مشاهدة النسخة كاملة : التعليم ام الزواج..........للنقاش
الوتر الحزين
25-09-2011, 08:37 PM
السلام عليكم ورحمة الله وبركاته
صباح\مساء الخير
كيفكوا جميعا ان شاء الله بأحسن حال
موضوع النقاش اليوم هو الدراسة ام الزواج
بنشوف كتير في مجتمعنا انه بعض الاهالي والبنات والشباب برفضوا الزواج الا بعد انتهاء الدراسة الجامعية
بعض اسباب الرفض هي انه لازم البنت او الشاب يتعلم ويكون فهمان عشان ينفع حالوا ويقدر يلاقي شغل ووظيفة يعيش منها
وبعض الاراء من البنات بتحكي انه البنت مابتقدر توفق بين دراستها وبيتها وزوجها ..فراح تكون مشتتة وحياتها كلها مشاكل وتعب
وبعض الاراء من الاهالي بتحكي انه بعد الشاب مايتوظف بتزوج حتى لو صار عمره30
وبعض الاهالي اراءهم بان البنت تخلص جامعتها وتتوظف وبعدين بنجوزها (مو الكل طبعا )
لكن النقاش هنا
هل التعليم يقف سد وحائل في وجه الزواج حتى لو كانت الفرصة منيحة ؟
هل بتوافقوا انكوا تتعلموا بعدين تتزوجوا او العكس ؟
شو رايك انك تتزوج بنت متعلمة وفهمانة او بنت بتشتغل ومنظر بس ؟
شو راي البنات هل ممكن تتزوجي شاب متعلم ومن غير وظيفة؟ او هل ممكن ترضي بزوج متوظف من غير تعليم ؟
بانتظار أراءكم ومشاركاتكم واي اضافات وتعليقات على الموضوع
زهره اللوتس
25-09-2011, 09:51 PM
يسلمووو الوتر الحزين موضوع كتيييييير مهم
راح ابلش انا باريي
انا برايي انو البنت لازم تكمل تعليم قبل لتتزوج لانو ما بتعرف شو بسير معها في المستقبل فهيك بيكون معها شهاده ممكن تساعدها كتيييييير لهيك البنت لازم تتعلم بعدين تفكر بلامور التانيه
طبعا مافي اهل بيرضو يزوجو بناتهم لشب مو متعلم خاصه اذا كانت البنت متعلمه وفهمانه مع انو مو كل يلي بيكونو معهم شهادات بيكونو فهمانات في بيكونو ما معهم شهاده وبيكون عقلهم بيوزن بلد بس بيكونو نادرين
اما بالنسبه للشب اكيد لازم يكون متوظف قبل ليفكر بالزواج لانو مسؤليات الحياه هو لازم يتحملها ... حتى لو عدى سن 30 يعني يتزوج وهو ما في طريقه يصرف فيها على بيتو كيف بدو يدبر حالو يستنى عطف الناس عليه
يسلمو على الموضوع بنستنى راي الاعضاء التانيين ^_^
وعليكم السلام ورحمة الله وبركاته
صراحة موضوع رائع ومحط نقاش فعليا :61:
انا برأيي :)
انو البنت تكمل متل ما حكت زهرة اللوتس تكمل تعليمها بعدين تفكر بالزواج لانها ما بتضمن وضعها حتى لو تزوجت واحد منيح اخلاقيا وماديا ما بتضمن الظروف يعني لا سمح الله هو تتوفى او صارلو حادس مثلا بطل يقدر يشتغل شو بتعمل هي بتسيبو وبتشوف حياتها وبتطلع نذلة ولا تقعد تستنى عطف الناس اما لو كانت متعلمة بتلاقي شهادتها متل سلاح طبعا والشهادة مش شرط ناخدها عشان نتوظف علطول ولكن ايضا لعثرات الزمان ما سمعتي بنشيد الجامعة شو بقولو
والعلم كان على الزمان سلاحنا
اما بالنسبة للشب طبعا لازم يكون موظف مهم كتير لو كان مخلص تعليم ومش موظف صعب الموافقة عليه من وين بدو يصرف وما بنعرف قدرو وامتى بدو يشتغل ومصاريف البيت ويمكن يجي ولاد .... الخ
اما لو كان بشتغل شغلة محترمة يعني ومش مخلص ممكن نفكر بالموضوع طبعا ازا كان وضعو من النواحي الاخلاقية تمام والدينية طبعا
