مشاهدة النسخة كاملة : ادخل وشاركنا برأيك !!!! هنا الصراحة وجد ...
بنت الجامعه
05-03-2008, 07:09 PM
السلام عليكم ورحمة الله وبركاته
كلنا عارفين نكبة فلسطين 48 وما كان له أثر علي شعبنا لحتي الآن. ....
وما نتج عنه من نتائج سياسية واقتصادية وأيضا اجتماعية ...........
وكثرت الهجرات ومنها إلي قطاع غزة .............
أناس كثيرون شردوا وهاجروا وعانوا كثيرا واستقروا في القطاع أخيرا علي أمل العودة لبلادهم
ما بدي اطول في المقدمة كثيرا ...
المهم .. ضمت غزة فئات كثيرة من الشعب أو انقسموا الشعب إلي فئات مثل ( البدو - االاقلاعي - الجبلي
الفلاحي - المدني ووووووووو ما شاء الله نوعا ما كتار )
وصدقوني في انقساماااااات كتير بس حبيت اذكر هالشي وما خفي أعظم ......
لسة ما فتنا ع الموضوع.....
الموضوع بكل بساطة
إنه في حال ما يتزوج شخص ما وأراد أن يكمل نصف دينه ويذهب ليتقدم لطلب يد فتاة
وعلي الرغم انه فيه مواصفات التي يرضاها كل ولي امر فتاة .....
/
\
/
\
يتفاجأ بالرفض التام
؟؟؟؟
لماذا
؟؟؟؟
لأنه
فلاحي
لأنه
مدني
لأنه
بدوي
ولأنه
....
ولأنه
.......
وعدا ذلك إن تقدم لخطبة فتاة والحمدلله رضيوا الأهل بيكون المهر غالي كاوي ليش
لأنه كذا وكذا
ويستمر الحكاية
بجد هذه مشكلة ان ما تسببت في عنوسة البنات راح تسبب في عنوسة الشباب
بدي آرائكم وتفاعلاتكم بالموضوع
بنت الجامعه
دمعه فلسطين
05-03-2008, 08:00 PM
شو بدنا نعمل حكم القوي
بس هاي ظهرة انتشرت بكل المجتمع العربي بس يمكن بالهوقت بعد ما ادركوا الاهل خطورة هادا الموقف وعيوا علي حالهم وصاروا يخخففوا شوية ..
يعني هلأ المهر خف .. بس مش عند الكل
مشكوووووووووورة كتير بنت الجامعه علي الطرح
المستحيلة
05-03-2008, 08:37 PM
مشكورة لطرحك الموضوع
sun_corona88
05-03-2008, 09:22 PM
يسلمو على طرحك للموضوع
لكن انا بحب اعلق انو مهما كنا متعايشين مع بعض وعايشين مع بعض سواء فلاح او مدني او بدوي
بيضل لكن فئة عادات او بعض التقاليد تختلف عن الفئة الاخرى
وهذا الاختلاف منذ القدم جعل الاهالي يرون ان هناك مشكلة اذا تم الارتباط بين فئتين مختلفتين بحسب وجهت نظرهم مش وجهة نظري هاي
ولكن من وجهة نظري ما في فرق هاي الايام بين الناس لانو العالم وصل القمر واحنا لسا متمسكين بشغلات بترجعنا لسا للعصر الحجري
اختي بنت الجامعة ...
