استفسار بخصوص تسجيل مواد فيزياء سنة ثالثة ..

[nona3]

مسا الخير

يعطيكو العافية ومبارك عليكو الفصل
ان شاء الله فصل خير وتوفيق عالجميع

استفساري كالاتي

انا سنة تالتة فيزيا لكن ما اخدت معادلات تفاضلية عادية
وهلقيت بتتعارض معي
فلو أخدت مواد الرياضية والاحصائية والفورتران والفلك
وما اخدت المعادلات وخليتها لسنة رابعة الفصل الاول
بصير في مشكلة عندي؟ يعني هل في المواد الي فوق بلزم اني آخدها الفصل هادا
ولا بنفع تأجيلها

ياريت ما حدا يبخل علينا ^^

[توتر السطح]

أهلاً nona3

بخصوص استفسارك .. مساق معادلات تفاضلية عادية في الوضع العادي

يأخذه طلاب سنة ثانية فصل أول ، لأنه متطلب سابق لمساق الفيزياء

الرياضية حسب ما أذكر .

لذلك فالأحرى لك أولاً إبداء معادلات تفاضلية عادية على المساق المتضارب

معه في الموعد ، هذا ما أراه مناسباً .

مواد الإحصائية والفورتران والكهرومغناطيسية والنووية اتركيها لسنة رابعة .

أتمنى لك التوفيق ..

[محمود إسماعيل]

بسم الله الرحمن الرحيم

في البداية أهلاً وسهلاً فيكي ..

ثانياً : بدي اسألك المعادلات متعارضة مع شو بالزبط ؟؟ علشان نقدر نساعدك بالضبط ..


بسم الله الرحمن الرحيم

في البداية أهلاً وسهلاً فيكي ..

ثانياً : بدي اسألك المعادلات متعارضة مع شو بالزبط ؟؟ علشان نقدر نساعدك بالضبط ..


مواد الرياضية والاحصائية والفورتران والفلك
مادة الفلك مادة جديدة لم آخذها ..
يعني هيك 4 مواد معك هالسنة .. يبدو من الاسم ان المادة نظرية بحتة لا تحتاج الى مسائل رياضية و سهلة ( انا ما جربتها لكن الاسم بيوحي بهيك ) ..




لأنه متطلب سابق لمساق الفيزياء

الرياضية حسب ما أذكر .

توتر السطح
بخصوص الرياضية على خطتنا القديمة المعادلات التفاضلية لها متطلب سابق تفاضل 2
مكتوب كمان بالخطة انو المعادلات الرياضية متطلب سابق لمادة الميكانيكا التحليلية و ليست الفيزياء الرياضية ..

بس الخطة الجديدة ما بعرف كيف النظام ..


بانتظار ردك على استفساري بخصوص تعارض المعادلات مع ماذا بالضبط و لي عودة بعد ردك ..


موفقة إن شاء الله ..

تحياتي ..

[nona3]

أهلا توتر السطح شاكرة الك خيتي ^^

أخي الفنان يسعد مساك بالبداية

عندي مادة المعادلات انا خابة آخدها مع الدكتورة هاجر في موعد الخميس لأنو الانسب الي
لكن بتتعارض مع الفلك لان شعبتها تاعت الخميس بغزة والمعادلات خانيونس


فخيي انا بسأل
إنو ايش المواد اللي لازم آخدها عشان أمشي صح وما تجيني مادة بعد هيك
تكون محتاجة مادة قبلها وما أكون ماخداها

عندي بالخطة المتطللب السابق للمعادلات هي تفاضل2
والمعادلات متطلب سابق للتحليلية


يعني المعادلات لو ما أخدتها الفصل هادا بتأثر عليا
ولا لازم آخدها وبلاش الفلك والفورتران؟
فياريت تفيدني بخبرتك

[nona3]

المواد اللي نازلة الفصل هاادا هيا
المعادلات والكترونيات 1 والفورتران والاحصائية والرياضية والفلك

