لما تزعل من حد تسامح ولا بتحط بقلبك.. اعطينا رأيك

[smart_mody]

بسم الله الرحمن الرحيم


شو اخبار الاعضاء الكرام

بحكيلكم مرحبا بكل احترام


خطر على بالي هالموضوع

وحابب اعرف انواع الاعضاء اللي عنا

اكيد كل واحد الا ما يمر عليه يوم ويزعل من شخص وما بدي اقول ابوه او امه او حد من اخواتو

بدي اقول صاحب او صديق او زميل بالكلية

انت زعلت منو , يعني مثلا عمل حاجة وجرحتك او سلوك مش حلو او غلط عليك

وانت زعلت منو زعلة جامدة


بس


بعد مدة قصيرة اجا سلم عليك هالشخص او حكى معك بأسلوب جيد


انت؟؟!!


بتحكي معو عادي ؟؟ بس بتكون من جواتك حاقد عليه :mad: ؟؟


ولا


بتطنشو ولا كأنو موجود ؟؟


ولا


بتحكي معو عادي وبتسامح من كل قلبك وصافي يا لبن :) ؟؟



بتمنى اشوف ارائكم وبصدق ؟؟؟



:cool:

[smart_mody]

انا بدي ابدأ برأيي وبكل صدق


الحمد لله ربنا اعطاني هالميزة انو لو حد زعلني او بدر منو سلوك مش جيد اتجاهي

تاني يوم بكون ناسي وبسامح

ولو رجع وعادها بزعل منو للحظات ولكن برجع تاني برضى

وممكن اشخاص كتير كنت اقول عمري ما اكون صاحبهم لسبب ما

ولكن يأتي يوم ونكون اعز اصحاب


ويمكن في اعضاء حسو او ما حسو بالهشي بالمنتدى يعني بكونو غلطو غلطة مزعلة

لكن

بسرعة بتنهي هذا الشعور ويختفي شعور الكره بسرعة

وما بفكر بالانتقام ايدا

يا ريت الكل يعطيني رأيو او وجهة نظرو ؟؟؟؟؟؟

[القيصر]

شي جميل أنك اتسامح

بس طول أنو الشخص الي أخطأ في حققك أعترف في خطأوا باي طريقة كانت

بكل تاكيد سوف أتقبل منو خطاوا

لانو كل انسان محتمل يقع في هيك موقف

ومدام هو سلم عليك
خلص انسا الي صار وابدأ صفحة جديدة

[smart_mody]

شي جميل أنك اتسامح

بس طول أنو الشخص الي أخطأ في حققك أعترف في خطأوا باي طريقة كانت

بكل تاكيد سوف أتقبل منو خطاوا

لانو كل انسان محتمل يقع في هيك موقف

ومدام هو سلم عليك
خلص انسا الي صار وابدأ صفحة جديدة

يسلمو قيصر على رأيك الصريح


نورت الصفحة :)

[دمعه فلسطين]

احلي شي بالدنيا التسامح حتي لو اللي قدامك كا مش متسامح وما بيعرف معني التسامح ..

لو هو عمل معايا موقف ما عجبني او بيجرح ..

اكيد لو اجه يعتذر او يحكي معايا اكيد اكيد بسامحه وبحكي معه عادي ..

بس في مقوله بتحكي انه اللي انكسر عمره ما بيتصلح علي قوله هالوحدة هيا عارفة حالها ..

يعني بحكي معه عادي وكانه ما صار شي بس من جواي اكيد في شي راح يتغير

ان شاء الله تكون الفكرة وصلت

موضوع جاد للنقاش

سلمت يداك سمارت

ويعطيك الف عافيه علي الطرح الجيد

[smart_mody]

احلي شي بالدنيا التسامح حتي لو اللي قدامك كا مش متسامح وما بيعرف معني التسامح ..

لو هو عمل معايا موقف ما عجبني او بيجرح ..

اكيد لو اجه يعتذر او يحكي معايا اكيد اكيد بسامحه وبحكي معه عادي ..

بس في مقوله بتحكي انه اللي انكسر عمره ما بيتصلح علي قوله هالوحدة هيا عارفة حالها ..

