((( .... تفضل وناقش اللى بعدك بسؤال !! .... )))

[**HaMaDa**]

الســلام عليــكم ورحمــة الله وبـــركاتــــــه

عجبتني الفكرة قلت انقلها لكم

المــوضوع بسيــط و سهل

أنا أول واحــد بحــط سؤال

و الثــاني بعــد مــا يجاوبه

يطـرح سؤال ثــاني واللي يجــي بعــده

يجــاوب وبعــد الانتهاء من الاجابة يضع سؤال أخر

وهــكذا


و الاسئلة السياسية ممنوعة بهادا الموضوع

كمان الحوارات الجانبية اللي مالها لازمة ممنوعة كمااان

و الموضوع فقط للاسئلة المهمة و الجااادة و التي تختص بمواضيع و قضايا مهمة

و ليس اسئلة عاادية لانو الهدف تبادل الافكار و معرفتها و الاستفادة منها ايضا


أتمنى الموضــوع الفكــرة تعجبــكم



الســؤال الاول :

لماذا الآكاذيب تقبل بينما الصراحه لا تقبل ؟


أحترامي وتقديري

[smart_mody]

لانو الكاذب ما بيسدق الا الكاذب

وهادا بيمشي مع مصالحو الشخصية

اما الصادق فهو بيزيح الستار عن الحقيقة ويبين عيوب الاخرين فهادا فمجتمعنا واغلب المجتمعات العربية ممنوع

يعني كل واحد ماشي غلط هو 100%


السؤال التالي بسيط؟؟

لماذا الشعب الفلسطيني غير منظم؟؟ وكل مكان تذهب اليه لاتجد الا الفوضى والهمجية !!

[amier alaqsa]

من الي بنشوفو بحياتنا

ما عندي سؤال

[sun_corona88]

اولا مشكور على المشاركة


ثانيا مشكور كتير امير لانك لريحتني من الاجابه


يس انا ما بدي اريح اللي بعدي بدي اسال



ما ذا تقول عن الانسان الذي يكذب من اجل ان يبرء نفسة ويتهم الاخرين ؟؟

[smart_mody]

ما ذا تقول عن الانسان الذي يكذب من اجل ان يبرء نفسة ويتهم الاخرين ؟؟

للأسف انتي غلطتي في السؤال هوه مش انسان وحرام يكون انسان وبس

كمان امير ريحك بس ما جاوب على سؤالي وبدي اعيده


لماذا الشعب الفلسطيني غير منظم؟؟ وكل مكان تذهب اليه لاتجد الا الفوضى والهمجية !!

[sun_corona88]

اانا رح اجاوب عن امير
شكلو ما بحب يغلب حالو بالكتابة


من وجهة نظري من يوم ما وجد الشعب الفلسطيني وجد في حالة حروب

ومن اثار هاي الحروب اثرت على نفسياتهم وعملتهم مخربين
رح تسال طيب هاي الحروب لابائهم هلا همه مش بفلسطين
انا بقولك يمكن الوراثة الها دور بالموضوع والابناء صورة للاباء



وانا بقول اككيد الميه اللي بيشربوها وخاصة في قطاع غزة بتاثر على المخ



وبتخلي زي الحجر

[smart_mody]

هههههههههه

كلامك في منو بس مش الوراثة يمكن بالبيئة اللي بيعيش فيها الشخص بتأثر على تربايته

وتقريبا 90 % من الاطفال بتربو في الشوارع

بس المشكلة هون في الكبير العاقل اللي بيفهم كمان مش منظم هاي مشكلة


انتي جاوبتي على السؤال ونسيتي تسألي سؤال!!!!!!

السؤال مني ....

لو خيروك يأنك تهاجر للخارج خروج نهائي بلا عودة ؟؟ او تبقى في بلدك وتعيش هالعيشة اللي احنا فيها ؟؟؟ شو بتختار بصراحة ؟؟

[**الأميرة السمــراء**]

بختار بصراحة اخارج را البلد واعيش فيها لانو البلد ما فيها شى ينقعد عشانو لا احنا بنقاوم ولا شى فليش نقعد عشان انشوف الى بقتلو فى بعض

[**الأميرة السمــراء**]

سؤال هل تفضل تلقى العلم عن طريق التعلم عن بعد اى الحاسوب او عن طريق المدرس وجها لوجه

[smart_mody]

طيب منيح اكيد الكل قرفان من هالبلد وبدو يهاجر ونسيب البلد فاضية لليهود ههههههههه

والله الطريقتين كويسات صح الواحد بوخد الشي جاهز من الاستاذ

بس التعلم من النت افضل لانو الشخص بيتعب هوه بيبحث عن الشي اللي بدو اياه فهادا بأثر على مستواه بالبحث والفهم بشكل كبير





