نقاش حاد بين الشباب والصبايا

[دموع الأمل]

بسم الله الرحمن الرحيــم

والصلاة والسلام على أشرف الانبياء والمرسلين



أحببت هذا الموضوع لشدة روعته

وروعـة الأسئله التي تدور عليه

والحوار الناجح الذي يقوم عليه ...

لذلك نقلت هذه الفكرة وهذا الحوار [ الساخن ]

وهو عبارة عن حوار مثير بين فريقين


فريق
[ الشباب ]


فريق
[ البنات ]





وضعتها من باب المداعبة وتخفيف حدة التوتر بين الفريقين.


هناك أمور يكرهها الرجل في المرأه أو لا يستطيع فهمها

(( و ))


هناك أمور تكرهها المرأة في الرجل أو لا تستطيع فهمها


وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية.



[ بداية الحوار ]




سيقوم فريق البنات بطرح تساؤل عن أمر معين لا يعجبهم في الشباب


وسيقوم فريق الشباب بالرد وتبرير الموقف


وبعد إعطاء الإجابات والمبررات الكافية يصبح فريق الشباب في وضع الهجوم
ويطرح سؤال على فريق البنات.....وهكذا يستمر الحوار




[ملاحظة]




يحق للجميع المشاركه وابداء الرأي ولكــن بعيدا عن التجريح


وبدووون استهزاء الله لايهينكم


وأرجوا أن نكون مع الحق دائماً بعيداً عن الإنتماء و التحيز




(( صافرة البداية ))





شو سبب ظاهرة التدخين ؟؟
هل هي .. تقليد .. مرض نفسي .. رجوله .. نقص .. فرااغ .. ؟؟!!!
نرجو الرد بكل صراحة ويا ريت تكون الردود من المدخنين أنفسهم لمعرفة الدوافع الحقيقية لهذه الظاهرة ويحق لغير المدخنين من الشباب ابداء وجهة نظرهم ورأيهم
أتمنى أن أجد تفاعل في هذا الموضوع

[smile]

موضووووع حلووو كتييييير

وان شاء الله بصير فيه تفاعل من قبل الاعضااااء

يسلموووو دمووووع الامل ..

[بريق الانتصار]

موضوع راقى أتمنى له الدوام حتى نستفيد من الظواهر السيئة

يسلمو دموع الأمل

[قلب مبدع]

موضوع حلو .......فعلا ياريت تحطولنا تفسير لظاهرة التدخين لانها بجد بتغيظ ......

[الامبراطور 22]

اوك

مع اني مش مدخن ولا مقتنع فيه


لكن حسب مخالطة اصحابى وقراءة افكارهم


شايفها تقليد .. وانها تعود اصبحت وما بيقدرو يتخلصو منها

[دموع الأمل]

شكرا للمرور العطر
نورتوا الموضوع
ممكن يكون التدخين تقليد
لكن حكم التدخين حراااااااااااااام
فهل كل شاب مدخن مستعد للدخول
في نار جهنم والعياذ بالله لأنه يحب تقليد
أي شخص يحبه أو رآه يدخن فأحب تقليده ؟؟؟؟؟؟؟؟

[نبراس الأقصى]

يسلمو إيديكي يا دموع الأمل على الطرح الرائع
بالنسبة للتدخين
كثير من الشباب بدخنوا لأسباب عديدة:
1- هموم الدنيا
2- سوء التربية
3- نوع من التجربة و ما قدر يتركها
4- تقليد أعمى
و طبعا كلنا بنعرف إنو التدخين حرام شرعا
و الحمد لله أنا ما بدخن و بحياتي ما ذوقت طعمه
لهيك بعتبر التدخين صفة سيئة و بذيئة و ما إلها أي مبرر
الله يهدي الجميع

[شموخ الاحساس]

بصرآحة الموضوع شيق وكتير حلو , ,
يمكن الشبآب حكوآ الاسباب الآساسية للتدخين ,
بس بنظري الي بدخن بكون في طبيعة فسيولوجية قابلة للتعاطي مع التدخين ,
وكمان الأسرة والتربية بتلعب دور مهم بهيك موضوع ,
لكم التحية الخآلصة بالمودة ,

[دموع الأمل]

شكرا لتفاعلكم الرائع
وهلأ ثبت انو ما في مبرر
يسمح للشباب بالتدخين
والجميع مقتنع بأن التدخين
حراااااااااااااااااااااام شرعاااااااااا
هلأ الكرة بملعب الشبااااااااااااب
شو هو الشي اللي بتكرهوه في البنات
واحنا بنحاول نقنعكم بوجهة نظرنا
شكرا لتفاعلكم بالموضوع مرة ثانية

[نبراس الأقصى]

آهاا
أجا دورنا
ليش البنات بموتو في المكياج و كتير من البنات بيطلعن متبرجات؟
إيش السبب الرئيسي لهذه الظاهرة

[smile]

ليش البنات بموتو في المكياج و كتير من البنات بيطلعن متبرجات؟
إيش السبب الرئيسي لهذه الظاهرة
اهااا ..شويةشوية علينا يانبرااااس..هههههه..

هلا البنات اللي بموتوا في المكياج..اكيد بحبوا التلاوين الكتيييرة..يعني اذا كان الشي اوووفر كتييييير فهادا شي غير مقبوووول..وصحيح كلامك كتيييييير منهم بطلعوووا متبرجااات..لعدة اسباب منها:

1- محاولة للفت الأنظار..مو اكتر..

2-انا اعتقد ان بعض البنات خايفين من العنوسه عشان هيك تتعدل وتطلع
بكامل جمالها لانها تعتقد بهالطريقة الشباب بشوفوها
حلوة وملفتة وبيتقدمون لها...
يعني هي في اعتقادها ان بهذه الطريقه بتتزوج....

3-حرية شخصية""بعضهم يفكرون هكذا""

4-اكيد الاهل لهم دور في ذلك.."" تاركين الحبل على الغارب""...ممكن تكون عائلة الفتاة فري واخر فخفخة..ومسموح عندهم هادي الشغلات..في اي مكان يتواجدون به..

5_اكيد كمان وسائل الاعلام لها دور كبير في ذلك..وكمان التقدم الحضاري..والتقليد الاعمى للغرب..بغض النظر عن اتباااع الموضة والازيااااء..كل ذلك له تأثير..

