همي بهمكم ؟؟؟؟؟؟؟؟؟؟؟؟؟

[أنين الروح]

[SIZE="5"][COLOR="RoyalBlue"][gdwl]مش هاي اسمه منتدى فشة الخلق
وانا بدي افش خلقي فيكم بنفع يعني بدكم تستحملوني لأنه كلامي را ح يطول المرة هاي .
المهم شو رأيك ببلد كل شي فيها انمحى ، يعني اللي بقصده انك بتعمل وبتتعب وبالاخير بتلاقي
الجلافة وقلة الاحترام من الغير الك ، أنا عمري بحياتي ما شوفت هيك ناس ، والأحلى بتلاقي الكلام
هاي من اللي بتقربوا الك واللي بتفتكرهم حبايب كنت مستعد تعمل المستحيل مشانهم وبالنهاية
يطلعوا مش قد التضحية هاي.
يعني بخلوك تكره اليوم اللي جيت فيه ،
بتعرفوا لو الانتحار مش حرام ومكروه عند الله وعقابه كبييييييييييييييير وماله حدود ، كان اول الناس انتحروا
انا . لكن ما في اليد حيلة ، يمكن اللي يدخل موضعي هاي يفكر انه هاي كلام فاضي .
بس يا جماعة الخير اللي كان عايش برا وكان متوفرله كل شي وفجأء تلاقي كل اللي كان موجود اله راح
او ما راح يقدر يجيبه . بالله عليكم ما بتنجنوا ؟
المهم أنا مابدي اطول عليكم بالحكي وبعرف كل واحد وهمه بالبلد وكل واحد ومشاكله الخاصة لكن والل
لكن انا قرفانةوملانة وحاسة الدنيا ضاقت في والله والله انا بجد مضغوطة من كل شي ، بدي منكم
ترحوني وتحكولي شو الواحد بعمل بمتل هيك حالات برايكم بتفرج الدنيا علينا؟

كل من شاركني همي أحترم له تلك المشاركة وأقدر له اهتمامه بي لمتل تلك الحالات.:confused:هئ1:o

[وفاء الاسلام]

اختى انين الروح

انا احس والله بما يدور في قلبك من حزن وهم

لاننى اعانى والله وقد يفوق همى همك

ولكن هناك ما يصبرنى

تذكرى ان هناك من هو بجوارك

يحبك ويرعاكي ويحزن لحزنك

لو لجأتى له سيجيبك ولو طلبتى منه سيعطيكي

لن يغدر بكى ولن يألمك بكلماته

انه اللـــــــــــــــــــــــــــــه

اشكي له همك تحدثي معه

بوحي له بأسرارك وستجدي في جواره الانس والحب

وسينجلي همك بركعتين في جوف الليل

بقراءة اية من كتابه

واخيرا اقول لكى احتسبي واصبري

فهناك بيت من الشعر يقول

ضاقت فلما استحكمت حلقاتها *** فرجت وما كنت اظنها تفرج

[**HaMaDa**]

مسا الخير انين

اول شي اكيد همك هوة همنا وطبعا بهمنا وكتير كمان


انين بتحكي عن بلد كل شي فيها انمحى

تؤ !!!

ما بظن انو كل شي انمحى بهالبلد
البلد فيها كل شي وما انمحى شي منها
ولو مصرة انو انمحى كل شي
فأنا بأكدلك انو لازم يضل بقايا حتى ولو شيء بسيط ما انمحى

يعني اللي بقصده انك بتعمل وبتتعب وبالاخير بتلاقي
الجلافة وقلة الاحترام من الغير الك

انت حكيتيها انك بتعملي وبتتعبي وبتعملي خير مع الناس
لهيك انين انت لية تستني منهم مقابل
لية ما تعملي خير وترمي بالبحر
عاملي الناس واحترميهم وما تستني منهم اي رد لانو بالنهاية كل اشي بتعمليه بيدل على اصلك واخلاقك
واي رد كان منهم سواء اساءة او احسان فهاد بدل على اصل اللي قدامك
فلو ردلك اياها بالاحسان كان بها ولو ردلك اياها باساءة فلازم تبقي على طبعك واحترامك وما تغيري شي وانتظري جزاءك من رب العالمين مش منهم
اهم شي يكون الاحترام هوة المسيطر علينا بكل شي

أنا عمري بحياتي ما شوفت هيك ناس ، والأحلى بتلاقي الكلام
هاي من اللي بتقربوا الك واللي بتفتكرهم حبايب كنت مستعد تعمل المستحيل مشانهم وبالنهاية
يطلعوا مش قد التضحية هاي.

