مشاهدة النسخة كاملة : عندك أي استفسار على أي دكتور أو على أي مادة بالرياضيات فوت هون واستفسر .
FULLA
17-02-2010, 12:41 PM
السلام عليكم ورحمة الله وبركاته
Trust : كل عضو حابب يستفسر عن أي شي يستفسر بهالموضوع وما يكتب موضوع جديد .
وهلأ راح نكون مع استفسار فلة :
كــــــــــــــــــــــــــيفكم يا جماعة
انا من طالبات سنة اولى حابة اسأل عن دكتور جمال شامية انا منزلة معو ميكانيكا 1
ومين احسن هو ولا اماني المصري في الميكانيكا
وكمان جبر خطي اخدها مع جمال شامية ولا اسامة العبسي؟؟؟؟
وكيف مادةميكانيكا1 وجبر خطي 1؟؟؟؟
بلييييييز تردو علي وتساعدوني:pray:
دمعة تائبة
17-02-2010, 01:16 PM
انا أخدت مادة ميكانيكا 1 مع دكتورة اماني وما شالله عنها منيحة بالشرح كتير وبالعلامات كمان
واذا ممكن استفسر : كيف دكتور هشام حرب في الشرح ؟! لأنو منزلة معه الفصل هاد ؟!
FULLA
17-02-2010, 02:37 PM
بارك الله فيكي يا دمعة
كفورية بحدود
17-02-2010, 02:39 PM
بدك نصيحتي
ازا بدك تفهمي المادة وماتنامي بالمحاضرة
ابعدي عن الدكتور جمال مع احترامي الو :)
سراج الليل
17-02-2010, 03:11 PM
اول شي الميكانيكا مادة سهلة وحلوة
انا اخدتها مع الدكتور حسام
واماني كويسة كتيررررررررررررررررررررر بالشرح
الدكتور جمال بدك تكوني مصحصحة معهاه في المحاضرة
ادا ماصحصحتي ما بتجيبي علامات معه
اما الجبر خديها مع جمال احسن بكتيرررررررررررررررررر من العبسي
وبالتوفيق
FULLA
17-02-2010, 03:21 PM
يسلمووووووووو كتير يا سراج
خلاص حتوكل على الله واخد مع جمال
دمعة تائبة
17-02-2010, 03:22 PM
اذا ممكن استفسر : كيف دكتور هشام حرب في الشرح ؟! لأنو منزلة معه الفصل هاد ؟!
سراج الليل
17-02-2010, 03:55 PM
والله يا دموعة انا لسة ما اخدتها المادة
بس صحباتي حكولي مش غاد غاد بالشرح
بس الله اعلم
اقصاويه
17-02-2010, 04:20 PM
دكتور هشام كويس لكن لازم يكون معك تلخيص مرتب من قبل لانو مع احترامي الو بخربط الدنيا على اللوح...
انا بدي استفسر عن الدكتور محمد السلطان؟؟
مرحبا ..
بالنسبة للمادتين ميكانيكا 1 وجبر خطى ..
من اسهل مواد التخصص ..بس فى دكاترة بيقلبوها وبيخلوها صعبة
وخاصة بالجبر الخطى ..الله يسامحو دكتور رياض ما اعطانا حقنا ..
اما بالنسبة لمادة ميكانيكا 1 الدكتورة امانى احسنهم على الاطلاق ..
وامتحاناتها من التلخيص ..انا جبت معها 96 ..
والدكتورة بصراحة منيحة كتير ..
بالنسبة للدكتور اسامة العبسي ..ازا مضطرة خدى معاه غير هيك ما بنصح ..
بالنسبة للدكتور هشام ...انا شخصيا ما بعرف عنو شي ؟؟
موفقين ..
FULLA
17-02-2010, 08:20 PM
مشكووووووور يا كرستيانو
والله البنات خوفوني كتير من مادة الميكانيكا بس ان شاء الله حخدها
دمعة تائبة
17-02-2010, 08:24 PM
انا سمعت عن دكتور هشام انو منيح ؟
ياريت حد يفيدني بهالموضوع ؟!
في انتظاركم
FULLA
18-02-2010, 05:41 PM
طيب بقدر اخد 3 تخصصات/ تفاضل2 وميكانيكا1 وجبر خطي 1
الكل بقلي صعب عليكي وبصراحة انا محتارة بفكر اسحب الميكانيكا؟؟؟؟؟؟؟؟؟
شو رايكم بتمنى تساعدوني
STOP ANA TOP
18-02-2010, 07:25 PM
كيف ال د. سحر السمك في تفاضل وتكامل 2 وهل بتنصحوني اخدها معها
ألحان الحرية
18-02-2010, 08:37 PM
كيف ال د. سحر السمك في تفاضل وتكامل 2
وهل بتنصحوني اخدها معها
خدي معها وانت مغمضة عنيك ،، صراحة مافي متلها
بالتوفيق ..
جامعة الأقصى
19-02-2010, 03:00 AM
دكتورة أمانى ما عليها كلام أنا منزل معها ميكانيكا 1 كنصيحة توكل على مع الدكتورة أمانى أما بالنسبة للعبسى فأنسى ما تنزلى معه لأنوا من الآخر 60 فقط لا غير سواء درستى ولا ما درستى .
Trust
19-02-2010, 10:06 AM
بسم الله الرحمن الرحيم
بالنسبة للجبر الخطي هو د. جمال شامية باعتقادي أفضل من د. أسامة العبسي
المشكلة بالدكتور جمال صوته واطي كتير وخطه صغير وكتير عنده برود لكن امتحاناتو منيحة ومن التلخيص
بس اذا لقيت علاماتك مو متل ما متوقع بكون الدكتور نسي يصلحلك سؤال لأنه الدكتور جمال من الدكاترة يلي بنسوا يصلحو اسئلة .
اما بالنسبة لميكانيكا 1 المادة مو سهلة ولا صعبة
اولها سهلة ومنيحة لكن اخرها عن الاحداثيات القطبية ولااسطوانية والكروية وبدها تركيز وانتباه
والدكتور حسام بيشرحها كتير منيح لكن امتحانو بكون طويل كالعادة .
الدكتورة أماني معروفة بأنه شرحها منيح وعلاماتها كمان منيحة
وبما انو المادة نازلة مع الدكتورة اماني وجمال فأنا بنصحك تاخديها مع الدكتورة أماني لانها متمكنة من المادة اكثر .
طيب بقدر اخد 3 تخصصات/ تفاضل2 وميكانيكا1 وجبر خطي 1
ضروري تاخدي تفاضل 2 لانو اهم من الميكانيكا والجبر لانو التفاضل بترتب عليه مواد كتير واذا ما اخدتيها راح تتأخري
فانت اهم شي تاخدي تفاضل 2 وبعدها فيكي تاخدي الجبر الخطي لانو سهل كتير
بينما الميكانيكا اذا انت حاسة ما بتقدري توفقي بين المواد يلي معك ومواد التخصص فبامكانك تاخدي الميكانيكا بفصل تاني لانو ما بترتب عليها الا ميكانيكا 2
بس سؤال انت أساليب ولا تعليم ؟!
جنرال العاصفة
19-02-2010, 10:48 AM
انا من رأي انك تأخذي مادة المكانيكا مع الدكتورة / اماني المصري
وبقول انك تبعدي عن الدكتور/ العبسي؟؟؟؟؟؟؟؟؟؟؟؟
وتقبلي تحياتي
FULLA
19-02-2010, 05:23 PM
انا اساليب
وبعدين في كتير قالولي عن العبسي مش كويس والفصل اللي فات كانت معي مبادئ رياضيات معه وجبت96
المصيبة اني مش لاقية ولا مادة مواعيدها بتزبط على جدولي عشان هيك بد اسجل الميكانيكا وسمعت انو تفاضل 2 صعب وبدو تركيز هي والميكانيكا
مرااام
25-02-2010, 01:56 PM
معقول اخدتي مع العبسي 96 غريبة كتيييييييير
والله انا اخدت بالستين وبفكر اعيدها مع د.سحر
انا بدي استفسر عن الدكتور محمد السلطان؟؟
استفسري عنو بالقسم المناسب
هون بس استفسار عن دكاترة الرياضيات لا غير
امة الله
25-02-2010, 07:01 PM
بدي ارد على استفسار دمعة تائبة
الدكتور هشام منيح في العلامات بس مش اكتير في الشرح
اعتمدي على نفسك في المادة
خدي معاه وتوكلي على الله
احلى ملاك
08-03-2010, 10:47 PM
بخصوص الدكتورة
سحر كتير منيحة
وبخصوص الدكتور هشام
انا اخدت معو هندسة
الفصل الماضي وجبت 96
كتير منيح يمكن شوي الشرح
بالمحاضرة بكون مش مرتب
بس امتحاناتو حلوة وعلاماتو كتير حلوة
اما بالنسبة لمادة ميكانيكا 1 الدكتورة امانى احسنهم على الاطلاق
ما في كلام بعد هيك عن المس أماني المصري
تح ــــــــــــياتي:
Trust
10-03-2010, 12:08 PM
ملاحظة للجميع :
هالموضوع راح يكون مفتوح لجميع الأعضاء للاستفسار عن أي دكتور بقسم الرياضيات
وممنوع أي عضو ينزل موضوع مستقل عن هادا الموضوع كرمال يستفسر عن دكتور أو مادة .
صدى الأحزاااان
14-03-2010, 07:46 AM
كيف الاستاذ احمد الاشقر
الجنة املي
14-03-2010, 01:38 PM
السلام عليكم
اولا الميكانيكا متل ما حكوا الاخوة مع اماني كتير حلوة
وانا مسجلها الفصل هدا معها
موفق بإذن الله ... لك مني أجمل تحية .
الجنة املي
14-03-2010, 01:41 PM
لو تكرمتوا انا بدي استفسر عن الكتورة تغريد نصر في مادة الاحتمالات
ارحو انو تفيدوني
آلم ـتمردده
14-03-2010, 08:11 PM
سحر السماك وامانى المصرى الواحد بياخد معاهم وهو مغمض عيونو
شرح ما شاء الله عليهم وكمان علمات
انا اخدت مع هشام حرب الفصل الفاتت اخدتت 88 مخربط الاستاذ شرحو من لشمال لليمين يا دوب تفهمى بس الامتحان سهل من شرحو
Trust
16-03-2010, 12:08 PM
كيف الاستاذ احمد الاشقر
الدكتور أحمد من أحسن دكاترة القسم
نظامو بالمحاضرات : تلخيص عالسبورة وبيعطي المحاضرة كاملة
امتحاناتو : بتراعي جميع مستويات الطلبة وفي كم لا بأس به من الاسئلة بتكون من اسئلة المناقشة .
تصليح الامتحانات : يلي بكتب صح مستحيل يحطلو غلط , على قد ما بتكتب بتاخد .
ساعاته المكتبية : بتلاقي بالمكتب وملتزم وأي سؤال مستعد يجاوبه لالك ويعيدو كذا مرة لتفهمي .
معاملتو مع الطلبة .:كتير منيحة .
بالنسبة للدكتورة تغريد نصر بتلاقي الرد على استفسارك هون :[فقط الأعضاء المسجلين والمفعلين يمكنهم رؤية الوصلات]
انين الروح
17-03-2010, 04:41 PM
انا بدي اسال مين افضل اخد مع الدكتور احمد الاشقر او الدكتور عبد الكريم ناجى
فى مادة التحليل المركب والجبر الحديت
وكمان بدي اسال هو التبولوجي بس بنزل فصل اول؟؟
وبالنسبه للغة الحاسوب انا سنه تالته ولهلا مااخدتها وعامله الى تعارض مع كل المواد وبدي اخلص ب3 ونص بنفع اخدها فصل اول السنه الجايه مع تخصص الحاسوب
ياريت تفيدونى لانى كتييير مشوشه ومو عارفه اسجل جدولى
مع العلم انا بس باقى الي 30 ساعه مع الفصل هاد
Trust
17-03-2010, 04:49 PM
انا بدي اسال مين افضل اخد مع الدكتور احمد الاشقر او الدكتور عبد الكريم ناجى
فى مادة التحليل المركب والجبر الحديت
بالنسبة الي الدكتور عبد الكريم أفضل من ناحية الشرح لكن امتحاناتو دقيقة ,, نظامو متل نظام الدكتور حسام الزعلان
بصراحة أنا بفضل الدكتور أحمد عن الدكتور عبد الكريم ولو أنا مكانك بسجل مع الدكتور أحمد لأنو مع الدكتور أحمد بتضمني تجيبي فوق 80 .
وكمان بدي اسال هو التبولوجي بس بنزل فصل اول؟؟
التبولوجي بينزل فصل ثاني فقط وما بنزل فصل أول .
بالنسبة للغة الحاسوب ما بتنزل فصل أول الا فصل تاني
وانت بدك تخلصي ب3 ونص فلازم يعني تاخديها , وكمان مواعيد لغة الحاسوب بتكون كتيرة يعني انت سجليها وبعدين بتصيري تحضري النظري والعملي يلي بناسبك .
هذا رأيي ولك الخيار .
وموفقة يارب .
انين الروح
17-03-2010, 04:55 PM
شكرا الك trust
بدي اسال كمان سؤال ازا ممكن
بالنسبه للمواضيع المختاره مع الدكتور زياد صافى كيف بتكون
وممكن تنزل فصل صيفى؟
Trust
17-03-2010, 05:02 PM
بالنسبة لمواضيع مختارة مع الدكتور زياد هو حكى انه راح يعطي فيها مادة شبه التبولوجي
يعني المادة راح تكون رهيبة جداً .
بالنسبة انو هي بتنزل صيفي أو لا ما بقدر أفيدك بالزبط
لأنو المادة بتنزل فصل اول وثاني كمان لكن انت وقت تفتح الجامعة زوري القسم واسألي هناك بفيدوكي أكثر .
انين الروح
17-03-2010, 05:08 PM
يعنى المواضيع المختاره بتنزل فصل اول مو ضروري اسجلها الفصل هاد؟ الافضل اسجل لغة حاسوب ؟؟؟
لانو انا بدي اتخرج ب3 ونص
معلش غلبتك باستفساراتى كتييير
شكرا الك trust
بدي اسال كمان سؤال ازا ممكن
بالنسبه للمواضيع المختاره مع الدكتور زياد صافى كيف بتكون
وممكن تنزل فصل صيفى؟
المادة مع الدكتور زياد بتكون صعبة ممكن يعطيكو فيها تبولوجي 2 وتحليل حيقي 2 حسب ما حكولي بعض شباب .
وبكفي معك لغة حاسوب وجبر حديث وكومبلكس وتبولوجي
بنصحك ما تسجيها
ممكن الفصل الاول او الصيفي تنزل مع دكتور ثاني او يعادلوها بمادة ثانية بكون أفضل
مثل ما حصل معي الفصل الماضي وعادلوها بفيزياء رياضية وكانت سهلة بانسبة لطلاب الرياضيات وحصلنا على درجات حلوة 0
بالنسبة للمواد الاربعة (لغة حاسوب وجبر حديث وكومبلكس وتبولوجي )
ما بتنزل ا لا فصل ثاني وضروري تسجليهم اذا كنتي خريجة فصل اول
بالنسبة للكاترة انا بفضل الدكتور عبد الكريم صحيح امتخاناته اصعب شوي من د احمد الاشقر
لكن شرحه رائع ومتمكن وبتطلعي فاهمة المادة منيح وامتحااته متوسطة وبراعي بالتصليح .
وبالنهاية القرار برجعلك
بالتوفيق .
انين الروح
17-03-2010, 05:27 PM
شكرا الك حسين
المشكله لو بدي اخد تحليل مركب وجبر مع الدكتور ناجى راح يكون بخانيونس
وبالتالى بتتعارض مع لغة الحاسوب مع دكتور حسام
مابعرف شو راح اعمل؟؟
عالعموم شكرا الكم كتييير
هيمة سالم
17-03-2010, 08:41 PM
شو أعمل بليييييييييز الرد سجلت مادة جبر خطى1 مع العبسى مع انو الفصل الى فات فى مبادئ الرياضيات خربلى العلامة.
Trust
17-03-2010, 08:44 PM
شو أعمل بليييييييييز الرد سجلت مادة جبر خطى1 مع العبسى
يعني شو بدنا نعملك ؟!
القرار بايدك انت يا بتاخد المادة معو يا ما بتاخدها مو مجبور انت
كمان شي انت لساتك سنة أولى فلشو مستعجل ؟!
امشي حسب الخطة أحسن .
FULLA
17-03-2010, 08:54 PM
طيب هي نازلة مع د/جمال شامية بغزة
بعدين صدقني انا اخدت مع العبسي شرحو كان كويس وامتحاناتو سهلة لكن ما بعرف كيف بيعطي الجبر
FULLA
17-03-2010, 08:56 PM
ترست بدي اسأل من وين بقدر اجيب خطة 4 سنين بحيث تكون مقسمة شو اخد بكل فصل
أنا عندي خطة زي اللي على النت بس بدي خطة بتوضحلي كيف اخد المواد بالترتيب
ترست بدي اسأل من وين بقدر اجيب خطة 4 سنين بحيث تكون مقسمة شو اخد بكل فصل
أنا عندي خطة زي اللي على النت بس بدي خطة بتوضحلي كيف اخد المواد بالترتيب
من القسم اطلبي خطة بعطوكي اياها وبتكون مرتبة كل فصل والمواد المفروض تاخديها حتى لا تتاخري بنصحك تمشي عليها خصوصا بمواد التخصص حتى لا تتاخري فيها ويحدث تعارض لقدام اذا ما سجلتيها اما المتطلبات انتي حرة سجلي اللي بدك اياه .بالتوفيق .
Trust
19-03-2010, 02:58 PM
بعتذر لأنه ما رديت عليك يا فلة لأنو عندي التباس بالردود صار .
وهي حسين رد عليك وقام بالواجب .
وان شاءلله موفقة .
FULLA
19-03-2010, 08:27 PM
بارك الله فيك يا حسين
وشكرا الك يا ترست
الله يعطيكم العافية على المجهود الذي تبذلوه
ابو معاذ
19-03-2010, 10:12 PM
السلام عليكم ورحمة الله وبركاتة
هاد اول دخول الي في قسم الرياضيات
بدي اسئل لحتى الان ما نزلو اسم الدكتور الي ماخد تفاضل 1 في خان يونس
ولا مو ملاقيين دكاترة
بس والله كلها على روس الغلابة الطلاب
تسلمو الكم جميعا
Trust
19-03-2010, 10:26 PM
هاد اول دخول الي في قسم الرياضيات
اهلا وسهلا فيك وان شاءلله تستفيد وتفيدنا بنفس الوقت
بدي اسئل لحتى الان ما نزلو اسم الدكتور الي ماخد تفاضل 1 في خان يونس
أكيد لغرض ما , لكن بكل الاحوال يلي بعطوا تفاضل 1 معروفين
فما تقلق بالنهاية راح تفتح الجامعة وراح يجي الدكتور ووقتها بتعرفه ان شاءلله .
