نافذة خاصة بطلاب وطالبات مختبـر ضـوء

[ساهر]

السلام عليكم ورحمة الله وبركاتـه



طرحت هذه النافذة لتخدم كل طالب و طالبة من ذوي أصحاب مساق ( مختبــر ضــوء ) , حيث سيتم في هذه النافذة كل ما يتعلق بهذه المادة من استفسارات و مناقشات و غيرها ..




لتكون هذه النافذة قادرة على تيسير و فهم هذا المساق من خلالكم , إذ يعتبر كل طالب و طالبة قائد على المساق و بإمكانكم أن تساهموا و لو بالقليل في التيسير في فهم المادة ..

حيث أن التعليم من خلال الطلبة قوي جداً و مفيد لكل طالب و طالبة ..





بانتظار تفاعلكم في هذا الموضوع .




تحيـاتـي :Miho:

[همسات الصمت]

الصراحة المادة اسهل من هيك ما في وترجمة الملزمة كتير سهلة ولزيزة واللي كان ينتبه للدكتور بالشرح وكان يشتغل بالتجارب بنفسه ما بيلاقي اي صعوبة فيها
المهم .... انا ترجمت الملزمة والحمد لله تقريبا فاهمة المادة بس بدي كم سؤال حابة اطرحهم

السؤال الاول: في تجربة تداخل ميكلسون
شو العلاقة بين تحريك مقبض الميكروميتر وبين اختفاء النقاط المضيئة للداخل علي الشاشة البيضاء (انتقال الموجة من هدبة الي اخري )؟
السؤال بصيغة تانية هل اختفاء الاهداب الو علاقة بتحريك المراه M2 باتجاه المراه النصف مفضضة ام لا ؟

السؤال التاني : في تجربة الانكسار في المنشور
لحساب زاوية راس المنشور القانون المكتوب بالملزمة A =( الشعاع المنعكس عن الوجه الاول - الشعاع المنعكس عن الوجه التاني )/2
اما المعيدة شرحتو النا انو نجمعهم ما ننقصهم
وهية شرحتلنا السبب بس المشكلة اي قانون نستخدم بالامتحان ؟

يا ريت توضحولي هالاسئلة؟

[أبو ساجد]

السلام عليكم ورحمة الله وبركاته ...

على حسب كلام الدكتور مجدي حمادة سؤال "الصح " أو "الخطأ " وسؤال "إختر الإجابة الصحيحة" راح يأتي بالعربي ,,,
أما سؤال الحسابي راح يأتي بــ E ... هذا على حسب كلام الدكتور ...




من ناحية التلخيص المادة بالعربي .. الحمد لله المعيدة خلود ما قصرت معانا بارك الله فيهاا وحياها الله :pray:على هذه الخدمة و إن شاء الله لن أنسى لهاا هذاا المعروف الذي عملته معي.. جابت إلنا تلخيص التجارب كلهاا بالعربي ..


وهيني عمال بدرس فيهن ...:dance9bh::dance9bh::dance9bh:

[7ala alward]

والله لا انا ولا موسى ولا سامر عندو اي نماذج للامتحانات كل ما في القصة انو فهمنا التجارب كويس يعني قعدنا مع بعض احنا الثلاثة وفهمناهم كويس هادد كل ما في القصة ولقينا انو المادة لا اسهل ولا اروع من هيك يعني جد حرام ما ينجاب فيها علامة حلوة

الله يوفقكو


جابت إلنا تلخيص التجارب كلهاا بالعربي ..
هادي هي الان اللي في الموضوع يعني

ان شا الله موفقين


لحساب زاوية راس المنشور القانون المكتوب بالملزمة A =( الشعاع المنعكس عن الوجه الاول - الشعاع المنعكس عن الوجه التاني )/2

هلوقت مو مهم طرح ولا جمع المهم تفهمي ليش بنعمل هيك (لأنو حسب حسابك للزاويه التانيه بتشوفي تطرحي ولا تجمعي)

أول شي نحن بنمشي يمين وهيك بتكون عندي أول زاويه (هاي الزاويه مشيناها من الصفر لليمين يعني بتطلع زاويه صغيره أقل من 50)

تاني شي بنمشي يسار وهيك بتكون عندي تاني زاويه ( على الوجه التاني) طبعا هاي الزاويه مشيناها من عند الزاويه الأولى ورجعنا للصفر ووصلنالها بتلطلع الزاويه على السكيل في حدود 300 وشيء

طيب نحن هاي الزاويه ما بتلزمني بدي احسب الزاويه اللي بدياها وهي اللي مشيها من الصفر الى ال300 واشي
بنشوف كم مشي
بعدين بتجمعيه للزاويه الأولى وبتقسميه على 2

