عمل المرأة...موضوع للنقاش

[أم ريماس]

ربع سكان العالم يرون أن مكان المرأة الحقيقي هو المنزل

تترأس المرأة الحكومات وتدير الشركات وتشكل نحو نصف القوى العاملة في العالم لكن استطلاعا عالميا للرأي اظهر ان واحدا من كل اربعة اشخاص معظمم من الشباب يعتقدون ان المرأة مكانها المنزل.

واظهر الاستطلاع الذي اجرته رويترز ومعهد ايبسوس ونشرت نتائجه عشية اليوم العالمي للمرأة وشمل اكثر من 24 الف بالغ في 23 دولة ان اشخاصا من الهند "54 بالمئة" وتركيا "52 بالمئة" واليابان "48 بالمئة" والصين وروسيا والمجر "34 بالمئة لكل منها" وكوريا الجنوبية "33 بالمئة" يتفقون على الارجح على انه يجب الا تعمل المرأة.

وربما كان من المدهش ان الاشخاص الذين تتراوح اعمارهم بين 18 و34 عاما كانوا الاكثر تأييدا لهذا الرأي على الأرجح وليس الجيل الاكبر والاكثر تمسكا بالتقاليد.

لكن غالبية من شملهم الاستطلاع ونسبتهم 74 بالمئة يعتقدون ان مكان المرأة ليس المنزل بكل تأكيد.

ويضم مجلس النقابة، امرأة واحدة وصلت عن طريق الانتخابات الحرة من أصل 11 عضواً أي ما نسبته 9 % من العدد الكلي، وتكرر ذلك 7 مرات منفصلة من أصل 37 مجلسا من عمر النقابة.




شو رأيكم
....؟!!

[الامبراطور 22]

انا معهم المراة لازم تكون بالبيت

الا فى حالات

حسب اوضاع الاسرة

ازا كان لازم تخرج المراه للعمل .. حسب الظروف الاقتاصدية مثلا

فش مشكلة


لكن الافضل لاستقرار الاسرة .. المرأة تكون بالبيت

[انثى بلآقلب]

شو هاد يالامبراطور حرام عليك يعنى بندرس على شى فاضى ..
المرأة لها الحق متل الراجل ...
يعنى من حقها العمل ...
يسلمو

[الامبراطور 22]

لا بس عشان تتنورو بالدنيا


ااانا حكيت ازا كانت الظروف مش كويسة

ساعتيها تشتغل المرأة

[أم ريماس]

اولا شكرا امبراطور
أنثى على الرد
أما عن رأيي أكيد مع انو المرأة تقعد في البيت
يمكن يا أنثى انتي لسا ما جربتي
بكرة الله بيرزقك ابن الحلال وبتجربي هموم البي وفوقهم الشغل

عن جد تعب كتير
انا الفصل اللي فات كان عندي تدريب 2 واعتبرته بمثابة تجربة
كان تعب كتير كتير
تودي الصغير ع الحضانة
وترتبي البيت وتطبخي
وبعدين تروحي اتحضري للمدرسة
وبعدين اتروحي توقفي 4-5 حصص في المدرسة(هلاك)


وترجعي ع الدار اتطعمي واتشررب يواتغيري
ما بيججي العشا الا بصلي وبحط راسي وبنام
هههههههههههه

العمل للمرأة للضرورة القصوى
وبس

[دقات قلب]

أنا ما بأيد انو عمل المرأة للضرورة القصوى يعني والله حرام ندرس
أربع سنين جامعة ونتعب حالنا وبالأخير نقعد في البيت لأ لازم نحس انو في نتيجة لتعبنا

أنا عن نفسي بأيد انو المرأة تشتغل وتندمج في المجتمع وفي نفس الوقت انها تعمل توازن بين بيتها و عملها

لأنو صراحة انا ملاحظة انو أغلب الموظفات مهملات في حق بيوتهن
في هدي الحالة ازا الأمور زادت عن حدها واهمالها لبيتها زاد لازم تعطي الأولوية لبيتها وتسيب شغلها
هادا رأيي

يسلمو ام ريماس

[القلب البريء]

انتو لليوم بهالقضية ما خلص راحت موضتها هلأ الكل بشتغل عاااااااااادي

ما في مشكلة

[أم ريماس]

دقات قلب
القلب البرئ
اشكركم على الرأي
دمتم بود

[smile]

اكيد لازم تشتغل لاسبابها الخاصة

[قطرة ندى]

عمل المرأة مو غلط .. بس أنا من وجهة نظري المرأة تشتغل طول وهيااا ما عندها أولاد .. لكن وقت ما يصير عندهااا اولاد مكانها الوحيد هو البيت .. لأنوا اهتمامي بأولادي ورعايتهم أحسن شغل ..

