عدم الالتزام بالحجاب هل يدل على نقص الايمان ؟

[بنت الجامعه]

السلام عليكم ورحمة الله وبركاته

هل سيأتي يوم وتودع فيه الفتيات الحجاب؟

قد ترون أن العنوان مبالغ فيه ولكن لن تلوموني عندما تعرفون أنني اقصد هنا

الغير المحجبات وأنصاف المحجبات وهن وجهان لعمله واحدة لافرق بينهما

واللي جعلني اكتب هالموضوع أمور لاحظتها على (بعض) البنات الله يهديهم

بنات مسلمات من بيئه ملتزمه بالحجاب اصلاً نلاقيهم اليوم بدون حجاب

في المجمعات العبايه على الأكتاف طيب.. ولكن وين الحجاب؟

ونفس المناظر هذي تكثر عند أبواب الجامعات

وإذا تحجبت تتخذ من الحجاب زينه ونص الشعر طالع حالها حال اللي مب متحجبه نفس الشي

*******************

البعض يقول ممكن تكون البنت غير محجبه بس هي قمه بالأخلاق

ويقولون ليش تنظرون للمظهر وتتركون الجوهر

وأنا اقول لا

لأن اللي تفرط بلبس الحجاب أو ماتلبسه عدل لابد في خلل بداخلها

لأن المظهر في هالحاله ماهو إلا انعكاس للي بداخل البنت

والشئ الطيب اللي بالداخل دائماً ينعكس على المظهر

لحد الآن ماقلت كل اللي عندي لأن يهمني أني اشوف رايكم باللي يصير

وعندي بعض الأسئله

1- نعرف جميعاً أن الحجاب فرض ديني على كل مسلمه فهل عدم ارتداء الفتاه للحجاب يعني أنه يوجد خلل أو نقص بداخلها ايماني واخلاقي أو خطأ في تربيتها ؟

2- سؤال للشباب - هل ترضى أن تتزوج من فتاه غير محجبه؟

3-سؤال للبنات- هل ترضين لبناتك أو اخواتك الصغار أو من تكونين مسؤولة عنهن بمصادقة فتيات غير محجبات؟

4- وشو رأيكم بالمنقبااات ؟؟؟


بدي ردوود صريحة وجريئة

بنت الجامعه

[Abed&so]

[فقط الأعضاء المسجلين والمفعلين يمكنهم رؤية الوصلات]
انا بصراحة ما بقبل اتزوج بفتاه غير محجبة
لانه عار على الفتاه ان لا تلبس الحجاب
وحابب اقول شى للفتيات اذا هيه بتفكر انو لما تتطلع شعرها
او تحط مكياج انو الشب راح يعجب فليها
انا بحب اقلها انو الشب ما بحب الفتاه اللى زى هيك بالعكس
الشب بحتقر البنت اللى بتعمل هيك
وراجوا ما تزعلوا يا صبايا من الصراحة
عبوووووود
[فقط الأعضاء المسجلين والمفعلين يمكنهم رؤية الوصلات]

[عطر الروح]

نعرف جميعاً أن الحجاب فرض ديني على كل مسلمه فهل عدم ارتداء الفتاه للحجاب يعني أنه يوجد خلل أو نقص بداخلها ايماني واخلاقي أو خطأ في تربيتها ؟

أكيد لأنه الحجاب هو عفة وطهارة وحصانة للفتاة من الذئاب البشرية واللي ما بتلبس حجاب أكيد بيكون في نقص بايمانها لأنته لو ايمانها كالم كان لحالها لبست الشال



2- سؤال للشباب - هل ترضى أن تتزوج من فتاه غير محجبه؟

أنا مش شاب بس راح جاوب///// لأغلب راح يحكي لااااااااااااااااا

بس في شباب ببيقى أول شروط الزواج انه ما تلبس شال


3-سؤال للبنات- هل ترضين لبناتك أو اخواتك الصغار أو من تكونين مسؤولة عنهن بمصادقة فتيات غير محجبات؟


