هل يمكن ان تحب شخصا دون ان تراه(مناقشه جاده وارجو التفاعل)..}

[juba]

أخوتي واخواتي..


هذا السؤال موجه للشباب والبنات كبار وصغار وهو جاد وليس لعب بمشاعر الاخرين ابدا...


هل ممكن انك تحب شخص عمرك ما شفته في حياتك ?? ....!!!


سؤال تبادر الى ذهني في هذه اللحظة...
وحيرني الجواب...
ولم استطلع الاجابة عليه لوحدي ..
لذا ارتأيت ان تشاركوني الجواب..


فهل من الممكن ان تحب شخصا عمرك ما شفته في حياتك ?? ....!!!


لربما عرفته من خلال شبكة الانترنت .. في احد المنتديات او كلمته على الماسنجر او في شات .
اوتحدثت معه من خلال الهاتف..!!


هل من الممكن ان تكون المحادثات المسنجرية او الشاتية او الهاتفية كافية كي تعرف وتحب شخص معين ??..!


ام انك ضد هذا النوع من الحب..
لانك تعتبره تسلية وقضاء وقت وتعبئة فراغ فقط ?? .. !!
وهناك الكثيرين ممن يلعبون بمشاعر الاخرين ولهو بها ويتلذذ بانة اوقع انسان او انسانة فى شباكة وعندما يعلم بانة قد اوقع ضحيتة فى شباكة يتركة او يتركها ويبحث عن صيد اخر .. !!
والتلاعب بمشاعر الاخرين والاقاع بهم يكون عادة عن طريق الكلام المجاملة الرد المنمق الجميل الاثراء والاطراء على اى كلام حتى وان كان كلام هبل الدفاع عنة الضحية فى اى موضوع اللعب بالارواح
فالروح هى من تحب ...
وهي تتآلف مع روح اخرى تعرفت عليها فوجدت عندها الحب .
والامان والطمأنينة والسلام .
وكانت اقرب من روحها اليها .
ولا داعي ان تتلاقي الاجساد والعيون .
كي نحب .
ولا داعي ان نكون قريبين من بعضنا البعض كي نحب .
فالحدود والمسافات لا تمنع تقارب القلوب والارواح من بعضها البعض .
فالمشاعر والاحاسيس الجميلة الطيبة .
تلغي المسافات والحدود والابعاد الزمانية والمكانية .
وتلغي الوجود .
واننا نحبهم رغما عنا .
ودون سابق انذار منا .
ونتعلق بهم .
ونتعود عليهم .
فنلتصق بارواحهم .
التصاق الروح بالروح .
وتكون ارواحهم لارواحنا قرار .


اخي واختي
هل تؤيد او لا تؤيد هذا النوع من الحب ??..!!
وهل احببت شخصا لم تعرفه ولم تراه ابدا في حياتك ??...!!


ودام الجميع بحفظ الرحمن

منتظر ردودكم وتفاعلتكم وتعليقاتكم على الموضوع
واتمنى اى حد يدخل ويقراه يقولى وجهه نظره

[عاشقه الشموع]

موضوع رائع جدا انا بالنسبه اللي
ع حسب ما الواحد يطمئن للشخص
من كلامه واسلوبه بس نادر جدا تنجح
العلاقه هاد لانه الشخص لما يبقي
قدامك غير لما يبقي حكا وبس...

[juba]

يسلمو عاشقة الشموع للمرور

[لمسة وفــــا]

آه ممكن بس مش بالصدفة , قصدي مش تيجيني إضافة ع الايميل أقبلها و نحكي مع بعض تصير علاقة , يمكن يصير هادا الكلام لكن أنا أرفضه بشدة و لا أقبل الإضافات و حكي المنتديات اللي رايح جاي و بيدخل في الطريق الغلط لكن أنا مثلا أعز الناس لقلبي صديقة تعرفت عليها عن طريقة الإيميل , بنت خالي أعطتني إيميلها و تعرفت عليها و لو ما كنت بثق بأخلاق بنت خالي ما قبلت أتعرف عليها و ما شاء الله عليها صرنا خوات و صحبات من قبل م أشوفها و بعدين لما شفتها حبيتها أكثر و علاقتنا توطدت أكتر و وما كنت مخدوعة فيها بالمرة, لانا كنا واضحين , الله يحفظها و يجمعني فيها دنيا و آخرة..و بالعموم أعتقد انو ممكن يصير علاقات بدون مقابلات وجه لوجه حتى و إن كانت غلط ......!!
ع العافية و بارك الله فيك..
دمت على طاعة الرحمن..