الفلك جديدة في الخطة والمتطلب السابق الها هو تفاضل وتكامل 2

مشكلتي المعادلات بتتعارض مع الفلك زي ما وضحت الك ولو أخدت شعب الفورتران الي بغزة
هتتعارض برضو في يوم الخميس

[موسى]

نصيحتي اللك ... خدي معادلات ورياضية وتحليلة"" تزامن مع المعادلات "" ولو بنفع كمان الكترونيات ... هيك بتتريحي قدام
احصائية سنة رابعة .. افضل اما الفللك جديدة اول مرة تنزل بس بعتقد متل محمود راح تكون سهلة مش هتفرق معك لو ما اخدتيها هلا لانها بتتعارض ...

[محمود إسماعيل]

أخي الفنان يسعد مساك بالبداية
و يسعدك مساكي إن شاء الله ..


من خلال ردك فنصيحتي تسجلي فيزياء رياضية و معادلات تفاضلية و الكترونيات1 هاي السنة
و نصيحتي لسبب ..
لانو عندك مادة الكترونيات1 مادة لسنة تانية
المعادلات لسنة تانية
و فيزياء رياضية سنة ثالثة و في ناس كانوا ياخدوها سنة تانية ..

المعادلات مادة مهمة و ضروري تاخديها هاي السنة لانو صراحة تأخرتي فيها و انتي كنتي تحكي بدك تاخديها سنة رابعة !

بالإضافة المواد السابقة أسهل من الباقي ..


حابب احكيلك شئ كمان القسم لما بينزل الجدول على أي أساس بينزلوا ؟!
بينزلوا على أساس مواد سنة ثالثة ما تتعارض مع بعض ..
و مواد سنة رابعة ما تتعارض ما بعض ..


و لهيك مش عايز يصير معك زي ما صار مع أحد الزملاء اللي معي تأخر سنة كاملة علشان غلطته !! و إن كان هو بيحكي الحق ع القسم ما بيجتمع مع الطلاب و يحكي شو الواحد ينزل ..
يمكن معه حقه لانو لازم يكون في توجيه ..
كانت معه مادة سنة ثالثة متعارضة مع مادة سنة رابعة و ما قدروا يغيروا الموعد فشو عمل
اضطر ياخد مادة و خلص بسنة خامسة علشان مادة !
فاهماني ..



لهيك المعادلات خديها هالوقت على أساس السنة القادمة في عندك مادة فيزياء صلبة و فيزياء احصائية و لو اتت المعادلات متعارضة مع الاتنين مشكلة كبيرة و ما بتقدر تغيري الجدول لانو كل دكتور عنده مواد و صعب التغيير فيه .. و بنفس الوقت الدكاترة بيحكوا هاي مش غلطتي و معهم حق ..



الاحصائية بالأصل مادة سنة رابعة يعني هيك هيك هتنزل سنة رابعة ..
و الصلبة هيك هيك سنة رابعة ..
بمعني الاحصائية و الصلبة ما بيتعارضوا ,, و لو صار معك تعارض بالفورتران بتقدري تاخدي مادة بديلة من الحاسوب طالما انتي خريجة ( و بفصل اول بيكون في مواد عدة حاسوب ) ..

الفوتروان مادة سهلة و بتقدري تجيبي علامات فيها .. طالما متعارضة مع المعادلات فالمعادلات أهم بكتيييير و تعتبر مادة سنة تانية ..


بيبقى مادة الفلك ما بعرف أي سنة هي بتنزل سنة ثالثة او لسنة رابعة بالأساس ..


بس هيك من وجهة نظري أفضل ..


و ربنا يوفقك ان شاء الله ..


في أمان الله ..

