(الي بسألش علي بسألش عليه) مهم جدا

[القيصر]

مسا الخير يا جماعه




موضوع حساس شوي وبمس علاقاتنا الانسانيه بشكل مؤثر


(الي بسألش علي بسألش عليه)


كتير بنسمع هل جملة


يا فلان وينك شو اخبارك وين بطلنا نشوفك عند فلان


(والله يا شيخ الي بسألش علي بسـألش عليه)


فتور غريب بصيب علاقة بين شخصين اصحاب كانو طول الوقت مع بعض


واحيانا ما بنعرف السبب يا ترى مين فيهم الي بقصر في التاني


هان ممكن نقول انو والله يمكن الاتنين مقصرين في بعض


بس احيانا كمان بكون طرف واحد منهم هو الي مقصر فعلا


وهو الي بدأ في التقصير والبعد


طب ليش؟؟؟؟!!!!!!!!!!!!


هادا هوؤ السؤال


يعني لهلدرجة هانت عليه العشرة الي ممكن تكون سنين


اكيد بكون صعب عل طرف التاني انو يصدق انو عشرة هل سنين والصحبة هادي كلها


تروح هيك ببلاش


بصير هان يفكر طب انا بشو قصرت معو؟ انا بشو زعلتو؟بصير يراجع حالو


بصير يقول اه انا سويت هيك معو بس عادي احنا طول عمرنا بنسوي هيك مع بعض


ومتعودين على هيك شغلات يعني مش معقول يكون زعل من هيك


لحد ما بتصل فيه مرحلة اني بقرب ينجن


بروح بسأل صاحبو شو مالك بطلت تبين زي زمان بصير يقولو والله قرفان


الله اكبر يعني هو القرفان الوحيد بالدنيا؟ مكلنا قرفانين والوضع تعبان عل كل


يعني المهم ما بعطيه جواب شافي


بتمر الايام والفتور بزداد بينهم بحاول الطرف الويس فيهم انو يقرب للطرف الي ببعد يشوف مالو


بس لما يشوفو على هادا الحال من الطناش بصير هو شوي شوي تصعب عليه نفسو وكرامتو وكبرياؤو بصير يقول طب مزال هو بدوش اياني بلاش منو مش حموت من بعد


بتمر كمان ايام بعرف بالصدفة انو صديقو او الي كان صديقو شبك مع ناس تانيين


اتعرف على اصحاب جداد وعالم جديد ومواضيع جديده شغلتو عن صاحب عمرو الاول


هان بتحز في نفسو للصديق القديم بقول يا خسارة هديك الايام



الحين الكلام موجه الكم



صار معكو هيك شي


وازا صار هل صار زي ما انا سردت ولا بشكل مغاير


هل سمعتو عن ناس قراب منكو صار معهم نفس الشي


كيف اتصرفو؟


ليش اصلا الصاحب ببعد عن صاحبو؟؟


ليش صار في ناس بتحب وبقول بتحب انها تقصر في الناس الي بتحبها؟؟ايش بستفيد من هيك؟؟


تبين انها مشغوله عنهم ومش فاضيه؟؟


يا عمي بدك تكبر اكبر على ناس تانية مش على انسان بحبك وبعزك وبتمنالك كل خير وعمرو ما قصر فيك


ولا احنا خلاص صرنا نحب نزعل حبايبنا منا


يا ريت كل انسان مقصر في صاحبو او اي حدا بحبو وشاف كلامي هادا انو يعقل ويرجع يصلح علاقتو بيه لانو احلا شي في الدنيا انك تلاقي انسان بحبك وبخاف عليك

ومناسبة الموضوع

وانا حبيت انزل هيك موضوع لانو اسمعت عن قصة شخصين كانوا بعزوا بعض جداأكنر من الاخوه

وفجاه تغير الحال بسبب مشاغل أحدهما

[سراج الليل]

والله في ناس ما بقدروا العشرة
ليش نسال عليهم
يسلمووووووووووووا القيصر

[hanan]

والله بتعرف ياقيصر انه الناس
بطلت تهتم بالعشرة
وهذا يلي بنشوفه
وفي ناس حرام كتيييييييييير
بتحترم العشرة
بس الاول غالب ع التاني

ويسلموووووو قيصر

[زهرة الثلج]

مش معك انا بالهجملة

لنفترض متلا انو وسيلة الاتصال رقم الجوال او التلفون
وضاع منو
هل هاد معناتو انو مطنشك
اسال عنو ولما تحس انو بيتعامل بجلافة ومش طايقك وقتها اخلع

واحيانا لما تكون بتحب انسان ووجودك بيدايقوا وقتها اخلع



مشكور قيصر

[كفورية بحدود]

