايد عند حدوا

بدي اجاوب عن البنات

الاغلبية طبعا

1) لما بتتعرضي للمعاكسات شو بيكون موقفك بتكملي طريقك وبتتركيه يحكي اللي بده ياه
بتكمل طريقها او بتتمايص الو شوي
طبعا ازا بعرف يعاكس لانو في بفهموش باللون هههه

ولا بتغلطي عليه وبتلموا الشارع عليكم
ههههههههههههه 1% الي بغلط

2) وشو موقفك من الشب اللي بيعاكس ؟؟؟
بموتو فيه ههههههههه

ههههههههههههههههههههههههههه
زغرتي يا منحرفه
هههههههههههههههههههههه
ماشي يا حج
هههههههههههههههههههههه

القلب البريء

23-09-2009, 03:36 AM

مشكور عالموضوع القيّم

:)

طبعا الدنيا عيد واغلب اعضاء المنتدي طلعو مشاوير وطشوا سواء بنات أو شباب
إلا أنا :( مرحتش غير عند اختي وبالسيارة مع اخويا

ومع انو هلا طلعت موضة جديدة وهية انو البنات بيعاكسوا الشباب

ههههههههه والله لسة اليوم ابن خالتي بيقوللي عنهم بنات الثانوية بيعاكسوه وقال شو ليش ما بترد ههه ينكبهم

لما بتتعرضي للمعاكسات شو بيكون موقفك بتكملي طريقك وبتتركيه يحكي اللي بده ياه

ولا بتغلطي عليه وبتلموا الشارع عليكم

لا طبعا ما برد وبعمل حالي مش سامعة لانهم بيعملوا هيك عمدا علشان نرد وكلمة تجر كلمة ....

وشو موقفك من الشب اللي بيعاكس ؟؟؟
من اسمها بيعاكس ماشي بالطريق المعاكس :24:

لا بيخاف الله ولا بيخاف على حدا علشان يعمل حساب لبنات العالم

الله يهديهم جميعا شباب وبنات :pray:

سترك يا رب :pray:

محمد2050

23-09-2009, 04:50 AM

1 ) شو بيكون هدفك او غرضك من المعاكسة ولما تعاكس البنت اللي ماشية هيك بيتحقق غرضك ؟؟؟
ما بعاكس حدا ...

2) لو كنت ماشي انت واختك او خطيبتك وواحد عاكسها شو بتعمل ؟؟؟
لما تكون بنت ماشية مع واحد
خاصة لما تكون محترمة وملتزمة
محدش بعاكسها

3) شو اللي بيدفعك انك تعاكس البنت ؟؟؟
انا من جهتي ما بدفعني شئ
بس في كل الحالات بتصور انه هي السبب
لبسها
مكياجها
مشيتها
ريحتها
كلامها
هبلها
المهم الغلط بكون منها ..

هلقيت انت كشب شو بتعمل لمن بنت بتعاكسك
بعمل عصير قصب هههه
بعملش حاجة طبعا
ولا كاني منتبه ..

لما بتتعرضي للمعاكسات شو بيكون موقفك بتكملي طريقك وبتتركيه يحكي اللي بده ياه
بتكمل طريقها او بتتمايص الو شوي

وشو موقفك من الشب اللي بيعاكس ؟؟؟
بموتو فيه هههههه

فعلا صدقت
هيك 99.99999% من البنات

بيسان

23-09-2009, 09:55 AM

شو يا قيصر
هاد مؤامرة ضد البنات حرام عليكوووووووووو

ما شاء الله المدير النسب عنده امتياز 99.9 ههههههههه
حاقد عالاخر على جنس حوا والحمد لله بس والله حرام عليكو دا احنا غلااااااااابا
وشو هالسؤال هاد يا أستاز قيصر ؟قال سؤال مهم
والسؤال المهم
هلقيت انت كشب شو بتعمل لمن بنت بتعاكسك
هو صحيح ما حد بينكر في بنات بيعاكسن الشباب بس مش كتير نسبة قليلة خلتوها نظرية يعني يا قيصر انتا والشباب راح نعمل ثورة عليكو ومش نعاكسكم لااااااا دا احنا راح نموتكم ادا بتحطو مواضيع ضدنا لاااااااا وكل الشباب ما شاء الله صف واحد ضد المعتدين ههههههههه

نيجي هلا للبنات ...

1) لما بتتعرضي للمعاكسات شو بيكون موقفك بتكملي طريقك وبتتركيه يحكي اللي بده ياه
ولا بتغلطي عليه وبتلموا الشارع عليكم
والله بدك الصراحة بتركه أصله لو تكلمت راح يقول يا سلام على الصوت ما أحلاه وندخل بقصص لا مش مستاهلة ههههههههههه

2) وشو موقفك من الشب اللي بيعاكس ؟؟؟ معتووووووووووووووه

الامبراطور 22

23-09-2009, 11:31 AM

1 ) شو بيكون هدفك او غرضك من المعاكسة ولما تعاكس البنت اللي ماشية هيك بيتحقق غرضك ؟؟؟

ما باعاكس لانه البنت مش محتاجة معاكسة

2) لو كنت ماشي انت واختك او خطيبتك وواحد عاكسها شو بتعمل ؟؟؟
كتير كنت امشى مع خواتى وما حدا عاكسهم لانه منقبات

3) شو اللي بيدفعك انك تعاكس البنت ؟؟؟

اذا بدى اعاكس ممكن البنت نفسها يعنى جمالها

هلقيت انت كشب شو بتعمل لمن بنت بتعاكسك

ههههه خلال 3 سنوات صارت عشرات المرات ههههه

لسه امبارح صارت كنت بمطعم و4 بنات صارو يلقحو كلام

المهم بيكون الموقف احراج

هههههه

لو احكى مواقف تفرط ضحك

طلباتهم فضيعة ما فى خجل بالمرة

جنون أنثى

23-09-2009, 11:40 AM

نيجي هلا للبنات ...

