فوت قبل ماتنتهي صلاحية الموضوع ...نصيحة تفوت

[كفورية بحدود]

مرحبا لكل اعضاء هالمنتدى
خلينا نقلبها جد ونشوف


كلنا يعلم ان الحياة تغدر
كلنا يعلم ان الغدر صعب
ولكن لا احد يعلم
ان الحياة تعلم
وان التعلم بها صعب


منتدى فشة خلق يقوم بتصويت
لنرى ايها اصعب

غدر الصديق ام القريب ام الحبيب(خطيب) ام الزوج ام ............... الشخص الذي رأيتم غدره لكم صعب ؟


لنرى ايها كان اصعب
التعلم من الم او من صداقة ام من جرح ام من حب صادق ام من اخوية .....او الشئ الذي تعلمت منه ؟


موضوعي قد يبدو تقليديا ولكن صدقوني
موضوعي خاضع لاكثر من محور

موضوعي يناقش
لماذا اصبح الغدر صفة تلازم الصداقة او الاخوية او المحبة ؟
لماذا اصبحت الثقة العمياء بالناس سلاح يقتل لا يحيي ؟
لماذا اصبح يتوجب علينا انو نؤلم من حولنا حتى يحسبو لنا الف حساب ؟

موضوعي ليش مجرد كلمات تبكيني او كلمات شكر تقتلني بها
بل موضوع يمسنا
موضوع نتحدث به عن تجربة سمعنا بها او قرانا عنا او حتى حدثت معنا !!
موضوع عله ياخذ من جبال الهموم قشة ؟
موضوع اتمنى ان يلقى الصدق في الاجابة عليه
مع العلم ان الموضوع خاضع للتصويت ارجو التصويت
علما بانه سوف تنتهي فترة التصويت والاجابة على الموضوع يوم1/4 الموافق يوم الثلاثاء باذن الله
وسوف يعلن عن النتائج في موضوع جديد ضمن هذا المنتدى

وصاحب الرد الاكثر صدقا او التجربة الاكثر تعبيرا (بغض النظر عن صاحبها) سيحصل على جائزة يتم الاتفاق عليها لاحقا
ملاحظة : يرجى من كل عضو قام بالتصويت انا يضع في رده انا قام بالتصويت على البند الفلاني
علما بانه اي تصويت يتم بعد التاربخ المعلن عنه باطل
اما الموضوع فسيبقى جار الى اعلان النتائج

مشكورين جميعا

وانا نفسي شوف اشارك لاحقا بهذه المسابقة

انتظروا المفاجات

[كفورية بحدود]

شكلي انا كتبت الموضوع
وانا هرد

المهم
انا صوتت : الزمن

الموقف ياللي عندي سمعتو وبمتنى انو مايصير معايا : انو بنت كانت روحها معلقة بانسان لدرجة الجنون بتموت فيه وكانت بتظن انو هو كمان هيك
المهم
كانت دايما تحكيلي عنو وتقول كلام بيدوخ ياللي بعمرو ماداخ
ومرة صدفت انا شفنا بالشارع
صار يضحكلها وهيك كلام
انا مادخل مزاجي كل هالقصة
وكل الشب ع بعضو ماباخدو باقورتين
المهم ماحكيت شي
قلت يمكن احساسي مش بمحلو (مع انو نادر لما يصير هيك)

المهم مرة تانية صدفت اني شفتو بالشارع عينو ماراحت عن اللي بيمرو من البنات من قدامي وانا شفتو وبدي اتاكدي من احساسي تجاهو انو هوة مش ولا بد
المهم بدا احساسي يتصدق انو هالشب نيتو مش طيبة
بيوم لاحق هيك جمعنا حالنا بنات ورحنا عن كاظم (كالعادة) وهونيك شفت ياللي مابنشاف
شفت هالشب ومعو بنت (لا منظر ولا اخلاق الظاهر) وحاطط ايديو عليها وكلام من ده

ساعتها انا انصدمت لما شفت هيك

صرت اعيط على هالبنت الغلبانة
ولا اصرخ عليه
ولا شو اعمل
لانو البنت طيبة بشكل
وسكرة
المهم

استخرت ولقيت اني اقوللها احسن
لما رحت دحرجت الموضوع للبنت دحرجة لحد ماوصلتها الفكرة
صارت تبكي بكا فظيع ساعتها انا (حقدت ع كل رجال البلد)
وصرت اقوللها عادي

وتفاجات انها بتقولي انو هي مخطوبة الو (بس انو محكي فيها يعني مش رسمي للانهم قرايب) وانها مسكتو مية مرة بيخونها
بس هي مابتقدر تعمل شي لانو بتحبو وكمان هي محكي في امرها بالنسبة الو
يعني القصة
طين بطين

بصراحة هادي القصة لما صارت قبل فترة والي ثلاثة شهور
دمرت اي ثقة كانت عندي ممكن احطها برجال

لانو انا من بعيد دقت مرارة الغدر ياللي بتعاني منها هالبنت وماحبيت اكون انا محلها باي يوم من الايام


بتمنى هالتجربة تفيد الكل

[سراج الليل]

