مشاهدة النسخة كاملة : هل تؤيد حرية الفتاة في ملابسها؟
M_H_F
09-03-2008, 11:16 PM
بسم الله الرحمن الرحيم
انا اليوم وأنا رايح على الجامعة بخانيونس بالسيارة اسمعت موضوع أثار الجدل على الإذاعة وهوا
إيش رايك بقصة حرية الفتاة بلباسها ؟
انا حبيت أعرض عليكم الموضوع لحتى أعرف إيش رايكم بهالموضوع يلي أثار جدل كبير
أنا بستنى ردودكم على الموضوع هادا
محمود إسماعيل
09-03-2008, 11:20 PM
طبعاً الفتاة لا بد أن تلتزم بالملابس الساترة المحتشمة
وغير ذلك فهو يضر بسمعتها و أخلاقها
تحياتي لك
smart_mody
09-03-2008, 11:26 PM
ما في شي اسمو حرية
في حرية مقيدة باتباع الدين الاسلامي
والدين الاسلامي كرم المرأة باللباس المحتشم حتى ما يصير الرايح والجاي يتفرج عليها
يعني المرأة بدون اتباعها لدينها وبدون الزي الاسلامي ما الها قيمة
يسلمو ام اتش اف
M_H_F
09-03-2008, 11:29 PM
فعلا وأنا مع إنوا الإسلام أعطى للمرأة حريتها داخل منزلها عند أهلها وزوجها
أما بالنسبة للملابس عند الخروج فردائها يجب أن يكون محتشما وهو الجلباب والإشارب بحيث تغطي كل مفاتنها
انا هاذا رأيي وأنا متأكد إنه الكل متلي ولا شو رايكم
زهرة الثلج
09-03-2008, 11:33 PM
بالنسبة للملابس مش حرية شخصية
بس مش الوحدة تكون لبسة محزق وملزق وحاطة ع شعرها ايشارب هو وقلتوا واحد
ممكن وحدة بشعرها بس محترمة حالها اكتر من بنات لابسات ايشارب
كل واحد ودينوا
صحيح ليش الشباب بيكونوا مسلحين البنطلون ولابسين بوكسر لون فرايحي
مشكور
smart_mody
10-03-2008, 12:20 AM
صحيح ليش الشباب بيكونوا مسلحين البنطلون ولابسين بوكسر لون فرايحي
هههههههههههههههههههه خخخخخخخخخخخخخخخ
هاي الموضة اجتنا من البدو هههههههههه بدون زعل
كمان الجينز من حلو من غير ما يكون ساحل شوي ههههههههههه
قال تعالى:
( يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين وكان الله غفورا رحيما )
اخواني بالله أكتفي بهذة الاية لتوضيح الزي الاسلامي الرباني
واضيف على ذلك
ان الحجاب واحدا من أهم الشعائر الاسلامية واكثرها شهرة .. بل لعله الشعار الاسلامي النسائي بلا منازع
أبو وسام الهاشمي
10-03-2008, 12:40 AM
[فقط الأعضاء المسجلين والمفعلين يمكنهم رؤية الوصلات]
ملابس المرأة / حرية شخصية ... ويحق لها أن ترتدي ما تشاء من ملابس ... على حسب المجتمع التي تعيش فيه ...
متلاً / ما بقدر احدد هاي البنت محترمة أو مو محترمة من لبسها .. لأنه الان نجد في المجتمعات الغربية ..
نسبة ضئيلة جداً من الفتيات المسلمات يرتدين الحجاب ... فهنا أصبح الحجاب ملفت للأنظار في مجتمعاتهم ..
فراح نجد أن المرأة المتحجبة هي التي تشغل أذهان الشباب ..
فأصبح الحجاب في هذه الحالة بحد ذاته مشكلة ... فعلى البنات الانتباه الانتباه ..
تقبلوا تعليقي ومروري
وجهة نظر .. و طبعاً كلنا متفقين أنه اختلاف الرأي لا يفسد للود قضية ...
دمتم هنا وهناك ...
أخوكم / أبو وسام الهاشمي ..
