مشاهدة النسخة كاملة : سؤال ذكاء ؟؟
بياض الثلج
11-10-2009, 07:42 AM
التقى أربعة رجال في قطار أحدهم طبيب و الثاني محام و الثالث مهندس و الرابع صحفي و
أسمائهم بغير ترتيب حسب مهنتهم هي محمد, مصطفى, إسماعيل و علي. فإذا علمت أن
محمد و المحامي لم يقابلا مصطفى قبل هذه المرة. و إذا علمت أن علي و الصحفي صديقان,
و أن مصطفى و المهندس سينزلان معا على المحطة, و أن الطبيب قد عاين إسماعيل و
الصحفي سابقا.
فما اسم كل من الطبيب و المهندس و المحامي و الصحفي؟؟؟؟؟؟[فقط الأعضاء المسجلين والمفعلين يمكنهم رؤية الوصلات]
بدها ذكاء وما حد يسألني ولا سؤال لانها واضحة ولو حكيت اي كلمة راح يخرب السؤال
وكل واحد وامانته والبحث في النت ممنوع
هيني اعطيتها لاهلي كمان
مخاوي الليل
11-10-2009, 09:10 AM
المحامي اما اسماعيل او علي
الصحفي اما محمد او اسماعيل
المهندس اما اسماعيل او علي
الطبيب اما علي او مصطفى
اما الصحفي ب التاكيد ليس اسماعيل لا ن الطبيب عاين شخصيم هما الصحفي والسماعيل
اذن الصحفي يكون محمد
الطبيب ليس مصطفى لانه يعرف شخصين قد عالجهما قبل ذلك اذن فهو علي
المحامي ليس علي فهو اسماعيل
وبالاخر بضل اخينا مصطفي هوا المهندس شكلو بدو ينزل مع اسمو ع المحطة
ابصر غير هيك مش راضيه تزبببببط فقعتنييييي هههه
مشكوووووره ع السؤال الغريب وجع راسي هههه شكلو ع الفاضي خخخخ
همسات الصمت
11-10-2009, 11:57 AM
مصطفى هو الصحفي
علي هو الطبيب
اسماعيل هو المحامي
محمد هو المهندس
تفسيري ......
لو كان مصطفى طبيب و علي محامي و اسماعيل مهندس محمد صحفي
لو افترضنا هيك حيكون خطا لانو الطبيب عاين الصحفي ولكن محمد لم يقابل مصطفى من قبل
افتراض تاني
لو كان مصطفى طبيب و علي مهندس و اسماعيل محامي و محمد صحفي
برضو مش ممكن
كمان احتمال
لو كان مصطفى صحفي و علي محامي و اسماعيل مهندس و محمد طبيب
وكمان لو مصطفى صحفي و علي مهندس و اسماعيل محامي و محمد طبيب
الاحتمالين غلط
بنتوصل لاخر احتمال وهوة الاحتمال الصح ........
انو مصطفى صحفي و علي طبيب و اسماعيل محامي و محمد مهندس
هي كل الاحتمالات ضايل بس تقولولنا رايكم بالجواب ..........
مخاوي الليل
11-10-2009, 12:31 PM
ممم هوا الحل ع طريقه الاحتمالات هيكون اربع اشخاص ل اربع احتمالات
بطلع 16 احتمال واذا بدها تنحل ع ه الطريقه المقرفه بدها شغل
هوا محطوط السؤال ع انو احتمال واحد صح من ال 16
ف اول احتمال بزبط بكون هوا الصح
ف بتهيألي حلك صح يا همسات
شوفي اللي حاطط السؤال خلي يعطيكي جائزه بتستاهليها خخخخخ لو صح
ههه
ابو سمرة
12-10-2009, 01:11 AM
همسات حلك شكلو غلط والله اعلم لانو
محمد مهندس مع العلم انو مصطفى والمهندس نزلو مع بعض على المحطه
ومصطفى ومحمد ما تقابلو قبل هيك
محمد2050
13-10-2009, 05:06 AM
جبت ورقة وقلم وقعدت اعمل فيها
طلع معي حل واحد وان شاء الله بكون صح
الطبيب : علي
المهندس : محمد
المحامي : اسماعيل
الصحفي : مصطفى
صح ولا لع ..؟
بياض الثلج
13-10-2009, 07:21 PM
بالفعل هدا الجواب الصحيح
مصطفى هو الصحفي
علي هو الطبيب
اسماعيل هو المحامي
محمد هو المهندس
همسات الصمت ومحمد جابوها صح
وبالبيت عنا ماما بس صح ههههه
مشكوور مخاوي الليل عالمحاولة نورت
على فكرة الموضوع جبته من موقع وكان اختبار للي مستوى ذكائهم عالي جدا
همسات الصمت
14-10-2009, 12:27 PM
بالفعل هدا الجواب الصحيح
همسات الصمت ومحمد جابوها صح
ما بتدخل انا بدي هدية:tears: هههههه اصلي تعبت وانا قاعدة بحلل فيه
ازا ما وصلتني جائزة ما راح افوتلك اياها يا بياض الثلج هههههههه:-P
ابو سمرة
14-10-2009, 11:58 PM
هههههههههههههه
طيب يا بياض الثلج اذا بتعرفي وين اللغز فيها الك ايش ما بدك او نقطة الذكااء
بياض الثلج
18-10-2009, 04:13 PM
طيب يا بياض الثلج اذا بتعرفي وين اللغز فيها الك ايش ما بدك او نقطة الذكااء
ههههههههه وانا شو بعرفني ما انا زيي زيكو جبت السؤال وكان معه الاجابة
وبصراحة ما جربت احلها بس ماما حلتها بعد معاناة
يلا قول انت طيب سمعنا