اسمحيلي احكيلك انو هادي غلطتك !
انو ليش انت تفكريهم حبايبك
وليش تعتقدي انهم بيستاهلو التضحية
بتعرفي !! ؟
مااااا في اي شخص بيستاهل التضحية بهالكون هاد
مين ما كان يكون
والله العظيم اللي بفكر يضحي مشان واحد فانا باعتبرو مختل
وهالكلام عن تجربة طبعا
الناس اصبحت عقااااااااااااارب
الناس صارت تعابين , تعابين سمها قاااتل
فما بظن انو اللي بضحي مشان تعبان بكون عاقل
انا عن حالي ما بعرف شي اسمو تضحية او بالاحرى ما بضحي الا مشان شي واحد
اللي هوة اهلي وبس وبس وبس
انا ما بحكي هيك حتى احبطك او شي
انا حكيت هيك بناءا على نظرتي الشخصية لما يسمى ( تضحية )

بتعرفوا لو الانتحار مش حرام ومكروه عند الله وعقابه كبييييييييييييييير وماله حدود ، كان اول الناس انتحروا
انا
انتحاااااااار ؟؟؟؟؟
بدي اسألك .
ممكن تحكيلي مشان شو بدك تنتحري ؟

مشان اشخاص ما بيستاهلو ..

مشان ناس ما بيستحقو كلمة حلوة تنحكالهم ..

مشان شوية تعابين وعقارب لا راحو ولا اجو ...

لييييييييييييييييييييش ؟

برايي انو ما حدا بفكر بالانتحار الا الضعييييييييييييف
مع احترامي الك

كتييييييير في وسائل تانية غير الانتحار
لية ما نفكر نتجاهل هالشرذمة من هالناس

لية ما نفكر انو مهما كان الطريق معتم الا ما يكون باخرو نوووووووووووور

بس يا جماعة الخير اللي كان عايش برا وكان متوفرله كل شي وفجأء تلاقي كل اللي كان موجود اله راح
او ما راح يقدر يجيبه . بالله عليكم ما بتنجنوا ؟

وليش ننجن ؟
يخربيتك انين شو هالتشاااؤم اللي انت فيه هه هههه

اكيد انا معك انو الواحد الا ما يواجه شوية صعوبة في حالة انتقل من مجتمع لمجتمع تاني

لكن في شي اسمو التأقلم
لية ما تحاولي تتأقلمي مع هالوضع اللي انت فيه
راح تحكيلي هوة هالبلد هادي فيها شي الواحد يتأقلم معو
باحكيلك والله فيها وفيها وكتييييييييير كمان
بس هالشغلات ما بتظهر لوحدها
لازم ندور ونبحث حتى نلاقي هيك شغلات ممكن نبتسم الها وممكن تغير نظرتنا لهالحياة وهالمجتمع اللي احنا فيه

انا متلك كنت عايش برة بالسعودية وطبعا متل ما حكيتي انت كل شي كان متوفر وكل شي كان احلا
ولما جينا هنة ع البلد الــــ ! طبعا ما لقينا ولا 1% من اللي كنا شايفينو هناك
لكن بالنهاية تأقلمنا مع الوضع وهينا عايشين وعين الله علينا
اهم شي انو الواحد يتكيف مع الوضع اللي هوة فيه
لانو هاد قدرو وهاد نصيبو
ما راح نقدر نغير شي من هالقدر فليش ما نحاول ننبسط ونعيش حياتنا ؟


وبالنهاية انين
همة كلمتين وبس

قد ما كان طريقك معتم ومظلم تأكدي تماااااااااااااما انو بنهاية هالطريق في نوووووور


وما تحطي كل امالك واحلامك بشخص واحد او بفئة وحدة ونهاية الاشياء مش نهاية العالم لانو الكون مش بس اللي انت شيفاه بعيونك

وتحياتي الك انينووووووووووو

وبالتوفيق يارب

فاااائق احترامي

[حكاية حب]

