مشاهدة النسخة كاملة : هل تتزوج فتاه كنت على علاقة بها؟
السلام عليكم
هل تتزوج فتاه كنت على علاقة بها؟ سؤال للنقاش
محادثه هاتفيه بين خالد و بدر
نبدأ بالمحادثه
الووو هلا خالد أنا بدر
هلا خالد ... بدر : عندي موضوع ابغى اكلمك فيه بخصوص بنت
وش رايك في هذه البنت تكلمني وتبي تتزوجني
البنت محترمة وماترضى تعمل اي غلط
خالد : اها طيب ليش ما تتزوجها ؟؟
بدر : لانها رضت تكلمني
خالد : بس انت تقول انها محترمة وانت تعمقت معها؟
بدر : صحيح وهي محترمة جدا لكن..!!.
خالد : لكن ايش ؟
بدر : اكيد كلمت غيري لانها كلمتني !!
خالد : مب شرط !!
بدر : الا شرط
خالد : لكنك تكلمها من فترة طويلة ولما جا وقت الجد وقلنا زواج تهربت !!
بدر : صح لكن ....... عندي مبدا اللي كلمتني تكلم غيري وتخون ..!!
ويستمر الحديث الذي لا ينتهي .........
برأيكم
هل تقبل ايها الشاب ان تتزوج من تلك الفتاه التي اقمت معها علاقه سابقه؟
وبرأيك ايتها الفتاه هل توافقي على الزواج من ذلك الشخص ؟
هل ينجح هذا الزواج ...؟
ام ان الشك يسيطر على الطرفين؟
والله بالنسبة لي لازم اراقب افعالها وحركات ومن خلال طريقة حكيها بتعرف انها بتحكي مع غيري ولا لآ
وعال عموم الحمد لله
ملناش سكة في طريق البنات
تسلمي للموضوع كيف جوهري ومحط اسئله
JOKER
28-02-2010, 08:09 AM
اولا لازم تحددي نوع العلاقة وشو الكلام الي بسير بين الشب والبنت
ومش كل شب بحكي مع بنت بكون هدفه يتزوجها ولا كل بنت بتحكي مع شب بكون هدفها تتزوجه
وتاكدي لو الشب بحب البنت وبدو يتزوجها حيخاف عليها زي اخته ويكون صاحبها واحبيبها بنفس الوقت والبنت كذلك ومش حيطلع علي علي حد تاني لانو اصلا مش حيشوف غيره الي حبيبه
وهلأ حجاوب علي اسئلتك
هل تقبل ايها الشاب ان تتزوج من تلك الفتاه التي اقمت معها علاقه سابقه؟
لو بحبها بجد طبعا بقبل ولو كانت محترمة واظن الفترة الي كنت معها بكشفها لو محترمة او لاء
وعلي راي المثل الي بعرفو احسن من الي ما بعرفوو
احسن ما اخد وحدة بزواج تقليدي واعرف بعد سنين زواج انها كانت تعرف نص شباب الحارة ... !
