طلبات الصداقة بين الاعضاء ماذا تمثل لك ؟؟؟؟

[طالبة الاقصى]

طلبات الصداقه بين الاعضاء .. ماذا تمثل لك؟!! ([فقط الأعضاء المسجلين والمفعلين يمكنهم رؤية الوصلات])


اسعد الله اوقاتكم بكل خير اينما كنتم


طرأ عليه هذا السؤال حبيت أسمع ارائكم فيه


هو الموضوع واضح من العنوان ..طلبات ([فقط الأعضاء المسجلين والمفعلين يمكنهم رؤية الوصلات]) الصداقه ([فقط الأعضاء المسجلين والمفعلين يمكنهم رؤية الوصلات]) ..ححاول ادمجه في نقطتين مش اكتر


هل فعلا لما تضيف صديق عندك بالصفحه الشخصيه بتكون صداقه حقيقيه ولا حبر علي ورق


يعني اضافتك لصديق ممكن مثلا ترفع التكلفه بينك وبينه؟


وهل تفرق ان الصديق اللي طلب اضافته عندك يكون جديد او قديم .. تعرفه او متعرفوش؟



النقطه الاخري .. الصداقه بين الجنس الاخر..



لما تستلم/ي طلب صداقه من جنس اخر .. تتردد/ي في القبول ؟ ايه اول حاجه تخطر علي بالك؟


تحسن الظن بطالب الصداقه ؟ ام تسيء الظن


وهل تفرق ايضا ان العضو جديد ام قديم؟


السؤال للشباب والبنات

[أبو سيف]

بخصوص طلبات الصداقة ممكن تكون تعرفهم معرفة شخصية أو ما تعرفهم

المهم بتكون الصفحة الخاصة بالعضو مزينة فيهم

أما طلبات الصداقة مع الجنس الاخر ما كتير محبوبة رغم إنه ما بتؤدي إلى تغيير يذكر سوى إنه ينضاف على الصفحة (يعني الطلب موجود أو مو موجود كله واحد)


هذا والله أعلى و أعلم

[الزعيم]

بصراحة موضوعك جميل ورائع

هل فعلا لما تضيف صديق عندك بالصفحه الشخصيه بتكون صداقه حقيقيه ولا حبر علي ورق

بصراحة انا لما اضيف بعض الاعضاء في الصفحة الشخصية بكون ضايفهم حتى اكون صداقة حقيقية وصادقة نكون مثل الاخوة وأكثر لأنه نحن هنا في المنتدى ليس فقط لكتابة المواضيع بل أيضا للتعارف ونصبح كالاخوة في بيت واحد



وهل تفرق ان الصديق اللي طلب اضافته عندك يكون جديد او قديم .. تعرفه او متعرفوش؟

والله مو شرط جديد او قديم او سواء بعرفه او مابعرفه هي اسمها قائمة الاصدقاء مش شرط المهم اننا تكون المحبة والاخلاص بيننا



النقطه الاخري .. الصداقه بين الجنس الاخر..




لما تستلم/ي طلب صداقه من جنس اخر .. تتردد/ي في القبول ؟ ايه اول حاجه تخطر علي بالك؟

عادي مابتردد ايش يعني بدو يسير وبتمنى من كل الاعضاء بعدم التردد في استقبال الطلبات بس المشكلة مش كل اصابعك واحد
في مثلا اعضاء بيضيفوا عندهم اعضاء من الجنس الاخر بقصد ان يكون هناك علاقات خاصة
ولكن هناك اعضاء اخرين يقبلون من اجل تكوين صداقات جدية مثل الاخوة
ولكن يجب ان يكون الكلام له تطبيق وليس فقط مجرد كلام



تحسن الظن بطالب الصداقه ؟ ام تسيء الظن
يمكن الفتايات بيسيروا يفكروا في طلب الصداقة
اما انا لا ما بسيئ الظن


وهل تفرق ايضا ان العضو جديد ام قديم؟
لا مو شرط

[البـرنـس]

ضروري يكون حسن الظن دائما موجود
مع العلم للاسف دائما البشر يسيئون الظن
اتمنى اكون قد اجبت على تسائلك؟؟؟؟؟
تحياتي الك اختي موضوعك جميل

[انا دينا انا دندن]

كتير حلو هالموضوع
وجهة نظر حلو
تسلم ايديكي

[طالبة الاقصى]

ابو سيف

الزعيم

البرنس

دينا

يسلمو عالمرور

[بريق الانتصار]

موضوع رائع يابطة

كل الأعضاء بالنسبة الى اخوة وأصدقاء

أما بالنسبة للجنس الآخر مابقبل اضافتهم على الايميل الا يبعت رسالة على البريد الالكترونى

يحكى هدفه من الاضافة لأنه اذا قبلتها الكلام بجر بعضه وبتكبر القصة

ان شاء الله تكونى استفدتى من الآراء

[محمود إسماعيل]

في البداية مشكورة على الموضوع المهم بنظري ..


