لماذا هذا يا هذا

[فتى المستحيل]

كيفكم يا أعضاء منتدانا الغالي بتمنى تكونوا بخير كلكو

زي ما انتو عارفين أنا دايماً بحاول بكل جهدي إني الخطأ اللى بشوفوا فجامعتنا بحاول أصلحوا بما استطعت من قدرات خصوصاً المشاكل اللى بتعرضولها الشباب واللى بعتقد إلها تأثير على نشاطهم فالجامعة

المهم قبل فترة عملو ا فالحرازين مؤتمر بعنوان "مشاكل الطلبة بين الطالب والمسئول"

وطبعا أنا أول ما سمعت إنو مؤتمر بناقش مشاكل الطلاب حضرت حالي وجهزت أوراقي والكلام

اللى حيكون والمشاكل اللى بعانوا منها الشباب فالجامعة

وبصراحة كنت متحمس إني أناقش المسئولين واحاورهم عن مشكلاتنا كطلاب جامعة

وكانت الدعوة عامة وبمشاركة جمعية الوداد للتأهيل المجتمعي

فلما أجي اليوم اللى حيعملوا فيه المؤتمر وكان يوم طالبات

رحت على االجامعة وانا متحمس جداً بصراحة لأنها أول مرة نشوف مسئولين عن الجامعة بناقشوا الطلاب

خصوصاً بعد ما راح مجلس الطلبة المهم إني وصلت الحرازين وبدي أدخل

لهو النواطير بتوقفني وبتقولي ممنوع تدخل

أنا حكيتلو أنا رايح عالمؤتمر

حكالي لا ممنوع المؤتمر للطالبات بس

حكيتلو الدعوة عامة مش للطالبات بس

حكالي الإدارة نوهت علينا إنو المؤتمر للطالبات فقط

أنا بصراحة فقعت وما عدت أحتمل بالمرة فحاولت إني أتفاهم معاه لكنهم رفضوا

المهم أنا ما هديت ورحت على مؤسسة الوداد للمرة الأولى وانا معصب عالآخر والجو كان شتى يومها وبرد لكن لهيب النار داخلي خلاني أشعر بالحر وأنا لما انفعل علطول العرق بغطيني

فلما رحت عالمؤسسة بهادي الحال أنا مش عارف شو حكوا عني خصوصاً إني كنت منفعل وتكلمت بطريقة الغاضب فحكولي الشباب إنو الدعوة كانت عامة للطلاب والطالبات لكن الإدارة _..... كلام حذفه مقص الرقابة_ بعد ان تم تجهيز المؤتمر وقبل عمله قالت أنهاترفض وجود الطلاب
فقلت لهم كيف يمكنكم الرضى بذلك فأجابني أن الأدراة قالت ذلك في اللحظة الأخيرة ولم يكن في مقدورهم النقاش في ذلك الامر لذلك إضطروا لقبول ذلك الأمر المجحف

الموضوع ليس هنا المهم بعد ذلك وفي اليوم التالي أقسمت أن أقابل أحد المسئولين الكبار لكي أوضح له وجهة نظري

وفكرت في أحدهم وكنت أعتقد أنه يفهمني لأنني من قبل تحدثت معه في أمر وفهم ما أريد

ففكرت أن أقابله أو أعطيه ليقرأ الشعر اللى كتبتو واللى بعنوان "شكوى تنتظر الوصول "

ورحتلو عالإدارة فالطابق التالت فالحرازين فوق

وحاولت أقابله لكن كان عليه كتير إجتماعات ومع إني بعرفوا وسلم علية لكن ما قدرت أقابلو فنزلت حزين وحسيت بالإحباط التام
لكني شفت ابنو للمسئول هادا وابنو بصراحة صاحبي وبعرفو من مدة والدكتور نفسو أخدت معاه مادة من قبل والمادة هاي كنت من المتفوقين فيها وكنت أناقش الدكتور نفسو

فعشان هيك الدكتور عرفني وتعرفت على ابنو

المهم فهداك اليوم شفت ابنو فكل الكلام اللى كنت بدي أحكيه لأبوه حكيتلو ياه واعطيتو الورقة المكتوب فيها الشعر فحكالي إنو حيوصلو كلامي وحيعطيلو الورقة يقراها

وفعلاً تاني يوم أنا كنت فخانيونس ورحت هناك ولما كنت مروح شفت ابنو للدكتور هادا معنا فالباص فسئلتو شو صار فحكالي كلام بصراحة خلاني أكره كوني شب حكالي إنو والدو مع إنو مشغول ومش فاضي
نزل يشوف مشاكل الطلبة فخانيونس بنفسو يسأل الطلبة شو عندهم مشاكل وكان جواب الطلبة كلهم والحمد لله مخزي
وكل المشاكل اللى كانت بتواجههم هية الكفتيريا وسعر السندوتشات

وما حدا تكلم عن المكتبة اللى الكتب فيها ما بيرضى الموظفين يخلو الطلاب يستعيروها وبخلو الطالبات ياخدوا اللى بدهم إياه

ولا تكلموا عن المؤتمرات اللى دايماً بتكو ن فأيام الطالبات وما بيرضو يخلو الطلبة يحضروها

ونسيو إنو المساحة اللى قاعدين فيها فخانيونس بتشبه السجن وما حدا بلاقي قاعة وحدة فاضية يعرف يقعد فيها

ونسيو كل الدبان اللى بملي القاعات الدراسية
ونسيو جداولهم اللى ما فيها دوام أكتر من نص الأسبوع تلاتا وخميس وسبت وجمعة أجازة

