من تأليفي : قصيدة رياضيات رد على قصيدة ساهر للفيزياء.

[Trust]

بسم الله الرحمن الرحيم

اليوم بعد صلاة الصبح اجت عبالي هالكلمات فاقرأوها منيح :

شو بتفرقي يا رياضيات عن الفيزيا
ساهر يكتب أبيات ويوزن قصائد فيها
وانت حلفتك بالأمانة بس سطر قول فيك
دايم دوم تصديني وتقوليلي بلا شعر بلا كلام فاضي
لكن أنا اليوم فاض فيني وراح احكي وقول
اه منك يا الرياضيات

درستك لحتى صرتي شي يلازمني متل ظلي
وقت يشوفوني بالشارع بأشروا ويقولوا هي معلمة الرياضيات
بالحارة صرت معروفة وبحل اسئلة الرياضيات مشهورة
وكل هادا وما بدك قول فيك بيت ..!!

بالمدرسة حبيتك وكنت بصفوفك دايما الاولى
بالجامعة لقيت حالي بسبح وهلأ بغرق
اخدنا ميكانيكا1 بأول فصل وغنينا الميجانا
فتنا بتفاضل 1 وتميزنا
وبعدها ب2 و3 الحمدلله اطلعنا
قلنا اذا بضل هيك الوضع تمام
فتنا على المبادئ ونحنا مطمئنين
وطلعنا منها ونحنا بنط وبنصفق

وما أحلى ايام زمان قدام الجاي
اخدنا التبولوجي وصرنا ما بنام
بنحلم فيها ليل نهار
بنمشي وبنحكي ألغاز بألغاز
وبعد ما خلصنا منها وسألونا
شو اخدتو فيها ؟!
قلنا بصوت عالي تبولوجي

ويا عيني يا عيني ع التحليل المركب
في البداية فرحنا وقلنا يا ما أحلاه .!!
وقت شفنا الكونتور صرنا بدنا مين يضحكنا ويسلينا

وبعد كل هادا يا رياضيات ما بدك قول فيك بيت
ولا بدك اعترف متل ساهر وقول بحبك
انا لو قلتلك بحبك بكون كذابة .....

وهلأ بيجي حسين وبشوف كلامي طبعا ما عجبو وشمر ايدي وفتح عيوني وقلي :

شو هالحكي يا ترست
بدك تشمتي فينا الفنان وساهر !
ولا بدك الاعضاء يضحكو علينا ؟!
اسمعي يا ترست كيف الشعر بكون للرياضيات
اه يا الرياضيات يا حبيبتي اه
انت بهالدنيا كل وجودي
انت عالمي ودنياي
من كتر حبي لالك طبقت كل قوانينك بحياتي
حياتي نظمتها وصارت هندسة حديثة
عقلي وصار متل التبولوجي مطاط
ونظرتي للحياة متل الجبر الخطي بسيطة
وتعمقي بهالدنيا صار متل التحليل المركب
اي مشكلة بتواجهني بالتحليل بقايلها وبالميكانيكا بقضي عليها

الله عليك يا رياضيات اللهأنا لو قلتلك بحبك قليل عليك
لأنو أنا فيك أبدعت
ومن ترست لا تزعلي
وبجي يوم وبتعرف انو لولا الرياضيات ما بتكون ترست .

وبهيك بكون خلصوا الكلمات , فشو رأيكم ؟!

[**HaMaDa**]

ههههههههههه

نيّالها الرياضيات . . ;)

حلوة . . كتيـــــــر . .

[7ala alward]

وقت شفنا الكونتور صرنا بدنا مين يضحكنا ويسلينا
كمان انتو في معكو كونتور

هههههههه لا بطلع معك ياترست

مع ان الكل بحكي التبولوجي صعب بس بعرف وحده جابت فيه 98


ع الاقل مواد الرياضيات بنجيب فيها بال90 لكن مواد تخصصنا حدث ولا حرج

بس لذيذه القصيده
يسلمو ياترست

[Trust]

نيّالها الرياضيات . .
أكيد نيالها بطلاب متلنا .

كمان انتو في معكو كونتور
أكيد ولو

مع ان الكل بحكي التبولوجي صعب بس بعرف وحده جابت فيه 98
هي صعبة وبدها متابعة وتركيز بشكل كبير

ع الاقل مواد الرياضيات بنجيب فيها بال90 لكن مواد تخصصنا حدث ولا حرج
ايوا احسدونا يا طلاب الفيزيا احسدونا !!