يعني بحكي معه عادي وكانه ما صار شي بس من جواي اكيد في شي راح يتغير

ان شاء الله تكون الفكرة وصلت

موضوع جاد للنقاش

سلمت يداك سمارت

ويعطيك الف عافيه علي الطرح الجيد

الله يعافيكي يارب

يسلمو على ردك الطيب


بس والله اللي انكسر ممكن يتصلح ( لكل قاعدة شواذ) ممكن الشخص يكون غلط وما راح يعيدها


نورتي الصفحة مشكورة

[دمعه فلسطين]

صحيح كلامك سمارت بس مش بكل شي ممكن يتصلح ،، خصوصا لو سبب الك مشكلة او شي كبيييييييير

مشكووووووووووور كمان مرة سمارت

[smart_mody]

صحيح كلامك سمارت بس مش بكل شي ممكن يتصلح ،، خصوصا لو سبب الك مشكلة او شي كبيييييييير

صحيح ... مشكورة عالمداخلة :)

[أنين الروح]

يسلموا كتير على الموضوع
بس انا لما حدا يغلط بحقي وهو اقرب واعز الي من غيره
بسامحه وبحكي معه ولكن بضل جواي حقد عليه لما ارد حقي منه
يسلموا كتير كتير . تقبل مروري بالموضوع.

[smart_mody]

بس انا لما حدا يغلط بحقي وهو اقرب واعز الي من غيره
بسامحه وبحكي معه ولكن بضل جواي حقد عليه لما ارد حقي منه

تسامحيه شي حلو

بس اللي بضل مو حقد شي اقل يعني

مشكور عالمرور الطيب

[كفورية بحدود]

اول شي مشكور ياسمارت مودي ع الطرح الحلو (كالعادة يعني)
تاني شي

اول شي انا اكاد اقسم ومع احترامي للجميع انو الكلام بتاعكم مش صحيح مية بالمية
لانو مستحيل تنجرح ويتداوى جرحك بين يوم وليلة

وبالنسبة الي في هيك حالة عندي موقفيناذا كانت اعز صاحبة (وهما بس وحدة ويمكن حديثا صاروا تنتين) بسامحها بس معاتبة شديدة
اذا كان حد هيك مش قوي ساعتها بالصرامي ههههههههههه لا بس اكيد بعاتبو وبتتغير معاملتي معاه/ها 180 درجة لانو اول الرقص حجلان
هادا رايي

[smart_mody]

مشكورة كفورية واحترم رأيك

بس يمكن الكلام على شخص مو قريب منك كتير

[زهرة الثلج]

انا معروف عني ما بخلي بقلبي ولا شي

كل الي عندي بحكي
حتي ما اخلي مجال للحقد

بعدين انا لما اكون معصبة ما بعرف شو بحكي بس خلص بطلع الي عندي

وهيك بحس براحة ووقتها ما رح احقد

لكن ازا ما حكيت رح اظل استني لحد ما احكيلك الكلمتين الي عندي وانفش

مشكور سمارت

[smart_mody]

انا معروف عني ما بخلي بقلبي ولا شي

كل الي عندي بحكي
حتي ما اخلي مجال للحقد

بعدين انا لما اكون معصبة ما بعرف شو بحكي بس خلص بطلع الي عندي

وهيك بحس براحة ووقتها ما رح احقد

لكن ازا ما حكيت رح اظل استني لحد ما احكيلك الكلمتين الي عندي وانفش


ههههههههههههههههههههه ايون هيكد حلو كتير

الصراحة راحة مثلي انا هيك بعمل عشان هيك كتير ناس بزعلو مني ههههههههههههههههههه

يسلمو زهرة عالمرور الجميل

[بيسان]

مشكور سمارت فكرة حلوة هالسؤال
انا شايفة لو انه الموضوع بسيط وزعلت من شغلة عابرة اوكي ما في مشاكل طبعا بسامح من دون تردد وخصوصي انه اجا يسلم علي ومش حلوة اكسفه
بس انه لو مشكلة كبيرة وبتجرح بدها وقت لتسامح
بس بدي احكي شغلة صارت معي بالجامعة صار سوء تفاهم مع شخص بس ما بعتقد اني بسامحها من قلبي حتى لو حكيت معاها لانه فعلا جرحتني كتير وخصوصي انها مش صديقة يعني جرح من شخص مش صديق غريب يمكن صعب شوي
بس لو كان جرحي من صديق بيهون جرحي في سبيل صديقي
وكلامي من قلبي وما في شي مش صحيح