اختي الكريمة دخلت هذا لاالمتصفح سمعت انين انسانة كرهت من حولها

ليس بيدها ولكن بضغط من من يحيطون بها

كانت كلماتها تناشد كل من يملك ذرو احساس ان يجد لها حلا او يجد لها متنفس او ما شابه ذلك لتخرج من الازمة

اختي الكريمة كل ما في هذه البلاد اصبح حرمة لنا هم يعيشون ونحن نموت جوعنا

يدهبون ونحن نقتل من قهرنا وماذا نفعل نتكلم ولا احد يسمعنا

اصبحنا اعزكم الله مثل البهائمي

كل ما نمتلكه في هذه الايام وغيره هو ان نحمد الله علي كل شي

وما فينا نعمل شي

اختي الكريمة وماذا نفعل في دنيا العيش لم تكن عيشتنا ومشربنال ليس بمشربنا

انقطعت كل ضروريات الحياة وهم في سكون وظلمة الايام ولا يعرفون ماذا يفعلون ونحن الثمن

نحن ما زنبنا هنا

اختي الكريمة اكيد انا اعملتك خطبة او شي من هالنوع يعني زيك
وحاسس فينك هع هع

شوو بدنا نعمل بتطلعي تحكي ما حد بوفرك اعز ما تملكي بعاديكي

من كنتي واردت مرارا ان تفعلي المستحيل لاسعاده يأتي بلهفة لازعاجك



هي الدنيا شوو بدنا نعمل
لاتملكي سووو الدعاء وتقوي لاالله

تقبلي مروري

[أنين الروح]

وفائ الاسلام اكيد ما الي غير الله
وانا ما نكرت هاي الشغلة والحمد لله
انا راضية بكل اللي كاتبلي اياه الله
وعلى العموم تسلمي يا رب دايما
تفيدينا بنصايحك يا رب سعدت جدا بمرورك العطر لموضوعي .

[أنين الروح]

اسمحيلي احكيلك انو هادي غلطتك !
انو ليش انت تفكريهم حبايبك
وليش تعتقدي انهم بيستاهلو التضحية
بتعرفي !! ؟
مااااا في اي شخص بيستاهل التضحية بهالكون هاد
مين ما كان يكون
والله العظيم اللي بفكر يضحي مشان واحد فانا باعتبرو مختل
وهالكلام عن تجربة طبعا
الناس اصبحت عقااااااااااااارب
الناس صارت تعابين , تعابين سمها قاااتل
فما بظن انو اللي بضحي مشان تعبان بكون عاقل
انا عن حالي ما بعرف شي اسمو تضحية او بالاحرى ما بضحي الا مشان شي واحد
اللي هوة اهلي وبس وبس وبس
انا ما بحكي هيك حتى احبطك او شي
انا حكيت هيك بناءا على نظرتي الشخصية لما يسمى ( تضحية )


أخي ابو حمادة أنا بديت اقتنع بهيك نظرية مية بالمية ، بجد الناس عقارب وعقارب سمها لاسع وعنيف
بعين الله بجد بجد سعدت كتير بمرورك للموضوع وكلامك كثير افادني ،
وان شاء الله ربنا بهونها وبسهلها ، ماالنا غير الله تسلم كتيييييييييييير ابو حمادة مشكور.

[المايسترو]

مرحباا انين
اكيد كل اعضاء المنتدى حاسس فيكي وحابين يساعدوكي .
لانو اكيد كل واحد اجالو اليوم هادا .. او الى ما اجالو حيجيلوو
انا شفت أراء الاخوه ولقيت حكين كل اشي لازم ينحكي ما فضل الى شي
بس ما ركزو على شغله الى هيااا .. الرجوع الى الله والدعاء له
لانو ما حد حيطلعك من المحنه الى انتي فيها غير ربنااا
واظني هيااا بس فتره وبتعدي
احنااا في فلسطين ما حدا حاسس فيناا ولا بمشاعرنا حتى الاصدقاء والاهل والمقربين الك
لانو احنا في زمن الى كل واحد بدور على مصلحتووو
احنا بنتمنى انو يكون حالنا غير هالحال وامالنا تتحقق