اولا مشكوووورة كغورية علي الموضوع
تانيا كلامك مزبزط مية بالمية
كل الشباب زي بعض
غدارين
مشكووووووورة
انا صوتت علي غدر الصديق
لانه حصلت معي اشياء
من صحباتي اتاكدت ما في اصحاب مثل الاخوة
بس القليل جدا جدا
مشكوووووووووووورة كتيرررررررررر كفورية

[كفورية بحدود]

يسلموا يازهرة

وكلامك مية مية
بس انا عندي صديقتين روحي معلقة بيهم

بس انتي لهلق مافوتي غير بنص المسابقة لانك ماحكيتي موقف

يدخلك المسابقة معانا

[سراج الليل]

ماشي راح احكي موقف
في الي صحبيتي الها صاحبة هنا صاحبات علي الاخر
بيحكوا كل شي لبعض
يعني مثل الاخوات واكثر
في يوم من الايام هادي الصحابة غدرت في صحبيتها
وشبكت عليها
وفتنت عليها
يعني بمعني دمرت حياتها
لانه بتحكيلها كل شي عنها
وهي اخريتها فضحتها
ومن بعد هيك بطلت اامن لاي وحدة
مهما كانت
ومش هيك الصداقة بتكون
فيعني الواحد لازم يحذر من اصدقائه
بس الحمد لله علي كل شي
ولازم نحمد ربنا
قبل كل شي

[**HaMaDa**]

انا راح ابدأ حديثي ببعض الكلمات الرائعة

كفاك يا عين بكاء

فمالنا في هذه الدنيا بقاء

فاليوم حياة وغدا فناء

فما للحياة طعم دون وفاء

فلم الوجود اذن دون اخلاص ؟

صديقي امامي حنون !

وفي غيابي خنجر مسموم .

لم هذا الجفاء

لصديق احبك بكل احساس ؟

لو تدري يا صديقي . .

لو تدري ان الحب وفاء . .

وان الغدر والخيانه فناء . .

فما اهنأ العيش

في جو ملؤه الحنان . .

كفاك غدرا لصديق

اخلص لك كل الزمن

وحماك من وسواس الشيطان ...!



اكيد عرفتو لاي بند راح تصويتي
اكيد للصداقة
وانا دايما باكرر هالجملة الرائعة بالنسبة الي
وماخدها مبدأ بحياتي كمان
وهي
كلب صديق افضل من صديق كلب
ويمكن صعب انو نجمع بين هالكلمتين
الصداقة والغدر لانهم متناقضتين
بس للاسف انا برايي انو هالكلمتين بالزمن هاد صارو مترادفتين
وبينهم ترادف قوي جدا

واكيد كلكم بتتسائلو
شو اللي خلاني احكي كل هالحكي هادا
هوة انا المفروض ما احكي الموقف
بس بناءا على طلبك كفورية راح احكي جزء بسيط
وهو عبارة عن موقف قذر من مواقف اقذر

صديق او بالاحرى عدو لانو خسارة فيه كلمة صديق
عشرة عمر
اكتر من اخوة
حياتنا وحدة
انا هوة
وهوة انا
ووووو ............. الخ
كان يتردد كتير عندي وعلى بيتنا
ناكل مع بعض
نشرب مع بعض
وكل شي كل شي
فجأة اكتشفت انو الاخ عايش الدور عنا بالبيت
مع ........ والله ماهي راضية تطلع مني
تؤ
افففففففففففففففف
بكفي هيك
لانو خلاص عيب علية اصلا اني احكي هالقصة
مو حلوة لا بحقي ولا بحق اهلي
وفهمكم كفاية

بالنهاية تم التصويت على ..........الصديق وبس
ومشكورة كفورية عالموضوع الاكثر من رائع

وراح اكرر جملتي الخاصة
كلب صديق افضل من صديق كلب
كل الاحترام الك كفورية
تح ـــــياتي

[زهرة الثلج]

احكيلك بصراحة الغدر بطبيعة الحال صعب مهما علا او قل شأن الشخص الي غدر فيكي

بس من شخص لشخص بتتفاوت تاتير الغدر

لما يغدرك الحبيب معناتو ما بيستاهل انك تحبيه او تعاتبيه

لكن الصديق خسارة فيه لقب صديق خسارة تلوميه

لكن الأخ شو ما صار حيظل اخوكي وما رح تقدري تتبري منو

لكن الزوج في حالة كنتي متزوجة صعبة جداااااااااااااا

الاقارب معروفين عقارب


كلهم صعبين

موقف غدر انا صار معي من قرايب الي

بس السحر انقلب علي الساحر وقعت فوق رسوهم وانا ما بعرف بكل تخطيطاتهم

بس الاصعب غدر الاخ او الزوج


مشكورة كفورية

[smart_mody]

انا صوتت الاخ لانو ما بتعوض

اما الصديق فالدنيا مليانة الله يسهل عليه

الحبيب برضو مع السلامة الله مكترهم

الزمن : مسكين ما الو دخل .. العيب فينا

الاقارب : عقارب .. ممسوحين من الخريطة اصلا

مشكورة كفورية عالموضوع المميز

[القيصر]

سيدتى أشكرك لمشاركتك الرائعة

وتقبلي خالص تقديرى واحترامى

وانتظروا ما سوف اكتبه

وبأذن الله سوف أفوز بالجائزة

لاني قلمي سيطر بحبره المعبق برائحة الورد قصة رائعة

انتظروني

[رهف]