[smart_mody]

الف شكر بيسان عالمرور الطيب

[الملاك الأشقر]

ما بحب أشيل بقلبي
و بنفس الوقت بسامح
بس لو كانت المشكله حساسه أكيد ما بعديها بالسهوله المتوقعه
متل ما قالت كفوريه " انه مستحيل تنجرح وتسامح بيوم وليله خصوصا لو الإشي حساس "

بس طبعا عمري ما كسفت حد

[smart_mody]

يسلمو ملاك على رأيك


ونورت الصفحة

[zutwut]

الحمد لله الحمد لله الحمد لله

انى ما بقدر ازعل من اى حدا

وازا صار واتزاعلنا انا واى حدا من صحباتي

ما تمر 5 دقايق الا وكل اشى رجع زى ما كان

بشرط بعد بيوم يومين عحسب كل وحدة تحكي للتانيه

شو الى زعلها لعل وعسى الواحد يقدر يبطل هالعادة السيئة او

السلوك المعين الى نابع من هالشخص وهوة مش حاسس فيه او بالاصح

ضرره على الى حواليه

تحياتي

[zutwut]

ههههههههه

ازا ممكن بس لو سمحت

الصورة بتحيص

شكرن

[كفورية بحدود]

بس يمكن الكلام على شخص مو قريب منك كتيرصدقني على كلو يامودي

[smart_mody]

الحمد لله الحمد لله الحمد لله

انى ما بقدر ازعل من اى حدا

وازا صار واتزاعلنا انا واى حدا من صحباتي

ما تمر 5 دقايق الا وكل اشى رجع زى ما كان

بشرط بعد بيوم يومين عحسب كل وحدة تحكي للتانيه

شو الى زعلها لعل وعسى الواحد يقدر يبطل هالعادة السيئة او

السلوك المعين الى نابع من هالشخص وهوة مش حاسس فيه او بالاصح

ضرره على الى حواليه

تحياتي

مشكورة عرأيك
نورتي الصفحة

ههههههههه

ازا ممكن بس لو سمحت

الصورة بتحيص

شكرن

؟؟؟؟؟؟؟ اي صورة
شكرن =شكرا


بس يمكن الكلام على شخص مو قريب منك كتيرصدقني على كلو يامودي

والله ازا هيك هادا بيرجع للبني ادم كل واحد بيختلف عن غيرو
مشكورة كفورية

[zutwut]

معلش انا متاسفة بس يعمى والله بتحيص

الصورة الشخصية

تبعت حضرتك

تحياتي

[smart_mody]

معلش انا متاسفة بس يعمى والله بتحيص

الصورة الشخصية

تبعت حضرتك

تحياتي

هههههههههههههههههههههههههه شكلو بضحك هههههههههههههه

مشخص بالنظارة ههههههههههههههههه

[الامل]

الحمد لله انا من النوعية الي ما باحقد علي حد ومستعدة اني اراضي اي حد
حتي لو كان هوة الي مزعلني
هاي صفة من ربنا فيا والحمد لله
مشكور يا سمارت ع الموضوع الحلو

[smart_mody]

الحمد لله انا من النوعية الي ما باحقد علي حد ومستعدة اني اراضي اي حد
حتي لو كان هوة الي مزعلني
هاي صفة من ربنا فيا والحمد لله
مشكور يا سمارت ع الموضوع الحلو


يسلمو امل عمرورك الطيب

[كفورية بحدود]

هههههههههههههههههههههههههه شكلو بضحك هههههههههههههه

مشخص بالنظارة ههههههههههههههههه


خوفتنا يازلمة فكرناك انتا اللي بالصورة
قلنا خلاص هاذا فراق بيننا وبينه
هههههههههههه

منيح انو طلع واحد بس محطوط للتشخيص
ههههههههههههههههه

موضوعك حلو
بس ع فكرة الانحراف عن الموضوع ظاهر ع الردود وانا اولهم
ههههههههه

[سفينة الالام]