[السهم الابيض]

موضوع رائع وجميل
الحب شي واقعي ولا تصور يوم انني سوف احب ويكون هذا الحب شي خيالي يكون عبر النت او المكالمة الهاتفية او الشات صحيح يمكن لاي انسان ان يقع يوما ما في قصة مثل هذه فاذا كان الحب حقيقي وصادق ومن بعدها تصبح شي واقعي فانني اقبل بهذا الشي اما اذا كان من اوله الي اخره شي خيالي فلن يقبله اي احد صحيح يحق لكل شاب او شابة ان يحباو تحب ولكن يجب ان يقبل بالشي الواقعي حتي لا يندم بعد ذلك
تحياتي لكـــ

[كفورية بحدود]

نقاش رائع جدا وبمحله
بشكل عام اكيد هادا ولا باي حال من الاحوال بيكون اسمو حب
ممكن يكون
تعود
اعجاب
وهم صنعه العقل للقلب

بس اكيد مو حب

بالنسبة الي

مابتخيل للحظة وحدة اني اتعلق بخيال انسان قبالي سواء على الماسنجر او على المنتدى
لانو بكون حاطة بعقلي من قبل انو اللي قبالي مجرد حروف او صور بينسخها الكمبيوتر وبس وانو اللي قبالي مالو وجود بهالدنيا
بقى مابينفع اني اتعلق بحدا مو موجود

هادي شغلة
شغلة تانية
انا سمعت قصص بتشيب شعر الراس من انو فلانة تعلقت بفلان (قال يعني هو شماعة)
وفلانة حبت فلان (قال يعني هو كازانوفا عصرو)
فلانة عشقت فلان (قال يعني هو عنتر وهي هبلة)

وهالقصص خلت عندي مناعة قوية الحمدلله


نيجي للعقل :
الحجة الاولى :
تعودت كل يوم احاكيه .......
طيب وبعدين , افرضي النت قطع ؟

الحجة التانية : مواصفاتو خيالية .....
طيب وافرضي طلع شبه الجودزيلا ؟.....ساعتها بتكوني حبيتي جودزيلا؟؟!!

الحجة التالتة :فارس احلامي , وطريقة التعارف مودرن كتير ...
لا والله ,....يختي تسلميلي ....بتلاقي يدوب يدوب محصل حمار اللي قدامك


انا بصراحة هادي الحجج اللي بحطها بعقلي ازا الشيطان بدو يوزلي اني انغرم (قال يعني) باللي قدامي

طيب مااروح اريحلي احبلي واحد موجود قدام عينيا
(ولا اعمل وين دانك ياجحا)

باختصار (بعرف حالي كتارة برم)
الحب والعشق لوهم بيعبر عن فراغ كتير كبير بحياة هالانسان
وكل شي بينبنا على غلط بينتهي بغلط


للانصاف من بين كل مليون حالة تعارف بهالطريقة
بيصير نصيب


يعني القصة متل القمار


يسلمو مرة تانية ياجوبا على الطرح المميز

[juba]

لمسة وفا

السهم الابيض

كفورية بحدود

يسلمو على المرور الكريم

نورتو المتصفح

كل آرائكم فوق راسي

[messi]

في بعض الاحيان بتحصل اسمعو يا جامعه

الحب مو لعبه ولا كلام زي ما بنفكر الحب عشق وتدمير

لا تزعلو يا شباب احنا دايما بندور ع الحلاوه

مع انو الحلاوة حلاوة الروح لما تكون بتحكي مع وحده ما بعترفها لا بالشكل بس بالاسم ومواقف الحكي معاها كانت جدا راعه وغير هيك ممكن قلبك يتعلق فيها بس في جانب اخر بيحكي

لازم اشوفها مشان يطمئن قلبي

ولما نشوف المنظر مو الى متخيلينه بيصير الهروب عنا سهل وبسرعه

مع انو حديثو مع قلبو في الليل شو بيحكي

بيحكي والله انها كويسه مو مشكله المنظر

انا من ناحيتي بحكي الحب بيجي للانسان مو لازم الشوف

المهم خلي الواحد قلبو مرتاح لكل اشي

[صمود]