اعتقد بانك طرحتي مشكلة كبيرة بصراحة
حلها برائي ما بجي بهالسهولة
لانك بحاجة الى غسل عقول الناس حتى تخلصيهن من افكارهن وهاد الشي
الي نوعا ما مستحيل
كتير ناس بالحكي بقول مثلا كلنا فلسطينية مافي فرق بين مهاجر ولاجئ
وضفاوي وغزاوي او من عرب اسرائيل
كلنا واحد وشعب واحد
ومافي عنا شعارات المدني والفلاحي ... والخ
لكن انا معك لانو بارض الواقع ووقت الزواج مثلا
بتطلع مليون علة وعلة
واصل الحكاية بانو هالشخص لاجئ او ضفاوي او غزاوي
وبالتالي اصله وفصله مابناسبنا
فالمشكلة كبيرة بحاجة الى حل جذري وغسل عقول العالم
وهاد الشيء ممكن مستحيل حاليا يصير بسرعة
الشغلة محتاجة سنين للامام
لانو في كتير ناس بلشت توعى لتفاهة هاي الاسباب
في ناس كتير اصبحت تغير مفهوم الاختيار بالنسبة الها
خصوصا مع ارتفاع عدد البنات مقارنة مع الشباب
فاصبح الاهل يحاولوا بصراحة عدم فرض شروط صعبة
لانك زي ما انت شايفة العنوسة عم يتزيد والغلاء عم يزيد
هاد الشيء راح يخلي البعض يتنازل عن بعض الشروط الغير منطقية
لحتى يستر على بنته
لكن بالتاكيد هاي الاسباب ما الغت الفكرة ككل
لانها مازالت برغم كل شيء موجودة
وللاسف اصبح الاهل حتى يتناسوا نصائح رسولنا الكريم
بالزواج مبكرا ممن نرضاه لاخلاقه ودينه
وبالتالي بكون الاهل حصنوا بنتهم في الدرجة الاولى من الحرام والانحراف
وللاسف كتير من الاهالي بضيعوا على بنتاهم فرص جيدة
وبالاخير بتروح على البنت ...
وبعدين بلوموها الاهل لو فكرت في يوم انها تحكي مع شاب او تبني علاقة عاطفية
وما بعرفوا ان الاهل همي اكبر سبب واكبر دافع للانحراف
القيصر
05-03-2008, 09:56 PM
موضوع رائع للنقاش
وهدا واقع بعض العائلات عنا
واسمعت عن قصص كتير هيك
فشلت الخطوبة بسبب أنو هدا من بلد والبنت من بلد ثانية ومعروق أنو البلدين ما باخذوا من بعض
واستغربت اكتير لهدا الشي
لانو كلنا بالاول والاخير مسلمين
والرسول صلي الله عليه وسلم قال
واذكر هنا معني الحديث أنو اذا كان الشب محافظ علي دينوا واخلاقه منيحة فالتتزوجه الفتاة
بس أحنا للاسف صرنا ندور علي المهر الكتير وللاسف المهر الكتير بجلب لبنتهم حياة تعيسة وهما مش حاسين
لانو الرجل بدوا يجب مصاري المهر عن طريق الدين فيعد أسبوع من الزواج يضر الي بيع عفش البيت وذهب مرتوا
يعني لازم هاي قصص الفرعيات تتنتهي
يسلموووووو علي طرح هيك مواضيع
زهرة الثلج
05-03-2008, 10:16 PM
بنت الجامعة اولا شكرا ع اتارة هيك موضوع
بس بصراحة مش عارفة شو اعلق
هاي تقاليد اهلي واهلك وجدي وجدك وجدود اجدادنا
ما بتقدري تخالفي رايهم
وما بظن رح تقدري تطلعي عن شور اهلك
مشكورة
eyesprince
06-03-2008, 01:06 AM
بجد هذه مشكلة ان ما تسببت في عنوسة البنات راح تسبب في عنوسة الشباب
من ناحيه عنوسه الشب الشب اخريتو بتجوز بس بضل الصبيه انو ما بتقدر تتجوز في الغالب اذا نط عمرها 30 سلامتك واتعيشي
بس في ناس ما بدقو علي الاشي هذا
وقصه المحل الي مره بنزل لما ما يكون مع حد مهر
وبولع لما يكون مع حد مهر
بلد اللهم صلي
مشكوره بنت الجامعه علي طرح الموضوع
°¨¨™¤¦ BIG HEART ¦¤™¨¨°
06-03-2008, 01:16 AM
مشكورة بنت الجامعة على موضوعك
وطرحك الجميل
بالنسبة للموضوع اعتقد كانت الظاهرة موجودة واغلب الناس بيمشوا عليها
ولكن هالوقت خفت عن الاول بكتييييير ولا زالت موجودة
الحل لها مثل ما قال بعض الاعضاء انه حلها صعب وتحتاج الى غسل الادمغة وكذا من هيك ظاهرة
اما هالوقت اعتقد بنعيش ظاهرة تانية ولكن الاصعب
وهية الزواج والحزبية يعني اذا واحد بده يخطب لازم تكون ابتتبع للفصيل الفلاني والعكس
وانا لاقيتها موجودة وما ابتخفى على حدا
ربنا يهدي الجميع
سلامي
بنت الجامعه
06-03-2008, 09:44 AM
يعني هلأ المهر خف .. بس مش عند الكل
مشكوووووووووورة كتير بنت الجامعه علي الطرح
أكيد خف عند القرايب بس وأولاد العم
المستحيلة
مشكوووووووورة ع المرور الطيب
سن
كلامك صحيح لأنه الناس اللي هون متمسكين بعاداتهم كتيرة من ناحية الزواج وعلي الرغم من انه العادة
لازم تتغير
غرام
فكرة حلوة غسل عقول الناس بس بدها وقت كبير
مشكوورة حبيبي ع المداخلة والرد الطيب
القيصر
أكيد كلامك في منه يمكن البنت بنظرهم زي حاجة وتباع بالفلوس
ما بعرفوا انهم بشتروا راجل ......... بس يا خسارة كله رااااح ..