نسيو كل هادا وحطوا همهم على بطنهم قال إيش الكفتيريا وسعر السندويشات

وانا بصراحة إنخزيت جداً وحلفت إني مش حعمل حاجة للطلاب ولا أحاول إني أساعدهم لأانهم بصراحة بيستحقوا كل اللى بصير فيهم

لكن الدكتور وضع حل لمشكلة الكفتيريا اللى تكلموا عنها الطلبة وهو إنو يعملو معرشين كمان بحيطوا فيها عشان تكفي عدد الطلاب وبصراحة الدكتور ما قصر لكن الطلاب هما اللى بيخزوا وبصراحة أنا إنخزيت قدام ابن الدكتور بجدارة يعني هو جاي ومفضي حالو الدكتور عشان يشوف بس مشكلة الكفتيريا !!!!!!!!

بصراحة أنا إنخزيت من الشباب لدرجة إني أقسمتإنو اللى بصير فيهم بيستحقوه

[سراج الليل]

بصراحة شي مخجل الي عملووه
اخس عليهم كل هاد عشان ياكلوا كويس
ان شاء الله ما عمرهم اكلوا
شوهاد يا
والله بدك الصراحة وليش تعب حالك عشان ناس ما بيستاهلوا
ريح حالك احسلك

[فتى المستحيل]

ما شاء الله قرأتي الموضوع قراءة سريعة تسلمي سراج
والله بدك الصراحة وليش تعب حالك عشان ناس ما بيستاهلوا
ريح حالك احسلك
مهو المشكلة إني ما بتعب حالي عشانهم غير لأني واحد منهم يعني بحس باللي ما بحسوه وما بدي يصير جلدة مخي تقيلة وزيهم ما بتأثر يعني لازمأعمل حاجة ولو انهم ما بستاهلو

[**HaMaDa**]

هم لما بينحازو للطالبات في بعض الامور . . . هالاشي اكيد مش من فراغ . . .

انما هو من تقصير الشباب . . . والتفاتهم لسفاسف الامور . . .

فعلا أمر مُخزي . . .

الله يصلح حالنا . . .

يعطيكـ العافية عبد . . . ان شاء الله تعبك كلو . . بميزان حسناتك . . .

احتراماتي . . .

[سراج الليل]

مهو المشكلة إني ما بتعب حالي عشانهم غير لأني واحد منهم يعني بحس باللي ما بحسوه وما بدي يصير جلدة مخي تقيلة وزيهم ما بتأثر يعني لازمأعمل حاجة ولو انهم ما بستاهلو

علي فكرة والله ما بستاهلوا
ولو بدك تحكي راح يقولو ويحكوا والله لغير يدهورنا ومن هالكلام
وانت احكي عن نفسك وخلص
وتعال هان مين الي راح اصلا في الجامعة يسمعك
لا اعتقد انه في حد بيسمعنا
ولا بيقدر مشاكلنا
وماشاء الله باين عليك شخصيتك قوية
هههههههههههههه

[دموع السماء]

والله يافتى المستحيل اذا الواحد بدو يعمل معروف ويستنى الناس هل هى تستحق او لا تستحق والجواب بيكون هى لاتستحق كان ماحد عمل مع التانى معروف ولكن المعاملة تبقى مع الله وحده وطالما احنا حاسين انه فى شى بده تغير بنحكى ومابيهمنا حد المهم نكون واثقين انه المشكلة راح تنحل ونتوكل ع الله اما نقعد نحكى مابيستاهلوا وبيخزوا مابيمشى الحال لازم نغير للافضل منه الواحد بيستفيد وغيره بيستفيد ياعمى بيجى يوم يدعونا انت لازم كان كملت الشى الى بلشت فيه وما اهتميت فى حد بيستاهل او لا ولكن احيانا الواحد مش بايده بتوتر يالله لعله خير

موفق ياابنى

[طيف]

هههههه

دايما الناس عنا بيفكرو ببطونهم وبس :blink:

يلا ربنا يفرجها .. وما تندم على خير اعملته
لانه حرصك على الطلاب واهتمامك بمصالحهم أكيد رح يكون ان شا الله بميزان حسناتك :pray:

[القيصر]

علي قولت هل المثل اذا امتلئت البطون اتشغلت العقول
بجد امر مخزي

[بياض الثلج]

شر البلية ما يضحك

بالفعل والله بلاقي حق الشباب مهضوم عنا بالجامعة كتيرررررررر

بس بردو هما مش مدورين على حقوقهم وايد وحدة لحالها ما بتصفق المفروض جميع الطلاب يتحدوا مع بعضهم ويطلبوا اشياء معينة من الجامعة توفرلهم اياها
قاعدين بندور عالاكل والشرب هدا اللي هاممنا من كل الدنيا

على فكرة يافتى المستحيل في بعض البنات تفكيرهم وفكرهم محدود زي بعض الشباب يعني مش بعاد عنكو كتير

انت اعمل الخير ورميه بالبحر

[عيناوي]

انا بصراحة اتشرفت بمقابلة الدكتور في جامعة البحر

وبصراحة انا طرحت عليه قضية مهمة بالنسبة لنا وهي الاعترافات خاصة بكلية الادارة والتمويل

وطمني وحكالي ان الكلية معترف فيها

وصاحبي الله يسامحو لخمو بقصة الكافتيريا مع انها مش مستاهلة

بس ما شاء الله عليه دكتور محترم وجدا وبيساعد

[لانا]