موضوع جميل ورائع
أنا رأيى أن الحب لا يحدث الا بالمقابلة الشخصية لان الوجه مركز التعبير عند الا نسان ومن خلاله نستشف المشاعر هل هى صادقة ام وهمية والله سبحانه هو الذى يهيىء الظروف ليجمع القلوب الطيبة
وشكرا على الموضوع

[دمعة تائبة]

طرح مميز اخ جوبا
في نظري انو نحب شخص من وراء شاشة كمبيوتر بحد ذاته خطأ
لكن بنظري :
هناك من الأشخاص من نعجب بهم ونكِن بمدى الاحترام والتقدير لهم
يعني بيعجبني فكرهم ومشاركاتهم ومن خلالها بنقدر نكتشف الصدق والكذب في شخصيتو ..
يعني ان كانت حقيقية اولا
اما حب عنجد..أكيد لا

[juba]

مسي

صمود

دمعه تائبة

يسلمو على المرور

كل واحد حر في رأيه

ومشكورين لآرائكم

[FULLA]

يسلموووو جوبا على الموضوع

أنا بنظري انو البنات هبل وهن اللي بضيعن بالاخر
وقد ما الناس بنصحوهن وبوعوهن بس ما بفهمن ولا بستوعبن

أنا بعرف بنت بتحب شاب على النت بعد ما كلمتو لمدة شهر تعلقت فيه وهو متلها وعرف عنها كل المعلومات وهي وما بتعرف غير اسمو ووين ساكن وقد ما حكيت معها لكن ما في عقل يستوعب
بقولها يمكن يكون بتسلى او بضحك عليكي او يحكيلك معلومات مش حقيقية وهدا الشب الو 3 شهور بوعدها انو يخطبها بالاخر قاللها على الصيف بنشوف والله أعلم شو يصير

ما بعرف ليش البنات بصدقن حكي الشباب بسرعة لما واحد يقولها بحبك بتذوب وبتموت فيه


نيلة تنيلهن

[لمعة]

هناك مثل شائع يقال حدثني حتى أراك ولكن الحديث على الماسنجر أو النت ليس بالضرورة أن يكون صحيح ممكن أن يكون تسلية فكن حذرا ولا تسمح لمشاعرك أن تتحكم بك.
طبعا اذا كنت واقعي صعب تحب شخص ماتعرفه
ممكن تعجب بفكره او خطابه او ماينقله من موضيع ولكن لدرجة الحب هذا جنون لانه في العاده اعجابك بشخص ما يعطيك صوره عنه قد لاتجدها في الواقع وتنصدم........هذا رأيي

[juba]

قله

لمعه

يسلمو على المرور

[الضحكة البريئة]

الحب عن طريق الشاشةهبل بس للاسف البعض بيعتقدوا انو البنت تعلقت فيه وبيصير يقول يا ريت ما تتعلق فيه احسن لي ولها وهو بيجرحها وهو مش داري عن حاله وهي اصلا بتكون غلطانة اللي فتحتله المجال للحكي وعرف عنها بعض المعلومات وكل هدا بسبب طيبتها وهي وثقت فيه زيادة عن اللازم

[محمود إسماعيل]

بالنسبة لوجهة نظري ممكن او بالأصح الاعجاب ممكن ..

يعني على سبيل المثال ممكن من خلال المنتدى اكون في ذاكرتي انطباع عن بعض اشخاص , اعجب بتفكيرهم , بردودهم , بأخلاقهم و زي هيك ..

يعني القصة راح تبدأ بإعجاب بالشخص من خلال كتاباته , و ممكن تستطيع تكون انطباع عن هذا الشخص يكون قريب من الواقع ( لنفرض ان مو كل شخص بيجامل و يكون الشخص في المنتدى هو نفسه في الواقع أي انا هو انا ) ..


طبعاً ممكن الانسان بيعجب بشخص من خلال كتاباته و بعد هيك يصير يفكر هل الشخص ذلك يصلح ليكون زوج ام لا و هكذا و بعد ما بيفكر التفكير و يطلب ايديها بتصير علاقة حب ..
و ان كان هيك حالات بتصير بشكل نادر لكن بتصير اكيد ..


طبعاً ممكن يكون العكس , يعني مثلاً انتاا يا جوبا لما ضفت ايميلي و حكيت معي ما مثل لما تعرفت عليك و اختلطت فيك ..

يعني قبل ما كنت مرتاح الك هه , لكن لما شفتك و تعرفت عليك حبيتك ..