مشكووووووور خيو ع المداخلة والمرور الطيب
زهرة الثلج
العفو حبيبتي التقاليد بتتغير وما في بنت بتطلع عن شور أهلها
مشكوووووووورة ع المداخلة الطيبة
eyesprince
لحتي ما يتسبب في عنوسته لازم يتحمل مطالب أهل العروسة ولا شوووووووو وحيتعب
هههههههه مشكووووووور علي مداخلتك الطيبة
°¨¨™¤¦ BIG HEART ¦¤™¨¨°
كلامك صحيح وكل الناس بتعرف هيك لكن شو الحل ؟؟؟؟؟
مشكوووور ع المداخلة الطيبة والرد الطيب
مرة تانية بتشكر مروركم وردودكم ومداخلاتكم فردا فردا
تحياتي للجميع
بنت الجامعه
Abed&so
06-03-2008, 10:06 AM
والله هادى هيه المشكلة الوحيدة اللى لازم نحلها
قبل اى مشكلة
وعشان هيك اول شى البنات حيعنسن عالبدرى
لانه كل ابو بدو مهر ما بيقدر عليه الشباب
طبعا هادا غير شقة لحالها وتلفزيون وتلاجة ومطبخ
وطبعا الشباب اذا مر عليه 25 سنة راحت عليه لانه الجيزة
ما الها طعم بعد هيك
والله يسهل الحال يعنى لو اجاكى شب ومعاه 100 دينار اقبلى
ههههههههههههه
لا بمزح
تحياتى الك بنت الجامعة
عبووود
بنت الجامعه
06-03-2008, 03:39 PM
هههههههههههههه
وليش ما بقبل
بشتري راجل
بس يكون 100 دينار من عرق جبينه وتعبه
هههههههههه
مشكووووووووووور عبوووووووووود ع المداخلة الحلوة
دمت بود
دنيا تك
07-03-2008, 10:13 PM
ياريت نخلص من كل اشكال العنصرية
لأني بعتبر هالحكي ( فلاحي ,مدني , بدوي,....الخ )
حكي عنصري مش لازم يطلع من شعبنا خصوصاً
لأنو احنا انحطينا متلا بهالقطاع واحتوا هالقطاع على اشكال والوان
كل هالحكي صار مش بإرادتنا
فالمفروض نتقبل بعض
مشكورة خيتو
بنت الجامعه
08-03-2008, 11:01 AM
صحيح كلام دنياتك
كله صار مش بإرادتنا
وفينا نغيره بس كييييييييف ؟؟؟؟؟
مشكوووووووووورة خيتو ع المداخلة الطيبة
أستاذ الكلمة
17-03-2008, 04:20 PM
بنت الجامعة
هذا أمر صعب يعاني الكثير منه في المجتمع
وأنا بالنسبه إلي هذا الأمر غريب لأنو الكل أبناء تسعه ومافي فرق بين انسان وانسان غير أخلاقه
captive
17-03-2008, 04:30 PM
يا انسة ... الحل بسيط وسهل وامام اعيننا
الحل موجود في الدين الاسلامي وسنة النبي محمد صلى الله عليه وسلم
" اذا جاءكم من ترضون دينه وخلقه فزوجوه والا تكن فته "
قالها اشرف الخلق محمد صلى الله عليه وسلم ... وفيها يكمن الحل .. وبيان العواقب
ولك التقدير والاحترام
بنت الجامعه
17-03-2008, 09:27 PM
صحيح كلامك والله .. هذا لو رجعوا لدينهم بس اللي بحكمه العادات والتقاليد شو يعملوا ..