ههههههه
ولا تزعل حاكل . .لانه تافهين وما بيسو. .
احيانا بدك تحرق حالك علشان غيرك و, ,وغيرك مش فارقة معاه هههه

معلشهاد درس لإلك . .وعيش يا عبد وتعلم هه

[محمد2050]

اعتقد يومها لما قابلتك انا وبركات وكنت بحالة مأساوية .. صح ؟

عموما جامعتنا للاسف (زبالة) معلش عالتعبير بس هي فعلا هيك

وانا شخصيا بحياتي كلها ما ندمت على شئ غير دخولي لهالجامعة

فعلا بستحقرها بكل ما فيها

وبالنسبة لموضوعك ما تحط اللوم عالشباب
زي ما في شباب متخلفين في شباب فهمانين
وزي ما في بنات فهمانين في بنات متخلفين

بس الادارة كتير متحيزة
وكل الموظفين بالجامعه متحيزين للبنات مش شئ جديد

بكفي نقلة الشباب ع خانيونس المقرفة الي كلها دبان (مقرفة تعود على مبني الجامعه)
والبنات الهم حرية الاختيار وبنزلولهم خمسين شعبه
واحنا شعبة او تنتين بالكتير

يارب اعيش لما اشوف الجامعه مُبادة عن بكره ابيها ..
:mad:

[فتى المستحيل]

انما هو من تقصير الشباب . . . والتفاتهم لسفاسف الامور . . .

أنت أصبت كبد الحقيقة تسلم عالرد المواسي


وتعال هان مين الي راح اصلا في الجامعة يسمعك
لا اعتقد انه في حد بيسمعنا

أنا متأكد إنو في ناس كتير بتسمع لو وجدت العقول والعدد الكافي منها يطالبون بأشياء منطقية لكن مادامت هذه العقول ظلت في سبات وخمول فلن نجد من يدافع عنا ولن تهتم بنا الإدارة مطلقاً وشكراً سراج على المتابعة

والله يافتى المستحيل اذا الواحد بدو يعمل معروف ويستنى الناس هل هى تستحق او لا تستحق والجواب بيكون هى لاتستحق كان ماحد عمل مع التانى معروف ولكن المعاملة تبقى مع الله وحده وطالما احنا حاسين انه فى شى بده تغير بنحكى ومابيهمنا حد المهم نكون واثقين انه المشكلة راح تنحل ونتوكل ع الله اما نقعد نحكى مابيستاهلوا وبيخزوا مابيمشى الحال لازم نغير للافضل منه الواحد بيستفيد وغيره بيستفيد ياعمى بيجى يوم يدعونا انت لازم كان كملت الشى الى بلشت فيه وما اهتميت فى حد بيستاهل او لا ولكن احيانا الواحد مش بايده بتوتر يالله لعله خير

كلامك كويس يا دموع بس لازم تعرفي إنو يد واحدة لا تصفق أنا لوحدي مش ممكن أكون شيء بدون بقية الشباب والعقول وكما يقول هيجل الإنسان الذي يعمل منفرداً كالسيارة بلا رقم

وتسلمي على مشاركتك

لانه حرصك على الطلاب واهتمامك بمصالحهم أكيد رح يكون ان شا الله بميزان حسناتك

يا رب يسمع منك
تسلمي طيف عالمواساة


علي قولت هل المثل اذا امتلئت البطون اتشغلت العقول
بجد امر مخزي

المشكلة يا قيصر إنو اللى بيسمع إنو في حصار ما بصدق كلامك من وين تمتلئ البطون
وشكراً على المشاركة كشاب



انت اعمل الخير ورميه بالبحر

وشو استفدنا واستفاد بقية الشباب وانتي ذكرتي ايد وحدة لا تصفق

شكراً عالمشاركة



بس ما شاء الله عليه دكتور محترم وجدا وبيساعد

شكراً يا عيناوي أظهرت الوجه الطيب كنت أتمنى من عدد أكبر من الطلاب أن يتحدثوا بامور مهمة مثلك

تحياتي على المشاركة وبالنسبة للدكتور فهو نائب رئيس الجامعة للشئون الإدارية يعني بيطلع فإيدو يعمل حاجات كتير


معلشهاد درس لإلك . .وعيش يا عبد وتعلم هه

المشكلة إني عنيد ولسة في عندي وسيلة ضغط عالجامعة بدي أنفذها بس برضو محتاج مساعدة الشباب

لكن وسيلة الضغط هادي حعلن عنها لقدام شوية
تسلمي لانا عالمواساة والمشاركة
اعتقد يومها لما قابلتك انا وبركات وكنت بحالة مأساوية .. صح ؟

آه هو هاداك اليوم كنت قرفان حالي

بس الادارة كتير متحيزة
وكل الموظفين بالجامعه متحيزين للبنات مش شئ جديد


بدك الصدق هما دايماً بيحكولنا ردين أنا بديت أقتنع فيهم
الأول إنو عدد الطالبات أكبر من عدد الطلاب -وهادا مش مقتنع فيه-
التاني إنو الطلاب ويين ماترميهم بيرضو -وهادا اللى غايظني -

والبنات الهم حرية الاختيار وبنزلولهم خمسين شعبه
واحنا شعبة او تنتين بالكتير



البنت لما بدها تفتح شعبة بتكون هية مع 10 من صحباتها مختارين المادة وكلهم بروحوا مع بعض عالمكان وبتفقوا كلهم على شيء واحد

