ما رأيك بهالمقولة؟

[M_H_F]

بسم الله الرحمن الرحيم


أنا حبيت أطرح عليكم هالمقولة وحابب أعرف رايكم

المقولة
/
/
/
/

البنت يلي بتحب وبتعشق وبتطلع مع حبيبها أو من هالشي وما بكون بينهم صلة غير الحب , زي ما إسترخصت نفسها إلو ممكن تسترخص نفسها لغيروا؟
/
/
/
/
هادي المقالة إسمعتها من شخص حكيم جدا
بتمنى أعرف رايكم

الكلام بيضل كلام ما بدنا زعل من بعض أوكي هادا مجرد رأي

تحياتي للجميع

[بنت الجامعه]

والله كلام الحكيم مية مية ... لكن ... زي ما إسترخصت نفسها إلو ممكن تسترخص نفسها لغيروا؟

هذا الشئ نادرا وان صارت بيكون الشاب نذل وحقير .. لأنه استغل حبها ..

عموما ما في أحلي وأفضل من الحلال لو الشاب بحب البنت بيتها قريبة علي ما أعتقد يروح يطلب إيدها

مشكوووووووور أم أتش أف ع الموضوع وتقبلردي ومروري

دمت بود

[الملاك الأشقر]

حابب احكي رأي وطبعا رأي بيرجع إلي
هلء مدام الشي هاد لشخص محدد والشي هاد ما حصلش قبل كده
يبقي اكيد مش هيحصل بعد كده ..... حتي لو الثقه كانت زياده عن اللزووم وبشكل سريع
يعني الاشي بيكوون رده فعل من تأثير الشخص نفسه
بس اهم شي انه ما يكوون حصل مع الغير ..


بس طبعا بيضل فرق
بين البنت المحترمه
والبنت الكشكووول يلي بتعرف شباب الجامعه والجامعات المجاوره مع مراعات فروق التوقيت


تحياتي إلك ام اتش اف

[M_H_F]

مشكوووووووووووورين على مروركم
وأنا أكيد بحترم رايكم

تحياتي إلكم

[M_H_F]

أنا نسيت أحكيلكم إنوا أنا بأيد إنوا البنت ما تعمل أي شي يخل بسمعتها
لأنوا هادا شي راح يتعبها بالمستقبل

بتمنى إنوا ولا بنت تقع بنثل هيك مواقف
البنت ما إلها غير سمعتها وكرامتها

تحياتي للجميع

[دمعه فلسطين]

صحيح مقولة سليمة ..

بس مادام هيا حبته لهادا الشخص .. حب شريف .. واعطته كل حبها وثقتها فيه وهو كمان حبها .. يبقي الكلام هادا ما بينحكي الها في هادا الوقت ..

مشكوووووووووووور ام اتش اف

[M_H_F]

مشكوووووووووورة دمعة على مرورك
كلامك مزبوط بس للأسف كلام نادر لأنوا أرخص كلمة بهالحيا صارت (بحبك) ما عادت متل زمان وصارت للتسلية هلقيت
إلا من رحم ربي (مش موجودين بالبلد)ههههههههههههههههه

إن شاء الله ما تكوني متل هالمقولة أو ما يصيبك شي

تحياتي إلك

[M_H_F]

حابب أعرف مزيد من الردود على هالمقولة ضروري

[زهرة الثلج]

والله ما بعرف مدي صحة هالمقولة
لانيبعرف واحد كان يحكي مع وحدة وبالاخر تزوجها

الموضوع بيضل تقة

بس ما بايد انها تطلع معو قبل ما يكون في شي رسمي بينهم
لانها هيك بتعرض سمعتها للخطر

مشكور ام اتش اف

[sMiMs]

Nice Quote

[بيسان]

بدك الصراحة يا ام اتش اف
انا بحس هالعبارة بتجرح البنت كتير بس مع هيك انا مع هالجملة ما بعرف ليش مع اني مش مقتنعة فيها بتاتا بس انا شفتها بالواقع واقتنعت ليش الشب هيك بفكر بالبنت ومعه حق بس بالاول ما كنت مقتنعة

