موضوع حبيت اطرحه من زمان بس . . . لكل طالب وطالبة

[الأسمر]

موضوع حبيت اطرحه من زمان بس . . .

أتمني ما ينحذف الموضوع لاني لم أمس باسم أي شخص

رجاءعايز تقرأ اول سطر وتمشي اغلق الصفحة أو اقرأ الموضوع للنهاية
ليس مهما ردك بقدر ما أحسست به في النهاية

أجد معظم الدكاترة يلي من غزة يفرقون بين طلاب وطالبات غزة وخانيونس

بعضكم من قارئي الموضوع سيسال نفسه كيف

لقد درست مع دكاترة من غزة وخانيونس في المساقات

وجدت ان معظم الدكاترة يعتبرون اهل الجنوب ( خانيونس ورفح ) لا يفقهون شي بالعلم او بالمواد

فأجد الدكتور منحاز لطلبة غزة فب التعامل من ناحية المادة وتحديد الامتحان حسب رغبتهم متجاهلا طلاب وطالبات خانيونس

اقدم لكم مثال واقعي من دون ذكر اسماء

في الفصل الماضي كان نسبة غياب طلبة خانيونس عن محاضراتهم في غزة بسبب القصف الاسرائيلي وأوضاع الحرب علي غزة

الدكتور في نهاية الفصل حدد الامتحان مع طلبة غزة وما اعتبر أي رأيي لطلبة خانيونس

لما رحنا نراجع الدكتور عن تحديد موعد الامتحان قال انا ما بعرف الامتحان تحدد وانتم ملزمين فيه وما بيتغير

مع انو في نفس المادة في الامتحان النصفي كان مححد معاد وحضرو طلبة خانيونس بس طلبة غزة معظمهم تغيبوا عن محاضرة الامتحان فكانت النتيجة تأجيل موعد الامتحان لحين حضور طلبة غزة وهم الركن الاعظم

في القاعة نفسها ( وقت المحاضرة ) نجد طلاب غزة ( الطلاب من منطقة الوسطي وحتي الشمال ) يكونوا زي احزاب داخل المحاضرة طريقة الجلوس مع بعض في جانب واحد وعملية الهمس مع بعضهم عن طلبة الجنوب

لكن الدكاترة والمحاضرين في خانيونس لا يفرقون بين طلبة غزة وخانيونس بل حتي لاحظت بعض الدكاترة يأخد بعين الاعتبار أنا الطاليب الآتي من الشمال يحتاج وقت أطول فأجد عملية التساهل معه في التاخير

وأجد الباقي لا يفرق بين هذا وذاك وذلك ما يعجبني في هذا الدكتور

من ناحية اخري , شغلة التلخيص والكتابة بعض طلاب وطالبات من خانيونس احيانا يحدث معه ظرف طارئ فلا يحضر المحاضرة في غزة في المحاضرة التالية عن طلب تلخيص المحاضرة فقط للتصوير وارجاع الدفتر له يقول : الدفتر مش معي , مع صاحبي , نسيتو بالبيت , مستعجل , ما بقدر , وغيره كتير . . . . .

لكن اذا صار العكس اجد الطالبــ/ــة من خانيونس ليس لديهـ/ـا هذا المكر فنقدم له الدفتر دون الانتظار بمقابل شكر علي الاقل

لــــــــــــــــــــــيــــــــــــه ؟ ؟ ؟ ! ! ! . . . .

كمان لاحظت شي مهم , ان الدكتور او المحاضر يلي من غزة يعتبر ان طلبة غزة هم طلبة عباقرة درجات الذكاء لديهم تفوق 140 وطلبة خانيونس لا يفقهون شيئا سواء بالعلم او الحياة
تشبيه اوضح ( يعتبرون طلبة غزة اهل المدن والحضر وطلبة الجنوب اهل البدو والصحاري )
مع انو عان في القسم الحمدلله علاماتنا حلوة وعالية لكن الطلبة يلي قبلنا ماخدين المادة اكتر من مرة ويمو الامتحان الواحد فيهم عامل حالو اول مرة ياخد الامتحان واحنا شلتنا خلصنا حل الامتحان في 10 دقايق فقط
وطلبة غزة قعدوا ساعة وربع وهما بيحلو الامتحان .