عالعموم الله يهدي جيل هادا اليوم وهدااااك هههههههههه

[دموع الأمل]

أهااااااااااااااااااااااااا
أجاك الموت يا تارك الصلاة
صحيح هذه الظاهرة منتشرة كتير عند البنات خاصة بنات الجامعة ولها كتير أسباب منها انه بتشوف حالها أحلى بالمكياج وبالبوية والألوان اللي بتحطها بتشوف انه هي هيك قمر وهو على العكس تماما بيكون شكلها متل القرود وبتستخدم هذه الطريقة علشان تلفت نظرالشباب لهاوهي مش عارفة انه بيقولها يا جميل ويا حلو ويا قمر مفيش ثواني وبيلف وجهه وبيلعن اليوم اللي شافها فيه وبيلعنها وبيلعن أهلها وكل اللي بيشجعوها على الخروج بهذا المظهر يعني البنات لهم مبررات كتيرة للمكياج انته يا شباب ليش بتدايقوا ما بعرف أسبابهم مقنعة هههههههههههههه
أنا ما بحكي هالحكي عن قناعة لا أنا بحكيه مقلسة وبتهزى عالبنات اللي بيعملوا هيك ميشان ما حد يفكر انو أنا بحط شي أنا والحمد لله لا بحط أبيض ولا أسود على وجهي بطلع مع بيت أهلي سادة ما في لا شيد ولا بوية أصلا ريحة المكياج بتقتل كيف بدي أتحمله على وجهي الله يعين اللي بيستخدموه على ريحته وأصلا المكياج من وين بيصنعوه من الزبالة ومخلفات المصانع والبيوت اللي بيرموها الناس يعني الأشياء اللي ما الها فايدة وبتضر الانسان
اول نقطة البنت بتطلع متبرجة بسبب اهمــال من اهلهــا والتربية الخطأ باعتبار انه تقدم وحضارة
ثانــي نقطة ايمـانهـا ضعيف ومابتفكر بربهــا لما تقابله ولا بتعمل حساب للنار والعذاب
ثالث نقطةتتبع خطوات الشيطــان بدون تردد أو تفكير
رابع نقطة لاهيــة بدنيـتها ومافكرت باخرتهــا
خامس نقطة تفتكــر انهــا عنــد الشبابـ الاحســن وهــى العكس كـل شاب ينظر لهـا نظرة ويرمي عليها كلمة حلوة بس شوي بيسب عليها وبيستحقرها وبيلعنها وبيلعن أهلها كمان
سادس نقطة وهي الأهم انه بتكون مخطوبة أو عروسة جديدة لازم تكون بعين خطيبها أو زوجها أجمل ما في الكون مثلا لو اجا يروحها من شغلها أو جامعتها وحب يطلع معها مشوار مش حيعرفها بدون مكياج هههههههه ميشان هيك لازم تكون مستعدة دايما وعلشان الناس تقوله والله مراتك ما شاء الله عليها مفيش أحلى من كدة ستات هههههههههه طبعا هم بيتمقلسوا عليه وعلى مراته

[نبراس الأقصى]

سمايل و دموع الأمل
يعني إنتو ضد هذه الفكرة و مقتنعين إنو هذا كلو حرام و ليس له أي مبرر
عالعموم أنا خلصت
إذا حدا حب يشارك في الظاهرة هادي أهلا و سهلا
أو أي بنت تضع سؤال عن ظاهرة معينة للشباب
بارك الله فيكم

[دموع الأمل]

نصيحة لكل فتاة متبرجة
عرفتي أخيتي سماحة الإسلام ولماذا حرص على الحجاب والعفة وجعله واجب لا من أجل الذلة بل من أجل العزة .

هل عرفتي لماذا حرم الإسلام الاختلاط فهو مدخل من مداخل الشيطان الى النفس ...!!هل عرفتي لماذا نهى الاسلام عن خروج المرأة متبرجة ومتزينة حتى لا تفتن الرجال ..!!

هل عرفتي لماذا نهى الاسلام المرأة عن محادثة الرجال ومخاطبتهم بالقول اللين ..حتى لا يطمع الذي في قلبه مرض

أختي في الله ...

شغلتك الدنيا عن الآخرة وما ينبغي ذلك لعاقل ..أتقوا الله وأتقوا النار التي وقودها الناس والحجارة ...أختي حاسبي نفسك في خلوتك وتفكري في أنقراض مدة حياتك وأعملي في زمان فراغك لوقت الشدة ...!!

اختي الكريمة ...

ما أسعد الفتاة التي تشعر بأن جمالها بريء لم يقترف إثما ولم يؤذ أحدا ولم يسبب حسرة ولم يثر شهوة ولم تلتهم لحمها الانظار ولم تلك عرضها الافواه فجمالك إذا صنته كان سعادة ونعمة وإذا أبتذلته حولتيه الى شقاوة ونقمة ...!!

فكم من جميلة أغراها الشيطان بالانغماس في التبرج والتزين المحرم والافراط في الخروج والتجول تهيم على وجهها مستعرضة لزينتها في كل سوق وتجول مستلفتة إليها الانظار في كل مكان , فذهب شبابها وخسرت مستقبلها في الدارين ورغب الرجال عن الزواج منها ونفروا منها مستنكرين ولم يتزوجها واحد ممن كان يحوم حولها متملقا , وكان ينظر الى ذلك الجمال العاري معجبا محملقا بل كان يتزلف إليها ويعرها بمعسول الكلام وزخرف القول وهي ربما لم تفرط في عرضها ولكنها عملت ما يوجب الشك وكانت مستهترة فخسرت بجهلها وطيشها الدنيا والآخرة ..!

اختي الفاضلة ...

إني والله لمشفقة عليك وعلى أخواتك وعلى كثير من النساء فأي كلام هذا وأي قناعة نريدها حتى نتبع ما أمر الله به !! أعندما نفأجأ بنزع الروح وسكرات الموت لتقول الواحدة منا : إني تبت الآن وما يغنيها ذلك شيئا ..!!

