اهي سياسة تجهيل ام ماذا؟؟؟؟

[MORTALS_BUILD]

بسم الله الرحمن الرحيم
السلام عليكم ورحمة الله وبركاته

بينما نحن مشغولون في الحوار ما بيننا في المنتدى في مواضيع دات اهمية او ما دون ذلك..
اردت ان اطرح موضوعا للنقاش البناء في ما بين الاعضاء ,,وهذا الموضوع يكمن في ما قامت به
الوكالة لتشغيل اللاجئين الفلسطينيين على مدار عامان قد سبقت.....

-وانا اظن ان معضمنا يعلم بما قامت به الوكالة من التقليل من اهمية المواد الدراسية التي تزود الطلاب
بالمعارف الهامة عن وطننا السليب وهذه المواد تتمثل في (التاريخ+الوطنية+الجغرافيا) على اعتبار انها مواد دراسية غير اساسية ...
لدى قامت الوكالة وبرئاسة مدير عملياتها (جون جنغ) بتقليص عدد الحصص التي يتم من خلالها تدريس تلك المواد التي هي احوج ما يكون الطلاب اليها لتنمية الوعي الوطني والتاريخي عن الوطن المحتل لديهم...
حيث جعلوا لكل مادة حصة واحدة فقط في الاسبوع, وذلك بدعوى ان هناك مواد تحتاج الى حصص دراسية اضافية وبحجج اخرى واهية ,بينما كان بامكانه ان يستغل حصص الرياضة والفنية التي ابقاها على حالها ...بالاضافة الى اعتماد امتحان واحد فقط يتم من خلالة تقويم مستوى اداء الطالب وعدم اعتماد الامتحانات الشهرية التي تجعل الطالب على متابعة مستمرة مع المنهاج بدون انقطاع او اهمال وهذا ما حدث لدى الطلبة من قولهم(خلاص مهو فش الا امتحان واحد , وما في عقاب بدني يعني الاستاذ مش رح يرفع ايدو علينا ,,خلاص ما بدنا نقرا ووووووو........)
اما عندما سئل مدير عمليات الوكالة عما يفعله ,,,فقال لسائليه انه لا يصدر اي تغيير الا من خلال تشاوره
مع هيئة مختصة من اساتدة الجامعة الاسلامية وبموافقتهم (((والله اعلم)))
وهنا يأتي السؤال الملح ...
أهي سياسة تجهيل ام سياسة ماذا؟

انا برأيي انها سياسة تجهيل واضحة ومؤامرة لطمس الهوية الفلسطينية والاتجاه نحو طريق تجهيل الشعب الفلسطيني حتى يبقى قابع تحت المذلة وفي دوام الحاجة لخدمات تلك الوكالة , ولارضاء اليهود....

ولكن موضوعي هذا لا يمنع من ان نعترف بأن للوكالة خدمات قدمتها وما زالت تقدمها للاجئين ,
ولكن في نفس الوقت لا يجب ان نتجاهل ما تفعله حديثا وهو الشيء الدي لم نعهده منها فيما سبق....

فما رأيكم انتم ..
هل ماتقوم به الوكالة هو سياسة تجهيل وتركيع أم سياسة خدماتية للاجئين ؟؟؟؟؟

اتفضلو واعطونا رأيكم,,,,,,

تحياتي ....
MORTALS_BUILD

[صفاء]

هل ماتقوم به الوكالة هو سياسة تجهيل وتركيع أم سياسة خدماتية للاجئين ؟؟؟؟؟



اول شي موضوعك رائع ومن زمااااان لازم يكون محل للنقاش

تاني شي بحب احكيلك من يوم ما تغير المنهج ومن اول الانتفاضة ( مع بعض بدات الانتفاضة وبداو بتغيير المناهج )

وانا كنت ماشية مع المنهج الجديد ضعف التعليم بشكل واضح جدا جدا

وانا ابوية مدرس للمواد اللي حكيتها المواد الاجتماعية وهي ( التاريخ والجغرافيا والتربية الوطنية والتربية المدنية )

ونظام تقليل الحصص واضح شو الهدف من وراه وهو تجهيل الطالب بتاريخه وحياته

وحتى ما يتفتح عقل الطالب من ورا هاي المواد لانه التاريخ طبعا بيحكي عن تاريخنا ويروح الطالب يتشجع عالمقاومة ويقلد بعض الشخصيات التاريخية