على هوا البنت وأخلاقها وتربية وعالمها

في بنات صحيح ما بيلبسه حجاب بس هم قمة بالأادب والأخلاق

اذا كانت البنت محترمة واخلاقها عالية عادي ليش لأ

وشو رأيكم بالمنقبااات ؟؟؟

مع احترامي لكل المنقبات

في أنواع للمنقبات

في منقبات بقناعة ايمانية // بنت طاهرة عفيفة ملتزمة

في منقبات (بتخاف على بشرتها من الشمس)//// ناس فاضية

في منقبات (حتى ما حد يعرفها لما تروح ولما تطلع )/// حقارة


مشكورة بنت الجامعة







ا

[بنت الجامعه]

عبوود

همسات

مشمووورين ع المداخلة

يلا بدنا آرائكم يا أعضاااااء

[smart_mody]

موضوع جميل

1- نعرف جميعاً أن الحجاب فرض ديني على كل مسلمه فهل عدم ارتداء الفتاه للحجاب يعني أنه يوجد خلل أو نقص بداخلها ايماني واخلاقي أو خطأ في تربيتها ؟

اخلاقي ممكن لأ .. بس ممكن خطأ في الترباية وقلة دين عند الاهل

اما البنت اللي تكون محجبة في البداية ثم تخلع الحجاب فيكون نقص اخلاقي

2- سؤال للشباب - هل ترضى أن تتزوج من فتاه غير محجبه؟
اكيد لأ ...

4- وشو رأيكم بالمنقبااات ؟؟؟
في الفترة الاخيرة الحقيقة النقاب اصبح مشوها السمعة

فتجد منقبة بلباس مغري اكثر من الغير منقبة
والجلباب ضيق جدا مع سم للعيون
فهل هذا نقاب

وكمان الغير متزوجة النقاب الها غلط

النقاب بعد الزواج افضل بكثير

ويعطيكي العافية بنت الجامعة تقبلي رأيي

[zutwut]

1- نعرف جميعاً أن الحجاب فرض ديني على كل مسلمه فهل عدم ارتداء الفتاه للحجاب يعني أنه يوجد خلل أو نقص بداخلها ايماني واخلاقي أو خطأ في تربيتها ؟

لا مش شرط ممكن البنت من عيله منفتحة ولسه مش مستوعبة شو هوة المفهوم الحقيقي للحجاب

وما عمره اجا في بالها انها في يو م ممكن تلبس الحجاب غير هيك ممكن يكون السبب الى ذكرتيه


3-سؤال للبنات- هل ترضين لبناتك أو اخواتك الصغار أو من تكونين مسؤولة عنهن بمصادقة فتيات غير محجبات؟

طبعا ازا مستواهم الفكرىاو بالاصح انتمآتهم ممم بديش اقول متقاربة بس مش متباعدة ومنتافية من الاحر ما ياثروا

سلبا على اللى انا مسؤول عتها

4- وشو رأيكم بالمنقبااات ؟؟؟

رايي من راى همسات الليل

ونا ضد فكرة النقاب الا للضرورة القسوى

ما حدا بيعرف الظروف مع احترامى

تحياتى

[angel]

مشكور كتير عالموضوع المهم ويعطيكي الف عافية

[كفورية بحدود]

اول شي يسلموا يابنت الجامعة على هالموضوع الرائع

تاني شي راح اجاوب على اسئلتك بصراحة


الحجاب فرض ومافيش خلاف على هادا الكلام
انا بترك قرار الحجاب لصاحبته لحتى ماتعمل متل ماعم يعملوا معظم بنات الجامعة اول مايوصلو بيخلعوا حجابهم او بيلفوا مرة تانية بطريقة (بتقرف)


النقاب بالنسبة الي(مع احترامي للجميع من المنقبات) مافيش وحدة لسة عايشة على وش هالارض بتستحق تحطوا على وجهها لانو تشوه

