ياريت تساعدوني برأيكم ؟؟؟؟؟؟؟؟؟ - تعارض مادتين

[نداء القلوب]

مرحبا













أنا اليوم رحت على الجامعة علشان أسجل استراتيجيات التدريس 1فيزياء تعارض مع المعادلات(نفس اليوم و نفس الفترة ) زي ما حكيتولي بس ما رضيو في القبول و التسجيل يسجلوها الي و مش عارفة شو اعمل انا متأخرة في المعادلات ولازم أخذ الاستراتيجيات

[موسى]

روحي على غزة بعملوها اللك

[*همس الحنين*]

الله يسهل عليكى وتسجليها بدون تعب

[juba]

أنا اليوم رحت على الجامعة علشان أسجل استراتيجيات التدريس 1فيزياء تعارض مع المعادلات(نفس اليوم و نفس الفترة ) زي ما حكيتولي بس ما رضيو في القبول و التسجيل يسجلوها الي و مش عارفة شو اعمل انا متأخرة في المعادلات ولازم أخذ الاستراتيجيات


كل ما فيه الامر بتروحي ع قسمك وبتسجلي المساق تعارض ..
وكل اسبوع بتحضر مادة منهن .. وبيعيك الله يا اما بتسجلي الاهم وخلص

مفيش ااي مشاكل القبول والتسجيل اليوم ما رضي يعملي مشكلة عندي
وهي تعارض بنص ساعه غير اورح ع القسم والقسم يسجلها من هنــــاك

لهيك بنصحك ما تغلبي حالك مع تعين القبول وروحي ع القسم ويفضل كمان يكو بغزة
عند الدكتور مجدي حمادة :)

[محمود إسماعيل]

كل ما فيه الامر بتروحي ع قسمك وبتسجلي المساق تعارض ..
وكل اسبوع بتحضر مادة منهن .. وبيعيك الله يا اما بتسجلي الاهم وخلص
جوبا ..
المشكلة مش تعارض في المحاضرات ,, المشكلة ابسط و اتفه من هيك
تعارض في الامتحانات ..

أساساً مش معقول يكون في تعارض في المحاضرات لانو ما شاء الله بنات و أكثر من شعبة بتكون موجودة لكل مادة ..

طالما المشكلة فقط للامتحانات يعني لا مشكلة !! بس بيكبروها في القبول !

يا بنت الحلال شوفي الامر بيمشي عادي و ببساطة و ان احتاج الامر اسحبي جدول و رئيس قسمنا بيكتب لا مانع من تسجيل المعادلات و الاستراتيجات ..

انا ما بعرف انتي أي قبول رحتي بالضبط غزة او خان ..

بس ان كنتي خان روحي على أ. جهاد الزطمة لانه فهمان وواعي ..

بس يفضل تاخدي لا مانع من القسم ..

مو شرط تروحي ع غزة لو كنتي بالخان في نائب بيكون بالخان بتروحي عليه و بيوقعلك لا مانع و مش هيحكيلك القسم شئ !! لانو أمر طبيعي تسجلي المادتين هذا الفصل و إلا ..!!


بخصوص القبول اللي بالخان" الشباب " ايام ما كنت فيه كان يتعبني لانو بالكتيييييييير كان 3 موظفين و نعسانين بيكون طابور طويل و عريض و بقعد انتظر و في الاخر ما بيفدني بشئ !!

كنت اطلع ع غزة و اروح هناك لا طابور و لا شئ أعمل اللي بدي اياه ببساطة ! و من دون ورقة لا مانع ! بس بكم كلمة حلوة و بتمشي الامور لو سمحت /ي الخ ..

يعني تسجيل تعارض كنت اسجله عادي في القبول " مع العلم ما بعرف حدا فيه ! " بس كانت تمشي ببساطة و الحمد لله ..... بغزة طبعاً ..