واي معلومة بتهم بلدنا موجودة في هاي المواد

فحصة واحدة ما بتكفي للمدرس شرح المادة بشكل مفصل

وهي سياسة متعمدة مخطط لها لتجهيل ابناء فلسطين وهما بيحكوا انها مواد مش اساسية لكن لا بالعكس هي

اساسية وضرورية بالنسبة النا كالشعب الفلسطيني اكتر من اي شعب اخر وهي مهمة اكتر من مواد تانية ما الها لزوم

وصارت علامتها محسوبة زي الرسم

بس هما متعمدين وكل شي بيعملوه مخطط اله وكله بيعود بالسلب علينا


مشكور مورتالز عالطرح المميز

[القيصر]

موضوع رائع للمناشقة واثارة دافعيتي للكلام

هلقيت كلنا يعلم مستوي طلابنا المتدني اما بسبب الظروف التي نحياها أو بسبب ظروف اخري

ووكالة الغوث صحيح انها بتقدم تعليم مجاني لجميع الطلاب الاجئين بس لا ننسي أن وكالة الغوث تعمل في غزة وفي فلسطين منذ عشرات السنين وسياستها واضخة منذ أن بدأت في مشروعها في فلسطين أنها تبتعد عن تدريس ما هي فلسطين للطلاب واضرب مثلا هنا انا علي ايامي كان منهج مصري والكل مثلي كان عنا استاز الله يسهل عليه بدسنا تاريخ كان يعطينا بقلنا مقولة لحتي هذه اللحظة احفظها المنهج المصري ما بفيد بشي بس هو مجرد أنك اتقدم امتحان وتنحج أما اذا بدك تنحج في حياتك اليومية وتعلم تاريخ بلدك ادرس المنهج الفلسطيني الي كان يعطينا ياه صحة كل اسبوع كل شي عن فلسطن
أكرر أن ساسة ووكالة الغوث تعمل علي بعد الطالب عن الحياة السياسة وهدا كان غير واضح في المنهج المصري لانو لم يوجد اي كتاب عن فلسطين يدرس لطلاب في ذالك الوقت
ولكن بعد ان تم الاتفاق بين جميع الاطراف غزة والضفة علي ضرورة تغير المنهج وتوحيده هنا بدأت سياسة وكالة الغوث في الظهور واصحبت تشدد علي موضوع انو يبتعدوا عن تاريخ فلسطين
ولكن المعلمون والحمد الله الخير فيهم كثير فهم مسؤولون عن تدريس طلابنا تاريخ بلدهم وتاريخ فلسطين

ولكن ما في ايدنا شي نعملو لانو ما فينا انقول لوكالة الغوث بدناش خدماتك وما فينا نحتج لانو هي عبارة عن جهة مستقلة ليس للدولة اي حق عليها

يعني بنضل المهة الاساسية علي المعلم وهنا ياتي دور وزارة التربية والتعليم فتقريبا في شهر 3 عملت ورشة عمل اسمرت لمدة اسبوع في كيفيت توصيل التاريخ الفلسطيني الي عقول التلاميد بطريقة سهلة
وبتمني هيك ورشات عمل تستمر

يسلمووو علي طرح موضوعك الرائع
بس هي سياسة وليس تجهيل لانو في السياسة ما في حد بعطي شي بدون مقايل

[MORTALS_BUILD]

بوجه شكري لاخي القيصر وصفاء لانو بصراحة مشاركاتهم صادرة عن شعور حقيقي بحجم تلك القضية اللي بيواجهوها الطلبة في مدارس الوكالة..

انا من زمان كنت بدي اطرح متل هيك موضوع بيتداخل في واقع حياتنا كفلسطينيين وبيعود علينا بالمعرفة وخصوصا انو احنا واقعين تحت احتلال بغيض....
ومن هنا انا بوجه دعوة لجميع الاعضاء في المنتدى انهم يحاولو قدر المستطاع يجعلو من هذا المنتدى منبرا لطرح القضايا اللي بتخص المجتمع الفلسطيني بشرائحه المختلفة في الدرجة الاولى ولا ننسى طبعا القضايا التي تتعلق بنا كطلاب جامعة واحدة.......

مورتالز....