محمد خطاب
11-03-2008, 02:35 PM
انا حاسك سمارت ساير تلك بالبدو كتيييييير
حبيبي سمارت
نرجع للموضوع لا انا ما بأيد حريه الفتاه بلبسها
مشكور اخى على الموضوع الرائع
أنين الروح
11-03-2008, 08:57 PM
والله الموضوع كتير قيم وكتير منيح
والله انا بشوف انه مافيها شي لو لبست الفتاة
الملابس اللي تعجبها لكن ما تخرج عن حدود الدين والاصول
وتكون برضى الوالدين والأخوة بما لا يسئ لعائلتها اكيد هيك رأي والله اعلم
تقبل مروري يسلموا على الموضوع.
captive
11-03-2008, 09:18 PM
الاستاذ .. ابو وسام الهاشمي
اولا الحجاب او ملابس المراه ليست حرية شخصيه بل هناك ضوابط دينية واخلاقية تحكم هذا الامر
يا عزيزي في تلك المجتمعات ليس الحجاب هوه المشكله انما المجتمع بحد ذاته هوه المشكله
وهذا الامر لا يخضع لرايي ورايك وقد ذكر لك الاخ احمد الدليل الشرعي من القران وهو المصدر الاول للتشريع
smart_mody
11-03-2008, 10:49 PM
انا حاسك سمارت ساير تلك بالبدو كتيييييير
حقك علينا ماسلو
القصة مزح فمزح وكمان الفلاحين بسحلو البلاطين ههههههههههههههه
ولا تزعل
طير المحبة
11-03-2008, 11:31 PM
انا ما بايد حرية البنت بلبسها
لازم البس يكون مستور من كلوووووووووووووو
وما تتبع المجتمع الغربي وتقلد الي بتشوفوووو في المسلسلات والافلام
وهاد برجع لحسب تربايت الاهل برده
كيف ربوها على نوع من الباس
ومشكوووور على الموضوع يا اخ
M_H_F
11-03-2008, 11:39 PM
مشكورين على مشاركتكم لموضوعي
انا بس حبت أحكي إنوا الآراء يلي بتنكتب بتبقى آراء شخصية
بنت الجامعه
14-03-2008, 06:31 PM
البنت حرة في كل شي بس بالمحدوووووووووووود
ودوما اتذكر كلام الدكتور عندما شبه البنت بالحلوي
اذا كانت مكشوفه شتان شتان يقترب منها شخص لشرائها ويكثر الذباب عليها
أما إذا كانت مغلفة فالكل يبغاها ويشتريها ويبتعد عنها الذباب ووو
أظن الفكرة وصلت
مشكوووووووور أم أتش أف ع الطرح المميز منك
M_H_F
14-03-2008, 11:32 PM
ما بقدر احدد هاي البنت محترمة أو مو محترمة من لبسها .. لأنه الان نجد في المجتمعات الغربية ..
نسبة ضئيلة جداً من الفتيات المسلمات يرتدين الحجاب ... فهنا أصبح الحجاب ملفت للأنظار في مجتمعاتهم ..
أخي أبو وسام أنا بصراحة كلامك ما أعجبني حسستني إنك مش عايش بغزة انا ما راح أعلق بس راح أترك التعليق على كلامك للأعضاء
M_H_F
14-03-2008, 11:35 PM
تحياتي إلك بنت الجامعة على تعليقك فعلا إنك رائعة
وانا مت أكد إنك خلق حسن وروعة
تحياتي إلك
وخلينا نشوفك إنتي والأغعضاء موجودين يوم الجدارية أنا راح أكون أول واحد إن شاء الله
بنت الجامعه
15-03-2008, 12:01 PM
يسلمووووووووا ان شاء الله نكون هنيك ونشوف ابداعاتك
أبو وسام الهاشمي
16-03-2008, 01:00 AM
[فقط الأعضاء المسجلين والمفعلين يمكنهم رؤية الوصلات]
عزيزي / captive ...... والكلام أيضا لجميع الاعضاء ...
زي المرأة حرية شخصية ... وبرجع وبكرر انه المجتمع نفسه هوا اللي بيحدد زي المرأة ...
لأنه ما بيصير انه البنت تلبس بنطبون وبلوزة ... في مجتمع محافظ مثلا زي السعودية وأفغانستان .. لأنه هذا الزي بيلفت الأنظار للفتاه نفسها ...