وإن شاء الله أنا هيك راح أعمل .. يسلموا إم ريماس

[أم ريماس]

عمل المرأة مو غلط .. بس أنا من وجهة نظري المرأة تشتغل طول وهيااا ما عندها أولاد .. لكن وقت ما يصير عندهااا اولاد مكانها الوحيد هو البيت .. لأنوا اهتمامي بأولادي ورعايتهم أحسن شغل ..

وإن شاء الله أنا هيك راح أعمل .. يسلموا إم ريماس

عين العقل
أختي قطرة يسلم هالرأي:)

[juba]

هو بلا شك انو عمل المرأة راح يفيد في انجاح الاسرة وتعديل من مستوى المعيشة
بس ازا كان الزوج قادر يوفر كل احتياجات البيت فالمرأة يكون اهتمامها بيتها وزوجها وعيالها اهم افضل

[أم ريماس]

هو بلا شك انو عمل المرأة راح يفيد في انجاح الاسرة وتعديل من مستوى المعيشة
بس ازا كان الزوج قادر يوفر كل احتياجات البيت فالمرأة يكون اهتمامها بيتها وزوجها وعيالها اهم افضل





مية المية
صحيح جوبا
طالما راتب الزوج امكفي وموفي
لأيش تشتغل الزوجة
بعرف واحدة راتب زوجها الف دولار
وهيا نتفت حالها وجابت مية فيتامين واو علشان تشتغل
طيب ليش الغلة وتشتيت الاولاد هان وهان
علشان ايقولو فلانة موظفة ومتعلمة ومثقفة..
ههههههههه
:24:

[محمود إسماعيل]

بسم الله الرحمن الرحيم

بالنسبة لي فأنا عامل حسابي ضروري تكون عندي وظيفة لأقدر اتزوج ,, عداهاا ما بفكر في الزيجة هادا اولاً ..

ثانياً : بالنسبة لعمل المرأة فبالنسبة لي لو هى حابة تشتغل ( وطبعاً زوجتي هتكون مدرسة بإذن الله ) لتساعد في البيت كان بها ,, ما بدها ما بجبرها عليه ,, لاني انا المسؤول في إدارة البيت مو هى و بالتالي من واجبي اني اتعب في طلب الرزق و اللي بهمني يكون ربنا يبارك في الرزق مو شرط تحقيق مكسسب مال كبير ..

ثالثاً : في حال ربنا اكرمنا بأولاد بأجبرها في هاي الحالة توقف عملها لانو اهم شئ الأولاد لانهم جد نعمة كبيييييرة لو تربوا منيح ...

و بنظري يكون عندي ابن اربيه منيح انا و أمه اكييييييد ( لانه التربية لا تقتصر على أحد الوالدين بنظري ) على الدين و الاخلاق أفضل بمليون مرة انو زوجتي تشتغل و تجيبلي ملياااااار دينار في الثانية !!


لانو الابن لو كان منيح هيفيدني في دنيتي و أهم شئ أهم شئ هيفيدني بآخرتي و يكفي انو الرسول صلى الله عليه و سلم : قال ((إذا مات ابن آدم انقطع عمله إلا من ثلاث: صدقة جارية، أو علم يُنتفع به، أو ولد صالح يدعو له))
يعني مو بس و انا عايش بستفيد منه ,, و بنفس الوقت بستفيد منه و انا ميت ..



و يكفي كمان انو رب العالمين تكفل في الرزق ,, كما يقال عند الناس هالوقت صار عندنا اولاد و المصاريف هتزيد علينا اشتغلي !!

و الله عز وجل قال في كتابه العزيز :
( ولا تقتلوا أولادكم خشية إملاق نحن نرزقهم وإياكم إن قتلهم كان خطئا كبيرا ([فقط الأعضاء المسجلين والمفعلين يمكنهم رؤية الوصلات]) ( 31 ) )


شو بدي احلى من هيك لما ربنا يكون متكفل برزقي و رزق أولادي مو زوجتي اللي هتجيبلي الرزق !!