يكثر الكلام ويقل الأفعال ..... لازم نغير العادات والتقاليد بما يتناسب مع الدين الحنيف
والمشكلة هنا يكمن في عدم التوافق والاتزان بينهما ...
مشكووووووووور خيو captive ع الرد الحلو والمختصر
دمت
أبو وسام الهاشمي
17-03-2008, 10:35 PM
باختصار .. السبب في كل مشاكل شعبنا ..
العادات والتقاليد الغبية اللي متمسكين فيها ... فبتمنى أنه نصير أوعى من هييييييييييييييك
تقبلوا رأيي ... أبو وسام الهاشمي ..
amier alaqsa
17-03-2008, 10:54 PM
مشكورة بنت الجامعة علي الطرح الرائع
وهاد العنصرية منتشره في مجتمعنا بشكل كبيير وواضح
خاصة بنشوف الفرق بين المهاجر والمواطن
وطبعااااا بيكون عند الطرفين اسباب هايفة للهتفرقة
بنتمني تزول هالظاهرة من مجتمعنا
smart_mody
17-03-2008, 11:10 PM
انا عندي قناعة ورأيي ما بغيروا
اللي بحب بنت وعاوز يتزوجها ولا يخلي كل الدنيا توقف بوجهه
هاي حياة الواحد ومستقبلو وما بخلي حد يحددلوا شو يختار
والبدوي والفلاح والتفرقة هاي شغلة ما راح تنتهي ابدااا
كمان لما فلاح بدو يتزوج بدوية او غزاوية مع احترامي للجميع
العادات بتختلف وصعب يصير هناك تأقلم
فالافضل الواحد يختار شخص متقارب العادات لتفادي المشاكل وغيرها ...
وقصة المهور ما باليد حيلة
مع انو البنات بتزايدوا بعدد كبير
والشباب بقلو وقلنا يمكن تقل المهور
لكن
المهور بتزيد والطلبات بتزيد
مشكورة بنت الجامعة عالطرح المميز واعذريني للتأخر بالرد
:)
بنت الجامعه
19-03-2008, 12:05 PM
أبو وسام
أمير الأقصي
سمارت
صحيح كلامك وانت ضفت مشكلة تانية هي مشكلة المهوووور
وحله يكمن أن الواحد يتزوج بنت عمه أحسنله من ........ههه
ومشكووووووووورين ع المرور الطيب والمداخلة المعطر للصفحة
دمتم بود
hanan
19-03-2008, 03:26 PM
مشكورة بنت الجامعة ............
الله يعطيك ألف عافية يارب ..........
تحياتي لإلك..............
بنت الجامعه
20-03-2008, 03:47 PM
نورتي حبيبتي ونورتي الموضوع
دمتي
حكاية حب
30-03-2008, 03:50 PM
اولا اشكر قلمك الذي نقش موضوعك المميز
واشكر ذلكالتفكير الذي جاء ليكتب اجمل المواضيع اختي الكريمة
كتبتي ظاهرة الكل بيعاني منها قديما بس الجهل الي كانو عيشين فيه
بس هلأ خفت هااي الظاهرة نتيجة اختلاط البدو مع الفلاحين وغيرهم
هذه الظاهرة كانت سائدة وكانت لها مشاكل كبري
اما الان فخفت هذه الظاهرة نتيجة الاختلاط فيما بينهم
حيت ان من اكبر الساباب ايضا المهر الباهض الثمن
ما بقدر احلا هيك مشاكل غير بالتعليم والتفاهم كل شي بصير
مشكورة اختي الكريمة موضوعك المميز
تقبلي مروري
ت
ح
ي
ا
ت
ي
بنت الجامعه
05-04-2008, 02:38 PM
يسلمووووووا حكاية ع المرور والرد
sMiMs
05-04-2008, 03:14 PM
بصراحة احسن هيك يعنى انا مابتزوج الا من اهل غزة وتكون غزاوية مدنية متلى لانه بتكون لهجتى متل لهجتها وافضل فى التعامل مع بعض وبالنسبة للمهر عادى يعنى اذا كانت البنت بتستاهل المهر والله ما بيتقصر فيها اما اذا كانت لاء شو بدى فيها
بنت الجامعه
07-04-2008, 11:15 PM
مشكووووووور دلكم ع الرد الصريح