ما معنى الصداقة؟ وكيف تتخذ صديقك؟؟

[محمد خطاب]

نظرا لاهمية هذا الموضوع قمت بفتح باب النقاش فيه هنا وارجو منكم التفاعل مع الموضوع بابداء الاراء ووجهات النظر بصراحة لتعم الفائدة للجميع.
في حياتنا اليومية حين نُسأل عن رفيق غالبا يكون الجواب (هذا فلان صديقي) لكن هل فلان هذا فعلا يحمل معنى الصداقة الحقيقي ام هي كلمة اصبحت تستخدم في غير محلها؟؟
ما مفهومك الشخصي عن الصداقة؟؟
هل تعتقد بوجود فرق بين الصاحب والصديق؟ وان كان هناك فرق فما هو؟
هل تتخذ اي شخص صديق ام هناك اسس وقواعد لذلك؟وان كانت هناك اسس وقواعد فما هي؟
هل تولي ثقتك الكاملة لصديقك ام تعطيه جزء منها؟ولماذا؟
هل هناك عدد معين من الاصدقاء يجب التوقف عنده؟ ولماذا؟
من برأيك اقرب الصديق ام الاخ؟ ولماذا؟
هل تجعل صديقك في اختبار دائم ام تحدد وقت لذلك ؟
حين تتعرض لخيانة الصديق فعلى من تلقي اللوم عليه ام على نفسك ام على من؟

ارجو ان يعجبكم الموضوع وتنالوا الاستفادة منه وقد فتحته لانه بالغ الاهمية عندي ولا اعرف هل اصبت في ذلك انتظر منكم الردود

تمنياتي للجميع بالتوفيق الدائم

[بنت الجامعه]

أول شي الأسئلة كتير عجبني وأسعدني أن أكون أول المشاركين فيه


هل فلان هذا فعلا يحمل معنى الصداقة الحقيقي ام هي كلمة اصبحت تستخدم في غير محلها؟؟

اكيييييييييييد لأنها بتكون صديقة بالمدرسة أو بالجامعه وتعريفها عندي علاقة أو ارتباط مثلا شو بيربطني فيها

أنها صديقتي في الجامعه أو صديقة في أي مكان حتي لو بالعمل ...

ما مفهومك الشخصي عن الصداقة؟؟

دائما بعرف الصديق بوقت الضيق .. كيف اعرف الوجه الثاني إلا بالزنقات والضيق

هل تعتقد بوجود فرق بين الصاحب والصديق؟ وان كان هناك فرق فما هو؟

نعم يوجد فرق ... باعتقادي أنه الصاحب أعمق من الصديق من حيث الأسرار وفي مختلف المجالات بينما الصديق فهو

محصور بالزمان والمكان ..

هل تتخذ اي شخص صديق ام هناك اسس وقواعد لذلك؟وان كانت هناك اسس وقواعد فما هي؟

الأصدقاء يأتون من أنفسهم وطبيعه العلاقة التي تجمعنا ... فرب صدفة خير من ألف ميعاد ...

هل تولي ثقتك الكاملة لصديقك ام تعطيه جزء منها؟ولماذا؟

طبيعي لأشخاص محددة وموثوقين منهم ...

هل هناك عدد معين من الاصدقاء يجب التوقف عنده؟ ولماذا؟

ما فهمت عليك شو التوقف عنده ...

من برأيك اقرب الصديق ام الاخ؟ ولماذا؟
اممممممم يمكن الصديق أكتر .. أخوتي ما بفهموني مثل صحباتي

هل تجعل صديقك في اختبار دائم ام تحدد وقت لذلك ؟
ما في اختبارا ت بيكفي الزمن هو اللي يحدد ...

حين تتعرض لخيانة الصديق فعلى من تلقي اللوم عليه ام على نفسك ام على من؟

والله عادي يمكن ارعل ..... ما بندم علي ايا اشي ما دام أنا المسئولة لازم استحملها هالشي

مشكووووووووور ع الموضوع المميز

دمت بود

[M_H_F]

مشكور أخي ماسلو على موضوعك

انا بس بدي أحكيلك إنوا في أنوا من المعرفة

صديق

صاحب

زميل

رفيق

شريك


هادول كل واحد منهم شي لكن ما بيكونوا نفس الشي


على العموم تحياتي إلك

[عاشقة الحلم الوديع]

ما مفهومك الشخصي عن الصداقة؟؟
الصداقة هي شي جوهري وهي شخص تاتمنه على اسرارك مش لازم تكون كلها وياتمنك ويبادلك نفس الشي تكونو مقربين من بعض وهيك بتمنى انو الكل يكون عندو شخص بمعنى الصداقة الحقيقية مش صداقة مصالح او ما شابه

هل تعتقد بوجود فرق بين الصاحب والصديق؟ وان كان هناك فرق فما هو؟
ممكن لا

هل تتخذ اي شخص صديق ام هناك اسس وقواعد لذلك؟وان كانت هناك اسس وقواعد فما هي؟
اكيد في اسس اول شي يكون محترم واحس انها مش مصلحنجية يعني بالعامية متل ما بنحكي ههههههه
تكون بتعرف معنى الصديق تحترم اختلاف وجهه الراي و غيرها

هل تولي ثقتك الكاملة لصديقك ام تعطيه جزء منها؟ولماذا؟
اكيد ومهما كانت الصديق مقرب ما بعطيها كل ثقتي في مثل بيقول احذر من عدوك مرة ومن صديقك الف الف الف مرة
هل هناك عدد معين من الاصدقاء يجب التوقف عنده؟ ولماذا؟
اه اكيد وهو 2 فقط القلة افضل
لانو الاسرار اكتر من 2 ما بيكون سر بيكون خبر ههههههههههه

من برأيك اقرب الصديق ام الاخ؟ ولماذا؟
الاخ لانو ما بنخاف منو لو تزعل معو ما بيفضح اسرارك
صح

هل تجعل صديقك في اختبار دائم ام تحدد وقت لذلك ؟
اكيد اكيد لا في موقف معينة وباوقات معينة

حين تتعرض لخيانة الصديق فعلى من تلقي اللوم عليه ام على نفسك ام على من؟
حسب سبب الخيانة
ممكن اكون انا الي تسببت بالغلط او هي او غيرنا
هيك يعني

دمتم بخير ان شاء الله اكون وفقت بالاجابة

[محمد خطاب]

مشكورين اخوانى على المشاركات العطره

وعلى اجوبتكم الجميله مع انها كتيره سامحونى

حياتى قبل تحياتى