وتعال شوف الطلاب لما بدهم يفتحوا شعبة كل واحد بقعد يكلم حالو ويحي لحالو بدي أفتح شعبة وبروح عالمكان الخطأ يشوف وهو متردد وبسهولة ممكن الموظف يطردوا لانو وحيد

وهاي بعض الفروق بين أعمال الطلاب فجامعتنا وبقية الجامعات مع العلم إنو ما في مجلس طلبة عنا وهادا هو اللى مأثر علينا

بس مشاركتك مواساة لي في حد ذاتها تسلم يا محمد

[همسة احساس]

مهو أغلبية شباب اليوم بدورو على الأكل والفرفشة
والضحك وبس لا بدهم علم ولا بطيخ

[فتى المستحيل]

بس برضو شو ذنب الطلاب اللى بدوروا عالعلم إنهم يتعاقبوا الأصل إنو الحسنة تعمم والسيئة تخصص مش زي ما الإدارة بتعمل فينا السيئة تعمم والحسنة تخصص

[taqwa]

والله في ناس ما بتستاهل التعب ....
والله يعطيك ألف عافية ... بس ما تندم ع خير عملتو ....

[دمعة تائبة]

بصراحة معك حق في كل كلمة حكيتها
ربنا يعينك فتى
واحسن شي اعمل اللي بيرضي ربك وضميرك و
وما تستنا من حد المكأفاة غير من رب العالمين :)

[sawa7sawa7]

موضوعك استثارني للرد عليه مع اني لم ارد من فترة ليست بالقصيرة
جامعة ازفت من الزفت
لسه الكليات المتوسطة اللي بتاخد من 40% فما أقل بيفهموا أكتر منهم
نظام اداري كلاسيكي متعفن ثابت لا يتحرك الا اذا كان لك واسطة
دكاترة و كأن الواحد فيهم مخبوط على رأسه لا عارف شو بيعطي و لا وين بده يصل في المنهج و مسيبها للتساهيل
أمن و يا سلام على الامن خصوصا تبعين خانيونس قمة قلة الذوق و قلة الادب طبعا بتعليمات من الادارة
كل الادارة في خانيونس ما بدها غير اعدام
الادارة في غزة أفضل بمليون مرة من خانيونس
مع انه طول عمري عايش في خانيونس لكن لمن اروح على جامعة البحر اصاب بالضغط من كمية عدم الاحترام و الاستهتار بالطلاب الموظفين الهم خاطر يخلو الشباب يمسحوا كنادرهم

[صمت الرحيل]

اذا بتسمحلي بس حابة اعلق شوي علي كلامك

فلما أجي اليوم اللى حيعملوا فيه المؤتمر وكان يوم طالبات

يعني انت شكواك انه دائما المؤتمات بتنعمل ايام البنات وانا بحكيلك نفس الحكي اغلب المؤتمرات بتنعمل بالحرازين ايام الشباب
شوف انا وجموعة كنا ناويين نروح نحضر مناقشة للدكتوراة للدكتورة سحر السمك كانت في الحرازين واحنا رياضة وما سمحولنا نفوت الامن ايشي بيقهر

بالنسبة للمشاكل رح نبدي فيها
الكافتيريا والسندويشات والله اني بكره ادخلها من كتر غلاها كتير مرتفعة فيها الاسعار

وما حدا تكلم عن المكتبة اللى الكتب فيها ما بيرضى الموظفين يخلو الطلاب يستعيروها وبخلو الطالبات ياخدوا اللى بدهم إياه
بالنسبة للمكتبة الموظفات اللي فيها انا عني بكره اطلب طلب منهن لانه بجد هن مو جيات للشغل وكمل انت ط
بالنسة للاستعارة عادي الكل بستعير
بس بالنسبة الكم كطلاب انه ما بيرضوا هيني بسمع منك بفس الوقت بايدك الحل شوف مجموعة منكو ورحوا للدكتور معين
خليه يقف معكم وتحركوا اعملوا شي ما تروح لواحد معدله 65 والتاني 60 وتسأله شو مدايقك بالجامعة

ونسيو إنو المساحة اللى قاعدين فيها فخانيونس بتشبه السجن وما حدا بلاقي قاعة وحدة فاضية يعرف يقعد فيها
انا الفصل اللي فات اول مرة ادخل خانيونس وبكرهها من هان للسما يعني كانت المساحة صغيرة كبيرة ما بتفرق ادعي انشاللهبتخلص وبتنتهي القصة
بالنسبة للدبان احنا مسميونه دبان خانيونس اللي بيلزق خاص ما شفت منه في غزة والله بحياتي
ونسيو جداولهم اللى ما فيها دوام أكتر من نص الأسبوع تلاتا وخميس وسبت وجمعة أجازة
هلقيت بالنسبة للجداول مو عاجبك تكون قاعد الخميس والجمعة والسبت
والله انك بتتبطر عالنعمة
انا لمن كنت اقدر اني اعمل يوم فاضي بالاسبوع كنت احكي جدولي تمام كيف بتفكر انت
بالعكس اموركوا ميسرة اكتر من نحن كطالبات

وبتيجوا الادارة منحازة للطالبات الجامعة كلها منحازة للطالبات وين الانحياز؟؟؟؟؟؟؟؟
بس الادارة كتير متحيزة
وكل الموظفين بالجامعه متحيزين للبنات مش شئ جديد

شو يعني بيعملولنا بحطولنا درجات زيادة ولا شو بيعملوا وبالنسبة للخانيونس بعينكوا الله بتتحملوا
تحيتي وعالفكرة انا كنت حاقدة عالجامعة والادارة والدكاترة والقسم اكتر منكو
بس هلقيت انا خلصت بس ضايل درجتين الي وانهي
صدقوا رح تحسوه كله ماضي مش هالاهمية
تحياتي

