مشاهدة النسخة كاملة : ارجوكم مساعدة .........وافيزياءااه
كفورية بحدود
21-02-2008, 07:47 PM
ياجماعة
احنا نزلنا مادة فيزياء واحد
مع دكتور رفعة الخزندار
ارجوكم قولولنا كيف هي
بنترجاكم
وبصدق
مستنية ردودكم
وعلى اساسها راح نشتغل
:cool:
smart_mody
21-02-2008, 07:50 PM
انا اخدت معاها مختبر فيزياء1 كانت ما بتفهم شي بس انا بصمت الدسية وجبت علامة منيحة
وانا برأيي خدي معها انا برتاح لما اخد مع النسوين
بس ما بعرف كيف بكونو مع البنات
انا جربت كل اللي بدرسو الفيزياء ولا واحد منيح
:)
اتوكلي على الله
وانا عندي سؤال
كيف أ. هاجر ابو عودة بالتفاضل2 ؟؟؟؟؟؟؟؟؟؟؟؟؟؟؟؟؟؟؟
كفورية بحدود
21-02-2008, 08:05 PM
واللله مابقدر افيك لانو تخصصي كيميا وانا سنة اولى كمان
يسلموا ع المعلومات
يعني اتوكل على الله ؟
smart_mody
21-02-2008, 08:10 PM
اه والله توكلي على الله ولا تكسلي
يعني ادرسي اول بأول
لانو10 شباتر مش قلال
انا كسلت اخدها في سنة اولى والمشكلة عندي فيزيا1 + فيزيا2 + الكترونيات ورا بعض
وكسلي خلاني اتأخر
لذلك لاتسألي حد ويحكيلك مش كويسة هادا الكلام بدمر
اهم شي المتابعة اول بأول
تحياتي
الملاك الأشقر
21-02-2008, 08:18 PM
بصراحه الاستازه رفعه بتحط علامات بالكبشه
بس بنفس الوقت مستحيل تفهمي منها أي إشي
بس بصفه عامه الفيزياء صعبه شويه ، لانه قسم الفيزياء عنده عقده بيحب الكل يرسب بالماده لحتي القسم يشتغل
بالنسبه لهاجر هتخليك تهاجر من القسم وأبقي قابلني
smart_mody
21-02-2008, 08:22 PM
بالنسبه لهاجر هتخليك تهاجر من القسم وأبقي قابلني
شووووووووووووووو ناقصني بلاوي
اليوم سألت شب بالرياضيات حكالي منيحة
واحنا مالنا ومال مواد الرياضيات اخخخخخخخخخخخخخخ
يسلمو ملاك
وصحيح رفعة ما بتفهم متل ما حكيت واللي ما بفهم بضطر يحط علامات عشان يغطي على عيبه
مشكورررررررررررررين
الملاك الأشقر
21-02-2008, 08:33 PM
إذا بدك تزبط مع هاجر
كل يوم خوذلها كبشه مسائل وروح أتفلسف عليها بالقسم
وإدعيلي
وصفه مجربه
smart_mody
21-02-2008, 08:40 PM
اففففففففففففففففف
ما بقدر معاي 5 مواد تخصص غيرها
هيك بموت
فيزيائي
21-02-2008, 09:09 PM
بالنسبة للأستاذة رفعة فما جربتها أنا
أما الدكتورة هاجر فدكتورة رااااااائعة جداً جداً
بس أهم شئ الدراسة أول بأول منشان الشخص يحصل على علامة حلوة
تحياتي لكم
smart_mody
21-02-2008, 09:26 PM
أما الدكتورة هاجر فدكتورة رااااااائعة جداً جداً
يسلمو فيزيائي رفعت معنوياتي
eyesprince
22-02-2008, 12:09 AM
بعرف انو الدكتوره رفعت الخزندار انو منيحه بس بدق علي كل اشي وفي قرايب الي اخذو معها
اما بالنسبه للدكتوره هاجر لسا ما بعرف عنها اشي بس يمكن اتكون احسن من الدكتوره سحر ابو سمك في تفاضل 2 لانو ضيعتنا الفصل هذا واغلب العلامات تاعاتنا مش منيحه لانو الامتحان النهائي مش هي الي حطتتو
وبعدين محدش يسمع كلام حد خذ مع هذا منيح وهذا لا لانو كل ضيعنا الي مش منيح طلع منيح والي منيح راح فيها
فيعني من الاخر الي بدرس بجيب علامه والي ما بدرس الله يعطيه العافيه علي 60 الو 40 الصفر الجامعي
تحياتي للجميع
الوردة الراقية
24-02-2008, 02:52 AM
ممكن اعرف متى يبدا الفصل الدراسى الجديد
الملاك الأشقر
24-02-2008, 03:05 AM
الأحد الي جاي 2 /3 علي ما أعتقد
هيك اسمعت
كفورية بحدود
24-02-2008, 10:07 AM
اول شي يااحلى وردة
اكيد باذن الله الفصل بيبدى يوم 2/ 3 يعني يوم الاحد ان شاء الله
اما بالنسبة للدكاترة
فانا خلاص راح اعتمد دكتورة رفعة
لانو بصراحة انا تخصصي كيميا
ومابيلزمنا افهم فيزيا المهم اني اخد علاماتها
وع قولة ملاك
اللي بيدر س بينجح
وكمان زي ماقال اي برنس انو لازم مانرخي دينينا لمين ماكان
لانو اسمعت كتير عن ضحايا هادي الشغلة
ع العموم تسلموا كلكم
انا خلص اخدت قرار
وبعدين من اول اسبوع مش كويسة
بعمل سحب واضافة على طول
sadheart
24-02-2008, 05:52 PM
تحياتي للجميع
انا طالب من قسم الفيزياء وأرجو االقى ترحيب منكم
بخصوص الدكتورة رفعة الخزندار
اي مادة بتنزليها معها لازم تعتمدي عنفسك فيها
وكلامي واضح
بس ما في داعي ننتقد الدكاترة كدة
انا مستعد افيد واستفيدمنكم
شكرا
كفورية بحدود
25-02-2008, 03:27 PM
ول شو التعصيبل ياساد هارت
اكيد راح نفيد نستقي
ومنورنا
ابتسامة
15-04-2008, 03:39 PM
الاستادة رفعة موووووووووووو منيحة خالص
ومش هتفهمي منها
الله يعينك عليها هي مع الشباب احسن من البنات
اما الدكتورة هاجر هي كويسة بس مو كتير امتحاناتها كتير صعبة وتعجيزية بس اذا تفلسفت عليها بتحطلك علامات
انا جربت الاتنين
كفورية بحدود
17-04-2008, 04:00 PM
يسلمو ياابتسامة ياعسل
بس انا سحبت المادة
لانو الدكتور اخدها تحدي انو حد ينجح وهي مش ناقصة
بدنا نخلي معدلنا بال90
وان شاء الله خير