الموضوع رائع جدا لقد اصبحنا في زمن لا يعرف الوفاء ألا من رحم ربي صار من الصعب ان نجد الصديق المخلص الذي لا يصادقك لمصلحه ثم يتخلى عنك عند انتهائها

[كفورية بحدود]

زهرة الربيع قصتك يبدولي انها حلوة بس ناقصاها التفاصيل ياللي بتعطي التشويق المطلوب

ابو حمادة22 (حمودة) قصتك انا بالنسبة الي كانت يمكن راح تصير معايا بس انا تفاديتها وهالشخص من عيلتك كان بيقدر يتفادا هيك بالتعبير عن رفضو بشكل قاطع للموضوع ... بس بتعرف الم الغدر من صديق هو كان اخ ماممكن يعوضو جرح انا هيك بفهم وصدقني موضوعك روعة بس برضو ناقصو تفاصيل (وانا متاكدة لو هادي التفاصيل انحطت موضوع راح ياخد الصدارة )
وجملتك انو الكلب الصديق احسن من صيق كلب اكتر من روعة بجد اكتر من روعة


زهرة الثلج برضو موضوعك بيلفوا الغموض يعني مابنقدر نحكم هليك عليه وعلى انو معتمد او لا بدنا تفاصيل اكتر لانو قصة السحر والساحر شوقتنا اكتر


سمارت مودي: كلامك ع العين وع الراس وصدقت انو الاخ مايتعوض بس لا تنسى انو كمان الاخ مضر تسامحه بس الباقيين تبقى حسرة الالم هي سيدة الموقف
المهم انتا ماحطيت موضع ياهلك للمشاركة بشكل رسمي معانا
بدنا تكمل المشاركة




القيصر له يازلمة والله العظيم شوقتنا لنشوف هالموضوع
بس بدك تلحق قبل ماينتهي الوقت


يعني بالمختصر لحد هلق المشتركين هما
كفورية بحدود
ابو حمادة
اممممم ونعتبر زهرة الربيع معانا

بتمنى من الجميع المشاركة

[**HaMaDa**]

القصة كفورية مو قصة صدارة وجائزة ومش عارف شو

بس انا حكيت بالرد
انو مو حلوة بحقي ولا بحق اهلي انو يكون تفاصيل
لانو والله العظيم
تفاصيل حقيرة
حقيرة بكل ما تحمل هالكلمة من معنى
مش لاقي كلمة اكبر من حقيرة حتى اوصف هالتفاصيل هادي
قال تفاصيل
باكوون مجنون والله
له
نووووووووووووو
اعتقد انو الرد بتاعي مو محتاج تفاصيل
والدليل انو انت فهمتي الموضوع صح
وصح كتير كمان
وطالما هيك انت
اكيد الكل فهم كمان
اما بجد صدقيني
بلاها التفاصيل
بكون احسن

نووووووووووووووووووووووووووووووووووووووووووووووووو ووووووووووو تفاصيل

[كفورية بحدود]

انا فهمت عليك ياحمودة وماراح اضغط عليك اكتر من هيك
وانتا زي ماانتا شايف انا دخلتك معانا كمشترك رسمي

واكيد وانا كمان مابدي تفاصيل عن الموضوع لانو بيشئ بالاول وبالاخر لها(الحد) المهم
انتا معانا لانو الموضوع الكل فهمو

تسلم ياحمودة ع المرور

[القيصر]

الخيــــــــــا نـــه أو الغدر >>كلمة شائعة نسمعها تقال كثيرا ولكن هل يدرك احد منا ما معنى كلمة خيانة

والخيانة تساوي الغدر
هل تعرف ان كلمة خيانة تحمل كل معنى قبيح فمن منا لا يكرة هذة الكلمة انظر الى تلك الحروف


المكون منها كلمة خاين يحمل كل حرف منها معنى :


- ( خ )- خداع وكذب


- ( أ ) - انسان مجرد من كل المشاعر


- (ي ) - يتجمل فى ابهى الصور يرتدى قناع الخيانة


- (ن ) - نفاق وكذب



الغدر**كل عمل يتجرد من المشاعر الانسانية ويكون ملئ بالكذب والخداع و والنفاق**

الحقيقة كثير ما نسمع قصص لا يصدقها العقل في هذا الزمان الذي أختلت فيه المعايير والمبادئ والقيم ، ولكن ننصدم عندما نعايشها عن كثب وبالتالي لا نملك إلا علامات التعجب والذهول والشرود بعيداً لعالم لا تدنسه أرجل الغدر .. !!


وأنا بوجهة نظري أنه لافرق في الغدر.. فالغدر واحد بغض النظر بين من ومن كان فسوف يبقي غذر

وسوف يبقي هناك نتائج واحده له وهو الضحية .. ضحية ذلك الغدر

فكل غدر يمر في حياتك سبب لك الم ووجع


واليوم سوف اضع بين ايديكم قصةالغدر ... ولكن الغدرهذا من نوع مختلف
وهذه القصة حدثت مع شب صديقي أعرفه جيدا وكنت من أقرب المطلعين علي قصته

وسوف أحدثكم بها

وسوف تعحبون لهذه القصة ولذلك الغدر

وسوف أببدأ بعرض القصة عليكم

كان هذا الشخص وسيما نوعا ما ولكنه كان صاحب مقولة مشهورة أنه أغلق قليه في مفتاح ورمي ذلك المفتاح في