أما بالمجتمعات الغربية .. ما بيصير انه البنت تلبس حجاب .. خصوصا لأنه كل المجتمع ماشي على نظام معين ... فلما البنت تلبس حجاب بوسط مجتمع أصلا ما بيعترف بالحجاب .. بصير الشب ينظر على البنت المحجبة ... كأنها حالة غريبة ظهرت بمجتمعهم .. فتصبح المرأة في هذه الحالة ملفتة للأنظار
فعليه تصبح المرأة المحجبة بحد ذاتها مشكلة .... بغض النظر هل المجتمع مسلم أم صاحب ديانة أخرى ..
أما بالنسبة لك أخ M_H_F ... >>>
أخي أبو وسام أنا بصراحة كلامك ما أعجبني حسستني إنك مش عايش بغزة انا ما راح أعلق بس راح أترك التعليق على كلامك
بتمنى انك تعلق على ردي الاول والتاني .... أنا على استعداد .. ان اتناقش مع جميع الاعضاء .. بخصوص زي المرأة وحريتها الشخصية ..
تقبلوا وجهة نظري ... بخصوص هالموضوع ...
وبرجع وبقووول .. انه اختلاف الرأي لا يفسد للود قضية ...
ودمتم هنا وهناك ............. أخوكم / أبو وسام الهاشمي ..
°¨¨™¤¦ BIG HEART ¦¤™¨¨°
16-03-2008, 01:47 AM
البنت حرة في كل شي بس بالمحدوووووووووووود
ودوما اتذكر كلام الدكتور عندما شبه البنت بالحلوي
اذا كانت مكشوفه شتان شتان يقترب منها شخص لشرائها ويكثر الذباب عليها
أما إذا كانت مغلفة فالكل يبغاها ويشتريها ويبتعد عنها الذباب ووو
اختصرتي الكثير من الكلام علي بنت الجامعة
بنت الجامعه
16-03-2008, 09:04 PM
[فقط الأعضاء المسجلين والمفعلين يمكنهم رؤية الوصلات]
عزيزي / captive ...... والكلام أيضا لجميع الاعضاء ...
زي المرأة حرية شخصية ... وبرجع وبكرر انه المجتمع نفسه هوا اللي بيحدد زي المرأة ...
لأنه ما بيصير انه البنت تلبس بنطبون وبلوزة ... في مجتمع محافظ مثلا زي السعودية وأفغانستان .. لأنه هذا الزي بيلفت الأنظار للفتاه نفسها ...
أما بالمجتمعات الغربية .. ما بيصير انه البنت تلبس حجاب .. خصوصا لأنه كل المجتمع ماشي على نظام معين ... فلما البنت تلبس حجاب بوسط مجتمع أصلا ما بيعترف بالحجاب .. بصير الشب ينظر على البنت المحجبة ... كأنها حالة غريبة ظهرت بمجتمعهم .. فتصبح المرأة في هذه الحالة ملفتة للأنظار
فعليه تصبح المرأة المحجبة بحد ذاتها مشكلة .... بغض النظر هل المجتمع مسلم أم صاحب ديانة أخرى ..
[COLOR="Magenta"][SIZE="6"][FONT="Comic Sans MS"]تقبلوا وجهة نظري ... بخصوص هالموضوع ...
وبرجع وبقووول .. انه اختلاف الرأي لا يفسد للود قضية ...
مشكوووووووور أخي علي صراحتك بحب ابين شغله .........
ان الفتاة وأنا اذكر الفتاة المسلمة عليها الالتزام بزيها متي وجدت وأين وجدت .... ما يفرض عليها
المجتمع بطريقة اللبس .. وكيفية اللبس لأنه هنا الشرع والدين والإسلام واستجابة لأمر الله لها
بالحجاب يلزمانها بذلك .. صحيح كلامك انها لبسها المخالف في بلادنا يلفت الانتباه هذا لمخالفتها طبعا ..
مو لشي تاني اسمه الحرية ...