إن الواحد منا لو تذكرت مآلها ومصيرها لما أقدمت على كثير من أخطائها فكيف بك يوم تنظرين الى هذه الدنيا نظرة الفراق والوداع وعيون أهلك ترمقك ويتحسرون ..لا يستطيعون رد القضاء عنك وقلبك يتقطع حسرة وندامة على أخطاء أسرفت بها على نفسك وعلى أعمال خير وبر فرطت بها ..!!

رجاءا أكملي الموضوع جزاك الله خيرا.....!!

هل تصورت نفسك وأنت تنازعين الموت ثم فارقت هذه الدنيا بحلوها ومرها فأحب أهلك إليك من يبادر الى شراء كفنك الذي خلا من كل حلي وزينة تلبسينها الآن وجسدك الذي طالما عنيت به وربما تسببت في فتنة الرجال به , هذا الجسد الغض الذي كسوته بما حرم الله سيسكن بلا حراك إلا عندما تقلبك المغسلة أو حينما ترفعين على نعش فوق أكتاف الرجال لتودعي في قبرك أو حينما يتقدم أحد أقاربك أو غيرهم ليجعلك في القبر على جنبك الايمن موجهة الى القبلة , فإذا برأسك يميل الى الارض فيجعل حثوة من تراب تحته لترفده أو حينما ينقطع تعلق الاحياء بك مباشرة مع آخر عقدة يحلها من كفنك من تولي دفنك وأنزالك القبر ...

هل تأملت اللحظات التي يتقدم فيها أبوك او أخوك أو زوجك أو قريبك ليصف اللبنات على اللحد ويجتهد في سد الثغرات بينها بالطين رحمة بك ...!!

وبعد أن يهال عليك التراب ويتم دفنك فإذا بك تبدأين أولى مراحل الحياة البرزخية حيث تسمعين صوت نعال ذويك وهم منصرفون من عند القبر ثم تواجهين مصيرك الذي أعددت له بأعمالك في هذه الدنيا فتتوالى عليك الكربات بدءا بفتنة القبر وسؤال منكر ونكير .

أتريدين الحجاب أتريدين العفة أتريدين الله أتريدين التوبة أتريدين القناعة في ذلك الموقف لتلتزمي بأوامر الله !!!!
..(فتقولي : ( رب ارجعون لعلي أعمل صالحا فيما تركت

أيتها الاخت الكريمة ....

إن هذا الجسد الناعم لا يطيق عذاب القبر وعقابه وإن من ورائنا أهوال لا يعلم عظمها إلا الله تعالى ...( ولو ترى المجرمون ناكسوا رؤوسهم عند ربهم ربنا أبصرنا وسمعنا فأرجعنا نعمل صالحا إنا موقنون ) فكفى بالموت مفزعا للقلوب ومبكيا للعيون ومفرقا للجماعات وهادما للذات وقاطعا للأمنيات ....
أتمنى أختي الغالية أن تعملي بهذه النصيحة وأن تستفيدي منها

[دموع الأمل]

طيب يا جماعة هلأ انتو شوفوا شو بدكم ازا البنات حابين يكملوا توضيح أسباب ظاهرة المكياج أو بدكم تطرحوا شي بتكرهوه في الشباب

[قلب مبدع]

حلو انكوا اتطرقتوا لهاي الظاهرة ......للاسف مرات ما بتفرقها عن الحيطة اللي جمبها ممن كتر الشيد اللي حاطاه وبالاخر بحكوا ما في شيد ولا اسمنت ابيض ههههههه اعرفتو وين بروح .......
يعني متل ما علقوا قبلي في بعتبروا بكونوا اجمل ...مش عاجباهم خلقة ربنا فبحسنوا وبضعوا اقنعة كاذبة مشان يعجب الكل فيهم لكن للاسف مش عارفين شو اللي بنحكى من وراهم وبالاخر مش هيستفيدوا ........
هو في كتير بتصير هيك ظاهرة بعد ما البنت تنخطب او تتزوج انا مش عارفة ليش ما بتحط ببيتها متل ما بدها ليش برة انا بعرف كتير كانوا ما شاء الله عليهم وطول الوقت بحكوا عن الادب والدين والاخلاق ولما تزوجوا صاروا ما يطلعوا من باب البيت والا حاطين علب المكياج على وجوههم الله يهديهم ........

[نبراس الأقصى]

انا بعرف كتير كانوا ما شاء الله عليهم وطول الوقت بحكوا عن الادب والدين والاخلاق ولما تزوجوا صاروا ما يطلعوا من باب البيت والا حاطين علب المكياج على وجوههم الله يهديهم ........

حاجة مستفزة و الله
الله يهديهن و يهدينا جميعا
بارك الله فيكي يا قلب مبدع

[smile]

طيب سؤال للشباب..شو رأيكم في ظاهرة المعاكسااااااااااااااااات ..

[Lolita]

ممكن يعني أجاوب ؟!

انا بشوف المعاكسة قلة نضج في الشخص
هيك بحس
يسلمو ليكي

[دموع الأمل]

يسلمو سمايل عالسؤال هدا السؤال اللي كان نفسي أسأله للشباب لانو بصراحة ما بيسيبوا بنت بحالها لا المحترمة ولا الغير محترمة ما شاء الله عنهم بيعاكسوا الكل أنا هلأ بكره شارع الجامعة كتير من كتر الكلام اللي بينحكى والمعاكسات اللي بتصيرزمان كنت أقول انو البنت هي اللي بتلفت نظر الشاب بمكياجها ولبسها وانو الشاب ما بيعاكس الا البنت اللي بتضحكلو الكن لما طلعت عالجامعة تغيرت وجهة نظري تماما لانو أنا والحمد لله بلبس لباس شرعي يعني شالة سادة طويلة شرعية وجلباب واسع فضفاض يعني لبسي غير ملفت للنظر رغم هيك بلاقي كتير معاكسات من الشباب خصوصا تعليق على لبسي قال شو أنا حمساوية معقدة ههههههههه أصلا كلامهم هدا خلاني أصمم
على لبسي أكتر وأتمسك فيه لانو اللبس اللي هم بيتمقلسوا عليه هدا هو اللي ربنا فرضه علينا ومو بس هيك في كلام تاني كتيييييييييييييييييير بس ما بدي أتطرقله هلأ هي المعاكسة عند الشباب شو بالضبط متعة ولا تسلية ولا بيضيع وقته نفسي أعرف شو سببها مرة حصل معي موقف غريب كنت طالعة أنا وأخوية مشوار أخوية طبعا أصغر مني بس شاب بأولى ثانوي مروا من جنبي شاب ما بعرف هو حس أخوية صغير أو ما بيفهم ما بعرف المهم صار يطلع في ويضحكلي ويطقس علي قام أخوية عصب وقالي روحي عالدار بسرعة وماتطلي وراكي وأخوية دمه حامي ما بيتحمل المسخرة والحكي الفاضي ومسك الشاب وقعد يتقاتل معاه ولما رجع عالدار صار يتقاتل معي وقال شو ما بده يطلع مع بنات مرة تانية بيجيبوا المشاكل هههه والله جنني يومها وهو بيعلق علي بس يلا بيعين الله بطلت أطلع معاه ولا مشوار بطلع مع أهلي وبس وازا طلعت عيلتنا كلها مع بعض وكان معنا بيمشي قدامي أنا وخواتي بمترين ههههههههه