أتمني انو طلبة وطالبات غزة يرفعوا الحاجز بينهم وبين طلبة خانيونس ألا وهو من قام بصنعه بعض الدكاترة التي لديهم ميول باتجاه طلبة غزة

بالنهاية كلنا عايشين في أرض واحدة طعامنا واحد وشرابنا واحد ودمنا واحد فلم لا يكون قلبنا علي بعضنا البعض

ماذا جري للـــــدنــيا التي نعيش بها ؟

رسمت لنفسي من الصغر دنيا أحلم أن أعيش بها لكن عندما كبرت وجدت نفسي في عالم أخر عن هذه الدنيا . . .

لــــــمــــــــــــــاذا ؟ . . . .

[القلب البريء]

اوووه كل هدا قلبك مليان

انا عن نفسي ولا عمري لاحظت هالشي لا من الدكاترة ولا من الطالبات ولا كنت اخد بالي من غزة ولا من غيرها كله عادي

بس كانوا كم بنت من الوسطى لما نطلب منهم شي يتهربوا عاملين شلة هما وصحباتهم وما بتعرفوا ع حدا تاني ولا بفيدوهم بس بياخدوا اللي بدهم اياه منا

بس هدا ما اله علاقة بالمنطقة واهلها بيخص البنات نفسهم

عالعموم ان شاء الله بيتحسن الوضع وبيصير كل شي منيح معكم

وبتمنى ما يكون في حزازية و لا حقد سواء من اهل غزة ولا الشمال ولا الجنوب

والله يديم المحبة والتعاون بيناتكم

دمت بود..

[الأسمر]

اسالي نفسك انتي من وين

وفكري بالكلام يلي حكيتو

وضعي نفسك في مكاننا

ستجدين الفرق

بصراحة شعرت براحة عندما تحدثت عن الموضوع

[القلب البريء]

ايه طيب الكو حق تزعلوا لو الحكياة هيك

بس انا ما قلت شي انا قلت عن نفسي ما شفت هيك شي

يمكن غيري شاف سواء من غزة او من غيرها

[بياض الثلج]

ليش هيك يا الاسمر

والله قلبك معبا منهم اهل غزة كتيرررر

بس يمكن انت بتلاحظ هالاشي هدا من ناحيتك بس هو بالواقع مش موجود وان وجد بكون عن فئة قليلة لا تمثل كل طلاب وطالبات غزة

بالعكس هينا من اهل غزة ومصاحبين من الوسطى والجنوب ومن الشمال بالاخر كلنا سواسية والعلم اللي احنا بناخده ما بزيد عن علمكو انتو فليش وشو الفرق اللي حيكون بيننا متلا

اما بالنسبة للدكاترة والاساتذة ما بنقدر نتحكم بتصرفات وكلام غيرنا احنا اذا هما قالوا هيك او انتو شفتو تصرف منهم حاولوا توصلولهم الكلام اللي انت قولته الهم هما ،، يمكن هما غافلين عنها او مش حاسين فيها او قصدهم غير اللي انت ذكرته انه تفرقة بالمعاملة او حد احسن من حد

انت حاول يا الاسمر تتفاعل بشكل اكبر مع الكل واعطي ثقة لنفسك اكبر وان شاء الله بتلاقي نتيجة ايجابية

موفق وكل الاحترام الك وللجميع ..

[فتى المستحيل]

صراحة انا من ناحيتي حاسس انو الطالب مظلوم فهالجامعة وين ما كان سواء خانيونس ولا وسطى ولا غزة فالدكاترة أصلاً اغلبهم ما بيعطوا للطلبة حقهم ولكن بصراحة ما حسيت بفرق فالمعاملة أصلاً بين الطلاب سواء بين الدكاترة وممكن بس بعض التصرفات التي تنجم عن إختلاف العادات والبيئة بين طلبة غزة وخانيونس لكن هذا الإختلاف لم يجعل مرة إختلاف لتعامل الدكتور بين طلبة غزة وخانيونس خصوصاً وأن الدكاترة أصلاً من مناطق مختلفة وليس من منطقة واحدة بالإضافة إلى أن إختلاف وجهات النظر حول موقف واحد هو شيء وارد بين البشر ككل وليس بين الطبقات وانا أجزم في معاملة الطلبة أو الدكاترة مع الطلبة لا يوجد فروق أبداً وإن كانت طريقة الطلب تختلف من شخص لآخر حسب البئية التي نشأ بها وعدي عدد من الملاحظات :
وجدت ان معظم الدكاترة يعتبرون اهل الجنوب ( خانيونس ورفح ) لا بفقهون شي بالعلم او بالمواد