قاع البحر وكان يبرر موقفه أن الحب الصادق لا يبحث عنه الشخص لان ذالك الحب يأسر القلب بدون مقدمات

ويغدو الفكر بدون تخطيط فكان هذا الشخص عايش حياته بدون تعقيد ورافضا ان يحب لمجرد ان يحب فقط

ومرة الايام علي هذا الشخص

فجأة وبدون مقدمات أعجب بفتاه وايضا تلك الفتاه أعجبت به ولكنه لا يقدر علي البوح في ذلك الحب لتك الفتاه خوفا أن يجرحها

وايضا كان نفس الشعور عند الفتاة

ومضت بضعت اسابيع ولا أحد منها اعترف بحبه للاخر

وهنا قرر ذلك الشخص أن يوح بحبه لتك الفتاة

فقرر أن يستعير منها كتاب لانهما كانا في نفس المرحلة العمرية

وفعلا تحقق له ما يريده

وكتب علي ذلك الكتاب بعض من كلمات الحب الصادرة من قلبه

وأرجع الكتاب لتك الفتاه

وبعد يوم واحد كتبت الفتاه علي كتابها بكلمات قليلة أنها تحبه وسوف تنتظره مهما طال الزمان أو قصر ووصلت تلك الكلمات لذلك الشخص

فأصبح متمسكا بحبه

وعشا معا في أحلام جميلة أقدر ما تقول عنها أحلام وردية ولكنها كانت احلام رائعة

ومضت فرتة طويلة نوعا ما وذلك الحب الذي تفوح رائحة البرائة منه مستمر

ولكن لن يكتمل ذلك الحلم الجميل

لان ذلك الشخص وللاسف أكتشف حقيقة مرة

حقيقة جعلته يفيق من حلمه

حين عرف وبالصدقة أن تلك الفتاه مخطوبة لاشخص اخر من قبل أن يحبها وان الخطوبة هي بمثابة كلام علي الفتاه ** أي انه عرف ان البنت التي احبها محجوزة من قبل ان يحبها **

وانا الفتاة موافقة علي تلك الخطوبة وبكامل ارادتها موافقة علي تلك الخطوبة

فكيف احبت شخص واصبحت تعيشه في أوهام وهي تعرف انها مخطوبة لشخص اخر ............ كيف

وهنا كان ذلك الخبر بمثابة الصاعقة التي أصابته في مقتل

لانه شعر بجرح عميق أنها كيف لم تقل له ذالك الكلام من قبل
فهمي لعبت في مشاعره وجعلته يشعر بضيق والم

فعتبر ذالك الشخص ان الفتاة غدرت فيه لانها جعلته تعيش في وهم وخيال

لان الحب لا يكون فقط عبارة عن مشاعر وأيام بنعيشها فقط مش أكتر
فهو حقيقة اكتر من ما هو خيال

وهكذا أنهي ذلك الحلم الجميل الذي اصبح وهما

وعاد الشاب الي مقولته الشهرة


في النهاية أرجوا ان تكون القصة اعجبتكم


صحيح شو هي الجائزة
ههههههههه

[كفورية بحدود]

اول شي روعة ياقيصر الكلام والقصة وصدقني لما يبدا التصويت لاجمل قصة ماراح صوت لالي وراح اصوت الك باذن الله

أغلق قليه في مفتاح ورمي ذلك المفتاح في

قاع البحر وكان يبرر موقفه أن الحب الصادق لا يبحث عنه الشخص لان ذالك الحب يأسر القلب بدون مقدمات

وكانك تتحدث عني هنا في هذه المقولة ..............................مع اختلاف المبرر لاني تعاهدت ان قلبي لن يكون الا ملكا لزوجي ووالد اطفالي(مع انو لسة مش موجود هههههههههههههه) احسن برضو


اما انا رايي بالبنت انو هي يمكن موافقتها مش بارادتها وعشان هيك كانت بتدور على حب يعوضها اللي فقدتو بخطوبتها مع العلم اني مابدافع عنها بس برضو لازم تكون في مقدمات واذا كان زي ماانتا كاتب بتككون هي اكبر (اسفة ع الكلمة) اكبر حقيرة بهالدنيا


صحيح شو هي الجائزة
ههههههههه يادي الندالة هههههههههههه
اول شي انتا ماقلت لمين صوتت وبعدين الجائزة مفاجاة

بس المهم هلق المشتر كين معانا للان
كفورية بحدود
ابو حمادة 22
زهرة الربيع
القيصر

[محمد خطاب]

وهو فى بعد غدر الصديق

مشكوره اختى على طرحك الموضوع الرائع

[حكاية حب]

اول شي بحب اتشكرك اخي
علي كل يلي بتفعلوو ا في المنتدي
وبتشكرك علي موضوعك الرائع
بس حابب الخيانة صفة يكرها الجميع
وانت وضعت ونقشت بقلمك الذي يكره اسم الخيانة لتدلل لنا عن مدي كرهك لهده المواقف
وحابب اقلك انو في يوم من الايام
صاحبي حب فتاة لمدة اربع سنوان ولم يفترقووا يوما حتي علم والد الفتاة وكان الشاب علي ثقة بنفسه وحارب من اجلها
وكانت تعتبر النفس الذي يخرجه او يتنفسه بالمعني الافضل
كانت نبض يده دقات قلبه
بالمعني العام كل شئ بحياته