[أم ريماس]

انا من رأي اللي بيقول المعاكسات قلة نضج بالشاب
لكن مرات بتلاقي راجل كبير بالعمر في التلاتينات او الاربعينات وبيعاكس هادي او هاديك ومش شرط اتكون متبرجة او لابسة لبس بيلفت النظر لأ،عادي بتكون محتشمة
ما بدي اقول ما بعرف ليش،،،



وكمان الواحدة المتزوجة بيعاكسوها ما بيخافوا لا من الله ولا من الراجل اللي وراها


اشي مستفز ومقرف

اكيد قلة الوازع الديني ونسيوا تماما تماما غض البصر
الله يهدي الجميع

[smile]

اكيد قلة الوازع الديني ونسيوا تماما تماما غض البصر
الله يهدي الجميع
كلام سليم100% يسلموو ام ريمااااس..الله يهديهم ياااربــــــ

طيب وين الشبابــــ ما شفنا ارائهم بالموضوووع؟؟

[نبراس الأقصى]

إيش.. شكلو فيش غيري من الشباب بشارك فهالموضوع
ظاهرة المعاكسات منتشرة بشكل كبير في غزة بالنسبة للمناطق الأخرى في قطاع غزة
أنا و الحمد لله بحياتي ما عاكست بنت و ضد هذه الظاهرة أصلا
هو سؤال واحد للمعاكس: إنتا ما إلك عرض تخاف عليه؟
يعني لو صار هذا الموقف لأختك هل بترضى و بتسكت؟
ياريت تفكر في هذا الكلام
و لما نيجي ننظر للظاهرة من ناحية أخرى مثلا الأسباب
بصراحة ما فيها أي فائدة و لا بتمتع أصلا.. يعني فش مبررات غير إنو حابب يغضب ربنا و مش خايف على عرضه
حسبنا الله و نعم الوكيل
الله يهديهم و يهدينا جميعًا

[smile]

ظاهرة المعاكسات منتشرة بشكل كبير في غزة بالنسبة للمناطق الأخرى في قطاع غزة


ههه يعني انت هيك شايف..طيب انا بحكيلك وين ما كان..هادي الظاهرة موجودة بعدين هادا مو مبرر..


يعني فش مبررات غير إنو حابب يغضب ربنا و مش خايف على عرضه


اها..فش مبررات هادا وجهة نظرك بضلها..

الآن خلينا نشوووف اراء اخرى ومبررات اخرى لتلك الظاهرة..اين الباقي..!!

[دموع الأمل]

والله الشباب شكلهم منسحبين وانت يا نبراس حتاكل وتتحمل أخطاء الشباب سواء كنت بتعمل هذهالظاهرةأو ما بتعملها هههه نادي للشباب ينقذوك ويحكولنا شورأيهم

[نبراس الأقصى]

والله الشباب شكلهم منسحبين وانت يا نبراس حتاكل وتتحمل أخطاء الشباب سواء كنت بتعمل هذهالظاهرةأو ما بتعملها هههه نادي للشباب ينقذوك ويحكولنا شورأيهم


هههههههههههههههه
لا نبراس بقعش بهالسهولة
كمان إنا لو شفت حاجة غلط على البنات أو الشباب بحكي إنها غلط

[دموع الأمل]

طيب يا جماعة وين همتكم
شو يا شباب ما في ظواهرثانية
بتكرهوها أومابتحبوها بيعملوها
البنات وين روحتوا يلا بدنا تفاعل

[نبراس الأقصى]

آهاا
ماشي
ظاهرة| شو رأيكم في البنات اللي إذا اجتمعن بيقعدن يلتن و يعجنن في الحكي و بقطعوا فروة الأمة هههه(يعني الغيبة)؟

[دموع الأمل]

معك حق بس والله تسلاية ما بنلاقي شي نعملوا انتوا الشباب مثلا بتقدروا تطلعوا وين ما بدكم ومتى ما بدكم لكن احنا البنات متمعنا وتربايتنا والعاداات والتقاليد اللي تربينا عليها وأهم شي ديننا الاسلامي الحنيف ما بيسمح للبنت انو تطلعوتنزل براحتها متلالشاب ميشان هيك بيتجمعوا فيبيت وبيقعدوا يجيبوا بسيرة فلان وعلان مع انه أنا ضد هذه الظاهرة الا انه ما بدي أكذب وأقول انه ما بعملها لا بعملها بس مو كتير ههههه

[smile]

شو رأيكم في البنات اللي إذا اجتمعن بيقعدن يلتن و يعجنن في الحكي و بقطعوا فروة الأمة هههه(يعني الغيبة)؟
شو معنى البنات هما اللي بلتو يعني..على رأيك يانبراس..
كلام واقعي بحكوا ..فضفضة مو اكتر ههه..الا ما رحم ربي طبعاً
اما اذا كان قصدك هداك النوع من البنات فأمنياتي لهم بالهدااية..ان الله لا يغير ما بقومٍ حتى يغيروا ما بأنفسهم..