[زهرة الثلج]

هل ماتقوم به الوكالة هو سياسة تجهيل وتركيع أم سياسة خدماتية للاجئين ؟؟؟؟؟



من يوم ما صار جون المسئول عن الوكالة والكل يحكي عنو من الصغير للكبير
اجي جون وراح جون
بس بالنسبة لتقليل حصص المواد الاجتماعية هاي سياسة تجهيل
بتكون بتدرس ف طالب بيشرح الو درس درسين تلاتة
بيحكي الك خلص بس هاد الي ادخدناه
من كل الكتاب بس وحدة بيكون ماخدين وببحدت عن شي لا يمت للتاريخ الفلسطيني بصلة
والواحدات المتعلقة بفلسطين مهمشة

والمشكلة الاكبر انو احنا كاهالي ساكتين علي هيك وضع
بنفكر انو هاد ف مصلحتة طلابنا لما ما ياخدوا دروس كتير
انو رح يحفظ هالدروس وخلص لانو حيحس المادة مش كبيرة

طلعت نتائد تعليم جون والنتائج ما بتسر
كتير العلامات متدنية
وف نسبة عالية من الرسوب والاكمال


مشكور مورتالز

[MORTALS_BUILD]

thanks ZAHRA for your reply...

[M_H_F]

مشكوووووووووووور كتير على هالموضوع والتنويه الحلو والمهم

أنا براي إنها سياية تجهيل للشعب الفلسطيني والتقليل من معرفة تاريخ فلسطين
وهما بيحاولوا إنهم يطمسوا الحقيقة

هما ما قدروا إلنا ونحنا كبار فقررةا إنهم يبدأوا بسياية التجهيل عند الأطفال لحتى ما يقتنعوا وهما كبار

على العموم بيصير خير


مشكور كتير أخي


تحياتي إلك

[MORTALS_BUILD]

مشكور m_h_f عالمشاركة...

بنتمنى انو يكون هناك رجل يستطيع ايقاف المؤامرات التي تحاك خيوطها بعقول صهيونية
وتنفذ بأيدي أجنبية وذلك للحفاظ على أطفالنا الصغار الذين هم اهم دعامة مستقبلية للارض الفلسطينية...

[ريـــ الحلا ـــم]

مشكور كتير الموضوع حلو ومفيد

[MORTALS_BUILD]

مشكورة ريم عالمداخلة.....

[sugerkakrot]

مع هيئة مختصة من اساتدة الجامعة الاسلامية وبموافقتهم (((والله اعلم)))


مصييييييييبة اذا كان هذا صدق
قادة الامة الاسلامية هما يوافقوا على هيك
مشكووووووور على التبيه للموضوع
ويعطيك الف عافية

[ابتسامة]

التعليم عندنا خربااااااااااااان
قد ما بنحكي انو وطنا رغم الحصار والاحتلال من اكتر المناطق اللي منتشر فيها التعليم
الا انو تعليم مش التعليم المطلوب لكل فئات المجتمع

يعني انا بأيد حق كل طالب بالتعليم
لكن مو اي طالب ؟؟؟.......بس الطالب اللي بدو يتعلم
مش طالب راسب اكم من سنة وناجح شحط وما بدو التعليم......بيدخل جامعة وبخرب الدنيا

بعدين سياسة الوكاله الجديدة في المناهج الجديدة بتعتمد اعتماد كامل على الطالب ....... عشان الطالب يبحث ويدور ويشغل مخووووو مش يلاقي كل اشي موجود عندو

وطبعا طلابنا ما بدهم هيك ..... بدهم يلاقو كل شي موجوووووود وهما يحفظو


يسلموووووووو على الموضووووووووع

[MORTALS_BUILD]

مشكورة ابتسامة عالمشاركة..........

[سمر]

أخي MORTALS_BUILD/
مشكور ع التنبيه القيم

مابعرف حكاية غريبة واللى زادها غرابة قصة دكاترة الجامعة الاسلامية
ظني أنهم لايغفلون عن حيلة غبية كهذه
برأيي القصة مؤامرة فى خضم ءالاف المؤامرات التى تحاك ضد الاسلام عامة وفلسطين خاصة
هدفها تجهيل
طمس
تغييب
لتاريخنا
خاصة احنا مادرسنا تاريخ فلسطين ولما انخبطت الوزارة وحطته بالمنهاج الجديد لجأوا لهيك قصة
مساعدات الوكاة للفلسطينيين لا ينكرها أى منا
ولكن
أميركا تدعمنا بالملايين
وتدمرنا بالصواريخ


تحيتي

[MORTALS_BUILD]

مشكورة سمر عالمشاركة...
الله يفرجها...