هل ينجح هذا الزواج ...؟
طبعا حينجح لانو اساسه الحب الصااااااادق
ام ان الشك يسيطر على الطرفين؟
مش حيكون في شك اصلا .. والدليل انو الشب وعدها وتزوجها لو كان ما بدو اياها كان تركها من الاول وانتهي الموضوع وهدا الشي بكبر من شان الشب عند البنت وبتبطل تشوف غيره انسان بكل الحياة
وسوري طولت بالحكي
تحياتي الك وشكرا علي الموضوع
جنرال العاصفة
28-02-2010, 10:34 AM
مشكورة اخت توتا
على هالموضوع الجميل
الللي كل يوم بيحصل معنا
انا ليس ضد الحديث الذي يجري بين الصبايا والشباب
ولكن ضد ما يكون خارج عن تشاريع وتعاليم الاسلام
وحنا في مجتمع شرقي الواحد
لازم يحافظ على بنات الناس
زي خوات واكتر
يمككن الواحد ان يتزوج واحدة قبل كدة تكلم معاه
واعجبته في حديثها و اخلاقها
ودائما نتذكر القول
( افعل ما تشاء فان الديان لا يموت ، كما تدين تدان )
واسأل الله التر والعافية وان يحصنن ضد الفتن
موضوعكـ عجبني واجد وحسيتوا صدق يسسستآهل النقااشش
راح اقولكـ رايي انا بالنسسسبه للشششباب هالزمن
انا اتوقع انوو مسسسسسسسستحيل يتزوجهآ ابد
وحتى لو اتزوجهآ ماراح يكونوآ وآثقين ببعض
راح تنعدم الثقه يعني ماراح يسسسسستمر الزوآج
واتحدى اي شاب يوافق ع زواج بنت كان يكلمهآ
تقبلي مروري وصراحتي
تحــ غــلآ ـــــآآآتيي ..~
لولو2009
28-02-2010, 04:35 PM
موضوع جاد وحيوي
انا برايي انو البنت تحكي مع شب هادا موضوع مرفوض بكل الاشكال
لعدة اسباب اول شي حرام لانو وفي اية بتقول( ولا متخذات اخدان)يعني صحاب شباب
وتاني شي لانو المجتمع بيرفض هيك شي بالمطلق
وتالت شي هو انو الثقة رح تنعدم والشك رح يخرب العلاقة
وحتى لوكانت بنية صافية يعني اخوة وصداقة وبس بحكيلهم يعني هي قلة صحاب بنات
بتمنى كل البنات يكونوا واعيات وناضجات لانو مستحيل شب يتزوج بنت حكت معو
يسلموووووووووووووو توتا
مشكوووووووووووووووووووووووورين جميعا كتيييييييييييييير آراء مقبولة نوعا ما
الزعيم
28-02-2010, 09:50 PM
عااااااااااااااااااادي
واقبل انا ارتبطت بفتاة طيبة وخلوقة وتقدمت لها والان نحن خاطبين وزي العسل
وعقبالكم
دمعة تائبة
01-03-2010, 12:47 AM
ما بني على خطأ فهو خطأ
بالاول والاخر لازم نرضي ربنا بطريقة حبنا ..
venus
01-03-2010, 09:39 AM
مشكورة توتا على الموضوع هذا اول اشي .........
الي بيحب حدا يا توتا بيتمناه وبيتمنا يتزوجه ، هذا اذا كنا نحكي عن علاقة حب صادقة مش تمضية وقت والسلام...
واذا كانوا بيحبوا بعض كل اشي بيمشي حتى لو شكوا ببعض بلحظة اكيد رح يروح هذا الشك مع الحب
واحيانا كثيرة بيكون الشك من كثر هذا الحب ، والشك هذا بيولد الغيرة ، والغيرة حب ..
وكل واحد بيعرف حبيبته اذا حكت او بتحكي مع شباب ولا لا ، واذا ما بيعرف وكانت حبيبته تحكي مع كل شباب الحارة زي ما حكا الجوكر بيكون غبي الصراحة .........
وانا بالنسبة الي ما عندي اي مانع اني اتزوج وحدة حبيتها ، لسبب بسيط لاني حبيتها وكل واحد بيعرف حالوا وبيعرف حبيبته اكثرمن اي شخص تاني
(كل واحد بيعرف شمس بيته من وين بتشرق)
وبالنهاية كل اشي نصيب ، لو في نصيب حيتجوزا ويعيشوا اسعد ناس ، ولو ما في نصيب حيضلوا عايشين على ذكرى حلوة هذا لا سمح الله
وتوتا توتا خلصت الحدوتة
وكل واحد حر برايه طبعا
تحياتي الك توتا مرة تانية
واجمل تحية مني لقلبك وعقلك الكبيرين
تحياتي..........