[الوتر الحزين]

انا اول مرة اشارك في هاموضوع بس موضوع حلو كتير

صحيحة هالظاهرة بتصير كتير في احسن العائلات هههههه

بس مش دايما هالت والعجن بكون غيبة ونميمة يعني بكون كوكتيل اشي اخبار ع سياسة ع فرفشة ع طبخ حتى كمان ههههه

ما تنسى يانبراس هالظاهرة موجودة عند الشباب كمان مش بس عند البنات
ييييي وماادراك لما يجتمعوا الشباب قصة ورا قصة مابتخلص قصصهم هههههههه

[دموع الأمل]

صحيح يا بنات الظاهرة هذه منتشرة كمان عند الشباب طيب يلا يا بنات بدنا منكم مبررات تانية لهالظاهرة وانتو يا شباب شدوا حالكم معنا ليكون الموضوع مش عاجبكم ؟؟؟؟؟؟؟؟؟؟؟؟؟؟؟!!!!!!!!!!!!!!!!!

[smile]

انا حكيت وجهة نظري في الموضوع..بس الموضوع نايم او بالاحرى الاعضاء مو متنشطين لهيك مواضيع خخخ

[دموع الأمل]

هئ1صحيح كلامك سمايل يظهر انه الحوار هدا فاشل
ماشي براحتكم ازا ما بدكم الحوار هدا احذفوا الموضوع
اسفة لانو حطيت هيك موضوع بالمنتدى

[نبراس الأقصى]

لا يا أعزائي
مش منتشرة عند الشباب زي البنات
بتعرفوا ليش
لأنو الشباب عقلهم كبير أما البنات بدقوا على كل صغيرة و كبيرة ههههههههه
كمان تنسوش إنو ربنا ذكركم في القرآن بخصوص هادا الكلام

[smile]

لا اله لا الله

مالك علينا يانبراس وحد الله..

كمان الشباب بلتوا وبعجنوا كتييييييييير..

واذا كنت متأكد من كلامك هات دليل اشوف..

[نبراس الأقصى]

هئ1صحيح كلامك سمايل يظهر انه الحوار هدا فاشل
ماشي براحتكم ازا ما بدكم الحوار هدا احذفوا الموضوع
اسفة لانو حطيت هيك موضوع بالمنتدى

له له
إهدي يا دموع
مين قال إنو الموضوع فاشل
الحق مش على الموضوع لأنو الوضوع مهم و مميز
المشكلة في الأعضاء نفسهم

[smile]

طيب سؤال للشباب..
شو رأيكم في ظاهرة..البطاالة بين الشباب في مجتمعنا..كتييير بكونوا مخلصين جامعات بس ما بشتغلوو
؟!

[أم ريماس]

هادي مو مشكلة الشباب بالمرة
كيف بدك الشباب يجاوبو عليها
الشباب الغلابة بيخلصو هالشهادة وبيقعدو ايدوروا ع الشغل هان هان


صحيح انو في منهم ما بيرضى يشتغل الا بالشهااااااااااااااااادة
بيقولك انا ما بعرف الا المجال الي اتخرجت منو
بس الغالبية اعتقد انهم ممكن يعملو اي عمل تاني


يعني مثلا يتعلم الشاب الخريج صنعة زي سباك كهربائي ............ وبتصير شغله


بعين الله

[smile]

اها ماشي ام ريماس اعتبري السؤال للكل هههههه

[الامبراطور 22]

وهل ظاهرة البطالة خاصة بالشباب

او يعنى شغلة اصلا بايدهم

بتكون غصب عنه

مشكلة البطاله دايما بتكون الحق على الدولة

احتا لسه ما كونا دولة

عشان هيك اكيد راح يكون عنا بطالة


كمان سبب انه شعبنا متعلم

من اقل شعوب العالم عندنا نسبة الامية

لزلك راح تكتر الشهادات


ويكون عجز بالوظيفة

[حلوين رغم الحزن]

بالفعل ظااهر ه البطاله كتير منتشره وخاصه في غزة

يعني ما شاء الله سواء الشب او البنت مخلصه جامعه وبمعدل حلو وغير هيك دورات ومؤهلات عاليه

لاكن للاسف مش ملاقيه فرصه ولو لقت الفرصه ممكن ما تتناسب مع الامكانيات يلي عندها وخاصه

يلي بيكون مخلص دراسه بالخارج ورجع علي ارض وطنو ليفيد مجتمعو لكن ما بيلاقي فرصه الو ولو لاقي الفرصه

واشتغل بمجالوو ممكن يلاقي مشاكل مع الاشخااص يلي بيعمل معهم وخاصه لو كانت الاجهزة متطوره نوعا ما

يعني بتلاقي بيقولوا انت ما الك بالقصر الا مبارح العصر وجاي تعلموني شغلي (كلامي يلي حكيتو بيخص مجاال الطب يعني المثل يلي حبيت اوضح فيه الفكره)

وان شاء الله هالظاااهر تخف ولكن انا بقول انو بايد الدوله يلي تحل هالمشكله يعني تعين الشخص المناسب في المكان المناسب زنبعد عن قيتامين واو

[دموع الأمل]

مشكلةالبطالة مش مشكلة الشباب لحالهم هي مشكلة المجتمع كله ومنتشرة كتير بفلسطين لانه أكثر نسبة للمتعلمين في العالم هي في فلسطين بسبب مجانية التعليم في المراحل الأساسية وتشجيع الأهالي والدولة لأبنائهم وبناتهم على التعليم ويحلم الولد والبنت بوظيفة المستقبل ويخطط لها منذ صغرهم وما أن يكبروا وينهوا دراستهم الجامعية حتى يجدوا أنفسهم أمام كابوس كبير ومؤلم وهو البطااااااااااااالة
أتمنى أنتجد الدولة الحلول لهذه المشكلة لأنها تقف عائقا أمام تنمية وتطوير الدولة ويجب اعطاء فرصة للخريجين لاظهار قدراتهم التي يتمتعون بها والقيام بتنميتها

شكرا لتفاعلكم مع هذا الموضوع

[قلب مبدع]

والله هالظاهرة من اسوأ ما يكون عنا ما شاء الله المتعلمين كتار واحنا من اكتر الدول المتعلمة فأكيد بتزيد الشهادات وبعدين ما عنا هنا مشاريع ممكن تتنفذ كتير هنا لانو ما في مستثمرين متل برة لانو هاي المشاريع برضو بتخلق فرص عمل لاعداد كتير كبيرة ....وغير انو الاعداد كبيرة ........