[كفورية بحدود]

كل هالقد معبايين على البنات

طيب هلأ بتسمعو مني انتو او لا

طبعا لا

المهم راح احكيلكم الصدق والنظرة اللي بجد

اولا : التحيز للبنات طبعا واضح وابكون فشارة ازا باحكي غير هيك
السبب:تعا شوف مناظر البنات اللي بتروح توقف على شبالك المالية ولا مكتب القبول والتسجيل بتفهم مبداأ التحيز


ثانيا : قصة المؤتمرات بوقت الصبايا
هادا برضو واضح جداً واحنا اصلا صرنا نزهق
السبب : الشباب حطهم بالدخان والمسخرة بوقت المؤتمرات .....يعني انا مرة وحدة بحياتي قربت جهة المؤتمرات كان يومها حفلة ل (س) من الاحزاب السياسية قلت بدي اتفرج وقفت والله العظيم من الباب الخلفي ومادخلت جوة
وقعدت اتفرج ....ناس غبية مش جاية تحتفل او حتى تسمع للحكي اللي بينقال ....ناس جاية بتصور بالبنات وبتضحك وبتنخز وبتتنيل
ومعاااااااااااااااااااتيه
لهيك الادارة وقفت وجود الشباب بوقت المؤتمرات
وطبعا كلمة الحق بتنقال .....البنات مابيخلوش اشي من شرهم .....يعني شفت مناظر بنات بيكون متل قردة شيتا بوقت غير المؤتمرات المشتركة ...وبوقت المؤتمرات بيصيروا جمالهم متل هيوفة

ووجودك يافتى بين الشباب اعتقد انك ناااااااااااااااادر مابينهم
لانو الشب وكمااااان البنت (الا من رحم ربي) مابيصدقو يصير اختلاط عشان يعملو العجب (كانو فش بنات ولا شباب بالشارع)
حسبي الله ونعم الوكيل على الغباء

نيجي لقصة التفاهة

انا احكيلك رايي ومن بعدو صار عندي فكر انو الموتمرات كلها مابتزبط لهيك جامعة

هادا بفترة مانقلو الفنية على خانيونس كنا قاعدين قبال الموتمرات المهم اجو اكم من نففففففففر من الفنية وقالولنا لو سمحتو بدنا اياكم بس تيجو تدعمو راينا بانو الفنية تضلها بغزة
اطلعت فيه للولد وباحكيلو : بس احنا مش فنية
قلنا مش مهم المهم العدد
قلنا مش خسرانين حرام ....وكمان اخويا فنية يعني بالاول والاخير الفايدة عنا

المهم رحنا على الموتمر
وبلش
واجى نائب رئيس الجامعة للشئون الادارية والمالية وكبشات
وصارو يسمعو للطلاب والطالبات (اللي كل واحد فيهم بيتهابل شكل ....اشي بابا بيخاف عليا ...واشي فلوس المواصلات ....واشي انا البوي فريند تاعي من غزة يعني مااهشوفو بخانيونس )
المهم باخر الحكي وقف واحد مابعرف مين هو من المسئولين وحكى اعملو اللي بدكم اياه قرار النقل تصادق عليه ...وماراح نلغيه عشان اعذار تافهة



بقى شو بدك بوجعة هالراس
الله يقطع الكفرة

مرة تانية

قصة انو الشباب تافهين(طبعا ولاد وبنات الا من رحم ربي) هي الحافز الاول والحجة الاهم للمسئولين

لهيك روق راسك من كل هالقصص
واصلا لو انا جامعة بني ادمين كان في النا مجلس طلبة
او بلاش
كان عملو النا حفلات تخرج زي البني ادمين
اي ازا البوليتكنيك بتعمل حفلات تخرج بالكراج هههههههههههههههههه

روق يامستر فتى

[محمد2050]

البنت لما بدها تفتح شعبة بتكون هية مع 10 من صحباتها مختارين المادة وكلهم بروحوا مع بعض عالمكان وبتفقوا كلهم على شيء واحد

وتعال شوف الطلاب لما بدهم يفتحوا شعبة كل واحد بقعد يكلم حالو ويحي لحالو بدي أفتح شعبة وبروح عالمكان الخطأ يشوف وهو متردد وبسهولة ممكن الموظف يطردوا لانو وحيد
مين قلك ،،
لسه الفصل هاد جبنا 15 طالب نصهم خريجين ومتفقين ع شئ واحد
قعدو يلقفونا من واحد للتاني وكل واحد يحكي مش من عنا المشكله
وبالاخر رفضو ..

شو يعني بيعملولنا بحطولنا درجات زيادة ولا شو
اه واكتر ..
ونقلا على لسان دكتور
بقلي مرة بنت اجت تعيطلي علشان علامتها مش نافعه
قلتلها خلص اسكتي وهي علامة كاملة ..