لؤلؤه القران
27-03-2010, 06:05 PM
اذا ممكن كيف الدكتور فايق الناعوق والدكتور حسام الزعلان فى لغةالحاسوب
Trust
27-03-2010, 08:34 PM
بسم الله الرحمن الرحيم
بالنسبة للدكتور حسام الزعلان من أفضل دكاترة القسم
وبيعطي لغة الحاسوب بطريقة حلوة كتير بتختلف عن طريقتو بميكانيكا 1 و2
بينما الدكتور فايق بالتحليل العددي ما بشرح شي
فكيف راح يكون بلغة الحاسوب ؟!
بنصحك ما تاخديها معه والاختيار لالك بالاخر .
بينما الدكتور فايق بالتحليل العددي ما بشرح شي
هذا الكلام غير صحيح
انا بصراحة حضرت كل المحاضرات وفهمت منو كثير شغلات بالمادة .
وبصراحة طلعت منها وانا فاهمها منيح .
على كل انا بفضل تسجلي المادة مع الدكتور حسام بتفهميها أكثر لانه شرحه أفضل ونشيط أكثر .
ندوش2
28-03-2010, 06:08 PM
ما في حدا بعرف لغة الحاسوب مع مين نازلة في خانيونس ؟
Trust
28-03-2010, 08:38 PM
هذا الكلام غير صحيح
انا بصراحة حضرت كل المحاضرات وفهمت منو كثير شغلات بالمادة .
وبصراحة طلعت منها وانا فاهمها منيح .
على كل انا بفضل تسجلي المادة مع الدكتور حسام بتفهميها أكثر لانه شرحه أفضل ونشيط أكثر .
بكل الأحوال وقت رديت قلت رأيي مو أكثر وإن كان رأيي بالدكتور فايق مو رأيي لحالي بل رأيي الكثير من طلاب وطالبات الرياضيات والمنتدى بشهد على كلامي
عموما هي حرة تاخد مع مين ما بدها .
بالنسبة لسؤالك ندوش ممكن تشوفي القسم ممكن يفيدك ويخبرك عن اسم الدكتور
الجوكر
28-03-2010, 10:26 PM
كيف الدكتورة تغريد نصر في الامتحانات والعلامات في اسرع وقت
Trust
29-03-2010, 08:22 PM
بسم الله الرحمن الرحيم
بعتقد يا أخي انت صاحب هالموضوع [فقط الأعضاء المسجلين والمفعلين يمكنهم رؤية الوصلات]
فياريت تفوته وتشوف استفسارك فيه .
nona3
03-04-2010, 11:24 PM
ممكن اسال عن دكتور
رياض معمر
الكل بيقول انو علاماتو ستينات وسبعينات
!!!
وانا منزله معو تفاضل وتكامل
1وشايفه شرحو مفهوم وواضح
وشكرا
الدكتور رياض سمعت منيح بتفاضل 1 وفي اخذوا عندو تسعينات وثمانينات
سمعت انو صعب بالمباديء وامتحاناتو صعبة شوي لانو المادة لا تقارن بتفاضل 1
بالنهاية لكل مجتهد نصيب وكل واحد بياخذ حقه ان شاء الله .
salem
07-04-2010, 11:16 PM
السلام عليكم ورحمه الله
الله يخليكم ياااارب ساعدوني انا معي ماده نظريه الاحتمالات مع د.عبد السلام ابوزايده
انا طالب حاسوب بس اضطريت انزلها كماده اختياري بدي مساعدتكم كيف هيي الماده وبشووو تنصحوني
انا خاااااايف منها كتيير لانه كل الي حولي خوفووني:60:
بلييييز ساعدوني
Trust
10-04-2010, 04:14 PM
وعليكم السلام ورحمة الله وبركاته
بالنسبة للمادة سهلة وبسيطة , يعني تابعها أول بأول أكيد راح تفهمها وتجيب علامة منيحة فيها
وبالنسبة للدكتور عبدالسلام معروف انو ما بيعطي كم كبير في الدراسة وامتحاناته متوسطة .
بتمنالك التوفيق .
ابو يزن2010
26-04-2010, 08:09 PM
مساء الخير
بالنسبة امادة كالكولاس 2 مين افضل د . اماني المصري و لا الاستاذة هاجر ابو عودة
من ناحية الشرح و العلامات مين ايسر من مين
و مشكوووور كتير
مساء الخير
بالنسبة امادة كالكولاس 2 مين افضل د . اماني المصري و لا الاستاذة هاجر ابو عودة
من ناحية الشرح و العلامات مين ايسر من مين
و مشكوووور كتير
حسب علمي انو د. أماني أفضل بالشرح
وبالنسبة للعلامات كل واحد بياخذ حقه .
لقاء الاحبة
30-04-2010, 05:39 PM
ممكن تلخيص جر خطي ضروري للدكتور اسامة العبسي بدي اياه اليوم
لقاء الاحبة
30-04-2010, 05:49 PM
بدنا تلخيص جبر خطي للضرورة
للدكتور اسامة
moon ray
16-06-2010, 09:17 PM
يا جماعة شو رايكم بالدكتور رياض معمر وبخصوص مبادئ الرياضيات بالذات في حدا جربه ؟
بالنسبة لمادة تحليل مركب مع الدكتور د. عبد الكريم عبد القادر ناجي مين معاه المادة
او رقم الدكتور اذا فى امكانية وكيف هادا الدكتور وشكرا
Trust
29-06-2010, 06:15 PM
بالنسبة للتحليل المركب :
المادة أولها ممتعة وبسيطة لكن اخر شابتر " الكنتور " صعب نوعاً ما وبدو تركيز
أما بالنسبة للدكتور عبد الكريم يشهد له بأنه من أفضل داكترة القسم
شرحه تمام وملتزم بالوقت وامتحاناته كمان صعبة تقريبا نظام الدكتور عبدالكريم نفس نظام الدكتور حسام الزعلان .
ahmed_pal
01-07-2010, 10:34 PM
لو سمحتو ا ممكن اتخبروني كيف الدكتور رياض معمر في العلامات والشرح وشكرا
غزة فقر
04-07-2010, 02:09 PM
لاني بدي اسجل معهم ضروري
غرووب
04-07-2010, 11:21 PM
بسم الله الرحمن الرحيم
بدي اسئل عن د.أيمن صبح بتفاضل 2 كيف هوا ؟؟ عشان منزلها بالصيفي ؟؟ .. وكمان لو بتعرفوا مين راح يعطيها بخانيونس (البحر ) لانه مكتوب رياضيات1 فبدي اعرف مين راح يعطيها ؟؟ ..ارجو الرد بسرعة
Trust
05-07-2010, 12:15 PM
بسم الله الرحمن الرحيم
كيف الدكتور الناعوق وابوخماش
بالنسبة للدكتور فايق الناعوق بصراحة وعن تجربة ما بنصحك تاخد معه لأنه لا علم ولا اسلوب ولا معاملة _ صفر بكل شي _
وبالنسبة للدكتور التاني ما بعرفه ان شاءلله الاعضاء بس يفوتو يفيدوك .
بدي اسئل عن د.أيمن صبح بتفاضل 2 كيف هوا ؟
أي هادا سؤال ؟!
الدكتور أيمن من أفضل دكاترة قسم الرياضيات على الاطلاق
علم وأخلاق ومعاملة طيبة يعني دكتور بكل ما للكلمة من معنى
اتوكل على الله وخدها معه لأنه كتير ممتاز .
غرووب
05-07-2010, 03:58 PM
بسم الله الرحمن الرحيم
.
بدي اسئل عن د.أيمن صبح بتفاضل 2 كيف هوا ؟
أي هادا سؤال ؟!
الدكتور أيمن من أفضل دكاترة قسم الرياضيات على الاطلاق
علم وأخلاق ومعاملة طيبة يعني دكتور بكل ما للكلمة من معنى
اتوكل على الله وخدها معه لأنه كتير ممتاز .
شكرا كتيييير لالك على الرد .. بس بدي اسئل في ناس بيحكوا انه امتحاناته صعبة ودقيقة جدا فبدي اتاكد ؟؟ ... ثانيا كيف اعرف مين منزل المادة بخانيونس البحر ؟؟ ..
Trust
05-07-2010, 09:38 PM
بسم الله الرحمن الرحيم
بدي اسأل في ناس بيحكوا انه امتحاناته صعبة ودقيقة جدا فبدي اتاكد ؟؟
بالنسبة لقسم الرياضيات عامة ما حدا بجيب امتحان سهل
والدكتور أيمن امتحاناتو فعلا دقيقة لكن الامتحان بجيبه هيك لانو بشرح بالتفصيل وعنده اسلوب حلو في توصيل المعلومة
فمن الطبيعي لدكتور متميز متله يجي امتحانه دقيق لكن يلي بدرس منيح وبركز معه بجيب علامات حلوة بالتأكيد .