يعطيكي العافية أم ريماس على الموضوع ,, و ربنا يحفظ بنتك ,, و اهتمي فيها منيح ..


دمتي بخير :)

[كفورية بحدود]

هلأ المفروض جنس ادم يجاوب على السوال

بس برضو نحن لنا آراااااااء ههه

المهم
هلأ وبجدية

الزوجة او الست او البنت بشكل عام لازم تكون حاملة لشهادة لانو الواحد مابيعرف شو ممكن يصير بالعمر او الزمن

اما نيجي لجنس ادم وعلاقته بشغل المرة

للاسف في مجتمعنا بيحطو للزوجة الهم الأكبر هو العمل
يعني لازم تكون بتشتغل
ولازم تحط كل قبضة بايد جوزها
وممنوع تتاخر عن اي شي بالبيت
وممنوع تقصر ببيتها
وبتيجي المصيبة الأكبر لما الزوجة بتشتغل متل القردة ولنفترض مثلا هي وزوجها بنفس فترة العمل وبيروحو مع بعض
مابيجي يساعدها
لا بينزل فيها خبيط وزعاق فوق تعبها

للاسف هادي قصص سمعتها بادني من ستات كتير


لهيك انا عن نفسي باتمنى اني لما اتزوج زوجي يقلي "اقعدي بالدااااااااااااااااااار"
لاني ساعتها هكون متاكدة انو بدو راحتي وبدو راحة ولادو
بس بنفس الوقت انا ازا حسيت انو صار وضع البيت على حفة الهاوية المفروض انا اتحرك وساعتها زوجي لو طلب مني القبضة قبل مااقبضها حتى مابقلو لا


يعني باختصار

طمع الرجال في هالزمن بوظيفة الوحدةخلتني اكره قصة الوظيفة كلها


يسلمو ام ريماس على الطرح المميز :)

[أم ريماس]

الفنان
كفورية بحدود
أنرتم الموضوع برأيكم
شكرا لكم..

بالنسبة الي حابة اشتغل بس شغلانة ما بتعب وما اطول في الشغل
بس علشا ن اشغل وقتي

هههههه
ما بحب الغلبة والتعب ابدا

[زمان2008]

والله انا عن نفسي ازا كانت بتقدر اتوفق بين الشغل وبين البيت ممكن

وخاصة لمن يكون عندها اطفال

يعني انا مابحب المرأة تشتغل تهتم بوزجها واولادها احسن

وراجل البيت هو المسؤل عن المصروف وغيرو يدبر حالو ههههههه هاد ندالة

[حلا2008]

والله انا عن نفسي ازا كانت بتقدر اتوفق بين الشغل وبين البيت ممكن

وخاصة لمن يكون عندها اطفال

يعني انا مابحب المرأة تشتغل تهتم بوزجها واولادها احسن

وراجل البيت هو المسؤل عن المصروف وغيرو يدبر حالو ههههههه هاد ندالة



ههههههههههههههههههههههههههههههههه
معك حق يدبر حالوو
:dance9bh:

[انثى بلآقلب]

ما خلص الموضوع اسمعوا ....
نحنا ما عنّا بنات تتوظّف بشهادتها
عنّا البنت بتدلّل كلّ شي بيجي لخدمتها

شو هالوظيفة اللّي بدّا تفرّقنا بيني و بينك
يالله اللى بعرفها يفهمها ...

[سرحان]

عمل المراءة مسالة تم مناقشتها كثيرا
وفي اعتقادي ان المراءة ان كانت تحمل شهادة وفي مجال تخصصها الدرسي يتناسب وجنسها
كان تكون طبيبة او تكون معلمة فهذا رائع
وليست وظيفتها مقتصرة على تربية الاولاد او التنظيف فهذي مهمة لاتخص الزوجة فهي مسؤولية متكاملة من الجانبين انا اتمنى ان تكون المارءة موظفة ليس لراتب وانما هي تعمل بتخصصها بانفاعها للمجيمع
وايضا علاوة على ذلك الشهادة الدراسية

[أم ريماس]

حلا
أنثى بال قلب
سرحان

شكرا كتير على الاراء التي تعبر عن وجهات نظركم.
!!

[shoka2005]

المرأة مكانها البيت

أفضل الها و لزوجها

[أم ريماس]

شكرا الك shoke
على المرور !!
دمت بود