باختصار //
روحي ع القبول و اسحبي جدول و روحي ع القسم يكتبلك لا مانع ,, بعد هيك بتروحي على واحد او وحدة يكونوا بيفهموا بالقبول ما تروحي لأي حدا !!

و ربنا يوفقك ان شاء الله ..


تحياتي :22:

[نداء القلوب]

انا سجلت المادتين تعارض لحالي في البيت بس خايفة أتعب في المادتين وفالأخر ما يحسبوهن الي شو رأيكم و اليوم صحبيتي نفس مشكلتي راحت على القبول في غزة و ما رضيو شو رأيكم ؟؟؟؟؟؟؟؟؟

[محمود إسماعيل]

انا سجلت المادتين تعارض لحالي في البيت بس خايفة أتعب في المادتين وفالأخر ما يحسبوهن الي شو رأيكم و اليوم صحبيتي نفس مشكلتي راحت على القبول في غزة و ما رضيو شو رأيكم ؟؟؟؟؟؟؟؟؟

طيب طالما سجلتيهن خلص ..

انا فكرت أنو البرمجة ما بتسمح تسجلي مادتين فيهن تعارض ,, لانو القبول كان يحكي مش هينفع الشخص يسجل من البيت تعارض في الامتحانات الا بورقة ..

أنا سجلت بالبيت عادي مثلك " بس اعتقدت انهم نفذوا الالية هاي و منعوا التسجيل من البيت " ..


شوفي يا بنت الناس ..

القبول و التسجيل عندهم قوانين لو سألتيهم أي شئ بيحكولك هيك القوانين ..
لكن القوانين ما بيمشوا عليها ..
بخصوص صحبيتك ضروري يحكو هيك لانو زي ما حكيتلك هيك القوانين عندهم ! بس ما بيلتزموا فيها ..

مثل ما حكيتلك انا سجلت مرة مادتين تعارض بنفس الفترة و بنفسي كان التسجيل ..

رحت على الشؤون الاكاديمية
و حكولي اختار مادة تقدمها من ال 2

و قدمت التخصص طبعاً لانو يومها دكتور مادة التخصص حكالي قدم مع الطلاب أفضلك ,, بخصوص المتطلب قدمه بأي وقت ..

طبعاً انا استشرته بهيك ,, و لو ما استشرت الدكتور عادي :) ,, يعني حسب ما بدي انا بختار ..


هتختاري وحدة من ال 2 ,, بس المادة التانية هتكون في الفصل الدراسي الثاني ..

انا وقتها انصدمت كنت بالجامعة صدفة و مخلص محاضرات شفت في الاعلانات صدفة مكتوب اسمي انو عليا اختبار غير مكتمل لمادة المتطلب بعد غد ..

حكيت للدكتورة كيف هيك ؟! يعني فقط يومين ادرس للمادة ..

حكتلي حاول تدرس و ان شاء الله خير ..

و حكتلي تعال في محاضرة بدي اعطيها و قدم عند الطلاب ,, طبعاً انا كنت قاعد و بضحك لانو المادة اللي كانت تشرحها مادة الامتحان و كل شوية تعيد و تزيد في الأشياء الواردة بالامتحان ههه
و كأنها بتحكيلي محمود انتبه معي هه


طبعاً ممكن تكون بوقت الاختبارات النصفية لهيك هيئي حالك بين الفصلين تلقي على المادة نظرة علشان ما تتغلبي فيها لانو ممكن يكون عندك اختبارات نصفية و ما تدرسيها ..
و الأفضل انك تتواصلي مع مدرسة المادة التانية و تسأليها متى هيكون الامتحان ..



..................................................


نصيحتي توكلي ع الله و ابقيهم زي ما هم و لا تخافي ..

انتي هيك هيك مش خسرانة شئ ,, و ان كنتي خايفة تخسري فلوس المادة فأنا على استعداد ادفعهم :) ,, لانو ببساطة الأمر هيمشي طبيعي هتختاري وحدة و التانية الفصل التاني ..


و بالتوفيق ان شاء الله ..


في أمان الله ...