طبعا اذا ما فهمتي بنزلك ورقه برسمه للسكيل بس بآخر النهار

[7ala alward]

لسؤال بصيغة تانية هل اختفاء الاهداب الو علاقة بتحريك المراه M2 باتجاه المراه النصف مفضضة ام لا ؟

أولا المرآه مو هي اللي نصف مفضضه
في عندي عدسه هي اللي شبه مفضضه وتعمل على اخراج الأشعه متوازيه

تانيا اللي بنحركها ام 1 مش 2
ام2 ثابته

اكيد الها سبب
لانو بتحريك ام 1 بتتغير المسافه وبالتالي بتأثر في القانون (ناسيه شو هو القانون بس بتأثر ههه)

ان شا الله هيك صح

[همسات الصمت]

السؤال الاول فهمتوا ..شكرا كتيرر الك
بالنسبة للسؤال التاني ؟

المرآه مو هي اللي نصف مفضضه


اه صحيح بعرف انها عدسة مش مراه بس مع السرعة


تانيا اللي بنحركها ام 1 مش 2
ام2 ثابته



بس بالملزمة مكتوب غير هيك ... مكتوب بالملزمة انه اذا تحركت المراه M2 باتجاه العدسة نصف المفضضة A باستخدام مقبض الميكروميتر فان الاهداب تختفي الي الداخل عن مجال الرؤية ... واذا تحركت M2 مسافة (لمظة /2) فانه يتم النتقال من هدبة الي اخري
انا هادا اللي فهمتو من الملزمة
علي العموم انا اللي بدي اياه انو المراه الها علاقة ام لا؟ وانتي وضحتي هالشي

مشكورة كتير علي التوضيح

[7ala alward]

التمس منكي العذر همسات الصمت

التبس علي الأمر رح أوضحلك (خطأ بسيط من عندي)

بالنسبه للتجربه اللي أخدناها مش اللي بالملزمه(لأنو اللي بالملزمه فيها زياده الرسمه عن اللي اخدناه في الواقع)

التجربه عباره عن مرآتين

وبلاتس(ما بعرف شو ترجمتو بس الدكتور حكا عنو مرآه) هاد البلاتس مائل بزاويه 45 درجه وهو الشبه مفضض
طبعا هاد البلاتس يعمل على تمرير 1.5 من الأشعه الى ام2 و النصف الأخر الى ام 1 بعد هيك المرآتين تعكسان الأشعه ويتم تجميعها من خلال البلاتس وعكسها على الحائل اللي بظهرلنا ياها على هيئة حلقات

وكمان عدسه (تعمل على جعل الأشعه اللي تصل الى البلاتس(A) متوازيه

هلوقت المايكروميتر متصل مع المرآه1 ومن خلاله يتم تحريكها والحصول على المسافه d( اللي هي تعتبر المسافه بين المراه 1 والمراه 2)

بالنسبه لسؤالك رح اذكرك انتي كيف كنتي تعملي التجربه
كنا نعد حلقات صح؟؟ كنا كل ما نحرك المايكروميتر نشوف حلقات معتمه ومضيئه وكنا نعد الحلقات المضيئه صح؟؟

هلوقت في التجربه اخدنا قيم معينه للn (عدد الهدبات المضيئه) كنا نعد متلا 40 هدبه مضيئه مع تحريك المايكروميتر(يعني تغيير المسافه بين ام1 وام2)

ونكمل عدد الهدبات ل60 وناخد المسافه تاني
وعملنا جدول ورسمنا علاقه بيانيه بين المسافه وعدد الهدبات

وحسبنا الطول الموجي عباره عن ضعف الميل

ملاحظه صغيره /
حتى تحدث تجربة ميكلسون وحتى تظهر الأشعه على هيئة حلقات لا بد ان تكون المراه الاولى والتانيه متعامدات
واذا لم يكونا متعامدات تظهر الهدبات على هيئة منحنيات أو خطوط

طبعا أنا حكيتلك التجربه اللي عملناها واللي حكاه الدكتور بالنظري
ان شا الله أكون أوفيت بالموضوع واستفدتي:)

[7ala alward]

علل /

في تجربة تداخل ميكلسون كان يظهر على الحائل التداخل على هيئة حلقات

بينما عند استخدام مرآة لويتس حصلنا على تداخل على هيئة خطوط؟؟؟

السبب
انو في ميكلسون المرآتين متعامدتين وحصلنا على التداخل من مصدرين وهميين (من خلال المرآتين)

لكن في مرآة لويتس حصلنا على مصدر وهمي من مصدر حقيقي

هيك التعليل صح ولا خطأ؟؟!!

[المجروح]

والله لو جاب الدكتور من اسئله الدوسي ه والله لنكبد فيها ( حسبنا الله ونعم الوكيل )

[nour al3ilm]

عنجد مكبرين القصه

هي الدوسيه كم ورقه!!

سهله ..وأسهل من مختبر فيزيا 1

توكلو على الله بس..

[همسات الصمت]

انو في ميكلسون المرآتين متعامدتين وحصلنا على التداخل من مصدرين وهميين (من خلال المرآتين)


تظهر الاهداب علي شكل حلقات مضيئة ومعتمة لانو المراتين متعامدتين اما بالنسبة للمصادر انا اللي بعرفو انو المصدرين مش وهميين ... في مصدر حقيقي ومصدر كوهيري
فما بعرف ازا هالمعلومة اللي عندي صح ولا لا ؟

لكن في مرآة لويتس حصلنا على مصدر وهمي من مصدر حقيقي

شو بتقصدي بمراة لويتس ؟

[عاشقة الكيميائى]

تظهر حلقات دائرية لان m1 ,m2 متعامدتين بينما تظهر خطوط او منحنيات لانهم غير متعامدين
على ذمة الاستاذة خلود الله يسعدها
والله اعلى واعلم

[مصطفى]

علل /

في تجربة تداخل ميكلسون كان يظهر على الحائل التداخل على هيئة حلقات

بينما عند استخدام مرآة لويتس حصلنا على تداخل على هيئة خطوط؟؟؟

السبب
انو في ميكلسون المرآتين متعامدتين وحصلنا على التداخل من مصدرين وهميين (من خلال المرآتين)

لكن في مرآة لويتس حصلنا على مصدر وهمي من مصدر حقيقي

هيك التعليل صح ولا خطأ؟؟!!

بالنسبة لتجربة ميكلسون بيظهر التداخل كحلقات مشان m1 و m2 متعامدات يعني لما الاشعة بتطلع من المراتين ما بكونن باتجاه واحد
اما بتجربة مراة لويتس بكون الشعاع طالع من مصدرين لهما نفس الاتجاه
يعني من الاخر في تجربة مكيلسون بكون في زاوية بين الاشعة اما في مراة لويتس بكونن بنفس الاتجاه

[أبو ساجد]

السلام عليكم ورحمة الله وبركاته ..
يا إخوة بدي أستفسر عن هذه الشغلة في تجربة محزوزة الحيود ..
الطول الموجيd sin0 =m

المطلوب قيمة d كيف بدي أعوض عنهاااا .. وأرجو الإفادة بسرعة ..

[الطبيعة]

المطلوب قيمة d كيف بدي أعوض عنهاااا .. وأرجو الإفادة بسرعة ..

d هى المسافة بين الشقوق او الحزوز فى المحزوزة (معكوس عدد الخطوط او الشقوق )

اذا علمنا عدد الشقوق خلال مسافة ما يمكن ايجاد d

مثال اذا كا لدينا محزوزة حيود بها 600 شق خلال 1 سم

فإن d تساوى 1 مقسوم على 600 (600 / 1 )

[ا. أيمن]

اسمحوا لي
علي ما اذكر انه في سؤال عن كيفية قراءة الميكروميتر
والسؤال الحسابي عن تجربة8
وكمان اجالنا سؤال عن المقارنة بين حلقات الاجهزة واشكالها
وكمان سؤال مقارنة بين العدسات وطبيعة الصور اللي بتنتج عنها0
وان شاء الله ان تذكرت اسالة تانية راح اكتبها0
انتظرونا000000000000

[همسات الصمت]

كيف الامتحان يا جماعة :dance9bh:؟؟؟؟
انا بالنسبة الي الحمد لله كان كتير سهل وحلو بس الصراحة غير متوقع.... ما توقعت تطلع الاسئلة هيك شرح ومقارنات واسئلة كتير هيك .....بس الحمد لله علي كل اشي

:pray:بتمني للجميع التوفيق ويا رب الكل يجيب علامات عالية :Miho::fr.s:

[مصطفى]

لا الحمد لله الامتحان لا اسهل ولا احلى من هيك انا شو حكيت الي بيفهم التجارب والاجهزة كويس رح يكبد بالامتحان
الحمد لله الامتحان كان في متناول المواطن محدود الدخل يعني الي درس رح يجيب درجة حلوة
بالتوفيق

[medhat]

اكيد درجة حلوة ؟؟؟ وبالذات بعد اللي تخوفنا منه صار
وجاب نفس امتحان الفصل الماضي

وطلبنا النموذج من الشباب ولاكن لا احد يريد المساعدة هذا ما اعتدنا عليه ...
( بعد ما كان الواحد ناوي على ال 90 هالوقت بقول يلا يلا 70 وانحرق يا خريج ... )

باختصار ( اللي جاب الامتحان جاوب كويس . . . واللي لحق المحاضرات وجاب ملازم طويلة عريضة كانت قصته على التوتة )