سؤااااااااال؟؟؟

لو انت مكان رئيس القسم اللي انت فيه(تخصصك يعني) كان شو عملت؟؟؟

[sun_corona88]

انا رح ارد على سؤالك الاول لانو عاجبني


لو خيروك يأنك تهاجر للخارج خروج نهائي بلا عودة ؟؟ او تبقى في بلدك وتعيش هالعيشة اللي احنا فيها ؟؟؟ شو بتختار بصراحة ؟؟

انا اولا جاي من بره بعدين انتو مفكرين الفلسطينيه اللي عايشين بره مرتاحين لا والله بكفي انهم ما الهم وظائف والكل بيتعامل معك على انك غزاوي

وانا ما بنكر انوالبلد قرف وزهق وملل ونفس الواحد يطلع بس اكيد يرجعلها تاني



وهلا رح اجاوب على سؤال

لو انت مكان رئيس القسم اللي انت فيه(تخصصك يعني) كان شو عملت؟؟؟



انا لو رئيس القسم رح اعمل العمايل


اولا رح افصل كل الدكاترته اللي بيجو عشان القصص وبنسو يشرحو المحاضرات
واجيب ناس معهم شهادات عاليه وتعرف درس وتعمل على رفع امكانيات وقدراتالطلاب مش تهبطها


وبعدين لما انزل الجدول انزل جدول يناسب كل الطلاب مش المادة اللي مطرين ناخدها بفصل معين يخلونا ياها فقط بخانيونس



واعمل ندوات ودورات تعرف الدكاترته علىالطلاب وتدمدهم بخبرات


هذا شي من اشياء

[sun_corona88]

المهم كمان مره نسيت اسال
سؤالي بيقول


من وجهة نظرك هل الشعب الفلسطيني شعب مادى؟؟؟؟؟؟؟

[**HaMaDa**]

والله باعمل اشياء كتيرة اهمها
بالغي كل امتحانات النصفي وباحطلهم
وباعتمد بس عالنهائي ههههههههههههههه
سؤالي.............
لو كنت تملك العالم ما هو اول شيئ تفعله وما هو اخر شئ

[smart_mody]

اول شي بدي ارد على سن في جوابها على سؤالي:

فعلا معاملة الفلسطينين بالخارج وخاصة الغزيين معاملة سيئة وهادا من قبل 8 سنين

اما الان وبعد ما انفضح الشعب الفلسطيني اكتر على التلفاز وبينت مصايب اقلية من الشعب هيك لو سافرنا اي دولة عربية يمكن يرجعونا في نفس اللحظة :eek:

وجواب سؤالك من وجهة نظرك هل الشعب الفلسطيني شعب مادى؟؟؟؟؟؟؟

مادي جداااا جداااا لانو ما في علاقة قائمة ومحبة (((ظاهرة بس منظر يعني))) الا يكون خلفها مصلحة مادية
وكمان مو الشعب الفلسطيني العالم كلو صار مادي (( وانتي بتلاحظي الحسد المعيشي بين الناس))


وجواب سؤال ابو حماده
لو كنت تملك العالم ما هو اول شيئ تفعله وما هو اخر شئ ؟؟

والله هاي مسؤولية ما بقدر اتحملها وبالعربي من اللخمة اللي هتصيبني مش راح اعمل شي

[smart_mody]

لو كان بمقدورك تحديد قدرك وانت صغير !!!

اي جنسية تريد ؟؟ واي بلد تريد العيش فيها ؟؟ وما العمل الذي ستختاره ؟؟ وحدد الباقي من عندك ( يعني اكتب اللي بدك اياه) ؟

[sun_corona88]

رح احدد الجنسية الفلسطينيه


فلسطين بس ببلدي الاصلي طبعا

العمل ما بعرف لاني رح اكون صغيرة

سؤالي هوه


هل تتمتلك الجراة لان تدافع عن حقوق انسان حتى لو لم تكن لك به معرفة ؟؟؟؟؟ واددى هذا الدفاع الى ضررر بك

[smart_mody]

الساكت عن الحق شيطان اخسر وانا اكيد او اشوف واحد مظلوم لازم ادافع عنو وحتى لو ادى اللي الضرر بيه وهذا اجره عند الله

سؤالي
والله محتار ومش لاقي سؤال ممم...