ولو لقت الفرصه ممكن ما تتناسب مع الامكانيات يلي عندها وخاصه



هادي كمان شغلة سيئة جدا جدا جدا .الواحد يكون بحب مجالو وعندو طاقة ورغبة بالابداع فيه ويتفاجأ انو يضطر يشتغل بمجال تاني هيبطل عندو دافع للانتاج كتير ........

[دموع الأمل]

يسلمو قلب مبدع

يلا يا جماعة هلأ بدنا شي جديد وظاهرة جديدة بنعني منها واللي بيدخل أول هو اللي بيحكي ظاهرة عن الطرف الثاني ماشي يعني لو دخل شاب يحكي ظاهرة عن البنات والعكس يلا بدنا تفاعل منكم ان شاءالله

[smile]

للاسف اغلب الاعضاء مطنشين الموضوع..

وين سؤالكم ياشباب!!

[الامبراطور 22]

بعدين تعالو هان . مشكلة البطالة

كانت للشباب مش الكو

بس بدكو تبرمو


لاحظت شغلة

خلال 3 ايام للى بغزة


لاحظت انه لبس النقاب ..لايتوافق مع اخلاق البنت اللى لابساه ...


يعنى بغربتى ما شفت نقاب ... او 4 مرات شفته .. يعنى بكل سنه مرة وحدة شفته


هنا كتيييييييييييير لابسينه ... بس مش متوافق مع الاخلاق


ها شو رأيكو ... اللى موافق يعمل لايك هههه


انسيت اللى موافق .. يكتب كمونت وخلص

[نبض الروح]

ممكن يكون فى كتير لبسين النقاب بس منظر
بس والله انا وحدة من اللى بيلبسوه بس الحمدلله محترمة
وكمان انا فى الجامعة مابالبسو بارفعو لانو فى حسسية بعنيه وبادايق منو
وكل واحد واثق من نفسو
بس بصراحة شفت كم بنت بتلبسو وهى حاطة مكياج وراسمة عنيها رسم
وكمان اللى بيشحدو واللى بيسرقو منقبات
شو اعمل انا
بس رغم ذلك كل وحدة عارفة نفسها كويس وواثقة من نفسها
يسلمو امبراطور

[الامبراطور 22]

صح كاين ناس ملتزمة فيه

اختى منقبة

عقدتنى كل شوى بنقعش هيك

هيك لا

مش عارف شو هههه

بس انا الى لفت انتباهى خلال 3 ايام بس ... لاحظتها

رحت اصلح الجوال .. وحدة بتحكى مع صاحب المحل بطريقة مش حلوة

ووحدة بالسوق بتترى وبتحكى عادى مع صاحب المحل ... كانه اخوها ولا صاحبها


ووحدة طلعت بالسيارة ... وبتحكى مع السواق ما صدقت السواق يفتح موضوع الرخص


ولاحظت شغلة الكحل اللى بكون مبين من النقاب


لكن هل معقول النقاب بس صار منظر ؟

[نبض الروح]

ممكن فى ناس بيستخدمو هيك
بس مو الكل
الله يهدى الجميع
شو اكتر موقف كان صعب عليك

[الامبراطور 22]

ان شاء الله


بس سؤالك ؟؟

[بنت جامعة الأقصى]

كل هادا لفت انتباهك ب 3 ايام الله يستر شو يلفت
انتباهك في باقي الشهرين يلي بدك تقعدهم ههههه

بالنسبة للنقااااااااب هادا ولا شي عادي
صارت مووووضة يعني البنات بلبسوه ما بجمع انا بس الأغلب هيك


رحت اصلح الجوال .. وحدة بتحكى مع صاحب المحل بطريقة مش حلوة

ووحدة بالسوق بتترى وبتحكى عادى مع صاحب المحل ... كانه اخوها ولا صاحبها


ووحدة طلعت بالسيارة ... وبتحكى مع السواق ما صدقت السواق يفتح موضوع الرخص

من هالناحية تعود لانه انتشر كتير في بلدنا هالنوع


ولاحظت شغلة الكحل اللى بكون مبين من النقاب


اذا ع الكحل عادي على الأقل بيضلوا شي مش حرام

[الامبراطور 22]

يعنى بتفكرى بس هادى اللى لفتت انتباهى ... يمكن البلد كاملة لتت انتباهى



شغلاااااات كتيرة متغيرة

زى اول مرة ادخلها ههه



شغلة النقاب لفتت انتباهى .. من كتر ما شفتها ... شكله الشعب كامل صار منقب



ههههه

[نبض الروح]

انا باعرف انو الكحل مش حرام
بس مش عارفة ومش متاكدة بالضبط
ماجاوبت ياامبراطور على سؤالى
شو اكتر موقف صعب مريت فيه؟؟؟

[مًسٌِِّكَ آلكَلآمً]

انا بجاوب على اكتر موقف صعب مر عليا

مرة رحت على مكتبة كبيرة عشان اعمل بحث التخرج وكانت أعصابي تعبانة من الامتحانات وضغط الفصل
وفجأة صرت ما اعرف احكي وأتهته في الكلمة خمس مرات وامين المكتبة فركني زي كدا
وصرت اكتب الو شو بدي كتب ومراجع
فكرني اخرس
اول مرة في حياتي امر في كدا موقف
ومش عارف شو صاار
لكن ربنا عداها على خير
ههههههه


شو اكتر وقت كنت في حزين لدرجة كبيرة ؟؟

[دموع الأمل]

