مشاهدة النسخة كاملة : ما وجهة نظرك يا أهل الفيزياء
المجروح
16-12-2009, 08:35 PM
السلام عليكم ورحمة الله وبركاته
اخواني واخواتي طلبة قسم الفيزياء
اريد ان اسئلكم سوال واطلب منكم ان تجاوبوني عليه بكل امانه وصدق والسؤال هو
ما رئيكم بالشحن المعنوي والنفسي الذي يقوم به طلبة الفيزياء (طلبة سنه رابعه) لطلاب السنه الثالثه؟
اولا السوال موجه لطلبة السنه الثالثة
ثانيا ارجو الرد بكل امانه وموضوعيه
ثا لثا على جميع طلاب الفيزياء(طلاب سنه ثالثه ) المسجلين بالمنتدى الاجابه على هذا السوال [فقط الأعضاء المسجلين والمفعلين يمكنهم رؤية الوصلات]
ملاحظه سواء الشحن المعنوي والنفسي للمساق نفسه او مدرسي المساق
عاشقة الكيميائى
19-12-2009, 03:28 PM
سواء شحن معنوي او نفسي للمساق او لمدرسه كله شحن احباطي احنا حاسيين حالنا وكأنا ما راح نتخرج من الجامعة
الله يلطف فينا
توتر السطح
19-12-2009, 04:08 PM
بصراحة بناخد المادة واحنا ميتين من الخوف
ولو شفناها سهلة أو مفهومة ، بنقنع نفسنا إنها مادة معقدة أو غير مفهومة،لأنو بندخل المادة واحنا مليانين منها ومتصعبين منها فبل ما نشوفها، هادا اللي صار معي في الميكانيكا التحليلية.
نفس الكلام يطبق على الدكتور، بكل أسف
مشكور المجروح على الطرح
همس الغد
19-12-2009, 07:43 PM
كل طلاب سنة رابعة بخوفونا من كل المواد بشكل عام
عمري ماسالت حد وقالي المادة سهلة اوحتى حلوة كلهم بقولو صعبة لا تاخدوها مع هادة الدكتور كانو بايدنا
لو انهم بكذبو علينا وبيقولو سهلة احسن
انا من يوم ورايح مش راح اسال حد عن اي مادة بدي اخدها اتوكل على الله وبس
مشكور عالموضوع
محمود إسماعيل
19-12-2009, 09:47 PM
ما رأيكم بالشحن المعنوي والنفسي الذي يقوم به طلبة الفيزياء (طلبة سنه رابعه) لطلاب السنه الثالثه؟
بدك الصراحة أنا لما كنت سنة تالتة كنت أسمع هالشئ هادا
لكن انتاا بتنشحن لحالك مش محتاج حدا يشحنك خاصة لما تخوض مع دكتور واحد من دكاترة القسم أكيد معروف ههه
بالنسبة لمواد الفيزياء سهلة و ما عمري حكيت لحدا انها صعبة صحيح في مواد بجيب فيها علامات منخفضة بس العيب مش بالمادة العيب فيني أنا ..
بالنسبة للشحن اللي بصير من دكتور بيؤثر فيك , الدكتور بيحبب الطالب بالمادة و هو اللي بنفرك منها مهما كانت المادة و مهما حكيو الطلبة ..
دليل ع كلامي سمعت حكي من طلبة سنة رابعة من اللي بيشحنوا طلبة سنة تالتة و يحبطوهم
من كم دكتور ؟؟
يعني مختصر كلامي الدكتور يا بيحبطك يا بيخليك مبسوط و الشحن هييجي لنفسك زي الوراثة ههه
بعدين أنا واحد من الناس ما بحب أحبطكم صح و لا لأا ؟؟؟
ممكن يكون بس دكتور واحد ههه
انا من يوم ورايح مش راح اسال حد عن اي مادة بدي اخدها اتوكل على الله وبس
و النعم بالله
إن شاء الله ربنا يوفقك و يوفق الجميع ..
إن شاء الله يا مجروح ما تنجرح ولا تحبط
تحياتي :)
المجروح
21-12-2009, 05:02 PM
انا باتفق مع الاخوات في وجهة نظرهم ومشكورين جميعا على مروركم مع تحياتي المجروح
وسيم2009
21-12-2009, 05:21 PM
ما رئيكم بالشحن المعنوي والنفسي الذي يقوم به طلبة الفيزياء (طلبة سنه رابعه) لطلاب السنه الثالثه؟
والله على الفاضي هما بدهم واحد يشحنهم
ما حدا مدور علينا قاعدين بنسقط بالفورتران احنا وياهم سواااا
تحيااااتي الك جهاد حبيبي
المجروح
21-12-2009, 06:00 PM
ههههه والله كلامك صدق يا وسيم وشواحن النوكيا د ا به البلد مشكور على مرورك تحياتي
همس الليل
25-12-2009, 01:00 PM
هههههههههه
والله فعلا يا اخ المجروح طلاب سنة تالتة ورابعة دايما معيشينا برعب
المجروح
25-12-2009, 06:15 PM
همس الليل اسمع هالنصيحه وانت بتدرس فيزياء لا تسمع لاحد مهمن كان اسال مجرب مشكور اخي على مرورك مع تحياتي المجروح
صحيح كلامك في كتير طلاب بعملو هيك ... بس انا في نظري اي مادة مهما كانت مع الدراسة والاجتهاد ... بتعدي منها وبتقدير يعادل دراستك فيها ...طبعا مع توفيق... يعني توفيق ودراسة جيدة ... تكون المحصلة نتيجة مرضية .. هيك في الغالب ...
ولكن اصعب المواد في الفيزياء حسب ما بسمع تكون في هاي السنة بالذات الفصل التاني ...القصة بدها اجتهاد وتعب اكتر ..وبتعدي ان شالله على خير ......اي مادة بتخاف منها ..راح يتعتر فيها مهما كانت سهلة ولا صعبة ... خاصة لو كان هالخوف سلبي يعني بأتر على الدراسة .... بحكي بصورة عامة ...
تحياتي
المجروح
25-12-2009, 11:00 PM
مشكور موسى على مرورك و على كلماتك الطيبه مع تحياتي المجروح:icon30:
ابو حسين
26-12-2009, 12:48 PM
السلام عليكم ورحمة الله وبركاته
انا بالنسبة اى ما بادور المهم اقرأ
كل شئ ربنا يكتبه لنا صاير
مشكور اخ مجروح
كلمات
26-12-2009, 01:24 PM
انا مش فيزياء والحمد لله محافظة على اعصابي وشبابي بس للاسف اختي بتدرس فيزياء و كرهتنا بالفيزياء والقسم والدنيا كلها الله يعينها ويعينكو
بس ليش الدكاترة هيك عندكو احسن شي تطلعو مظاهرة هههههههههه
بس في شغلة دكاترتكم عندهم علم بجد بس الانجلش مثلا ما عندهم شي ابدا الدكاترة عنا فش فيهم غير 3 دكاترة بحكو انجلش بالمحاضرة والباقي يفتح الله انا تخرجت بس بضطر اخد دورات شان ازبط الي خربوه
موفق بإذن الله ... لك مني أجمل تحية .
المجروح
27-12-2009, 09:50 PM
مشكور اخ ابو حسين على مرور ك وايضا الشكر موصول للاخ يافا2020 مع ارق تحياتي المجروح:icon30: