ما هي العلاقة بين الحرية والإبداع؟

[أنين الروح]

العلاقة بين الحرية والإبداع هي علاقة متكاملة ومرتبطة بعضها البعض، فلا إبداع بدون حرية.
لأن الحرية الضمان الوحيد لإبداع حقيقي يقترب من الواقع بمعطياته، وفي ذات الوقت يأخذ بالثوابت
التي يسير عليها المجتمع ويتمسك بها، فتكون مصدر لإنطلاقته الإبداعية بالإضافة إلى التغيرات الحاصلة
من حوله في هذاالعالم المتسع.

والحياة بدون إبداع هي حياة روتينية مملة، وهو المنتج للقيم الإبداعية والمميزة في كل حضارة من
الحضارات، فقد أبدع أهل بابل، وأبدع الفراعنة، ولا سيماالحضارة الإسلامية الغراء.

إذن الإبداع مقوم من مقومات الحياة، والأمة التي تستظل بعباءة حريتها، هي الأمة الواعية لمستقبل
أبنائها ومستقبلها، فإن ضاعت حريتهاعاشت منكرة، مسلوبة الحق، لا يشار إليها بأصبع التميز.


نفتح المجال للنقاش في هذا الموضوع؟
نفتح المجال أمام الاستفسارات والأسئلة الكثيرة المختصة بهذا الموضوع والجدير للنقاش.

هل المجتمع العربي مبدع؟وهل بنيته الاجتماعية تساعد على الإبداع؟

هل كان دور للإسلام في الإبداع؟

ما هي المعوقات التي تقف أمام الإبداع؟

كيف تكون حرية الإبداع في وطن محتل؟

ما هي العلاقة بين الحرية والإبداع والجمال؟

هل للتنشئة دور في تطوير أو تأخر الإبداع؟

عجبتني هذه الفكرة فوضعت كل تفكير لاستخراج مثل ذلك الكلام ، يارب جد منكم تفاعل في هذا
الموضوع وشكرا لردود الجميع مسبقاً.:)فلسطين1

[سكون الليل]

والحياة بدون إبداع هي حياة روتينية مملة،

عندك حق لازم نبدع
ما بدي اجاوب علي الاسئلة مالي نفس اقعد اجاوب

يسلمو انينووووووووووووووو علي الموضوع

تقبلي مروري

تحيااااااااااااااااااااتي

[أنين الروح]

ههههههههههه
تحياتي اميرة الورد
مش مشكلة
المهم دخلتي الموضوع
تصدقي اني انسيته للموضوع
ههههههههههههههه
تحياتي الك.

[الوردة البيضاء]

موضوع حلو ومحل للنقاش فعلا
بس مش راح اجاوب على الاسئلة

بس مادام فى حرية بكون فى ابداع

[أنين الروح]

تحياتي الك يا المجروحة
شرفتي الموضوع .

[Mis IT]

يعطيك العافية على المقدمة
وهي في منها صح وفي منها يعني
انا بايدك على انو الابداع له علاقة بالحرية
ولكن الابداع الاكبر الي بيكون نابع من صدر المعاناة ومسلوبين الحرية
ولكن العقل عندهم حر والقلب حر والفكر مبدع
فمش ضروري يكون الابداع من بلد حر
واكبر دليل انو احنا هون كشعب فلسطيني مسلوب الحرية
كنا في اكثر من مجال سباقيين للتميز ولنيل اعلى المراتب
من الناحية العلمية .. ثقافية .. وغيروو
وفي ادلة كتير على هيك
واحنا هينا في غزة من صدر المعاناة والحصار
شفت شو طلع عنا من ابداع
وصحيح هالابداع في منو ضرر بس مين كان يتخيل قبل
انو سيارة تمشي على زيت الطهي
ما اعتقد انو اعظم الدول فكرت بهيك شي
الشي التاني انو الكل سمع عن السيارة الي عالكهرب والي ان شاء الله
عن قريب بنركبها كلنا
وشي تاني الكل يروح يتفرج على ابداع السجناء الفلسطينية ( الله يحررهم )
شو ابدعو من مشغولات يدوية رائعة وبيصير الهم معارض عمستوى العالم كمان