وبعد مرور فترة من الزمان جاء رجل ليخطبها فتخلت عنها ما هذا يعتبر
خيانة اما ماذا وما زنب الشاب الذي تعلق بها
ارايم ما تفعل الخيانة تقتل وتتدمر اششخاص كتيرين
المهم اصبح الشاب بلا قلب بلا تفكير

حتي رسب في جامعته من اجلها ولكن كنت السباق في نصحه في ان النساء سهم من سهام ابليس
واتفق معي علي ان لا يقترب من بنات حواء
شوو رايكم بصتو
المهم حابب اقول لكل واحد بيحب او بيعرف صديق وبيعتبروةو كل شئ الي يجعل للخيانة ان تقترب من جانبه والي
سوف يصبح مصيره مصير احزان في عالم اوهام

واخيرا بحب اشكرك علي موضوعك الذي يستحق كل الشكر والتقدير تقبل مروري
تقلت عليك موووووو

[كفورية بحدود]

ماسلو يسلموا ع التصويت
بس انتا ماحكيت قصة تاهلك لدخول المسابقة


اما حكاية حب

القصة حلوة بس بتصير كتير وانا مابعتبرها غدر لانو انتا مابتعرف ظروف هادي البنت
ياسيدي المهم

المشتركين الى الان
كفورية بحدو د
ابوحمادة22
زهرة الربيع
القيصر
حكاية حب

[الرومانسية]

يسلمووووووووووو على الموضوع
انا بصوت للصديق

[كفورية بحدود]

يسلموا يارومانسية ع التصويت بس لازم تفوتي ع المشاركة بقصة

امستنين منك المشاركة الكاملة

المشتركين لازالو هما هما

[جنون أنثى]

يسلموا عالموضوع الحلو مابدي علق
بس عجبتني مشاركة القيصر كتير

[عاشقة العيون الساحرة]

كتييير الموضوع حلوووووو
يسلمووو كتييير

بالنسبه الي كل انواع الغدر واحد سواء كان صاحب صديق حبيب زوج قريب كلهم بنفس الصدمةوالتاثير

وكلهم بيصعقوا لو اي واحد منهم غدر

بس انا اخترت بشكل عام ( قـــريب) لانه الحمدلله ما حد غدرني باصدقائي ولو غدرني حد منهم ما بعتبرووو صديق من الاول لانه لازم الواحد يعرف مين يختار قبل اي شي

تقبلو احترامي وتحياتي للجميع

[ياقوتة فلسطين]

