اكلت هوا الجن في احد البيوت في دير البلح

[القيصر]

السلام عليكم ورحمة الله وبركاتوو

قبل ما تقروا الموضوع الكل يقول

اعوذب الله من الشيطان الرجيم

أنا جاي افش غلي في هل الموضوع الي بجد موضوع حقيقي وكنت مفكروا مزح بس لمن سألت أكتر من شخص في المنطقة أكدوا الي الخبر
الموضوع حسب ما يدور أنو طوشة بين الجن في احد البيوت في دير البلج وبالتحديد بالقرب من مدرسة مدرسة المنفلوطي للبنين

والقضة هي كالاتي
احد البيوت في هذه المنطقة يقال انه راكبوا جن لدار
علي مدي اسبوع أو اكثر كل يوم تنشب حريقة في هذا البيت بدون سبب وتأتي المطافي لكي تتطفئ الحريق وتسيطر ع الحريق وبعد ثواني تشتعل الحريق من جديد
صاحب البيت يضع الاثاث في منطقة في احد الغرف ثم يجدها بعد دقائق انتقلت الي الغرفة الثانية
والقصة حقيقة جددددددددددددددداا
فالي بنقال وحسب المشايخ أنو الدار ركبها جني .. ولحتي الان مش معرف الكلام الصافي بالنسبة لهل الدار

أنا مال لقيت الا قسم فشة خلق اني احط الموضوع فيها .. لانو كل ما اتذكر هل الموضوع بدني بقشعر
اشرد قبل ما يركب المنتدي جن

فشو رايكم في الموضوع والي عندوا معلوومات يضيفها يتفضل

[كلمات]

ههههههههههههه
بابا بشتغل قريب من هالمكان
وحكالي نفس الحكي وملهاش تفسير
للان معقول جن؟؟؟؟؟؟؟؟؟؟؟؟؟؟؟؟؟؟؟؟؟
بقولو هدول الناس كل ما بسكنو ببيت بسير
هيك معهم لا شيوخ ولا مطافي زابطة القصة مش لعب
الله يعافينا ويعافي كل المسلمين
ويرفع هالمشكلة عن اصحاب البيت

[الامبراطور 22]

معقووول ؟؟

[بنت الفنية]

معقووول بسم الله اللهم عافينا

انا عني ما سمعت فيها بس بتصير هيك قصص اكيد
الله يعينهم

[ابو سمرة]

صحيح يا قيصر انا من قيمة يومين اسمعت بالخبريه
ولعلمكو صارت هاي القصه عندنا برفح ببيت عند الجميزة اذا حدا بيعرفها كل حاجه بالبيت بتولع
واجو مشايخ كتيييييييييييير وفي شيخ دخل البيت من اول ما دخلو لهو طمل بعدين فط بعدين شرد يمين وشمال قالو صاحب البيت مالك حكالو هاد مش جن واحد دارك مسكن الهن
واضطر صاحب البيت انو يسيبو
القصه حقيقيه مئه بالمئه برفح وانا سمعت بقصة الدير بس ما اتاكدت منها
ويتلاقيه هاد تقصير من اهل البيت بحق الله

[messi]

الى صاحب بالدير حكالي القصه

ليش يضرب البسه السمرة ما لاقي الا هيه

والله يعافيهم ويبعد عنهم يارب

[عاشقة الشموع]

اعوذ بالله من الشيطان الرجيم
وانا اخويه حكالي هالقصة
يارب عفينا

[فتى المستحيل]

الله يعينكوا بس أنا بعتقد إنولو كانت العلاقة مع الله جيدة -علاقة العائلة - ماكانوا حيصير معاهم هيك وكذلك بعتقد إنو البيت مسكون بالجن قبل ما يسكنوه هما وعشان هيك بنصحهم يغيرو مكان السكن ويحسنوا علاقتهم مع الله بالإضافة إلى إنو أنا متأكد من إنو الشائعات بتعمل من الحبة قبة خصوصاً لو كانت مقصودة

[سراج الليل]

انا راح احكيلكوا القصة بالزبط
وكل مايقال غير صحيح والكلام الي بدي احكيه طبعا اسمعته من صاحبة البيت نفسها
انه صح البيت فيه جن بس جن طيار يعني بيروح وبيجي
وطبعا بالاول كان يسرق اشياء من البيت وكل هاد عشان يشعلوا الفتنة بين بعضهم
وهاد كله سحر في ناس عمنليلهم سحر عشان كل واحد يتهم التاني
ويخربوا بينهم
والاقوال التي تقول انه الدار مسكونة
وانه النار شاعلة فيها وماحد يقدر يطفيها
كلها اقوال غير صائبة
بس الحمد لله الوضوع تقريبا بنقدر نقول سبه كويس
الوضع مستقر نوعا ما
وبنقدر نقول الحمد لله وربنا علي الاولاد الحرام وبنات الحرام
والله ينتقم من كل واحد بيمشي في الطريق هادي
واستغفر الله

[~* ضوء القمر *~]

يا ربي

معقول هيك ..