[7ala alward]

معقول:blink:


ايه اللي أنا شايفه ده:blink::-o

[مصطفى]

اكيد درجة حلوة ؟؟؟ وبالذات بعد اللي تخوفنا منه صار
وجاب نفس امتحان الفصل الماضي

وطلبنا النموذج من الشباب ولاكن لا احد يريد المساعدة هذا ما اعتدنا عليه ...
( بعد ما كان الواحد ناوي على ال 90 هالوقت بقول يلا يلا 70 وانحرق يا خريج ... )

باختصار ( اللي جاب الامتحان جاوب كويس . . . واللي لحق المحاضرات وجاب ملازم طويلة عريضة كانت قصته على التوتة )

يا عمي الامتحان كان سهل كتير يعني الي درس مش الي كان معاه الامتحان اعتبر يا سيدي انو ما في نماذج بس المشكلة انو احنا بنحب كل شي يكون على الجاهز
هي انا والشباب تعون الفيزياء ولا واحد كان معو اي نموذج للامتحان والحمد لله كلهم خبصوا وانا اجت معي هيك توفيق من ربنا ههههههه
انا شايف انو الي فهم التجارب ودرس بيجيب درجة حلوة بكررها

[7ala alward]

هو صحيح ما كان معكو نماذج

بس كان معكو رصيد ادخار من ناس تانيه (عرأيك دخل اضافي )


اني واي

الله يوفق الجميع

والحمد لله قدمنا مليح

[مصطفى]

هو صحيح ما كان معكو نماذج

بس كان معكو رصيد ادخار من ناس تانيه (عرأيك دخل اضافي )


اني واي

الله يوفق الجميع

والحمد لله قدمنا مليح


بالنسبة لهاي النقطة احنا صحيح كان معنا تلخيص من الاستاذة خلود واحنا الي طلبنا منها انها تعمللنا تلخيص للمادة والتلخيص ما جهز الا يوم الثلاثاء بالليل وجابتو الاربع حتى انا قلتلها ليه ما اديتي البنات التلخيص حكتلي انو ولا وحدة طلبت مني تلخيص للمادة بس هي كل الحكاية يعني انتو لو طلبتو منها ما اظن انها كانت رح تقصر معكو

[الدكتور عمر]

مساء الخير للجميع

ممكن نعرف وين موجودة ملزمة مختبر الضوء ...... بالعربي يعني متوفرة بمكتبة الجامعة

وبالنسبة للامتحانات ادا حد من الاعضاء موجودة معه ياريت ما يبخل علينا وينزلها هان بالمنتدي

وجزاكم الله عنا كل خير

[nona3]

بتمنى
اي حدا عندو او عندها
الملزمة تعت المختبر الي بالعربي اعطتها المعيدة في الفصل الي فات
يساعدني فيها , بنصورها وبنرجعها ..
لانو مش فاهمة راسي من رجليا مع الانجليزي
ومع الشغل الي بالمختبر
.
.
.

[رآسم البسمه]

يا ريت الي عنده ترجمة للملزمة المختبر يفيدنا ويكسب اجر فينا والي بعرف كيف نمط الامتحان يحكيلنا

[nour al3ilm]

بالنسبة للامتحان من فهمك للضوء بشكل عام

واهتمي بتلخيص الدكتور...يعني هو بشرحلكو الاربع تجارب نظري بعدين بلحق الاربعه التانيين..

اهتمي بيلي بيحكيه كله..
\\موفقة\\

[لحن القمر]

الله يوفق الكل بهالمادة

[الوردة البيضاء]

يالله شو هادا

الحكاية ساعة


وبعدين ها الفصل كان تقسيم العلامات منيح

التقارير ماخدةجزء كبير من الدرجات


دوشتووووونا ...انا حاسوب وماخداها معادلة جد اللى مش خاي بخاف من كلامكو




مووووووووفقين يارب... بس انتو ادرسو اعملو اللى عليكم

[بنت_]

السلام عليكم انا طالبه جديدة اليوم سجلت بس بدى اعدل التعليل
هوا فى تجربه ميكلسون المرآتين متعامدتين لهيك ظهرت الهدبات على شكل حلقات لكن فى تجربه لويتس كانت الهدبات على شكل خطوط لانو استخدمنا عدسه واحده بس انا مش متأكده من التعليل وكمان مش مقتنعة بأي كلام لهلأ حد يرد بسررررررررررررررررعه

[بنت_]

الملزمه اللى بالعربى موجودة بمكتبه الطالب بغزة اللى مقابل الجامعه

[بنت_]

انا معى الملزمه بس مافيها اسئله؟

[بنت_]

بالنسبه للملزمه موجودة بمكتبه الجامعه بغزة

[حنان الروح]

طيب الامتحان الساعة كم