1) لما بتتعرضي للمعاكسات شو بيكون موقفك بتكملي طريقك وبتتركيه يحكي اللي بده ياه

ولا بتغلطي عليه وبتلموا الشارع عليكم

يبقي يحكي لما يزهق .. طبعا ولا عندي ولا عند بالي ولاكأنه بيحكي معي هأكمل طريقي عادي جدا
وبعدين انا مابطرش بوية ولا بلبس لبس خليع ولا غيره
يعني مافي داعي للمعاكسة أصلا لأن المعاكسة مابتجي من فراغ لولا انه شاف شي منها او من حركاتها او هيك امور ماكان عاكس وقرب ناحيتها

2) وشو موقفك من الشب اللي بيعاكس ؟؟؟

اكيد شاب مو محترم خالص ..
لأن ازا كان محترم ماكان بيعمل هيك شي
والولايا خطايا
المفروض انه يحكم عقله شوية ويعرف انه عنده خوات واله ام واله ولايا

انا عارفة
ربنا يهدي البنات قبل الشباب لأن البنت هي اللي بتفتح مجال للشاب انه يعاكس
يعني بتعطيه وش ليتمادى او انه بكون في شي دفعه لأنه يعاكس

اللبس والمكياج والمشي والحركات

الله يهدي

القيصر

23-09-2009, 12:47 PM

يسلموو علي ردودكم جميعا
وربنا يبعد عنا وعنكم شر المعاكسات

وأنا بدي اجاوب عن الاسئلة

) شو بيكون هدفك او غرضك من المعاكسة ولما تعاكس البنت اللي ماشية هيك بيتحقق غرضك ؟؟؟
الحمد الله عمريش عاكست بنت في حياتي
2) لو كنت ماشي انت واختك او خطيبتك وواحد عاكسها شو بتعمل ؟؟؟
بحاول اطنش بعض الوقت
ولكن اذا زاد الموضوع بكون هو الي جني علي حالو

3) شو اللي بيدفعك انك تعاكس البنت ؟؟؟

بالنسبة ألي ولا حاجة بتدفعني لاني ما بعاكسش

بس اكيد من وجه نظر الي بدوا يعاكس
أكيد حركات البنت
ولبسها
وانتوا عارفين الباقي

ذكرتني يا محمد ويا سمارت
ههههههههههههههه
متذكرين الفيل المتحرك الي كان نازل في الاصنصيل لما كنا بنستي الدكتور ايمن صبح
ههههههههههههههههههههه
متورين جميعا

دمعة تائبة

23-09-2009, 09:58 PM

لما بتتعرضي للمعاكسات شو بيكون موقفك بتكملي طريقك وبتتركيه يحكي اللي بده ياه

ولا بتغلطي عليه وبتلموا الشارع عليكم
أولا ما ترعضت ولو تعرضت في يوم اكيد حأصمت :)

2) وشو موقفك من الشب اللي بيعاكس ؟؟؟
انسان ما بخاف على عرضه

**الأميرة السمــراء**

23-09-2009, 10:18 PM

1 ) شو بيكون هدفك او غرضك من المعاكسة ولما تعاكس البنت اللي ماشية هيك بيتحقق غرضك؟
والله الشب التافه والى فش ورا حاجة الى بفكر انو يطلع على بنت او يفكر يطلع عليها واحنا بنلاحظ الى بيعاكسو البنات الشباب ابو 14--- 18 سنه اكبر من هيك ما بشوف

2) لو كنت ماشي انت واختك او خطيبتك وواحد عاكسها شو بتعمل ؟؟؟
والله ما اظن انو شب يكون طالع مع خطيبتو ويجى حدا يحكى معها ممكن نظرات بس كلام ما اعتقد
3) شو اللي بيدفعك انك تعاكس البنت ؟؟؟

بضحك عليها فى كلمتين هادا من وجهة نظرى او فضاوة فش ورا اشى
نيجي هلا للبنات ...

1) لما بتتعرضي للمعاكسات شو بيكون موقفك بتكملي طريقك وبتتركيه يحكي اللي بده ياه

ولا بتغلطي عليه وبتلموا الشارع عليكم
بكمل طريقى وما بحكى معو لانو لو بدى احكى الحكى خيبة ولو الوحدة بدها تلاحق الشباب ما بتخلص يعنى انا يوم العيد ماشية فى السوق بدى اروح على بيت خالتى واحد بسيارتو وانا بمسح الى على وجهى ومبينة الدبلة الى ماشى بسيارة وبحكى والله حلوة حلوة ايش بدى اعمل الو هادا الله يهدى الكل
2) وشو موقفك من الشب اللي بيعاكس ؟؟؟
بستحقرو
والسؤال المهم
هلقيت انت كشب شو بتعمل لمن بنت بتعاكسك
بستحقر البنت الى حكت
وشكرا