بالنسبة للكحل صحيح انه هو مش حرام وسنة عن الرسول بس أنا سمعت انه حرام المرأة تطلع وهي حاطة الكحل لانه الكحل زينة تجمل المرأة فيعمل على لفت أنظار الشباب وفتنتهم أنا درست فصل في الجامعة الاسلامية ودرست هدا الكلام أما بالنسبة للنقاب صارموضة غالأغلب صاروا البنات يلبسوه ميشان يلفتوا نظر الشباب لهم يعني الكل صار يابس النقاب الراجل والبنت اللي عاملة عملة وبدها تخبي حالها ما بدها حد يعرفها واللي حاطة مكياج واللي بدها تسرق والي عاملاه ستايل يعني متل الاكسسواريعني يخلي لبسها أحلى كتير أسباب بتخلي البنات يلبسوا النقاب وأنا شارية نقاب من حوالي 5 سنوات ونفسي ألبسه بس أهلي منعوني بسبب أصناف المنقبات اللي ذكرتهم يعني أكتر من مرة وحدة منقبة تحاول تسرق من امي فلوس وهي في السوق وأكتر من مرة وحدة منقبة تيجي تحكي مع ابي وكإنو بتعرفوا من زمان وتقعد تتقصوع قدامه ميشان هيك أهلي كرهوا النقاب والمنقبات الا من رحم ربي الله يهدي الجميع يا رب

[يافاويه]

الكحل حرام لانو الكحل إلي بوضعوه علي عيونهم
بعتقدو أنو الكحله السوده سنه وهيا مش سنه هيا لزينه

الكحله إلي كان يوضعها الرسول لونها بني

وبتنباع بسعوديه بثمن باهظ

[حلوين رغم الحزن]

الكل صار يفتي ويقول حلال وله حرام

يعني اكدي كلامك بفتاوي علي الاقل مش كل وحده انا سمعت انو حرام وانا سمعت انو حلال


يعنى بتفكرى بس هادى اللى لفتت انتباهى ... يمكن البلد كاملة لتت انتباهى



شغلاااااات كتيرة متغيرة

زى اول مرة ادخلها ههه



شغلة النقاب لفتت انتباهى .. من كتر ما شفتها ... شكله الشعب كامل صار منقب



ههههه


يعني يا الامبرطور خليتني اقوول انك مش عاايش بلمره في بلدك يعني هيا البلد كلها يلي متغيره

يعني اكيد يا بني راح تتغير وله بدك اياه ضل متل ما تركتها يعني خف شوي علي بلدك

[دموع الأمل]

ماشي حلوين هدا هو حكم وفتوة شيوخ الاسلام بالنسبة لكحل المرأة خارج بيتها
فلا يجوز للمراة المكتحلة ان تكشف وجهها في الشارع ولا أمام رجال أجانب عنها في اي مكان كان، لأنه زينة، وقد أمر الله تعالى المرأة بستر الزينة عن الرجال الأجانب، فقال سبحانه، (وَلا يُبْدِينَ زِينَتَهُنَّ إِلا مَا ظَهَرَ مِنْهَا)(النور: من الآية31)، ولكن عليها غسل الكحل قبل الخروج للشارع، أو تغطية وجهها بالنقاب، أو النظارات الملونة.

[smile]

طيب ياجماعة الخير بدي احكي وجهة نظري بالموضوع يلي لفت انتباه الامبراطور//
بالنسبة لقصة النقاب وانه مو مناسب مع اخلاق الفتاة يلي لابساه هادا وجهة نظرك بردو..
لكن انا من خلال معايشتي للواقع..لاحظت انو مو كل البنات بلسبوا النقاب ليبين انهم متدينات او ذوات اخلاق..مو الكل طبعاً """ مع احترامي الشديد لكافة البنات اللي بلبسوا نقاب"""
شغلة تانية الفصل هادا بالذات""فصل الصيف""خاصة انه جوه حااااااار جداً وبالعافية الواحد بتنفس منه..""ما علينا"" المهم بعض الفتيات يلجؤون الى لبس النقاب..للحفاظ على بشرتهم من عدم اسمرارها..او تأثير الشمس عليها..هي مبرر..يعني مو بالضرورة نحكم على هادي البنت وهديك بأنها مش بنت اخلاقها عالية او غير هيك..
شي تاني//بنت مثلاً خطبت من جديد واجبرها خطيبها على لبس النقاااب.. وهيا مو مقتنعة فيه ولكنها وافقت على بالاجبار على طلب خطيبها ولكن ممكن تكون مش ملتزمة .. هادا مبرر كمااان..
مرة صحبيتي قالت لي بدها تلبس نقاب وفعلاً لبست..اول يوم مشي معها الوضع تمام..يعني فرحت على حالها شوية ..تاني يوم كالعادة مين ما يشوفها يحكيلها حلو عليكي النقاب..المهم آخر المتاخر..بعد اسبوع تقريباً شو صااار ياحزركم..تدحرجت وهيا ماشية في الشارع بحجر وانتوا عارفين يااخوان الاحراج اللي صااار بعد هيك..هادا كله لانها حبت تجرب قصة النقااب ولانها مو متعودة على لبسه..ومن يومها حرمت بعد هيك تلبس نقاب وكرهت اشي اسمه نقاب..



هلأ يادموووع الامل اذا اكتفيتي بمبررات الشباب والصبايا عن قصة النقاااب خليني اطرح سؤال..
انا كمان في قصة او ظاهرة بالشباب مش عاجباني ويجب الحد منها!!

[دموع الأمل]

ماشي سمايل
تفضلي يا عسل
شو الظاهرة اللي بدك تحكي عنها وتطرحيها بالموضوع

[smile]

هههههههه..
تسلمي يادمووع

هوا بصراحة في ظاهرة انا متدايقة منها كتير كتير ..

شو رأيكم بظاهرة البلاطين الساحلة بالنسبة للشباب؟! ولا السلاسل الي بحطوها في ايديهم ما الها اي لزوم.. ولا قصة الشعر ياسلام ..حاجات غريبة..يعني لازم يعملووو دعاية!! بصراحة هاي الظاهرة منتشرة عناا!!..شو مبرراتكم لذلك ياشباب..

[امير الجنوب]

بالنسبة لتسحيل البناطيل ..الحمد لله ما بطيقهم اللي بيعملوا هيك ولا عمري عملتها هالعملة ..وكذلك السلاسل بشوفها عمى ..

الحمد لله تعالى ..

بس على ما اعتقد اللي بيعملوا هيك بيكون مرضى نفسييين ...