كيف عرفت هالشي يعني الدكتور بدو يقعد يحزر فالطلبة هادا خانونسي وهادا غزاوي ولا كيف وبدو يقعد يغير من اسلوبه فاالمحاضرة عشان هادا فلان وهادا علان مع العلم انو التنقل بين الأساليب في المحاضرة الوحدة أمر صعب

غياب طلبة خانيونس عن محاضراتهم في غزة بسبب القصف الاسرائيلي

انتى هيك حكيت السبب وهو الغياب ولا كان ايش لازم يعمل الدكتور لطلبة خانيونس يروح يستشيرهم عكل واحد فبيتو ولا لما تخلص فترة الإمتحانات كلها يجي الطلبة يحكوا بدنا امتحان

لحين حضور طلبة غزة


ممكن تحكيلنا نسبة عدد طلبة غزة بالنسبة لبقية الطلبة من خانيونس هل كانو عدد الطلبة اللي حاضرين كافي لعمل إمتحان يعني هل كان موجود عدد أكبر من النص وما أخدتوا امتحان

يكونوا زي احزاب داخل المحاضرة


مجرد إسقاط نفسي لا أكثر لأن مثل هالأمور بتبين بالدليل لكن مادام ما في دليل فهذا يعتبر إسقاط نفسي خصوصاً واني بشوف الطلبة ما بكونوا عاملين زي هيك

المحاضرة فقط للتصوير وارجاع الدفتر له يقول : الدفتر مش معي , مع صاحبي , نسيتو بالبيت , مستعجل , ما بقدر , وغيره كتير . . . . .


بصراحة انا مريت كتير بهالموقف وكتير بعطي دفتري أو بستعير دفتر من غيري وبرضو مش ملاحظ هالشغلة مع اني مرة اعطيت دفتري لشب ومرت فترة الإمتحان وما رجع الدفتر ومع هيك لما شفتو رجعو وما كان في حزازية ولا حاجة

أتمني انو طلبة وطالبات غزة يرفعوا الحاجز بينهم وبين طلبة خانيونس

اطمئن ليس هناك من حواجز بين الفلسطينيين




طرح جيد يا الأسمر بتمنى ما تكون تضايقت من التعليق

[الأسمر]

موقصة ثقة او تفاعل الحمدلله ثقتي بنفسي عالية

لكن وجدت عامل الواسطة والنحياز عند بعض الدكاترة

والقصة مو شغلتني لحالي شغلت يقيتنا يلي دخلنا القسم لاحظنا هالشي هادا

بعتذر اذا كنت ضايقت أحد ( القلب البرئ )

الموقف صار بيصير كل يوم وبنشوفها وصارت اليوم معنا هادا يلي شجعني اكتر اني اعرض الموضوع مع ان الموضوع جاهز عندي من فترة طويلة

اذا فاضي بتكون يوم فاضي بدي افرجيك مثال حي بيصير بمحاضرتنا فتي المسحيل

انا ما وضعت الموضوع الا لتأكدي ان ما يسمي بالكيل قد زاد عن معياره

[بياض الثلج]

بصراحة شعرت براحة عندما تحدثت عن الموضوع

هدا اهم من كللللللل الكلام اللي حكيته انك تكلمت وطلعت اللي بقلبك هلقيت راح تحس براحة اكبر ويمكن توصل لدرجة انك تتراجع عن اللي قولته

[القيصر]

يسلموو علي موضوعك

بس انا شايف انو ما في اي تحيز

أنا من الوسطي
وأول فصل اروحوا خانيونس هوا هادا الفصل واخذت خانيونس غصبن عني لانو قرب التخرج
لانو ما شاء الله علي مواصلاتها وبحس حالي طالع هجره
المهم ما علينا
ما اظن أنو في تفرقه وغالبا ما بكونوا الطلاب زي بعض يعني الدكتور الي بحسوا مهتم للعلم أكيد بعطيه اهتمام أكتر
واكيد قصة الملخضات هي غالبا حسب الصحبة أو الشله يعني في ناس ما بتعطي ملخصاتها لمين ما كان
وهاي طبيعية البشر ..