مشكور ع الموضوع

بالنسبة الى عادى ولا كأنو صار شى اذا كان الله بيسامح وبيغفر احنا البشر مش هنسامح

ربنا يكرمك ويعزك

[smart_mody]

خوفتنا يازلمة فكرناك انتا اللي بالصورة
قلنا خلاص هاذا فراق بيننا وبينه
هههههههههههه

منيح انو طلع واحد بس محطوط للتشخيص
ههههههههههههههههه

موضوعك حلو
بس ع فكرة الانحراف عن الموضوع ظاهر ع الردود وانا اولهم
ههههههههه

هههههههههههههههه لا هادا احلى مني هههههههههههههه

يا منحرفين هههههههههههههههههه

يسلمو كفورية عمرورك المتكرر

مشكور ع الموضوع

بالنسبة الى عادى ولا كأنو صار شى اذا كان الله بيسامح وبيغفر احنا البشر مش هنسامح

ربنا يكرمك ويعزك

تسلمي سفينة الالام على اخلاقك العالية نورتي الموضوع

[هاني سماره]

للاسف انا لو كنت انا الي زعلت

راح انا اصالحو
وكلمو ولكن مش كل المواقف (يعني الحدود)

بعض لناس يتصورو اني بقلل من قيمتي

ولكن انا بحس العكس


وشكرا الك سمارت(بلاش مشاكل)

[eyesprince]

بسلم عليه وبحكي معاه عادي بس ما بعطيه ثقتي زي قبل

لاني ببقا انقرصت مره والمره الثانيه ما بتتكرر ويمكن اذا كان الشخص هذا سئ ما ابروو بالمره ولا احكي معاه

وحلاقه علي الناشف

[smart_mody]

للاسف انا لو كنت انا الي زعلت

راح انا اصالحو
وكلمو ولكن مش كل المواقف (يعني الحدود)

بعض لناس يتصورو اني بقلل من قيمتي

ولكن انا بحس العكس


وشكرا الك سمارت(بلاش مشاكل)

هههههههههههه بلاش مشاكل يا حنون

ما في احلى من المشاكل هههههههههههههه

طيب تعال صالحني بكرة :)

يسلمو عمرورك

بسلم عليه وبحكي معاه عادي بس ما بعطيه ثقتي زي قبل

لاني ببقا انقرصت مره والمره الثانيه ما بتتكرر ويمكن اذا كان الشخص هذا سئ ما ابروو بالمره ولا احكي معاه

وحلاقه علي الناشف

والله في شي انا اكتشفتو في شعب غزة

الناس هون ما بحترموك الا اذا كنت شايف حالك وراسك بالسما

وهادا عن تجربة

يعني من الاخر حلاقة عالناشف

مشكور برنس نورت

[سراج الليل]

اولا مشكووووور سمارت علي طرح الموضوع
انا لما حد يغلط بحقي
بالاول بعصب منه وما بكلمه وبصير ازعق عليه
لكن بعد شوي كانه ما صار شي
يعني بنسي
وبسامحه
مشكوووووووووووووور

[smart_mody]

يسلمو زهرة عالمرور الطيب

متلي انا سامحت بعض الناس هههههههههههههه

[hanan]

إزا كان عليا

باحكي معو عادي وبتسامح من كل قلبي وصافي يا لبن ع قولتك ياسمارت ..........هههههههههه


مشكور سمارت ع الموضوع الحلو ..............تحياتي لإلك............
















مع أطيب تحياتي للجميع..............hanan

[smart_mody]

يسلمو عمرورك الطيب حنان نورتي

[بنت الجامعه]

صحيح بنكون زعلانين نوعا ما بس الحمدلله السلام وتقديم المساعدة كفيلات للنسيان

وبحاول قدر الإمكان إن أسامح كل واحد تعرض لي قبل ما أنام ..... المشكلة هم ما بسامحوا ؟؟


يسلموووووا خيو ع الموضوع مع إنه متأخر شويا ...