venus
اممممممم
انت عارفة رأيى طبعا ههه
كفورية بحدود
02-03-2010, 06:18 PM
الغريب انو السوال بيتوقعو انو الشب بس اللي بيرفض
اصلا مافي بنت غير الرخيصة او اللي عندها عيب هي اللي بتقبل ع حالها تانتم (تصاحب يعني) وبعدها تحب وبعدها تقعد تحت رحمة الشب انو يتجوزها او لا
ممكن اامن انو شب شاف بنت بالطريق او بالشغل وعجبو اخلاقها قام طلب ايدها
او شافها بزيارة
او هيك شي
ياسيدي بلاش ممكن اامن انو شب عجبتو بنت بالمنتدى وسال عنها بالحقيقة ولقاها بنت كويسة يقوم يتقدملها
اما يكون صحبة وعايشين الدور
هادا تخلف
اصلا مابتخيل حالي قاعدة عايشة الدور مع واحد وانخطبلو ويضلو يعايرني كل مادق الكوز بالجرة
هادا رايي
مشكورة ياتوتا ع الطرح المميز
the.princess
02-03-2010, 10:07 PM
بصراحة موضوع كتيييييييير مهم ......
والمشكلة إنو بيحصل كتيييييييييير.....يعني أنا موافقة إنو العلاقة تبدأ بين الشب والبنت الراغبين بالزواج بس ....
بعد ما يتقدم لخطبتها......
أما حب ما قبل الخطبة .هاد كله كلام فاضي ....
ومضيعة وقت و خصوصا للبنت الي بتعلق حالها بشخص ما بتعرف ادا بيبادلها شعورها.... أو يكون بيلعب بيها .....
يعني هيا الخسرانة .......
أما من ناحية الشب ....راح أقول بصراحة ....ما تقولي انك بتكلم بنت لانك بدك تتزوجها أو لانك حاسسها محترمة .... هيا لو محترمه متل ما بتقول كان مافكرت تكلم شب....... ما بتهيألي ....
الكلام بهاد الموضوع ما بينتهي .....
بس من وجهت نظري انو من الغلط انو تصير علاقة بين
أي فتاة وشاب .....قبل ما يتقدملها رسمي ........
وهاد طبعا ...أفيد للفتاة أكتر منه للشاب.....
بس ما بعتقد انو راح يتزوجوا بالاخر...
وادا حصل وتزوجوا بوافق (كفوريه بحدود) برأيها
.........انو راح يعايرها بكل مشكله بتصير بينهم.............
معلش طولت عليكم....... أتمنى يعجبكم ردي....
مشكورة اختي (توتا ) على الموضوع المميز ......
آراء مختلفة عن بعض
بس بألآخير هاي وجهات نظر ممكن الأخذ فيها او لأ
مشطووووووووووووووووووووووووووووووووورين كتير كتير جميعا انا بس حبيت اعرف شو أراء اعضاء المنتدى بهيك موضوع لازم النقاش فيه..تقبلوا مروري جميعا
صديقتكم توتا
عاشقة الشموع
08-04-2010, 07:56 PM
مو كل البنات واحد وطول ما الثقة موجوده بينهم خلص ما حد يقدر يتكلم
وبعدين ما يسأل الشب نفسه مهو برده اكيد كلم برده بنات ولا هيه بس البنت
اللي عليها الكلام ولا رح تحكوا البنت بنت والشب شب بلا اسلوب غير حضاري
الثقة ثم الثقة ثم الثقة ويسلمووووووووووو
Viva Palestine
08-04-2010, 10:43 PM
كل انسان اله وجهة نظر بهادا الموضوع وممكن تكون سلبية وممكن ايجابية
لكن من تجربت كتير ناس مروا بحياتى صادقين بحبهم سواء الشاب للبنت او العكس الحمد لله العلاقة ناجحة كتير بينهم وكونو بيت واسرة جميلة
والى صاحبة حبها واحد بمنتدى واعجب باخلاقها وطريئة حكيها فسأل عنها وحبها وحكوا مع بعض ئبل الخطوبة وهما هلا خاطبين وعن ئريب رح يتزوجوا ان شا الله وما فى احلى منهم
المهم الصدق الى اتبنى بينهم هوا الى رح يحدد العلاقة رح تستمر ولا لاء
وبالنهاية كل انسان اله وجهة نظر
يسلمو توتا
ما تحرمينا من مواضيعك المميزة
مسك الجنة
09-04-2010, 09:22 PM
حب!!!!!!!!!!!!!
هه والله ما بعرف شو معناه عند شباب اليوم بس اراء البعض حلوة بس ازا كانت صحيحه هههههههه
الله يهدى ويهنى الجميع
يسلموا عالموضوع
تقبلى مرورى