أولا احيكي على الموضوع الجميل
ثانيا انا صوتت للأخ ..... لانه هو من يفقد وليس غيره
فقد قيل الزوج موجود ..... والابن مولود ...... والاخ مفقود ........ فالزوج لو حصل اي شيء والعياذ بالله وتم الانفصال فانه ممكن تتزوج غيره .......... طبعا الكلام مش علي الله يخلي لي زوجي ويطيل بعمره ويبعد عنا ابناء الحرام هههههههه الكلام بشكل عام ............. والابن يولد لك ابن جديد لو مات .......... اما الاخ مفقود لانك لن تجدي بعد عمر طويل لوالدينا ان شاء الله لن تاتي باب وام ليلدوا لك اخ اخر لذلك صوتت على الاخ وغدره او خيانته اذا حصل يكون اصعب من غيره بكثير
و الدنيا بحر مليء بالاشخاص اذا مامررت يوم في اي مكان واستمررت في المكوث فيه طويلا فانت بدون تردد ستتعرفين على اشخاص ستربطك بهم علاقة محبة او صداقة بالاحرى ....
على كلا انا لا اقول ان غدر او خيانه الصديق ليست جرح لالالالا بل هي اصعب خصوصا اذا كان بمثابة الاخ ( رب اخ لك لم تلده امك ) فقد قيلت في الصديق ولكن معنى كلامي انك يجب ان تتنبه فالمؤمن حريص فطن يعني ( حرص ولا تخوّن ) فزمننا هذا غريب فهو اخر الزمن بحيث قل الوفاء .
اما الحبيب ...............
فنادرا ماتجد حب صادق تفوح منه المحبة بعطاء دون انتظار الجزاء انا اقول نادرا ولا اقول مستحيل ...... فقد قال الرسول عليه الصلاة والسلام ( الخير في وفي امتي الى يوم القيامة ) ... ولكن اذا كان هذا الحب مبني على اساس الحب في الله واحتساب هذا الحب حتى تكون تحت طائلة ( سبعة يظلهم الله تحت ظله يوم لا ظل الا ظله ........ رجلان تحابا في الله واجتمعا على ذكره وتفرقا عليه ......... )
وأنــــــــــــــــــــــــا أحـبـــــــــــــكــــــــــــم فــــــــي الله
أما بالنسبة للاقارب فاقول ::::::
الأقارب لا تقارب .........فالاقارب كالعقارب .............. بل اشد من العقارب !!!!!!
يعني محتمل منهم الخيانة فلاتثق بهم كل الثقة ولا نحرض هنا لقطع صلة الرحم ولكن باب الحرص
قصتي هنا ليست عن الاخ ولكن انا صوتت لوجهة نظري ..........
القصـــــــــــة عن غدر الزوجه ............... قصة قديمة حكتها جدتي رحمها الله وهي قصة حقيقية.......... اطلت عليكم
كان في وحدةاسمها (حسنه ) تعيش مع ابن عمها ( بشر )حياة مليئة بالمحبة والاتفاق ولكن عمتها الي هي (حماتها ) مش عاجبها الوضع وفي يوم من الايام خلت ابنها مش موجود ولما رجع قالت له ( انا شفت واحد بيطلع من عند حسنه وانت مش موجود ) طبعا الزوج غضب ولكنه بيحب زوجته فاخذها وطلع على البادية كل ماعدى على مكان قلها بتعرفي احنا وين بتقوله اه ظل يمشي لغايت ماحسنه قالت له والله بعدنا ياابن عمي هذا المكان مابعرفه ظل يمشي لغايت لما لقي نبع ميه جلس عنده وتمدد حتى يقيل وانتظر لما النوم اخذ من حسنه طاقه فركب خيله ومشي وخلاها ....... المهم قامت حسنه ومن خوفها لانها في مكان لوحده طلعت فوق الشجرة الي جنب النبع وجلست تنتظر احد من الركبان يعدي على النبع بعد وقت بسيط وصل زمل من الخيل والابل وخذوهم الرعاه واوردوهم على النبع كل ماوصلت الخيل للميه هاجت راح جاء الشيخ تاعهم وهو (ابن شعلان ) مش ابن عجلان تاع المسلسل ههههههههههه المهم اطلع في الميه وشاف خيال حسنه طلب منها تنزل واعطاها الامان وخذوها معهم على منطقتهم المهم بعد مده عرض عليها الزواج وافقت وطار عقله فيها وطلق كل نسوانه عشانها وهمل اولاده عشان خاطرها ..... اهدى لها قطيع من الخيل والابل ملك لها راحت وسمتهم بوسم ابن عمها (بشر ) .. مرت السنين والايام وخلفت اولاد وبنات ...
نرجع لبشر امه انعمت (اصبحت عمياء ) في يوم وهي جالسه بتكلم في حالها قالت ياربي انا ماسويت شيء غير اني ظلمت حسنه سمعها بشر وجن جنونه فراح على المكان الي رماها فيه وهو جالس اجت خيل وابل تورد على النبع اطلع فيها واذا عليها وسمه سال هذه خيل مين قالوا له لزوجة الشيخ ابن شعلان فراح زيارة عليهم وهو قاعد في الشق اخذ يسن على الربابه وهو يبكي فقال ابن شعلان ياحسنه طلي وشوفي ضيفنا بكى يامن درى ايش بكاه ...... قالت والله لو انه بشر الي كان غايب ماسمعت بكاه ......... رد بشر ........ ما ابكتني غير حسنه بنت عمي حليلتي جن جنون ابن شعلان وماتركه يكمل كلامه وسحب السيف عليه بده يقتله لما سمعت حسنه سحبت السيف فزت وقامت خوفا على ابن عمها وقالت : لا ابن شعلان ياخايب الرجا انت وملم الفراش ( الاولاد ) فداه .
فطلقها ابن شعلان وتركها تذهب مع بشر وصار يمشي بين الناس ويشعر ....
ياناس انا بي وجد مجنون وبي وجد عاقل ................. وبي وجد من خلا الطريق وتاه
بي وجد من خلا بنت عمه حليلته ....................... وراح للطير الغريب قناه
بي وجد من خلا قصور مبنية ........................ وراح للقصر الخراب بناه

الي اخر قصيدته

[**HaMaDa**]

دماااااااااااااااااار
ياقوتة

[smart_mody]

سمارت مودي: كلامك ع العين وع الراس وصدقت انو الاخ مايتعوض بس لا تنسى انو كمان الاخ مضر تسامحه بس الباقيين تبقى حسرة الالم هي سيدة الموقف
المهم انتا ماحطيت موضع ياهلك للمشاركة بشكل رسمي معانا

سوري ما بقدر احكي قصتي هون


طيب شو بصير لما اشترك بالموضوع بشكل سمي متل ما حكيتي ؟؟؟؟؟؟؟؟؟

[القيصر]

يلا عدوا انتهي التوقيت

بدنا انشوف شو هي الجائزة

وبدنا تصويت الاعضاء علي اجمل موضوع

ننتظركم

[ياقوتة فلسطين]

مشكور ابو حمادة على تعليقك وبدي احكي لك كلمة .....
سمي الانسان ........... انسان .... اشتقاقا من النسيان
حاول تنسى من جرحك واصابعك مش وحده
واستعين على ذلك بكثرة الاستغفار

[**HaMaDa**]

مشكور ابو حمادة على تعليقك وبدي احكي لك كلمة .....
سمي الانسان ........... انسان .... اشتقاقا من النسيان
حاول تنسى من جرحك واصابعك مش وحده
واستعين على ذلك بكثرة الاستغفار


ممممممممممممممم
اييييييييه
لا انا كل اصابعي وحدة
وبطلت تفرق

[ياقوتة فلسطين]

ممممممممممممممم
اييييييييه
لا انا كل اصابعي وحدة
وبطلت تفرق


الله يكون في عونك واعانك الله على النسيان

[**HaMaDa**]