الله يبعد عنا شر الانس والجن ..

يسلمووو قيصر عالخبر اللي بيخوف

[juba]

أعوذ بالله من الشيطان الرجيم
شو هادا ياقيصير
الله يعينهم

[ام صهيب2]

اعوذ بالله من الشيطان الرجيم
بسم الله الرحمن الرحيم
اللهم انا نعوذ بك من همزات الشياطين ..ونعوذ بك ربنا ان يحضرون

[محمد2050]

انا سمعت بالموضوع بس بدون تفاصيل ..

عموما ،، الجن اهون من البنادمين الي هناك ..

ربنا يصلح حالهم ..

[~* ضوء القمر *~]

عموما ،، الجن اهون من البنادمين الي هناك ..


يا سلام يا محمد .. عندك برود اعصاب مش طبيعي .. يا ريتني زيك

مبارح طول اليل مش عارفة انام من الخوف .. وجبت اختي تنام معي على السرير .. وحاااااااالة

بموت خوف من هاي القصص انا

الله يسامحك يا قيصر .. الا تحكيليلنا

[دمعة تائبة]

الله يجرينا يارب ويعافينا

[عاشقة الفردوس]

ع فكرة الموضوع صحيح
انا بعرف بنتهم لاهل هالبيت معرفة عن قرب
وقصة النار اللي بتشتعل بالبيت مزبوطة مو هبل واشاعات البنت صاحبة صحباتي وبتعرفني وبنحكي مع بعض عادي
بس اللي مستغربوا انو البنت ملتزمة ومو مضيعة حق الله
بس ما بعرف كيف باقي اهل البيت بعدين يلي بعرفوا انوالجن ساكن بيتهم من سنة ونص تقريبا بس هلا ما بعرف شو يلي خلاه يفوع
وشيوخ كتير اجوا للبيت بس ما قدروا يطلعوا الجن
وقصة انو بيسرق اشياء من البيت شي صحيح كمان سمعتوا
بس بصراحة سمعت شغلة اذا كانت صحيحة بتكون فعلا هي السبب
وبعرف كمان الناس من عيلة شو بس ما فيني احكي
واعذروني ما رح اقدر احكي الشغلة اللي ممكن تكون السبب الا لما اتاكد منها لحسن تكون اشاعة
في وحدة من صحبات البنت اللي بجامعتنا بتكون من صحباتي المقربات نوعا ما رح احاول اتاكد منها بطريقة مو مباشرة واذا صح رح احكيلكم شو هي


اللهم اعذنا من شياطين الانس والجن

[يمنى]

انا شكلي مش ح نام اليوم


ربنا يبعدهم عنا

مشكور اخي

[كفورية بحدود]

الدكتور حازم حكالنا هادي القصة
وطلعت بجد

بس اقلك شغلة الجن (قل اعوذ برب الفلق من شر ماخلق) مابيقعدو يحركو بغراض ويعزلو غرف

يعني ماحد فكر انو يفوت جوة البيت ويعرف

طيب مايمكن فيه انبوبة غاز مفتوحة وكل ماتنطفى النار بترجع مع حرارة الجو بتولع من جديد؟؟

وازا على تعزيل الدار (الشرطة حاصرت البيت من برة) بس مافتشتو من جوة

يعني البيت يمكن يكون فيه نفق تحت الدار وواحد بيضلو يطلع ويعمل هيك لحتى ينكش راس؟


يعني هالحكي عفى عليه الزمن

وماحد يحكيلي السحر والجن (والعياذ بالله) بالقران

باحكيلكم اكيد بالقران

بس اللي بالقران هادا بيحكي عن امور خارجة عن الطبيعة
بيعملها والعياذ بالله الجن

بس هادا توليعة دار

ماحد فيكم فكرة يعرف السبب

ولو هالقصة صارت عند اجانب كان ماوقفوا يحكي (يما يما مركوبة الدار بسم الله الرحمن الرحيم) لا
كان بدو يشوفو ويعرفو شو بيصير


الله يجيرنا يارب
اعوذ بالله من الجن ومن شره

[القيصر]

القصه حسب ما افهمت من الي في المنطقة تم السيطرة عليها بنسبة 70% وان شاء الله يقدوا مشاريخنا الكرام التغلب غلي الامر

[اميرة القلوب]

اعوذ بالله من الشيطان الرجيم
شو هلقصص يا شيخ شو يعنى فش نومة زى البنى ادمين اليوم