ومش كل واحد اتواجهوو صعوبه يستلم الهااا هادا اكبر غلط لازم الواحد يفكر ويعرف كيف بدو يواجه المشكله هاااي

انا بصراحه حاسس فيكي لانو المجربين كتير
وانا ححكيلك كمان مره .. ماالك غير تصبري وتنسي

وانتي لما تنتحري او هيك شي انتي بدك ترتاحي ولا تتعزبي عند ربنااا

فكري منيح حتلاقي حالك انتي الى تحلي الدنيااا او الدنيااا اتعزبك

والله الدنياا كلها ما هيا مستاهله دمعه من عنيكي

لو تعلمين كم دمعتك غاليه لما تركتيهاا تنزل

كمان مره بحكيلك ازمه وحتعدي وحتلاقي حالك عايشه على الدكريات

يا رب يكون كلامي حلووو ومعبر

يقول صحبي ودمع العين منهمرااا
سيلا على الخد هطالا ومندفعاا
لم البكاء ؟ ولم تسمع بنازله
هادا البكاء لصب موجعاا فجعا
فقلت كفوا... فان القلب ويحكم
لو كان من صخره صماء لانصدعااا
وكل الف بكي من بعد صاحبه
عند الفراق وشكى ما به وجعاا
وبت ابكي وناار الشوق تقتلني
حتى رأبت عمود الصبح قد سطعاا
احفظ حبيبك ولا تقطع مودته
لابارك الله في من خان او قطعاا
ان المنازل تبنى بعد ما هدمت
وليس يوصل الرأس بعد ما قطع

تحياااااااااااااااااااااااااااااااااااااااااا ااتي

[أنين الروح]

اختي الكريمة دخلت هذا لاالمتصفح سمعت انين انسانة كرهت من حولها

ليس بيدها ولكن بضغط من من يحيطون بها

حكاية حب الحمد لله لقيت مين يسمع الأنين يعني كان اله صوت ،
بجد يسلموا على الكلام سعدت فيه كتييييييييييييركتير بجد هونتوا علي بكلامكم العطر واللي بجد
بمنح الواحد امل يمكن ذرة لبكرا ،

[أنين الروح]

والله الدنياا كلها ما هيا مستاهله دمعه من عنيكي

لو تعلمين كم دمعتك غاليه لما تركتيهاا تنزل

كمان مره بحكيلك ازمه وحتعدي وحتلاقي حالك عايشه على الدكريات


يسلموا مايستروا بجد معبر وفرحني كتير الكللام سعدت به كتييييييييير،
بعين الله اكيد انا ما بدي انتحر بس بحكي لو الانتحار مش حرام كان ، لكن الحمد للله انه الله محرمه كمان انا
روحي علي غالية كتيييييييير تخافش هههههههه، بعدين انا بؤمن انه ربنا كبير وهو اللي راح يطلعني من هيك
هم وغم ، يسلموا كتييييييييييير سعدت به لكلامك بجد.

[جراح عاشق]

حين يهمس الليل اسرارا في اذن القمر
حين يهمي الليل آلاما" على خد السحر
اراكى بعتمتي نورا
لحنا يذوب على وتر
وأراني التمس النجاة بساحك
باسطا" كف الرجاء
مولاي أستسقي المطر
........
احبك همك
حب الفقير لخبزه
احبك همك
حب الطيور ربيعها
احبك همك
حب الطريد لمأمن
احبك همك
حب الزهور عبيرها
......
أه لحبك سيدتى
هوت القلوب أميرتها
وسارت اليك بظلمة
يهدي السهيل سبيلها
وامسح براح العطف
جرح يتمي وجفائي
هاك فؤادي أعياه الجوى
والعشق دوائي
ما رمق بطرف الصفح
مجنون الهوى
واسمع انين الروح عند اعتاب السماء
تقبلى مرورى ابو الياس

[أنين الروح]

جراح عاشق يسلموا كتيييييييييييييير كتير
على اللي كاتبه بجد لماقرأتها ارتحت وامبسطت
يسلموا بجد لمرورك الموضوع سعتد به كتير كتير
تحياتي الك.