[لحن القمر]

مرحبا nona3

المعادلات التفاضلية بتتراكم عليها الميكانيكا التحليلية فانا من رأيى تاخدى برضو المعادلات والفيزيا الرياضية والفيزيا المحوسبة والكترونيات هاى مواد سنة تالتة

[لحن القمر]

ازا ممكن انا برضو كنت حابة أسالى سؤال بخصوص مادة استراتجيات تدريس فيزياء 1 المفروض انها تنزل الفصل هذا صح
بس هى مش نازلة وعشان ينزللنا تدريب عملى الفصل الجاى لازم ناخد استراتجيات تدريس فيزيا 1 فشو العمل
انا سنة تالتة ع فكرة

فهل بينفع ينزل تدريب عملى واسترتجيات مع بعض بنف الفصل ولا شو اعمل

وهل من الممكن ناخد استراتجيات تدريس علوم ونعادلها باستراتيجيات تدريس فيزيا وكيف

اعطونى رأيكو ضرورى

[موسى]

استرتيجيات تدريس فيزياء هي نفسها علوم ... ادا مو نازلة في صفحتك خلي القسم ينزلها اللك ولازم تخديها ..
الفصل التاني بتنزل استراتجيات 2 ممكن تاخرك فصل ... ... بالتوفيق

[نداء القلوب]

مرحبا أنا طالبة سنة ثالثة وبرضو ما أخذت المعادلات ما في عندي مشكلة في تسجيلها و كمان نزلت في صفحتي استراتيجيات تدريس فيزياء 1بس في مشكلة انو امتحان المعادلات في نفس يوم الاستراتيجيات و في نفس الفترة شو العمل

وكمان بدي أسأل هل بأقدر أجل مادة ميكانيكا تحليلية لسنة رابعة

[محمود إسماعيل]

مرحبا أنا طالبة سنة ثالثة وبرضو ما أخذت المعادلات ما في عندي مشكلة في تسجيلها و كمان نزلت في صفحتي استراتيجيات تدريس فيزياء 1بس في مشكلة انو امتحان المعادلات في نفس يوم الاستراتيجيات و في نفس الفترة شو العمل

وكمان بدي أسأل هل بأقدر أجل مادة ميكانيكا تحليلية لسنة رابعة

أهلاً وسهلاً ..

أول شئ طالما سنة تالتة فلازم تكوني ماخدة الاستراتيجيات هذا الفصل ,, و كمان لو ما أخدتي المعادلات مشكلة ..

هالوقت انتي بتحكي ما في مشكلة بالتسجيل .. لكن المشكلة في انو الامتحانين بيكونوا بنفس التاريخ و نفس الفترة ..

شو تعملي ؟

بتسجلي المادتين مع بعض و بتاخديهم ,, و لو حداا حكالك شئ من القبول و التسجيل بتحكيله المادتين ضروريتان و الا بتأخر ..

و لو رفض بتجيبي ورقة من قسم أساليب التدريس و من قسم الفيزياء ..
المهم لازم تسجلي المادتين ..

(ما بعرف لو صار ممنوع تسجلي مادتين فيهم تعارض بنفس الفترة بنفسك أو الامر عادي ,, لانو انا كنت اسجل مادتين تعارض بنفس الفترة بنفسي من دون قبول و تسجيل )


ان كنتي خايفة من انو الامتحانين بنفس اليوم فالأمر طبيعي جداً ..

هالوقت بيطلب منك تقدمي وحدة من الاتنين (حسب رغبتك ) في نفس موعد الاختبار الموجود ,, و بعد هيك بيتسجل اسمك تلقائي غير مكتمل ..

و غير مكتمل بتاخدي الامتحان تقريباً اول شهر من الفصل الدراسي الثاني ..

طبعاً للعلم
بيكون مكتوب عندك 40 في المادة اللي ما قدمتيها بوقتها ,, لكن لما يتفعل نظام الغير مكتمل عندك بيضعوا حرف كأنه مش موجودة .. و لما تقدمي الاختبار و تنجحي فيه بيتم وضع درجتك في الاختبار ..


المحصلة ::
ضروري تاخدي المادتين هذا الفصل ( و خاصة انه ما في تعارض بينهم ) و إلا ...


بخصوص الميكانيكا ::
بتنزل سنة رابعة ,, بس هالشئ بيتوقف على القسم كيف هينزل المادة متعارضة مع مواد سنة رابعة او لا ,, لانو بالأصل التحليلية سنة ثالثة ...


و بالتوفيق إن شاء الله :)