ثانيا كيف اعرف مين منزل المادة بخانيونس البحر ؟؟
المادة بشكل عام بتنزل مع الدكتور حسام الزعلان والدكتورة هاجر والدكتورة سحر فأكيد راح يكون واحد منهم
بس الدكتور حسام راح يسافر يعني ما راح ياخد صيفي والله اعلم .
nona3
05-07-2010, 10:17 PM
الدكتور غازي ابو خماش
دكتور عسل وع اخلاقه بصراحه بينحط ع الجرح بيطيب
هادا بناء على تعاملي معه والله ما قصر واخلاقه عاليه
بالنسبه لامتحاناتو بسمع الجميع بيحكي انها حلوة وتمام
عاد مابعرف ممممممم
اما دكتور رياض معمر
ممممممممم
الله يمسيه بالخير
مش بطال .. امتحاناتو حلوة عادي
بس نظام التصحيح صعب
مابتعرف كيف العلامات بيطيرو ولا وين بيروحو
وبيقدر الطالب المجتهد
ماخده معو كالكولس 1 هادا الفصل
وان شاءالله خير ..وتكون علامه بتفتح النفس :pray:
بالنسبه ل كالكولس 2
مين احسن حدا اخد معو الماده
الافضل في الشرح وفي العلامات
مرحبااا ...
اظن انو الصورة متقاربة عند الجميع ...
بالنسبة لكى اختى نونا ..وبالنسبة لكالكولس 2
بتنزل مع الدكتورة هاجر ..وطبعا ا لدكتوة هاجر من احسن الدكاترة بالقسم
طبعا هيا بتكون مع الشباب احسن من البنات ما بعرف ليه ..؟
بس منيحة وبتفهم منيح كتير وخاصة انو كالكولس 2 مش ساهلة وبدها تعب ..
موفقة ...
همس الإحساس
07-07-2010, 02:28 PM
مين أحسن د. عبدالكريم ناجي ولا أحمد الأشقر بليييييييييييييييييييييز جاوبوا
Trust
07-07-2010, 09:00 PM
سواء الدكتور عبد الكريم أو الدكتور أحمد من احسن دكاترة القسم بالنسبة للالتزام بالمواعيد واعطاء كل طالب حقه من ناحية العلامات
لكن الدكتور عبد الكريم متمكن اكثر او بالاحرى بستطيع توصيل المعلومة اكثر من الدكتور احمد
الدكتور أحمد بعتمد عالتلخيص اكثر
اما بالنسبة للامتحانات : امتحانات الدكتور أحمد أسهل نوعاً ما من امتحانات الدكتور عبد الكريم
وسبق وحكيت انو نظام الدكتور عبدالكريم مشابه كثير لأسلوب الدكتور حسام الزعلان
مها مها
22-07-2010, 05:36 PM
ملاحظة الرجاء الرد بدي اسال عن الدكتور احمد الاشقر لحتى الان ما نزل علامة الجبر الحديث وبيحكو انو مسافر وفي مشاكل في تنزيل العلامات شو رايك وما الحل ؟؟؟ الرد يكون سريع
ساندي بيل
12-08-2010, 03:55 PM
بداي اسال مين احسن بمعادلات تفاضلية
الدكتور ايمن صبح او الدكتورة هاجر
وتفاضل 3 الدكتور فايق الناعوق او الدكتورة اماني المصري
وبالجبر الخطي دكتتور جمال شامية او اسامة العبسي
طبعا كلو من ناحية الشرح اهم ش تاني شي بالتعامل والعلامات وبالامتحانات والتصحيح
بلييز ما تبخلو عليا بالرد
نبراس الأقصى
12-08-2010, 04:00 PM
أنا بدي أنزل هادا الفصل (مدخل إلى المنطق و نظرية المجموعات) اللي هي (مبادئ الرياضيات)
و نزلت مع عبد السلام أبو زايدة ، و عبد الكريم ناجي
برأيكو من أحسن من حيث الشرح و الإمتحانات و العلامات
ضروري الرد
اسراء
12-08-2010, 04:21 PM
انا اخدت المبادئ مع د. سحر دكتورة بمعنى الكلمة و ممتازة جدا و بتعطي كل واحد حقه اما الدكتور عبد الكريم ما جربته و بحكوا انو شرحه ممتاز لكن في العلامات مش كثير اما د. عبد السلام جربتو في نظرية الاحتمالات وان شاء الله ما راح اخد معو اي مادة مرة تانية
اسراء
12-08-2010, 04:44 PM
ممكن استفسر عن:
نظرية العدد مين احسن د. أحمد الاشقر ولا د. عبد الكريم
الاحصاء د. حسام ولا د. تغريد
جبرخطي 2 د.جمال كيف؟
ميكانيكا 2 د. حسام ولا د. هاجر
بسأل عن الكاترة بالمواد المحددة بالذات ومش بشكل عام
ولكم جزيل الشكر...
نبراس الأقصى
12-08-2010, 07:10 PM
بس أنا اسمعت إنو عبد السلام أبو زايدة ممتاز في الشرح و العلامات
ahmed_pal
18-08-2010, 10:19 PM
ممكن اي شي بيتعلق بالجبر من حلول ةتلخيص وشكرا
n_tolan
19-08-2010, 12:04 PM
ممكن اسأل .. شو رأيكم بمبادئ رياضيات مع الدكتور عبد السلام ابو زايدة .. هو ولا الدكتور عبد الكريم ناجي
Řầƒέk ẰŁмảďy
19-08-2010, 11:56 PM
الدكتور عبد السلام افضل نوعا ما
لانو المادة تبعتو بتكون خفيفة
وكمان امتحاناتو
وكمان شرحو حلو
اما الدكتور عبد الكريم
صح شرحو حلو بس امتحاناتو بتهد الحيل
وهاى هى مشكلة الدكتور عبدالكريم
يعنى توكل ع الله وخدها مع الدكتور عبدالسلام
وماتخاف
انا رح اخدها معو ههههه
n_tolan
20-08-2010, 02:21 PM
الدكتور عبد السلام افضل نوعا ما
لانو المادة تبعتو بتكون خفيفة
وكمان امتحاناتو
وكمان شرحو حلو
اما الدكتور عبد الكريم
صح شرحو حلو بس امتحاناتو بتهد الحيل
وهاى هى مشكلة الدكتور عبدالكريم
يعنى توكل ع الله وخدها مع الدكتور عبدالسلام
وماتخاف
انا رح اخدها معو ههههه
تسلم كتير أخي Řầƒέk ẰŁмảďy يعني أتوكل على الله واخدها معه
طيب بدي اسأل .. كيف امتحاناته يعني من الشرح والتلخيص ولا صعبة
لو درسنا بنضمن فوق 90 لأنه المادة 4 ساعات ولا شو رأيك ...
n_tolan
22-08-2010, 07:15 PM
شو ما في حدا بيرد ........
Řầƒέk ẰŁмảďy
22-08-2010, 08:16 PM
طيب بدي اسأل .. كيف امتحاناته يعني من الشرح والتلخيص ولا صعبة
لو درسنا بنضمن فوق 90 لأنه المادة 4 ساعات ولا شو رأيك ...
شوف ياباشا
الدكتور عبد السلام افضل من الدكتور عبد الكريم بالنسبة للامتحانات
وانا بنصحك تاخدها لانو انت مابتعرف الفصل الجاى مع مين رح تنزل
وبالاغلب رح تنزل مع الافندى رياض او العلامه اسامة العبسي
يعنى من الاخر
خدها مع الدكتور عبدالسلام
ودرس منيح ورح تاخد علامة
ahmed_pal
22-08-2010, 11:12 PM
كيف الدكتور رياض معمر معاه جبرخطي 2
والدكتور غازي خماش معه تحليل عددي
والدكتورة تغريد نصر معها احصاء 1
يرجي منكم الافادة وشكرا
Řầƒέk ẰŁмảďy
26-08-2010, 12:14 AM
كيف الدكتور رياض معمر معاه جبرخطي 2
اعوذ بالله...
رياض معمر وباختصار حرام يكون استاذ جامعى
هاد كانو داخل حرب مع الطلبة كل همو انو يخلى الطلبة تكره الرياضيات
والدكتور غازي خماش معه تحليل عددي الدكتور غازى الاغلبية شكرتووخصوصا طلاب المواضيع المختارة كل علاماتهم حلوةومعاملة الدكتور منيحة
والدكتورة تغريد نصر معها احصاء 1 الدكتور تغريد على سلامتها منيحة كتيرصح مرات مابتعرف كيف توصل المعلومةومرات بتعقد السؤال والجواب بس بشكل عام هى منيحةفالعلامات والامتحانات والتصليح
يرجي منكم الافادة وشكرا العفو حبي
مون لايت
29-08-2010, 12:12 PM
كيف الدكتور فايق الناعوق في كالكولاس3 ؟؟؟؟
وشكرآ
Řầƒέk ẰŁмảďy
31-08-2010, 02:14 AM
كيف الدكتور فايق الناعوق في كالكولاس3 ؟؟؟؟
مع احترامى الشديد لشخص الدكتور فايق
بس بصراحة انا مابنصحك تاخد معو
لانو بيعامل الطلبة وكانهم اولاد شوارع
يعنى معاملتو مع الطلبة زى الزفت
وكمان فالشرح والامتحانات خربان ديار
انا بنصحك تاخد تفاضل 3 مع الدكتورة امانى
لانها بتبسط المادة وامتحاناتها سهلة
والاهم من هاد كلو انو معاملتها منيحة
وشكرآ
العفو
مون لايت
01-09-2010, 09:08 AM
السلام عليكم
بدي اسأل عن الدكتور جمال شامية في جبر خطي 1؟
ملكة الاحساس
01-09-2010, 12:30 PM
دكتور منيح بس ركزي معو من الاول
Lolita
02-09-2010, 01:28 PM
بدي أسأل عن الدكتورة سحر السمك كيف كويسة ولا ؟!!