بسم الله الرحمن الرحيم




هل فعلا لما تضيف صديق عندك بالصفحه الشخصيه بتكون صداقه حقيقيه ولا حبر علي ورق

بالتأكيد الصداقة اذا انضافات للمنتدى بتكون حبر على ورق ..

يعني على سبيل المثال لو واحد ما بعرفه عمل طلب صداقة معي و انا ما بعرفه

و هل ان قبلته هيصير صديقي بمعني صديقي ,, طبعاً لا ..

الصداقة مو مجرد كلمة نحكيها ,, أو شعار نضعه ,, الصداقة لها معاني سامية ..






يعني اضافتك لصديق ممكن مثلا ترفع التكلفه بينك وبينه؟



بالتأكيد لا ..
الصداقة عن طريق وضع الشخص بصفحتي ما بترفع التكلفة بيني و بينه بتاتاً ..
يعني الصداقة بهيك طريقة مو معنى الصداقة الحقيقة ,, لانو الصداقة الحقيقة من خلال المعاملة مو اني اضع اسم !!
بل بالعكس قد تقلل ذلك
كيف ؟؟!!
سيأتي بالرد ..




وهل تفرق ان الصديق اللي طلب اضافته عندك يكون جديد او قديم .. تعرفه او متعرفوش؟



انا ما بقبل إضافة خالص
بيأتي لي طلبات صداقة كثييييييرة لكن جميع الطلبات اللي بتأتي لي برفضها ..


بس بدي اوضح شغلة ..
رفضي مو معناه اني الأشخاص اللي بيطلبوا صداقة معي اني في شئ بيني و بينهم
لا مو هيك ..
انا برفض الصداقة و بجد بضغط على تفسي كتير و بصير احكي لنفسي اقبل يمكن الشخص يزعل مني او ارفض لكن بعد هيك برفض الجميع دون استثناء لحدا..
حتى لو المدير عمل صداقة معي هأرفضه ..
لانو مثل ما ذكرت الصداقة مو شعار اضعه او لفظ احكيه ..


سبب الرفض ,,

بدي احكي اول شئ بخصوص الشباب ..
في احد المرات عملت طلب الصداقة لاحد اصحابي ,, في الجامعة تفاجأت واحد بيحكيلي ليش انت مش عاملي طلب صداقة زي ما عملت لفلان ؟!!
حكيتله الصداقة اللي بالمنتدي شئ و اللي بيننا شئ تاني
و علشان خاطرك هأمسح كل قائمة الاصدقاء و مسحتهم كلهم و اخدت عهد على نفسي اي اضافة تأتي اشيلها لمين ما كان ..

بخصوص قبول الصداقة بحدا بعرفه او ما بعرفه " مع اني ما بقبل صداقة " بس بدي اطرح سؤال
شو بيكون موقفي لو الشخص اللي انا ما بعرفه تطلع اخلاقه بايظة
و يطلع واحد من اصحابي و يشوفني انا ضايفه بقائمة الأصدقاء و يحكيلي سؤال
كيف انت بتصحاب واحد هيك هيك !!

هأحكيله انا ما بعرفه و قبلته !! طب و ش فائدة اضيف اشخاص ما بعرف اصلها من فصلها !!







النقطه الاخري .. الصداقه بين الجنس الاخر..

لما تستلم/ي طلب صداقه من جنس اخر .. تتردد/ي في القبول ؟ ايه اول حاجه تخطر علي بالك؟


اول شئ مصطلح صداقة بين الجنسين مرفوض رفض تام
لانو الصداقة معناها اذا انا متدايق بدي ابوح له اتصل عليه ,, اطلب أشوفه ,, اسمع صوته الخ ...
و إلا شو معنى الصداقة !!
و لهيك برفض لفظة صداقة و بستعيض بلفظة اخوة مع البنات ..


طيب بالتأكيد اي وحدة كانت ترسل طلب اضافة صداقة كنت ارفضها ؟؟ ليه ..
السبب الاول ذكرته بخصوص رفضي لمصطلح صداقة بالجنس الاخر ,, بستخدم اخوة اشمل و اعم و افضل ..

السبب الثاني شو موقف البنت لما حداا من معارفها لنفرض اخوها او خطيبها يفوت على ملفها الشخصي و يشوف عند البنت قائمة من الاصدقاء للشباب ..


لنفرض وحدة على وجه زواج و المتقدم للبنت عرف انو البنت بتشارك ب منتدى جامعة الأقصى و لما دخل الملف الشخصي شاف موجود قائمة من الأصدقاء الشباب
شو يكون موقفه ؟؟!!

هل هيروح لها و يسأل شو بيكونوا الأشخاص اللي ضايفاهم بالنسبة لكي و لا شو ؟؟!!
طبعاً لا ..

طبعاً انا بحكي الكلام لانو احنا هون في منتدى و المنتدى بيحوي الالاف من الاشخاص و كل شخص له عقلية تختلف عن الاخر ..