خيو يسلموا عجبتني كتير مناقشتك وصراحتك وتقبل ردي علي ردك مع تحياتي
دمت بود
M_H_F
16-03-2008, 11:16 PM
تحياتي إلك بنت الجامعة على ردودك
وعلى مشاركاتك الرائعة
Abed&so
17-03-2008, 11:14 AM
لا مش دايما بكون لبس الفتاة منيح
وانا ما بايد هيك
عبــــــــــــــــــود
M_H_F
08-04-2008, 10:55 PM
مشكووووووووورين جميعا على المرور الطيب والحلو
تحياتي للجميع
الرومانسية
11-04-2008, 12:14 PM
كل واحد حر بالبس اللى بلبسو والناس الفاشلة هاي اللى بتقعد تحكي هاى ناس رجعية يعني متخلفة
والبنت هية اذا بدها توخد حريتها باللبس يعني شو بدها تلبس اللى بنطلون وكنزة وشو يعني اذا لبستهم خلص يعني صارت جريمة طالما كان لبسها محترم وفضفاض لا يحق للعالم المتخلفة اللى بالطريق تحكي اللى عاملة زي اباريق الجامع مصفصفين بس للى رايح واللى جاي
وكمان يعني البنت طالعة من بيت اهلها هيك انت شو الك بهيك شغلة
يسلمووو على الموضوع
M_H_F
11-04-2008, 12:35 PM
مشكوووووووووورة رومانسية على إبدلء رأيك بهالموضوع
أنا بدي أحكيلك إنوا إحنا عايشين بغزة ومش محتاجة شرح القصة
وكمان الواحد يراعي الدين يلي هوا منه وفيه ويراعي الآخرين
البنت حرة بلبسها بس لازم تحترم دينها
كمان يعني البنت طالعة من بيت اهلها هيك انت شو الك بهيك شغلة
معاكي حق بهالجملة يعني البنت لمن تطلع من بيت أهلها بهيك منظر وأهلها راضيين بيها لا أا ولا غيري بيقدروا يحوا أو يعلقوا طالما هيا وأهلها راضيين
على العموم مشكورة وما تعصبي بيضل الأمر مجرد رأي
تحياتي إلك
{وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً }الأحزاب
ولا يخفى على أحد ما شرعه الدين الاسلامي بحق حجاب المرأة
واذا أمر الله , فلا يحق لأحد أن يقول حرية بعد ذلك
أما بالنسبة للأخ أبو وسام
لا تجعل للشيطان منفذاً الى أفكارك ولا تحاول اقناع أحد بها أرجوك
فالحجاب وقار للفتاة ولا يمكن أن يكون ملفت للنظر كما تقول .. الا اذا كان حجاب بالاسم وشتان بينه وبين ما شرع المولى
M_H_F
11-04-2008, 10:56 PM
{وَمَا كَانَ لِمُؤْمِنٍ وَلَا مُؤْمِنَةٍ إِذَا قَضَى اللَّهُ وَرَسُولُهُ أَمْراً أَن يَكُونَ لَهُمُ الْخِيَرَةُ مِنْ أَمْرِهِمْ وَمَن يَعْصِ اللَّهَ وَرَسُولَهُ فَقَدْ ضَلَّ ضَلَالاً مُّبِيناً }الأحزاب
ولا يخفى على أحد ما شرعه الدين الاسلامي بحق حجاب المرأة
واذا أمر الله , فلا يحق لأحد أن يقول حرية بعد ذلك
أما بالنسبة للأخ أبو وسام
لا تجعل للشيطان منفذاً الى أفكارك ولا تحاول اقناع أحد بها أرجوك
فالحجاب وقار للفتاة ولا يمكن أن يكون ملفت للنظر كما تقول .. الا اذا كان حجاب بالاسم وشتان بينه وبين ما شرع المولى
مشكورة أخت نورا على مرورك
فعلا أحلى رد يجي على الموضوع أنا بحيكي على المبدأ يلي عندك
تحياتي إلك ولكل بنت متلك
بيسان
11-04-2008, 11:29 PM
والله انا من رأيي كل انسان حر بلبسه شو بناسب بيلبس طبعا ما دام اللبس ضمن معايير مجتمعنا الاسلامي
يعني مش تلبس البنت فستان سهرة وتمشي فيه وتحكي انا حرة لا هاد غلط كبير في حدود في الدين الاسلامي وضحها الشرع بالنسبة للباس المسلمات وهاد شي لا يخفى على احد
وفي النهاية بدي احكي والله ما في احلى من البنت الي بتكون ملتزمة بلبسها واخلاقها بتكون بتشع بالجمال الرباني
وشكرا ام اتش اف عالطرح الجميل للموضوع
M_H_F
12-04-2008, 10:47 PM
مشكوووووووووورة بيسان على هالمرور الرائع
فعلا ردك راشع وجميل
تحياتي إلك
sun_corona88
12-04-2008, 11:48 PM
للحرية قيود
واحنا كمسلمين لازم نتقيد بتعاليمنا الاسلامية
يسلمو على الطرح المفيد
فلسطينية من ارض الوطن
13-04-2008, 01:08 AM
هوا اللبس مش حرية شخصية بكل انسان والبيئة اللي متربي فيها بتلاقي لبسه على هوا البيئة اللي عايشها وعلى هوا عاداتهم .