FULLA
02-09-2010, 02:18 PM
عسل
احسن منها مافي في الشرح والعلامات
~* ضوء القمر *~
14-09-2010, 04:16 PM
زياد صافي كيف ؟؟؟
نازلة معو كالكولس واحد
ومواعيدو هية الوحيدة اللي زابطة مع جدولي
شو بتنصحوني اخذ معو ولا لاء ؟
طائر النورس
14-09-2010, 07:02 PM
مافى بعد الدكتور زياد صافى ماشاء الله عليه عقله نظيف
بس ما بيهتم كتير بالتحضير راكن على تدرسوا للمواد فى الفصول السابقة
اما بالنسبة للكالكولس اول مرة بينزلها فما بعرف كيف رح يكون
بس الدكتور رااااااااااااااااااااااائع
~* ضوء القمر *~
14-09-2010, 07:12 PM
بس الدكتور رااااااااااااااااااااااائع
طيب وبالتصحيح وبالعلامات كيف .. رائع ولا لاء ههه
طائر النورس
14-09-2010, 08:48 PM
انا عند رأيي حتى بالتصحيح والعلامات
الحمد لله فى الغالب أحصل على أعلى علامات التخصص
عزف القمر
15-09-2010, 12:41 PM
بدي اسال عن الدكتور منير احمد
لمادة استراتيجيات تدريس رياضيات
وبتمنى حدا يفيدني
لانو هاد 3 موضوع احط في سوالي
اممم ولاتزعلى ...
الدكتور منير منيح كتير بالشرح ..
بس شوية امتحاناتو بيكون فيها ذكاء ..
موفقة ..
ابتسامة
15-09-2010, 01:33 PM
مين احسن الدكتور احمد الاشقر ولا الدكتور زياد صافي لانهم نازل معهم الكالكلس 1
التنين منآح ..
بس اعتقد الدكتور احمد بضلو احن من الدكتور زيآد خاصة بالامتحانات ..
موفقة ..
اينشتاين الصغير
15-09-2010, 02:19 PM
مرحبا
اولا المادتين سهلين بس...............طبعا الاساتذة
بس انا بنصحك تاخدي الميكانيكا مع د.جمال لانو الامتداد الو في غزة د.حسام في ميكانيكا2
اما ادا انتي تعليم د.اماني امنيحة
د.جمال رائع في الجبر
انا بدي انصحك اتعودي علي الدكتور جمال بيعطي مواد تخصص كتيرة
الله ايوفقك
اينشتاين الصغير
15-09-2010, 02:22 PM
الدكتور احمدوالدكتور زياد متشابهين تماما الا بس بطريقة الشرح
بس انا برشح الك د.أحمد
سلااااااااااااااااااام
ملكة الاحساس
15-09-2010, 02:51 PM
وانا كمان برشحلك الدكتور احمد لانو ممتاز وامتحاناته حلوة
موفقة
عزف القمر
16-09-2010, 02:49 PM
مشكور كتير كريس ع الرد
طمنتني
مون لايت
17-09-2010, 06:47 PM
بدي حد يقولي كيف الدكتور جمال بالجبر الخطي 1 في العلامات لاني سمعت انه الفصل الفات ما حاطط علامات للبنات ضروري الرد
نبراس الأقصى
17-09-2010, 06:53 PM
إذا قصدك جمال نبهان
فأنا بعرف إنو بيعطي تفاضل و تكامل 1 بس
أما من ناحية شرحه فهو ممتاز جداً لما أعطاني تفاضل 1
و لو كان كل مواد التخصص معاه حنزلهن معاه
و من ناحية العلامات فالطلاب هم المقصرين
أنا كتير قالولي إنو بيعطيش علامات
بس هيني أخدت في التفاضل 1 (91%)
و إمتحاناته سهلة بس طوووووووووووويلة
مون لايت
18-09-2010, 04:05 PM
لا قظدي جمال شامية
همس الإحساس
18-09-2010, 04:31 PM
د. عبد السلام راااااااااااااااااااااااااائع
n_tolan
20-09-2010, 10:45 PM
شو رأيكم بالدكتور عبد السلام ابو زايدة ..
يتمنى المساعدة
الدكتور عبد السلآم ممتاز كتير
بحآول يبسط المادة للطالب قدر المستطآع ...
حتى انو بدرس اغلب المواد بالعربي ...
وعلاماتو كتير منيحة
موفقة ..
n_tolan
21-09-2010, 03:13 AM
الدكتور عبد السلآم ممتاز كتير
بحآول يبسط المادة للطالب قدر المستطآع ...
حتى انو بدرس اغلب المواد بالعربي ...
وعلاماتو كتير منيحة
موفقة ..
يسلموا كريستيانو بجد انتا طمنتني
اصلو الكل بيحكي عليه مش كويس
خلص ان شاء الله رح اخد معه
بدي اسألك : انتا اخدت معه ؟؟
يسلموااااااا
ساندي بيل
23-09-2010, 09:37 PM
ممكن اسال كيف الدكتوور اسامة العبسي بمادة الجبر الخطي هل عنجد ما في حدا بجيب عندو بالتسعين ؟؟
وكيف شرحه لهالدكتور وامتحاناتوو وتصليحه وتعامله
بليز اللي جربو يئلي
ومين احسن دكتور بعطي هالمادة
وعن شو بتحكي هالمادة وهل هي سهلة او صعبة
وباي سنة لازم ناخدها طلاب الاساليب
وكم تخصص المفروض ناخد بالفصل لحتى ما نتاخر؟؟؟؟؟؟؟؟؟
جنرال العاصفة
23-09-2010, 10:05 PM
الدكتور اساة العبسي
بجد حرام الواحد يأخد مع مادة
اذا نازلة جبر خطي مع الدكتور عبدالسلام ابوزايدة خذتيها
ان شاء اللله موفقة
ما من ناحية اكم مادة تأخدفي الفصل في كل ف
3مواد كويس حتى ما تتأخري
ساندي بيل
24-09-2010, 10:58 AM
ياريتها نازلة مع حدا غيرووو
بس مو نازلة غير معو وانا خايفة اتأخر
يعني ما في امل اجيب معه بالتسعين؟؟؟؟؟؟
نبراس الأقصى
24-09-2010, 12:56 PM
ما في أمل و لا 1 %
العبسي من طول عمرو ستينات و شرح مش نافع
و إن شاء الله مش حاخد أي مادة معاه
بس بدي أسألك إنتي هلقيت في أي مستوى و شو المواد التخصص اللي أخدتيها؟
ساندي بيل
24-09-2010, 01:15 PM
والله مابعرف شو اعمل
انا هلأمستوى تاني
ومواد التخصص لسة ما اخدت شي غير تفاضل 1 و 2 ومبادئ الرياضيات
وهالفصل نزلت تفاضل 3 ومعادلات تفاضلية
والجبر الخطي نازلة مع اسامة العبسي
وهيا اللي مترددة فيها كتييير
طيب كيف الدكتور جمال شامية في هالمادة هل هو احسن من اسامة العبسي ؟؟
وشو في مواد ممكن اخدها في سنة تانية غير الجبر
Řầƒέk ẰŁмảďy
24-09-2010, 08:52 PM
مناح ياساندى
بس انا مابنصحك تاخدى مع العبسي
يعنى خدى مع الدكتور جمال احسن الك
بس انتبهى مع الدكتور جمال لانو دقيق نوعا ما بالتصليح
وتوكلي ع الله
hello
26-09-2010, 07:05 PM
مرحبا يا جماعة كيفكم ان شاء الله بخير
بدي اسأل عن مادة تحليل حقيقي مع رياض معمر وبدي اسأل اسلوبه في الشرح زي اسلوبه في مبادئ الرياضيات ولا كيف ؟؟؟؟؟ يا ريت تفيدوووني
جامعة الأقصى
28-09-2010, 11:54 PM
يا جماعة الخير أنا طالب وبدي تساعدوني
بدي أسال عن الدكتور عبد الكريم نااااجي
كيف هالدكتور من كافة النواحي( معاملة مع الطلاب ، علامات ، شرح ، إمتحااانات ، نظام الإمتحانات)
يا ريت أي حد عنوا أي فكرة عن الدكتور ما يبخل علياااا ......
Eng.M
29-09-2010, 10:41 AM
السلام علكيم ورحمة الله وبركاته
بدي أسأل بالنسبة للدكتور حسام الزعلان نازلة اللي معه مادة تفاضل وتكامل 2
كيف هو كيف المادة وكيف اسلوبه ونظامه وعلاماته وكل اشي الله يخليكم بالتفصيل
في ناس كتير نصحوني ما اخدها معو
FULLA
29-09-2010, 10:56 AM
يا جماعة الخير أنا طالب وبدي تساعدوني
بدي أسال عن الدكتور عبد الكريم نااااجي
كيف هالدكتور من كافة النواحي( معاملة مع الطلاب ، علامات ، شرح ، إمتحااانات ، نظام الإمتحانات)
يا ريت أي حد عنوا أي فكرة عن الدكتور ما يبخل علياااا ......