[صمت الرحيل]

اه واكتر ..
ونقلا على لسان دكتور
بقلي مرة بنت اجت تعيطلي علشان علامتها مش نافعه
قلتلها خلص اسكتي وهي علامة كاملة


شوف اول شغلة لمن تحكي ما تعمم
ايش يعني اه واكتر فهمني اياها والله ما فهمت
كمان لمن تيجي تسأل ودور بالجامعة روح عالاقسام اللي بتدرس مش بتلعب
يمكن عنا الدكتور حسام حاطط للبنت 100 مسكرة
تحيتي

[فتى المستحيل]

تقوى ودمعة تائبة شكراً على مشاركتكما

سواح شكلك فقعان وزي ما الكل بيحكي مادام في طالبات كويسات وطلاب كويسين مع إنو العموم هو الأسوأ فإن هذا التعميم لا بد وأن ينطبق على الإدارة لذلك لو بدنا نسب عليهم من هنا للصبح وما كان للشباب دور مميز ووقفة جادة في مطالبهم المنطقية فحتى لو كان هناك إداريين طيبين لن يفعلوا لنا شيئاً لأننا فرادى كما ذكرت سابقاً


التعليق على كلام دلوعة فلسطين كلامها (1) :
يعني انت شكواك انه دائما المؤتمات بتنعمل ايام البنات وانا بحكيلك نفس الحكي اغلب المؤتمرات بتنعمل بالحرازين ايام الشباب

خلينا نحسبها بشكل منطقي كم يوم دوام عندكوا فالحرازين ؟ يعني عدد أيام دوامكوا فالحرازين أكبر من عدد أيام دوامنا هناك طيب خصوصاً وانكوا بتداومواهناك أحد وتلاتا وخميس احنا دوامنا هناك اتنين واربعا فقط صح( 1)

لو بدهم يعملو مؤتمر ثقافي عام في أحد أيام الأسبوع فإن عدد إحتمالات كون هذا المؤتمر في أيام الطالبات حيكون أكبر من عدد إحتمالات عمله في أيام الطلاب والسبب زي ما ذكرت أيام دوامكوا هناك أكبر من أيام دوامنا( 2)

لو قلنا إنو الإدارة متحيزة دائماً للطالابات بسبب العدد -كما تدعي الإدارة- فإننا نستنتج أن عدد المؤتمرات التي تقام ايام الطالبات أكبر من عدد المؤتمرات التي تقام أيام الطلاب والإدارة بس بتعمل مناقشة رسائل الماجستير رفعاً للعتب
التعليق( 2):
بالنسة للاستعارة عادي الكل بستعير


أنا ما بحكي عن مكتبة غزة لأنو الكتب اللى فيها لا ترقى إلى ما نريد الوصول إليه وانما أتحدث عن مكتبة خانيونس حيث يوجد قسم كامل فيها كل الكتب الموجودة في هذا القسم مكتوب عليها من الخلف ممنوع الإستعارة وكلما حاولنا أن نستعير كتاب منها رفض الموظفون ذلك بحجة أنها ممنوعة من الإستعارة مع العلم أن تلك الكتب مكتوب عليها اسماء طالبات استعرن هذه الكتب من قبل ويمكنك الذهاب لتلك المكتبة وذلك القسم من الكتب في خانيونس وهو قسم يتحدث عن موضوعات مهمة تهم كل إنسان يحاول أن يحفظ أمنه الشخصي

شوف مجموعة منكو ورحوا للدكتور معين
بتمنى توضحي مين هو الدكتور معين ووين بنلاقيه موجود ومعلومات عنو أكتر عشان أحاول أتوجهلو



انا الفصل اللي فات اول مرة ادخل خانيونس وبكرهها من هان للسما يعني كانت المساحة صغيرة كبيرة ما بتفرق ادعي انشاللهبتخلص وبتنتهي القصة


هادا كلامك كفتاة لها الكثير من المساحة لتتحرك بها ولها الكثير من القاعات التي والحدائق الخضراء التي تحيط بمكان الدراسة فماذا أقول انا كطالب حيث لا يوجد لنا منذ ال8 صباحاً حتى 12 ولا مكان نتوجه له حتى الأقسام نمنع من دخولها يعني حتى مبنى h لا نمتلك في تلك اللحظات سوى نصفه أليس هذا سجن أليس له تأثير على مستوى التحصيل لدينا

والله انك بتتبطر عالنعمة
حكيتلك إنك مش حاسة باللى بنعانيه إحنا الطلاب يعني هل من المريح أن ناخد كومة من المحاضرات تمتد من 8 إلى ال4 العصر بلا وقت فراغ واحد بين المحاضرات هذا أحد مساوئ هذا النظام بالإضافة إلى كم التعارضات التي يجب علينا تسجيلها حتى نستطيع ان نتم المواد التي ندرسها في الموعد المحدد كومة تعارضات في 18 ساعة لسنا كالطالبات التي تسجل أقل واحدة فيهن 21 ساعة لكي تنتهي من هذه الجامعة
وهناك المزيد من المساوئ لهذه الإجازات التي تأكل الأسبوع

شو يعني بيعملولنا بحطولنا درجات زيادة ولا شو بيعملوا وبالنسبة للخانيونس بعينكوا الله بتتحملوا

أنا قرأت الكلام اللى حكتو كفورية ولو قرأتيه انتي حتعرفي شو معنى التحيز للطالبات بس خليني أحكيلك كام شغلة بالنسبة لهالموضوع :
المؤتمرات بعتقد حكينا عنها بالنسبة للطالبات وهية بعتبرها رقم 1
ثانياً الدرجات زي ما حكى محمد وحكيتي انتي بنفسك خصوصاً وانكو شواذ عندكوا اللى بيرسب بالمادة
ثالثاً الطالبات لهن الحق في فتح شعب في أي مكان وأي زمان بينما الطلاب محرومون من ذلك والحجة عند الإدارة هي العدد مع أنني صرت أعتبرها حجة سيئة

