اموت واعرف خرافات ولا جد اشمعنى

[القلب البريء]

السلام عليكم ورحمة الله وبركاته


كيف حالكم إن شاء الله دائما بخير ؟


في كم سؤال خاطرين ببالي من زماااان ومش لاقيالهم اجابة يا ترى ليش

نبدأ بسم الله


1 لما حدا يحك بايده الشمال بقلوله حتقبض ولو كانت اليمين حتسلم على حدا

2 لو ولد صغير زحف بقولو مين بدو يجينا اليوم

3 لو رمشة وقعت من عين حدا بقلوله حيجيك ناس اليوم

4 ولما حدا يجي ع ناس ويكونو بيالكلو او لسة حاطين الاكل بقلوله حماتك بتحبك و لو اجا ع اخره العكس طبعا

5 لو خطوط كفة الايد متقاطعة بقولو حتتجوز ولا تتجوزي قريب ولو العكس غريب

6 لما تزن الودن اليمين حدا جايب سيرتك بشي منيح ولو الشمال حدا بينم عليك بشي عاطل

7 لما ترف العين اليمين شي منيح والشمال شي وحش ع قولتهم اليمين مسرة والشمال مضرة

8 لو اجتنا ال zigzag بقولو لازم حدا يكدب كدبة عليك عشان تروح


وشو في كمان

والله شي بحير شغلات كتير هيك وخصوصا بالمجتمع العربي طيب ليش شو اصلها اشمعنى ما بعرف

اللي بعرفو انه في منها بتصير

امبارح لسة كان معي zigzag ومليت بطني ميا هههه وما راحت الا بنت اختي كدبت عليا كدبة المهم انا مش منتبهة الا هيا بتقلي شو راحت؟ بقلها شو هيا ههههه بعدين انتبهت بقلها اه والله اصلا مش منتبهة انها كدبت عليا او هيك شي

شي غريب متل العادي حبك يا يا حبيبي هههههههه فعلا شي غريب


شو رايكم انتووو

شو بتعرفو عن اصل هالشغلات من وين اجت

بتامنو فيها ولا بتعتبروها خرفات وكلام فاضي

صارت معكم ولا كيف

[صفاء]

هههههههههههه فعلا كتير بنحكي هيك

بس ما بعرف شو اصلها

وما بآمن فيها

[**HaMaDa**]

ممممم

براودني هيك تساؤلات احيانا . . .

لكن لو فكرنا شوي . . . هنعرف ونتأكد انها مجرد خرافات . . وترهات . . .

اجدادنا . . هم اللي زرعوها . . . بتفكيرنا . . . وللاسف احنا سلمنالها . . . وصرنا نرددها كتير . . .

وجيل عن جيل . . بتنتقل هالخرافات معو . . .

وان صدفت مع البعض . . هذا لا يعني انو هالشغلات مزبوطة . . .

مثلا يعني . . لو اجيت بعد ما تغدو وخلصو . . . حماتي هتكون بتكرهني هههههههه

اعتقد . . اننا اكبر من هيك . . . ;)

بتنوري . . . بيبا . .

[أبو خالد]

اكيد خرافات

بس لو صارت معي الشغلة المنيحة بنبسط :)

مشكورة

[بياض الثلج]

ههههههه

بالفعل والله

بس اعتقد كلها خرافات وانا ما بآمن فيها نهائيا ما الها اصل

وفي كمان اكتر حاجة بتغيظني وبتقهرني لما نكون بنضحك كتير بنقول الله يستر شو راح يصير اكيد مصيبة كبيرة بتستنانا

[الامبراطور 22]

صارت معكم ولا كيف

هههه والله لسه قبل كم ساعة صارت


اليوم كان عنا دورى شطرنج فى مشتركين 20

المهم كل لاعب راح يلعب 5 جولات

انا فى اول مباراة اخسرت فيها وتانى مباراة انتهت بالتعادل


المهم اجا موعد الظهر وكان معنا ساعة راحة المهم صلينا الظهر واتغدينا

وحنا راجعين اشتريت سلحفاة صغيرة صار صاحبى يحكى اللى ما تشتريها


واصلا هى بتجيب الحظ السئ للواحد

علشان حكى هاى الكلمة جبتها

وبعدها ارجعنا وكنت كل ما العب احطها جنبى على الطاولة طبعا فزت فى التلات مباريات اللى ضلو اللى


وكان حظها حلو على كتير


على العكس المتدامل انه بتجيب الحظ السئ


طبعا كلها هبل فى هبل الشغلات هاى

[غزالة]

أبصر......... بتزبط شغلات مرات
ولما فراشة تلف حواليكي يعني في حد جاي يخطبك! (صدفت وصارت مع وحدة!)
والزقزقة صارت معي! أبوي مش كزب كزبة وبس لمسني! وبالاخر بيحكيلي هيها راحت!

الله اعلم

[nour al3ilm]

أنا ما بآمن فيها بس بتصير

قصة الرموش وقبض فلوس والزقزيقه (مرت عمي خلتني سرقت من عندهم فلوس أنا صرت الوان واحلف اني ما اخدت شي ...... بالاخير من كتر ما تكزبني شوي واصدق اني عنجد سرقت هههههههه وهاد اول مره اعرف فيها عن هالشي وانا بصف رابع تقريبا وفعلا راحت الزقزيقه)


يعطيكي العافيه بيبا..

[القلب البريء]

ولما فراشة تلف حواليكي يعني في حد جاي يخطبك! (صدفت وصارت مع وحدة!)


ههههه هاي كانت تجنني كل ما ادرس بدي طيرها ولا اقتلها ماما تقلي حرام بس انا بعرف بقولو بتجيكي هدية ولا شفت هدايا ولا ما يحزنون

هو فعلا في منها بتصير بتزبط يعني

بس اموت واعرف شو دخل الحماة بالاكل ههههه بقلهم بدي اتجوز بس عشان اعرف مين هادي حماتي اللي بتموت فيا ههههه شو هالهبل هاد


صفاء


أخــــ حمادة



أخـــ ابو خالد


بياض الثلج



أخـــ الامبراطور22


غزالة




نور العلم


مشكورين جميعا عالمرور الكريم

شرفتووووووني

[القيصر]

لو ولد صغير زحف بقولو مين بدو يجينا اليوم

هههههههههه
ذكرتيني في الذي مضي
لمن كان اولاد اختي يزحفوا
وامي اتقول انو ابصر مين بدوا يجي
كنت اروح اطلع من الدار من غير ما حد يحس
وارجع ارن الجرس
كأنو في حد جاي ضيف
هههههههههههههههههههههههههههههههه

[القلب البريء]

ههههههههههههههههههههههههههههههههه

يقطع شر اليهود

لا احنا بييجو عنجد

شوو السر اعرف انا ههههه

شوكرن لك عالمرورررر