اول شي مشكور ياقويوي

موضوع رائع ومن حياتنا العملية

بالنسبة الي هادا مبدأي مع الناس الغرب
يعني ياللي مش قوي معاهم

بس بختلف مبدأي
انو
ياللي مابيسال فيا بحلقلو واذا بيزعل يتفلق
هههههههههه
لانو مش احسن مني لحتى اجري وراه
ههههه هيك مبدأي
اما مع الناس ياللي بعرفهم

اكيد بحكيلهم ع طول لما اتضايق منهم او احس انو حد بعد عني
مع انو ولا وحدة تعرفت عليها وبعدت عني او انا بعدت عنها (مغرورة صح احم احم احم)
ههههههههههه

هادي مبادئ مشكووووووووووووور ياقويوي

[بنت الجامعه]

له له له

حاسة الكلام موجه ليا

لأنه فيا !!!!!!!

بس مش علي كره ولاشي تاني

مقصرة بحقوق الناس أنا ..

ان شاء الله بصير خير

يسلموووووووا القيصر ع الطرح الجميل

[بيسان]

والله يا قيصر موضوعك كتير حلو ومهم
بس بالظاهر انه بطل في حد بيهتم بالعشرة صارت الناس مؤقتة تاخد مصلحتها وتقلب الصفحة
طبعا هاد ما بيمنع انه في ناس ما بتهون عليهم عشرة الايام والسنين بس بعتقد انهم هالنوع هاد قليل وخصوصا في زمانا هاد

لكن الاعزاء دائما يبقون لوحات جميلة على جدران الذاكرة لا يأتي عليها غبار الزمان ولا نستطيع إنزالها


مشكور قيصر كتير

[طالبة الاقصى]

يسلمووووو قيصر عالموضوع اكيد الانسان دائما بسال على الناس الى بتسال عنو وبطنش الى ما بتسال عنو لكن اذا كانو غاليين اكيد لازم يراجعهم عشان ما يخسرهم
[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])

[قلب مبدع]

للاسف ياقيصر صارت صحبة الاشخاص للمصلحة فلما تنتهي المصلحة بتنتهي الصداقة وبتموت
أو لما يلاقي حدا راح يفيدو اكتر راح يروح الو ...........لانو لو كانوا فعلا اصدقاء وحب بالله ما راح يفترقوا خالص لانو صداقة انبنت صح وحب لله في لله ...............وهادي الصداقة ما بتموت........
صحيح انو الصداقة اللي زي هيك قلت لكن لساتها موجودة وضايلة ممكن البعض تشغلهم الحياة بس .........
يعني انا بعرف في اتنين صحاب هنا بغزة شبين وكانوا كتير يحبو بعض اصدقاء بجد ما بفرقهم شي ....وبعدين واحد منهم مات الله يرحمو طبعا لانو صاحبو كان يحبوا بجد زعل كتير كتير عليه وصار دايما يروح يزور قبرو ومرة لقوه ميت بسكتة فوق قبر صاحبو ..........
يسلمو قيصر على روعة طرحك ........

[-بسمة ألم-]

انا من اتباع هالمبدأ بشكل كبير

اللي ما بيسأل عني ما بسأل عنه

لانه في كتير ناس بتتعامل معك بس مصلحة

لما بدهم شي بيسألو عنك وبتكون صاحبهم

وبعدها ببطلو يعرفوك

مشكوور القيصر على الموضوع

[sweet~girl]

والله يسلمو دياتك قيصر ع الموضوع
انا صاحبتى الروح بالروح ما عيدتنى بعيد ميلادى
ولا سألت عنى
:(

[بريق الانتصار]

تسلم أخى القيصر

بس برأى الدنيا مشاغل وطبيعى كل شخص يتغير بعد فترة بس موبكره

وبتم الذكرى الحلوة بينهم وأنا محافظة على أناس رح يتغيروا

[يمنى]

فتحت جروح طالت حين اندملت...

الناس هيك بهالزمن


انا مريت بتجربة مرة جدا من هالناحية


بصراحة بعد ارتدائي للنقاب الشرعي كتير من صحباتي بالقسم بعدوا عني


ايامها استغربت من جفاء معاملتهم وبعدهم يوم ورا يوم


بكيت كتير ...


حاولت كتير احسن من هالعلاقة


بس خلص ..كانوا مقتنعين اني صرت محسوبة ع اتجاه معين فبعدوا


والصعب واللي بعترف فيه اني كمان بعدت


الصداقة ما بتتعوض


مرات لما اشوف نمرتها ع الجوال بصير ابكي



يسلموووو القيصر واسفة لو اطلت..