اما لو كان متعلم وبشتغل بكون افضل لانو هادا الزمن هو زمن العلم والتطور والتكنولوجيا يعني بتوقع لقدام شوي يبطل في حدا مش متعلم او حدا بخلص توجيهي وبقعد او ما بياخد توجيهي اصلا لانو مش هيلاقي حدا بولاد جيلو متلو
يعني خلاصة رأيي انو كلاهما مهم بلا شك طبعا ولكن في اولوية لاحداهما قبل الاخر يعني العلم اول لكلا الطرفين البنت والشب بعدين الزواج منو بصيرو فهمانين ومعهم سلاح متل ما ذكرت وسنهم اصبح مناسب لتحمل المسؤوليات وتربية الابناء تربية صالحة تنفع المجتمع ما بدنا نخلف ونكوم بدنا جيل صالح يرتقي بمجتمعنا باذن الله :pray:
هذا رأيي تقبلو مروري :)
فنون
الوتر الحزين
26-09-2011, 07:23 PM
طبعا مافي اهل بيرضو يزوجو بناتهم لشب مو متعلم خاصه اذا كانت البنت متعلمه وفهمانه مع انو مو كل يلي بيكونو معهم شهادات بيكونو فهمانات في بيكونو ما معهم شهاده وبيكون عقلهم بيوزن بلد بس بيكونو نادرين
مش شرط ..انه كل الاهالي مابرضوا انه متعلمة توخد واحد مش متعلم ...زي ماحكيتي في بنات عقلهم بوزن بلد من غير شهادات كمان في شباب مش متعلمين وعقلهم بوزن بلد
يسلمووو الوتر الحزين موضوع كتيييييير مهم
الله يسلمك زهرة اللوتس ..وشكرا على مشاركتك
عني خلاصة رأيي انو كلاهما مهم بلا شك طبعا ولكن في اولوية لاحداهما قبل الاخر يعني العلم اول لكلا الطرفين البنت والشب بعدين الزواج منو بصيرو فهمانين ومعهم سلاح متل ما ذكرت وسنهم اصبح مناسب لتحمل المسؤوليات وتربية الابناء تربية صالحة تنفع المجتمع ما بدنا نخلف ونكوم بدنا جيل صالح يرتقي بمجتمعنا باذن الله :pray:
اها كلام حلو كتير ومقنع .... بس برأيك اتضيع فرصة زواج مناسبة كتير عشان تتعلم ولا تحاول تقدر توفق بين التنين ؟
بحترم رايك كتييييير وبتشكرك على مشاركتك الرائعة
بانتظار الاراء الاخرى
اها كلام حلو كتير ومقنع .... بس برأيك اتضيع فرصة زواج مناسبة كتير عشان تتعلم ولا تحاول تقدر توفق بين التنين ؟
بحترم رايك كتييييير وبتشكرك على مشاركتك الرائعة
تحاول تقدر توفق بين الاتنين اكيد لما يصير هيك الموضوع
طير المحبة
26-09-2011, 07:51 PM
هل التعليم يقف سد وحائل في وجه الزواج حتى لو كانت الفرصة منيحة ؟
لا ما بقف سد الشغة كلها نصيب و اذا الها نصيب بتزوج وبتتعلم بنفس الوقت
هل بتوافقوا انكوا تتعلموا بعدين تتزوجوا ؟ هيك اصلا افضل شي لأنه حتى لو صار شي لا سمح الله مسقبلا البنت بتقي شي ينفعها بتلاقي الشهادة توظف عيها وتنفع حالها
شو راي البنات هل ممكن تتزوجي شاب متعلم ومن غير وظيفة؟ او هل ممكن ترضي بزوج متوظف من غير تعليم ؟
الرسول عليه السلام قال :" من جاءكم من ترضون دينه وخلقه فزوجوه """ ما قال من جاءكم من ترضون وظيفته فزوجوه
بارك الله فيك ع الطرح الجاد
أموولة
26-09-2011, 08:22 PM
لما بيجي النصيب
لو انتي واهلك وكل الدنيا معارضة
لازم يصير
من جهة العقل
التعليم افضل
ومن جهة القلب
الزواج افضل
يبقى خلص نوكل حياتنا لربنا هو بيدبرها بمعرفتو
الوتر الحزين
27-09-2011, 07:53 PM
طير المحبة
امولة
اشكركم على أراءكم وبارك الله فيكم
نورتوا النقاش