لوخيروك ما بين انقطاع الكهربا او انقطاع خط النت ماذا تختار؟؟

[sun_corona88]

بصراحه سؤال صعب
لا بس يمكن انقطاع النت اهون لانو الجوال في عليه نت يعني مش رح نغلب
اما عند قطع التيار الكهربي كل شي بنعملو رح يتوقف زي ما بتعرف عصر التكنولوجيا والادوات الكهربائية



سؤالى


لو خيروك بين الدراسة والعمل(راتب مغري ) ماذا تختار ولماذا ؟؟؟؟؟؟؟؟؟؟

[smart_mody]

الدراسة اكيد ...

لانو شواعمل بدون دراسة كناس ولا بواب ههههههههههه

كمان الدراسة مو بس للوظيفة اكيد كل واحد بدرس شي بحبه قبل ما يفكر بالوظيفة



سؤالي:


ما هو اصعب قرار اتخذته في حياتك ؟؟

[**HaMaDa**]

اصعب قرار اتخذتو بحياتي اني قررت ابقى بالبلد هادي مع انو كانت الي فرصة كبيرة اني اطلع من هالبلد
هادا القرار الصعب واللي باندم علية طول عمري
هادا مو معناة اني باكره بلدي فلسطين لا سمح الله
بس زي ما انتو عارفين بدنا نغير جو من هالبلد المنكوبة..........


سؤالي.................... وهوة من شقين لشباب والبنات

سؤال البنات :::: هل تفضلين الزوج صاحب المال والثراء ام الزوج صاحب الحب والحنان حتي ولو كان فقيرا .

سؤال الشباب ::: من تتمني الزواج منها --- صاحبة القلب الحنون والحب الجارف .. ام صاحبة الوجه الجميل الفتان .

[sun_corona88]

سؤال البنات :::: هل تفضلين الزوج صاحب المال والثراء ام الزوج صاحب الحب والحنان حتي ولو كان فقيرا


انا اولا لو بدي ارتبط ما بدي واحد غني ولا واحد فقير بالمرة يعني حالتو وسط نقدر نعيش بالهظروف
لانو الفقر الشديد والغنى الشديد بضيعو كل شي اسمو حب وحنان



سؤالى

هل تؤيد زواج الاقارب ام الغرباء ولماذا ؟؟؟؟؟؟؟؟؟؟؟؟

[smart_mody]

انا حابب اجاوب بالاول على سؤال ابو حماده حتى الشباب يوخدو نصيحة وما يتهورو
سؤال الشباب ::: من تتمني الزواج منها --- صاحبة القلب الحنون والحب الجارف .. ام صاحبة الوجه الجميل الفتان

اهم شي في المرأة تكون متعلمة ومثقفة وغير هيك ما بتلزم
بس مو تكون بتخوف يعني تكون مقبولة

اما الجمال بدون حنان وطيبة قلب هاي ما بتلزم

هل تؤيد زواج الاقارب ام الغرباء ولماذا ؟؟؟؟؟؟؟؟؟؟؟؟

اكيد الغرباء لانو بسبب بسيط جدا الاقارب عقارب
وهاي ما بيحس فيها الا اللي عاش بالخارج ثم رجع وشاف الحقد المخزون فيهم لذلك ابعد تحلى
كمان الواحد بيحب يغير نسل العيلة ههههههههه

سؤالي :
ما هو مقياسك للنجاح ؟؟ وهل تقول عن نفسك بأنك انسان ناجح ؟؟ (اذكر السبب)

[sun_corona88]

ما هو مقياسك للنجاح ؟؟ وهل تقول عن نفسك بأنك انسان ناجح ؟؟ (اذكر السبب)


كل انسان الو مقاييس للنجاح
يعني يمكن انت عندك تحقق النجاح يكون لانسان تاني هذف بعيد وانسان اخر انو شي سهل


انا ما عندي مقاييس للنجاح بالنسبه اللي لانو دائما الانسان يطمح الي الافضل
يمكن لحد الان بعتبر حالي ناجحه بس ما بعرف بالمرحله القادمه شو يصير



سؤالي


هل تعطي رايك بصراحه في موضوع حتى لو كان الجواب سيجرح الانسان الذي امامك ؟؟؟؟؟؟؟

[smart_mody]

بعطي رأيي بصراحة بس مش دايما

يعني اذا الشخص ما بيهمني بكون بجامل فيه

اما اذا الشخص مهي اللي بحكي رأيي بصراحة



اذكرلي كلمة نفسك تحكيها لكل واحد فلسطيني؟؟

[**HaMaDa**]

اذكرلي كلمة نفسك تحكيها لكل واحد فلسطيني؟؟[/B][/COLOR][/QUOTE]


اقول كلمة واحدة

وهي


كفانا هذا



وسؤالي........


كيف يمدحك الآخرون وتشعر بالسعادة؟ ما هي الكلمات التي تسعدك؟