دمت بود

[smart_mody]

يسلمو بنت الجامعة عالرد


وعادي ردي وقت ما بدك بتنوري الموضوع

[sugerkakrot]

بتحكي معو عادي وبتسامح من كل قلبك وصافي يا لبن

لكن بضيف على هذا الاختيار انو بشوف اذا هو جاي فقط من اجل طلب السماح مني ولا لمصلحة مينة وبعد ما ياخذها
يحلقلي ويزعلني تاني لانه المسلم لا يلدغ من حجرين مرتين

[smart_mody]

لكن بضيف على هذا الاختيار انو بشوف اذا هو جاي فقط من اجل طلب السماح مني ولا لمصلحة مينة وبعد ما ياخذها
يحلقلي ويزعلني تاني لانه المسلم لا يلدغ من حجرين مرتين

ممكن هيك وممكن هيك


يسلمو تامرررررررررررررررررررر طبيخ بايت

[سمر]

يسلمووووووو سمارت ع الموضوع الحلو
أنا لما بزعل من حدا
أو أزعل حدا
ع الحاتين
مابرتاحلي بال غبر أبع اللى بقلبى كله
بعديها برتاح
وبرجع معه زى قبل
ويمكن احسن
كأن شيئا لم يكن


تحيتي

[ريهام]

انا وحده من الناس ممكن ارجع اسلم عليك واحكى معك ؛ما عندى مشكله

بس سبحان الله الا ما يتسجل لك نقطه سودا ما بقدر امحيها

لكن هدا الشى ما بيعنى انى ارجع اكلمك

[الوردة البيضاء]

مشكوووووور عبقرينو على ها الطرح الجميل
اكيد بسامحه وبنسى
مادام هوا بدا بالسلام
ليش ما اسلم واسامح وانسى
تقبل مرورى
تحيااتى الك عبقرينو

[**الأميرة السمــراء**]

مدرام اجى هوا وحكى عى فليش افتح الموضوع وانسا عشان ما يصير خلاف اجديد وانا بعرف الصديق المخلص الى بسامح

[smart_mody]

سمر


ريهام


مجروحة


اميرة



يسلمو عالمرور الطيب

[*همس المشاعر*]

في مقوله حلوة كتير وانا بحبها

قمه الوفاء ان تنسى جرح من تحب

اكيد بسامحه لانه هاي طبيعه بقلب الانسان

لكن لازم اعاتبه واحكيله ليش عمل هيك

[المايسترو]

يسلم على الموضوع يا سمارت على الموضوع
هوا صحيح الواحد لازم يسامح بس بيضل حقد او موقف معين اتجاه هادا الشخص
بس برضو حسب درجه الزعل الى انتا ازعلتوو يمكن يكون اتجاوز عن حدودو
والتعامل معوو حسب طيبه قلبك
بس انا يمكن اضربو بنفس الوقت. وخصوصااا ادا كان زعلني او حكاالى كلمه زعلتني او احرجتني قدام صحابي
مشكور يا سمارت
تحياااتي

[smart_mody]

روعة & مايسترو


يسلمو عالمرور

[إحساس عاشقة]

انا عن نفسي بسامحو لانو قلبي طيب ما بعرف الحقد
يسلمووووووووووووووووو على الموضوع
تحياتي

[smart_mody]

مشكورة احساس عاشقة نورتي التوبيك

[البريئة]

انا والله اذا شي جامد بزعل منو بس بكلمو بس مو متل قبل ما كنا
اما اذا شتم عادي بسامح
يعني على حسب المواقف
تسلم سمارت

[smart_mody]

يسلمو بريئة عالمرور الطيب

[وسام2009]

انا و الله ممكن اسامح بس ما بنسى و ما بسامح الكل

[eyoon]

بحكي معو عادي وبسامحومن كل قلبي وكتير صارت معي.
والحمد الله رغم انها وصلت لمشكلة كبيرة لكن برجع احكي الله يسامح الكل.
يعني صافي يالبن حليب ياقشطة ههه

يسلمووو على التقديم الطيب.

[smart_mody]

يسلمو عالمرور الطيب يا حجات

[PrEtTy MeSo]

انااااااااا بتناسا اه بس بضل موجود الشى وعند اول موقف بسير بزكر بالموقف الى مر يعنى بالعادة بحمل جواتى وببين انو عادى بس بكون من جواتى مش طايقة احكى مع اهلو

تحياتى لكـ اخــى

[فكر خاص]

الي بزعل نصيحة مني بقله ماتحط بقلبك كتير وحاول تنسى وتبرد اعصابك ... الدنيا مش مستاهلة زعل اخي سمارت
تحياتي الك وللمشاركين.