غزالة

23-09-2009, 10:31 PM

COLOR]
[COLOR=#ff00ff]أو استفزاز من البنت يعني من حركاتها ولبسها الزايد عند حدوا

يعني حتى لو البنت لبسها مش ولا بد! ليش ما الواحد يحترم حالو

hema2008

23-09-2009, 10:35 PM

انا عندي قناعة
فشي شب بعاكس بنت من الطريق
يا بتكون البنت حاطة 2 كيلو بويا يا بتكون لابسة عالموضة يا مشيتها كلها مياصة
لانو البنت المؤدبة بتجراش الشب يكلمها

لورين

23-09-2009, 10:57 PM

اممممممممممم موضوع واقعي قيصر
بس اكيد البنت لما حد يعاكسها مش لازم ترد
ع الشب الي بيعاكس خليه يطق ويكلم حاله احسن
مش بيقولوا دع الكلاب تنبح خلص سيبوه ينبح

والشب الي بيعاكس اكيد بيكون معقد من شي ومتخلف

بس بصراحة قصة بنت تعاكس شب لسه ماشفتها لحد الان

يسلمووووووو قيصر

فلسطيني

24-09-2009, 08:57 AM

انت كشب
1 ) شو بيكون هدفك او غرضك من المعاكسة ولما تعاكس البنت اللي ماشية هيك بيتحقق غرضك ؟؟؟
بصراحة انا كنت قبل هيك اعاكس بس معاكستي كانت بالنظرات بس هاد ايام المراهقة
ومش اي بنت كمان بس اللي كانت طالعة من بيتها علشان تتعاكس يعني المحترمة بحترمها جدا وما بفكر مجرد التفكير اني اعاكسها
لكن بعد العشرين عقلت والحمد لله لانه الواحد عنده اخوات وبيخاف عليهم

2) لو كنت ماشي انت واختك او خطيبتك وواحد عاكسها شو بتعمل ؟؟؟
الحمد لله عمرها ما صارت معي وان شاء الله ما بتصير ابدا لاني ما بسمح لاختي او لخطيبتي انها تكون عُرضة للمعاكسة

اما بشكل عام بعمل معه مشكلة حتى لو كانوا اكتر من واحد وكنت متأكد اني راح انضرب منهم ما بسكت
هادا في حالة ان اختي او خطيبتي كانت محتشمة
لكن لو كانت حاطة بويا وراشة كاز يبقى الحق عليا اني خليتها تطلع هيك من الاساس

3) شو اللي بيدفعك انك تعاكس البنت ؟؟؟

البنت نفسها هي اللي بتدفع الشب يعاكسها
البنت لو كانت محترمة ولابسة لبس محترم ما حدا بيحكي معها
بإستثناء بعض الشباب المرضى اللي لو شاف قريبته بيعاكسها ولو شاف عجوز
بيعاكسها ولو شاف وحدة لابسة كيس سكر بيعاكسها لانه مريض وبده تكسير راسه
وبتلاقيه لازم يوم من الايام يعاكس اخته او امه بالغلط
وهادا الشي حصل بالفعل واحد من هالنوع يوم من الايام كان ماشي ورا بنت وبيعاكس
فيها وفي الاخر لما قرب عليها لقاها اخته صار يترجى فيها انها ما تقول لابوه
كان خايف من ابوه ومش خايف من ربه

والسؤال المهم
هلقيت انت كشب شو بتعمل لمن بنت بتعاكسك
بنظرلها نظرة احتقار وبطنشها وبمشي لانه هالنوع بيكون لحمتة رخيصة وممكن يكون وراها قصة

خلاصة الموضوع
البنات هم السبب في المعاكسة بنسبة 90 % ولو بناتنا الله يهديهم كلهم متحشمات ما بتلاقي معاكسة الا في حالات نادرة
وكمان في بعض شباب الله يهديهم ما بتركو البنات في حالهم سواءا كانت البنت محترمة او مش محترمة
وحتى لو حبسوه بتلاقيه بيصير يعاكس في حاله

الطبيعة

24-09-2009, 10:32 AM

لما بتتعرضي للمعاكسات شو بيكون موقفك بتكملي طريقك وبتتركيه يحكي اللي بده ياه

ولا بتغلطي عليه وبتلموا الشارع عليكم
أكيد بكمل طريقى,,وأكيد راح أغلط عليه بعقلى,,يعنى مش ضرورى أسمعه لأن الكلام بزيد ما بينقص

2) وشو موقفك من الشب اللي بيعاكس ؟؟؟
أكيد بحتقره,, وما بكون بنظرى شاب بمعنى الكلمة

فعلا صدقت
هيك 99.99999% من البنات

لهدرجة همى البنات هيك,,بس اذا فى بنات بعاكسوا مابيكونوا بهادى النسبة حراااام عليكم
محمد وسمارت كتير ظنكم سوء بالبنات :24:

بس اكيد من وجه نظر الي بدوا يعاكس
أكيد حركات البنت
ولبسها
وانتوا عارفين الباقي
كلكم يا الشباب بتركزو على أشياء البنات بعملوها
بس كتير شباب بعاكسوا بأشياء طبيعية بالبنات مثل لون العنين مع انها ما بتكون لابسة عدسات ولا حتى أى شى يبرز لونهموالله1
مشكووور قيصر على الطرح

:):):)

القلب البريء

25-09-2009, 03:39 AM

بإستثناء بعض الشباب المرضى اللي لو شاف قريبته بيعاكسها ولو شاف عجوز
بيعاكسها ولو شاف وحدة لابسة كيس سكر بيعاكسها لانه مريض وبده تكسير راسه
وبتلاقيه لازم يوم من الايام يعاكس اخته او امه بالغلط صحيح