حمــادة
حلا الورد
يسلمو ع المرور

[FULLA]

ما تخوفيني يا ترست وتخليني احول على تخصص تاني
لما شفت القصيدة قلت يالهوي شو حيصير فيا وانا اللي بفكر انو الرياضيات سهلة جداااااااا


بس القصيدة قلقققققققققق
يسلمووووو دياتك الحلوة يا ترست

[اميرة القلوب]

هههههههه والله سرتو مبدعين سبتو تخصص الفيزياء والرياضيات وسرتو شعراء ومغنين
ربنا ما يحرمكو من الشعر الى بتفشو خلقو فيه وبتطلعو الابداعات هادى

[Trust]

ما تخوفيني يا ترست وتخليني احول على تخصص تاني
لا ما تخافي , الرياضيات ما بتخوف ومتل ما بتقولي سهلة جدا

والله سرتو مبدعين سبتو تخصص الفيزياء والرياضيات وسرتو شعراء
طبعا من فوائد التخصص انو بنمي كل الجوانب يلي بالشخصية ومن ضمنها الشعر .

فلة وأميرة الاحزان .. نورتوا الصفحة

[ملكة الاحساس]

شو هالابداع يا ترست فعلا لامستي جرحي ودحكتيني عحالي
هههههههههه
القصيدة قلقيشن وطبعا احنا من كتر ابداعنا بتخصصنا بيفرغلنا هالشي لنمي موهبة الشعر
بس خوفتيني من التوبولجي والتحليل المركب

[ƦǻeD]

•
• •

هههههه ..

وربي نكشة يا ترست شو هاد ..

بعدين اخى ساهر الو يومين ما بينام ..

امبارح شفتوا بالليل بيكتب قصيدة جديدة ..

وطبعا القصيدة من الحانى ..ههههه

يسلموو ..

•
• •

[ندوش2]

مشكورة كتير ترست علي هالقصيدة الحلوة .

[نظرة شموخ]

هههههههههههههههههههههه

شكراً

ربي يحفظك

[Trust]

بسم الله الرحمن الرحيم

بس خوفتيني من التوبولجي والتحليل المركب
لا ما تخافي , يلي بدرس وبجتهد بيلقى نتيجة مرضية كتير .

بعدين اخى ساهر الو يومين ما بينام ..
امبارح شفتوا بالليل بيكتب قصيدة جديدة ..
وطبعا القصيدة من الحانى ..
بس هيك يا كريس ما بينفع
انت محسوب علينا في الرياضيات وبالاخر بتكون ملحن للفيزياء
لازم تنضم لالنا وتلحن للرياضيات وبس .


ملكة الاحساس
كريستيانو
ندوش 2
نظرة شموخ
يسلمو ع المرور

[ساهر]

شو بتفرقي يا رياضيات عن الفزيا
ساهر يكتب أبيات ويوزن قصائد فيها
الفيزياء والرياضيات أولاد عـم .. هههه

ان شاء الله راح اكتب عن الرياضيات وأوزن قصائد فيها بس افضا اليوم .

وبعد كل هادا يا رياضيات ما بدك قول فيك بيت
ولا بدك اعترف متل ساهر وقول بحبك
بيطلعلك يا ترست تحكي عنها مش بيت واحد .. بل آلاف من الابيات

الرياضيات حلوة وانا بحبها كتيرر

شو هالحكي يا ترست
بدك تشمتني فينا الفنان وساهر !



هههه تقلقش يا حسين مش راح نتشمت .. ههه


بعدين اخى ساهرالو يومين ما بينام ..

امبارح شفتوا بالليل بيكتب قصيدة جديدة ..

وطبعا القصيدة من الحانى ..ههههه


ههههه ... لهلهلهله يا رائد ... يومين مرة وحدة . ههههه

انا القصيدة لما أكتبها بتاخد مني وقت نص ساعة أو بالكتير ساعة ...


خلص انا راح اكتب قصيدة عن الرياضيات وسأرد فيها علي قصيدة ترست وسأكتب أيضاً قصتي مع الرياضيات وسأضعها غداً ان شاء الله ..



يسلمو دياتك ترست عالأبيات الحلوة والكلمات الجميلة وما تحرمينا من مواضيعك وكلماتك الجميلة ..



وان شاء الله يكرموكي ضمن محبي الرياضيات

ومبارك يا ترست الاشراف علي قسم الرياضيات وان شاء الله تكوني من المشرفين المتميزين ..



لكي مني كل التحايا :)

[Trust]

بسم الله الرحمن الرحيم

انا القصيدة لما أكتبها بتاخد مني وقت نص ساعة أو بالكتير ساعة ...
لا يا ساهر ما تفهم كريس غلط
هو بس حكى هيك ليحميك من الحسد , خايف عمصلحتك .

خلص انا راح اكتب قصيدة عن الرياضيات وسأرد فيها علي قصيدة ترست وسأكتب أيضاً قصتي مع الرياضيات وسأضعها غداً ان شاء الله ..
ونحنا بالانتظار وأكيد راح تكون حلوة .

ومبارك يا ترست الاشراف علي قسم الرياضيات وان شاء الله تكوني من المشرفين المتميزين ..
الله يبارك فيك وموفق يارب .