sMiMs
13-04-2008, 03:05 PM
تلبس فى بيتها الى بدها اياه ماحد راح يقول الها حاجة بس بره البيت تختار اللبس الى يناسبها وبرده يناسب المجتمع الى هيا عايشة فيه يعنى مش من العقل بنت عايشة بمجتمع اسلامى وسط مجتمع شرقى تقوم وهيا لابسة لبس مغرى وطالعة وخصوصا فى غزة بتلاقى شباب المعاكسات ( الاغبياء) ما بخلوها من شرها الى يتحرشوا فيها
M_H_F
13-04-2008, 10:35 PM
مشكوووووووووورين جميعا على المرور
ومشكورين على هالآراء الرائعة
تحياتي للجميع
ساحر القلوب
14-04-2008, 12:10 AM
في موضه جديده طلعت الايام هادي بتلاقيها منقبه ولابسه جلباب ضيق ههههههههه
لسه لو لبست بنطلون وبلوزه وسعين احسن واستر
انا عني ما بأيد البنت تطلع بلباس مش محترم الانو الي بتطلع بلباس مش محترم انا متأكد فش واحد في الشارع الي رمي كلمه سواء كان في سرو او علنا
والله يهدي الجميع.....
كفورية بحدود
14-04-2008, 09:21 AM
احتشام الفتاة لا يعني انها تلبس روب الصلاة وتطلع بالشارع
مع احترامي للجميع
ولا يعني انو كمان البنت بالمرة ماتحترم حالها وتكون كاسية عارية
بمعنى انو تلبس وتتشيك بس ماتظهر جمالها لحتى بس شب يقوللها انتي حلوة (وهادا هدف كل وحدة بتلبس لبس مش ولابد حتى لو مااقرت بهالشي)
بمعنى انو الشب ولا حتى احنا البنات من جنسكم بنطيق نشوف بنت هيك وهيك لبسها
المهم انا برايي انو لا التزمت مطلوب ولا اخد الراحة مطلوب
ههههههههه
يعني دين دين وسط
والله يستر ع الولايا زي العواجيز
M_H_F
14-04-2008, 09:46 AM
مشكورة كفورية وساحر على مروركم الطيب
تحياتي إلكم
كريستالة الرومانسية
17-04-2008, 01:25 PM
أول شي شكرا كتير لالك على هالموضوع المميز
أنا من رأيي انه أكيد في حرية للبنت وما حدا بينكر هالشي لكن هالحرية ما بتلزم لكل الاشيا يعني
لو البنت بدا تدرس في الجامعة من حئها انا تختار التخصص يلي بدا ومعها كامل الحرية أكيد لأنو ما بتصور انو البنت تختار
شي بيهدد مستئبلها
ونفس الشي لو تئدملا شخص للزواج من حئها انو توافيء ومن حئها انو ترفض وهيدي كمان حرية خاصة
لكن .........................
بالنسبة لحريتها في اختيار لبسها أنا بتصور انو ما في حرية في هالموضوع أو بمعنى أصح فيها تختار لبسها متل ما أل الشرع وبهيك بتكسب رضا ربنا وفيها كمان تلبس على زوئها وبهيك بتكون حرة يعني :
لو البنت اختارت لبسها متل ما أل الشرع ومتل ما هو معروف ووارد في القران والسنة يعني حجاب وجلباب وما شابه... فأنا
بوافيء على انه نسميها حريةوبعتبرها أحلى حرية للبنت لأنو بمجرد اختيارها لهيك لبس ربنا راح يحميها ويبعد عنها السوء
أو خلينا نسمي هالشي التزام يمكن أفضل من الحرية لأنو كل شي ورد بالقران (حلال - حرام ) على الكل انو يلتزم
فيه وما يخالفه وأنا بتصور انو ربنا شرع اللباس الشرعي للبنت ليصونها ويحميها
أما بالنسبة للشي يلي عم بيصير هلأ في بلدنا من لبس الجينز والكنزات الديئة وغيرو وغبرو.........