مش في كل الاحوال اللوم عالبنت

لسة اليوم كنت طالعة انا وبنت اختي كانت عنا وبدها تروح رحت معها وصلها
طبعا مشي لانه اخويا ما كان موجود يوصلنا والبيت مش بعيد
احنا التنتين كنا لابسين جلبابات و مش حاطين شي ع وجوهنا وماشين وساكتين لا بنتكلم ولا بنضحك ولا حركات ولا شي من هالكلام
طبعا كل مسافة والتانية الا ما يكون في رجال قاعدين عباب محل او بيتهم
بعض منهم صارو يعاكسو الاخضر والمش اخضر ** ع لون الشالة ** ومش عارفة شو
اللي غايظني انه كانت الدنيا معتمة يعني يدوب مبينين لولا اضواي الشوارع
يعني المهم بدهم يعلقو ويعاكسو متى ما شافو جنس حوا قدامهم خلص شي بيجري بدمهم
حتى كان في واحد عالرصيف التاني سمعهم صار يطلع عليهم باحتقار كدة و قعد ابصر شو يبرم عليهم
بجد هيك بشر متخلفين ومرضى و بدهم إبادة

الامبراطور 22

25-09-2009, 10:25 AM

بس بصراحة قصة بنت تعاكس شب لسه ماشفتها لحد الان

لا ما تخافى فى كتيييييييييييييييييييييير

nour al3ilm

25-09-2009, 12:00 PM

1) لما بتتعرضي للمعاكسات شو بيكون موقفك بتكملي طريقك وبتتركيه يحكي اللي بده ياه

ولا بتغلطي عليه وبتلموا الشارع عليكم

لا بكمل طريقي ..بس أحيانا بتكون حسب الحاله النفسيه ...

2) وشو موقفك من الشب اللي بيعاكس ؟؟؟
بكون منرفزه..
بس هلأ صارت عادي لانو صارت غريزه بكل الشباب ما شا الله ..واللي ما بعاكس بلسانو بتعاكس عينو

المهم الغلط بكون منها ..

صح أغلب الحالات من البنت ..بس أحيانا ما بتكون ..يعني أكيد في شواذ وبكون الشب هو الغلطان

يعني مره أنا كنت بالباص مروحه وطبعا في باصات رفح في بنات بقفن في الممر ..
ما شا الله البنات الواقفين ما راحت عنيهم عن الشباب اللي قاعدين وراي (كنت بآخر كرسي للبنات) ..وطبعا دالقين بويه على وجوههن وفوق هاد بطلعن فيهم ولا عين تخجل ولا قلب يحزن ههه..

وهدولاك الشباب اللي وراي ما خلو كلمه هههه.. بحقلهم طبعا

فعلا صدقت
هيك 99.99999% من البنات

ههههه أوف شو هاد...مش لهدرجه يعني..

فعلا في بنات كمان بعاكسن ..حصلت قدام عيني (في غزه طبعا وتحديدا في الأزهر مبنى الآي تي ههه)

كنت رايحه مع عمي وعينك ما تشوف الا النور ..تقول هالمبنى كباريه ..

يعطيك العافيه قيصر..

مصطفى

25-09-2009, 12:36 PM

شو بيكون هدفك او غرضك من المعاكسة ولما تعاكس البنت اللي ماشية هيك بيتحقق غرضك ؟؟؟
والله اذا كانت البنت محترمة استحالة حدا يعاكسها اما اذا غير لساني لحاله بيشتغل هههه يعني نكشه راس

لو كنت ماشي انت واختك او خطيبتك وواحد عاكسها شو بتعمل ؟؟؟
الحمد لله خواتي كلهن متزوجات بعدين المحترمة وبحالها ما بتتعاكس

شو اللي بيدفعك انك تعاكس البنت ؟؟؟
نكشه راس بسيعني برميلي شي كلمة كاني بحكي مع شب صاحب بحكيله مالك فايع اليوم ههههه شي مثل هيك اما مباشر ما بعملها اذا مانت غير محترمة

هلقيت انت كشب شو بتعمل لمن بنت بتعاكسك؟؟؟
ااااخ بيني وبينكو احرااااج

يمنى

25-09-2009, 02:02 PM

) لما بتتعرضي للمعاكسات شو بيكون موقفك بتكملي طريقك وبتتركيه يحكي اللي بده ياه

ولا بتغلطي عليه وبتلموا الشارع عليكم

مشكور اخي الكريم ع الموضوع

اولا بالنسبة لي ولا مرة تعرضت للمعاكسة لان بصراحة انا بلاقيالبنت الليلبسها مش شرعي هي اللي بتتعاكس يعني لو بنت لابسة جلباب و غطاء راس ساتر ما اظن انها بتتعاكس

بس بنصح اي بنت بتتعرض للمعاكسة تراجع نفسها ولبسها والاريح لا ترد على اللي بيعاكس

اما بالنسبة للبنات اللي بيعاكسو الشباب فبكل صراحة هما كتااااااااار وهذا واقع لازم ما ننكره لمجرد انه احنا بنات

وانا بنظري انه الشاب اللي بيعاكس شخص معدوم الدين والاخلاق

الامبراطور 22

25-09-2009, 05:39 PM

اولا بالنسبة لي ولا مرة تعرضت للمعاكسة لان بصراحة انا بلاقيالبنت الليلبسها مش شرعي هي اللي بتتعاكس يعني لو بنت لابسة جلباب و غطاء راس ساتر ما اظن انها بتتعاكس