أنا حكمل ردي بعدين خايف الكهرب لتقطع وبشكر كل اللى ردوا

[صمت الرحيل]

بالنسبة للدوام والاحتمالات اللي عملتها صحيحة 100 % بس انا بحكيلك برضوا عن مناقشة الدكتوراة كانت في دوامكوا ومنعوا نفوت وانا كان بجد نفسي احضرها وما حضرتها هاد نفس الشي اللي صار معك

بالنسبة لمكتبة خانيونس انا بجد ما بعرف بس اذا بتقدر خد موعد من الدكتور ايمن صبح وروح اله واحكيله
اكيد رح يسمعلك

الدوام بالنسبة الي اداوم من 8-5 ولا اجي تاني يوم منشان محاضرة
خانيونس بعين الله عليها
بالنسبة للطالبات وفتح الشعب ررح احكيلك شو صار معنا الفصل اللي فات منشان الطالبات وقت ما بدهن بفتحن شعبة
كنا حوالي 25 بنت 12 خريجات الفصل هاد الللي خلص طلبنا من الدكور حسام الزعلان
الدكتور ايمن صبح الدكتور اسعد اسعد يفتحولنا شعبة للجبر الحديث في غزة جميعهم رفضوا
طلعونا احنا البنات من غزة والشمال وبيت حانون لخانيونس ناخد المادة 3 ساعات متواصلة في يوم الخميس
شو بدك اكتر من هيك ولمعلومتك انه احنا اللي طلعنا علي خانيونس الطالبات المتفوقات في القسم
بالنسبة للدرجات حكتلك دور عالاقسام اللي بتدرس وبتتعب مش جاي تتسلي
تحيتي للجميع وكلامي مجرد رأي بخصني

[كفورية بحدود]

ع شو موجعين روسكم

التحيز بجامعتنا للبنات بجانب الحكي اللي انا حكيتو برضو بيكون الو مبررو

يعني انا بنت لما اروح احكي لرئيس القسم بدي افتح شعبة وطبعا تطلع روحي ويوافقلي
وفي المقابل يجيلو شب ونفس الطلب ويرفض رئيس القسم
لانو بيعرف انو الشب مابتفرق عنو
البنت بتفرق عنها

يعني هلا انا من غزة اهلي مابيرضو غير بالطوارئ اطلع على خانيونس
اما الشب مابتفرق عندو

وهادا بحد زاتو حجة

بعدين

المؤتمرات
اللي بيعمل مؤتمر بيكون حاطط ببالو مسبقا انو البنات ماراح يجيو كتير على الموتمر وحتى ياللي راح يجو ماراح يعملو وجعة راس
اما لو بيوم شباب
اولا مااااااحد راح يجي
وتانيا اللي راح يجي راح يجي ينكش راس
الا من رحم ربي


وهادا كمان بحد ذاتو حجة



باختصار (الك واسطة بتسووووووووق ...مالك عوضك ع الله :))

[غزالة]

كافتيريا!
العمى طب جيب الساندويش معك من الدار!
قدر الله حرصك ...
لكن خسارة ! بجد طلع خسارة!

[سراج الليل]

بدكوا الصراحة ياجماعة
مع احترامي للبنات ومعني انا بنت
الشباب مظلومين
لانه الشباب ما بيعرفوا يصيحوا ويدلعوا علي الدكاترة ويحكوا كلام معسول وحلو وهدا طبعا كله بعتبره قلة حيا
وطبعا معظم الدكاترة بيكيفوا علي البنت الملعة
المايصة
اما الشباب لما بدهم شي ما بيروحوا يتمايصوا مع الدكاترة لهيك الدكاترة ما بيسمعوهم وبيقعدوا يزعقوا فيهم
وطبعا اهم شي الي عندها واسطة
هادي اكيد ما بترسب باي مادة
وبتلاقي دايما علاماتها حلوات كتيررررررررررررررررر
استغفر الله
بعين الله يا جماعة
والله بدكوا الصراحة بعض البنات ومظلومات

وكذلك الشباب مظلومين
طبعا انا قصدي البنات المحترمات الي عندهن كل شي جد مش مسخرة ولعب
تحيتي

[ابتهال]

هههههالله الناجح ناجح وافالح فالح ما بدو واسطة ولا ما يحزنون وليش نحرج حالنا وليش ما نجيب علمات وما نلجا للدلع وما بعرف شو

[فتى المستحيل]

حتى فهالموضوع هادا مشاركات الطالبات أكتر من مشاركات الشباب (1)
الطبالبات حضراتهم حولو موضوع النقاش عن الموضوع الأصلي _يعني انتقلتو من الحديث عن ظلم الإدارة للشباب بشكل عام إلى الحديث عن موضوع الدرجات وآخر مشاركة بتدل على هيك - (2)

من 1و2 الطالبات بيقنعوا الإدارة والمدرسين بمطالبهم من خلال الدوران حول الموضوع واستخدام كثرة العدد


أنا حبدا بالرد على التعليقات تعليق تعليق وفالنهاية بدنا نستنتج الموضوع بشكل كامل

ونستهل برد دلوعة فلسطين

[سراج الليل]

بدكوا اشي يا جماعة
الظلم وين ما كان
وخلص هادي اخر الكلام
وخلص

[فتى المستحيل]

بالنسبة للدوام والاحتمالات اللي عملتها صحيحة 100 % بس انا بحكيلك برضوا عن مناقشة الدكتوراة كانت في دوامكوا ومنعوا نفوت وانا كان بجد نفسي احضرها وما حضرتها هاد نفس الشي اللي صار معك