يسلموو علي موضوعك مره اخري

[Trust]

وكمان انا من رأي يلي سبقوني
ما بحس بهيك تمييز لا بالمعاملة ولا باي شي تاني
يمكن هالشي انت بتلاحظه متل ما حكيت بقسمك لكن باقي الاقسام ما بعتقد في هيك شي
واعتبر حالك في الجامعة عابر سبيل وما دايق حالك كرمال شغلات مو محرزة
وان شاءلله بتتخرج وبتتوفق يار ب.

[الامبراطور 22]

بشكل عام ما فى هادا الشى

لكن ممكن تلاقى عند دكتور فى الجامعة

ضعيف شخصية او معقد وانت بنيت على انه كل الدكاترة هيك عندهم حزازية


على فكرة حكاية الشلل وكل ناس من منطقة بيكونو مع بعض


هادى طبيعى جدا

يعنى انا مثلا اول ناس باعرفهم هم من نفس مدينتى باكون معهم قاعد


ما فى حزازية ولا حاجة

[القلب البريء]

بعتذر اذا كنت ضايقت أحد ( القلب البرئ )


لا ما في شي ولا يهمك

[سفيرة الاقصى]

السلام عليكم ورحمة الله وبركاته انا بصراحة ما بشوف الكلام هادا لاني انا من غزة وتعاملي مع اهل الجنوب والوسطى اكتر من غزة والدكاترة معظمهم من الجنوب اذن ليش يعملونا احسن منكوا وبعدين ما في حاجز بيني وبين بنات الجنوب ودايما كل دفاتري معهم

[الأسمر]

يا جماعة انا ملاحظ يلي ردوا من غزة ويلي من خانيونس قرا الموضوع وخلص

قيصر القصة مو مبنية علي دكتور واحد كل يوم كنا بنروح فيه الجامعة بنقعد مع بعض وبتسمع مشاكل الطلبة مع الدكاترة من رفح لــ غزة

يعني سالت عند الطلبةوالطالبات نفس القصة في المعاملة

بالنهاية نجد حكمة : كل واحد بــهــالدنيا بياخد نصيبو مو اكتر

[محمد2050]

الكلام اللي قلته ينطبق على بعض طلاب غزة وبعض طلاب الجنوب

يعني الموضوع كله برجع للشخص نفسه ملوش علاقة هاد من وين

يمكن انت ما لاحظت كويس او حكمت من خلال موقف او تنين
او يمكن مش لابس النظارة هههه

تحيتي للجميع :)

[الامير الفلسطيني]

معليش أخي الاسمر أنت تشعر بنوع من أنواع النقص

أخي الكريم لو كان عندك ثقة بنفسك ما حكيت هيك كلام، لأن التحييز اللي بتحكي عنه مش موجود أنا من طلاب غزة وما بشعر تجاه أهل خان يونس إلا كل خير
وبعدين أخي الكريم أحنا المفروض نحكي أهل غزة لأننا نصير نأتي إلى خان يونس أكثر من غزة وبهدله المواصلات والتعب والمصاريف والدكاترة ما عندهم اي تفرق إذا تأخر الطالب

بالعكس أن أشعر أن الدكاترة لا يراعون أحدا من الطلاب إلا من رحم الله

وشكرا

[الأسمر]

اخ لو شفت ردك الصبح لطخيتك بالجامعة اليوم

واخدت فيك مئبد

هادا رايي ومو عند واحد ولا اتنين انت من غزة وين ووين لما بتشرفنا علي خانيونس وبتحس الفرق

رجعوا يحكو نقص ومش عارف شو

يا عمي القصة ما ليها دخل بنقص ثقة نفس ولا شي

ما تفوتو الامور ببعض

[نورا]

زكرتني بكلام قريبتي

هي من غزة و بتدرس في جامعة تانية
فبتقول :
في المحاضرة بنات الجنوب بكونوا عاملين حزب لحالهم !
ولو طلبنا منهم تلخيص أو حاجة بيتحججوا بأي شيء وما بيعطونا

فهالشي بيرجع لطبيعة الشخص نفسه و ما بتقدر تعمم
في ناس ما بتحب تختلط بحدا
على قد اللي بيعرفوهم وأصحابهم وخلص