[M_H_F]

مشكورة بيسان على مرورك الحلو

وأعذريني غذا جرحتك بموضوعي وكلامي بس أنا حابب أشوف رايكم

تحياتي إلك

[أنين الروح]

الصراحة المقولة هاي بحسها صحيحة بس بمجتمعنا
يعني الحب مش حرام بس الحرام هو كلام الناس ما بعرف افهمتني ولا لأ
المهم انه بالاخير الطلعة للحبيبين بكون بس بعد الخطوبة لانه الشباب بحبوا زي مابدهم بس لما بدهم يخطبوا امهم بتختار، يعني لما بتطلع معهم الواحدة وما في بينهم غير الحب هاي بتنزل من نظره للشب اكيد هاي رأي .
تقبل مروري يسلموا على الموضوع.

[M_H_F]

تحياتي إلك أنين

وفعلا كلامك مزبوط


سعدت بمرورك


تحياتي إلك

[new_girl]

من راي انو هاد اللي بتحكوا عنو حب مش حب هاد كلام فاضي فش منو فايدة
بنت تعرف شب ما في بينهم اي صلة وتصيع معو باسم الحب الحب اشرف من هيك
وهاد ما بضر غير البنت وسمعتها الشب ولا فارقة معو الحب الحقيقي بيكون بعد الزواج
والبنت اللي بتعرف واحد بتكون علي استعداد تعرف 10000والشب زيها

والسلام علي من اتبع الهدي

وما حد يقول انو راي غلط

[M_H_F]

مشكوووووووورة new girlعلى مرورك الرائع
من راي انو هاد اللي بتحكوا عنو حب مش حب هاد كلام فاضي فش منو فايدة
بنت تعرف شب ما في بينهم اي صلة وتصيع معو باسم الحب الحب اشرف من هيك
وهاد ما بضر غير البنت وسمعتها الشب ولا فارقة معو الحب الحقيقي بيكون بعد الزواج
والبنت اللي بتعرف واحد بتكون علي استعداد تعرف 10000والشب زيها
والله ردك رائع وإنتي كبرتي بنظري من دون ما أشوفك
وما حد يقول انو راي غلط

ماعاش يلي يقول كلامك غلط

أنا بحيكي على مبدأك



تحياتي إلك

[صفاء]

(البنت يلي بتحب وبتعشق وبتطلع مع حبيبها أو من هالشي وما بكون بينهم صلة غير الحب , زي ما إسترخصت نفسها إلو ممكن تسترخص نفسها لغيروا؟


هلا لما البنت تطلع مع حبيبها ويشوفوها الناس حيقولوا بصفتها شو ماشية معه؟؟ ، واكيد كل بنت بتحب شخص وبتطلع معه ممكن تعملها مع كذا شخص وبعدين اذا عملتها وطلعت اكيد سمعتها راح تنقلب رأسا على عقب وكله راح يأثر عليها في المستقبل


بس بردو في نفس الوقت الحب شعور كتير حلو وبحس كتير من الناس ما بيعرفوا يتعاملوا معه

وانا شخصيا كتير شفت شباب وبنات حبوا بعض وبالاخر كانوا لبعض يعني ما كانت علاقتهم علاقة صياعة

ما بعرف هدا رأيي

[new_girl]

يا حبيبتي يا صفاء هادول اللي بتحكي انهم حبوا بعض بتكون اجت صدفة انهم كانوا لبعض
وحياتهم محكوم عليها بالفشل
بس هو بالغالب الكلام هاد فاشل عالتوتةيعني

[فلسطينية من ارض الوطن]

البنت يلي بتحب وبتعشق وبتطلع مع حبيبها أو من هالشي وما بكون بينهم صلة غير الحب , زي ما إسترخصت نفسها إلو ممكن تسترخص نفسها لغيروا؟
ممكن يكون فيه منها هل المقولة بس مو دايما كل انسان وهوا اخلاقه واذا كان فيه ثقة بينهم وبحبوا عن جد مش ضروري انه تكون رخصت حاله ما بعرف هاد رايي ..
تحياتي الك..