نوووووووووو
مش لهادرجة
له له له له
شو حالتي صار بينبكى عليها
ههههههه

اوك ياقوتة
كل الاحترام الك

[فيفاي]

مرحباااااااااااا

انا صوتت للصديق

لانه الصديق بيكون اقرب

من الواحد على حاله

فازا غدر الصديق بيكون اكبر مشكلة خاصة

لما الوحدة تكون اسرارها مع صديقتها


طبعا الله يبعد عني غدر الصديق

[كفورية بحدود]

يسلموا عالموضوع الحلو مابدي علق
بس عجبتني مشاركة القيصر كتير اوكي ياحلى عيون احنا راح نترك مجال للتصويت ع افضل موضوع وقصة بس هلق بدنا اياكي تنورينا بمشاركتك

بس انا اخترت بشكل عام ( قـــريب) لانه الحمدلله ما حد غدرني باصدقائي ولو غدرني حد منهم ما بعتبرووو صديق من الاول لانه لازم الواحد يعرف مين يختار قبل اي شي

تقبلو احترامي وتحياتي للجميع
بس مش داما ياعيون بيصيب الاختيار صح يعني بنوعى على المستخفي لما يبان بس بدنا قصة حتى تتاهل معانا بالمسابقة

ياقوتة فلسطين : كلامك رائع بس بيني وبينك انو الكلام البوي ماني فاهمة منو الا يدوب كام كلمة بس من تعليق الاعضاء خلاص انتي صرت ضمن المشتركين معانا

امير :كل قصة بتحكيها طبعا مع التصويت بترشحك لجائزة باذن الله على كيف كيفك بس اذا كانت القصة بتجرحك احكي قصة تانية صارت مع واحد من زمايلك

يلا عدوا انتهي التوقيت

بدنا انشوف شو هي الجائزة

وبدنا تصويت الاعضاء علي اجمل موضوع يادي الجايزة اللي هتموتو عليها المهم اكيد عدو بلش التصويت وبصراحة انا متفائلة ليك خير

وشو باك ياحمودة شو قلبناها تشات هههههههههههههه
بمزح نورت كلكم من ياقوتة لحمودة مروركم الطيب
والباقيين كمان
المشتركين يضاف اليهم ياقوتة فلسطين

[كفورية بحدود]

نورت يافيفاي
بس ياعسولة لازم تكتبي موقف او قصة لحتى تفوتي معانا بالمسايقة

[**HaMaDa**]

اه يا عم قيصر
باينة من هلقيت
هههههههههههههههههههه
مبرووووووووك سلفا حبيبي

واحنا طلعنا بلوشي
لا ياعمي هيك بصير
بدها جوائز ترضية
ههههههههههههههههه

[نواعم]

اول شي السلام عليكم

كفورية انا كتير معجبة بمشاركاتك
ومواضيعك كتير مميزة
بديش اطوول بالحكي
انا صوتت لغدر وخيانة الصديق لانو بصراحة بصراحة
كانو انت و هوة انت وانت هوة
بس بصراحة انا ما حسيت بطعم الغدر كتير لاني طيوبة كتييييييييير لدرجة ما تتصوريهاش
بس حبيت احكيلكم هالقصة

بسم الله الرحمن الرحيم

خيــــانه صديق

كان في شاب اسمه خالد وعنده صاحب اسمه وائل وكانوا لا يخافون الله فيما يفعلون

وفي مره من المرات قال وائل لخالد أنا تعرفت على زوجة امام المسجد وهي تريدني أن أجي ع البيت ( طبعا لارتكاب الفاحشة )

وانا أخاف يطب علينا زوجها

فايش رايك لو بعد الصلاة تجلس تتكلم مع الامام وتلهيه شوي ولمن بدو يروح البيت ترن علي بمكامة

خالد قال ولا يهمك
اللي بدك ياه بيصير

وفعلا بعد الصلاة راح خالد وسلم على الامام وجلس يحاول يتكلم معاه لحد ما خلص كلام رن على وائل وقالوه ان الشيخ راجع البيت

وطبعا على طول وائل يرجع لخالد ويحكي اللي صار

وضلو على هالحال لفترة طويلة

وصار في صداقة بين خالد وبين امام المسجد من كثر ما يجلس معاه

لدرجة ان ضميره بدأ يأنبه

وفي يوم خالد أخذ قرار وقال لازم أقول للشيخ المسكين حرام لازم يعرف زوجته شو بتعمل فيه

وراح للامام وقاله : ياشيخ بصراحة أنا ما كنت أجلس معاك لله في لله

ولكن كنت أجلس علشان أغطي على صاحبي لان زوجتك تخونك معاه

تعرفوا شو رد الشيخ

قال : بس أنا مش متزوج

هنا الصدمة عرفتوا وائل كان يروح لزوجة مين؟؟؟؟؟

كان يروح لزوجة خالد


شايفين لوين الخيانة
تفنن فيها الأصدقاء دون حرج ولا مبالاة للدين
وتجاهلو جرح مشاعر الاخرين بدون لا مبالااااااااااة


أرجو ان تكونوا استفدتو من هالخيانة

ومرة تانية بشكرك كفورية

[القيصر]

بجد وأأأأأأأأأأأسفاه

خيانة صديق

بس ههما الاثنين واقعين في الخطا

لانهم سمحوا لنفسهم أنهم يدخلوا في الحرام

و بقول لخالد كما تدين تدان

[كفورية بحدود]