أنا ما بوافيء علي ولا بأي شكل من الأشكال لأنو هيدا مخالف للي ورد في شريعتنا وبعتبروا تئليد أعمى للغرب
ومتأكدة انو الأهل يلي بيغارو على بنتهم ما بيسمحولها انها تضهر بهيك لبس لأنو الواحد ما بينعرف بين الناس بلبسه
والموضة يلي عم يمشي عليها وأكيد الكل فاهم شو أصدي
هيدا كان رأيي بالموضوع
تحياتي للجميع
M_H_F
17-04-2008, 10:10 PM
مشكوورة كريستالة على ردك الرائع
أقسم بالله إنك الأفضل بالردود بهيك مواضيع
فعلا ردك بأقتنع بيه من دون هالواسطة
تحياتي إلك
كريستالة الرومانسية
19-04-2008, 02:44 PM
مشكوورة كريستالة على ردك الرائع
أقسم بالله إنك الأفضل بالردود بهيك مواضيع
فعلا ردك بأقتنع بيه من دون هالواسطة
تحياتي إلك
شكرا كتييييييييير لالك ( M_h-f)
وأنا بعتبر هالشي شرف كبيييييييييير لالي
تحياتي لالك ( كريستالة الرومانسية )
M_H_F
20-04-2008, 11:45 AM
وأنا بعتبر هالشي شرف كبيييييييييير لالي
ولو كريستالة هادا اقل شي بقدر أحكيه لبنت تحمل فكر متل هيك
تحياتي إلك
كريستالة الرومانسية
20-04-2008, 12:20 PM
ولو كريستالة هادا اقل شي بقدر أحكيه لبنت تحمل فكر متل هيك
تحياتي إلك
بتشكرك كتييييييييييير
عن جد خجلتني وأنا بتشرف بردودك اللي متل العسل
تحياتي لالك (كريستالة الرومانسية )
M_H_F
22-04-2008, 05:09 PM
مشكووووووورة كريستالة على إهتمامك
عن جد خجلتني
وعلى إيش خجلتي
وأنا بتشرف بردودك اللي متل العسل
انا يلي بتشرف بغهتمامك بالموضوع
وبعدين شكلي راح أصير دبس من كتر العسل هههههههههههههههههههههههههههه
تحياتي إلك
M_H_F
15-10-2009, 08:16 AM
خلونا نجدد هالموضوع ونسمع آراء جديدة من الأعضاء الجدد
REEMOO
27-05-2010, 10:11 PM
كل شي الو حدود
ممكن تكون حرية بس في حدود المعقول واذا طلعت عن هيك بتصير قلة ادب
messi
27-05-2010, 10:31 PM
لا ما بايد بكفي نقعد نحكي مش مشكله مش مشكله
والعزابيه يمووووووووووت يعني ولا شو
انا ما بايد
جنرال العاصفة
28-05-2010, 08:20 AM
لا يوجد شي اسمو حرية بالملابس
لكل شئ اداب والتزامات
واحنا مجتمع شرقي
والاشياء هادي بعيدة عن عاداتنا وتقاليدينا
الوحدة بتكون لابسة بنطلون وبلوزة
وبتقول مهو انا ساترة نفسي وحاطة الحجاب
بلا كلام فاضي
عاشقة الشموع
28-05-2010, 10:47 AM
لأ ما بيأيد لانه لو تركنها
ع راحتها رح تعمل عميلها
خاصة بالموضه الحجاب
يسلموووووووووووووووو
لمسة وفا
28-05-2010, 11:19 AM
السلام عليكم ورحمة الله وبركاته
الحرية للفتاة بتكون فى لبسها الشرعى ونحن أمة مسلمة ونعرف من نكون
( يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين وكان الله غفورا رحيما )صدق الله العظيم
دايخ في علم بايخ
28-05-2010, 02:18 PM
تلبس زي ما هي عايزه هو اللي حيتحاسب انتم ولا هي وكمان خلو الشباب تسترزق وخلو جهنم تشوي انتو زعلانين ليه وحتى برمضان عشان يكون للصيام متعه [فقط الأعضاء المسجلين والمفعلين يمكنهم رؤية الوصلات] jpg