بس بنصح اي بنت بتتعرض للمعاكسة تراجع نفسها ولبسها والاريح لا ترد على اللي بيعاكس

اما بالنسبة للبنات اللي بيعاكسو الشباب فبكل صراحة هما كتااااااااار وهذا واقع لازم ما ننكره لمجرد انه احنا بنات

وانا بنظري انه الشاب اللي بيعاكس شخص معدوم الدين والاخلاق

رد مقنع جدا جدا

رغد

25-09-2009, 05:51 PM

بدي اجاوب عن البنات

الاغلبية طبعا

1) لما بتتعرضي للمعاكسات شو بيكون موقفك بتكملي طريقك وبتتركيه يحكي اللي بده ياه
بتكمل طريقها او بتتمايص الو شوي
طبعا ازا بعرف يعاكس لانو في بفهموش باللون هههه

ولا بتغلطي عليه وبتلموا الشارع عليكم
ههههههههههههه 1% الي بغلط

2) وشو موقفك من الشب اللي بيعاكس ؟؟؟
بموتو فيه ههههههههه

ههههههههههههههههههههههه

يا خيبتي عالي اترملت ونسيت جوزها

ههههههههههههههههههه

[CENTER]

ب
1 )
2) لو كنت ماشي انت واختك او خطيبتك وواحد عاكسها شو بتعمل ؟؟؟

لو كانت البنت ماشية مع اخوها او خطيبها ما حد بستجري يعاكسها الا اذا كان الي ماشية معاه نص كم

1) لما بتتعرضي للمعاكسات شو بيكون موقفك بتكملي طريقك وبتتركيه يحكي اللي بده ياه

ولا بتغلطي عليه وبتلموا الشارع عليكم

فعلا الي حترد حتلم الشارع عحالها مش عليه هو مش حتفرق معه

عشان هيك بمشي كانه ما حد حكا شي

2) وشو موقفك من الشب اللي بيعاكس ؟؟؟

غبي واهبل

والسؤال المهم

[COLOR=red]
[QUOTE=محمد2050;246226][COLOR="Blue"]

المهم الغلط بكون منها ..

[SIZE="6"]
يا سبحان الله ؟؟؟

محمد2050

25-09-2009, 09:47 PM

ما شاء الله المدير النسب عنده امتياز 99.9 ههههههههه
حاقد عالاخر على جنس حوا والحمد لله بس والله حرام عليكو دا احنا غلااااااااابا
لا حاقد ولا ما يحزنون
بس بحب احكي الصحيح

و صحيح ما حد بينكر في بنات بيعاكسن الشباب بس مش كتير نسبة قليلة خلتوها نظرية
هاي الايام الاشكال هاي كترت ..

لو احكى مواقف تفرط ضحك
طلباتهم فضيعة ما فى خجل بالمرة
احكي يا زلمة ، خلي الشباب يعيشو هههه

متذكرين الفيل المتحرك الي كان نازل في الاصنصيل لما كنا بنستي الدكتور ايمن صبح
ههههه بصراحة مش فاكره بالزبط
بس فاكر انه كان في فيلين او تلاتة

يعني حتى لو البنت لبسها مش ولا بد! ليش ما الواحد يحترم حالو
لنفرض في بنت لبسها مش ولا بد ماشيه بالشارع ..
هل كل الشباب اللي بقابلوها رح يعاكسوها ؟؟
اكيد مش كلهم يعني في بحترمو نفسهم
وفي شباب بده يحكي هالكلمة اللي عنده
علشان خاطر البنت ، لانه لو زبطت حالها وما حدا عاكسها رح يصير عندها حالة نفسية

فشي شب بعاكس بنت من الطريق
يا بتكون البنت حاطة 2 كيلو بويا يا بتكون لابسة عالموضة يا مشيتها كلها مياصة
لانو البنت المؤدبة بتجراش الشب يكلمها
مية المية :61:

بس بصراحة قصة بنت تعاكس شب لسه ماشفتها لحد الان
موجودة يختي ما تقلقلي ..

البنات هم السبب في المعاكسة بنسبة 90 % ولو بناتنا الله يهديهم كلهم متحشمات ما بتلاقي معاكسة الا في حالات نادرة
وكمان في بعض شباب الله يهديهم ما بتركو البنات في حالهم سواءا كانت البنت محترمة او مش محترمة
وحتى لو حبسوه بتلاقيه بيصير يعاكس في حاله
:icon30:

لهدرجة همى البنات هيك,,بس اذا فى بنات بعاكسوا مابيكونوا بهادى النسبة حراااام عليكم
محمد وسمارت كتير ظنكم سوء بالبنات
مهو يا اما انت عارفة الصحيح وبدك تحسني سمعة البنات
يا اما مش عارفة الصحيح

كلكم يا الشباب بتركزو على أشياء البنات بعملوها
بس كتير شباب بعاكسوا بأشياء طبيعية بالبنات مثل لون العنين مع انها ما بتكون لابسة عدسات ولا حتى أى شى يبرز لونهم
طب السؤال اللي بطرح نفسه ..
البنت اللي تعاكست على لون عيونها
هل لابسة لبس محترم ؟ وما فيها شئ ملفت ؟.
الا تلاقيها حاطة اي شدو ولا مكياج ولا حاجة بتلفت
يعني بردو هي غلطانة

صح أغلب الحالات من البنت ..بس أحيانا ما بتكون ..يعني أكيد في شواذ وبكون الشب هو الغلطان
صحيح ..