انا ما اخدت مع الدكتور عبد الكريم بس كنت احضر شوية محاضرات واسالو اسئلة هو شاطر كتير لازم تنتبه معو بالشرح
صاحباتي اخدو معو امتحاناتو دقيقة وطويلة بس علاماتو حلو
هو التعامل كويس كتير وبساعد الكل حتى لو مش من طلابو
انا شفت الامتحان النصفي الو كان صح وخطأ وكمان اسئلة عادية
اتمنالك التوفيق
السلام علكيم ورحمة الله وبركاته
بدي أسأل بالنسبة للدكتور حسام الزعلان نازلة اللي معه مادة تفاضل وتكامل 2
كيف هو كيف المادة وكيف اسلوبه ونظامه وعلاماته وكل اشي الله يخليكم بالتفصيل
في ناس كتير نصحوني ما اخدها معو
والله مابعرف
ان شاء الله حد يفيدك
hello
30-09-2010, 12:24 PM
مرحبا يا جماعة كيفكم ان شاء الله بخير
بدي اسأل عن مادة تحليل حقيقي مع رياض معمر وبدي اسأل اسلوبه في الشرح زي اسلوبه في مبادئ الرياضيات ولا كيف ؟؟؟؟؟ يا ريت تفيدوووني
دلووعة
01-10-2010, 04:09 PM
أنا بستفسر عن الدكتورة تغريد زكي نصر خاصة في مادة مبادئ الرياضيات
ola*-*
02-10-2010, 05:29 PM
السلام عليكم
أنا أخدت هندسة وحساب مثلثات من المواد الاختيارية لتخصص تعليم الرياضيات
وبدي أنزل وحدة من هدول يا التحليل العددي أو معادلات تفاضلية
فشو بتنصحوني ..مين الي أسهل ؟؟
مرحبا يا جماعة كيفكم ان شاء الله بخير
بدي اسأل عن مادة تحليل حقيقي مع رياض معمر وبدي اسأل اسلوبه في الشرح زي اسلوبه في مبادئ الرياضيات ولا كيف ؟؟؟؟؟ يا ريت تفيدوووني
نفس الاسلوب ..وطبعا بالمادتين الدكتور صعب ..
التحليل الحقيقى بدك تفهمها وتاخد حقك فيها بتنزلها مع الدكتور زياد صافى وبس .
وبالتوفيق ..
أنا بستفسر عن الدكتورة تغريد زكي نصر خاصة في مادة مبادئ الرياضياتالدكتورة تغريد رآئعة بكل المواد ..اتوكلى على الله ..
وبالتوفيق .
السلام عليكم
أنا أخدت هندسة وحساب مثلثات من المواد الاختيارية لتخصص تعليم الرياضيات
وبدي أنزل وحدة من هدول يا التحليل العددي أو معادلات تفاضلية
فشو بتنصحوني ..مين الي أسهل ؟؟ووعليكم السلام ..
انا منزل التحليل العددى الفصل هاد
بس بعتقد انو التحليل اسهل مع انى اخدت بالمعادلات 97 ..
...وموفقة اختى ..
smart284
10-10-2010, 06:24 PM
عاوز اسأل عن مادة مدخل الى المنطق ونظرية المجموعات مع د. عبد الكريم ناجي ، ومبادئ الاحصاء مع د.رياض معمر ومادة الـدراسات البيئيه مع د. حازم محمد أبو شاويش
مشكورين
بالنسبة لمادة مدخل للمنطق ونظرية المجموعآت..
المادة صعبة شوى وبدها دراسة اول باول وع الدكتور عبد الكريم كتير منيح ..
بس بشرد بدك تابع اول باول لانو الدكتور سريع شوية ...بس منيح كتير...
بالنسبة لمبآدئ الاحصآء مع الدكتور ريآض ما بعرف عنها المادة يمكن موجودة بالتعليم ..مو بالاساليب ..؟؟
اما بالنسبة للدكتور ريآض معمر ..امتحاناتو صعبة شوية وبتآخد حقك بدون مرآعآة تقريبااا ...
اما بالنسبة للمآدة الاخيرة ما بعرف عنها شي لانها و عنا ههه ...
موفق اخى
smart284
11-10-2010, 01:01 AM
شكرا كتير الك اخ كريستيانو على الافادة
ساندي بل
07-11-2010, 03:16 PM
كيف الدكتور اسامة العبسي في مبادئ الرياضيات
FULLA
07-11-2010, 04:21 PM
هو بيعطي امتحانين في المبادئ
الامتحان الاول بتلاقو صعب شوي لكن براعي في العلامات
الامتحان التاني بكون سهل وبسيط
معظم الاسئلة بتكون من الكتاب وفي كمان من الامثلة
الهام-بنت الاقصى
13-11-2010, 02:41 PM
مرحبا انا منزلة مبادئ الرياضيات مع د.تغريد زكى نصر هى كيف بالامتحانات وكيف بالعلامات والله انا بفهم منها بالمحاضرات كل رفقاتى سحبو المادة وانا خايفة كتير من هادة المادة طمنونى ؟؟؟؟؟
انا بانتظار ردووودكم
نور 6
13-11-2010, 06:03 PM
كل الدكاتر ا في قسم الرياضيات مناح كتير
وخدو مع اي واحد فيهم دون تردد وتوكلو على الله
الشغلة مش محتاجة كل هل الاسئلة
ساندي بل
16-11-2010, 05:37 PM
كل عام وانتم بخير
قطرة مطر
20-11-2010, 05:37 PM
الدكتور جمال منيح كتير بس صوتوا واطي
وبنعس بس والله عسل ومنيح كتير انا واخدة معاه كالكولس 1 وميكانيكا وجبر خطي
ريعان الشباب
09-02-2011, 12:57 PM
كيف الدكتور زاهر لحداد
السلام عليكم
أنا بدي أنزل هندسة حديثة الفصل هادا شو رأيكم آخدها مع د.أسامة العبسي ولا د.عبد السلام أبو زايدة
وشكرا الكم
جولييت الحياة
11-02-2011, 09:35 PM
كيف الدكتور زاهر الحداد فى لغة حاسوب 1
؟؟؟
كفورية بحدود
13-02-2011, 10:07 AM
صاحبتي بدها تنزل تفاضل وتكامل 2 (اه صاحبتي والله1)
منيح اني خلصتها من هالمادة :65:
ماعليكو
المهم
بدي ياكو وبسرعة وبصدق (وياويلي ياللي بيكزب:24:)
تحكولي مع مين بتنصحوها تاخد المادة :confused:
الدكتور / فايق الناعوق
الدكتور / ايمن صبح
الدكتور / اسامة العبسي
الدكتورة / هاجر ابو عودة
وبس تنصحوها قولولي كيف نمطو ونمط امتحاناتو والدرجات وكل شي
:22:
ياويلو ياللي بيكزب:24:
هتضل خطية البنت برقبتو:65:
هههههههههههههههههههههه
بانتظار ردكم :blink:
جولييت الحياة
13-02-2011, 11:48 AM
والله انا اخدتها مع هاجر ابو عودة وبصراحة امتحاناتها اجت حلوة كتير بس يمكن النصفى شوى
بس انتى بو تتابعى اول باول معها بتجيبى علامة لانو تفاضل 2 فى حفظ وقوانين كتير
بس والله هاجر عسل مع انها سريعة بالشرح بس الحمد لله كانت علامات الكل حلوة
وانا عن نفسى حطتلى 87
اما الباقين ما بعرفهم
موفقة
حياة بلا معنى
13-02-2011, 12:12 PM
لوسمحتو بدي اسئل عن الدكتور
حسام الزعلان بلغة حاسوب 1
من ناحية التدريس والامتحانات والعلامات ....
كفورية بحدود
13-02-2011, 12:32 PM
يسلمو جولييت ع رايك
انا راح انقل هالحكي لصاحبتي وان شاء الله خير
بس انتي اظني رياضيات يعني بيختلف الحكي عن طالبة مو رياضيات
ولا عادي الدكتور منيحة مع الكل
؟
جولييت الحياة
13-02-2011, 12:41 PM
اها انا رياضيات بس اكيد هتكون منيحة مع الكل طبعا
بس هى تشد حيلها وتقرا كويس لانو المادة بدها تعب وقراية
والله يوفق الجميع
s.H.A.
16-02-2011, 10:26 AM
انا بدي اسأل عن الدكتور حسام الزعلان في لغة حاسوب 1 و عبد السلام ابوزايدة في نظرية الاحتمالات؟؟؟؟؟؟؟؟
smart284
23-02-2011, 07:27 PM
بدي اسأل عن الدكتور د. محمد عطا الجبور مادة كيمياء عامة 1 للضرورة
كذلك الدكتور ماجد الديب ، وعبد الكريم فرج الله في مادة الاحصاء في التربية .
السمر
08-03-2011, 03:08 PM
شـكــ وبارك الله فيك ـــرا لك ... لك مني أجمل تحية .