بمعني ممكن شخص لما يشوف البنت واضعة اشخاص يسئ الظن فيها و يبطل منها ..
و على فكرة في قضايا صارت زي هيك ...




السبب الثالث سوء الظن :
صارت قصة مع احد الاشخاص في المنتدى و كانت ظاهرة في ملفه الشخصي عضوة من العضوات ,, هالوقت في شب حكا للشخص اللي واضع العضوة بملفو الشخص فيما معناه انو هو و البنت على علاقة مع بعض من خلال ايميلات و غيره ..

الشخص استغرب من كلامه و حكالو ما في شئ بيني و بينها و القصة فقط طلب صداقة طلبته البنت و هو قبلها ..


طبعاً انا بحكي بمنطلق انو المنتدى في عدد بالالاف و العقول بتختلف ..
بمعني انا بحكي هيك من باب انو الشخص ما يضع حالة بأي شبهة و كلام من الناس ..

يمكن تيجي وحدة و تحكي انا بقبل مع انو كل علاقتي فيه بالمنتدى و بس
هأحكيلها طالما العلاقة في المنتدى و بس ليه بتضعي حالك بإحراجات و كلام من الناس !!




تحسن الظن بطالب الصداقه ؟ ام تسيء الظن
انا الحمد لله ما بسئ الظن بحد ,, بس برفض للأسباب اللي ذكرتها ,, و هالشئ راحة لي و لهم على حدا سواء ..

و اللي بيعرفني منيح في مواقف كانت تصير معي بخصوص الموضوع اذكر منها طلبت من شخص امام مجموعة من الاصدقاء شئ معين و الشخص صارلو 3 مرات و يحكيلي سامحني نسيت ..
اصحابي كان يحكولي مش معقول ينسى 3 مرات هادا مطنشك ,, كان ردي جايز تكون عنده ظروف مش نحكم عليه هيك ..
و بالفعل بعد فترة من تلقاء نفسه بيجيب الشئ و بيحكيلي شو ما بدك اطلب ..

لانو لازم كل شخص يلتمس عذر للاخرين ,, الله اعلم بظروفه ..




::: في الختام :::

بحب اوجه كلمة الى المشرفين و المشرفات و الاعضاء و العضوات اللي ارسلوا طلب صداقة لي و انا رفضته اعذروني ...



يعني لا تفهموا من رفضي حاجة غلط ,, انا ذكرت الاسباب اللي بتجعلني ارفض أي شخص بيطلب صداقة بالمنتدى ..

و بتمنى يشوفوا ردي لاني مش عايز ناس تزعل مني على شغلة بعتبرها تافهة ..


باختصار

انا بجد ما في ولا فائدة من وجود قائمة الاصدقاء بالعكس لها مساوئ , طالما نتعامل مع عقول لا نعرفها ..





تحيتي للجميع :)

[طالبة الاقصى]

بريق الانتصار تسلمى يا عسل عالمرور والرد الرائع واكيد الاعضاء كلهم اخوة

الفنان ردك كتير رائع بس مو لهادى الدرجة توصل يعنى كلها طلب صداقة

وبنضاف بصفحتك بس يعنى ما بتوصل انو الناس تظن فيك وانو لو اجا خطيبها او

حدا بعرفها وفتح صفحتها وشافهم اكيد هو حيكون بعرف شو يعنى طلبات

الصداقة وانو مو لهادى الدرجة بتوصل

رد كتير رائع تناول الموضوع لابعد الحدود وبكل الجوانب

[محمود إسماعيل]

الفنان ردك كتير رائع بس مو لهادى الدرجة توصل يعنى كلها طلب صداقة

وبنضاف بصفحتك بس يعنى ما بتوصل انو الناس تظن فيك وانو لو اجا خطيبها او

حدا بعرفها وفتح صفحتها وشافهم اكيد هو حيكون بعرف شو يعنى طلبات

الصداقة وانو مو لهادى الدرجة بتوصل
رد كتير رائع تناول الموضوع لابعد الحدود وبكل الجوانب

تسلمي كتير على ردك
بس حابب احكي بخصوص اللي حكيته ,, ما بحكي عن نفسي ,, بس اؤكد لكي في عقول بتفكر زي هيك و هالشئ مثل ما ذكرت صار معي بموقف شب شك في علاقة بين اخر و فتاة من خلال التعليقات على المواضيع ,, بعد هيك حكى عبارة الشئ اللي اكدله انو في علاقة بينهم وجودها في صفحته ..

انا استغربت من كلامه و حكيتله لا تشك في هيك امور شو ما كانت المعطيات لانه الشك بخصوص علاقة بين شب و بنت هاي جريمة كبييييييييرة جدا و ربنا هيحاسبه عليها ..


كمان اؤكد لكي في بعض العائلات بتكون شديدة كتيرة مع البنات و لو عرفوا حاجة ممكن ان تمس البنت و لو حتى عن مزح بيتخذوا اجراءات قوية مع البنات ..

طبعاً هاي عينة من الناس مو الكل اكيد ..

مشكورة مرة تانية ..

دمتي بخير :)