وكمان النقاب ماعاد يلتبس لغرض اللي انفرض منشانه
وبالنسبة الي ابعد قرار عن خيالي هو النقاب مع انو بفترة كان النقاب هعو شغلي الشاغل وهو محور اي نقاش مع اهلي


وبالنسبة للشباب
مابظن في شب بوعيه وبدينه
بيقبل يتجوز ةحدة مش محجبة او على الاقل بيخليها تضل على عدم حجابها


ويسلاموا مرة تانية يااحلى بنت بالجامعة

[بنت الجامعه]

سمارت

أكيد بتقبل رأيك وبحترمه

zutwut

angel
كل الشكر ع المداخلة الطيبة منكما

كفورية بحدود

بحب أعلق علي كلامك

( ا معظم بنات الجامعة اول مايوصلو بيخلعوا حجابهم او بيلفوا مرة تانية بطريقة (بتقرف) )

صحيح كلامك بأنهن يخلعن الحجاب في الجامعه وهذا مش عيب ....... أما بيلفوا مرة تانية عمرها ما صارت الا نادرا نادرا

وخاصة انه احنا في البحر منطقة مقطوعة .......


النقاب بالنسبة الي(مع احترامي للجميع من المنقبات) مافيش وحدة لسة عايشة على وش هالارض بتستحق تحطوا على وجهها لانو تشوه

كلامك في منه وما بدنا نظلم اللي لابسينه تدينا ولا شو



بتشكرك كفورية ع المداخلة الحلوة منكم


كل الشكر لمن ابدي رأيه بصراحة


دمتم

[sMiMs]

عادى جداَ فى بنات مش محجبات محترمات اكتر من البنات بيكونوا محجبات ولابسين نقاب كمان يعنى الحجاب مش شرط

[زهرة الثلج]

ترضين لبناتك أو اخواتك الصغار أو من تكونين مسؤولة عنهن بمصادقة فتيات غير محجبات؟


طبعا لأ بس مش معناتو اني الزمهن بالحجاب من هن صغار

لما يدركن معني الحجاب ويصيرن مطالبات بلبس الحجاب وقتها يتلزمن في الحجاب


النقاب انا ما بحبوا وخاصة للفتاة غير المتزوجة

انا ما بفكر اتنقب

النقاب حرية شخصية مش فرض


ددمتي بنت الجامعة

[بنت الجامعه]

canina

زهرة الثلج

بحترم رأيكما

كل الشكر لمروركما المعطر

دمتما

[eyesprince]

2- سؤال للشباب - هل ترضى أن تتزوج من فتاه غير محجبه؟

الكل قالو لا اقبل ليش ما انتا تعمل حسنه في حياتك واتخليها تلبس الحجاج علي ايدك انا لو اجيت انا اخطب وحده ولقيتها مو محجبه بشترط عليها تلبس الحجاج وبهذا ببقا كسبت اجر ولا شو رايكوووووو



4- وشو رأيكم بالمنقبااات ؟؟؟

بقصه المنقبات صارت شائعه عنا ببعض التصرفات الي مو منيحه فاغلب الشباب بحتقرو المنقبات
وانا واحد من الناس ما بطيقهم ليش خلص هيك

[بنت الجامعه]

صحيح كلامك eyesprince ومنها كسبت أجر

وليش الشباب بكرهوا المنقبات علي علمي

بمجرد يخطبوا أول هدية بتكون النقاب كتيييير بتصير

مشكوووور علي صراحتك

[كفورية بحدود]

قوبلتك يابرنس

النقاب موضة


ويابنوتة الجامعة

ياللي بيهدي خطيبتو نقاب بيكون واحد تنين

شاكك فيها ....يعني هي بتاعت تجارب
او هو صاحب تجارب ومابدو يصير بمرتو متل ماعمل بغيرها


هادا رايي

[°¨¨™¤¦ BIG HEART ¦¤™¨¨°]