طائر الاشواق
09-03-2011, 01:13 PM
مرحبا / انا اخدت مع الدكتور هشام حرب
الدكتور كتير منيح وما بيعطى اشي صعب /بتعتبري المادة معو ممتعة وكتير سهلة ما بدها تعب بس بدك تديري بالك هو كتير بيهتم بالمشاركة والحضور والغياب وبالنسبة لامتخاناتو بتقدري تقولى عنها تافهة بجد ما حدا ياخد الهندسة وحساب مثلثات غير معو لانو باقى الدكاترة بتعقدها
تحياتى الك اختى
واذا اي استفسار فى المادة انا مستعدة
السمر
26-06-2011, 09:14 AM
شـكــ وبارك الله فيك ـــرا لك ... لك مني أجمل تحية .
أبو أسامة
26-06-2011, 09:59 AM
بدي اسأل عن الدكتور د. محمد عطا الجبور مادة كيمياء عامة 1 للضرورة
كذلك الدكتور ماجد الديب ، وعبد الكريم فرج الله في مادة الاحصاء في التربية .
محمد الجبور بيحكوا انه مش نافع خاصة في العلامات
اما الاحصاء في التربية ف عبد الكريم فرج الله افضل من جميع النواحي في الشرح والعلامات وامتحانوا من التلخيص الي بيكتبه علي السبورة يعني تابعي معاه وان شاء الله بتوخذي علامة كويسة
اسراء
30-06-2011, 05:53 PM
السلام عليكم ورحمة الله وبركاته
عايزة رقم الدكتور أسامة العبسي ضروري
و لكم جزيل الشكر
0599219141رقم دكتور اسامة العبسي
بنصحك يللى بدك الدكتور اسامة ما تكلميه جوآل ...
الافضل انك تشوفيه شخصيآ ..
الدكتور اسامة مع انو عصبى بس لما الواحد يقرب منو بحس انو شخصية جدا طيبة
وجدا محترمة ...
بالتوفيق ..
اسراء
01-07-2011, 04:02 PM
شكرا كثير و اتمنى لكم التوفيق
الدكتور عمر
11-07-2011, 03:33 PM
استفسار ,,,,,,,,,,,
عن الدكتور حسام الزعلان في مادة تفاضل وتكامل 1 نازلة معه الفصل الصيفي خصوصا انه اغلب الشعبة خريجين ,,,,,,,,,,
كيف الدكتوربالشرح والعلامات ؟؟؟؟؟؟؟؟؟؟؟
ارجو الرد ...........
وبارك الله فيكم ...................
الجوكر
12-07-2011, 10:17 AM
يا اخوان ايش بتنصحونا بالنسبة ل د.عبد السلام ابو زايدة في مبادي الاحصاء بالنسبة للعلامات
اسمعت انو دمر الشباب اللو فصلين في مبادئ الرياضيات وغيرو بالنسبة للعلامات انا اعلم جيدا انو المساق مبادئ الاحصاء سهلة جدا وانو الدكتور عبد السلام ابو زايدة ما بيعطي اشي كتير وشرحو كويس لكن الدرجات اهم من ذلك فكيف هو في لدرجات طمنونا اللي اخدو معاة بسرعة
لو سمحتو عايزة نصيحة بخصوص كالكولس 1
مع مين انزلها ..د.سناء ابو زايد
ولا مع د.عاهد خليل ابو العيس ...
هبة الله محمد
07-09-2011, 04:21 PM
د. سناء مش منيحة بالمرة
لا بالشرح ولا بالعلامات
و د. عاهد ما بعرفوا أول مرة اسمع فيه
بالتوفيق
M.A.M
07-09-2011, 07:22 PM
لو سمحتو ,,
بدي أستفسر عن الدكتور أيمن صبح لأني ناوية أنزل معاه الفصل هادا معادلات تفاضلية عادية , كيف هو بالشرح وبالعلامات وبالامتحانات؟؟
وكمان بدي أستفسر عن الدكتور هشام حرب كمان لأني بدي أنزل معاه مساق هندسة وحساب مثلثات؟؟
ومدى صعوبة المادتين (معادلات تفاضلية , وهندسة وحساب مثلثات) ؟
طائر الاشواق
07-09-2011, 08:52 PM
اتوكلى على الله وخديهم
المعادلات التفاضلية مادة بقمة الروعة وممتعة كتير والدكتور ايمن رااااااااااائع راح تحبي المادة معاه
والهندسة وحساب متلتات سهلة كتير كتير كتير ومع الدكتور هشام مش راح تتعبى فيها والمادتين بفصل واحد سهلين كتير شدى حيلك شوى وما تضيعيهم
ان شاء الله بتاخدى بالتسعين بسهوووووووووووووولة
ملاك ش
07-09-2011, 10:28 PM
أ. عاهد أبو العيس اخدت معه تطبيقات رياضية هو كويس كثير بس المادة كانت على الكمبيوتر خفيفة
ست الحبايب
08-09-2011, 01:19 PM
مرحبا بدي اسأل عن الدكتور حسام الزعلان بمادة ميكانيكا 2 وكيف هي المادة كمان
بليز انا خريجة ومو نازل مواد اختيارية الا هي
وشو الحل لو بدي انزل مادة غيريها يعني بيرضوا يفتحوا الي مواد لاني خريجة ولا شو
وتحياتي للكل وخاصة يلي رح يفيدوني
هبة الله محمد
08-09-2011, 01:54 PM
انا سمعت عنو انو صعب بس ما اخدت معو قبل هيك
ادا انتى خريجة كل شي مسموح لالك روحي عالقبول وخليهم ينزلولك مادة غيرها
عادى برضوا
بالتوفيق
مرحبآ اختى ..
ميكآنيكآ 2 مو صعبة ..بس مع الدكتور حسآم اعتقد صعبة جدآ ..
لو فى موآد غيرهآ وبتشوفى نفسك منيحة ابهآ اتوكلى على الله ..
ولكى الحرية ..
موفقــ’ة ..~ْ.ْ}
بداية
10-09-2011, 10:41 AM
بدي اسأل عن مادة تفاضل وتكامل 1 نازلة مع الدكتور احمد الاشقر و الدكتور حسام الزعلان ..... ايهما افضل؟؟؟ من ناحية الامتحانات والتصحيح والعلامات........
ارجو الرد ضروري مع العلم اني سوف اتخرج في هذا العام (تخصص تعليم علوم ) باذن الله
M.A.M
10-09-2011, 02:47 PM
ان شاء الله
ويسلموووو كتير
M.A.M
10-09-2011, 02:53 PM
أنا نزلتلي أول فصل بالجامعة مع أحمد الأشقر أولا امتحاناته كويسة بس تصليحه بالامتحانات (لأنه بالنصفي وزع علينا ورق الامتحانات) صعب كتير يعني في أشياء تافهة ما بيسامح فيها بيحط عليها خطأ ودقيق جدا جدا جدا وشرحه بس بيكتب على اللوح من الورق اللي معاه نفس الموجود بالكتاب مع إضافات قليلة
أما حسام الزعلان فأنا لا أعرفه...
بدي اسأل عن مادة تفاضل وتكامل 1 نازلة مع الدكتور احمد الاشقر و الدكتور حسام الزعلان ..... ايهما افضل؟؟؟ من ناحية الامتحانات والتصحيح والعلامات........
ارجو الرد ضروري مع العلم اني سوف اتخرج في هذا العام (تخصص تعليم علوم ) باذن الله
اكيد الدكتور احمد الاشقر ...لكل النوآحى ...
توكلى على الله المادة سهلة ومع الدكتور احمد سهلة وممتعة كمان ..
موفقة ..ْ}
بداية
10-09-2011, 05:08 PM
أنا نزلتلي أول فصل بالجامعة مع أحمد الأشقر أولا امتحاناته كويسة بس تصليحه بالامتحانات (لأنه بالنصفي وزع علينا ورق الامتحانات) صعب كتير يعني في أشياء تافهة ما بيسامح فيها بيحط عليها خطأ ودقيق جدا جدا جدا وشرحه بس بيكتب على اللوح من الورق اللي معاه نفس الموجود بالكتاب مع إضافات قليلة
أما حسام الزعلان فأنا لا أعرفه...
لك وافر الشكر على هذة الايضاحات وارجو لك التوفيق والنجاح دائما يعنى بدها شدة حيل ودراسة كتيييييييير
بداية
10-09-2011, 05:12 PM
اكيد الدكتور احمد الاشقر ...لكل النوآحى ...
توكلى على الله المادة سهلة ومع الدكتور احمد سهلة وممتعة كمان ..
موفقة ..ْ}
الله يبشرك بالخير وبارك الله فيك ان شاء الله تكون المادة سهلة .........
شكراً لك...........
زهره اللوتس
13-09-2011, 03:51 PM
السلام عليكم ورحمة الله وبركاته
كيفكم ..........
اممممممم بدي استفسر عن مادة تفاضل وتكامل1 هل بتنز فصل تاني ........ رجاءاً بدي كلام اكيد رحت اليوم على القسم وما لقيت حد ........ هاد اولا
تانيا :.
بدي اسال عن دكتور غازي سلامه ابو خماش ... بدي انزل معو مبادئ احصاء
وشكرا كتيـــــــــــــــــــــــــــــــــر الكم مقدما ^_^
اختى زهرة بالنسبة لتفآضل وتكآمل 1 بتنزل كل فصل عالاكيد ..
أمآ بخصوص الدكتور رغآزى ابو خمآش مش كتير بالشرح ولا بالعلامات كمآن ..
وفى النهآية قرآرك ..
موفقة ..ْ}
زهره اللوتس
14-09-2011, 10:18 AM
اختى زهرة بالنسبة لتفآضل وتكآمل 1 بتنزل كل فصل عالاكيد ..