يعني مره أنا كنت بالباص مروحه وطبعا في باصات رفح في بنات بقفن في الممر ..
ما شا الله البنات الواقفين ما راحت عنيهم عن الشباب اللي قاعدين وراي (كنت بآخر كرسي للبنات) ..وطبعا دالقين بويه على وجوههن وفوق هاد بطلعن فيهم ولا عين تخجل ولا قلب يحزن ههه..

وهدولاك الشباب اللي وراي ما خلو كلمه هههه.. بحقلهم طبعا
شفتي ،، هي انت قلتي بحقلهم
لانه البنات اصلا هما الي بدو سواء بالمعاكسة او بمجرد اللبس والنظرات
يعني لو الشب لف وجهه
رح تلاقي بنت نطت في خلقته علشان يعاكسها ..

ههههه أوف شو هاد...مش لهدرجه يعني..
لهالدرجة واكتر ..

فعلا في بنات كمان بعاكسن ..حصلت قدام عيني
وشهد شاهد من اهلها ..

بس بنصح اي بنت بتتعرض للمعاكسة تراجع نفسها ولبسها والاريح لا ترد على اللي بيعاكس
:icon30:

اما بالنسبة للبنات اللي بيعاكسو الشباب فبكل صراحة هما كتااااااااار وهذا واقع لازم ما ننكره لمجرد انه احنا بنات
:icon30:

يا سبحان الله ؟؟؟
سبحان الله ولا اله الا الله والله اكبر ..

الله يهدي البنات والشباب ان شاء الله ..

ابتهال

25-09-2009, 10:34 PM

ما دامت الفتاة محترمة فى مشيتها وفى لبسها وفى كلامها وفى اخلاقها ما بسترجى حد يكلمها فالعين تزنى ان نظرت ومادانت تغض بصرها
طيب بدى اطلب منك طلب انط تجاوب على اللى كاتبه

@@احمد@@

25-09-2009, 11:07 PM

1 شو بيكون هدفك او غرضك من المعاكسة ولما تعاكس البنت اللي ماشية هيك بيتحقق غرضك ؟؟؟
بصراحة انا بعتبر كل شب بعاكس البنات بكون عندوا حالة نفسية وعليه الذهاب الى مستشفى العقل النفسى هع وبس ؟

2) لو كنت ماشي انت واختك او خطيبتك وواحد عاكسها شو بتعمل ؟؟؟
اصلا ما راح يقدر يعاكس هع بس اذا عملها لكل حادثتا حديث ؟
وبعتقد انوا المشكلة ما راح تعود بالايجابى لهيك ما راح اعمل معوا مشكلة فى شئ ثانى

3هلقيت انت كشب شو بتعمل لمن بنت بتعاكسك ؟
ما بعمل شئ بس بطلع قيها من تحت لفوق بتعرف حالها انوا انقلت قبمتها هع

(( القيصر ))

يسلمو كثير حبيبى على الطرح السو نايس
لروحكـ اجمل ورود اللبان

,,

اآحمد

محمد2050

25-09-2009, 11:17 PM

ما دامت الفتاة محترمة فى مشيتها وفى لبسها وفى كلامها وفى اخلاقها ما بسترجى حد يكلمها فالعين تزنى ان نظرت ومادانت تغض بصرها
طيب بدى اطلب منك طلب انط تجاوب على اللى كاتبه
الكلام لصاحب الموضوع ولا الي ولا مين ؟؟
كمان مش فاهم قصدك ..

قيصر الحب

25-09-2009, 11:26 PM

شكرا لموضوعك الرائع قيصر تيب شو بدك من واحد ما بيعاكس البنات بس انا كتير بنات عاكسونى وبشكل مباشر بس انا كنت احلئ لانه طريئ البنات شوك على هو ما بشوف الشباب الحبيبة بتتعدب فى حبها وبعدين ولا بنت كانت الا وبتحكى مع شب بس مش الكل يعنى زى ما مش كل اصابعك واحد بس انا اتعرض كتير لمعاكسات ومن مين من البنات بس تخفش محسوبك حلائ يا مان خلينى هيك عايش بحالى مبسوط ومرتاح وما بفكر ولا بس بفكر بصحن الطبيخ يسلمو لالك قيصر ويسلمو دياتك خيو على موضوعك تحياتى

غزالة

25-09-2009, 11:55 PM

[QUOTE=محمد2050;247327]
لانه لو زبطت حالها وما حدا عاكسها رح يصير عندها حالة نفسية
][QUOTE

[COLOR="Purple"]
يعني كل البنات يلي ما بيلبسن الجلباب بيكون قصدهم إنو حد يطقس عليهم!؟!
يمكن....
سبحان الله

nour al3ilm

25-09-2009, 11:57 PM

يعني كل البنات يلي ما بيلبسن الجلباب بيكون قصدهم إنو حد يطقس عليهم!؟!
لأ..
والله قابلت بنات ما بلبسن جلباب ..محترمات أكتر من اللي بلبسن جلباب ألف مره

هي الشغله كلها سواء البنت أو الشب شغلة نفسيات ضعيفه..

محمد2050

26-09-2009, 03:11 AM

يعني كل البنات يلي ما بيلبسن الجلباب بيكون قصدهم إنو حد يطقس عليهم!؟!
يمكن....
سبحان الله
مش الكل ..
ومش شرط جلباب
ومش هيك القصد
قصدي لحظة المعاكسة البنت من جواها بتنبسط ..