تحياتي ::)

[شمس الأقصى1]

انا ضد هذا النوع من الحب..

[الوحدة الخاصة]

موضوع حلو بجد

اخي الكريم

قصة حب من ورا الكمبيوتر خاصة من شاب لبنت او من بنت لشاب هذا حرام شرعا والله اعلم


اما بالنسبة لإلي ممكن احب شاب حكيت معاه على المنتدى او في الشات او على الماسنجر حتى لو ما شفته

لانه ممكن انه يعطيني نوعا من الراحة والثقة والتفااائل والاحترام وهاد هو ما يسعى اليه الانساان من خلال علاقته مع الاخرين


أتمنى ان تكون اتضحت الصورة

تحيتي الخالصة لك ولجميع خاصاتك العاملة بالميدان

[juba]

الضحكة البرئية

الفنان

شمس الاقصى

الوحدة الخاصة

يسلمو على المرور

[صمود]

[فقط الأعضاء المسجلين والمفعلين يمكنهم رؤية الوصلات]نسخ.jpg

[Viva Palestine]

موضوع فعلا مشوق ومثير لنقاش

والله هيا بتكون على حسب النية يعنى لما تكون العلاقة بادية على غش وتسلاية ومضيعة وئت طبعا انا ضد
بس لما تكون نواياهم فعلا صادقة وناويين الخير والشاب فعلا ما بضحك على البنت وناوى الحلال ليش لاء
متل ما ئال الفنان
طبعاً ممكن الانسان بيعجب بشخص من خلال كتاباته و بعد هيك يصير يفكر هل الشخص ذلك يصلح ليكون زوج ام لا و هكذا و بعد ما بيفكر التفكير و يطلب ايديها بتصير علاقة حب ..
و ان كان هيك حالات بتصير بشكل نادر لكن بتصير اكيد ..


فعلا صارت مع صحبيتى تعرفت على زوجها من خلال منتدى واعجب بكتاباتها وحكى معها عالنت وعرفوا بعض بشكل جيد ولما اتأكدوا من مشاعرهم تجاه بعض طلبها من اهلها والحمد لله علاقتهم كتير منيحة مع بعض

طالما النية طاهرة ومو لعب وتسلاية ( ليش لاء )
وبالنهاية كل انسان اله وجهة نظر
يسلمو جوبا دائما متألق بمواضيعك

[juba]

صمود

لبرنسيسة جنا

يسلمو للمرور

[أبو همام الغزاوى]

أكيد لأ ...

لأنوا لا يوجد هناك حب عن طريق الكمبيوتر - الانترنت -

وذلك لعدم وجود الصراحة والصدق بين الطرف الآخر أو أحيانا الطرفين ..

لذلك هذا اسمه حب خدعة أو حب مخادع وهو فقط لإشباغ رغبات الطرفين القبيحة

أو الإيقاع بالأخرين فى حقل الرذيلة والشبهات ...

تحياتى للجميع

[juba]

أبو همام الغزاوي

كل الاحترامات لردك

ومنور موضوعي

اهلا وسهلا

[قلب مبدع]

هو شي وارد وبصير كتير لانو الكلام الو دور كبير بجذب الطرف الاخر وصراحة دايما هيك شغلة بتصير ...
وممكن كتير منا حصلت معو ..برغم هيك انا ما بأيدها لانها كلها خدع وكذب وما بنفع تحب حدا ما شفتو ولا بتعرفو شخصيا بجد لانو معضمهم اللي بتبعوا هيك طرق هما اشخاص بدهم يلعبوا ويتسلوا.........
ومشكور كتير على الطرح المميز ......

[امير الجنوب]

أخي جوباااا .. فكرة الموضوع رائعة جدا ...

اولا كل حب لغير الله فان ..

ومن خلف الكيبورد لا يمكنك ان تفرق ان كان الشخص الذي تتحدث معه يلبس قناعا ام لا ..

اما ممكن ان تتعرف عليه وتعجب بشخصيته وتنتظر الدقائق التي تتواجد انت وهو فيها ولكن هذا لا يمكن ان نعتبره حبا ...
لانك لم تعرف الشخص على حقيقته ..فلتتنتظر حتى تقابله وتجلس معه او حتى تراااه ..

[juba]

قلب مبدع

امير الجنوب

يسلمو على المرور

ارائكم حلوة كتير