[استبرق]

مشكور على هذه القصيده

[حسين]

الله عليكي يا ترست بجد شي حلو

والله عاملة قلق بالقسم بعد الاشراف ,,ما شاء الله
سبحان الله الرياضيات بتصنع شعراء

اخدنا التبولوجي وصرنا ما بنام
بنحلم فيها ليل نهار
بنمشي وبنحكي ألغاز بألغاز
وبعد ما خلصنا منها وسألونا
شو اخدتو فيها ؟!
قلنا بصوت عالي تبولوجي


مع حق فيها هههههههه
انا ايامها درستها وفهمتها نوعا ما لكن ما بعرف عن شو بتحكي الا انها تبولوجي وبس


وقت شفنا الكونتور صرنا بدنا مين يضحكنا ويسلينا



كوشي

انا لو قلتلك بحبك بكون كذابة .....
هادي ما حبيتها منك
هيك بتظلمي الرياضيات وبعدين شو يحكوا عنك مشرفة رياضيات وما بتحبها ما بصير



اه يا الرياضيات يا حبيبتي اه
انت بهالدنيا كل وجودي
انت عالمي ودنياي
من كتر حبي لالك طبقت كل قوانينك بحياتي
حياتي نظمتها وصارت هندسة حديثة
عقلي وصار متل التبولوجي مطاط
ونظرتي للحياة متل الجبر الخطي بسيطة
وتعمقي بهالدنيا صار متل التحليل المركب
اي مشكلة بتواجهني بالتحليل بقايلها وبالميكانيكا بقضي عليها


نيالها الرياضيات ونيالي انا كمان لانو بحبها
بس حلوة عقلي صار مطاط هههههههههههههه


الله عليك يا رياضيات اللهأنا لو قلتلك بحبك قليل عليك
لأنو أنا فيك أبدعت
ومن ترست لا تزعلي
وبجي يوم وبتعرف انو لولا الرياضيات ما بتكون ترست


ايوة هيك ,, خليكي صحبة مع الرياضيات وما تفارقيها ابدا

[فتاة الأحلام]

هههههههههههه
خخخخخخخخخخخخ
هع قصيدة بتجنن
حلوة كتير يا نيالها الرياضيات لهدرجة سهلة خلص راح حول عليها هع
والله ما في حد بحب تخصصوا يسلمووووو
تقبلي مروري

سلامي وحبي واحترامي

[دمعة تائبة]

هههههههه
روعة
تسلم ايدك أختي ترست
موفقة يارب

[Trust]

والله عاملة قلق بالقسم بعد الاشراف ,,ما شاء الله
أكيد قلق ايجابي .

بس حلوة عقلي صار مطاط
مهو على قول د. زياد كان دايما يقول التبولوجي بتخلي الاشياء مطاطية يعني المستطيل بصير كرة وهكذا .

حلوة كتير يا نيالها الرياضيات لهدرجة سهلة خلص راح حول عليها
بانتظار تحويلك واهلا وسهلا فيك .


حسين
فتاة الأحلام
دمعة تائبة

نورتوا بمروركم وموفقين يارب .

[ساهر]

قلنا بصوت عالي تبولوجيانا ايامها درستها وفهمتها نوعا ما لكن ما بعرف عن شو بتحكي الا انها تبولوجي وبس
من كتر ما بسمع بصعوبة التبولوجي صار نفسي أدرسها المادة هاي

ربنا يوفقكم جميعاً ويوفق كل طلبة الرياضيات بالتبولوجي

[المشاق]

ما شاء الله عليك بس لو كمان تزبيط ومتابعة احسن يعني بالمرةالجاي زبط

[Trust]

بسم الله الرحمن الرحيم

من كتر ما بسمع بصعوبة التبولوجي صار نفسي أدرسها المادة هاي
المشكلة انو بتفوت وبتطلع من المادة وانت ما بتفهم بالزبط شو اخدت سوا انو تبولوجي .

ما شاء الله عليك بس لو كمان تزبيط ومتابعة احسن يعني بالمرةالجاي زبط
ولا يهمك المرة الجاي راح زبط .


ساهر نورت بمرورك تاني
المشتاق مشكور عالتعليق والنصيحة .

[الضحكة البريئة]

ربنا ستر وحولت من الرياضيات كان هلحين بكتب روايات
هههههههههههههههههههه

[لوتس]

والله شي حلو هلا دورك تكتبي ياضحكة قصيدة لقسمك بس لا طولي

[Trust]

ربنا ستر وحولت من الرياضيات كان هلحين بكتب روايات
هيك يعني حولتي وكمان ما راح تألفي روايات , فعلا خسارة .


والله شي حلو هلا دورك تكتبي ياضحكة قصيدة لقسمك بس لا طولي
فعلا ضروري تكتب ونحنا بالانتظار .

الضحكة البريئة
لوتس
نورتوا بمروكم المرح .