الحمد لله طمنتني ....
أمآ بخصوص الدكتور رغآزى ابو خمآش مش كتير بالشرح ولا بالعلامات كمآن ..
وفى النهآية قرآرك ..
اممممممممممم الله يجيب يلي في الخير
موفقة ..ْ}
شكرا كتيييييييير RaeD
فتحاوي مدريدي
15-09-2011, 09:10 AM
أولا :
كالكولس 1 بتنزل كل فصل
تانيا:
بما إنك طالبة رياضيات انا بنصحك ابعدي عن الدكتور غازي ابوخماش لأنو مع طلاب الرياضيات بيكون صعب جدا جدا في العلامات حتى لو المادة مش تخصص زي رياضيات عامة ومبادئ الإحصاء
زهره اللوتس
15-09-2011, 11:58 AM
اهلين اخ فتحاوي مدريدي
انا مش رياضيات بس بدي اخدها متطلب مبادئ الاحصاء
فتحاوي مدريدي
16-09-2011, 11:38 AM
ممتاز خديها معاه اصلا المادة سهلة كتير والدكتور كمان ما بيركز بس عالحسابات كمان بيعطي تعريفات ومصطلحات وبتيجي في الامتحان يعني بيسهل المادة اكتر
تمام توكلي على الله وخديها معاه
زهره اللوتس
16-09-2011, 04:13 PM
شكرا كتييييييير لالك غلبناك معنا الله يجيب يلي فيه الخير
تحياتي
فتحاوي مدريدي
17-09-2011, 03:22 PM
ولا غلبة ولا اشي اي استفسار عن اي دكتور رياضيات او اي اشي بقدر عليه انا بالخدمه دايما
لولو2011
18-09-2011, 09:32 AM
بعد التحية.........بالنسبة لمادة جبر خطي 1 مين أفضل : د. جمال شامية أم د. أسامة العبسي
فتحاوي مدريدي
18-09-2011, 10:30 AM
من ناحية الشرح والمادة العلمية طبعا الدكتور أسامة العبسي بس من ناحية العلامات وسهولة الامتحان طبعا أ.جمال شامية
يعني خديها مع جمال شامية أحسن
هبة الله محمد
18-09-2011, 11:04 AM
د.جمال شامية كتير كويس
ادب وأخلاق ومعاملة وزوق
وشرحو حلو وامتحاناتو سهلة ما بتطلع عن نطاق دفتر التلخيص
والاسئلة اللي بحددها الكو ببداية الفصل
بالتوفيق
لولو2011
19-09-2011, 09:19 AM
وهو المطلوب هبة الله .. الله يسعدك ويوفقك لالك كمان........ الحمد لله نزلتها مع د. جمال ..... مدريدي وهبة الله عنجد شكرا لإلكم ....
الاميرة الساحرة
20-09-2011, 11:52 AM
انا سنة تانية حابة اسال عن المعادلات التفاضلية والتحليل الحقيقى؟ كيف بالدراسة وكيف الدكتورة تغريد والدكتورة هاجر ؟
فتحاوي مدريدي
20-09-2011, 04:03 PM
د.هاجر ممتازة وعشان تضمني ال90 بدك تفهمي كل الأسئلة اللي بتنحل في محاضرات المناقشة
اما بالنسبة للتحليل انا بشوف انه بدري عليكي انت لسه سنة تانية عالعموم الدكتورة تغريد كمان منيحة بس لو أجلتي المادة للصيفي بتنزل مع د.زياد صافي الرائع وزي ما قلت لسه بدري
وبتمنالك التوفيق
بدي أسأل مين أفضل الدكتور أحمد الأشقر ولا الدكتور عبد الكريم ناجي في مادة نظرية عددمن كل النواحي وخاصة بالعلامات
فتحاوي مدريدي
20-09-2011, 10:45 PM
د.عبدالكريم ناجي بالتأكيد
O_KH_E
22-09-2011, 01:17 PM
انا منزلة هاي المادة مع الدكتور عبد الكريم
بصراحة اكتر درس اتعلمتوا من هاي الجامعة عمري ما أسأل عن دكتور أو اسجل مع دكتور حسب سمعتو لانو كلو بيطلع معي بالعكس بالعكس بالعكس
نقاء الروح
23-09-2011, 01:09 AM
سلامووو عليكووو
انا سجلت تفاضل وتكامل 1 مع د.حسام الزعلان
لانى ما لقيت غير شعبته فاتحة ... يا ترى كيف الدكتور حسام ... كتيير بنات حكولي اسحبيها !
فتحاوي مدريدي
23-09-2011, 02:01 PM
بديش اخوفك من د.حسام الزعلان بس يعني اذا بتقدري تأجليها او تسجليها مع دكتور تاني بيكون احسن بكتيييير
هبة الله محمد
23-09-2011, 04:19 PM
بداية اختى لولو لا شكر على واجب
وبالنسبة لالك أختى نقاء
انا د.حسام ما اخدت معو اي مساق قبل هيك
بس اسمعت عنو انو صعب
المادة حلوة وهيا 4 ساعات فحراااااااام تجيبى فيها أقل من 90
بتاثر في معدلك كتير
لهيك بنصحك ما تستعجلي ...
نقاء الروح
25-09-2011, 05:29 PM
اهااا
قلقتوني هيك الله يستر
بس ما بنفع اسحبها ؛ راح اتوكل على الله
ربنا يجيب الخير
ازا بتعوقك لازم تاخديها ...
اما ازا عآدى بنصحك تسحبيهآ ...
نقاء الروح
25-09-2011, 09:34 PM
الصراحة الفصل الاخير بكوون عندى مواد تخصص احياء وفيزيا وانا خليتها لوحدها
ما بقدر اسحبها،،
راح اتوكل على الله
بس انتو ما تنسونى من دعائكم خصوصا بالنجاح في هاى المادة
رائد
ميرسي لردك هنآآ
زهرة الارجوان
24-02-2012, 08:11 AM
مرحبا بس بدى استفسر عن شى انا نازلى تحليل مركب مع د.عبد الكريم ناجى بخانيونس ومع د. زياد صافى بغزة
وجبر حديث مع د.عبد الكريم ناجى بخانيونس ومع د.احمد الاشقر بغزة فياريت تحكولى مين احسن اخد بخانيونس ولا بغزة ومين احسن بالدكاترة من جميع النواحى لانى ما جربت دكاترة غزة بالمرة واخدت النظرية مع عبد الكريم وجبت فيها علامة حلوة بس الواحد ما بيكون مرتاح وهوة بيدرس لانو الامتحانات تعون عبد الكريم صعبة وهوة دقيق بالتصليح
تحياتى
زهره اللوتس
24-02-2012, 11:05 AM
السلام عليكم رحمة الله بركاته ...
كيفكم ؟؟
يا جماعه بدي رايكو بماده تفاضل وتكامل 1 .... بعرف انها سهله بس يلي بدرسوها صعبين والفصل هاد نازله مع تلاته الكل بينصحني اني ما اخد مع ولا احد منهم ... بس ضروري انزلها هاد الفصل... برايكو مين افضل احد فيهم ...من ناحية المعامله الشرح العلامات وكل شي
1-سناء ابو زايد
2- احمد الاشقر
3- زياد صافي
4- مفيش اسم ...
... شكرا لكم مقدما ....@_@
جولييت الحياة
24-02-2012, 01:12 PM
والله وانازيك اخدت النظرية مع الدكتور عبد الكريم ناجى وجبت فيها علامة حلوة
وعشان هيك سجلت معو الجبر الحديث بدون تردد صح امتحاناتو صعبة بس فالنهاية يااختى الامتحان كان موحد
حتى امتحان نظرية العدد كان موحد مع غزة
بس بصراحة اناماجربت الدكتور احمد الاشقر
عشان هيك اخد مع الى بعرفه والى جربته ولا اخد مع حدا مابعرفه وماجربته
وبعدين غزة متعبةوغلبه
وفالاخير اعملى اللى يريحك
حلم الطفولة
27-02-2012, 08:01 PM
معلش بدي استفسر عن الدكتور جهاد الاسطل في مادة اللغة الانجليزية ..؟؟؟
eng :eh
03-03-2012, 06:58 PM
مرحبا
انا طالب هندسه من جامعه فلسطين نزلت مادة الميكانيا مع الدكتورة امانى المصرى
ومادة احصاء واحتمالات مع الدكتورة تغريد نصر
انا ما راح اداوم لانو عندى مواد فى جامعتى وانا طالب خريج الفصل هدا
فياريت حد يساعدنى او ممكن حد يقدر يتواصل معى للاستفسار عن بعض الامور وشكرا
صفا أحمد
04-03-2012, 05:41 AM
ارجو من المشرف اخباري عن مكان قاعة احتمالات واحصا الاحد اليوم لاني بدي احضرها الصبح ومش عارفة مكانها والموقع ضارب
ريهام2012
04-03-2012, 10:08 PM
الي بدرس بنجحوالله1
ريهام2012
05-03-2012, 04:00 PM
ممكن استفسر عن الدكتور ايمن صبح ولكم جزيل الشكر شكرا1شكرا1
faris gaza
11-03-2012, 12:22 PM
والله انا منزل معاه الفصل هدا كالكولس 2
اخدت معاه لحتى الان محاضره فقط
شرحو منيح
بس الله اعلم كيف امتحناتو