صدمة

[فتى المستحيل]

صدمة
كل شاعر أو كاتب يطمح إل أن يرى أعماله ونصوصه منتشرة بين الناس وتكتمل فرحته عندما يرى أنها تعبر عن الفئة التي يقصدها والتي يتمنى أن تفهم نصوصه وانا صار عندي هاليومين موضوع خلاني أعصب وبنفس الوقت أستغرب فالأحد الل فات كان عندي محاضرة مع د. ناهض فورة فقاعة R308 أنا طبعاً باجي بدري قبل المحاضرة المهم لقيت مجموعة شباب ملتمين حوالين الحيط أنا طبعاً حبيت أشوف على إيش ملتمين هادول لقيت نصي بتاع شكو تنتظر الوصول اللى نشرتو هنا بنفس كلماتو مكتوب عالحيط بخط زي خط الاطفال بصراحة أنا انصدمت يعني يبدو إنو الطالب عجبوا النص فسرقوا وقرر إنو كتابتوا عالحيط لكن أنا أول مرة أشوف الشعر والكلام الراقي بينكتب عحيطان جامعتنا اللى ما بينكتب عليها غير الكلام الفاضي انا يعني مش عارف أفرح إني لقيت حدا يحس باللى حسيت فيه ولا أغضب عشانو إنكتب فمكان لا يليق بالشعر الراقي ولكن الشعور اللى حسيت فيه بصراحة هو الصدمة فشو رأيكوا انتو

[الامبراطور 22]

انا لو مكانك بافرح لانه شعرى يكون بين الناس


صح انه مكان حيط الجامعة مش مكان لكتب الشعر

[بياض الثلج]

لو انا مكانك بنقهر وبنغاط انه حد اخد ابداعي بدون ما يشاورني

وبكتب جنبه ملاحظة انه الي وباسمي او اذا بنمسح بمسحه

[القيصر]

هو شعور محزن ومفرح


مفرح لانو في ماس اعجبت بشعرك وحفظته

محزن لانو المكان مش مناسب ولانو ما تم وضع اسم صاحب الموضوع الاصلي وصار في الموضوع سرقة

[ЯàMσşŤà]

بالنسبة الي طبيعي..

[صفاء]

لو انا فعلا بنصدم لانه هاي سرقة اولا وتاني شي بيكتبه عالحيط والحيطة مكان مش ملائم لكتابة الشعر ونشره

بس اكيد اذا حدا شافه في المنتدى وبعد هيك شافه في اي مكان رح يعرف انه ابداعك

[بنت من الزمن ده]

ولاصدمة ولاشي



اصلا مابنشر ولابتتداول بين الناس ايا كان المكان غير الشعر المرموق

بس بضل المهم الطريقة التى يقرا بها النص من قبل الطلاب؟

[فتى المستحيل]

انا لو مكانك بافرح لانه شعرى يكون بين الناس


صح انه مكان حيط الجامعة مش مكان لكتب الشعر لكن الشعر هيك حيفقد قيمتو الفنية يا إمبراطور منتا ما شفتش المكتوب عالحيط رحال والإيميلات والمواقع كلها مرشوشة عالحيطان فنص شعري زي هيك مش طبيعي إنو يكون فمكان زي هيك
لو انا مكانك بنقهر وبنغاط انه حد اخد ابداعي بدون ما يشاورني

وبكتب جنبه ملاحظة انه الي وباسمي او اذا بنمسح بمسحه يعني خلي الدكاترة ولا البوابين يشوفوا اسمي ياخدوني تحقيق وما بعتقد إنو هالنص بيستحق أدخل تحقيق عشانو

هو شعور محزن ومفرح


مفرح لانو في ماس اعجبت بشعرك وحفظته

محزن لانو المكان مش مناسب ولانو ما تم وضع اسم صاحب الموضوع الاصلي وصار في الموضوع سرقة فعلاً هادا هو اللى صار
بالنسبة الي طبيعي..


شكلك متعود عهيك
لو انا فعلا بنصدم لانه هاي سرقة اولا وتاني شي بيكتبه عالحيط والحيطة مكان مش ملائم لكتابة الشعر ونشره

بس اكيد اذا حدا شافه في المنتدى وبعد هيك شافه في اي مكان رح يعرف انه ابداعك طبعاً لكن قديش إحتمال إنو حدا يدخل المنتدى ويقرى الموضوع عن الحيط ما بعتقد إنو بزيد عن 35%
بس بضل المهم الطريقة التى يقرا بها النص من قبل الطلاب؟ كلامك صحيح احيانا الطلاب بتأثروا

[كفورية بحدود]

بالعكس المفروش تنبسط لانو احنا شعب مابيقرا صحف ومجلات وقرايتنا الوحيدة بتكون للي على الحيطان وبس
ومعناتو انو وصل للحيط انو وصل للقلب والعقل الكلام
ولا شو ؟

يلا روق حالك مو مستاهلة

[فتى المستحيل]

شكراً كفورية على رأيك بس برضو السرقة بتضل سرقة يعني أنا بكره أشوف إبداعي عالحيطهادا إشي ما بقبله وفي ناس معلقة عليه كمان كاتبين تعليقات !!!!!

[جنون أنثى]

واخيرااااااا اقدرت اشوفه ..
من يوم ماحكتلي عنه وانا مابقدر اشوفه اما القاعة بتكون مشغولة محاضرة او انه انا مابكون عليا دوام بالرياضة
واليوم اقدرت اشوفه
بصراحة ممكن تشعر بسعادة لو كان منشور بطريقة أحلى وارقى من هيك
بس شعورك طبيعي لأنك بتحس اعمالك انسرقت
مابعرف شو بدي احكيلك
بس بجد الله يكون بعونك لأنها صدمة
بعتقد كان استاز احمد سكر حكالي عن هيك حالات كتيرة
لهيك بدك تكون منتبه ممنيح لمين بتبعت نصوصك وكيف بتنشرها

[فتى المستحيل]

أصلاً أنا وكل شاعر معني إنو النص اللى كتبو بإيدو ينشهر ويعرفو الكل عشان الكل يعرف المصيبة اللي واقعين فيها الطلبة لكن كان ممكن للى أخد النص يروح يعطيه لحدا من المسئولين أو حتى يعطيه لرئيس الجامعة أو لاي حدا لكن إنو يكتبو عالحيط هادا الإشي مش قادر أهضموا وبصراحة انا بعترف إنو هادا النص خخصوصاً كنت أعطيه وأحكيه لمين ما كان لأني ايامها كنت فاقع من اللى بصير وعلى كل حال أنا ما كان لازم أعطي أي نص لاياً كان وخلاص
تحياتي جنون انثى على المرور