[حكاية حب]

اخي الكريم كتبت وكان لقلمك التألق
دخلت وكان لسالك جذب الانظار ولكن الاجابة منك غير صحيحة

يعني لو بنت تمنتك وحطتك في روووحها واصبحت كل شي الها ووتقت فيك ومشيت معك لانك راااااح تكون ملاكها
وشريك حياته بدها ترخص حالها لغيرك
لا اكيد مش مزبوط
جرب حب ادا ما بتحبش وجرب وشووووووووف
لاانو هاااي القصة لا ما عمرها صارات

بس الي بيعمل كدا الشباب لانو يكون علي تقة انو البنت متعلقة فيه وبلاقي في اندماج وانجداب من غيرها فبيحب ايغير ويشوف غيرها
ام البنت استحالة ترخص حالها لغير حبيبها الي في حالات

يعني بعد الحبيب الانفصال الزواج

[M_H_F]

مشكوووووووور أخي حكاية حب على ردك

بس بدي أحكيلك إنوا 1 من 10 من قصص الحب ممكن تنجح
اما الباقي فهوا فاشل وكلام فارغ

تحياتي إلك

[كريستالة الرومانسية]

مرحبا (m_h_f)

هلأ فكرة انو البنت تضهر مع يلي بتحبو وما في بينهم غير صلة الحب انا ما بأيدها

لأنو لو كانت البنت بتخاف على سمعتها وسمعة أهلا ما بتفكر ولو لمجرد تفكير انها تضهر معه وتشوه سمعتها وشرفها

بايدها لحتى بس ترضي يلي بتحبو

ونفس الشي بالنسبة لشاب لو بيخاف على سمعته وسمعت أهلو وسمعت البنت يلي بحبها وبتحبو ما بيضهر معها

ولا حتى يطلب منا هيدا الشي، ولو الطرفين عملوا هولي الاشيا والتزموا فيا بيكونوا بيستحئوا عن جدارة

(وسام الحب الصادق ) وليتوجوا هالوسام بالورود والحب ويحمو من كلام وعيون الناس على الشلب انو يطلب البنت

من أهلا .

[كفورية بحدود]

الكلام هادا مزبوط مليون بالمية
ولو كان البعض يعارضو
لانو البنت حتى لو بعد هيك مابدها ترخص حالها بتلاقي الناس بيذلوها لدرجة بتقتنع انو استرخاص نفسها عادي ومش عيب نتيجة لانها عملتها مرة

وغير هيك لو كان التمعشق مش العشق لانو برئ من شباب هالايام (كاني انا ستكو يعني ههههه)
برئ منهم
المهم لو كان هالتمعشق مافي ضرر ع البنت ويلحقها الشب (لانو مافي عيلة محترمة بتدي بنتها لشب لفيف ومش مخلي حد من شرو) كانت شريعتنا حلالتها
ولكن لانها بتدمر السمعة
فشريعتنا حرمتها بشكل كامل في مقابل انها احلت فترة الخطبة

ياعمي شو هالشباب صار الحب عندهم زي اكل البزر
من دون مايعلموا انو قدامهم خيارين
1/ انو البنت قوية ويتدبس فيها
2/ انو البنت ضعيفة وتنحسب عليه بنت
3/ او انو يكمل معها وساعتها مشتحيل يحترمها زي الاول

انا هادا رايي
ومايظن انو يتغير نهائي

مشكور ياام اتش اف

[M_H_F]

كريستالة وكفورية


مشكووووووووورين على مروركم

[Abed&so]

مش عارف شو اقلك
ما راح ارد عليها
تحياتى

[M_H_F]

مش عارف شو اقلك
ما راح ارد عليها

مشكور على المرور
بتمنى تلاقي جواب لأنه أهم سؤال إسأله لنفسك قبل ما تحب وتعشق