اعتقد ان هذا الموضوع غاية في الاهمية
2- سؤال للشباب - هل ترضى أن تتزوج من فتاه غير محجبه؟
بكل تأكيد لااا ولو كانت شو ما كانت ، فلا اقبل انها تكون متل الزهرة كل الناس تنظر الها
او تشمها او حتى تلمسها ، اكيد بحجابها حتكون بنظري ونظر الجميع احلا واحلا
بالنسبة للنقاب
من المفروض انه ما نقول عن حالة شفناها او اسمعنا بيها ، بتصير على كل المنقبات
في من المنقبات كل الادب والاحترام والاخلاق ، وفي منهم الله يهديهم
بالنسبة الى النقاب البنت مخيرة فيه ولكن
لبسه مش عيب ولا حتى عدم لبسه عيب
العيب فقط في سوء استخدامه
سواء كانت متزوجه او غير متزوجة

اذا كانت البنت او المرأة لا تلبس الحجاب اعتقد هناك نقص في ايمانها
مشكوورة بنت الجامعة على هذا الطرح الجميل
وتحياتي لهمسات الليل ههههههههههههههه جابتها من الاخر

تحياتي

[بنت الجامعه]

ويابنوتة الجامعة

ياللي بيهدي خطيبتو نقاب بيكون واحد تنين

شاكك فيها ....يعني هي بتاعت تجارب
او هو صاحب تجارب ومابدو يصير بمرتو متل ماعمل بغيرها


هادا رايي

لا أنا ما بأيدك فهالكلام

لأنه بمجرد خطبها خلص صار في عالم تاني غير العالم اللي كانوا عايشين فيه

عالم أراد هذا الخاطب صنعه وبنائه ..... وأيضا لا يستطيع جبر خطيبته علي لبسها

لأنه علي يقين ان النقاب لازم يكون علي اقتناع مو فرض رأي ولا شي تاني

بتمني الفكرة وصلتك حبيبتي


°¨¨™¤¦ Big Heart ¦¤™¨¨

كل الشكر لمروكما الطيب والمعطر لصفحتي


دمتما

[كفورية بحدود]

لأنه بمجرد خطبها خلص صار في عالم تاني غير العالم اللي كانوا عايشين فيه

عالم أراد هذا الخاطب صنعه وبنائه ..... وأيضا لا يستطيع جبر خطيبته علي لبسها
كلامك صحيح بس انا بتكلم عن اللي بيفرض على زوجته لبس النقاب
وصدقيني عند قصص عن هادي المواضيع من بنات بتشيب شعر الراس

[بنت الجامعه]

قصص كتيرة صحيح


مشكوووووووورة علي متابعتك الموضوع حبيبتي

[أستاذ الكلمة]

بنت الجامعه


لا تعليق

ولكن الف تاة المحجبه أجمل بكثير من الفتياة المتبرجات

وبصدق الحجاب والنقاب يكون على الفتاة أجمل بكثير من التبرج

تحيتي

[M_H_F]

مشكورة بنت الجامعة على موضعك الحلو

انا تعليقي إني أول شي ما بأنظر لأي بنت من دون حجاب وإذا صادف وتعاملت معها فيكون تعاملي معها معاملة سطحية بعيدة عن أي أخذ وعطى وإذا أرادت أن تتكلم فعليها بالحجاب

اما البنات يلي بيلبسوا الحجاب فأنا بأحييهم والمنقبات لهم تحية خاصة ولكن للأسف في نسبة بمجتمعنا ما بيحترموا الحجاب أو النقاب هذا الشيء ما ببين إلا من خلال التعامل مع الفتاة

على العموم مشكورة بنت الجامعة

[بنت الجامعه]

استاذ الكلمة

M_h_f

كل الشكر للمرور والمداخلة الطيبة

بدكم الصراحة بطل المجتمع يفضل المنقبات لأسباب ... وأكبر مشكلة انه مجتمعنا مجتمع التعميم مش أكتر

ما برحم بالمرة ... صحيح بنلاقي ناس بيدافعوا عنهم لكن المقابل ناس اكتر لحتي يهاجموهم والسبب التعمييييييم


دمتم بود