والله قابلت بنات ما بلبسن جلباب ..محترمات أكتر من اللي بلبسن جلباب ألف مره
في ، بس المفروض البنت المحترمة تبين للناس انها محترمة بلبسها ..
يعني بكرة بتيجي وحدة لبسة لبس اعراس وبتقول انا محترمة ومش مهم اللبس
ساعتها البنات بطلعو بالمايوه ..

-------------

علشان محدش يقول عني متحيز للشباب وحاقد عالبنات
بدي اقول هالكلمتين

زي ما في شباب بعاكسوا بنات مجرد نكشة

بردو في بنات بعاكسو الشباب نكشة راس
لانه الشب بكون هبيلة وبتمايص قدامهم

حتى احيانا لما شباب يشوفو شب هيك بكونو بدهم يعاكسوا
فما بالكم البنات ..

انا كنت افكر انه الشباب اللي هيك قلال
بس للحظة حسيتهم كتروا

الله يشفيهم ..

صمت الرحيل

26-09-2009, 10:17 AM

صباح الخير للجميع
انا بدي احكي شغلة بس
هلقيت الكل بيحكي عالبنات سواء مواضيعك انت يا محمد او القيصر كلكم
بتحطوا اللوم عالبنت
ليش طيب
حاسب حالك انت ايها الرجل قبل ان تحاسب المرأة
انت الرجل الاب الاخ القريب
هل سألت نفسك يوما لماذا فلانة فعلت كذا
الكل بحط عليها اللوم
الكل بيحكي منها الغلط
شوف انت بشو مقصر بحقها انصحها احكي معها رح تسمع وتفهم
يا جماعة المرأة اضعف مخلوق بالكون
انتوا استفزازيين لدرجة كبيرة والله
كل المصايب من وراكوا وبتيجوا تحكوا هيه السبب
وبجد والله ما بترحموا
تحياتي

القيصر

26-09-2009, 02:55 PM

النقاش يطول
ولكن بكلمات مختصره

الاهل ثم الاهل ثم الاهل
والتربية قبلهم كلهم

يعني لو البنت لبست امنيح ومشيت في الشارع تمام
والاهل وعوا الشب وفهموه انو الي بعملو غلط

هي الحل بشكل بسيط
بس للاسف الناس بتخلف وبترمي في الشارع

لانا

26-09-2009, 04:23 PM

تم البحث عن الاسباب ان شاء الله راح انزل موضوع بس يرجع المنتدى بالسلامة ههههه

يعطيك العافية يا قيصرررر

نواعم

26-09-2009, 04:34 PM

السلام عليكم
موضوع حلو للنقاش خاصة في قطاعنا غزة بالاخص
لو حكتلكو شغلة يمكن مش راح تسدقوني
في شباب كانو يعاكسوني وانا حامل
هههههه
شو بدكو اكتر من هيك
شكلهم بيتسلو فيا
هاد وانا متزوجة كيف البنات
؟؟؟؟؟؟؟؟؟؟؟؟؟
مفيش حل للمشكلة هادي

محمد2050

27-09-2009, 02:36 AM

شوف انت بشو مقصر بحقها انصحها احكي معها رح تسمع وتفهم
وهاي المواضيع شو .؟؟
هاي المواضيع علشان البنات يشوفوها وينتصحو

يا جماعة المرأة اضعف مخلوق بالكون
لا مش صحيح
" ان كيدهن عظيم "

كل المصايب من وراكوا وبتيجوا تحكوا هيه السبب
ورا كل مصيبة امرأة

في شباب كانو يعاكسوني وانا حامل
ههههه وانت باي شهر ؟
لانه لو باول اشهر ما بكون مبين انه الوحده حامل
يعني يمكن فكروك بنت هههه

كفورية بحدود

01-10-2009, 12:02 PM

نيجي هلا للبنات ...

1) لما بتتعرضي للمعاكسات شو بيكون موقفك بتكملي طريقك وبتتركيه يحكي اللي بده ياه
ولا بتغلطي عليه وبتلموا الشارع عليكم

والله العظيم وربي شاهد عليا اني بصير اعيط واجري بمشي جراي
يعني قديش اني قوية بس الا بهالشغلات خلص بخاف
بخاف يكون ابن حرام بحق وحقيقي
لهيك دارو سفهاءكم
وماصدفت اني زعقت ع واحد بالشارع ولا مرة بس باخلي راسي بالارض وباجري

2) وشو موقفك من الشب اللي بيعاكس ؟؟؟

واحد حقير
والله باقرف منو
اصلا اللي بيكون حلو ومحترم ومودب وابن ناس بيكون تقيل على البنات
مش بيجري وراهم زي الكلب بيلهث
حبة معاتيه هدول
ويمكن الشغلة اللي بتنحمد التنفيذية عليها هي انها خففت من الكلاب الضالة بالشوارع

اما قصة انو البنت بتعاكس شب
صارت كتيييييييييييييييييييييييييييييييير قدامي
واشكال الوان
يعني اقولكم

مرة هالموقف صار وانا بسنة اولى كنت مابعرف حد لسة وكنت قاعدة باستنى بمحاضرتي
الا هالواحدة قعدت هي وصاحبتها جنبي وقعدو يكركرو وانا بدي اسمع
هههههههههههه
سمعتهم قال شو هي شافتو وهي واهلها كانو طالعين على المطعم يتغدو (يتغدو فول وطعمية والله انك فشارة) وقال لاقتو وقامت من عند اهلها وراحت حكت شوية معو واخدت رقمو
نييييييييييييييييييييييييييييلة