فانو انا برايي انو يكون العقل حر والاصرار على قهر السجن
هاد بيعطي ابداع اكتر من انو يكون الشخص نفسو حر ومتوفر عندو كل شي
وهلا بدي اجاوب على اسالتك

هل المجتمع العربي مبدع؟وهل بنيته الاجتماعية تساعد على الإبداع؟
المجتمع العربي مبدع وهذا الابداع بيكون من شباب فلسطين والعراق
لانو البنية الي انبنو فيها الشباب هدول بتختلف عن اي شباب دولة عربية تانية
الي بيكون واضح شبابها كيف بيفكرو وبشو بيهتمو
ما اعتقد عندهم قدرات زي الشباب الي بتعاني عنا وبالعراق
وللاسف النوع هاد من الشباب الي انا بحكي عنو تافه
هو الي غالب على الوطن العربي مشان هيك الابداع فيه محدود وغير ظاهر


هل كان دور للإسلام في الإبداع؟
اكيد كان للاسلام دور مهم واساسي للابداع

ما هي المعوقات التي تقف أمام الإبداع؟
من وجهة نظري انو يكون متوفر كل شي يعني الدلع
هاد الشي مش حيخليه يبدع
لا حيحكي وليش ابدع واغلب حالي مهي كل شي متوفر
طبعا الا ما ندر ممكن شباب نادرة ما تفكر بهاي الطريقة بس هاد الاغلب
كيف تكون حرية الإبداع في وطن محتل؟
اجابة هاد السؤال كانت ضمنيا من تعليقي سابقا

ما هي العلاقة بين الحرية والإبداع والجمال؟
حرية العقل اساس الابداع والجمال نتيجة من الابداع

هل للتنشئة دور في تطوير أو تأخر الإبداع؟
اكيد


تقبل مروري

[أنين الروح]

MisIT
تحياتي العميقة الك وبشرفني انه تكون اول مشاركة
الك بالمنتدى في موضوعي تحياتي الك بكل احترام
وتقدير وبجد اعجبت بردك لدرجة كبيرة وانا معك
بكلامك المنطقي وتحياتي الك يا مس بجد شرفتني
ونورت موضوعي كمان تحياتي الكبيرة الك سعدت بمرورك الموضوع .
انحني اعجابا باسلوبك وردك الرائع تحياتي الك مرة اخرى .

[amier alaqsa]

بحييكي اول شي علي الموضوع اخت انين ويعطيكي الف عافية

انا حجاوب علي الموضوع كله كبشة وحدة
احنا العرب اكيد مجتمع مبدع بطبيعته وببنيته وفي عنا مبدعين كتاار لكن للاسف هالابداع بيندفن في ضل حكوماتنا العربية الي بتحار كل ابداع وكل مبدع
اما بالنسبه فالاهل والتنشئه الاجتماعية الي بنمر فيها من واحنا صغر فهي بيئه خصبه للابداع لكن الاهل والمجتمع ازا ما كانو واعيين لكيفية تنمية المهارات عند الاطفال والشباب وتعاملو معو بطريقه الخطاء اكيد هاد الشي راح يدفن هالابداع عند الاطفال من وهم زغار زي انو كل ما الطفل بيحاول يثبت وجودة باي عمل فبيلاقي معارضة من الاهل هاد الشي بيحرم الطفل من تكوين ذاته وتطوير قدراته
اما فالاحتلال كان الو الدور الكبير في صناعة جيل فلسطيني مبدع
لانو الحصار والقهر خلي الفلسطينيين يبدعو في اختراع الاساليب الي بتخلينا نعيش ونقاوم هالاشي مع انو هالابداع مقيد
طبعا العلاقه بين الحرية والابداع والجمال علاقة جميلة جداا بتربطهم علاقة تكامل لانو بدون حريه ما بيكون في ابداع كبيير والابداع هو الي بيصنع الجمال
وفي الختام السلام

[أنين الروح]

طبعا العلاقه بين الحرية والابداع والجمال علاقة جميلة جداا بتربطهم علاقة تكامل لانو بدون حريه ما بيكون في ابداع كبيير والابداع هو الي بيصنع الجمال


شكرا كتير الك يا امير الأقصى على الكلام تحياتي الك .