بعدين القطاع كله على بعضه شبرين
وشعبنا مش ناقص تقسيم علشان نقعد نقول جنوب وشمال
واذا على قصة موعد الامتحانات أكيد حسب الأغلبية


عالعموم انسى و ما تخادش في بالك
المهم انك فشيت غلك وحكيت


وبالاخر أحلى تحية لكل طلبة القطاع أحلى ناس :)

[الأسمر]

تحياتي نورا

انت هيك قلبتيها

وبعدين المعاملة هاي تكونت نتيجة ردة فعل علي افعال بعض الطلبة والطالبات يلي من غزة وانا بالاول ما حكيت كلهم حكيت بعض الطلبة والطالبات وبعض الدكاترة

يعني لما تكون بتحب صديق عزيز وهادا الصديق غدر فيك انت هتسامح وراح يرجع يغدر فيك مرة واتنين وتلاتة
لكن لما تضع له حد وتنهي صداقتك به لان حينها يكون زاد الكيل عند حده

كل واحد فينا له وجهة نظر من منظور مختلف

أتقبل ردودكم بكل احترام

[عيناوي]

كلامك اخي الكريم في منو لكن خليك واقعي اشوي

هذي الفئة موجودة سواء كانت بغزة او بخانيونس

انا بصراحة عشت 18 سنىة بره وحاليا انا في خانيونس

احيانا بقعد مع شباب من خانيونس بيصيروا يحكوا على طلاب غزة

واحيانا بقعد مع شباب من غزة بيحكوا على طلاب خانيونس

لكن الحق يقال انا استشعرت التعصب والاقليمية في طلاب غزة اكثر

الاقليمية اخي الكريم منتشرة في اغلب دول العالم لكن بتترسب في عقول فئة "جاهلة"قليلة

الاقليمية عنا بغزة غير منتشرة خاصة في ظل ظهور الاحزاب السياسية من فتح وحماس وووو ...

اما انو دكتور بيميز بين طلاب غزة وخانيونس فانا بصراحه ما عمري شفت او سمعت اشي زي هيك

[غزالة]

اه!!!
قصة الشلل هاد بين الطلاب أو الطالبات..لاحظتها وبشدة!
وقصة إنو الطلاب -خص نص،، لأنو ما نتبهت ع الدكاترة!- قصة إنهم بيعتبروا حالهم أهل العلم والذكاء والزوق والتطور والتحضر....
وأولاد الجنوب رفح وخان يونس ...كأنهم جايين من زريبة! شفتها!! وقال شو خان يونس احلى وأنظف ( قصدهم ع الجامعة) بس البنات يلي هناك مش كتير!!! مغصتني هالكلمة! ومعرفتش شو أرد كنا بنص محاضرة ومش جاي عبالي أعلق عليها!( شكلو البنت فكرتني من غزة!)

إجمالاً... هالنظرة بشوفها بشكل عام،، مش بس حكر ع الجامعة والطلاب!
ويكأن... غزة باريس! و الجنوب.. دارفور!
شكلهم نسيو ... إنو كلها غزة،،،، زبالة الأمم بالآخر....( عفوا ع الكلمة،، بس شكلي حامية أنا شوي! بعدين هي الحقيقة!)

ويمكن بل الأكيد.. زي ما حكوا إنو حسب الشخص والناس وكمان حسب الترباية ،، على شو الواحجد مربى بيعمل!
طبعا ... هذا لا يعني... إني بكره حد أو بحقد ع حد،، القصة وجهة نظر،، باشي بيخنق! ليس إلا... :)

و لكم محبتي...
هي ردو الجماعة من الجنوب!:D

[المتمردة]

حاسة فيك اسمر بس يمكن هالشغلة صارت معك عرضية,فعلا كان حظك سيئ وقت الحرب بس المفروض كان فيه مراعاة لالكم وقتها,اهم شي تحاول تخلي دراستك بمكان مححد متلي وغزة اتركها للضرورة مشان رفقاتك يساعدوك لو صار معك شي ,انا الفصل هاد بس نزلت قاعة بحث تخرج ف غزة واتفقت مع الدكتور اني اراجعو فيها بخانيونس والرجال ما عارض وبهيك ارتحت , ربي يرفقك بكل الاحوال,وابدا من جديد وما تعصب

[الأسمر]

غزالة . . . يعجبني الرد الصريح

جاهدة نورتي

هلا بيكم