طيب هادا معناه إنك عانيتي من بعض اللى عانيناه وشاهدتي الظلم اللى واقع علينا وطبعاً أنا حكيت غنو الإدارة بتعمل بعض المؤتمرات فأيام الطلاب رفعاً للعتب فقط وليس حرصاً منهم على مساواة المؤتمرات التي تعقد في أيام الطلبة بالمؤتمرات التي تعقد أيام الطالبات

بالنسبة لمكتبة خانيونس انا بجد ما بعرف بس اذا بتقدر خد موعد من الدكتور ايمن صبح وروح اله واحكيله
اكيد رح يسمعلك

هاي ردي كتبتي شو صار معي لما رحت أشوف د. أيمن صبح :
[فقط الأعضاء المسجلين والمفعلين يمكنهم رؤية الوصلات] %C3

الدوام بالنسبة الي اداوم من 8-5 ولا اجي تاني يوم منشان محاضرة
خانيونس بعين الله عليها

لو كانت منشان إنو يكون محاضرات يوم كامل كان مشيناها لكن المشكلة إنو الطالب صار من ضيق الوقت يسجل تعارضات كتير

بالنسبة للطالبات وفتح الشعب ررح احكيلك شو صار معنا الفصل اللي فات منشان الطالبات وقت ما بدهن بفتحن شعبة
كنا حوالي 25 بنت 12 خريجات الفصل هاد الللي خلص طلبنا من الدكور حسام الزعلان
الدكتور ايمن صبح الدكتور اسعد اسعد يفتحولنا شعبة للجبر الحديث في غزة جميعهم رفضوا
طلعونا احنا البنات من غزة والشمال وبيت حانون لخانيونس ناخد المادة 3 ساعات متواصلة في يوم الخميس

برضو الإدارة عملت هيك رفعاً للعتب عشان ما يجي حدا من الطلاب ويحكيلهم إنو كذا وكذا يعني بتفتحوا شعب للطالبات وللطلاب لأ يعني إنتو كنتو كبش الفداء لرفع العتب الله يعينكوا

بالنسبة للدرجات حكتلك دور عالاقسام اللي بتدرس وبتتعب مش جاي تتسلي
تحيتي للجميع وكلامي مجرد رأي بخصني

مين حكى إني جاي أتسلى أنا حكيت غني بدي فقط موازنة في المعاملة


تحيتي للجميع وكلامي مجرد رأي بخصني

طبعاً فالإختلاف في الرأي لا يفسد الود في القضية



الرد على كلام كفورية :

ع شو موجعين روسكم

التحيز بجامعتنا للبنات بجانب الحكي اللي انا حكيتو برضو بيكون الو مبررو


يعني هلا انا من غزة اهلي مابيرضو غير بالطوارئ اطلع على خانيونس
اما الشب مابتفرق عندو

ليش ما بتفرق يعني البنات عراسهم ريشة طيب ما التعب من الطريق ساعة رايح وساعة جاي ثم إنو البنات بكونوا قاعدين فاضيين
حاسس الكهرب حتقطع بكمل بقية الردود بعدين

[محمد2050]

شوف اول شغلة لمن تحكي ما تعمم
لا بدي اعمم واشمل الكل ،، شو رايك !

ايش يعني اه واكتر فهمني اياها والله ما فهمت
مش مشكلتي انك مش فاهمة ..

كمان لمن تيجي تسأل ودور بالجامعة روح عالاقسام اللي بتدرس مش بتلعب
انا بنظري كل الجامعة زباالة من جهة التدريس
بعدين كلامي بشمل الاقسام الي بتدرس والي بتلعب ويمكن الي بتدرس اكتر ..


بعدين راجعي كلامك الي قبل مشاركتي ،،
لما قلتي
شو يعني بيعملولنا بحطولنا درجات زيادة ولا شو
وانا رديت عليك وجبتلك موقف
رحتي تلفي عن الموضوع وتعملي قصة ..
اصلا النقاش معك عقيم ..
وقبل هيك قلتلك مشاركاتي تعلقيش عليها ..
مش جديد عليكم يا بنات حوا ..

[فتى المستحيل]

بس تعليق بسيط على رد سراج الليل

الموضوع وصَّل المطلوب الأساسي منو وكل هادي المجادلات سفسطة بيننا معشر الشباب -طلاب وطالبات- ليرى فالنهاية كلاً منا أنه القادر على الإقناع أكثر من غيره يعني كل كلامنا بعد رد كفورية الأول هو سفسطة فقط وليس يحقق أي شيء في الواقع لأن الواقع واضح ولا يحتاج لكثير من الكلام لكن البعض يهوى إستعراض كلامياته فجاريتهم على سبيل المداراة والمجاراة ومشان هيك بعتقد زيادة الكلام نوع من التطويل إلا إذا كان هناك نقطة لم تفهم في الموضوع وتحتاج لشرح

[سراج الليل]

اكيد زي ما حكيت
وبعتقد انه لازم يغلق الموضوع حتي لايكون هناك كلام ما اله داعي انه ينحكي
بتمني انه يغلق الموضوع
تحيتي

[كفورية بحدود]

فتى المستحيل
ان شاء الله بتكون اخر الشغلات اللي بتدايقك

مدير
روق وهدي اعصابك
اصلا الجامعة كلها بتستاهلش

سراج الليل
نورتي الموضوع
بس برضو هدي انتي كمان



الموضوع مغلق لانتهاء صلاحيته وبداية المشاكل
كفورية بحدود