اه يا عم قيصر
باينة من هلقيت
هههههههههههههههههههه
مبرووووووووك سلفا حبيبي

واحنا طلعنا بلوشي
لا ياعمي هيك بصير
بدها جوائز ترضية
ههههههههههههههههه نووووووووووووو ياحمودة التصويت راح يتم بامانة لانو كل عضو راح يشارك بالموضوع راح يندرج اسمه بقائمة التصويت
روق شو بنا ههههههه والجوائز ترضية اكيد راح تكون بس مابظن انها راح تكون فلوس يمكن تكون .........ولا بلاش خليها مفاجاة


اما نواعم
نواعم يااحلى نواعم بهالدنيا كلها
قصتك اكتر من روعة
واكتر من روعة
واكتر من روعة
وبعلق عليها انو ولاد الحرام مابيكتر عليهم شي لانو ياللي مابيخاف من الله مابيخاف من خسارة صديق وللمرة المليون الله يعطيكي العافية وانتي هلق ع راس المشتركين بالمسايقة
القيصر صدق كلامك مزبوط وكمان تدين تدان وولاد الحرام الله يبعدهم عنا يارب


اذا المشتركين معانا
نواعم
كفورية بحدود
القيصر
ابو حمادة22
زهرة الربيع
حكاية حب

[ياقوتة فلسطين]

له له على هيك كل هالقصة الي كتبتها .................. ومااعتبر مشاركة ؟؟؟؟؟؟؟؟؟؟؟؟؟
ههههههههههههههههههه ..... اكيد ناسية اسمي ياكفورية !!!!!!
صحيح لم اقلبها تشات بس حبيت اعلق
القصص السابقة ايضا اكثر من رائعة
تقبلوي مروري .......... حتى لو لم احسب

[**HaMaDa**]

وين الجائزة ؟؟؟؟؟؟

صار التاريخ 2
ولسة ما وصل على رصيدي بالبنك ولا اقورة
ايش الدعوة اكيد في خلل

لااااااااااا اكيد في خلل

[كفورية بحدود]

له له على هيك كل هالقصة الي كتبتها .................. ومااعتبر مشاركة ؟؟؟؟؟؟؟؟؟؟؟؟؟
والله ياعسل انو قصتك ومشاركتك على عيني وراسي بس عن وبصراحة مافهمت شي من كلام القصة يمكن لو بلكنة تانية كان وانا متاكدة انو هادا حال معظم الاعضاء ماتزعلي مني ياعيل مشاركتك على راسي بحطها
ههههههههههههههههههه ..... اكيد ناسية اسمي ياكفورية !!!!!!
اكيد ولو ماانتي ياقوتة اا كان قصدك ع هادا الاسم هههههههههههه
صحيح لم اقلبها تشات بس حبيت اعلق
القصص السابقة ايضا اكثر من رائعة
تقبلوي مروري .......... حتى لو لم احسب
فاهمة عليكي والله ياعسل لانو انا احيانا بقلبها تشات من غير ماانتبه كمان

ع العموم يسلم مرورك الحلو يااحلى من الشهد

وين الجائزة ؟؟؟؟؟؟

صار التاريخ 2
ولسة ما وصل على رصيدي بالبنك ولا اقورة
ايش الدعوة اكيد في خلل

لااااااااااا اكيد في خلل
صبرك بالله ياحمودة
انا صارلي يومين بحاول افك الاخضر ياللي معايا بس الشعب مامعو غير نص شيكل هههههههههههه
والله مابفوت ع المنتدى وهلق لما فتتت سكوب التصويت والجوائز تتم في موضوع ثاني مشكورين كلكو ياللي صوتو وشاركنو وياللي عملتو الشغلتين

[ياقوتة فلسطين]

ياعيل مشاركتك على راسي بحطها


( ياعيل ) ههههههههههههه على العموم ياعسل انا كتبت القصة باللغة العربية

ولو مافهمت كان ماوجدت تعليق عليها ............. وبعدين لست صغيرة لدرجة ان تكتبي لي ( عيل )

كتابتك لكلمة (عيل ) يدل على انك فهمتي القصة ياحلوة هههههههههههههه :p

يكفيني انك فهمتيها

[كفورية بحدود]

( ياعيل ) ههههههههههههه على العموم ياعسل انا كتبت القصة باللغة العربية

ولو مافهمت كان ماوجدت تعليق عليها ............. وبعدين لست صغيرة لدرجة ان تكتبي لي ( عيل )

كتابتك لكلمة (عيل ) يدل على انك فهمتي القصة ياحلوة هههههههههههههه

يكفيني انك فهمتيها
شكلك زعلانة مني ياعسسسسسسسسسسسسسسسسسسسسل
اول شي اسفة ع الخطا المطبعي
وتني شي خلاص ليكي عندي جايزة وقريبا ان شاء الله
بس ماتزعلي
اما بالنسبة للردود طبعا مع احترامي لجميع الاعضاء في اعضاء بيردو من غير مايقروا شي
وبصراحة انا تكلمت عن نفسي لما قلت اني مافهمت شي من القصة لانها بالبدوي

وع العموم يكفيني انك فهمتيها
تسلميلي وزي ماقلتلك مشاركتك ع راسي من فوق بحطها