[جراح عاشق]

شكرا الك انين الروح بجد كنت خايف انى اكون لغبطت بالحكى او طلع منى كلام مو منيح بس بعد الرد شكرا الك كثير كثير وتقبلى مرورى جراح عاشق احببتها فخانتنى لا ولن ابكى ابو الياس

[أنين الروح]

يسلموا جراح بعين الله
عادي جدا بتقبل كل المرور والمشاركات بكل سعة رحب
سعدت بمرورك الطيب والعطر.

[amier alaqsa]

مسا الخير انين
انا بدي اكتبلك شوية كلمات هيك حطيها دايما قدامك
ااانا بعد ما اجيت علي غزة وعشت فيها مشيت عليهاا مشان ارتاح لانوو القرف والزهق الي عندي بيغطوو
العالم المهم
خذي سجلي عندك
(طنش تعش تنتعش)
(ان لم تكن ذئبااا اكلتك الكلاب )
( اصرف ما في الجيب يأتيك ما في الغيب)
( يا نعيش عيشة فل يا نموت احنا الكل )
جربيهمم حينفعوكي كتيير
سلاموووو انينوووو

[أنين الروح]

أمير الأقصى يسلموا كتير لكلماتك
راح امشي عليها اكيد وراح اتبعها
للجمل هاي بكل معانيها وكل ما
بتحتويه من احاطات ومعاني
سعدت جدا امير الأقصى بمرورك الموضوع
ومشاهدتك لهمي ، تحياتي الك بجد شكرا كتير.

[زهرة الثلج]

شوفي والله العظيم قد ما انتي شايفة غزة وضعها تعبان كتيررر وما بينعاش فيها

لسا ف دول تانية حالها اصعب من حال غزة وعاييشة

الي بدو يعيش بيعيش

ف دولة الشمس كل ست شهور بتتطلع عليهم مرة بالله هاي عيشة

احمدي ربك ع النعمة الي انتي فيها
غغيرك ما بيسمع انتي بتسمعش
ف ناس ما بتشوف وانتي الحمد لله بتشوفي
غيرك مقعد والكل بينفر فيه لما يطلب مساعدة من حد وانتي ماشية ع رجليك
غيرك حاسس انو عبئ علي غيروا لما يطلب كاسة مي وانتا قادرة تجيبي لحالك كاسة مي

اطلعي لغيرك بتعرفي انك لسا بخيررررررررر

يسلموا انين

[أنين الروح]

زهرة الثلج الله يسلمك انا بعرف كل هاي القصص
يبدوا انك ما فمتي انا عن شو بقصد
انا ماقصدت الصحة الحمد لله انا شاكراها والحمد لله ليل ونهار عليها
للصحة انا قصدي شي تاني ، بعدين الحمد لله على كل شي يا زهرة وعلىالعموم
يسلموا حبيبتي على المرور تحياتي الك.

[abdsabbah]

الحياة حلوة بس نفهمها

[أنين الروح]

أكيد حلوة يا عبد الصباح
يسلموا لمرورك العطر تحياتي الك.

[كفورية بحدود]

احيانا ياانين لازم نتوجع عشان نتعلم


والدليل لسعة الافعى
يعني انتي مابتصير عندك مناعة من سمها الا بعد ماتتلسعي منها


اما بالنسبة للناس
فما تنتظري حد يعملك خير

وبالنسبة لهالبلد
الايام دوراة ومستحيل تكوني انتي مبارح متل اليوم ولا اليوم متل مبارخ

ولا شو رايك




انا ماراح احكي اكتر لانو انا اساسا حالتي النفسية زقت ومش متحملة كلمة وحدة


ان شاء الله هالبلد كلها تنتسف يارب

[وردة فلسطين]

(طنش تعش تنتعش)
(ان لم تكن ذئبااا اكلتك الكلاب )
( اصرف ما في الجيب يأتيك ما في الغيب)
( يا نعيش عيشة فل يا نموت احنا الكل )
جربيهمم حينفعوكي كتيير

كلام امير مزبوط 100%

وانا بحكيلك ما في حد بالدنيا كلها يستاهل انك تزعلي عليه او منو او بسببو

حاولي تفكري بحالك وسعادتك وما تهتمي لاي شي بالدنيا

لانك ادا حطيتي الهم والحزن قدام عنيكي هتشوفي كل شي حلو بشع بالدنيا

يلا اتعلمي مني انا الي ما بهمني حد هههههه

حاولي تضلك تضحكي دايما