[smart_mody]

نورتو الموضوع يا حجة ويا حج :)

[فتى المستحيل]

أنا إذا زعلت من حد لازم أعرفه إنو غلطان واحكيلوا هادا الشيء أمامه

ولكن أحياناً في حاجات الواحد بحطها فقلبوا وما بظهرها بس طبعاً بينسى بعد فترة لانو

الإنسان لا يسمى إنساناً غير أنو بينسى .

[الزعيم]

انا والله اذا زعلت زعلي عاطل بس قلبي طيب وبسامح اذا كان شي بسيط اما اذا كان غلطان بحقي هذه حاجة تانية كتيييييير

[smart_mody]

منورين تبمبتر & زعيم

طيب ولي زعلان من الدنيا كلها شو حلو هاد

[دمع الورود]

عايزة اقول راي وبكل صدق بسامح لكن ما بنسى موقفه بس ما باثر على علاقتى مع الشخص اللى زعلني الا اذا كرر الموقف بفتكر كل شئ

[smart_mody]

نورتي دمع الوروود


................

[ميمو]

صباح الخيرات
سمارت
رأي الشخصي أكيد


أني بصالحوا وبتلاقيني كمان ناسية كل شي صار بينا
ولا كأنوا صار شي


وهادي شغلة ورثتها من ماما

طيبة قلب

مش اكتر
وحب للناس

يسلموووووووو

[smart_mody]

يسلمو ميمو


يا طيبة القلب


نورتي

[دمعة حب]

اها صحيح التسامح احلى شي بس والله مش سهل انك تنسى اللي جرحك في يوم ولييله ع طول لازم يظل شويه حواجز ما بينات الاشخاص اللي متزاعلين

بس انا بسامح على قد ما بقدر وبحاول ما اعند عشان ما نخسر صداقتنا

دمعــــــــــــــــــــــــــــــــــــــــــ ـــة حــــــــــــــــــــــــــــــــــــــــــــ ـــب

[حنووو]

انا برأي التسامح مافي احلى منه وهاي صفة بكل البشر
بس برضو لما يكون الشخص مألمني يمكن سامحو اول مرة وتاني مرة
بس بيبقى في شي بقلبي تجاهه مو كره ولا حقد بس ما برجع بعامله بطيبه القلب
وبنيه صافي و مع كل هاد انا قلبي طيب والحمد لله بسامح الجميع وخصوصا اذا كان شخص عزيز على قلبي
ومرسي كتير على هالموضوع الرائع

[smart_mody]

يسلمو عالمرور الطيب

[عاشق الاحزان]

التسامح شي حلو انا اي واحد بغلط بحقي بسامحو بس مش بكل الاوقات في اوقات بكون الشيئ جارح
شكرا الك علي الك علي الموضوع الجميل

تقبل مروري

تحياتي

[دالين]

بسامحو ازا مستاهل
بس ازا مش مقدر انك سامحتو مرة وتنين وتلاتة وبكرر الغلط معتمد على طيبتك بكون اسمو هبل مش طيبة لازم بالاخر تحتفظ بكرامتك وما تسامح

[smart_mody]

يسلمو عالمرور الطيب يا جماعة

[ير*]

صباح الخير
لمن ازعل من حدا بدي فترة لحتي اقدر اسامح
ممكن تحكي بصعوبة اسامح
لانه صعب اسامح شخص اذاني وجرحني وانا ماجرحته ابدا
تحياتي

[ألم الفراق]

بسامح طبعا وما بخلي اي شيئ بقلبي يزعلني من اي حد

[smart_mody]

مشكورين عالمرور الطيب

[نبض الروح]

بصراحة لمن يكون شخص عزيز على مابازعل منو نهائيا ممكن اعصب بس مابازعل
بس لو شخص وجهلى مشكلة كبيرة وكان فى مصدر مشاكل وزعل الى باكلمو بس يعنى زى ماقال المتل ابعد عن الشر وغنيلو صح ولا لاء
بس على العموم ماباحب احقد على حد لو شو ماصار بس الواحد لازم يكون حريص شوى لانو المومن لايلدغ من الجحر مرتين
يسلمو سمارت على الموضوع