[smile]

اها مرضى نفسييين كويس وجهة نظر بردوو

[طيف الهادي]

هاد الظاهرة قليلة زمان راحت صارت الحين البلوزة القصيرة

[الوتر الحزين]

اسمحولي اقول رايي بموضوع البلاطين الساحلة والديقة والشعر والسلاسل

للاسف كلها تقليد اعمى للفنانين والمشاهير واصحاب الاخلاق السيئة

كتير شباب بعملو هيك يمكن كمان ليبينوا حالهم وتعجب فيهم البنات بس من هبلهم مابعرفوا انه المجتمع بحتقر هيك شباب

الله يهديهم ويصلح احوالهم

[حلوين رغم الحزن]

طيب احنا بنسمع وجهاات النظر بس وين وجهات نظر

الشباب بهيك ظااهره ويعني ما تقولي يا شباب انكم ما بتلبسوا هالنوع

من البلاطين ....

يعني مثلا قاعد بتعمل دعااايه بتلبس هالنوع مثلا

[الامبراطور 22]

يعني يا الامبرطور خليتني اقوول انك مش عاايش بلمره في بلدك يعني هيا البلد كلها يلي متغيره

يعني اكيد يا بني راح تتغير وله بدك اياه ضل متل ما تركتها يعني خف شوي علي بلدك


تركتها وانا عمرى 18 سنه


يعنى بعدها الانسان بيبدا يلاحظ


وبعدين بلدى وباحبها كتير مش مستاهلة تحكى خف عليها شوى


هههه لسه امبارح المغرب

اتندمت انه شهرين زيادة انه اقعد هنا


يا ريت اقل


كنت احلللللللللللللللللللللللم فيها ليل نهار


كتير شغلات اتبدلت


اما ظاهرة البلاطين


هاى شباب بحبو يقلدو بس ... موضة وعدت او انتهت اظن


اما السلاسل .. بيحكو بيعطى منظر

انا باحط بايدى مش سلسلة .. حاة هيك محطوط عليها


علم فلسطين او برشلونة


باعتبرها عادية




بس ملاحظة خفيفة على بعض الردود


البنات بيطرحو ظاهرة .. مفترض الشباب هم بس اللى يردو


والشباب بطرحو ظاهرة ... مفترض البنات هم بس يردو ...


يعنى مش ظاهرة انطرحت من البنات


الاقى البنات هم اللى دافعو عنها ؟

[نبض الروح]

ههههههههه
يعنى نسيب الظاهرة بدون ردود
شو بيكون واجبنا احنا يالبنات
لازم نفعل المواضيع

[دموع الأمل]

طيب ماشي امبراطور هلأ لو قررنا احنا البنات انه ما نرد ونترك الشباب هم اللي يردوا بتقدر تقلي هلأ وين الشباب وين ردودهم طبعا مش متفاعلين مع الموضوع بيقروا وبيطلعوا من غير ما يردوا ويمكن ما بيقروا الظاهرة عن شو بتحكي أصلا وبدك ما نرد بيضل الظاهرة مطروحة سنة وما حد بيعبرنا باجابة أو رد

[أم ريماس]

والله باين عليك كتييييييييييييييييييييييييير مشتاق للبلد يا امبراطور
لدرجة وين ما بتمشي بتسجل ملاحظاتك ع الناس والطرق والبيوت
ههههههههه

كويس
اعملنا موضوع خاص بالظواهر العجيبة الغريبة اللي لقيتها
بس من هان لشهرين اكيد راح يكبر كتير هالموضوع

[امير الجنوب]

الموضوع رائع بتمنى ما ينحرف عن مساره حتى ما يتم اغلاقه ..

شكراااااا لكم ...

[أم ريماس]

بس لو سألتي ششاب عن ظاهرة البناطيل الساحلة بيحكي (لازم الواحد يكون ستااااايل)
....
ما بعرف شو هالتخلف بس انا بأعتقد في عنا نقص في القماش ....
هههههههههههههه

[امير الجنوب]

ههههههههههه
نقص في القماش..بيجوز برضوا اواعيه مش مغسولة ولابس اواعي اخوه الصغير..

الحمد لله على نعمة العقل..عمره ما كان الستايل ولا الترتيب في تسحيل البناطيل..
شو هيبة الراجل اذا كان مسحل بنطلونه ما بيكون راجل اصلا..

انا بعرف زمان كانت الشغلة هاد على نمط معيااار..يعني مثلا ((يا ابو بنطلون ساحل يا اهبل))هههههه..معقول صارت موضة..هههههه.

الله يرحمك يا ستي تعالي شوفي كيف اتغير الزمان...



بجد عالم انجنت بعقلها..

[أم ريماس]

ههههههههههه
وياما نشوف
الله ايعافينا

[قلب مبدع]

هههههههههههه بجد ظاهرة البلاطين الساحلة نكتة ......هو تقليد وبس بنت خالي لما اجت من برة زيارة حكت انو هاي موضوة البلاطين منتشرة كتير لدرجة انو في ملابس تحتية خاصة لهيك موضة و عليها صور ههههههههه ...........يعني بس بدنا نقلد ..........

[دموع الأمل]

هههههههههههههههههه
الله يقطع هيك موضة وهيك ستايل
بس وينكم يا شباب ما في غير أمير
بدنا اراء جديدة يلا شدوا همتكم معنا

[الوتر الحزين]

بما انه مافي شباب مهتمين بهالموضوع خلينا نطرح ظاهرة تانية

وهي انه كتير من الشباب بتواصلوا وبسمحوا لحالهم انهم يحكوا مع بنات وبهبل وفي نفس الوقت مابسمحوا لاخواتهم انهم يحكوا مع شباب

بجد بدنا منكم تفسير واضح ومبررات محددة ياشباب لهدا الاسلوب وهاي الظاهرة

[الامبراطور 22]

هههه والله منا عارف

[smile]

ليس هناك اي مبرر لذلك سوى قلة في الواذع الديني..وبعدهم عن الايمان..

[دموع الأمل]

الوتر الحزين
المبراطور22
سمايل
شكرا عالمرور الرائع

والله عن جد الظاهرة هاي كتير منتشرة وما الها أي سبب " حب لأخيك ما تحب لنفسك "
واللي ما بتقبلوا لأهل بيتك ما تقبلوا عالناس صح ولا شو رأيكم ؟؟؟؟؟؟؟؟؟؟؟؟؟؟