خربت

ههههههه

يسلمو قويوي

الله يبعد ولاد الحرام عن طريقي انا واهلى
كل واحد يدعي للي الو انا مش فاضية :)

المستحيلة

01-10-2009, 01:51 PM

موضوع حلو كتير الزاهر الاخ المناضل قيصورة بيعاني من المعاكسات رش على حالك بف بف ببطل حد يعاكسك وهيك بحكي للبنات كمان ههههههههههه

انا كمان رايي بقول انو دلع الاهل للاولاد خربهم وبصراحة هما معطينهم الحرية زيادة وفي تفرقة عنصرية وبالتالي شو ماعملو معهم حق والله نفسي اقتل كل الاولاد بكهرهم كره العمى بديش ادعي قدامكم

صمت الرحيل

01-10-2009, 02:28 PM

شوف استاذ محمد
انا ما بحكي عن مواضيعك انه البنات لازم يشوفوها وينتصحوا متل ما انت بتحكي
انا بحكي انه انت السبب في غلط هاي البنت بمعني
انه البنت هاي ليش عملت هيك وين ابوها بشو كان مقصر بحقها
اخوها وينه
سأل اخته ايش بدها
انا بحكي انو انتو السبب معشر الرجال مو البنات

كمان الرسول قال رفقا بالقوارير يا استاذ محمد

من وين وراء كل مصيبة امراة
والله ورا كل مصيبة رجل
انتو سبب المشاكل والخلافات والخناقات اللي بتصير
لمن بتغلط البنت بشغلة بتمسكوها عليها لمن تموت
لكن انتوا ما بتعملوا شي قال شاب
شغلة اخيرة انا حكيه واضح انه المشكلة بالاصل من رب الاسرة والراجل فيها الي ما عرف يدير باله ويربي بنته او اخته منيح مو جبر
احترام مودة رحمة خير تفاهم
هاي الحجات اللي صارت معدومة هالايام
تحياتي

شموخ الاحساس

01-10-2009, 07:43 PM

1 ) شو بيكون هدفك او غرضك من المعاكسة ولما تعاكس البنت اللي ماشية هيك بيتحقق غرضك ؟؟؟

كل الي بمر هون ما بعاكس بنات .. هيا ما بتجي معاكسات هي نكشات [ نهفات ] وما في غرض بس من القرف ومن القعده..
2) لو كنت ماشي انت واختك او خطيبتك وواحد عاكسها شو بتعمل ؟؟؟
طبعا الكلام معه ما راح يجيب فايدة التطنيش الحل الأصلح ..
3) شو اللي بيدفعك انك تعاكس البنت ؟؟؟
ما في دافع معين .. فقط يمكن القرف والزهق ..
لو اجينا للمزبوط البنت ذاتها هي الي بتخلي الشب يعاكسها .. كيف ؟؟

هسه لو هيا منقبة ولابسة جلباب وماشية عدل .. وما حاطة عطر [ بارفان ]( الي هوا حرام أصلا ) ويعادل الزنا ..
وما بتطل شمال ويمين ما في حد بستجري يحكي معاها ... بس الله يعينا ع الزمن وبلاويه ..

ريهام

01-10-2009, 08:16 PM

امممممممم

بجد موضوع ممتع ومشيق ولزيز

هلا بصراحه كتير بشوف شباب بعاكسو البنات

بس انا وحده من الناس بتجينى التعليقااات على طولى هههههه

بس ......!!!

فاللى بيكون بيحكى بطلع فيه ما بعرف شو بدى ارد عليه لانو بجد لو نفخت عليه بطير ؛؛ما بكون شايفاه عععععععع

دمتم بود

لورين

01-10-2009, 10:35 PM

يعني بصراحة الموضوع حلو وعليه ردود كتير لانه واقعي وانا لاحظت انه الاغلب وخصوصا ردود الشباب
كلها تقريبا بيحطوا اللوم فيه ع البنت يعني صحيح احنا بننكرش انه البنت لها دور كبير في المعاكسة
وانه لبسها ومكياجها والذي منه له اكبر الاثر بس في كمان بنات بتتعرض للمعاكسات من غير سبب
يعني الشباب كمان بيكون لهم دور في المعاكسات حتى لو البنت محترمة في شباب بدهم يعاكسوا وخلص ايه بنت
يعني مثلا انا لما بكون ماشية بالشارع بشوفش الي قدامي والحمد لله لبسي شرعي ولا عليا اشي حتى اهلي
بضحكوا على مشيتي بقولولي ( زي مشية دفعة الجيش ) ومع هيك بسلمش من لسان الي بده يعاكس او حتى نظراتهم
يعني شو بتفسروا ولد صغير لسه باول ابتدائي بيعاكس بنت ثانوي وهاي صارت معي ولاعجوز كبير قد سيدي قاعد على كارة
بيطلع بعينه الي بدها رصاصة لدرجة انه شب ماشي بالطريق يقله اطلع قدامك شو هاد ولا ولا قصص كتير يمكن فطرة فيكوا ولاشو
يعني دايما بتقولوا الحق ع البنت بس انا بقول الشباب كمان بدهم كلام يتوجهلهم

ويسلموووو ع الموضوع